Preparatning savdo nomi
Kanefron N

Dori shakli
Ichga qabul qilish uchun tomchilar

Tarkibi

1 ml (0,976 g ga mos keladi) preparat quyidagilarni saqlaydi
Faol komponent
Tillabosh o‘ti, dorivor lyubistok ildizi, rozmarin barglaridan iborat suyuq dorivor o‘simliklarning (156) aralashmasi ekstrakti (111) – 976 mg.
Ekstragent etanol 59 % (x/x), tozalangan suv
Yordamchi moddalar mavjud emas
etanol miqdori 16,0-19,5% (x/x).

Ta'rifi tiniq yoki biroz xira, sarg‘ish-jigarrang rangli, o‘ziga xos hidli suyuqlik. Saqlaganda biroz xiralashishi yoki cho‘kma tushishi mumkin.


Farmakoterapevtik guruhi
Urologik kasalliklarni davolash uchun boshqa preparatlar.
ATX kodi G04BX


Farmakologik xususiyatlari


Farmakodinamika

O‘simliklardan olingan majmuaviy preparat, siydik haydovchi, spazmolitik, yallig‘lanishga qarshi, mikroblarga qarshi ta'sir ko‘rsatadi. Ko‘p sonli klinik tadqiqotlar Kanefron N quyi siydik chiqarish yo‘llarining yallig‘lanish kasalliklari simptomlarini tez yengillashishiga, siydikni patologik kristallizatsiyasini bostirilishiga olib kelishini namoyish qilgan. Klinik tadqiqotlarda namoyish qilingan samaralar preparatning yallig‘lanishga qarshi, spazmolitik, og‘riq qoldiruvchi va antibakterial ta'siridan dalolat beradi. Klinik samaradorlik haqidagi ma'lumotlar klinik oldi tadqiqotlari natijalari bilan to‘ldiriladi va tasdiqlanadi.
Antioksidant xususiyatlardan tashqari Kanefron N in vitro sharoitda prostaglandinlar va sitokinlar kontsentratsiyasini pasayishi va 5-lipoksigenaza fermentini ingibitsiya qilinishi ko‘rinishida yallig‘lanishga qarshi ta'sir namoyish qilgan. Preparatning yallig‘lanishga qarshi ta'siri shuningdek in vivo sharoitda kalamushlarda ham namoyish qilingan.
In vitro sharoitda odam va kalamushlar qovuq fragmentlarini qo‘llab spazmolitik samara namoyish qilgan.
Kanefron N in vivo sharoitda kalamushlarda eksperimental sistit modelida siyish tez-tezligi va qovuq xajmi kabi urodinamik ko‘rsatkichlarni normallashishini ta'minlagan va bundan tashqari juda past dozalarda antinotsitseptiv samara namoyish qilgan.
In vitro sharoitda Kanefron N uropatogen bakteriyalarga nisbatan antiadgeziv samara namoyish qilgan.
Bundan tashqari, preparatning alohida komponentlari antibakterial ta'sirga ega va antibakterial ta'sirni tutib turuvchi diuretik samara namoyish qiladi, chunki siydik chiqarish yo‘llaridan bakteriyalarni yuvib chiqarilishi kuzatiladi.
Kanefron N preparatining siydik haydovchi va nefroprotektiv ta'siri in vivo sharoitda buyrak yetishmovchiligi modelida namoyish qilingan.


Farmakokinetikasi

Surunkali toksiklik bo‘yicha tadqiqot doirasida o‘tkazilgan toksikokinetika tadqiqotlari natijalari bo‘yicha farmakokinetik xususiyatlari haqida xulosa qilish mumkin. Preparatning har bir dori komponenti uchun plazmada marker (12-O-metilkarnoz kislotasi, z-ligustilid va sverozid) kontsentratsiyasi aniqlangan. 350 mg/kg dozada kalamushlarda 699 ng/ml gacha Cmax ko‘rsatkichlari va so‘ngi marta o‘lchangan 7706 ng/ml*soat AUC0-last ko‘rsatkichlariga erishilgan. O‘rtacha tmax sverozid va ligustilid uchun 1 soatni va 12-O-metilkarnoz kislotasi uchun 2 soatni tashkil qilgan.
250 mg/kg dozada kalamushlarda 577 ng/ml gacha Cmax ko‘rsatkichlari va so‘ngi marta o‘lchangan 3622 ng/ml*soat AUC0-last ko‘rsatkichlariga erishilgan. O‘rtacha tmax 1,67 va 6,67 soatni tashkil qilgan. Ushbu natijalar plazmada markerlarning ahamiyatli va dozaga bog‘liq kontsentratsiyalarni mavjudligini tasdiqlaydi. Bundan tashqari to‘planishi kuzatilmaydi.
Odamlarda farmakokinetikasi bo‘yicha ma'lumotlar mavjud emas. Hayvonlarda tekshirilgan dozalar odam uchun dozalardan 9 va 22 marta yuqori bo‘lgan va shu orqali tavsiya etilgan sutkalik dozalardan ahamiyatli ravishda yuqori bo‘lgan. Shuning uchun odamlarda dozalash uchun relevantlik dalillari mavjud emas.


Qo‘llanilishi

Dori vositasi qovuqning o‘tkir va surunkali infektsiyalarini (tsistitni) standart va majmuaviy davolashda qo‘llanadi.
Preparat piyelonefrit, glomerulonefrit, interstitsial nefritn majmuaviy davolashda qo‘llanadi; siydik toshlarini hosil bo‘lishini oldini olish sifatida (shuningdek siydik toshlarini olib tashlagandan keyin ham) qo‘llanadi.


Qo‘llash usuli va dozalari

Dozasi
Patsiyentlar
Bir martalik doza
Kunlik doza
Kattalar va 12 yoshdan oshgan o‘smirlar 50 tomchi 150 tomchi
6-11 yoshdagi bolalar 25 tomchi 75 tomchi
1 - 5 yoshdagi bolalar 15 tomchi 45 tomchi

Qo‘llash usuli
Kanefron N preparati ichga qabul qilinadi.
Kanefron N preparatining bir martalik dozasi kuniga 3 marta (ertalab, kunduzi va kechqurun) qabul qilinadi.
Zarur doza dozalovchi tomchilagich moslamali flakon yordamida o‘lchanadi.
Flakon qo‘llanilganda uni vertikal holatda tuting.
Qo‘llashdan oldin chayqating.
Zarurati bo‘lganida, masalan bolalar uchun achchiq ta'mni yumshatish uchun preparatni oz miqdordagi suv bilan qabul qilish mumkin.
Yaxshi o‘zlashtiraolinishi tufayli, preparat uzoq vaqt davolash uchun davolash uchun ko‘rsatilgan.
Suyuqlikni ko‘p miqdorda iste'mol qilish zarur.

Nojo‘ya ta'sirlari
Me'da-ichak yo‘llari tomonidan buzilishlar (ko‘ngil aynishi, qusish, diareya kabi) tez-tez yuzaga keladi.
Allergik reaktsiyalar paydo bo‘lishi mumkin. Yuzaga kelish tez-tezligi noma'lum.
Allergik reaktsiyalarni birinchi marta paydo bo‘lishlarida yoki biron-bir boshqa nojo‘ya ta'sirlarda preparatni qabul qilishni to‘xtating va darhol shifokor bilan maslahatlashing.


Qo‘llash mumkin bo‘lmagan holatlar

- Preparatning komponentlaridan birontasiga, soyabongullilar oilasiga mansub boshqa o‘simliklar (masalan anis, arpabodiyon), anetol (ya'ni efir moylari komponentlari)ga yuqori sezuvchanlik;
- O‘tkir davrdagi me'da va o‘n ikki barmoq ichak yarasi;
- 1 yoshgacha bo‘lgan bolalar.
- Kanefron N preparatini yurak yoki buyrak yetishmovchiligi chaqirgan shishda va/yoki suyuqlikni iste'mol qilishni cheklash shifokor tomonidan tavsiya etilganda qabul qilish mumkin emas.

Dorilarning o‘zaro ta'siri
Antibakterial dori vositalari bilan majmuada qo‘llash mumkin va maqsadga muvofiq.
Hozirgi vaqtda boshqa dori vositalari bilan o‘zaro ta'siri haqida ma'lumotlar yo‘q.


Maxsus ko‘rsatmalar

Agar preparatni qabul qilish vaqtida tana haroratini oshishi, qorinni pastki qismida og‘riq, spazmlar, siydikda qonni mavjudligi, siyiishni buzilishi yoki siydikni o‘tkir tutilishi kabi shikoyatlar yuzaga kelsa, darhol shifokor bilan maslahatlashish kerak.
Preparat 16 – 19,5 % (x/x) alkogol (etanol) , ya'ni kattalar uchun bir martalik dozada (50 tomchi) 500 mg gacha saqlaydi, bu 13 ml pivo yoki 5 ml vinoga va 1 yoshdan oshgan bolalar uchun bir martalik dozada (15 tomchi) 150 mg gacha saqlaydi, bu 4 ml pivo yoki 2 ml vinoga mos keladi. Etanol mavjudligi tufayli, alkogolizmda, shuningdek alkogolga qaramlikni davolagandan keyin preparatni buyurish tavsiya etilmaydi. Homilador yoki emizikli ayollar, bolalar va jigar kasalliklari yoki tutqanoq bo‘lgan patsiyentlar kabi yuqori xavf guruhida preparat etanol saqlashini e'tiborga olish kerak.
Kanefron N preparatini saqlash jarayonida biroz xiralashish yoki ahamiyatsiz cho‘kma tushishi kuzatilishi mumkin, bu preparatning samaradorligiga ta'sir ko‘rsatmaydi.
Dori vositasi avtomobil yoki mexanizmlarni boshqarish qobiliyatiga ta'sir qilmaydi.
homiladorlik va laktatsiya davrida qo‘llanishi
Kanefron N preparatini homiladorlik va emizish davrida faqat shifokor ko‘rsatmasi bo‘yicha va xavf-foyda nisbatini sinchkovlik bilan baholagandan keyin, qo‘llanilishiga doir yo‘riqnomaga qat'iy rioya qilganda qo‘llash mumkin.


Dozani oshirib yuborilishi

Hozirgi vaqtda dozani oshirib yuborilishi haqida ma'lumotlar yo‘q.
Davolash simptomatik.


Chiqarilish shakli

Ichga qabul qilish tomchilar.
100 ml dan dozalovchi tomchigichli moslama va birinchi ochish nazoratli buraladigan qopqoqchali to‘q rangli shisha flakonlarda. Flakonga o‘zi yopishadigan etiketka yopishtiriladi. Bitta flakondan tibbiyotda qo‘llanilishiga doir yo‘riqnomasi bilan karton qutiga joylanadi.


Saqlash sharoiti

Original o‘ramida, 25°C dan yuqori bo‘lmagan haroratda saqlansin.
Bolalar ololmaydigan joyda saqlansin!


Yaroqlilik muddati

2 yil.
Flakon ochilgandan keyin yaroqlilik muddati 6 oygacha.

Yaroqlilik muddati
o‘tgach qo‘llanilmasin.


Dorixonalardan berish tartibi

Shifokor retseptisiz.