Eszol tab. 100mg №10

Preparatning savdo nomi

Eszol ®
Ta'sir etuvchi modda (XPN) itrakonazol

Dori shakli

qobiq bilan qoplangan tabletkalar.

Tarkibi

Qobiq bilan qoplangan har bir tabletka quyidagilarni saqlaydi
faol moddalar 100 mg itrakonazol;
yordamchi moddalar qandli pelletlar, gidroksipropilmetiltsellyuloza, laktoza monogidrati, mikrokristall sellyuloza, natriy kroskarmellozasi, K30 povidon, quyi almashingan gidroksipropiltsellyuloza, natriy kraxmalglikolyati (A tipi), suvsiz kolloid kremniy dioksidi, magniy stearati, pushti Opadry II 85G54039 qobig‘i.
Ta'rifi pushti rangli plyonka qobiq bilan qoplangan, har bir tabletkaning bir tomonida «ITR 100» o‘yma yozuvi bo‘lgan, kapsulasimon shakldagi tabletkalar.

Farmakoterapevtik guruhi

tizimli qo‘llash uchun zamburug‘larga qarshi preparatlar.
ATX kodi J02AC02.

Farmakologik xususiyatlari

Farmokodinamikasi
Itrakonazol – keng ta'sir diorasiga ega bo‘lgan triazol qatori preparati hisoblanadi.
In vitro sharoitdagi tadqiqotlarda itrakonazol zamburug‘lar hujayralarida ergosterol sintezini izdan chiqarishi namoyish etilgan. Ergosterol zamburug‘lar hujayra membranasining hayotiy muhim komponenti bo‘lib hisoblanadi. Shu sababli bu moddani ishlab chiqarilishini buzilishi zamburug‘larga qarshi ta'sirga olib keladi.
Itrakonazol uchun sezuvchanlikning nazorat nuqtalari faqat yuzaki mikozlarda ajratib olingan Candida zamburug‘lari shtammlari uchun aniqlangan (CLSI M27-A2 usuli bo‘yicha, EUCAST mezonlari bo‘yicha baholash o‘tkazilmagan). Undan keyin CLSI mezonlari bo‘yicha mikroorganizmlar sezgirligining nazorat nuqtalari belgilangan sezgir ≤ 0,125; sezuvchan, sezgirlik 0,25–0,5 dozaga bog‘liq va rezistentligi ≥ 1 mkg/ml bo‘ladi. Mitselial zamburug‘lar uchun interpretatsiya qilinadigan nazorat nuqtalari aniqlanmagan.
In vitro sharoitdagi tadqiqotlarda itrakonazol odatda ≤ 1 mkg/ml kontsentratsiyalarda odam uchun patogen bo‘lgan keng doiradagi zamburug‘larning o‘sishini ingibitsiya qilishi namoyish etilgan. Ular orasida dermatofitlar (Trichophyton spp., Microsporum spp., Epidermophyton floccosum); achitqilar (Candida spp., shu jumladan C. albicans, C. tropicalis, C. parapsilosis va C. krusei, Cryptococcus neoformans, Malassezia spp., Trichosporon spp., Geotrichum spp); Aspergillus spp.; Histoplasma spp., shu jumladan H. capsulatum; Paracoccidioides brasiliensis; Sporothrix schenckii; Fonsecaea spp.; Cladosporium spp.; Blastomyces dermatitidis; Coccidiodes immitis; Pseudallescheria boydii; Penicillium marneffei; va achitqi hamda zamburug‘larning boshqa turlari bor.
Candida krusei, Candida glabrata va Candida tropicalis odatda turli Candida shtammlaridan itrakonazolga nisbatan eng kam sezgirlik bilan tavsiflanadi, ularning ayrim izolyatlari in vitro sharoitlarida itrakonazolga nisbatan turli darajadagi rezistentlikni namoyon qiladi.
Itrakonazol bilan ingibitsiya qilinmaydigan zamburug‘larning asosiy turlariga zigomitsetlarni (masalan, Rhizopus spp., Rhizomucor spp., Mucor spp. va Absidia spp.), Fusarium spp., Scedosporium proliferans va Scopulariopsis spp. ni kiritish mumkin.
Azol qatori zamburug‘larga qarshi preparatlarga rezistentlik sekin rivojlanadi, ko‘pincha bir nechta genetik mutatsiyalar oqibati bo‘lib hisoblanadi. Rivojlanishning aniqlangan mexanizmlari preparatni nishonga o‘xshashligini pasaytirishga va/yoki tarqatuvchining yuqori darajada haddan ortiq sinteziga olib keladigan 14α-demetilaza maqsadli fermentini kodlovchi ERG11 genini haddan ortiq sintezini, ERG11 genining nuqtali mutatsiyalarini ichiga oladi, bu esa efflyuksning oshishiga olib keladi. Candida spp. uchun, garchi sinfning bitta vakiliga rezistentlikning mavjudligi boshqa preparatlarga rezistentlikni bildirmasa ham, azol qatori preparatlari ayrim vakillari orasida kesishgan rezistentlik aniqlangan. Itrakonazolga rezistent bo‘lgan Aspergillus fumigatus shtammlari haqida xabar berilgan.

Farmakokinetikasi

Itrakonazolning plazmadagi maksimal kontsentratsiyasiga peroral qabul qilinganidan keyin 2–5 soat davomida erishiladi. Proportsional bo‘lmagan farmakokinetikasi oqibatida itrakonazol ko‘p marta qabul qilinganida qon plazmasida to‘planib boradi. Itrakonazolning muvozanat kontsentratsiyasiga, odatda, taxminan 15 kun davomida erishiladi, bunda itrakonazolning maksimal kontsentratsiyasi (Cmax) ko‘rsatkichlari kuniga 1 marta 100 mg, kuniga 1 marta 200 mg va kuniga 2 marta 200 mg dan qabul qilinganda muvofiq ravishda 0,5 mkg/ml, 1,1 mkg/ml va 2,0 mkg/ml ga teng bo‘ladi. Yarim chiqarilishining yakuniy davri odatda bir marta qabul qilinganida 16–28 soatni, ko‘p marta qabul qilinganida 34–42 soatni tashkil etadi. Qon plazmasida itrakonazol kontsentratsiyasi davolash to‘xtatilganidan keyin buyurilgan dozaga va davolash davomiyligiga bog‘liq ravishda 7–14 kun davomida deyarli aniqlanmaydigan ko‘rsatkichgacha pasayadi. Itrakonazolning umumiy klirensi vena ichiga yuborilganidan keyin minutiga 278 ml ni tashkil etadi. Itrakonazol klirensi uning jigarda metabolizmga uchrashi yo‘llari to‘yinishi munosabati bilan ancha yuqori dozalarda kamayadi.
So‘rilishi
Itrakonazol ichga qabul qilinganidan keyin tez so‘riladi. Qon plazmasida o‘zgarmagan itrakonazolning maksimal kontsentratsiyasiga ichga qabul qilinganidan keyin 2–5 soat davomida erishiladi. Itrakonazolning mutloq biokiraolishligi preparat qabul qilinganida taxminan 55% ni tashkil etadi. Tabletkalar peroral yuborilganida biokiraolishligining maksimal darajasiga to‘yib ovqatlangandan keyin erishiladi.
Eszol® preparatining so‘rilishi me'da shirasining kislotaliligi, masalan, me'dada xlorid kislotasi sekretsiyasini susaytiruvchi preparatlarni (H2-gistamin retseptorlari antagonistlari, proton pompasi ingibitorlari kabi preparatlarni) qabul qilish fonida pasaygan patsiyentlarda yoki turli kasalliklar fonida axlorgidriyali patsiyentlarda past bo‘ladi («

Maxsus ko‘rsatmalar

» bo‘limiga qarang). Bunday patsiyentlarda Eszol® tabletkalari preparatini nordon ichimliklar (noparhez kola kabi) bilan bir vaqtda qabul qilinganida och qoringa itrakonazolning so‘rilishi oshadi. H2-gistamin retseptorlari antagonisti bo‘lgan ranitidinni dastlab qabul qilinganidan keyin Eszol® tabletkalari preparati 200 mg dozada bir marta och qoringa noparhez kola bilan bir vaqtda qabul qilinganida itrakonazolning so‘rilishi faqat Eszol® tabletkalari preparatining o‘zi qabul qilinganida uning so‘rilishi bilan bir xil darjada bo‘lgan («

Maxsus ko‘rsatmalar

» bo‘limiga qarang).
Itrakonazol tabletkalar ko‘rinishida qabul qilinganida itrakonazolning ekspozitsiyasi aynan shu dozani ichga qabul qilish uchun eritma ko‘rinishida qabul qilinganidagi itrakonazolning ekspozitsiyasiga nisbatan past bo‘lgan («

Maxsus ko‘rsatmalar

» bo‘limiga qarang).
Taqsimlanishi
Plazmada itrakonazolning katta qismi oqsillar bilan (99,8%), asosan albumin bilan (gidroksiitrakonazol uchun 99,6%) bog‘lanadi. Shuningdek itrakonazolni lipidlarga yaqinligi qayd etilgan. Plazmada itrakonazolning faqat 0,2% bog‘lanmagan ko‘rinishda bo‘ladi. Taxminiy taqsimlanish hajmi > 700 l, bu uning to‘qimalarda sezilarli ravishda keng tarqalganidan dalolat beradi qon plazmasidagi tegishli kontsentratsiyalariga qaraganda o‘pka, buyraklar, jigar, suyaklar, me'da, taloq va mushaklardagi kontsentratsiyalari ikki–uch marta yuqori bo‘ladi, bunda keratinni saqlaydigan to‘qimalarda, ayniqsa terida preparatning kontsentratsiyasi qon plazmasidagi kontsentratsiyasidan taxminan 4 marta yuqori bo‘ladi. Orqa miya suyuqligidagi kontsentratsiyasi qon plazmasidagiga nisbatan sezilarli darajada past bo‘ladi, ammo shunga qaramay, orqa miya suyuqlikda mavjud bo‘lgan infektsiyalarning qo‘zg‘atuvchilariga qarshi itrakonazolning samaradorligi namoyon bo‘lgan.
Metabolizmi
Itrakonazol ko‘p sonli metabolitlarni hosil qilib, jigarda jadal metabolizmga uchraydi. Itrakonazol eng avvalo SYP3A4 izofermenti ishtirokida metabolizmga uchrashi in vitro sharoitdagi tadqiqotlarda namoyish etilgan. Gidroksiitrakonazol asosiy metaboliti bo‘lib, u in vitro sharoitda itrakonazol ta'siri bilan bir xil zamburug‘larga qarshi ta'sirga ega. Plazmada mazkur metabolitning kontsentratsiyalari itrakonazolning tegishli kontsentratsiyalariga qaraganda ikki marta yuqori bo‘ladi.
Chiqarilishi
Itrakonazol ichga qabul qilish uchun eritma qabul qilinganidan keyin bir hafta davomida ko‘proq faol bo‘lmagan metabolitlari ko‘rinishida siydik bilan (35%) va axlat bilan (54%) chiqariladi. Itrakonazol va uning faol metaboliti bo‘lgan gidroksiitrakonazolning buyrak ekskretsiyasi vena ichiga yuborilgan preparat dozasidan 1% dan kamroqni tashkil etadi. Radiofaol izotop bilan nishonlangan dozani ichga yuborilishi natijalariga asoslangan holda o‘zgarmagan itrakonazolning axlat bilan chiqarilishi qabul qilingan dozadan 3% dan 18% gacha oralig‘ida o‘zgarib turadi.

Qo‘llanilishi

Itrakonazolga sezgir patogenlar chaqiradigan mikozlar vulvovaginal kandidamikoz; dermatologiya va oftalmologiyada mikoz kasalliklari dermatomikoz, kepaksimon temiratki, kelib chiqishi zamburug‘li bo‘lgan keratit, og‘iz bo‘shlig‘ining kandidozli shikastlanishi; dermatofitlar va/yoki achitqilar chaqiradigan onixomikozlar; tizimli mikozlar tizimli aspergillyozlar, kriptokokkozlar (shu jumladan kriptokokkli meningit) immun tizimi susaygan patsiyentlar va markaziy nerv tizimi kriptokokkli shikastlangan barcha patsiyentlar. Eszol® preparatidan faqat zamburug‘larga qarshi boshqa preparatlar bilan davolash samara bermagan hollardagina foydalaniladi; gistoplazmoz, sporotrixoz, parakoktsidioidoz, blastomikoz va boshqa kam uchraydigan zamburug‘li zararlanishlar, shuningdek tropik mikozda qo‘llanadi.

Qo‘llash usuli va dozalari

Eszol® ichga qabul qilinadi. Optimal so‘rilishi uchun Eszol® tabletkalarini ovqatlangandan keyin darhol qabul qilish zarur.
Tabletkalarni butunligicha yutish lozim.
Tabletkalarni chaynamasdan yutish lozim.
Kattalar uchun har bir ko‘rsatmaga muvofiq davolash sxemasi quyida taqdim etilgan
Ko‘rsatmaDozalariIzoh
Vulvovaginal kandidoz1 kun davomida kuniga ikki marta 200 mg dan
Kepaklanuvchi temiratki7 kun davomida kuniga bir marta 200 mg dan
Silliq teri dermatomikozi,
chov dermatomikozi15 kun davomida kuniga bir marta 100 mg dan yoki 7 kun davomida kuniga bir marta 200 mg dan
Oyoq kafti, qo‘l panjasining zamburug‘li kasalligi30 kun davomida kuniga bir marta 100 mg dan
Orofaringeal kandidoz15 kun davomida kuniga bir marta 100 mg danOITS ga chalingan bemorlar yoki neytropeniyali patsiyentlar uchun ularda so‘rilishning buzilishi tufayli, dozani 15 kun davomida kuniga bir marta 200 mg gacha oshiriladi
Onixomikoz
(Oyoq kafti barmoqlarining tirnoqlari qo‘ldagi tirnoqlarni qamrab olgan yoki qamrab olmagan holda)3 oy davomida kuniga bir marta 200 mg dan
Optimal klinik va mikologik samaralarga teri infektsiyalari, vulvovaginal va og‘iz-bo‘g‘iz infektsiyalarini davolash kursi yakunlanganidan keyin 1–4 hafta o‘tgach hamda tirnoq plastinalari infektsiyalarini davolash kursi yakunlanganidan keyin 6–9 oy o‘tgach erishiladi. Ushbu holat itrakonazol qon plazmasiga nisbatan teri, tirnoqlar va shilliq qavatlardan sekinroq chiqarilishi bilan izohlanadi.
Tizimli zamburug‘li infektsiyalarni davolash kursi davomiyligi klinik va mikologik samaralar bilan aniqlanishi kerak
Ko‘rsatmaDozalari1Izoh
Aspergillyozsutkada 1 marta 200 mgInvaziv yoki tarqalgan kasallik holatida dozani sutkada 2 marta
200 mg gacha oshirish
Kandidozsutkada 1 marta 100–200 mgInvaziv yoki tarqalgan kasallik holatida dozani sutkada 2 marta
200 mg gacha oshirish
Kriptokokkoz
(meningit belgilarisiz)sutkada 1 marta 200 mg
Kriptokokkli meningitsutkada 2 marta 200 mg«

Maxsus ko‘rsatmalar

» bo‘limiga qarang
Gistoplazmozsutkada 1 marta 200 mg dan
sutkada 2 marta 200 mg gacha
OITS da qo‘llab-quvvatlovchi davolashsutkada 1 marta 200 mgSo‘rilishni
nazorat qilish
Neytropeniyani
oldini olishsutkada 1 marta 200 mgSo‘rilishni
nazorat qilish
1 Davolash davomiyligiga klinik samaralarga qarab tuzatish kiritish kerak.
OITS va neytropeniyali bemorlarda so‘rilishini buzilishi qonda itrakonazolning past kontsentratsiyalariga va past samaradorlikka olib kelishi mumkin. Bunday hollarda qonda preparat darajasi monitoringini o‘tkazish va zarurat bo‘lganida dozani kuniga ikki marta 200 mg gacha oshirish tavsiya etiladi.
Patsiyentlarning alohida guruhlari
Bolalar
Eszol® tabletkalarini bolalarda qo‘llanilishiga doir klinik ma'lumotlar cheklangan. Eszol® tabletkalarini bolalarni davolash uchun qo‘llash tavsiya etilmaydi, davolashdan kutiladigan foyda potentsial xavfdan ustun bo‘lgan hollar bundan mustasno.
Keksa yoshdagi patsiyentlar
Keksa yoshdagi patsiyentlarni davolash uchun preparat dozasi tanlanganida jigar, buyrak va yurak funktsiyasini pasayishini, shuningdek yondosh kasalliklarning mavjudligi yoki boshqa dori vositalarining qabul qilinishini inobatga olish tavsiya etiladi.
Buyrak yetishmovchiligi bo‘lgan patsiyentlarda qo‘llanilishi
Buyrak yetishmovchiligi bo‘lgan patsiyentlarda itrakonazolning peroral dori shakllarini qo‘llashga oid ma'lumotlar cheklangan. Itrakonazolning ekspozitsiyasi buyrak yetishmovchiligi bo‘lgan ayrim patsiyentlarda pasaygan bo‘lishi mumkin. Preparatni patsiyentlarning mazkur toifasiga ehtiyotkorlik bilan buyurish lozim, ayrim hollarda dori preparati dozasini o‘zgartirish talab qilinishi mumkin.
Jigar yetishmovchiligi bo‘lgan patsiyentlarda qo‘llanilishi
Jigar yetishmovchiligi bo‘lgan patsiyentlarda itrakonazolning peroral dori shakllarini qo‘llashga oid ma'lumotlar cheklangan. Preparatni patsiyentlarning mazkur toifasiga ehtiyotkorlik bilan buyurish lozim.
Nojo‘ya ta'sirlari
Nojo‘ya reaktsiyalar a'zolar tizimining har biriga nisbatan uchrash tez-tezligiga bog‘liq holda quyidagi tasnifdan foydalangan holda tasniflangan juda tez-tez (≥ 1/10); tez-tez (≥ 1/100 dan < 1/10 gacha); tez-tez emas (≥ 1/1000 dan < 1/100 gacha); kam hollarda (1/10000 dan < 1/1000 gacha); juda kam hollarda (<1/10000).
Noxush reaktsiyalar
Infektsion va parazitar kasalliklar
Tez-tez emasrinit, sinusit, yuqori nafas yo‘llari infektsiyalari
Qon yaratish va limfatik tizim tomonidan buzilishlar
Kam hollardaleykopeniya
Immun tizimi tomonidan buzilishlar
Tez-tez emasyuqori sezuvchanlik*
Kam hollardazardob kasalligi, angionevrotik shish, anafilaktik reaktsiya
Moddalar almashinuvi va oziqlanish tomonidan buzilishlar
Kam hollardagipertriglitseridemiya
Nerv tizimi tomonidan buzilishlar
Tez-tezbosh og‘rig‘i
Kam hollardagipesteziya, paresteziya, disgevziya
Ko‘rish a'zolari tomonidan buzilishlar
Kam hollardako‘rishni buzilishi (shu jumladan diplopiya va ko‘rishni xiralashishi)
Eshitish a'zolari tomonidan buzilishlar va labirint buzilishlari
Kam hollardaeshitishni vaqtincha yoki doimiy yo‘qotilishi*, quloqlarda jaranglash
Yurak tomonidan buzilishlar
Kam hollardadimlangan yurak yetishmovchiligi*
Nafas tizimi, ko‘krak qafasi va ko‘ks oralig‘i a'zolari tomonidan buzilishlar
Kam hollardahansirash
Me'da-ichak yo‘llari tomonidan buzilishlar
Tez-tezqorinda og‘riq, ko‘ngil aynishi
Tez-tez emasdispepsiya, qabziyat, meteorizm, diareya, qusish
Kam hollardapankreatit
Jigar va o‘t chiqarish yo‘llari tomonidan buzilishlar
Tez-tez emasjigar funktsiyasini buzilishi
Kam hollardaog‘ir gepatotoksiklik (shu jumladan o‘lim bilan yakunlanadigan o‘tkir jigar yetishmovchiligi hollari)*, giperbilirubinemiya
Teri qoplamalari va teri osti to‘qimalari tomonidan buzilishlar
Tez-tez emastoshma, qichishish, eshakemi
Kam hollardatoksik epidermal nekroliz, Stivens-Djonson sindromi, o‘tkir tarqalgan ekzantematoz pustulyoz, ko‘p shaklli eritema, eksfoliativ dermatit, leykotsitoplastik vaskulit, alopetsiya, yorug‘likka sezuvchanlik
Buyrak va siydik chiqarish yo‘llari tomonidan buzilishlar
Kam hollardapollakiuriya
Reproduktiv tizim va sut bezlari tomonidan buzilishlar
Tez-tez emashayz siklining buzilishi
Kam hollardaerektil disfunktsiya
Umumiy xarakterdagi asoratlar va yuborish joyidagi reaktsiyalar
Kam hollardashish
Laboratoriya va instrumental tekshiruvlar natijalari
Kam hollardaQonda kreatinfosfokinazaning oshishi
*«

Maxsus ko‘rsatmalar

» bo‘limiga qarang

Qo‘llash mumkin bo‘lmagan holatlar

Itrakonazolga o‘ta yuqori sezuvchanlikda qo‘llash mumkin emas.
CYP3A4 izofermenti substratlari prepatlarini Eszol® tabletkalari bilan bir vaqtda qabul qilish mumkin emas. Itrakonazol bilan bir vaqtda qo‘llanilishi bilan bog‘liq bo‘lgan ushbu preparatlardan ayrimlarining kontsentratsiyalarini oshishi terapevtik samaralarini ham, nojo‘ya samaralarini ham shunday darajagacha kuchaytirishi yoki uzaytirishi mumkinki, bu potentsial jiddiy vaziyatga olib kelishi mumkin. Qon plazmasida ushbu preparatlardan ayrimlarining kontsentratsiyalarini oshishi QT intervalini uzayishiga va yurak qorinchalari taxiaritmiyasiga, shu jumladan «piruet» tipidagi yurak qorinchalari taxikardiyasi xurujlariga, hayot uchun potentsial xavfli aritmiyaga olib kelishi mumkin. Aniq misollar «Dorilarning o‘zaro ta'siri» bo‘limida keltirilgan.
Eszol® tabletkalari dimlangan yurak yetishmovchiligi yoki anamnezda dimlangan yurak yetishmovchiligi kabi yurak qorinchalari disfunktsiyasi bo‘lgan patsiyentlarda qo‘llash mumkin emas, hayot uchun xavf soluvchi infektsiyalar yoki boshqa og‘ir infektsiyalarni davolash bundan mustasno («

Maxsus ko‘rsatmalar

» bo‘limiga qarang).
Eszol® tabletkalarini homiladorlik davrida qo‘llash mumkin emas, hayot uchun xavf soluvchi holatlar bundan mustasno («Homiladorlik va emizish» bo‘limiga qarang).
Dorilarning o‘zaro ta'siri
Itrakonazol ko‘proq CYP3A4 izofermenti bilan metabolizmga uchraydi. Mazkur izoferment ishtirokida shuningdek metabolizmga uchraydigan yoki uning faolligini o‘zgartiradigan boshqa substantsiyalar itrakonazol farmakokinetikasiga ta'sir ko‘rsatishi mumkin. Itrakonazol mazkur izoferment ishtirokida shuningdek metabolizmga uchraydigan dori vositalari farmakokinetikasiga shunga o‘xshash tarzda ta'sir ko‘rsatishi mumkin. Itrakonazol CYP3A4 izofermenti va P-glikoproteinning kuchli ingibitorlariga taalluqlidir. Itrakonazolni boshqa dori vositalari bilan birga qo‘llanilganida preparatning metabolizmga uchrashi usulini aniqlash va uning dozasini o‘zgartirish zarurati haqidagi masalani hal qilish lozim.
Qon plazmasida itrakonazol kontsentratsiyasini pasaytirishi mumkin bo‘lgan dori preparatlari
Me'da shirasi kislotaligini pasaytiruvchi dori preparatlari (masalan, alyuminiy gidroksidi kabi antatsid vositalari yoki H2-gistamin retseptorlari antagonistlari va proton pompasi ingibitorlari kabi xlorid kislotasi sekretsiyasini susaytiruvchi vositalar) Eszol® tabletkalari preparatining so‘rilishini buzadi. Mazkur dori preparatlarini Eszol® tabletkalari preparati bilan birga ehtiyotkorlik bilan qo‘llash tavsiya etiladi.
Itrakonazolni me'da shirasi kislotaligini pasaytiruvchi dori vositalari bilan birga qo‘llanilganida nordon (noparhez kola kabi) ichimliklar bilan qabul qilish tavsiya etiladi.
Xlorid kislotasini neytrallovchi dori preparatlarini (masalan, alyuminiy gidroksidini) Eszol® tabletkalari preparati qabul qilinishidan eng kamida 1 soat oldin yoki qabul qilinganidan keyin 2 soat o‘tgach qabul qilish tavsiya etiladi.
Dori vositalari birga qo‘llanilganida itrakonazolning zamburug‘larga qarshi faolligini nazorat qilish va zarurat yuzaga kelganida preparat dozasini oshirish tavsiya etiladi.
Itrakonazolni CYP3A4 izofermentining kuchli induktorlari bilan birga qo‘llanilishi itrakonazol va gidroksiitrakonazolning biokiraolishligini shunday darajagacha pasayishiga olib kelishi mumkinki, bunda dori vositasining samaradorligi sezilarli ravishda pasayib boradi. Quyidagi preparatlar bunga misol bo‘la oladi
Antibakterial vositalar izoniazid, rifabutin («Qon plazmasida itrakonazol kontsentratsiyasi oshishini keltirib chiqarishi mumkin bo‘lgan dori preparatlari» bo‘limiga qarang), rifampitsin.
Tirishishga qarshi preparatlar karbamazepin («Qon plazmasida itrakonazol kontsentratsiyasi oshishini keltirib chiqarishi mumkin bo‘lgan dori preparatlari» bo‘limiga qarang) fenobarbital, fenitoin.
Viruslarga qarshi preparatlar efavirenz, nevirapin.
Shunday qilib, itrakonazolni CYP3A4 izofermentining kuchli induktorlari bilan birga qo‘llash tavsiya etilmaydi. Itrakonazolni qabul qilish boshlanishiga qadar ikki hafta davomida va preparat bilan davolash vaqtida mazkur dori preparatlarini buyurishdan saqlanish tavsiya etiladi, kutiladigan foyda itrakonazol samaradorligi pasayishi bilan bog‘liq potentsial xavfdan ustun bo‘lgan hollar bundan mustasno. Dori vositalarini birga qabul qilinganida itrakonazolning zamburug‘larga qarshi faolligini nazorat qilish va zarurat yuzaga kelganida preparat dozasini oshirish tavsiya etiladi.
Qon plazmasida itrakonazol kontsentratsiyasi oshishini keltirib chiqarishi mumkin bo‘lgan dori preparatlari
Itrakonazol va CYP3A4 izofermentining kuchli ingibitorlarini bir vaqtda qabul qilinishi itrakonazol biokiraolishligini oshishiga olib kelishi mumkin. CYP3A4 izofermentining kuchli ingibitorlariga misollar
Antibakterial preparatlar siprofloksatsin, klaritromitsin, eritromitsin.
Viruslarga qarshi vositalar ritonavir bilan kuchaytirilgan darunavir, ritonavir bilan kuchaytirilgan fosamprenavir, indinavir («Itrakonazol bilan birgalikda qo‘llanilganida qon plazmasida kontsentratsiyasi oshishi mumkin bo‘lgan dori vositalari» bo‘limiga qarang), ritonavir («Itrakonazol bilan birga qo‘llanilganida qon plazmasida kontsentratsiyasi oshishi mumkin bo‘lgan dori vositalari» bo‘limiga qarang).
Mazkur dori preparatlarini Eszol® tabletkalari preparati bilan birga ehtiyotkorlik bilan qo‘llash tavsiya etiladi. Itrakonazolning farmakologik samaralari kuchayishi yoki uzayishi simptomlari va belgilarini o‘z vaqtida aniqlash uchun itrakonazolni CYP3A4 izofermentining kuchli ingibitorlari bilan bir vaqtda qabul qilayotgan patsiyentlarning holatini sinchkovlik bilan nazorat qilish tavsiya etiladi, zarurati bo‘lganida itrakonazol dozasini pasaytirish mumkin. Imkon qadar qon plazmasida itrakonazol kontsentratsiyasini nazorat qilish tavsiya etiladi.
Itrakonazol bilan birga qo‘llanilganida qon plazmasida kontsentratsiyasi oshishi mumkin bo‘lgan dori vositalari
Itrakonazol va uning asosiy metaboliti bo‘lgan gidroksiitrakonazol CYP3A4 izofermenti bilan metabolizmga uchraydigan dori preaparatlarining metabolizmini buzishi va P-glikoprotein ta'siri ostida preparatlarning tashilishiga to‘sqinlik qilishi mumkin. Bu itrakonazol bilan birga qo‘llanilganida mazkur dori preparatlari va/yoki ularning faol metabolitlarining plazmadagi kontsentratsiyasini oshishiga olib kelishi mumkin. Plazmadagi kontsentratsiyasining oshishi o‘z navbatida mazkur dori vositalarining terapevtik samaralarini ham, nozush samaralarini ham kuchayishini yoki uzayishini keltirib chiqarishi mumkin. Ma'lumki, CYP3A4 izofermenti bilan metabolizmga uchraydigan dori preaparatlari QT intervalini uzayishiga olib kelishi mumkin, shu sababli ularni itrakonazol bilan birga qabul qilish ehtimol mumkin emas bo‘ladi, chunki bunday majmua yurak qorinchalari taxiaritmiyasiga, shu jumladan hayot uchun potentsial xavfli aritmiyaga taalluqli bo‘lgan «piruet» tipidagi yurak qorinchalari taxikardiyasi hollariga olib kelishi mumkin. Davolash to‘xtatilganidan keyin itrakonazolning plazmadagi kontsentratsiyasi preparat dozasi va davolash davomiyligiga bog‘liq holda 7 kundan 14 kungacha davomida deyarli aniqlab bo‘lmaydigan darajagacha pasayadi. Jigar sirrozi bo‘lgan patsiyentlarda yoki CYP3A4 izofermenti ingibitorlarini bir vaqtda qabul qilayotgan shaxslarda preparat kontsentratsiyasining pasayishi hatto ancha sekinroq kechadi. Bu metabolizmiga itrakonazol ta'sir ko‘rsatadigan dori preparatlaridan foydalangan holda davolash o‘tkazishni boshlash vaqtida ayniqsa muhim bo‘lib hisoblanadi.
O‘zaro ta'sirlashadigan dori vositalari quyidagi toifalarga bo‘linadi
• «Qo‘llash mumkin bo‘lmagan dori preaparati» mazkur dori preparatini itrakonazol bilan hech qanday holatda va itrakonazolni qabul qilish to‘xtatilganidan keyin ikki hafta davomida qo‘llash mumkin emas.
• «Tavsiya etilmaydigan dori preparati» mazkur dori vositasini itrakonazol bilan davolash vaqtida va itrakonazolni qabul qilish to‘xtatilganidan keyin ikki hafta davomida qo‘llashdan saqlanish tavsiya etiladi, kutiladigan foyda davolash bilan bog‘liq potentsial xavfdan ustun bo‘lgan hollar bundan mustasno. Agar dori vositalarining mazkur majmuasidan foydalanishdan saqlanish imkoni bo‘lmasa, preparatlar ta'sirlarining kuchayishi yoki uzayishi simptomlari va belgilarini yoki nojo‘ya samaralar rivojlanishini o‘z vaqtida aniqlash uchun patsiyent holatini kuzatib borish tavsiya etiladi, zarurat bo‘lganida davolashni to‘xtatib turish yoki dori vositalarining dozasini kamaytirish mumkin. Imkoniyat mavjud bo‘lganida preparatlarning plazmadagi kontsentratsiyalarini nazorat qilish tavsiya etiladi.
• «Ehtiyotkorlik bilan qo‘llash zarur bo‘lgan dori preparatlari» dori preparatini itrakonazol bilan birga qo‘llanilganida sinchkov monitoringni olib borish lozim. Dori preparatlari birga qo‘llanilganida preparatlar ta'sirlarining kuchayishi yoki uzayishi simptomlari va belgilarini yoki nojo‘ya samaralar rivojlanishini o‘z vaqtida aniqlash uchun patsiyent holatini kuzatib borish tavsiya etiladi, zarurati bo‘lganida dori vositalarining dozasini kamaytirish mumkin. Imkoniyat mavjud bo‘lganida preparatlarning plazmadagi kontsentratsiyalarini nazorat qilish tavsiya etiladi.
Dori vositalarining sinfiQo‘llash mumkin bo‘lmagan dori preparatlariTavsiya etilmaydigan dori preparatlariEhtiyotkorlik bilan qo‘llash zarur bo‘lgan dori preparatlari
Alfa-adrenoblokatorlarTamsulozin
AnalgetiklarLevatsetilmetadol (levometadil), metadonFentanilAlfentanil,
vena ichiga va sublingval yuborish uchun buprenorfin, oksikodon
Aritmiyaga qarshi vositalarDizopiramid, dofetilid, dronedaron, xinidinDigoksin
Antibakterial vositalarRifabutina
Antikoagulyantlar va antiagregantlarRivaroksabanKumarinlar, silostazol, dabigatran
Tirishishga qarshi preparatlarKarbamazepina
Diabetga qarshi preparatlarRepaglinid, saksagliptin
Gelmintlarga qarshi va protozoylarga qarshi vositalarGalofantrinPrazikvantel
Antigistamin preparatlarAstemizol, mizolastin, terfenadinEbastin
Migrenga qarshi dori vositalaridigidroergotamin, ergometrin (ergonovin), ergotamin, metilergometrin (metilergonovin) kabi shoxkuya alkaloidlariEletriptan
O‘smalarga qarshi preparatlarIrinotekanDasatinib, nilotinib, trabektedinBortezomib, buzulfan, dotsetaksel, erlotinib, iksabepilon, lapatinib, trimetreksat, bo‘rigul alkaloidlari
Neyroleptiklar, anksiolitiklar va uxlatuvchi vositalarLurazidon, peroral qabul qilish uchun midazolam, pimozid, sertindol, triazolamAlprazolam, aripiprazol, brotizolam, buspiron, galoperidol,
vena ichiga yuborish uchun midazolam, perospiron, kvetiapin, ramelteon, risperidon
Viruslarga qarshi preparatlarMaravirok, indinavirb, ritonavirb, sakvinavir
Beta-adrenoblokatorlarNadolol
Kaltsiy kanallari blokatorlariBepridil, felodipin, lerkanidipin, nisoldipinBoshqa digidro-piridinlar, shu jumladan verapamil
Yurak-qon tomir tizimiga ta'sir ko‘rsatuvchi preparatlar, boshqalarIvabradin, ranolazinAliskiren
DiuretiklarEplerenon
Me'da-ichak yo‘llari a'zolariga ta'sir ko‘rsatuvchi preparatlarSizapridAprepitant, domperidon
Immuno-supressantlarEverolimusBudesonid, siklesonid, siklosporin, deksametazon, flutikazon, metilprednizolon, rapamitsin (shuningdek sirolimus sifatida ma'lum), takrolimus, temsirolimus
Yog‘ almashinuvini tartibga soladigan preparatlarLovastatin, simvastatin
Atorvastatin
Nafas olish a'zolari kasalliklarini davolash uchun preparatlarSalmeterol
SQQOSI, tritsiklik va boshqa antidepressantlarReboksetin
Urologiyada qo‘llanaigan preparatlarVardenafilFezoterodin, imidafenatsin, sildenafil, solifenatsin, tadalafil, tolterodin
BoshqalarJigar yoki buyrak funktsiyasini buzilishlari bo‘lgan patsiyentlarda kolxitsinKolxitsinAlitretinoin (peroral qabul qilish uchun dori shakllari), sinakaltset, mozavaptan, tolvaptan
a Shuningdek «Itrakonazolning plazmadagi kontsentratsiyasini pasayishiga olib kelishi mumkin bo‘lgan dori preparatlari» bo‘limiga qarang.
b Shuningdek «Itrakonazolning plazmadagi kontsentratsiyasini oshishiga olib kelishi mumkin bo‘lgan dori preparatlari» bo‘limiga qarang.
Itrakonazol ta'siri ostida plazmadagi kontsentratsiyasi oshishi mumkin bo‘lgan preparatlar ularning itrakonazol bilan bir vaqtda qo‘llanilishiga doir tavsiyalar bilan sinfiga muvofiq taqdim etilgan.
Itrakonazol ta'siri ostida plazmadagi kontsentratsiyasi pasayishi mumkin bo‘lgan preparatlar
Itrakonazolni nosteroid yallig‘lanishga qarshi preparat meloksikam bilan bir vaqtda qo‘llanilishi plazmada meloksikam kontsentratsiyasini pasaytirishi mumkin. Meloksikamni itrakonazol bilan bir vaqtda ehtiyotkorlik bilan buyurish, shuningdek uning ta'sirini va nojo‘ya samaralar yuzaga kelishini sinchkovlik bilan nazorat qilish tavsiya etiladi. Zarurati bo‘lganida meloksikam dozasiga tuzatish kiritish lozim.

Maxsus ko‘rsatmalar

Kesishgan o‘ta yuqori sezuvchanlik reaktsiyalari
Itrakonazol va zamburug‘larga qarshi azol qatori boshqa preparatlari o‘rtasida kesishgan o‘ta yuqori sezuvchanlik reaktsiyalari rivojlanishi ehtimoliga doir ma'lumotlar mavjud emas. Azol qatori boshqa preparatlariga o‘ta yuqori sezuvchanligi bo‘lgan patsiyentlarga Eszol® tabletkalarini buyurish haqidagi qaror puxta o‘ylab qabul qilinishi kerak.
Yurak faoliyatiga ta'siri
Itrakonazol salbiy inotrop ta'sirga ega, itrakonazol bilan davolash fonida dimlangan yurak yetishmovchiligi hollari haqida xabar berilgan. Preparatning past umumiy sutkalik dozalarda davolash haqidagi xabarlarga qaraganda 400 mg umumiy sutkalik dozada davolash haqidagi spontan berilgan xabarlarda yurak yetishmovchiligi ko‘proq ta'riflangan, bu itrakonazolning umumiy sutkalik dozasi bilan yurak yetishmovchiligi xavfining oshishini taxmin qilishga imkon beradi.
Eszol® preparati dimlangan yurak yetishmovchiligi bo‘lgan yoki anamnezda dimlangan yurak yetishmovchiligi bo‘lgan patsiyentlarga tavsiya etilmaydi, bunday davolashdan foyda uning xavfidan shubhasiz yuqori bo‘lgan hollar bundan mustasno. Foyda/xavf nisbatini baholaganda ayrim patsiyentlar uchun davolash ko‘rsatilgan holatning og‘irligi, dozalash tartibi (masalan, umumiy sutkalik doza) kabi omillarni va dimlangan yurak yetishmovchiligi xavfining xususiy omillarini hisobga olish zarur.
Ularga yurak kasalliklari, shu jumladan yurakning ishemik kasalligi va yurak klapanlarining shikastlanishlari, nafas olish a'zolarining og‘ir kasalliklari, shu jumladan o‘pkaning surunkali obstruktiv kasalligi, buyrak yetishmovchili va shishishlarga moyillik bilan kechuvchi boshqa kasalliklar taalluqlidir. Bunday patsiyentlar dimlangan yurak yetishmovchiligi simptomlari to‘g‘risida ogohlantirilishlari kerak, ularni davolaganda alohida e'tibor va uni amalga oshirish vaqtida dimlangan yurak yetishmovchiligi simptomlarini nazorat qilish talab etiladi. Tegishli simptomlar aniqlanganida itrakonazolni qabul qilish to‘xtatilishi lozim.
Kaltsiy kanallari blokatorlari salbiy inotrop ta'sirga ega, bu itrakonazolning tegishli ta'sirini kuchayishiga olib kelishi mumkin. Bundan tashqari, itrakonazol kaltsiy kanallarining blokatorlarining metabolizmini ingibitsiya qiladi. Shunday qilib, dimlangan yurak yetishmovchiligi rivojlanishi xavfi yuqori bo‘lganligi sababli itrakonazol va kaltsiy kanallari blokatorlari bilan bir vaqtda davolash ehtiyotkorlik bilan amalga oshirilishi kerak («Dorilarning o‘zaro ta'siri» bo‘limiga qarang).
Jigar funktsiyasiga ta'siri
Itrakonazol qo‘llanilganida juda kam hollarda jigarning og‘ir toksik shikastlanishi rivojlangan, shu jumladan o‘lim bilan yakunlanadigan o‘tkir jigar yetishmovchiligining bir nechta hollari yuz bergan. Bu ko‘pchilik hollarda jigar kasalliklari mavjud bo‘lgan patsiyentlarda, preparat tizimli kasalliklarni davolash uchun buyurilgan boshqa og‘ir kasalliklari bo‘lgan bemorlarda, shuningdek gepatotoksik ta'sirga ega boshqa dori vositalarini qabul qilgan patsiyentlarda yuz bergan. Biroq ayrim patsiyentlarda jigar shikastlanishiga doir xavfning yaqqol omillari bo‘lmagan. Bir nechta bunday hollar davolashning birinchi oyida, ayrim hollarda esa davolashning birinchi haftasida yuzaga kelgan. Shu munosabat bilan Eszol® tabletkalari bilan davolanayotgan patsiyentlarda jigar funktsiyasini muntazam nazorat qilib borish tavsiya etiladi. Gepatit rivojlanishi, shu jumladan anoreksiya, ko‘ngil aynishi, qusish, xolsizlik, qorinda og‘riq yoki siydik rangining qorayishi simptomlari paydo bo‘lganida, darhol shifokoringizga murojaat qilish lozim. Bunday hollarda davolashni darhol to‘xtatish va jigar funktsiyasini tekshirishdan o‘tkazish lozim.
Me'da shirasining kislotaligini pasayishi
Me'da shirasining kislotaligi past bo‘lganida Eszol® tabletkalaridan itrakonazolning so‘rilishi buziladi. Kasallik oqibatida (masalan, axlorgidriyasi bo‘lgan patsiyentlarda) yoki dori preparatlarini (masalan, me'da shirasining kislotaligini susaytiruvchi dori vositalarini) bir vaqtda qabul qilinishi oqibatida me'da shirasining kislotaligi past bo‘lgan patsiyentlarga Eszol® tabletkalarini nordon ichimliklar (masalan noparhez kola kabi ichimliklar) bilan bir vaqtda qabul qilish tavsiya etiladi. Preparatning zamburug‘larga qarshi faolligini nazorat qilish va zarurati bo‘lganida itrakonazol dozasini oshirish lozim («Dorilarning o‘zaro ta'siri» bo‘limiga qarang).
Bolalar
Bolalarda Eszol® tabletkalarini qo‘llashga doir klinik tadqiqotlarning ma'lumotlari cheklangan. Bolalarni davolash uchun Eszol® tabletkalari preparatini qo‘llash tavsiya etilmaydi, davolashdan kutiladigan foyda potentsial xavfdan ustun bo‘lgan hollar bundan mustasno.
Keksa yoshdagi patsiyentlarda
Keksa yoshdagi patsiyentlarda Eszol® tabletkalarini qo‘llashga doir klinik tadqiqotlarning ma'lumotlari cheklangan. Mazkur toifadagi patsiyentlarni davolash uchun Eszol® tabletkalari preparatidan foydalanish faqat davolashdan kutiladigan foyda potentsial xavflardan ustun bo‘lgan hollardagina tavsiya etiladi. Keksa yoshdagi patsiyentlarni davolash uchun dozani tanlaganda keksa yoshda ko‘p uchraydigan jigar, buyrak va yurak funktsiyasini pasayishini, shuningdek yondosh kasalliklar mavjudligini yoki boshqa dori vositalarining qabul qilinishini hisobga olish lozim.
Buyrak funktsiyasini buzilishi
Buyrak funktsiyasini buzilishlari bo‘lgan patsiyentlarni davolash uchun itrakonazolni qo‘llashga doir ma'lumotlar cheklangan. Buyrak yetishmovchiligi bo‘lgan ayrim patsiyentlarda itrakonazol ekspozitsiyasi pasayishi mumkin. Preparatni mazkur toifadagi patsiyentlarga ehtiyotkorlik bilan buyurish lozim, ayrim hollarda dori preparati dozasini o‘zgartirish talab etilishi mumkin.
Eshitish qobiliyatini yo‘qolishi
Itrakonazolni qabul qilayotgan patsiyentlarda eshitish qobiliyatini vaqtincha yoki turg‘un yo‘qotilishi haqida xabar berilgan. Ayrim hollarda eshitish qobiliyatini yo‘qotilishi xinidin bilan bir vaqtda qabul qilish fonida yuz bergan («Dorilarning o‘zaro ta'siri» bo‘limiga qarang). Eshitish qobiliyati odatda preparat bilan davolash yakunlanganidan keyin tiklanadi, biroq ayrim patsiyentlarda eshitish qobiliyatini yo‘qotilishi qaytmas bo‘ladi.
Immun tanqisligi bo‘lgan patsiyentlarda
Peroral qabul qilinganida itrakonazolning biokiraolishligi immuniteti susaygan ayrim patsiyentlarda, masalan neytropeniyali bemorlarda, OITS bilan kasallangan yoki a'zolarni ko‘chirib o‘tkazishga doir jarrohlik operatsiyasini o‘tkazgan bemorlarda pasayishi mumkin.
Hayotga xavf soluvchi tizimli zamburug‘li infektsiyalari bo‘lgan patsiyentlarda
Eszol® tabletkalari preparatining farmakokinetik xarakteristiklari oqibatida («

Farmakokinetikasi

» bo‘limiga qarang) patsiyentlar hayotiga xavf soluvchi tizimli zamburug‘li infektsiyalarni davolashni boshlash uchun uni qo‘llash tavsiya etilmaydi.
OITS bilan kasallangan bemorlar
Davolovchi shifokor ilgari tizimli zamburug‘li infektsiyalar, masalan sporotrixoz, blastomikoz, gistoplazmoz yoki kriptokokkoz (meningeal ham, nomeningeal ham) yuzasidan davolangan, qaytalanish xavfi mavjud bo‘lgan OITS bilan kasallangan bemorlarga tutib turuvchi davolashni buyurish zaruratini baholashi kerak.
Neyropatiya
Eszol® preparati tabletkalarini qabul qilish bilan bog‘liq bo‘lgan neyropatiya yuzaga kelganida davolashni to‘xtatish lozim.
Uglevodlar metabolizmining buzilishi
Kam uchraydigan nasliy kasalliklari (fruktoza o‘zlashtiraolmaslik, glyukoza/galaktoza malabsorbtsiyasi sindromi, saxaraza-izomaltaza fermentini yetishmovchiligi) bo‘lgan patsiyentlar preparatni qabul qilmasliklari kerak.
Kesishgan rezistentlik
Flukonazolga rezistent bo‘lgan Candida shtammlari keltirib chiqaradigan tizimli kandidozlarda itrakonazolga sezuvchanlikni taxmin qilish mumkin emas, demak, itrakonazol bilan davolashni boshlashdan oldin sezuvchanlikni tekshirish tavsiya etiladi.
Dorilarning o‘zaro ta'siri
Ayrim dori preparatlarini itrakonazol bilan bir vaqtda qabul qilinishi itrakonazolning va/yoki bir vaqtda qo‘llanilayotgan dori preparatlarining samaradorligini o‘zgarishiga, hayot uchun xavfli nojo‘ya reaktsiyalarning yuzaga kelishiga va/yoki to‘satdan o‘limga olib kelishi mumkin. Itrakonazol bilan bir vaqtda qabul qilish mumkin bo‘lmagan, bir vaqtda qabul qilish uchun tavsiya etilmagan va/yoki itrakonazol bilan bir vaqtda ehtiyotkorlik bilan qo‘llash uchun tavsiya etilgan preparatlar «Boshqa dori preparatlari bilan o‘zaro ta'siri va o‘zaro ta'sirning boshqa shakllari» bo‘limida sanab o‘tilgan.
Homiladorlik va emizish davri
Homiladorlik
Eszol® homiladorlik davrida qo‘llanilmasligi kerak, hayotga xavf soluvchi hollar va ona uchun kutiladigan ijobiy samara homila uchun ehtimol qilinadigan zarardan yuqori bo‘lgan hollar bundan mustasno.
Emizish
Itrakonazolning katta bo‘lmagan miqdori ko‘krak sutiga o‘tishi mumkin. Emizish bilan bog‘liq kutiladigan foyda/xavf nisbatini aniqlash lozim. Shubha bo‘lganida emizish mumkin emas.
Bolalar
Dorilarning o‘zaro ta'siri faqat katta yoshdagi odamlarda o‘rganilgan.
Avtomobilni boshqarish va boshqa mexanizmlar bilan ishlash qobiliyatiga ta'siri
Avtomobilni boshqarish va boshqa mexanizmlar bilan ishlash qobiliyatiga ta'sirini o‘rganish bo‘yicha tadqiqotlar o‘tkazilmagan. Avtomobilni boshqarish va boshqa mexanizmlar bilan ishlash vaqtida bosh aylanishi, ko‘rish qobiliyatini buzilishi va eshitish qobiliyatini yo‘qotilishi kabi nojo‘ya reaktsiyalar yuzaga kelishi imkoniyatini e'tiborga olish zarur.
Preparat bolalar ololmaydigan joyda saqlansin va yaroqlilik muddati o‘tganidan so‘ng ishlatilmasin.

Dozani oshirib yuborilishi

Simptomlari
Doza oshirib yuborilganida kuzatiladigan simptomlar itrakonazol qo‘llanilganida kuzatiladigan dozaga bog‘liq nojo‘ya reaktsiyalar bilan bir xil bo‘ladi («Nojo‘ya ta'sirlar» bo‘limiga qarang).
Davolash
Dozani oshirib yuborilganida tutib turuvchi davolashni amalga oshirish, zarurati bo‘lganida faollashtirilgan ko‘mirni berish lozim. Itrakonazol gemodializda organizmdan chiqarilmaydi. Spetsifik antidoti mavjud emas.

Chiqarilish shakli

10 tabletkadan blisterda; 1 yoki 3 ta blister qo‘llash bo‘yicha yo‘riqnomasi bilan birga karton qutida.

Saqlash sharoiti

25°C dan yuqori bo‘lmagan haroratda, quruq, yorug‘likdan himoyalangan joyda saqlansin.

Yaroqlilik muddati

2 yil.
Dorixonalardan berish shartlari
Retsept bo‘yicha.

Ishlab chiqaruvchi

Kusum Xeltxker Pvt. Ltd.
Manzili
SP 289 (A), RIICO Indl. Area, Chopanki, Bhiwadi (Raj.), India.