Flyukoks tab. 150mg №1

Preparatning savdo nomi

Flyukoks
Ta'sir etuvchi modda (XPN) Flukonazol

Dori shakli

. Tabletkalar va infuziya uchun eritma
Dori preparatining tarkibi
Tabletkalar
Faol modda Flukonazol 150 mg; yordamchi moddalar kraxmal, ikkiasosli kaltsiy fosfati, aerosil, natriy metil paraben, natriy propil paraben, magniy stearati, tozalangan talk, natriy kraxmal glikolyati, jelatin, tozalangan suv.
Infuziya uchun eritma
Faol modda flukonazol – 0,2 g; yordamchi moddalar natriy xloridi – 0,9 g; in'ektsiya uchun suv 100 ml gacha.
Opisaniye Tabletkalar
Ikki tomoni qabariq , qoplanmagan oval shaklli, oq rangli, bir tomonida bo‘luvchi chiziq va boshqa tomoni yassi bo‘lgan tabletkalar.
Infuziya uchun eritma
Tiniq, rangsiz eritma.

Farmakoterapevtik guruhi

Zamburug‘larga qarshi vosita.
ATX kodi J02AC01

Farmakologik xususiyatlari

. Flukonazol yaqqol zamburug‘larga qarshi ta'sir ko‘rsatadi, sitoxrom R450 ga bog‘liq zamburug fermentlariga spetsifik ta'sir qiladi, zamburug‘ xujayralarida sterollar sintezini susaytiradi. Candida spp., Microsporum spp., Trichophyton spp., Cryptococcus neoformans, Blastomyces dermatitidis, Coccidioides immitis, Histoplasma capsulatum nisbatan yuqori faol.

Farmakodinamika

si. Preparatning zamburug‘larga qarshi ta'sir mexanizmi uni zamburug‘larning xujayra membranasini tuzish uchun zarur ergosterollarning biosintezini spetsifik tormozlanishini chaqirishidir.
Flukonazol Candida va Cryptococcus neoformans zamburug‘ turlari chaqirgan tizimli infektsiyalarda samarali. Gematoentsefalik to‘siq orqali o‘tadi, shuning uchun kalla suyagi ichki infektsiyalarida muvaffaqiyatli qo‘llanadi. Histoplasma capsulatum, Blastomyces dermatitidis, Coccidioides immitis chaqirgan infektsiyalarda (shu jumladan kalla suyagi ichki zararlanishlarida), hamda Microsporum va Trichophyton zamburug‘ turlari chaqirgan infektsiyalarda samarali.

Farmakokinetikasi

. Flukonazolning plazmadan yarim chiqarilish davri taxminan 30 soatni tashkil qiladi, bu davolash kursini o‘tkazishda uni sutkada 1 marta qo‘llash imkonini beradi va terapevtik samarasini ta'minlaydi. Qon plazmasidagi faol moddaning kontsentratsiyasi yuborilgan dozaga to‘g‘ri proportsional. Flukonazolnining 11-12% qon plazmasi oqsillari bilan bog‘lanadi. Flukonazol har kuni bir marta yuborilganida 4-5-chi sutkada patsiyentlarning 90% da plazmadagi turg‘un kontsentratsiyasiga erishiladi. Flukonazol organizmning to‘qima va suyuqliklarida keng taqsimlanadi. Uning ko‘krak sutidagi, bo‘g‘im suyuqligidagi, so‘lakdagi, balg‘amdagi, qin sekretidagi va peritoneal suyuqligidagi kontsentratsiyasi qon plazmasidagi kontsentratsiyasi bilan o‘xshash. Orqa miya suyuqligidagi kontsentratsiyasi, miya qobiqlarining yallig‘lanishini borligidan qat'iy nazar qon plazmasidagi darajasini 50-90% ni tashkil qiladi. Shox pardada, epidermisda, derma va ter suyuqligidagi kontsentratsiyalari qon plazmasidagi kontsentratsiyasidan yuqori qiymatlarga erishadi. Chiqarilishi asosan buyrak orqali yuz beradi, yuborilgan dozaning taxminan 80% o‘zgarmagan holda, 11% - siydik bilan metabolitlari ko‘rinishida chiqariladi.

Qo‘llanilishi

Flukonazol ko‘pchilik zamburug‘ infektsiyalarini davolash uchun qo‘llanadi
1. Kriptokokkoz, shu jumladan kriptokokokkli meningit va boshqa lokalizatsiyali infektsiyalar (masalan, o‘pka, teri). Davolashni me'yoriy immun javobi bo‘lgan bemorlarda va OITS li bemorlarda, a'zolar ko‘chirib o‘tkazilgan retsipiyentlarda va immunotanqislikning boshqa shakllari bo‘lgan bemorlarda o‘tkazilishi mumkin. Flukonazolni OITS li bemorlarda kriptokokkozning qaytalanishlarini oldini olish maqsadida tutib turuvchi davolash uchun ishlatish mumkin.
2. Yoyilgan kandidoz, shu jumladan kandidemiya, disseminirlangan kandidoz va invaziv kandidoz infektsiyasining boshqa shakllari. Ularga qorin, endokard, ko‘zlarning, nafas va siydik yo‘llarining infektsiyalari kiradi. Davolashni xavfli o‘smalari bo‘lgan bemorlarda, jadallashtirilgan davolash bo‘limi bemorlarida, sitotoksik yoki immunosupressiv vositalarini olayotgan, shuningdek kandidozning rivojlanishiga moyilligi bo‘lgan boshqa omillari bo‘lgan bemorlarda o‘tkazish mumkin.
3. Shilliq qavatning kandidozi, shu jumladan og‘iz va halqumning, qizilo‘ngachning, noinvaziv bronx-o‘pka infektsiyalari, kandiduriya, teri-shilliq va surunkali oral atrofik kandidozi (tish protezini taqish bilan bog‘liq). Davolashni me'yoriy va bostirilgan immun faoliyatili bemorlarda o‘tkazish mumkin. OITSli bemorlarda orofaringeal kandidozni qaytalanishlarini oldini olish.
4. Genital kandidoz. Qin kandidozi, o‘tkir yoki qaytalanuvchi. Qin kandidozining qaytalanishlari tez-tezligini (bir yilda 3 va undan ko‘p) kamaytirish maqsadida profilaktik qo‘llash. Kandidozli balanit.
5. Sitotoksik kimyodavolash yoki nur bilan davolash natijasida ularning rivojlanishiga moyil xavfli o‘smalari bo‘lgan bemorlarda zamburug‘li infektsiyani oldini olish.
6. Teri mikozlari, shu jumladan oyoq panjalari, tana, chov sohasining mikozlari, kepaklanuvchi temiratki, onixomikoz va terining kandidozli infektsiyalari.
7. Immuniteti me'yorda blgan bemorlarda chuqur endemik mikozlar, shu jumladan koktsidiomikoz, parakoktsidiomikoz, sporotrixoz va gistoplazmoz.
Tizimli kandidoz kandidemiya, disseminirlangan kandidoz (endokard, qorin bo‘shlig‘i a'zolari, nafas a'zolari, siydik-jinsiy tizimi, ko‘zlarning mikozlari).
Cryptococcus zamburug‘lari chaqirgan tizimli shikastlanishlar, masalan, nafas a'zolari va tashqi qoplamalarning mikozlari (teri va shilliq qavatining shikastlanishlari), shuningdek kriptokkli meningit.

Qo‘llash usuli va dozalari

Flukonazolning sutkalik dozasi infektsiyaning xarakteri va og‘irligiga bog‘liq. Davolashni muddatidan oldin to‘xtatish qaytalanishga olib keladi. OITSli bemorlardagi kriptokokkli meningit, shuningdek qaytuvchi orofaringeal kandidoz, odatda davomli davolashni talab qiladi.
Kandidemiyalarda, disseminirlangan kandidoz va boshqa invazion kandidozlarda kattalar uchun brinchi kuni odatdagi doza – 400 mg, keyin kuniga 200 mg. Sutkalik dozani klinik manzaraga qarab 400 mg gacha oshirish mumkin. Kursning davomiyligi bemorning holatiga bog‘liq.
Kriptokokkli meningitda va kriptokokkli zararlanishlarda birinchi kuni 400 mg dan, keyin kuniga 200-400 mg bir marta buyuriladi. Davolash kursi klinik va mikologik reaktsiyalarga bog‘liq, kriptokokkli meningitda kamida 6-8 haftani tashkil qiladi.
Bolalarga.
Bolalar uchun dozalash va davolashning davomiyligi kattalar uchun kabi, klinik va mikologik samaraga bog‘liq shaxsiy belgilanadi. Bolalar uchun sutkalik doza kattalar uchun maksimal dozadan oshmasligi kerak.
Tizimli kandidozlarda yoki kriptokokkli infektsiyalarda tavsiya qilingan doza 7 mg/kg – to‘yingan, keyin tutib turuvchi 3 mg/kg ni tashkil qiladi. Kriptokokkli meningtda doza ikki marta oshiriladi. Buyrak faoliyatining pasayishida bolalar uchun sutkalik doza kattalar uchun ko‘rsatilgan dozaga muvofiq kamaytirilishi kerak.
4 haftalikkacha bo‘lgan chaqaloqlarga
Hayotining birinchi haftasida preparat kattaroq yoshdagi bolalarga buyurilgan dozada (mg/kg) buyuriladi, ammo har 3 kunda, ya'ni 72 soat oralig‘ida, chunki yangi tug‘ilgan chaqaloqlarda flukonazol sekin chiqariladi. 3-4 haftalik bolalarga, xuddi shunday dozalarda har 2 kunda ya'ni 48 soat oraliq bilan buyuriladi. Buyraklar faoliyati me'yorida bo‘lgan keksa yoshdagi bemorlarga odatdagi dozani buyurish mumkin. Buyraklar faoliyati pasaygan hollarda (kreatinin klirensi 40 ml/min dan kam) dozani kamaytirish kerak.
Pasaygan buyrak faoliyatida doza buyrak faoliyatining buzilish darajasiga qarab kamaytirilishi kerak (jadvalga qarang).
Pasaygan buyrak faoliyatili bemorlarni uzluksiz davolashni 50-400 mg zarb dozadan boshlash kerak. So‘ngra qo‘llashlar soni yoki dozaning kattaligi kreatinin klirensiga qarab o‘zgartirilishi kerak
Kreatinin klirensi, ml/minDozalash
>50Har 24 soatda odatdagi sutkalik doza
11-50Har 48 soatda odatdagi sutkalik doza yoki har 24 soatda odatdagi sutkalik dozaning yarmi
Muntazam gemodializlardaHar bir dializdan keyin bir sutkalik doza
Vena ichiga infuziyadan peroral qo‘llashga o‘tishda yoki aksincha sutkalik dozani o‘zgartirish kerak emas. Sutkalik doza qo‘llash usuliga bog‘liq emas. 100 ml infuzion eritmada 0,9% natriy xloridining eritmasida 200 mg flukonazol saqlanadi, bu Na+ yoki Sl- 15 mmol miqdoriga javob beradi. Buni natriy yoki suyuqliklarni yuborilishini cheklanishiga muhtoj bemorlarni davolashda e'tiborga olish kerak. Vena ichiga infuziya quyidagi infuzion eritmalar bilan to‘g‘ri keladi 20% glyukoza eritmasi, Ringer eritmasi, glyukozadagi xlorid kaliy eritmasi (tarkibi 1000 ml in'ektsiya uchun suvda 3,8 g kaliy xloridi, 33,75 suvsiz glyukoza, 5 g 0,1N xlorid kislotasi), natriy xloridining izotonik eritmasi. Yaqqol nomutanosiblikning yo‘qligiga qaramasdan preparatni boshqa infuzion eritmalari bilan aralashtirish tavsiya qilinmaydi.
Nojo‘ya ta'siri
Flukonazol, odatda yaxshi o‘zlashtiriladi.
Ammo nojo‘ya samaralardan ko‘pincha bosh og‘rig‘i, qorinda og‘riq, diareya, meteorizm, ko‘ngil aynishi, qusish, jigarning toksik shikastlanishi (laboratoriya ko‘rsatkichlarining o‘zgarishi – ishqoriy fosfatazani, bilirubinni, aminotransferazalar darajasini oshishi) va gepatitning rivojlanishi mumkin. Shuningdek bosh aylanishi, tirishishlar, alopetsiya, eksfoliativ teri reaktsiyalari; qonda leykotsitlar (neytropeniya, agranulotsitoz), trombotsitlar miqdorini o‘zgarishi, allergik reaktsiyalar (teri toshmasi, qichishish, yuz shishi, anafilaksiya), xolesterin, triglitseridlar, kaliyning qondagi darajasini oshishi, ta'm bilish hissini o‘zgarishi kuzatilishi mumkin.

Qo‘llash mumkin bo‘lmagan holatlar

Flukonazol yoki tuzilishi bo‘yicha triazol birikmalariga yaqin moddalarga yuqori sezuvchanlik. Flukonazolni homiladorlarga, laktatsiya davrida va 16 yoshgacha bo‘lgan bolalarga, infektsiyaning og‘ir yoki hayot uchun xavfli, kutiladigan foyda homila yoki bemor uchun mumkin bo‘lgan xavfdan ustun bo‘lgan hollardan tashqari, qo‘llashdan saqlanish kerak.

Dozani oshirib yuborilishi

Preparatning dozasi oshirib yuborilganida simptomatik davolash (yordamchi tadbirlarni qo‘llash va me'dani yuvish bilan, agarda buning zarurati bo‘lsa) yetarli. 3 soatlik gemodializ seansidan keyin flukonazolning plazmadagi kontsentratsiyasi taxminan 50% ga kamayadi.
Ehtiyotkorlikning alohida choralari Juda kam hollarda flukonazolni qo‘llash jigarda toksik o‘zgarishlar bilan, shu jumladan o‘lim bilan yakunlanuvchi, ayniqsa jiddiy yo‘ldosh kasalliklari bo‘lgan bemorlarda, birga kechadi. Flukonazol bilan bog‘liq gepatotoksik samaralari holida, umumiy sutkalik doza bemorning jinsi va yoshiga aniq bog‘liqlik aniqlanmagan. Flukonazolning gepatoksik ta'siri odatda qaytuvchi bo‘lgan; uning belgilari davolash to‘xtatilganidan keyin yo‘qolgan. Flukonazol bilan davolash vaqtida bemorlarning jigar faoliyatining ko‘rsatkichlarini jigarning jiddiy shikastlanishlarini aniqlash maqsadida kuzatish kerak. Jigarning shikastlanishini klinik belgilari paydo bo‘lganida, ular flukonazol bilan bog‘liq bo‘lishi mumkin, preparatni bekor qilish kerak.
Bemorlarda flukonazol bilan davolash vaqtida kam hollarda Stivens-Djonson va toksik epidermal nekroliz kabi eksfoliativ teri reaktsiyalari rivojlangan. OITSli bemorlar ko‘pchilik preparatlar qo‘llanganida og‘ir teri reaktsiyalarining rivojlanishiga moyilroq bo‘ladilar. Yuzaki zamburug‘li infektsiyasi bo‘yicha davolanayotgan bemorlarda toshmalar paydo bo‘lganida, uni flukonazol bilan bog‘lash mumkin, preparatni bekor qilish kerak.
Invaziv/tizimli zamburug‘li infektsiyalari bo‘lgan bemorlarda toshmalar paydo bo‘lganida ularni sinchiklab kuzatish va bullez shikastlanishlari yoki ko‘pshaklli eritemalar paydo bo‘lganida flukonazolni bekor qilish kerak.
Boshqa dori vositalari bilan o‘zaro ta'siri
Kumarin turi peroral antikoagulyantlar.
Protrombin vaqti uzayishi mumkin (o‘lchash ma'lumotlari bo‘yicha – 12% ga), shuning uchun peroral antikoagulyant vositalarni olayotgan bemorlarda protrombin vaqtini nazorat qilish kerak.
Sulfanilmochevina turi peroral diabetga qarshi preparatlar.
Sog‘lom ko‘ngillilarda majmuaviy yuborilganida flukonazol bu preparatlarning yarim parchalanish vaqtini uzaytiradi. Shuning uchun gipoglikemiya ehtimolini hisobga olish kerak.
Tiazid diuretiklar. Sog‘lom ko‘ngillilarda gidroxlortiazid flukonazolning plazmadagi darajasini taxminan 40% ga oshirgan. Shuning uchun tiazid turi diuretiklari bilan majmuaviy yuborilganida bu samarani hisobga olish kerak.
Fenitoin. Fenitoinning plazmadagi darajasini ahamiyatli darajada oshiradi. Flukonazol bilan birga qo‘llanganida fenitoinning plazmadagi darajasini nazorat qilish kerak.
Rifampitsin. Rifampitsinni uzoq muddat olgan bemorlarni flukonazol bilan davolashda flukonazolning so‘rilishini egri chiziq osti maydonining kattaligi 25% ga kamayadi, yarimchiqarilish davri – 20%. Bunday hollarda flukonazolning dozasini oshirishi mumkinligini ko‘zda tutish kerak.
Siklosporin. Flukonazol 100 mg sutkalik dozada suyak ko‘migi ko‘chirib o‘tkazilgan bemorlarda siklosporinning darajasiga ahamiyatli ta'sir ko‘rsatmaydi. Ayrim xabarlarga muvofiq buyraklar ko‘chirib o‘tkazilgan bemorlarda flukonazol 200 mg sutkalik dozada qo‘llanganida, siklosporinning darajasi oshgan. Shuning uchun siklosporin flukonazol bilan birga qo‘llanganida siklosporinning plazmadagi darajasining monitoringini o‘tkazish tavsiya qilinadi.
Teofillin. Flukonazol kuniga 200 mg dan 14 kun davomida qo‘llanganidagi o‘zaro ta'sirlarni platsebo-nazoratli tekshirishlarda, teofillinning plazmadagi klirensi o‘rtacha 18% ga kamaytirgan. Shu sababli teofillinning katta dozalari bilan davolangan bemorlarni sinchiklab kuzatish va zaharli ta'siri aniqlanganida preparatning dozasini kamaytirish kerak.
Peroral kontratseptiv preparatlar. Flukonazol kuniga 50 mg dozada sog‘lom ayollarda majmuaviy peroral kontratseptivlarning darajasiga ta'sir qilmaydi, kuniga 200 mg dozada esa etinilestradiol va levonorgesterelning egri chiziq osti maydonining (AUC) ko‘rsatkichini muvofiq 40% va 24% ga oshirgan. Bu tekshirishlar asosida flukonazolning takroriy dozasi majmuaviy peroral kontratseptivlarning samaradorligiga ta'sir qilmasligi taxmin qilinadi.
Terfenadin. Boshqa azol zamburug‘larga qarshi vositalarni terfenadin bilan birga olayotgan bemorlarda jiddiy aritmiyalarning paydo bo‘lishini hisobga olib, flukonazol va terfenadin bilan bir vaqtda qo‘llanganida bemorlarni sinchiklab nazorat qilish kerak.
Zidovudin. Zidovudinning qon plazmasidagi egri chiziq osti maydonining ko‘rsatkichi (AUC) 20-70% ga oshishi aniqlangan. Shunday qilib, zidovudinning plazmadagi darajasini nazorat qilish va uning dozalarini o‘zgartirish kerak.
Antipirin. Flukonazol 50 mg dozada antipirinning metabolizmiga ta'sir qilmaydi. Ovqat qabul qilish, simetidin, antatsidlar va butun tanani nurlantirish suyak ko‘migini ko‘chirib o‘tkazilishini o‘tkazgan bemorlarda, flukonazolning so‘rilishiga ta'sir qilmaydi. Yuqorida eslatilganlardan tashqari, o‘zaro ta'sirning boshqa tekshirishlari o‘tkazilmagan, shunga qaramasdan shifokor flukonazolni boshqa preparatlar bilan o‘zaro ta'sirlarning potentsial ehtimolini hisobga olish kerak.

Chiqarilish shakli

. Infuziya uchun eritma 100 ml dan flakonda; tabletkalar 1 tabletkadan blister o‘ramda, xar biri ilova-varaqa bilan birga karton o‘ramda.

Saqlash sharoiti

Quruq, yorug‘likdan himoyalangan joyda, 250S dan yuqori bo‘lmagan haroratda.

Yaroqlilik muddati

Infuziya uchun eritma va tabletkalar - 3 yil.
Berish tartibi. Retsept bo‘yicha.

Ishlab chiqaruvchi

ULTRA LABORATOIRES PVT LTD,
34 Ferns Rezidentsii, K.Narayanpura ko‘ch.,
Xennur bosh yo‘li, Banralor, HINDISTON