Preparatning savdo nomi
Futsis
Ta'sir etuvchi modda (XPN) flukonazol

Dori shakli
infuziya uchun eritma

Tarkibi

Har 100 ml eritma quyidagilarni saqlaydi
faol modda flukonazol - 200 mg;
yordamchi moddalar 0,9% natriy xlorid, in'ektsiya uchun suv.
Ta'rifi rangsizdan biroz sarg‘ish ranggacha bo‘lgan tiniq eritma.

Farmakoterapevtik guruhi
Tizimli foydalanish uchun zamburug‘larga qarshi vositalar. Triazol hosilalari.
ATK kodi J02AC01


Farmakologik xususiyatlari


Farmakodinamika

Ta'sir mexanizmi
Flukonazol - bu triazolli zamburug‘larga qarshi vosita. Uning asosiy birlamchi ta'sir mexanizmi zamburug‘ning ergosteroli biosintezidagi ajralmas qismi bo‘lgan R450 sitoxromi vositasida zamburug‘li 14 al'fa-lanosterol-demetillanishni bostirishdir. 14 al'fa-metil sterollarning to‘planishi zamburug‘ hujayralari membranasi tomonidan ergosterolning navbatdagi yo‘qotilishiga o‘zaro bog‘liq bo‘lib, va flukonazolning zamburug‘larga qarshi faolligi uchun javobgar bo‘lishi mumkin. Flukonazol turli xil sut emizuvchilar R450 sitoxromi ferment tizimlariga qaraganda zamburug‘larning R450 sitoxrom fermentlari uchun ko‘proq moslashgandir.
28 kun davomida kuniga 50 mg flukonazol qabul qilinishi erkaklarda zardobdagi testosteron kontsentratsiyasiga yoki fertil yoshdagi ayollarda steroidlar kontsentratsiyasiga ta'siri yo‘qligi isbotlangan. Kuniga 200 dan 400 mg gacha bo‘lgan flukonazol qabul qilinishi endogen steroid darajalariga yoki sog‘lom erkak ko‘ngillilarning AKTG tomonidan stimulyatsiyalangan ta'sirga javoban klinik jihatdan ahamiyatli ta'sir qilmaydi. Antipirin bilan o‘zaro ta'sirli tadqiqotlar shuni ko‘rsatadiki, 50 mg flukonazolning bir martalik yoki ko‘p martalik dozasi uning metabolizmiga ta'sir qilmaydi.
In vitro sezuvchanligi
Flukonazol in vitro sharoitda klinik jihatdan keng tarqalgan Candida turlariga mansub (shu jumladan C. albicans, C. parapsilosis, C. tropicalis) zamburug‘larga qarshi ta'sir ko‘rsatadi. C. glabrata keng sezuvchanlik diapozonini namoyon qiladi, ammo bir vaqtda C. krusei patogeni esa flukonazolga chidamlidir.
Flukonazol shuningdek, in vitro sharoitda Cryptococcus neoformans va Cryptococcus gattii larga nisabatan, shuningdek, Blastomyces dermatiditis, Coccidioides immitis, Histoplasma capsulatum va Paracoccidioides brasiliensis endemik zamburug‘ patogenlariga nisbatan faoldir.
Farmakokinetik/farmakodinamik o‘zaro ta'sirlari
Hayvonlarda o‘tkazilgan tadqiqodlar natijalariga ko‘ra MIC qiymatlari va Candida spp. tomonidan kelib chiqadigan eksperimental mikozlarga qarshi samaradorligi o‘rtasida o‘zaro bog‘liqlik mavjud. Klinik sinovlarda AUC va flukonazol dozasi o‘rtasida deyarli 1 1 chiziqli bog‘liqlik mavjud. Shuningdek, AUC yoki dozasi o‘rtasida to‘g‘ridan-to‘g‘ri, nomukammal bo‘lsa, ham bog‘liqlik mavjud bo‘lib, og‘iz kandidozi va kam darajada kandidemiyani davolashda muvaffaqiyatli klinik javob kuzatilgan. Xuddi shunday tarzda, MIC darajasi yuqori bo‘lgan shtammlar tomonidan yuzaga kelgan infektsiyalarni Flukonazol bilan davolash ehtimoli kamroq.
Rezistentlik mexanizmi
Zamburug‘larga qarshi azol vositalariga Candida spp. rezistentlik ko‘rsatishning bir qator mexanizmlarini ishlab chiqdi. Ma'lumki, ushbu rezistentlik mexanizmlaridan birini yoki bir nechtasini ishlab chiqqan zamburug‘ shtammlari flukonazolga nisbatan yuqori minimal ingibirlovchi kontsentratsiyalarni (MIC) namoyish qiladi va natijada in vivo sharoitida klinik samaradorlikka salbiy ta'sir ko‘rsatadi.
Ko‘pgina holatlarda, odatda tabiiy holda fukonazolga sezuvchanligi bo‘lmagan C. albicans turlaridan farqlanuvchi Candida turlari bilan superinfektsiya holatlari haqida xabarlar mavjud (masalan, Candida krusei). Bunday hollarda muqobil zamburug‘larga qarshi terapiya talab qilinishi mumkin.

Farmakokinetikasi

Flukonazolning farmakokinetik xususiyatlari tomir ichiga va og‘iz orqali yuborishda bir xil.
So‘rilishi
Flukonazol og‘iz orqali yuborilgandan so‘ng yaxshi so‘riladi va preparatning qon zardobidagi darajasi (tizimli biokiraolishliligi) qon zardobidagi flukonazol darajasining 90% dan oshadi, bu preparatni tomir ichiga yuborish bilan erishiladi. Bir vaqtning o‘zida oziq-ovqat iste'mol qilish, og‘iz orqali yuborilganda preparatning so‘rilishiga ta'sir qilmaydi. Qon zardobidagi eng cho‘qqi kontsentratsiyaga preparatni nahorga qabul qilganidan keyin 0,5-1,5 soatdan keyin erishiladi. Preparatning qon zardobidagi kontsentratsiyasi dozaga mutanosibdir. 90% darajadagi muvozanat kontsentratsiyasiga davolanishning 4-5-kunida preparatni bir kun bir marta qo‘llanilganda erishiladi. Kundalik dozadan 2 baravar ko‘p bo‘lgan zarbli dozani (birinchi kuni) qo‘llashda, qo‘llanilishining ikkinchi kuniga zardobdagi 90% darajadagi muvozanat kontsentratsiyasiga erishishga imkon beradi.
Taqsimlanishi
Taqsimlanish hajmi organizmdagi suvning umumiy miqdoriga teng. Zardoboqsillari bilan bog‘lanish darajasi past (11-12%).
Flukonazol barcha tekshiriladigan suyuqliklarga yaxshi kirib boradi. So‘lak va balg‘amdagi flukonazol darajasi qon zardobidagi preparatning kontsentratsiyasiga mutanosib. Zamburug‘li meningit bilan kasallangan bemorlarda orqa miya suyuqligidagi flukonazol darajasi qon zardobidagi kontsentratsiyaning 80% ga yetadi.
Terida flukonazolning yuqori kontsentratsiyasi zardobdagi kontsentratsiyadan oshib ketadi, va shoxli qavat, epidermis, derma va terda to‘planadi. Flukonazol shoxli qavat qatlamida to‘planib qoladi. Kuniga bir marta 50 mg dozadan foydalanganda, 12 kunlik davolanishdan keyin flukonazolning kontsentratsiyasi 73 mg/g ni va davolash tugaganidan keyin 7 kun - 5,8 mkg/g ni tashkil qiladi. Haftada bir marta 150 mg dozadan foydalanganda, davolashning 7-kunida flukonazolning kontsentratsiyasi 23,4 mkg/g ni tashkil qiladi; Keyingi dozadan 7 kun o‘tgach, kontsentratsiya 7,1 mg / g ni tashkil qiladi.
Tirnoq kasalliklari bo‘lgan odamlarda 4 oy davomida haftasiga bir marta 150 mg dan qo‘llanilgandan keyin tirnoqlarda flukonazolning kontsentratsiyasi 1,8 mkg/g ni tashkil qiladi; terapiya tugaganidan 6 oy o‘tgach, tirnoq namunalarida flukonazol aniqlanadi.
Metabolizmi
Flukonazol qisman metabollanadi. Radioaktiv izotoplar bilan belgilangan dozani kiritishda faqat 11% flukonazol modifikatsiyalangan shaklda siydik bilan chiqariladi. Flukonazol CYP2S9 va CYP3A4 izofermentlarining selektiv ingibitori hisoblanadi ("Dorilarning o‘zaro ta'siri" bo‘limiga qarang), shuningdek, 2C19 izofermentining ingibitoridir.
Chiqarilishi
Flukonazolning qon zardobidan yarim chiqarilish davri 30 soatni tashkil qiladi. Preparatning katta qismi buyraklar orqali chiqariladi va kiritilgan dozaning 80% siydikda o‘zgarmagan holda aniqlanadi. Flukonazol klirensi kreatinin klirensiga mutanosibdir. Qonda aylanadigan metabolitlari aniqlanmagan. Qon zardobidan davomli yarim chiqarilish davri hisobiga preparatni vaginal kandidoz uchun bir marta, shuningdek boshqa ko‘rsatmalar bo‘lganda haftada bir marta ishlatishga imkon beradi.
Buyrak yetishmovchiligidagi farmakokinetikasi
Og‘ir buyraklar yetishmovchiligi bor bo‘lgan bemorlarda (KFT <20 ml/minut) yarim chiqarilish davri 30 dan 98 soatgacha oshadi. Shuning uchun dozani kamaytirish kerak. Flukonazol tanadan gemodializ va ozroq darajada peritoneal dializ yordamida chiqariladi. Uch soatlik gemodializ seansidan so‘ng, taxminan 50% flukonazol qondan chiqariladi.
Bolalardagi farmakokinetikasi
Farmakokinetik ma'lumotlarni baholash 113 ta bola yoshidagi bemorda 5 ta klinik tadqiqodda o‘tkazildi 2 ta tadqiqod bir martalik dozani o‘rganish, 2 ta tadqiqod ko‘p martalik takroriy qo‘llanilishi bo‘yicha va 1 ta tadqiqod erta tug‘ilgan chaqaloqlarda o‘tkazilgan. Bir tadqiqot ma'lumotlari, tadqiqod davomida retseptura shakllanish yo‘llarida o‘zgarishlar yuzaga kelgani uchuntalqin buzildi. Qo‘shimcha ma'lumotlar xayriya tadqiqotidan olingan.
9 oylikdan 15 yoshgacha bo‘lgan bolalarda 2-8 mg/kg flukonazol qo‘llanilgandan so‘ng,
1 mg/kg doza birligi uchun taxminan 38 mg/soat/ml AUC o‘rnatildi. Flukonazolning zardobdagi yarim chiqarilish davri o‘rtacha 15 dan 18 soatgacha bo‘lgan va takroriy qo‘llanilgandan keyin taqsimlanish hajmi taxminan 880 ml/kg ni tashkil qilgan. Flukonazolning zardobdagi yarim chiqarilish davri bir martalik dozadan so‘ng taxminan 24 soatni tashkil qildi. Bu 11 kundan 11 oygacha bo‘lgan bolalarda bir martalik 3 mg/kg bir martalik dozadan keyin flukonazolning zardobdagi yarim chiqarilish davri bilan taqqoslanma tengdir. Ushbu yosh guruhidagi taqsimlanish hajmi 950 ml /kg ga teng bo‘ldi.
Farmakokinetik tadqiqotlarda yangi tug‘ilgan chaqaloqlar orasida flukonazol bilan tajriba cheklangan. Birinchi dozani qabul qilishning o‘rtacha yoshi 24 soatni tashkil qildi (9-36 soat oralig‘ida) va o‘rtacha 28 hafta davom etgan homiladorlikdan 12 ta erta tug‘ilgan chaqaloqlarda tug‘ilishning o‘rtacha vazni taxminan 0,9 kg (0,75-1,10 kg oralig‘ida) bo‘ldi. Yetti bemorda tadqiqotni yakunlandi har 72 soatda maksimal 6 mg/kg venaga flukanozol infuziya holida yuborildi. O‘rtacha yarim chiqarilish davri (soatlar) 1-kuni
74 (44-185 oralig‘ida) ni tashkil etdi, bu vaqt o‘tishi bilan o‘rtacha qiymatlarga kamaydi va 7-kuni 53 (30-131 oralig‘ida) va 13-kunga 47-kuni (27-68 oralig‘ida) kamaydi. Egri chiziq maydoni osti (mkg soat/ml) 1-kuni 271 (173-385 oralig‘ida) ni tashkil etdi va
7-kuni o‘rtacha 490 ga (292-734 oralig‘ida) oshdi va 13-kuni o‘rtacha 360 ga kamaydi (167- 566 oralig‘ida). Taqsimlanish hajmi (ml/kg) birinchi kuni 1183 (1070-1470 oralig‘ida) ni tashkil etdi va vaqt o‘tishi bilan 7-kunida 1184 (510-2130 oralig‘ida) va 13-kuni
1328 (1040-1680 oralig‘ida) ga ko‘tarildi.
Keksa yoshdagi bemorlarda farmakokinetikasi
Farmakokinetik tadqiqot 65 yosh va undan katta bo‘lgan 22 ta bemorda o‘tkazildi, ular
50 mg flukonazolning bir martalik og‘iz orqali qabul qilingan dozasini olishdi. Ushbu bemorlarning o‘n nafari bir vaqtning o‘zida diuretiklarni qabul qilishgan. Cmax
1,54 mg / ml ni tashkil etdi va dozani kiritgandan keyin 1,3 soat o‘tgach aniqlandi. AUC ning o‘rtacha qiymatlari 76,4 ± 20,3 mkg soat / ml ni tashkil etdi, va o‘rtacha yakuniy yarim chiqarilish davri 46,2 soatni tashkil etdi. Farmakokinetik parametrlarning ushbu ko‘rsatkichlari sog‘lom yosh erkak jinsi ko‘ngillilarda belgilangan mutanosib ko‘rsatkichlardan yuqori. Diuretiklarni bir vaqtda qo‘llash AUC yoki Cmax ga sezilarli ta'sir ko‘rsatmadi. Bundan tashqari, yosh ko‘ngillilarga qaraganda kreatinin klirensi (74 ml/minut), siydikda aniqlangan preparat foiz ulushi (0-24 soatda, 22%) va keksa yoshdagi buyraklar uchun flukonazol klirensini baholash (0,124 ml/minut/kg) odatda past edi. Shunday qilib, keksa yoshdagi flukonazol dispozitsiyasining o‘zgarishi ushbu guruhdagi buyraklar faoliyati xususiyatlarining pasayishi bilan bog‘liq.

Qo‘llanilishi

Flukonazol quyidagi zamburug‘ infektsiyalari uchun qo‘llaniladi
Flukonazol kattalardagi quyidagi kasalliklarni davolash uchun qo‘llaniladi, masalan
• kriptokokk meningiti ("
Maxsus ko‘rsatmalar
" bo‘limiga qarang);
• koktsidioidoz ("
Maxsus ko‘rsatmalar
" bo‘limiga qarang);
• invaziv kandidozlar;
• shilliq pardalar kandidozi, shu jumladan og‘iz yutqin kandidozi va qizilo‘ngach kandidozi, kandiduriya, terining va shilliq pardalarning surunkali kandidozi;
• mahalliy stomatologik gigiyena vositalari samarasizligi holatlaridagi surunkali atrofik kandidoz (tish protezlaridan foydalanish natijasida kelib chiqadigan kandidoz).
Flukonazol kattalardagi quyidagi kasalliklarni oldini olish uchun qo‘llaniladi, masalan
• rivojlanish xavfi yuqori bo‘lgan bemorlarda kriptokokk meningitining qaytalanishi;
• OITS bilan kasallanish xavfi yuqori bo‘lgan bemorlarda og‘iz yutqin yoki qizilo‘ngach kandidozining qaytalanishi;
• uzoq muddatli neytropeniya kuzatiladigan bemorlarda kandidoz infektsiyalarni oldini olish (masalan, kimyoterapiya olayotgan yomon sifatli xavfli qon kasalliklari bilan kasallanganlar yoki gemopoetik o‘zakhujayralari transplantatsiyasi qilingan bemorlar).
Flukonazol yangi tug‘ilgan chaqaloqlar, chaqaloqlar, yurishni boshlagan bolalar, 0 yoshdan 17 yoshgacha bo‘lgan bolalar va o‘spirinlarni davolash uchun ko‘rsatilgan
• Flukonazol shilliq qavatlar kandidozi (og‘iz yutqin kandidoz, qizilo‘ngach kandidozi), invaziv kandidoz, kriptokokk meningiti va immuniteti past bo‘lgan bemorlarda kandidoz infektsiyalarini oldini olish uchun qo‘llaniladi. Flukonazol bilan davolash rivojlanish xavfi yuqori bo‘lgan bolalarda kriptokokk meningitining qaytalanishini oldini olish uchun qo‘llash mumkin ("
Maxsus ko‘rsatmalar
" bo‘limiga qarang).
Davolash o‘stirish uchun olingan namunaning mikrobiologik natijalari va boshqa laboratoriya tekshiruvlari ma'lum bo‘lgunga qadar boshlanadi, ammo bu natijalar olingach, zamburug‘larga qarshi davolash mos ravishda sozlanishi kerak.
Zamburug‘larga qarshi vositalarni tegishli ravishda ishlatilishi bo‘yicha rasmiy qo‘llanmalar ko‘rib chiqilishi kerak.

Qo‘llash mumkin bo‘lmagan holatlar

Faol moddaga, boshqa azol birikmalariga yoki preparatning har qanday yordamchi moddalariga yuqori sezuvchanlik.
O‘zaro ta'sir o‘tkazish bo‘yicha tadqiqotlar natijalariga ko‘ra uzoq vaqt davomida flukonazolni kuniga 400 mg / sutkada yoki undan ko‘p dozada qo‘llanilgan bemorlarda flukonazol va terfenadinni bir vaqtning o‘zida qo‘llash taqiqlanadi. Flukonazolni QT oralig‘ini uzaytiradigan va R450 sitoxrom (CYP) 3A4 tomonidan metabolizmga uchragan boshqa dorilar, masalan, sizaprid, astemizol, pimozid, xinidin, amiodaron i eritromitsin bilan bir vaqtda qabul qilish taqiqlanadi ("Dorilarning o‘zaro ta'siri" va "
Maxsus ko‘rsatmalar
" bo‘limlariga qarang).

Dorilarning o‘zaro ta'siri
Quyidagi dorilar bilan birgalikda foydalanish taqiqlanadi.
Sizaprid. Flukonazol va sizapridni bir vaqtning o‘zida qabul qiladigan bemorlarda yurakdan kelib chiqadigan nojo‘ya reaktsiyalar, shu jumladan "piruet" tipidagi qorinchalar taxikardiyasi rivojlanishi haqida xabar berilgan. Nazorat ostida o‘tkazilgan tadqiqot natijalari shuni ko‘rsatdiki, kuniga bir marta 200 mg flukonazolni va kuniga 4 marta 20 mg sizapridni qo‘llash qon zardobidagi sitsaprid darajasining sezilarli darajada oshishiga va QTs oralig‘ining uzayishiga olib keldi. Flukonazol va sitsapridni bir vaqtning o‘zida qo‘llash taqiqlanadi ("
Qo‘llash mumkin bo‘lmagan holatlar
" bo‘limiga qarang).
Terfenadin. Terfenadin bilan bir vaqtning o‘zida azolli zamburug‘larga qarshi perparatlarni qo‘llaydigan bemorlarda QTc oralig‘ining uzayishi natijasida kelib chiqadigan og‘ir yurak ritmining buzilishi holatlari mavjud bo‘lganligi sababli o‘zaro ta'sirli tadqiqotlar o‘tkazildi. Bir tadqiqot davomida kuniga 200 mg dozada faqat flukonazoldan foydalanganda QTc oralig‘ining uzayishi kuzatilmadi. Flukonazolni kuniga 400 va 800 mg dozada qo‘llash bo‘yicha boshqa bir tadqiqot ma'lumotlari shuni ko‘rsatdiki, kuniga 400 mg dozada flukonazolni qabul qilishda ushbu ikki preparatni bir vaqtning o‘zida qo‘llanilganda qon zardobidagi terfenadin miqdorini sezilarli darajada oshdi. Flukonazolni kuniga ≥400 mg dozada terfenadin bilan qo‘llash birgalikda qo‘lash taqiqlangan ("
Qo‘llash mumkin bo‘lmagan holatlar
" bo‘limiga qarang). Flukonazolni kuniga <400 mg dozada terfenadin bilan bir vaqtda qo‘llanilganda, bemorning ahvolini sinchkovlik bilan kuzatib borish kerak.
Astemizol. Flukonazol va astemizolni birgalikda qo‘llash astemizol klirensini kamaytirishi mumkin. Natijada qon zardobidagi astemizol kontsentratsiyasining ortishi QT oralig‘ining uzayishiga va kamdan-kam hollarda "piruet" tipidagi qorinchalar taxikardiyasiga olib kelishi mumkin. Flukonazol va astemizolni bir vaqtning o‘zida qo‘llash taqiqlangan ("
Qo‘llash mumkin bo‘lmagan holatlar
" bo‘limiga qarang).
Pimozid. Flukonazol va pimoziddan birgalikda foydalanish pimozid metabolizmining ingibirlanishiga olib kelishi mumkin, ammo in vitro va in vivo tegishli tadqiqotlar o‘tkazilmagan. Qon zardobidagi pimozid kontsentratsiyasining oshishi QT oralig‘ining uzayishiga va kam hollarda "piruet" tipidagi qorinchalar taxikardiyasining rivojlanishiga olib kelishi mumkin. Flukonazol va pimozidni bir vaqtning o‘zida qo‘llash taqiqlangan ("
Qo‘llash mumkin bo‘lmagan holatlar
" bo‘limiga qarang).
Xinidin. Flukonazol va xinidinning birgalikda qo‘llanilishi xinidin metabolizmining ingibirlanishiga olib kelishi mumkin, ammo tegishli in vitro va in vivo tadqiqotlar o‘tkazilmagan. Qon zardobidagi xinidin kontsentratsiyasining oshishi QT oralig‘ining uzayishiga va kamdan-kam hollarda "piruet" tipidagi qorinchalar taxikardiyasining rivojlanishiga olib kelishi mumkin. Flukonazol va xinidinni bir vaqtning o‘zida qo‘llash taqiqlangan ("
Qo‘llash mumkin bo‘lmagan holatlar
" bo‘limiga qarang).
Eritromitsin. Flukonazol va eritromitsinni bir vaqtning o‘zida qo‘llanilishi potentsial ravishda kardiotoksiklik (QT oralig‘ining uzayishi, "piruet" tipidagi qorinchalar taxikardiyasi) xavfni oshirishi va natijada to‘satdan yurak o‘limiga olib kelishi mumkin. Flukonazol va eritromitsinni bir vaqtning o‘zida qo‘llash taqiqlangan ("
Qo‘llash mumkin bo‘lmagan holatlar
" bo‘limiga qarang).
Flukonazol va quyidagi dori preparatlarni bir vaqtning o‘zida qo‘llanlishi tavsiya etilmaydi
Galofantrin. Flukonazol CYP3A4 ni ingibirlashi tufayli qon zardobidagi galofantrin kontsentratsiyasining oshishiga olib kelishi mumkin. Flukonazol va galofantrinni bir vaqtning o‘zida qo‘llanilishi potentsial ravishda kardiotoksiklik (QT oralig‘ining uzayishi, "piruet" turidagi qorinchalar taxikardiyasi) xavfini kuchayishiga va natijada to‘satdan yurak o‘limiga olib kelishi mumkin. Ushbu dorilarning kombinatsiyasini qo‘llashdan saqlaning ("
Qo‘llash mumkin bo‘lmagan holatlar
" bo‘limiga qarang).
Amiodaron. Flukonazol va amiodaronni bir vaqtda qo‘llanlishida QT oralig‘ining uzayishi yuzaga kelishi mumkin. Shu sababli, ikkala dori preparatni birgalikda qo‘llashda, ayniqsa, yuqori dozada flukonazol (800 mg) qo‘llanilganda, ehtiyot bo‘lish kerak.
Flukonazol va quyidagi preparatlarni birgalikda qo‘llanilishida foydalanish va dozani moslashtirishda ehtiyotkorlik talab etiladi.
Boshqa dori preparatlarning flukonazolga ta'siri
Rifampitsin. Flukonazol va rifampitsinni bir vaqtning o‘zida qo‘llanlishi AUC ning 25% ga pasayishiga va flukonazolning yarim chiqarilish davrining 20% ga qisqarishiga olib keldi. Shuning uchun rifampitsinni qabul qiladigan bemorlar uchun flukonazol dozasini ko‘paytirish maqsadga muvofiqligini ko‘rib chiqish kerak.
O‘zaro ta'sirlarga bag‘ishlangan tadqiqotlar shuni ko‘rsatdiki, flukonazolni oziq-ovqat, simetidin, antatsidlar bilan bir vaqtda qabul qilinishi yoki keyingi suyak ko‘migi transplantatsiyasi uchun butun tanani nurlantirish, og‘iz orqali yuborilgan flukonazolning so‘rilishiga klinik jihatdan muhim ta'sir ko‘rsatmaydi.
Gidroxlortiazid. Farmakokinetik o‘zaro ta'sirni o‘rganishga bag‘ishlangan tadqiqodlar shuni ko‘rsatdiki, flukonazolni qabul qilgan sog‘lom ko‘ngillilarga bir vaqtning o‘zida ko‘p miqdordagi gidroxlortiazidni qo‘llash qon zardobida flukonazolning kontsentratsiyasining 40% ga oshishiga olib keldi. Ushbu samaraning yuzaga kelishi diuretiklar qo‘llaniladigan kishilarda flukonazolni dozalash rejimini o‘zgartirishni talab qilmasligi kerak.
Flukonazolning boshqa dorilarga ta'siri
Flukonazol R450 sitoxrom izofermenti 2C9 (CYP) ning kuchli ingibitori va CYP3A4 ning o‘rta darajadagi ingibitori hisoblanadi. Shuningdek, flukonazol CYP2C19 izofermentining ingibitori hisoblanadi. Quyida tavsiflangan kuzatilgan/hujjatlashtirilgan o‘zaro ta'sirlardan tashqari, bir vaqtning o‘zida flukonazol bilan CYP2C9, CYP2C19 va CYP3A4 tomonidan metabolizmga uchragan boshqa birikmalarning qo‘llanilganda ularning zardobdagi kontsentratsiyasini oshishi xavfi mavjud. Shuning uchun bunday dori preparatlar kombinatsiyasidan ehtiyotkorlik bilan foydalanish kerak va bemorlarning ahvolini diqqat bilan kuzatib borish zarur. Flukonazolning fermentlarga bostiruvchi ta'siri yarim chiqarilish davri uzoq bo‘lganligi tufayli flukonazoldan foydalanish to‘xtatilgandan keyin 4-5 kun davomida saqlanib qoladi ("
Qo‘llash mumkin bo‘lmagan holatlar
" bo‘limiga qarang).
Alьfentanil. Sog‘lom ko‘ngillilarga bir vaqtning o‘zida 400 mg dozada flukonazolni va 20 mg / kg dozada alfentanilni tomir ichiga yuborishda, ehtimol CYP3A4 ingibirlashi tufayli, AUC10 ning ikki barobar ko‘payishi qayd etilgan. Alfentanil dozasini moslashtirish zarur bo‘lishi mumkin.
Amitriptilin, nortriptilin. Flukonazol amitriptilin va nortriptilin ta'sirini kuchaytiradi. 5-nortriptilin va/yoki S -amitriptilin kontsentratsiyasini kombinatsiyalashgan terapiyaning boshida va 1 haftalik davolanishdan keyin aniqlash tavsiya etiladi. Agar kerak bo‘lsa, amitriptilin/nortriptilin dozasi moslashtirilishi kerak.
Amfoteritsin V. Odatiy va pasaygan immunitetga ega bo‘lgan infektsiyalangan sichqonlarda bir vaqtning o‘zida flukonazol va amfoteritsin V ni qo‘llanilishi quyidagi natijalarga olib keldi C. albicans li tizimli infektsiyada zamburug‘larga qarshi qo‘shimcha kichik samaradorlik, Cryptococcus neoformans li bosh miya ichki infektsiyada o‘zaro ta'sir yo‘qligi va Aspergillus fumigatus li tizimli infektsiyalarda ikkita preparatning antagonizmi. Ushbu tadqiqotlar natijasida olingan natijalarning klinik ahamiyati noma'lum.
Antikoagulyantlar. Marketingdan keyingi qo‘llanilish tajribasi shuni ko‘rsatdiki, boshqa azol zamburug‘larga qarshi vositalar qo‘llanilishida bo‘lgani kabi, flukonazol va varfarinni qabul qilish paytida qon ketishi (gematomalar, burundan qon ketish, oshqozon-ichaklardan qon ketishi, gematuriya va melena) protrombin vaqtining ortishi bilan birgalikda qayd etilgan. Flukonazol va varfarindan bir vaqtning o‘zida qo‘llanilishida, ehtimol, CYP2S9 tomonidan varfarin metabolizmining ingibirlanishi tufayli protrombin vaqtining ikki barobar ko‘payishi qayd etilgan. Kumarin qatoridagi antikoagulyantlarni yoki flukonazol bilan indandion antikoagulyantlarini bir vaqtda qabul qilgan bemorlarda protrombin vaqtini diqqat bilan kuzatib borish kerak. Antikoagulyantning dozasini moslashtirish talab qilinishi mumkin.
Benzodiazepinlar (qisqa muddatli), masalan midazolam, triazolam. Midazolamni og‘iz orqali yuborishdan keyin flukonazolni yuborish midazolam kontsentratsiyasining sezilarli darajada oshishiga va psixomotor ta'sirlarning kuchayishiga olib keladi. Flukonazolni bir vaqtning o‘zida 200 mg dozada va midazolamni 7,5 mg dozada og‘iz orqali qabul qilish AUC va yarim chiqarilish davrini mos ravishda 3,7 va 2,2 martaga ko‘payishiga olib keldi. Flukonazolni kuniga 200 mg va 0,25 mg triazolam dozasida qo‘llash triazolamning AUC va yarim chiqarilish davrini mos ravishda 4,4 va 2,3 martaga ko‘payishiga olib keldi. Flukonazol va triazolamni bir vaqtning o‘zida qo‘llanilishida triazolam ta'sirining kuchayishi va uzayishi qayd etildi. Agar flukonazol bilan davolanayotgan bemorga bir vaqtning o‘zida benzodiazepin terapiyasini buyurish kerak bo‘lsa, uning dozasini kamaytirish va bemorning ahvolini diqqat bilan kuzatib borish kerak.
Karbamazepin. Flukonazol karbamazepin metabolizmini ingibirlaydi va qon zardobidagi karbamazepin darajasining 30% ga oshishiga olib keladi. Karbamazepindan toksiklik namoyon bo‘lish xavfi mavjud. Karbamazepin dozasini uning kontsentratsiyasi darajasiga va preparat ta'siriga qarab moslashtirish zarur bo‘lishi mumkin.
Kalьtsiy kanali blokatorlari. Ba'zi kalьtsiy antagonistlari (nifedipin, isradipin, amlodipin, verapamil va felodipin) CYP3A4 fermenti orqali metabollanadi. Flukonazolda kalьtsiy kanallari blokatorlarining tizimli ta'sirini kuchaytirish imkoniyati mavjud. Noqulay ta'ssirlaning rivojlanishini diqqat bilan kuzatib borish tavsiya etiladi.
Selekoksib. Flukonazolni (kuniga 200 mg) va selekoksibni (200 mg) bir vaqtning o‘zida qo‘llanilishida Selekoksibning Cmax va AUC tegishlicha 68% va 134% ga oshdi. Selekoksib va flukonazolni bir vaqtning o‘zida qo‘llanilishida selekoksib dozasini ikki barobar kamaytirish kerak bo‘lishi mumkin.
Siklofosfamid. Siklofosfamid va flukonazolni bir vaqtning o‘zida qo‘llanilishi qon zardobida bilirubin va kreatinin miqdorining oshishiga olib keladi. Ushbu preparatlar zardobdagi bilirubin va kreatinin kontsentratsiyasining ortishi xavfini hisobga olgan holda bir vaqtda qo‘llanilishi mumkin.
Fentanil. Fentanil va flukonazol o‘rtasidagi o‘zaro ta'sir tufayli fentanil intoksikatsiyasi tufayli o‘limga olib kelgan bitta holat qayd etilgan. Bundan tashqari, sog‘lom ko‘ngillilar bilan o‘tkazilgan tadqiqotlar shuni ko‘rsatdiki, flukonazol fentanilni so‘rilishini sezilarli darajada sekinlashtirdi. Fentanil kontsentratsiyasining oshishi nafas jarayonining buzilishiga olib kelishi mumkin. Nafas yetishmovchiligining rivojlanish xavfi tufayli bemorning ahvolini diqqat bilan kuzatib borish kerak. Fentanilning dozasini moslashtirish talab qilinishi mumkin.
GMG-KoA -reduktaza ingibitorlari.(atorvastatin va simvastatin) orqali metabolizmga uchragan flukonazol va GMG-KoA - reduktaza ingibitorlari yoki CYP2C9 (fluvastatin) tomonidan metabolizmga uchragan GMG-KoA - reduktaza bir vaqtda qo‘llanilganda miopatiya va rabdomioliz rivojlanish xavfi oshadi. Agar ushbu dori preparatlarni bir vaqtning o‘zida qo‘llanilishi kerak bo‘lsa, bemorlarda miopatiya va rabdomioliz belgilari paydo bo‘lishini diqqat bilan kuzatish va kreatinkinaza darajasini nazorat qilish kerak. Kreatinkinaza darajasining oshishi, shuningdek, miopatiya / rabdomioliz tashxisi qo‘yilgan yoki shubha qilingan taqdirda, GMG-KoA- reduktaza ingibitorlaridan foydalanishni to‘xtatish kerak.
Immunosupressorlar (masalan, siklosporin, everolimus, sirolimus va takrolimus) Siklosporin. Flukonazol siklosporinning kontsentratsiyasini va AUC ni sezilarli darajada oshiradi. Flukonazolni kuniga 200 mg dozada va siklosporinni kuniga 2,7 mg/kg dozada qo‘llanilishida siklosporinning AUC 1,8 martaga ko‘payishi qayd etildi. Siklosporinning dozasi uning kontsentratsiyasiga qarab kamaytirilgan bo‘lishi sharti bilan ushbu dorilarni bir vaqtning o‘zida qo‘llash mumkin.
Everolimus. in vitro i in vivo tadqiqotlar o‘tkazilmagan bo‘lsa ham, flukonazol CYP3A4 ni ingibirlashi orqali qon zardobida everolimus kontsentratsiyasini oshirishi mumkin.
Sirolimus. Flukonazol ehtimol, sirolimus metabolizmini CYP3A4 fermenti va
R-glikoprotein bilan ingibirlash orqali sirolimusning zardobdagi kontsentratsiyasini oshiradi. Sirolimus dozasi kontsentratsiya darajasiga va preparat ta'siriga qarab moslashgtirlishi sharti bilan ushbu preparatlarni bir vaqtning o‘zida qo‘llash mumkin.
Takrolimus. Flukonazol og‘iz orqali qabul qilinganda ichakdagi CYP3A4 fermenti tomonidan takrolimus metabolizmini ingibirlashi orqali qon zardobidagi takrolimus kontsentratsiyasini 5 baravar oshirishi mumkin. Takrolimusni vena ichiga yuborilganda farmakokinetikada sezilarli o‘zgarishlar bo‘lmadi. Takrolimus darajasining ko‘tarilishi nefrotoksiklik bilan bog‘liq. Takrolimus kontsentratsiyasiga qarab og‘iz orqali qo‘llaniladigan takrolimusning dozasini kamaytirish kerak.
Lozartan. Flukonazol lozartan metabolizmini faol metabolitigacha (E3174) to‘sqinlik qiladi, bu asosan lozartan foydalanilganda angiotenzin II retseptorlariga nisbatan antagonizmi bilan xarakterlanadi.Bemorlarda qon bosimini doimiy nazoratini o‘tkazish tavsiya etiladi.
Metadon. Flukonazol qon zardobida metadon kontsentratsiyasini oshirishi mumkin. Metadonning dozasini moslashtirish zarur bo‘lishi mumkin.
Nosteroid yallig‘lanishga qarshi preparatlar. Flukonazol bilan bir vaqtning o‘zida qo‘llanilganda flurbiprofenni faqatgina o‘zi qo‘llanilgandagiga nisbatan flurbiprofenning Cmax va AUC tegishlicha shu ko‘rsatkichlarining 23 va 81% ga oshishi qayd etilgan. Flukonazolni ratsemik ibuprofen (400 mg) bilan bir vaqtda qo‘llanilganda farmakologik jihatdan faol izomer S - (+) - ibuprofenning Cmax va AUC, faqat rasemik ibuprofendan foydalanganda xuddi shu ko‘rsatkichlarga nisbatan mos ravishda 15 va 82% ga oshdi. Hech qanday maxsus tadqiqotlar o‘tkazilmagan bo‘lsa-da, flukonazol CYP2C9 (masalan, naproksen, lornoksikam, meloksikam, diklofenak) bilan metabolizmga uchragan boshqa NYaQPlarning tizimli ta'sirini kuchaytirishi mumkin. NYaQP bilan bog‘liq bo‘lgan nojo‘ya reaktsiyalar va toksik ko‘rinishli ma'sirlarning muntazam nazoratini o‘tkazish tavsiya etiladi. NYaQP dozasini moslashtirish zarur bo‘lishi mumkin.
Fenitoin. Flukonazol jigarda fenitoin metabolizmini ingibirlaydi. Bir vaqtning o‘zida 200 mg flukonazol va 250 mg fenitoinni vena ichiga bir necha marta qo‘llanilishi fenitoin AUC24 ni 75% ga va Smin —128% ga oshirishga olib keladi. Ushbu dorilarni bir vaqtning o‘zida qo‘llanilishida fenitoinning toksik ta'sirini rivojlanishini istisno qilish uchun qon zardobidagi fenitoin kontsentratsiyasini nazorat qilish kerak.
Prednizon. Jigar transplantatsiyasidan so‘ng bemorda prednizondan foydalanilganda va 3 oylik flukonazol terapiyasi to‘xtatilgandan so‘ng o‘tkir buyrak usti bezlari yetishmovchiligi yuzaga kelganligi haqida xabar berilgan. Flukonazolni to‘xtatilishi, ehtimol CYP3A4 faolligining oshishiga olib keladi, bu esa prednizon metabolizmining tezlashishiga olib keladi. Flukonazolni to‘xtatilgandan so‘ng buyrak usti bezlari yetishmovchiligi rivojlanishini oldini olish uchun uzoq vaqt davomida flukonazol va prednizondan foydalangan bemorlarni diqqat bilan kuzatib borish kerak.
Rifabutin. Flukonazol qon zardobida rifabutin kontsentratsiyasini oshiradi, bu esa rifabutinning AUS ning 80% gacha ko‘tarilishiga olib keladi. Flukonazol va rifabutinni bir vaqtning o‘zida qo‘llanilishida uveit holatlari qayd etilgan. Bunday preparatlar kombinatsiyasidan foydalanganda rifabutinning toksik ta'sirining alomatlarini hisobga olish kerak.
Sakvinavir. Flukonazol CYP3A4 fermenti tomonidan jigarda sakvinavir metabolizmini va R-glikoproteinni ingibirlash orqali sakvinavirning AUC va Cmax-ni mos ravishda 50% va 55% ga oshiradi. Sakvinavir / ritonavir bilan o‘zaro aloqalari o‘rganilmagan va shuning uchun yanada yaqqolroq bo‘lishi mumkin. Sakvinavirning dozasini moslashtirish kerak bo‘lishi mumkin
Sulьfonilmochevina hosilalari. Sog‘lom ko‘ngillilarda flukonazol bir vaqtning o‘zida qo‘llanilganda zardobdagi sulьfonilmochevina hosilalarni (xlorpropamid, glibenklamid, glipizid va tolbutamid) ning yarim chiqarilish davrini uzaytiradi. Flukonazol bilan bir vaqtda qo‘llanilganda qonda glyukoza miqdorini muntazam ravishda kuzatib borish va shunga muvofiq sulьfonilmochevina hosilalarining kerakli tartibda dozasini kamaytirish tavsiya etiladi.
Teofillin. Dori vositalarining o‘zaro ta'sirini o‘rganuvchi platsebo nazorati ostida o‘tkazilgan tadqiqod davomida 200 mg flukonazolni 14 kun davomida qo‘llanilishi qon zardobidagi teofillinning o‘rtacha klirensining 18% ga pasayishiga olib keldi. Teofillinning yuqori dozalarini qabul qiladigan yoki boshqa sabablarga ko‘ra teofillinning toksik ta'siri namoyon bo‘lish xavfi yuqori bo‘lgan bemorlar flukonazolni qo‘llaganda teofillinning toksikligi belgilarini diqqat bilan kuzatib borishlari kerak. Agar toksiklik belgilari paydo bo‘lsa, terapiyani o‘zgartirish kerak.
Pushti bo‘rigul alkaloidlari. Tadqiqodlar kamligiga qaramay, ma'lumki, flukonazol Pushti bo‘rigul alkaloidlarining zardobdagi darajasini oshirishi mumkin (masalan, vinkristin va vinblastin) va neyrotoksiklikka olib kelishi mumkin, bu CYP3A4 ga nisbatan ingibirlovchi ta'sir natijasida bo‘lishi mumkin.
Vitamin A. Klinik amaliyotda bir vaqtning o‘zida transretinoid kislota (A vitaminining kislota shakli) va flukonazoldan foydalangan bemorda markaziy asab tizimidan bosh miyaning psevdotumori shaklida nojщya reaktsiyalar paydo bo‘lganligi, va bu holat flukonazolni to‘xtatilgandan so‘ng yo‘qolganligi haqida xabar berilgan. Ushbu dorilar bir vaqtning o‘zida qo‘llanilishi mumkin, ammo markaziy asab tizimi tomonidan salbiy reaktsiyalar paydo bo‘lishi xavfini yodda tutish lozim.
Vorikonazol (CYP2C9, CYP2C19 va CYP3A4 ingibitorlari). Vorikonazolni (1 kun davomida 400 mg Q12h, so‘ngra 2,5 kun davomida 200 mg Q12h) va flukonazolni (kuniga 400 mg og‘iz orqali, so‘ngra 200 mg Q12h ni 4 kun davomida) 8 ta sog‘lom erkak sub'ektida birgalikda qo‘llanilishi vorikonazolning Cmax va AUC ning o‘rtacha 57% (90% ishonchlilik intervali 20%, 107%) va 79% (90% ishonchlilik intervali 40%, 128%) ga ko‘payishiga olib kelgan. Ushbu ta'sirni yo‘q qilishi mumkin bo‘lgan vorikonazol va flukonazolning kamaytirilgan dozasi va/yoki qo‘llanilish chastotasi haqida ma'lumotlar yo‘q. Vorikonazol flukonazoldan keyin darhol qo‘llanilganda, vorikonazol bilan bog‘liq nojo‘ya ta'sirlarni nazorat qilish tavsiya etiladi.
Zidovudin. Flukonazol zidovudinning Cmax va AUC ni mos ravishda 84 va 74% ga oshiradi, bu zidovudin klirensining og‘iz orqali yuborilganda taxminan 45% ga kamayishi bilan bog‘liq. Zidovudinning yarim chiqarilish davri ham flukonazol bilan birgalikda qo‘llanilgandan so‘ng, taxminan 128% ga uzaygan. Ushbu kombinatsiya holida preparatlarni qo‘llaydigan bemorlarda zidovudinni qo‘llanlishi bilan bog‘liq salbiy reaktsiyalarni rivojlanishini kuzatib borish kerak. Zidovudin dozasini kamaytirish haqida mulohaza qilish mumkin
Azitromitsin. 18 nafar sog‘lom ko‘ngillilar ishtirok etgan ochiq, randomirlangan, uch tomonlama kesishmali tadqiqotda azitromitsin va flukonazolning bir-birining farmakokinetikasiga ta'siri, ular bir vaqtning o‘zida 1200 va 800 mg dozada og‘iz orqali qabul qilinishidagi yuborilganda baholandi. Hech qanday muhim farmakokinetik o‘zaro ta'sirlar aniqlanmagan.
Og‘iz orqali ichiladigan kontratseptivlar. Og‘iz orqali ichiladigan kombinirlangan kontratseptiv va flukonazolning ko‘p martalik dozalari qo‘llanilgan holatda ikkita farmakokinetik tadqiqotlar o‘tkazildi. 50 mg flukonazol qo‘llanilgan tadqiqodda gormonlar darajasiga sezilarli ta'sir ko‘rsatilmagan, ammo kunlik 200 mg flukonazol qo‘llanilganda etinilestradiol va levonorgestrellarning AUC 40% va 24% ga oshgan. Shunday qilib, flukonazolning ko‘p martalik dozalarini qo‘llash kombinirlangan og‘iz orqali ichiladigan kontratseptivlarining samaradorligiga ta'sir qilishi ehtimoldan yiroq emas.
Ivakaftor. Mukovistsedozda transmembrana o‘tkazuvchanligi regulyatori (CFTR) ivakaftor bilan birgalikda qo‘llanilishi ivakaftor ta'sirini 3 barobarga va gidroksimetil ivakaftor (M1) ta'sirini 1,9 baravar oshirdi. Yondosh holda o‘rtacha CYP3A ingibitorlarini, ya'ni flukonazol va eritromitsin kabilarni qabul qilayotgan bemorlar uchun ivakaftor dozasini 150 mg kuniga bir martagacha kamaytirish tavsiya etiladi.

Maxsus ko‘rsatmalar

Bosh soch qismi teri mikozi
Bolalardagi bosh soch qismi teri mikozini davolash bo‘yicha flukonazolni bo‘yicha o‘tkazilgan tadqiqodlar natijalariga ko‘ra, flukonazolning samaradorligi grizeofulьvindan yuqori emas va samaradorlikning umumiy ko‘rsatkichi <20% ni tashkil qiladi. Shuning uchun flukonazolni bosh soch qismi teri mikozini davolash uchun qo‘llanilmasligi kerak.
Kriptokokkoz
Boshqa sohalar (masalan, o‘pka kriptokokkozi va terining kriptokokkozi) kriptokokkozini davolash uchun flukonazolning samaradorligi to‘g‘risida yetarli dalillar mavjud emas, shuning uchun ushbu holatlarni davolash uchun dozalash bo‘yicha tavsiyalar mavjud emas.
Chuqur endemik mikozlar
Parakoksidioidomikoz, teri-limfatik sporotrixoz va gistoplazmoz kabi endemik mikozlarning boshqa shakllarini davolash uchun flukonazolning samaradorligi to‘g‘risida yetarli dalillar mavjud emas, shuning uchun bunday kasalliklarni davolash uchun dozalash bo‘yicha tavsiyalar mavjud emas.
Siydik ajratish tizimi
Buyraklar funktsiyasi buzilgan bemorlarda flukonazol ehtiyotkorlik bilan qo‘llanilishi kerak ("
Qo‘llash usuli va dozalari
" bo‘limiga qarang).
Buyrak usti bezlarining yetishmovchiligi
Ma'lumki, ketokonazol buyrak usti bezlari yetishmovchiligiga olib keladi, bu flukonazolga ham tegishli, ammo har doim ham emas. Bir vaqtning o‘zida prednizon bilan qo‘llanilishi bilan bog‘liq buyrak usti bezlarining yetishmovchiligi "Dorilarning o‘zaro ta'siri" bo‘limida yoritilgan.
Flukonazolning boshqa dorilarga ta'siri
Gepatobiliar tizim
Jigar faoliyati buzilgan bemorlarda flukonazol ehtiyotkorlik bilan qo‘llanilishi kerak. Flukonazoldan foydalanish kamdan-kam hollarda og‘ir gepatotoksiklikning paydo bo‘lishi, shu jumladan o‘lim, asosan og‘ir kasalliklarga chalingan bemorlarda yuzaga kelgan. Gepatotoksiklikning rivojlanishi flukonazolni qo‘llanilishi bilan bog‘liq bo‘lgan holatlarda, preparatning umumiy kunlik dozasiga, terapiya davomiyligiga, bemorning jinsiga yoki yoshiga nisbatan aniq bog‘liqlik kuzatilmadi. Flukonazol keltirib chiqaradigan gepatotoksiklik odatda terapiya to‘xtatilgandan so‘ng orqaga qaytarilishi mumkin.
Flukonazol qo‘llanilishida jigar funktsiyasining funktsional probalarida qayd etiladigan me'yordan cheklanishlar yuzaga kelganda bemorlarda jigarning yanada jiddiy shikastlanishini rivojlanishini diqqat bilan kuzatib borish kerak.
Jigarga jiddiy ta'sir ko‘rsatganligini namoyon qiladigan alomatlar (og‘ir asteniya, anoreksiya, doimiy ko‘ngil aynishi, qusish va sariqlik) haqida bemorlarga xabar berish kerak. Bunday holatda, flukonazoldan foydalanish darhol to‘xtatilishi va shifokor bilan maslahatlashish kerak.
Yurak-qon tomir tizimi
Ba'zi azollar, shu jumladan flukonazol, EKGda QT oralig‘ining uzayishi bilan bog‘liq. Ro‘yxatdan o‘tkazilgandan so‘ng kuzatuvda Flukonazol qo‘llanilganda juda kam uchraydigan holatlarda QT oralig‘ining uzayishi va "piruet" tipidagi qorinchalar taxikardiyasi qayd etilgan. Bunday xabarlar yurak struktur kasallliklari, elektrolitlar almashinuvi buzilishlari va o‘zgarishlarga olib kelishi mumkin bo‘lgan boshqa dori vositalarni bir vaqtning o‘zida qo‘llanilishi kabi va ko‘plab xavf omillari kombinatsiyasi bilan og‘ir kasalliklarga chalingan bemorlarga tegishlidir.
Aritmiya rivojlanish xavfi bo‘lgan bemorlarda flukonazol ehtiyotkorlik bilan qo‘llanilishi kerak. QT oralig‘ini uzaytiradigan va R450 sitoxromining izofermenti (CYP) 3A4 orqali metabolizmga uchraydigan preparatlar bilan bir vaqtda qabul qilish taqiqlangan ("
Qo‘llash mumkin bo‘lmagan holatlar
" va "Dorilarning o‘zaro ta'siri" bo‘limlariga qarang).
Galofantrin
Galofantrin CYP3A4 fermentining substratidir va tavsiya etilgan terapevtik dozalarda qo‘llanilganda QTc oralig‘ini uzaytiradi. Galofantrin va flukonazolni bir vaqtning o‘zida qo‘llanilishi tavsiya etilmaydi ("Dorilarning o‘zaro ta'siri" bo‘limiga qarang).
Dermatologik reaktsiyalar
Flukonazolni qo‘llanilishida Stivens-Djonson sindromi kabi eksfoliativ teri reaktsiyalarining va toksik epidermal nekroliz rivojlanishi kamdan-kam hollarda qayd etilgan. OITSga chalingan bemorlarda ko‘p preparatlar qo‘llanilganda og‘ir teri reaktsiyalari paydo bo‘lishi ehtimoli ko‘proq. Agar yuza zamburug‘ infektsiyasiga chalingan bemorda toshma paydo bo‘lsa, ehtimol u flukonazolni qo‘llanlishi bilan bog‘liq bo‘lsa, preparatni keyin qabul qilinishi to‘xtatilishi kerak. Agar invaziv / tizimli zamburug‘ infektsiyasiga ega bemorda terida toshma paydo bo‘lsa, uning holatini diqqat bilan kuzatib borish kerak, agar bullyoz toshma yoki polimorf eritema rivojlansa, flukonazoldan foydalanish to‘xtatilishi kerak.
Yuqori sezuvchanlik
Kamdan kam hollarda anafilaktik reaktsiyalarning rivojlanishi haqida xabar berilgan ("
Qo‘llash mumkin bo‘lmagan holatlar
" bo‘limiga qarang).
R450 sitoxromi
Flukonazol CYP2C9 fermentining kuchli ingibitori va CYP3A4 fermentining o‘rtacha ingibitori hisoblanadi. Shuningdek, flukonazol CYP2C19 fermentining ingibitori hisoblanadi. CYP2C9, CYP2C19 va CYP3A4 ishtirokida metabolizmga uchraydigan, tor terapevtik darchaga ega preparatlar bilan flukonazol birgalikda qo‘llanilganda bemorlarning ahvolini kuzatish kerak ("Dorilarning o‘zaro ta'siri" bo‘limiga qarang).
Terfenadin
Terfenadin va flukonazolni kuniga <400 mg dozada qo‘llanlishi davomida bemorning ahvolini diqqat bilan kuzatib borish kerak ("
Qo‘llash mumkin bo‘lmagan holatlar
" va "Dorilarning o‘zaro ta'siri" bo‘limlariga qarang).
Yordamchi moddalar
1 ml preparat tarkibida 0,154 mmolь natriy mavjud. Natriy nazorati bo‘lgan parhezda bo‘lgan bemorlarda buni hisobga olishlari kerak.
Homiladorlik va laktatsiya davrida qo‘llanishi
Homiladorlik
Keng ko‘lamli tadqiqod natijalariga ko‘ra, birinchi trimestrda flukonazol qabul qilgan ayollarda o‘z-o‘zidan abort bo‘lish xavfi ortganligi aniqlangan.
Koksidioidomikoz sababli kamida uch oy davomida yuqori dozada flukonazol (kuniga 400-800 mg) qabul qilgan onalarning chaqaloqlarida ko‘plab tug‘ma anomaliyalar (shu jumladan braxitsefaliya, quloqlar displaziyasi, old liqildoqning gigant o‘lchami, son suyagining qiyshayishi va yelka-bilak sinostozi) haqida xabarlar mavjud.Flukonazolni qo‘llanilishi bilan ushbu hodisalar o‘rtasidagi bog‘liqliklar aniq emas. Hayvonlardagi tadqiqodlar reproduktiv toksikligini ko‘rsatdi.
Flukonazolni standart dozalari va qisqa muddatli davolanish homiladorlik davomida, agar aniq zarurat bo‘lmasa, tavsiya etilmasligi kerak.
Flukonazolni yuqori dozalarda va/yoki uzoq muddatli rejimlarda homiladorlik davomida, hayot uchun xavfli bo‘lgan infektsiyalardan mustasno holatlarda tavsiya etilmasligi kerak.
Laktatsiya
Flukonazol ona sutiga o‘tadi va qon zardobiga qaraganda past kontsentratsiyada bo‘ladi. Bir martalik 200 mg yoki undan kam miqdordagi flukonazol dozasi qabul qilinganda emizishni davom ettirish mumkin. Flukonazolning yuqori dozalarini yoki ko‘p martalik dozalarini qo‘llashda emizish tavsiya etilmaydi.
Fertillik. Flukonazol erkak yoki urg‘ochi kalamushlarda fertiligiga ta'sir qilmadi.
Transport vositasini boshqarish va boshqa mexanizmlardan foydalanish qobiliyatiga ta'siri
Flukonazolning avtotransport vositasini boshqarish yoki mexanizmlarni boshqarish qobiliyatiga ta'siri o‘rganilmagan.
Flukonazolni qabul qilish davomida bemorlarda bosh aylanishi yoki tutqanoqlar yuzaga kelishi ehtimoli to‘g‘risida ogohlantirish kerak ("Nojo‘ya ta'sirlar" bo‘limiga qarang) va ularga ushbu alomatlardan biri kelib chiqsa, transport vositalarini boshqarmaslik yoki mexanizmlarni ishlatmaslikni maslahat berish kerak.


Dozani oshirib yuborilishi

Flukonazolning haddan tashqari dozasi, shuningdek, gallyutsinatsiyalar va paranoid xatti-harakatlar haqida xabarlar mavjud. Dozani oshirib yuborishda simptomatik qo‘llab-quvvatlovchi terapiyani o‘tkazish kerak (qo‘llab-quvvatlovchi choralar va agar kerak bo‘lsa, oshqozonni yuvish).
Flukonazol asosan siydik bilan ajralib chiqadi. Majburiy diurez preparatni yo‘q qilishni tezlashtirishi mumkin. 3 soatlik gemodializ seansi zardobdagi flukonazol miqdorini taxminan 50% ga kamaytiradi.


Chiqarilish shakli

100 ml eritma past zichlikdagi polietilen flakonga joylashtiriladi. Xar bir flakon polietilen paketga o‘ralgan. Xar bir flakon tibbiyotda qo‘llanilishiga doir yo‘riqnomasi bilan birga karton o‘ramda.


Saqlash sharoiti

Quruq, yorug‘likdan himoyalangan joyda 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.


Yaroqlilik muddati

2 yil.
Preparat yaroqlilik muddati tugagandan so‘ng qo‘llanilmasin.


Dorixonalardan berish tartibi

Retsept bo‘yicha


Ishlab chiqaruvchi
va ishlab chiqarish manzili
Amanta Healthcare Ltd.,
Plot no.876, NH No.8, Village Hariyala, Taluka Matar,
District Kheda -387411, Gujarat, Hindiston.

Ro‘yxatga olish guvohnomasi egasi.
Kusum Healthcare Pvt. Ltd.
Adres D-158A, Okhla Industrial Area, Phase-1, New Delhi – 110020, Hindiston.