Preparatning savdo nomi
Nistatin
Ta'sir etuvchi modda (XPN) nistatin (nystatin)

Dori shakli
qobiq bilan qoplangan tabletkalar

Tarkibi

Har bir tabletka quyidagilarni saqlaydi
faol modda nistatin – 500 000 TB;
yordamchi moddalar qand, kaltsiy stearati, talk, kartoshka kraxmali, metiltsellyuloza, polisorbat-80, titan dioksidi, xinolin sarig‘i Ye 104, apelsin sarig‘i Ye 110.
Ta'rifi dumaloq, ikki yoqlama qavariq, yashil tusli och-sariq rangli plyonka qobiq bilan qoplangan tabletkalar.

Farmakoterapevtik guruhi
Ichakdagi mikroblarga qarshi vositalar. Antibiotiklar.
ATX kodi A07AA02.


Farmakologik xususiyatlari

Candida turi achitqisimon zamburug‘larga qarshi yuqori faollikka ega zamburug‘larga qarshi poliyen antibiotikdir. Preparatga rezistentlik juda sekin rivojlanadi.


Qo‘llanilishi

Me'da-ichak yo‘llarining nistatinga sezgir Candida turi achitqisimon zamburug‘lari tomonidan chaqirilgan infektsiyalarini davolash uchun, me'da-ichak yo‘llarida Candida turi zamburug‘larini o‘sishiga olib keluvchi preparatlar (masalan, keng ta'sir doirasiga ega antibiotiklar, kortikosteroidlar, sitostatiklar) davolanish vaqtida qo‘llaniladi.


Qo‘llash usuli va dozalari

Ichga, ovqat qabul qilishdan qat'iy nazar buyuriladi.
Kattalarga 500000 TB dan 3-4 marta buyuriladi. Sutkalik doza – 1500000-3000000 TB, og‘ir hollarda – 4000000-6000000 TB gachani tashkil etadi.
Davolash davomiyligi 2 haftani tashkil etadi yoki Candida ni o‘sishiga olib keluvchi preparatlar bilan davolash qancha davom etsa, shuncha davom etadi.
13 yoshdan oshgan bolalarga – 500000 TB dan sutkada 3-4 marta buyuriladi. Davolash davomiyligi – 10-14 kun. Zarurat tug‘ilganida davolash vaqti uzaytirilishi mumkin.
Tabletkalarni chaynamasdan yutiladi.
Ushbu dori shakli 13 yoshdan kichik bolalar uchun mo‘ljallanmagan. Ushbu yosh guruhi patsiyentlari uchun suspenziya tayinlanishi lozim.

Nojo‘ya ta'sirlari
Ovqat hazm qilish tizimi tomonidan og‘izda achchiq ta'm, dispeptik ko‘rinishlar, ko‘ngil aynishi, qusish, gastralgiya, diareya..
Allergik reaktsiyalar tana haroratini oshishi, et uvishishi, teri toshmasi, eshakemi, qichishish, bronxospazm, angionevrotik shish, shu jumladan yuzni shishi, kam hollarda – Stivens-Djonson sindromi.
Boshqalar fotosensibilizatsiya, taxikardiya, nospetsifik mialgiyalar; zamburug‘larning rezistent shakllarini tarqalish xavfi bo‘lishi mumkin, bu preparatni bekor qilishni talab qiladi.
Yuqorida sanab o‘tilgan nojo‘ya reaktsiyalar yoki dori vositasini tibbiyotda qo‘llash bo‘yicha ushbu yo‘riqnomasida ko‘rsatilmagan nojo‘ya reaktsiyalar yuz bergan hollarda shifokorga murojaat qilish lozim.


Qo‘llash mumkin bo‘lmagan holatlar

Dori vositasining faol moddasi yoki har qanday boshqa komponentiga o‘ta yuqori sezuvchanlikda qo‘llash mumkin emas.

Dorilarning o‘zaro ta'siri
Nistatinni klotrimazol bilan birga qo‘llanganda klotrimazolning faolligi pasayadi.


Maxsus ko‘rsatmalar

Preparat tizimli mikozlarni davolash uchun qo‘llanmaydi.
Davolash kusini to‘liq o‘tkazish kerak. Butun davolash kursi davomida davolash sxemasi va tartibiga qat'iy rioya qilish, preparatni teng vaqtlar oralig‘ida qabul qilish va dozani o‘tkazib yubormaslik kerak. Doza o‘tkazib yuborilganida iloji boricha uni tezroq qabul qilish kerak; agar navbatdagi dozani qabul qilish vaqti deyarli kelgan bo‘lsa, o‘tkazib yuborilagnini o‘rniga ikki barobar dozani qabul qilinmasin.
Nistatin quyosh nurlariga nisbatan terining sezuvchanligini oshirishi mumkin. Shuning uchun davolash vaqtida to‘g‘ri quyosh nurlaridan va sun'iy ul'trabinafsha nurlanishidan saqlanish kerak.
Preparat qand saqlaydi. Fruktozani o‘zlashtira olmaslik, glyukoza-galaktoza malьabsorbtsiyasi yoki saxaraza-izomalьtaza yetishmovchiligi kabi kam uchraydigan nasliy kasalliklari bo‘lgan patsiyentlar dori vositasini qabul qilishlari mumkin emas.
Nojo‘ya reaktsiyalari rivojlanganida preparatni bekor qilish kerak.
Homiladorlik vaqtida yoki emizish davrida qo‘llanishi. Nistatin me'da-ichak yo‘llaridan juda oz miqdorda so‘rilishiga qaramay, homilador ayol tomonidan dori vositasini qabul qilish homilaga zarar keltirishi hozirgi vaqtgacha noma'lum. Preparatni faqat ona uchun taxmin qilinayotgan foyda, homila yoki chaqaloq uchun bo‘lishi mumkin bo‘lgan xavfdan ustun bo‘lgan hollardagina qo‘llash mumkin
Nistatinni ona suti bilan ajralib chiqish-chiqmasligi noma'lum, shuning uchun nistatinni laktatsiya davrida qo‘llash zarurati tug‘ilganida emizishni to‘xtatish haqidagi masalani hal qilish kerak.
Avtotransportni yoki boshqa potentsial xavfli mexanizmlarni boshqarish qobiliyatgata'siri. Nistatin terapevtik dozalarda qo‘llanganda transport vositalari va mashina qurilmalarini boshqarish qobiliyatiga ta'sir qilmaydi.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Preparatni qo‘llaganda hozirgi vaqtgacha dozani oshirib yuborilishining ko‘rinishlari ta'riflanmagan.


Chiqarilish shakli

10 tabletkadan kontur uyali o‘ramda. Ikki kontur uyali o‘ram qo‘llash bo‘yicha yo‘riqnomasi bilan birga karton qutiga joylanadi.


Saqlash sharoiti

Namlik va yorug‘likdan himoyalangan joyda, 25°C dan yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Retsept bo‘yicha.


Ishlab chiqaruvchi

“Belmedpreparaty” RUK
Belarus' Respublikasi, 220007, Minsk sh.,
Fabritsius ko‘ch., 30, t/f. (+375 17) 220 37 16.