Preparatning savdo nomi
MR Serukglan
Ta'sir etuvchi modda (XPN) metoklopramid gidroxloridi

Dori shakli
in'ektsiya uchun eritma

Tarkibi
s
1 ml eritma quyidagilarni saqlaydi
faol modda metoklopramid gidroxloridi (suvsiz metoklopromid gidroxloridiga qayta hisoblaganda) – 5 mg;
yordamchi moddalar natriy metabisulfiti, in'ektsiya uchun suv.
Ta'rifi tiniq, rangsiz yoki biroz rangsiz suyuqlik.

Farmakoterapevtik guruhi
Qusishga qarshi vositalar.
ATX kodiA03FA01.


Farmakologik xususiyatlari


Farmakodinamika
si
Metoklopramid markaziy nerv tizimining dofaminergik (D-2) va serotoninergik (5-NT-3) retseptorlarining spetsifik blokatorlaridir, yaqqol qusishga qarshi ta'sir ko‘rsatadi (psixogen va vestibulyar genezli qusishdan tashqari), me'da-ichak yo‘llarining yuqori bo‘limlarini asosan, me'da va o‘nikki barmoq ichak tonusi va motorikasini boshqaradi, ayni paytda me'da va me'da osti bezi sekretsiyasiga ta'sir qilmaydi. Bundan tashqari, metoklopramid qizilo‘ngach sfinkterining bosimini oshiradi va gastroezofageal reflyuksni pasaytiradi. Metoklopramidning prokinetik ta'siri ovqat hazm qilish yo‘llarining distal yo‘nalishida pasayadi. Preparat Oddi sfinkterining spazmini kamaytirib, o‘t-safro chiqarilishini me'yorlashtiradi va o‘t qopchasining diskineziyasini kamaytiradi. Prolaktinni sekretsiyasini rag‘batlantiradi (dofamin retseptorlarining boshqa blokatorlari kabi). To‘qimalarning atsetilxolinga sezuvchanligini oshiradi.


Farmakokinetikasi

Ovqat hazm qilish yo‘llariga ta'sirini boshlanishi vena ichiga (v/i) yuborilgida 1-3 minut, mushak ichiga (m/i) yuborilganida – 10-15 minut, ichga qabul qilinganida – 20-40 minutdan keyin aniqlanadi. Antiemetik (qusishga qarshi) ta'siri 12 soat davomida saqlanadi. Ichga qabul qilinganida tez va to‘liq so‘riladi. Qon plazmasida maksimal kontsetratsiyasiga 30–120 minutdan keyin erishiladi. Biokiraolishligi – taxminan 5%. Qon plazmasi oqsillari bilan 13–30% metoklopramid bog‘lanadi. Taqsimlanish hajmi – 3,5 l/kg. Terapevtik samarasi ichga qabul qilinganida va vena ichiga (v/i) yuborilganda bir xil. Jigarda metabolizmga uchraydi. Yarimchiqarilish davri – 4–6 soat, surunkali buyrak yetishmovchiligida 14 soatgacha uzayadi. Siydik bilan 24–72 soat davomida yuborilgan dozaning 85% gachasi chiqariladi, taxminan 30% - o‘zgarmagan holda. Gematoentsefalik to‘siq va yo‘ldosh to‘sig‘i orqali o‘tadi, ko‘krak suti bilan chiqariladi.


Qo‘llanilishi

Narkoz, nur terapiyasi, kimyoterapiya, jigar va buyrak kasalliklari, bosh-miya jarohatlari, migren, angishvonagul preparatlari, antibiotiklar, morfin bilan bog‘liq bo‘lgan qusish va ko‘ngil aynishida; homiladorlar qusishi; me'daning peptik yarasi, me'daning diabetik parezi, uning operatsiyadan keyingi shu jumladan me'da rezektsiyasidan keyingi atoniyasida, gastritlarda; gastroezofageal reflyuks; funktsional dispepsiya, jigar sirrozidagi dispepsiya, xoletsistopatiya, surunkali pankreatitda, uremiyada; asosiy kasallikning turidan qatiy nazar, yuz bergan xiqichoq va kekirishda; gastroskopiyani o‘tkazishda, duodenal zondlashda, me'da va o‘nikki barmoq ichak kasalliklarini rentgendiagnostikasini o‘tkazishda qo‘llanadi.


Qo‘llash usuli va dozalari

Metoklopramid v/i va m/i buyuriladi. Me'da parezida kattalarga 10-15 mg dan sutkada 4 martagacha; bolalarga 0,1 mg/kg tana vazniga sutkada 4 martagacha, maksimal doza – sutkada 0,5 mg/kg. Kimyoterapiyani o‘tkazishda qusish va ko‘ngil aynishni bartaraf etish uchun bolalar va kattalarga kimyoterapiya seansini o‘tkazishdan 30 minut oldin v/i 1-2 mg/kg, so‘ngra har 2-4 soatda. Ovqat hazm qilish yo‘llarini rentgenologik tekshirishida ichak zondini kiritishdan oldin metoklopramid v/i yuboriladi 6 yoshgacha bolalarga – 0,1 mg/kg; 6 dan 14 yoshgacha – 2,5-5 mg; kattalarga – 10 mg yuboriladi.

Nojo‘ya ta'sirlari
Metoklopramid nisbatan xavfsiz dori vositasi hisoblanadi. Odatdagi terapevtik dozalarda nojo‘ya ta'sirlari kam kuzatiladi. Preparat qo‘llanganida uyquchanlik, yuqori charchoqlik, bosh og‘rig‘i, quloqlarda shovqin, og‘izni qurishi, eshakemi, ginekomastiya, galaktoreya kuzatilishi mumkin. Metoklopramid shishlari bo‘lgan bemorlarda natriyni tutilishini va kaliyni chiqarilishini kuchaytiradi, chunki aldosteronni sekretsiyasini rag‘batlanishini chaqiradi. Parkinsonizm uchun xos bo‘lgan (giperkineto-distonik ko‘rinishlar) turli ekstrapiramidal buzilishlar yoki simptomlar aniqlangan. Metoklopramidni uzoq muddat qo‘llanganda parkinsonizm rivojlanishi mumkin.


Qo‘llash mumkin bo‘lmagan holatlar

Me'da-ichak yo‘llarining a'zolaridan qon ketishi, mexanik o‘tkazmaslik va ovqat hazm qilish yo‘llarining harakat faolligini kuchayishi ma'qul bo‘lmagan boshqa holatlar; feoxromotsitoma, anamnezda preparatga allergik reaktsiyalar, tutqanoq, sut bezining rakidagi qusish, homiladorlikning I uch oyligi, emizish davrida, 2 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Metoklopramid atsetilsalitsil kislotasi, paratsetamol, diazepam, etil spirti, levodopa, tetratsiklin, ampitsillinni so‘rilishini kuchaytiradi. Etanolning ta'sirini kuchaytiradi. Digoksinning kardiotrop ta'sirini kamaytiradi. Simetidinni so‘rilishini kamaytiradi, shuning uchun uning yuqoriroq dozalari talab qilinadi. Anaprillin ichga qabul qilinganida metoklopramid uning qon zardobidagi darajasiga ta'sir qilmaydi.


Maxsus ko‘rsatmalar

Jigar va buyrak yetishmovchiligi bo‘lgan bemorlarda, bronxial astmada, arterial gipertenziyada ehtiyotkorlik bilan qo‘llanadi. Ovqat hazm qilish yo‘llarida o‘tkazilgan operatsiyalardan keyin buyurilmaydi, chunki metoklopramidning propulsuv samarasi choklarni bitishiga to‘sqinlik qiladi. Metoklopramidni qo‘llash fonida funktsional jigar sinamalarining, qon zardobidagi aldosteron va prolaktin kontsentratsiyasini aniqlash natijalari o‘zgarishi mumkin. Davolanish davrida avtotransportni boshqarish va diqqatni yuqori jamlashni va psixomotor reaktsiyalar tezligini talab qiluvchi potentsial xavfli faoliyat turlaridan saqlanish kerak. Ko‘pchilik nojo‘ya samaralar davolash boshlanganidan keyin 36 soat davomida paydo bo‘ladi va metoklopromid bekor qilinganidan keyin 24 soat davomida yo‘qoladi. Davolanish davrida alkogolni iste'mol qilishdan saqlanish kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin


Dozani oshirib yuborilishi
.
Simptomlari yuz mushaklarining spazmi, trizm, nutqning bulbar turi, ekstraokulyar mushaklar spazmi (shu jumladan okulogir krizlar), bosh va yelkalarning tabiiy bo‘lmagan holati, opistotonus, mushaklar tonusini umumiy kuchayishi.
Davolash ba'zida dozani oshirib yuborish belgilarini yo‘qotish uchun preparatni bekor qilish yetarli bo‘ladi (odatda ular 24 soat o‘tganidan keyin yo‘qoladi).
Dozani oshirib yuborilishi
ni medikomentoz davolash uchun kofein, antixolinergik parkinsonizmga qarshi vositalar yoki benzodiazepinlar qo‘llanadi.


Chiqarilish shakli

In'ektsiya uchun 0,5% li eritma 2 ml dan ampulada. 10 ampuladan o‘ramda.


Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.


Yaroqlilik muddati

3 yil.





Dorixonalardan berish tartibi

Retsept bo‘yicha.


Ishlab chiqaruvchi

«MERRYMED FARM» MChJ.
O‘zbekiston Respublikasi, Namangan viloyati, Namangan tumani, Bog‘ishamol QFY, Sherbuloq ko‘chasi 1 uy. Tel (0369) 224-67-22.