Preparatning savdo nomi
Muskomed
Ta'sir etuvchi modda (XPN) Tiokolxikozid

Dori shakli
Kapsulalar.

Tarkibi

Har bir kapsula quyidagilarni saqlaydi
faol modda tiokolxikozid – 4 mg yoki 8 mg.
yordamchi moddalar laktoza monogidrati, makkajo‘xori kraxmali, magniy stearati; kapsula titan dioksidi, jelatin.
Ta'rifi
Muskomed 4 mg sariq rangli kukun saqlovchi, qopqoqchasi va korpusi xira oq rangli, №3 o‘lchamli qattiq jelatin kapsulalar.
Muskomed 8 mg sariq rangli kukun saqlovchi, qopqoqchasi va korpusi xira oq rangli, №2 o‘lchamli qattiq jelatin kapsulalar.

Farmakoterapevtik guruhi
Markaziy ta'sirga ega boshqa miorelaksantlar.
ATX kodi M03BX05

Farmakologik hususiyatlari

Farmakodinamika

Tiokolxikozid – kolxikozidning miorelaksant faollikka ega bo‘lgan yarim sintetik sulfid hosilasi hisoblanadi.
Tiokolxikozid in vitro sharoitlarida γ-aminomoy kislotasining retseptorlari bilan va strixninga sezgir glitsin retseptorlari bilan bog‘lanadi. GAMK-retseptorlarining antagonisti sifatida ta'sir qiluvchi tiokolxikozid supraspinal darajada regulyator kompleks mexanizmlari yordamida o‘zining samarali miorelaksatsiya qiluvchi ta'sirini ko‘rsatishi mumkin, biroq uning glitsinergik ta'sir mexanizmlarini istisno qilish mumkin emas. Tiokolxikozidda GAMK-retseptorlari bilan o‘zaro ta'sir qilish hususiyatlari, qon oqimida sifat va miqdor jihatdan ifodalangan asosiy metaboliti hisoblangan uning glyukuronid hosilasida bo‘lgani kabi o‘xshash bo‘ladi.
Tiokolxikozid va uning asosiy metabolitining miorelaksatsiya qiluvchi hususiyatlari in vivo sharoitlarida kalamushlar va quyonlarda o‘tkazilgan bir qancha eksperimental modellarida namoyish etilgan. Kalamushlarda spinalizatsiya qilinganidan so‘ng tiokolxikozidning miorelaksatsiya qiluvchi samarasini yo‘qligi, bog‘lanishi dominant supraspinal ta'sirga ega ekanligini ko‘rsatadi.
Elektroentsefalografik tekshiruvlar, tiokolxikozid va uning asosiy metaboliti SL18.0740 sedativ ta'sir qilmasligini ko‘rsatgan.

Farmakokinetikasi

So‘rilishi. Ichga qabul qilinganidan so‘ng qon plazmasida tiokolxikozidning ikkita metaboliti farmakologik jihatdan faol SL18.0740 metaboliti va nofaol SL59.0955 metaboliti aniqlanadi. Har ikkala metabolitlari qon plazmasida maksimal kontsentratsiyalariga preparat qabul qilinganidan so‘ng 1 soatdan keyin erishadi. Tiokolxikozidning 8 mg bir martalik dozasi peroral qabul qilinganidan so‘ng qon plazmasida SL18.0740 metabolitining maksimal kontsentratsiyalari (Cmax) va “kontsentratsiya-vaqt” egri chizig‘i ostidagi maydoni (AUC) qiymatlari muvofiq ravishda taxminan 60 ng/ml va 130 ng∙soat/ml ni tashkil etadi. SL59.0955 metaboliti uchun ushbu qiymatlar ancha past Cmax qiymati taxminan 13 ng/ml ni tashkil etadi, AUC qiymati esa 15,5 ng∙soat/ml (3 soatgacha) dan 39,7 ng∙soat/ml (24 soatgacha) gacha bo‘lgan diapazonlar orasida tebranadi.
Taqsimlanishi. Tiokolxikozidning taxminiy taqsimlanish hajmi 8 mg dori vositasi mushak ichiga yuborilganidan so‘ng taxminan 42,7 l ni tashkil etadi. Alohida metabolitlari bo‘yicha ma'lumotlar mavjud emas.
Metabolizmi. Ichga qabul qilinganidan so‘ng tiokolxikozid aglikon 3-demetil-tiokolxitsinga (SL59.0955) metabolizmga uchraydi. Ushbu bosqich, preparat peroral qabul qilinganidan so‘ng o‘zgarmagan tiokolxikozidni yo‘qligini tushuntiruvchi ichak metabolizmi yordamida amalga oshadi.
So‘ngra SL59.0955 metaboliti tiokolxikozidga ekvivalent farmakologik faollikka ega bo‘lgan va peroral qabul qilinganidan so‘ng tiokolxikozidning farmakologik faolligiga sabab bo‘lgan SL18.0740 glyukuronid kon'yugatiga aylanadi. SL59.0955 metaboliti shuningdek didemetiltiokolxitsinga demetillanadi.
Chiqarilishi. Radiofaol nishonlangan tiokolxikozid ichga qabul qilinganidan so‘ng qabul qilingan dozaning 79% axlatda va 20% siydikda SL18.0740, SL59.0955 metabolitlari va didemetiltiokolxitsin (faqat axlatda) ko‘rinishida aniqlanadi. O‘zgarmagan faol modda siydikda va axlatda aniqlanmaydi. SL18.0740 metabolitining taxminiy yarim chiqarilish davri tiokolxikozid ichga qabul qilinganidan so‘ng 3,2-7 soatni tashkil etadi, o‘rtacha yarim chiqarilish davri taxminan 0,8 soatni tashkil etadi.


Qo‘llanilishi

Kattalarda va 16 yoshdan boshlab o‘smirlarda tayanch-harakat apparati bilan bog‘liq bo‘lgan o‘tkir og‘riqli mushak spazmlarini simptomatik davolash uchun qo‘llanadi.


Qo‘llash usuli va dozalari

Qo‘llash usuli. Muskomed preparati ichga, suv bilan qabul qilinadi. Preparatni me'da bandaji bo‘lgan patsiyentlarda qo‘llash mumkin.

Dozalash tartibi
. Tavsiya etilgan maksimal sutkalik dozasi 16 mg ni tashkil etadi, 
2 qabulga bo‘lib qabul qilinadi.
Muskomed 4 mg preparat 2 kapsuladan har 12 soatda (sutkada 2 marta) qabul qilinadi.
Muskomed 8 mg preparat 1 kapsuladan har 12 soatda (sutkada 2 marta) qabul qilinadi.
Davolash davomiyligi. Uzluksiz davolashning umumiy davomiyligi 7 kundan oshmasligi lozim. Preparatning tavsiya etilgan dozalarini oshirish va qo‘llash davomiyligini uzaytirishdan saqlanish kerak.
Pediatriya populyatsiyasi. Preparatning havfsizligi bo‘yicha ma'lumotlar yo‘qligi tufayli, uni 16 yoshgacha bo‘lgan bolalar va o‘smirlarda qo‘llash mumkin emas.

Nojo‘ya ta'sirlari
Nojo‘ya reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Immun tizimi tomonidan anafilaktik reaktsiyalar, masalan tez-tez emas – qichishish; kam hollarda – eshakemi; juda kam hollarda – gipotenziya; uchrash tezligi noma'lum – angionevrotik shish va anafilaktik reaktsiyalar, jumladan anafilaktik shok.
Teri va teri osti to‘qimalari tomonidan tez-tez emas – teridagi allergik reaktsiyalar.
Nerv tizimi tomonidan tez-tez – uyquchanlik; kam hollarda – ajitatsiya va ongni chalkashishi; uchrash tezligi noma'lum – preparat mushak ichiga yuborilganidan so‘ng odatda bir necha minut davomida kuzatiladigan, vazovagal xushdan ketish bilan bog‘liq bo‘lgan yoki bog‘liq bo‘lmagan lohaslik.
Me'da-ichak yo‘llari tomonidan tez-tez – diareya, gastralgiya; tez-tez emas – ko‘ngil aynishi, qusish; kam hollarda – jig‘ildon qaynashi.
Jigar va o‘t chiqarish yo‘llari tomonidan uchrash tezligi noma'lum – jigarni dori vositasi ta'sirida shikastlanishi.
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar haqida xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ravishda xabar berishingizni so‘raymiz.


Qo‘llash mumkin bo‘lmagan holatlar

• preparatning faol moddasiga yoki yordamchi komponentlaridan birortasiga o‘ta yuqori sezuvchanlik;
• periferik falaj, mushaklar gipotoniyasi;
• homiladorlik;
• laktatsiya davri;
• kontratseptsiya usullaridan foydalanmaydigan tug‘ruq yoshidagi ayollar;
• 16 yoshgacha bo‘lgan bolalarda preparatni qo‘llash mumkin emas.

Dorilarning o‘zaro ta'siri
Dorilarning o‘zaro ta'siri yuzasidan ma'lumotlar yo‘q.


Maxsus ko‘rsatmalar

Preparat qabul qilinganidan so‘ng diareya paydo bo‘lganida uning dozasini kamaytirish kerak.
Tiokolxikozidni qo‘llash bilan bog‘liq bo‘lgan postmarketing hisobotlarda jigarni shikastlanganligi xaqida xabar berilgan. Og‘ir holatlar (masalan, yashin tezligi bilan kechuvchi gepatit) tiokolxikozid bilan bir vaqtda nosteroid yallig‘lanishga qarshi vositalar yoki paratsetamolni qabul qilgan patsiyentlarda qayt etilgan. Jigarni shikastlanish simptomlari paydo bo‘lganida patsiyentlar davolashni to‘xtatishlari va shifokorga murojaat qilishlari kerak.
Tiokolxikozid tutqanoq bilan xastalangan patsiyentlarda yoki tutqanoq hurujlarini rivojlanish havfi bo‘lgan patsiyentlarda tirishishlarni chaqirishi mumkin.
Maksimal sutkalik peroral dozani (16 mg) oshirish mumkin emas, va u 12-soatlik interval bilan 2 marta qabul qilishga bo‘linishi kerak.
Dozasi o‘tkazib yuborilganida, o‘tkazib yuborilgan dozani qabul qilmasdan, navbatdagi dozani qabul qilish kerak.
Klinika oldi tadqiqotlarida, tiokolxikozidning metabolitlaridan biri (SL59.0955) organizmda 8 mg dan sutkada 2 marta dozada qo‘llanganida erishilgan darajalardan uncha katta bo‘lmagan ta'sir darajalarida aneuploidiya (bo‘linayotgan hujayralarda xromosomalar sonini o‘zgarishi) ni rivojlanishi bilan bog‘liq bo‘lishi mumkinligi ko‘rsatilgan. Aneuploidiya teratogenlik, embriotoksiklik/fetotoksiklik, o‘z-o‘zidan kuzatiladigan abort, shuningdek erkaklar fertilligini buzilishini aniqlangan havf omili hisoblanadi. Nazariy jihatdan shuningdek rakni rivojlanish havfi oshadi. Shuning uchun ehtiyotkorlik chorasi sifatida dozani oshirib yuborishdan va/yoki uzoq muddat davolashdan saqlanish kerak.
Patsiyentlar homiladorlik kuzatilganida potentsial havf borligi to‘g‘risida ogohlantirilgan bo‘lishlari va samarali kontratseptsiya usullaridan foydalanishlari kerak.
Yordamchi moddalar. Preparat tarkibida laktoza saqlaydi. Galaktozani o‘zlashtirolmaslikni kam uchraydigan nasliy muammolari, Lapp laktaza tanqisligi yoki glyukoza-galaktoza malabsorbtsiyasi bo‘lgan patsiyentlar preparatni qabul qilishlari mumkin emas.
Fertillik, homiladorlik va laktatsiya davrida qo‘llanilishi
Homiladorlik. Homilador ayollarda tiokolxikozidni qo‘llash yuzasidan ma'lumotlar cheklangan. Embrion va homila uchun potentsial havf noma'lum. Hayvonlarda o‘tkazilgan tadqiqotlarda, teratogen samaralari namoyish etilgan. Muskomed preparatini homiladorlik vaqtida va kontratseptsiya usullaridan foydalanmaydigan tug‘ruq yoshidagi ayollarda qo‘llash mumkin emas.
Laktatsiya. Tiokolxikozid ko‘krak sutisha ajralib chiqqanligi tufayli, uni laktatsiya vaqtida qo‘llash mumkin emas.
Fertillik. Fertillikni o‘rganish yuzasidan, kalamushlarda o‘tkazilgan tadqiqotlarda, 
12 mg/kg gacha bo‘lgan dozalarda (ya'ni klinik samara chaqirilmaydigan dozalar chegarasida) qo‘llanganida fertillikni yomonlashishi kuzatilmagan. Tiokolxikozid va uning metabolitlari turli kontsentratsiya darajalarida aneugen faollikni namoyon qiladi, bu holat odamda fertillikni pasaytiruvchi havf omili bo‘lib hisoblanadi.
Avtotransortni haydash va mexanizmlarni boshqarish qobiliyatiga ta'siri
Avtotransportni haydash va mexanizmlarni boshqarish qobiliyatiga preparatning ta'siri yuzasidan tadqiqotlar o‘tkazilmagan. Preparat qo‘llanganida uyquchanlik paydo bo‘lishi mumkinligi tufayli, avtotransportni haydashda va mexanizmlarni boshqarishda ehtiyotkorlikka rioya qilish kerak.


Dozani oshirib yuborilishi

Tiokolxikozid qabul qilgan patsiyentlarda dozani oshirib yuborilish holatlari qayt etilmagan.
Davolash. Simptomatik davolash va sinchkov tibbiy nazorat o‘tkaziladi.


Chiqarilish shakli

Kapsulalar. 10 kapsula blisterda. 1 yoki 2 blister tibbiyotda qo‘llanilishiga doir yo‘riqnomasi bilan birga karton qutiga joylangan.


Saqlash sharoiti

25°C dan yuqori bo‘lmagan xaroratda saqlansin.
Bolalar ololmaydigan joyda saqlansin!


Yaroqlilik muddati


Ishlab chiqarilgan
sanadan boshlab 3 yil.

Yaroqlilik muddati
tugaganidan so‘ng qo‘llanilmasin.


Dorixonalardan berish tartibi

Retsept bo‘yicha.