Preparatning savdo nomi
Rotalud
Ta'sir etuvchi modda (XPN) tizanidin

Dori shakli
tabletkalar

Tarkibi

Har bir tabletka quyidagilarni saqlaydi
faol modda 2 mg yoki 4 mg tizanidin (tizanidin gidroxloridi shaklida);
yordamchi moddalar mikrokristall sellyuloza, kukunsimon sellyuloza, laktoza monogidrati, oldindan jelatinlangan kraxmal, suvsiz kolloid kremniy dioksidi, stearin kislotasi.
Ta'rifi
Rotalud 2 mg dumaloq, ikki tomonlama qavariq, bir tomonida “R2” gravirovkasi bo‘lgan, oq rangdan sarg‘ish-oq ranggacha bo‘lgan tabletkalar.
Rotalud 4 mg dumaloq, bir tomoni qavariq “R4” gravirovkasi bo‘lgan, boshqa tomoni silliq faskali, bo‘lish uchun hojsimon riskali, oq rangdan sarg‘ish-oq ranggacha bo‘lgan tabletkalar.

Farmakoterapevtik guruhi
Markaziy ta'sir mexanizmiga ega bo‘lgan miorelaksantlar. Markaziy ta'sirga ega boshqa miorelaksantlar.
ATX kodi M03VX02

Farmakologik hususiyatlari

Farmakodinamika
si
Tizanidin skelet mushaklarini markaziy ta'sir etuvchi relaksanti hisoblanadi. Preparatning asosiy ta'sir etuvchi sohasi orqa miya hisoblanadi mavjud bo‘lgan dalillar, presinaptik alfa2-retsetorlarni rag‘batlantirishi orqali, preparat N-metil-D-aspartat (NMDA) retseptorlarni rag‘batlantiradigan qo‘zg‘atuvchi aminokislotalarni ajralib chiqishini bostirishini ko‘rsatadi. Bunda spinal interneyronlar darajasida mushaklarni haddan tashqari yuqori tonusi uchun javobgar bo‘lgan signallarni polisinaptik o‘tishi susayadi va mushaklar tonusi pasayadi. Tizanidin skelet mushaklariga, nerv-mushak bog‘lanishiga va monosinaptik spinal reflekslarga bevosita ta'sir ko‘rsatmaydi. Miorelaksant hususiyatlaridan tashqari, tizanidin shuningdek o‘rtacha ifodalangan markaziy analgetik ta'sir ko‘rsatadi.
Odamda tizanidin patologik oshgan mushak tonusini pasaytiradi, shu jumladan passiv harakatlarni bajarish qarshiligini pasaytiradi va og‘riqli spazmlar hamda mushaklarni qisqarishini yengillashtiradi.

Farmakokinetikasi

So‘rilishi
Tizanidin tez so‘riladi, dozasi qabul qilanganidan so‘ng taxminan 1 soatdan keyin plazmada maksimal kontsentratsiyasiga erishadi.
Taqsimlanishi
Tizanidin plazma oqsillari bilan 30% gina bog‘lanadi va hayvonlarda o‘tkazilgan tadqiqotlarda gematoentsefalik to‘siq orqali tez o‘tgan. Vena ichiga yuborilganidan so‘ng muvozanat holatida o‘rtacha taqsimlanish hajmi (VSS) 2,6 l/kg ni tashkil etadi.
Biotransformatsiyasi
Tizanidinning so‘rilishi yaxshi bo‘lishiga qaramasdan, tizim oldi metabolizmi vena ichiga yuborilgan dozasining 34% gacha bo‘lgan moddani qon plazmasidan kiraolishligini cheklaydi. Tizanidin jigarda tez va jadal metabolizmga uchraydi. Tizanidin in vitro sharoitlarida asosan sitoxrom R450 tizimining 1A2 izofermenti orqali metabolizmga uchraydi.
Chiqarilishi
Metabolitlari asosan buyraklar orqali (qabul qilingan dozaning taxminan 70%) chiqariladi va nofaol hisoblanadi. 5 mg doza bir marta qabul qilinganidan so‘ng dastlabki moddani buyrak orqali chiqarilishi taxminan 53% tashkil etadi va 4 mg dan sutkada 3 marta qabul qilinganida 66% tashkil etadi. Tizanidinni plazmadan yarim chiqarilish davri 2-4 soatni tashkil etadi.
Proportsionalligi
Tizanidin 4 mg dan 20 mg gacha bo‘lgan dozalar diapazonidan proportsional farmakokinetika namoyon qiladi. Farmakokinetik ko‘rsatkichlar (Cmax va AUC) ni individlar o‘rtasidagi o‘zgaruvchanligini pastligi peroral qo‘llanganidan so‘ng qon plazmasidagi darajasini ishonchli prognoz qilish imkonini beradi.
Ayrim patsiyentlar guruhidagi xarakteristikasi
Tizanidinning farmakokinetik ko‘rsatkichlari patsiyentning jinsiga bog‘liq emas.
Buyrak yetishmovchiligi (kreatinin klirensi < 25 ml/min) bo‘lgan patsiyentlarda faol moddaning o‘rtacha maksimal darajalari sog‘lom ko‘ngillilardagiga nisbatan ikki marta yuqori bo‘lgan, yakuniy yarim chiqarilish davri esa taxminan 14 soatgacha uzaygan, bunda AUC qiymatlarini oshishiga (o‘rtacha 6 marta) olib kelgan.
Ovqatni ta'siri
Bir vaqtda ovqatlanish tizanidin tabletkalarining farmakokinetik profiliga klinik ahamiyatli ta'sir ko‘rsatmaydi.


Qo‘llanilishi

-og‘riqli mushak spazmlari;
-tarqoq skleroz oqibatidagi spazm;
-orqa miyani shikastlanishi oqibatidagi spazm;
-bosh miyani shikastlanishi oqibatidagi spazmda qo‘llanadi.


Qo‘llash usuli va dozalari

Rotalud ichga qabul qilinadi. Tizanidinning spazmga nisbatan samarasi qabul qilingandan so‘ng 2-3 soat davomida maksimal darajada namoyon bo‘ladi va ta'sirining davomiyligi nisbatan uzoq davom etmaydi. Turli patsiyentlarda preparatning kontsentratsiyasi yuqori o‘zgaruvchanlikka ega. Shu sababli, preparatning dozasi, qabul qilish vaqti va tezligi patsiyentning ehtiyodiga qarab individual ravishda tanlanadi. Odatda, davolash noxush ko‘rinishlarni minimal darajaga yetazish uchun 2 mg bir martalik doza bilan boshlanadi. Zarurat bo‘lganida dozasi asta-sekin oshiriladi.
Og‘riqli mushak spazmi kattalarga 2-4 mg dan sutkada 3 marta buyuriladi. Og‘ir holatlarda qo‘shimcha 2-4 mg qabul qilish mumkin, uni uyqudan oldin qabul qilgan afzal.
Nevrologik kasalliklar bilan bog‘liq bo‘lgan spazm preparatning dozasi individual ravishda tanlanadi. Boshlang‘ich sutkalik doza 6 mg dan oshmasligi kerak 3 marta qabul qilishga bo‘linadi, dozasi asta-sekin 2 mg ga oshiriladi, ammo haftada 2 martadan ko‘p oshirish mumkin emas. Optimal terapevtik javob reaktsiyasiga odatda 12 mg dan 24 mg gacha bo‘lgan sutkalik dozada erishiladi, bunda dozalari bir xil vaqt oraliqlarida 3 yoki 4 marta qabul qilishga bo‘linadi. Bir martalik doza 12 mg dan, umumiy sutkalik doza –
36 mg dan oshmasligi kerak.
Dozasini sekin titrlash noxush reaktsiyalarni rivojlanish havfini minimal darajaga yetkazadi.
65 yoshdan oshgan patsiyentlarda qo‘llanishi
Keksa yoshdagi patsiyentlarda qo‘llash tajribasi cheklangan. Preparatni faqat kutiladigan foyda havfdan ustun bo‘lgan holatlarda qo‘llash tavsiya etilgan. Farmakokinetik tadqiqotlarning natijalari, keksa yoshdagi patsiyentlarda preparatni buyrak orqali chiqarilishi ayrim hollarda ahamiyatli darajada pasayishi mumkinligini ko‘rsatdi. Qo‘llashda ehtiyotkorlikka rioya qilish tavsiya etiladi davolash minimal doza bilan boshlanadi, dozasini titrlash qo‘llash samaradorligi va o‘zlashtiraolinishini hisobga olib o‘tkaziladi.
Bolalarda qo‘llanishi
18 yoshdan kichik patsiyentlarda tizanidinni qo‘llash tajribasi cheklangan. Tizanidin ushbu patsiyentlar guruhida qo‘llash tavsiya etilmagan.
Buyrak funktsiyasini buzilishi bo‘lgan patsiyentlarda qo‘llanishi
Buyrak funktsiyasini buzilishi (kreatinin klirensi < 25 ml/min) bo‘lgan patsiyentlarda davolashni sutkada 1 marta 2 mg doza bilan boshlash, keyinchalik samarali dozaga erishilgunicha asta-sekin titrlash kerak. Preparatning dozasini, o‘zlashtirilishi va samaradorligiga asoslanib, bir vaqtning o‘zida 2 mg dan ortiq qiymatga oshirish mumkin emas samaradorligini oshirish zarurati bo‘lganida bir martalik dozani asta-sekin oshirish, shundan keyin qabul qilishlar tezligi ko‘paytirish tavsiya etiladi. Buyrak faoliyatini muntazam nazorat qilish tavsiya etilgan.
Jigar funktsiyasini buzilishi bo‘lgan patsiyentlarda qo‘llanishi
Tizanidin jigarda metabolizmga uchraydi. Og‘ir darajadagi jigar yetishmovchiligi bo‘lgan patsiyentlarga tizanidinni qo‘llash mumkin emas. Jigar funktsiyasini buzilishi bo‘lgan patsiyentlarga ehtiyotkorlik bilan qo‘llanadi. Davolash minimal doza bilan boshlanadi, o‘zlashtirilishiga qarab dozasi oshiriladi.
Davolashni to‘xtatish
Davolashning davomiyligi shifokor tomonidan belgilanadi. Davolashni to‘xtatish zarurati bo‘lganida, ayniqsa preparatni yuqori dozalarda uzoq muddat qabul qilgan patsiyentlarda to‘xtatish zarurati bo‘lganida, gipertenziya va taxikardiyani rivojlanish havfini minimal darajaga yetkazish maqsadida, dozani sekin pasaytirish kerak.

Nojo‘ya ta'sirlari
Noxush reaktsiyalarni uchrash tezligini quyida keltirilgan ko‘rsatkichlari quyidagi tarzda aniqlangan tez-tez (≥1/100, ammo <1/10), kam hollarda (≥ 1/10000, ammo < 1/1000), juda kam hollarda (< 1/10000), uchrash tezligi noma'lum (mavjud bo‘lgan ma'lumotlar bo‘yicha rivojlanish tezligini aniqlash imkoni bo‘lmagan).
Immun tizimi tomonidan buzilishlar uchrash tezligi noma'lum – o‘ta yuqori sezuvchanlik reaktsiyalari.
Ruhiyatni buzilishlari kam hollarda – gallyutsinatsiyalar, uyqusizlik, uyquni buzilishi; uchrash tezligi noma'lum – havotirli holatlar, ongni chalkashishi.
Nerv tizimi tomonidan buzilishlar tez-tez – uyquchanlik, bosh aylanishi; uchrash tezligi noma'lum – bosh og‘rig‘i, ataksiya, dizartriya.
Ko‘rish a'zolari tomonidan buzilishlar uchrash tezligi noma'lum – akkomodatsiyani buzilishi.
Yurak tomonidan buzilishlar tez-tez – bradikardiya, taxikardiya; uchrash tezligi noma'lum – qayd etilgandan keyingi davrda QT oralig‘ini uzayishi kuzatilgan.
Qon-tomirlar tomonidan buzilishlar tez-tez – gipotenziya, rikoshet gipertenziya.
Me'da-ichak yo‘llari tomonidan buzilishlar tez-tez – og‘izni qurishi; kam hollarda – ko‘ngil aynishi, me'da-ichak yo‘llari tomonidan buzilishlar; uchrash tezligi noma'lum – qorinda og‘riq, qusish.
Jigar va o‘t chiqarish yo‘llari tomonidan buzilishlar qon zardobida jigar transaminazalarining darajasini oshishi; juda kam hollarda – gepatit, jigar yetishmovchiligi.
Teri va teri osti to‘qimalari tomonidan buzilishlar uchrash tezligi noma'lum – qichishish, toshma.
Skelet-mushak va biriktiruvchi to‘qimalar tomonidan buzilishlar kam hollarda – mushaklarni bo‘shligi.
Umumiy buzilishlar tez-tez – toliqish; uchrash tezligi noma'lum – ishtahani yo‘qolishi.
Laborator va instrumental tekshirishlar tez-tez – arterial bosimni pasayishi; kam hollarda – transaminazalarning darajasini oshishi.
Gallyutsinatsiyalarda psixoz belgilari kuzatilmaydi; gallyutsinatsilar faqat potentsial gallyutsinogen moddalar, masalan, antidepressantlarni bir vaqtda qabul qilgan patsiyentlarda rivojlangan.
Preparat, og‘riqli mushak spazmlarini yengillashtirish uchun tavsiya etilgan dozalar kabi, kichik dozalarda qo‘llanganida uyquchanlik, toliqish, bosh aylanishi, og‘izni qurishi, arterial bosimni pasayishi, ko‘ngil aynishi, me'da-ichak yo‘llari tomonidan buzilishlar va transaminazalarning darajasini oshishi kuzatilgan; ushbu noxush reaktsiyalar odatda yengil va o‘tkinchi bo‘lgan.
Spazmlarni davolash uchun tavsiya etilgan dozalardan yuqoriroq dozalarda qo‘llanganida kichik dozalarda kuzatilgan noxush reaktsiyalar kuzatilgan; bu reaktsiyalar tez-tez kuzatilgan va yanada kuchli ifodalangan, ammo davolashni to‘xtatishni talab etadigan og‘ir darajasi kam kuzatilgan.
Bundan tarqari, quyidagi noxush reaktsiyalar ongni chalkashishi, gipotenziya, bradikardiya, mushaklarni bo‘shligi, uyqusizlik, uyquni buzilishi, gallyutsinatsiyalar, gepatit rivojlanishi mumkin.
Bekor qilish sindromi
Rikoshet gipertenziya va taxikardiya, tizanidin uzoq vaqt davomida va/yoki yuqori sutkalik dozalarda qo‘llanganida to‘satdan bekor qilinganidan so‘ng, va/yoki antigipertenziv vositalar bilan bir vaqtda qo‘llanganida kuzatilgan. Juda kam hollarda rikoshet gipertenziya insultga olib kelishi mumkin.
Shubha qilingan noxush reaktsiyalar xaqida ma'lumot
Dori vositasi qayd etilgandan keyin shubha qilingan noxush reaktsiyalar to‘g‘risidagi ma'lumotlar muhim hisoblanadi. Patsiyentda dori vositasiga nisbatan jiddiy noxush reaktsiyalar aniqlanganida yoki dori vositasini qo‘llash bo‘yicha ilova-varaqada ta'riflanmagan yangi noxush reaktsiyalar paydo bo‘lganida, Milliy farmakoogohlik tizimiga muvofiq axborot berishingizni so‘raymiz.


Qo‘llash mumkin bo‘lmagan holatlar

-tizanidinga yoki preparatning tarkibiga kiruvchi yordamchi moddalaridan birortasiga yuqori sezuvchanlik;
-jigar faoliyatini yaqqol buzilishlari;
-tizanidinni fluvoksamin yoki siprofloksatsin kabi CYP1A2 kuchli ingibitorlari bilan bir vaqtda qo‘llash mumkin emas.

Dorilarning o‘zaro ta'siri
CYP ingibitorlari
Qo‘llash mumkin bo‘lmagan majmualar
CYP1A2ning faolligini susaytiruvchi preparatlarni bir vaqtda qo‘llash, qon plazmasida tizanidinning darajasini oshirishi mumkin. Tizanidinni fluvoksamin yoki siprofloksatsin bilan bir vaqtda qo‘llash mumkin emas. Klinik jihatdan ahamiyatli va davomli gipotenziya, shuningdek uyquchanlik, bosh aylanishi, va psixomotor faollikni pasayishi kuzatilishi mumkin.
Tavsiya etilmaydigan majmualar
Tizanidinni CYP1A2 ning, aritmiyaga qarshi ayrim vositalar (amiodaron, meksiletin, propafenon), simetidin, ayrim ftorxinolonlar (enoksatsin, pefloksatsin, norfloksatsin), rofekoksib, peroral kontratseptivlar va tiklopidin kabi boshqa ingibitorlari bilan bir vaqtda qo‘llash tavsiya etilmagan.
Qon plazmasida tizanidinning darajasini oshishi QT(c) intervalini uzayishi kabi dozani oshirib yuborilishi simptomlarini rivojlanishiga olib kelishi mumkin. Tizanidinni (yuqori dozalarda) QT(c) intervalini uzaytirishi mumkin bo‘lgan boshqa preparatlar bilan bir vaqtda qo‘llash tavsiya etilmagan. EKG ni nazorat qilish tavsiya etilgan.
Antigipertenziv vositalar
Tizanidin gipotenziyani chaqirishi mumkinligi tufayli, u antigipertenziv vositalar, shu jumladan diuretiklarning samarasini kuchaytirishi mumkin, shuning uchun gipotenziv davolash olayotgan patsiyentlarda ehtiyotkorlikka rioya qilish kerak. Shuningdek tizanidinni antigipertenziv vositalar, β-adrenergik retseptorlarning blokatorlari yoki digoksin bilan bir vaqtda qo‘llanganida ehtiyotkorlikka rioya qilish kerak, chunki bunday birga qo‘llash gipotenziya va bradikardiyani kuchaytirishi mumkin. Ayrim patsiyentlarda antigipertenziv vositalar bilan bir vaqtda qabul qilinayotgan tizanidin to‘satdan bekor qilinganida rikoshet gipertenziya va taxikardiya kuzatilgan. Rikoshet gipertenziya insultga olib kelishi mumkin.
Peroral kontratseptivlar
Tizanidinning bir martalik va ko‘p martalik dozalari yuzasidan farmakokinetik ma'lumotlari, faol moddani chiqarilishi bir vaqtda peroral kontratseptivlarni qabul qilayotgan ayollarda taxminan 50% ga pasayishini ko‘rsatadi. Tizadinni peroral kontratsepivlar bilan potentsial o‘zaro ta'sirini o‘rganish yuzasidan spetsifik farmakokinetik tadqiqotlar o‘tkazilmagan, biroq tizanidin kontratseptiv vositalarni qabul qilayotgan patsiyentlarga buyurilganida, preparatning hatto kichikroq dozalarida ham noxush ko‘rinishlar rivojlanishi va/yoki klinik javob reaktsiyasi bo‘lishi mumkinligini yodda tutish kerak. Klinik tadqiqotlarda klinik ahamiyatli o‘zaro ta'sirlar kuzatilmagan.
Boshqa o‘zaro ta'sirlar
Alkogol va sedativ preparatlar tizanidinning sedativ ta'sirini kuchaytirishi mumkin.


Maxsus ko‘rsatmalar

CYP ingibitorlari
Tizanidinni CYP1A2 ingibitorlari bilan bir vaqtda qo‘llash tavsiya etilmagan.
Gipotenziya
Gipotenziya tizanidin bilan davolanish vaqtida va CYP1A2 ingibitorlari va/yoki antigipertenziv vositalar bilan o‘zaro ta'sir qilishi natijasida rivojlanishi mumkin. Gipotenziyaning, xushni yo‘qotish va tomirlar kollapsi kabi, og‘ir ko‘rinishlari kuzatilgan.
Bekor qilish sindromi
Rikoshet gipertenziya va taxikardiya tizanidin uzoq vaqt davomida va/yoki yuqori sutkalik dozalarda, va/yoki antigipertenziv dori vositalari bilan bir vaqtda qo‘llanganida, uni qabul qilish to‘satdan bekor qilinganidan keyin kuzatilgan. rikoshet gipertenziya insultga olib kelishi mumkin. Tizanidin asta-sekin bekor qilinadi.
Buyrak yetishmovchiligi
Buyrak yetishmovchiligi (kreatinin klirensi < 25 ml/min) bo‘lgan patsiyentlarda davolashni sutkada 1 marta 2 mg doza bilan boshlash tavsiya etiladi. Doza preparatni o‘zlashtirilishi va samaradorligiga qarab, asta-sekin oshirilishi kerak. samaradorligini oshirish zarurati bo‘lganida bir martalik dozani asta-sekin oshirish, va shundan keyin qabul qilishlar sonini oshirish tavsiya etiladi.
Yurak-qon tomirlar tizimi, jigar yoki buyrak tomonidan buzilishlar
Yurak-qon tomir tizimi faoliyatini buzilishlari, yurakning toj tomirlari kasalliklari yoki buyrak yoki jigar faoliyatini buzilishlari bo‘lgan patsiyentlarga qo‘llanganida ehtiyotkorlikka rioya qilish kerak. jigar, buyrak faoliyati, EKGni muntazam ravishda nazorat qilish tavsiya etiladi.
Jigar faoliyatini buzilishi
Jigar faoliyatini, tizanidin bilan bog‘liq buzilish holatlari xaqida xabar berilgan, ammo sutkada 12 mg gacha bo‘lgan dozada qo‘llanganida bu holatlar kam kuzatilgan. Tizanidin preparatini sutkada 12 mg va undan yuqori dozalarini qabul qilayotgan patsiyentlarda, shuningdek jigar faoliyatini buzilishiga (tushuntirib bo‘lmaydigan ko‘ngil aynishi, anoreksiya yoki toliqish) shubha qilingan patsiyentlarda davolashning birinchi 4 oyi davomida har kuni funktsional jigar sinamalarini nazorat qilish tavsiya etilgan. Agar qon zardobida AST va ALT ning darajalari normaning yuqori chegarasidan turg‘un ravishda 3 marta va undan yuqori bo‘lsa, tizanidin bilan davolashni to‘xtatish kerak. gepatit yoki sariqlikning simptomlari bo‘lgan patsiyentlarda tizanidinni bekor qilish kerak.
Rotalud tabletkalari tarkibida laktoza saqlaydi. Galaktozani o‘zlashtirolmaslik, Lapp laktaza yetishmovchiligi yoki glyukoza-galaktoza malabsorbtsiyasi kabi kam uchraydigan nasliy kasalliklari bo‘lgan patsiyentlar ushbu preparatni qabul qilishlari mumkin emas.
Homiladorlik va laktatsiya davrida qo‘llanishi
Homiladorlik
Hayvonlarda o‘tkazilgan tadqiqotlarda ona organizmi uchun zaharli hisoblangan dozalarda qo‘llanganda pre- va postnatal o‘lim holatlari kuzatilgan.
Homilador ayollarda nazoratli tadqiqotlar o‘tkazilmaganligi tufayli, homiladorlik davrida preparatni, foyda havfdan ustun bo‘lgan holatlardagina qo‘llash kerak.
Laktatsiya
Tizanidinning katta bo‘lmagan miqdori ko‘krak suti bilan ajralib chiqishiga qaramasdan, emizikli ayollarga tizanidinni qabul qilish mumkin emas.
Pediatriyada qo‘llanishi
Ma'lumotlar yo‘qligi sababli, preparatni bolalar va 18 yoshgacha bo‘lgan o‘smirlarda qo‘llash tavsiya etilmaydi.
Avtotransportni haydash va mexanizmlarni boshqarish qobiliyatiga ta'siri
Uyquchanlik, bosh aylanishi yoki gipotenziyani boshqa belgilari yoki simptomlarini his qilayotgan patsiyentlar diqqatni yuqori jamlash talab etiladigan faoliyat turlarini bajarishdan saqlanishlari kerak.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Klinik tajriba cheklangan. Katta yoshdagi patsiyent tomonidan ichga 400 mg tizanidin qabul qilganlik holati qayd etilgan. Patsiyent mannit va furosemid olgan, tuzalish asoratsiz amalga oshgan.
Kuzatilishi mumkin bo‘lgan simptomlar
Ko‘ngil aynishi, qusish, gipotenziya, bradikardiya, QT intervalini uzayishi, bosh aylanishi, mioz, nafas faoliyatini susayishi, koma, bezovtalik, uyquchanlik bo‘lishi mumkin.
Davolash
Agar preparat qabul qilinganidan so‘ng bir soatdan kam vaqt o‘tgan bo‘lsa, sun'iy ravishda qusishni chaqirish, me'dani yuvish, faollashtirilgan ko‘mirni yuqori dozalarini buyurish, patsiyentni yetarli darajada suv bilan ta'minlash kerak, chunki jadallashtirilgan diurez tizanidinni organizmdan chiqarilishini tezlashtiradi. Keyingi davolash simptomatik bo‘lishi kerak.


Chiqarilish shakli

Tabletkalar. 10 tabletka blisterda. 1, 2 yoki 3 blister qo‘llash bo‘yicha yo‘riqnomasi bilan birga karton qutida.


Saqlash sharoiti

25°S dan yuqori bo‘lmagan haroratda saqlansin.



Yaroqlilik muddati

3 yil.


Dorixonalardan berish tartibi

Retsept bo‘yicha beriladi.


Ishlab chiqaruvchi

Savdo belgisi va qayd etish sertifikatining egasi
«Rotafarm Ilachlari Limited Shirketi», Turkiya
(“Rotapharm Ilaçlari Limited Şirketi”, Turkey).


Ishlab chiqarilgan

«Uorld Meditsin Ilach San. ve Tidj. A.Sh.», Turkiya
(Bagdjыlar Ilchesi, Gyuneshli, Evren Maxallesi,
Djami Yolu Djad. №50 K. 1V Zemin 4-5-6, Istambul)
“World Medicine İlaç San. ve Tic. A.Ş.”, Turkey
(Bağcılar İlçesi, Güneşli, Evren Mahallesi,
Cami Yolu Cad. No50 K. 1B Zemin 4-5-6, İstanbul).

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
«Tar Pharm Alliance» MChJ,
O‘zbekiston Respublikasi, Toshkent sh., Mirabod tumani, Sayxun ko‘ch., 166 uy
Telefon 277-76-78, 277-76-48