Preparatning savdo nomi
Anaferon

Dori shakli
shimish uchun gomeopatik tabletkalar

Tarkibi

1 tabletka quyidagilarni saqlaydi
faol modda odam gamma interferoniga affin tozalangan antitelolar – 0,003 g;
yordamchi moddalar laktoza monogidrati, mikrokristall sellyuloza, magniy stearati.
ta'sir etuvchi modda faol shaklining 10-15 ng/g dan ko‘p bo‘lmagan miqdorida suv-spirt aralashmasi shaklida laktoza monogidratga qo‘shiladi.
Ta'rifi oq rangdan deyarli oq ranggacha bo‘lgan, riskali va faskali yassi-tsilindrsimon shakldagi tabletkalar. Riskali yassi tomonida “MATERIA MEDICA” yozuvi, ikkinchi yassi tomonida “ANAFERON” yozuvi qayd etilgan.

Farmakoterapevtik guruhi
Immunomodulyatorlar. Virusga qarshi preparatlar.
ATX kodi L03, J05AX.


Farmakologik xususiyatlari

Profilaktik va davolash maqsadida qo‘llanilganida preparat immunomodullaydigan va virusga qarshi ta'sir etadi. Gripp, paragripp viruslari, 1 va 2-turdagi oddiy gerpes (labial gerpes, genital gerpes) viruslari, boshqa gerpes viruslari (suvchechak, infektsiyali mononukleoz), enteroviruslar, kana entsefalit virusi, rotavirus, koronavirus, kalitsivirus, adenovirus, respirator-sintsitial (PC) virusiga nisbatan samaradorligi tajribalar asosida va klinik jihatdan aniqlangan. Preparat shikastlangan to‘qimalarda virus kontsentratsiyasini kamaytiradi, endogen interferonlar va ular bilan o‘zaro bog‘liq sitokinlar tizimiga ta'sir etadi, endogen «erta» interferonlar (IFN a/β) va gamma-interferon (IFN γ) paydo bo‘lishini kuchaytiradi.
Gumoral va hujayraviy immun javobni rag‘batlantiradi. Ziddiy tanalar mahsulini (shu jumladan, sekretor IgA) oshiradi, T-effektorlar, T-xelperlar (Tx) funktsiyalarini faollashtiradi, ularning nisbatini me'yorlashtiradi. Immun javobda ishtirok qiladigan Tx va boshqa hujayralarning funktsional rezervini oshiradi. Aralash Tx1 va Tx2 turdagi immun javob induktori hisoblanadi Tx1 sitokinlari (IFN γ, IL-2) va Tx2 sitokinlari (IL-4, 10) ishlab chiqarilishini oshiradi, Tx1/Tx2 faolliklari muvozanatini me'yorlashtiradi (modullaydi). Fagotsitlar va tabiiy hujayralar-killerlar (NK hujayralar) funktsional faolligini oshiradi. Antimutagen xususiyatlarga ega.


Qo‘llanilishi

O‘tkir darajali respirator virus infektsiyalarini (shu jumladan grippni) profilaktika qilish va davolash.
Gerpesviruslar (infektsiyali mononukleoz, suvchechak, labial gerpes, genital gerpes) tomonidan chaqirilgan infektsiyalarni majmui davolash.
Surunkali gerpesvirusli infektsiyalar, shu jumladan labial va genital gerpes qaytalanishlarini majmui davolash va profilaktika qilish.
Kana entsefalit virusi, enterovirus, rotavirus, koronavirus, kalitsivirus tomonidan chaqirilgan boshqa o‘tkir darajali va surunkali virusli infektsiyalarni majmui davolash va profilaktika qilish.
Bakterial infektsiyalar majmui terapiyasi tarkibida qo‘llaniladi.
Turli etiologiyali ikkilamchi immun tanqisligi holatlari majmui terapiyasi, shu jumladan virusli va bakterial infektsiyalar asoratlarini profilaktika qilish va davolash uchun qo‘llaniladi.

Qo‘llash usuli va dozalar
Ichga qabul qilinadi, ovqatlanish vaqtida qo‘llanilmasligi kerak. Tabletkani og‘izda to‘liq erib ketgunigacha ushlab turish kerak.
O‘tkir darajali respirator virusli infektsiya, gripp, ichaklar infektsiyalari, gerpesvirusli infektsiyalar, neyroinfektsiyalar.
Davolashning birinchi kunida quyidagi sxema bo‘yicha 8 ta tabletka qabul qilinadi dastlabki 2 soatda har 30 daqiqada 1 tadan tabletka (2 soat davomida jami 5 ta tabletka), so‘ngra davolashning birinchi kuni davomida teng vaqt oraliqlarida 3 marta yana 1 tadan tabletka qabul qilinadi. Davolashning ikkinchi kunida va kelgusi kunlarda butunlay sog‘ayib ketgungacha kuniga 3 marta 1 tadan tabletka qabul qilinadi.
Preparat bilan o‘tkir darajali respirator virusli infektsiyalar va grippni davolashning uchinchi kunida sog‘ayish bo‘lmagan holatda, shifokorga murojaat qilish kerak.
Epidemiya mavsumida profilaktik maqsadda 1-3 oy davomida kuniga 1 marta 1 tadan tabletka qabul qilinadi.
Genital gerpes. Genital gerpesning o‘tkir darajali belgilarida preparat teng vaqt oraliqlarida quyidagi sxema bo‘yicha qabul qilinadi kuniga 8 marta 1 tadan tabletka, so‘ngra eng kamida 3 hafta davomida kuniga 4 marta 1 tadan tabletka.
Surunkali gerpesvirusli infektsiyalar qaytalanishlarini profilaktika qilish uchun – kuniga 1 tadan tabletka. Profilaktik kursning tavsiya etiladigan davom etish muddati yakka tartibda belgilanadi va 6 oygacha muddatni tashkil etishi mumkin.
Preparat immun tanqislik holatlarini davolash va profilaktika qilish, bakterial infektsiyalarni majmui davolash uchun qo‘llanilganida – kuniga 1 tadan tabletka qabul qilinadi.
Zarur hollarda, preparat boshqa virusga qarshi va simptomatik preparatlar bilan birga qo‘llanilishi mumkin.

Nojo‘ya ta'sirlar
Preparat tarkibiy moddalariga yuqori individual sezuvchanlik reaktsiyalari bo‘lishi mumkin.


Qo‘llash mumkin bo‘lmagan holatlar

Preparat tarkibiy moddalariga yuqori individual sezuvchanlik. Bolalar va 18 yoshdan kichik yoshdagi patsiyentlar uchun Anaferon bolalar uchun preparati qo‘llanilishi tavsiya etilgan.

Dorilarning o‘zaro ta'siri
Hozirgi vaqtgacha boshqa dori preparatlari bilan birga qo‘llanishi mumkin bo‘lmagan holatlar qayd etilmagan.
Zarur hollarda, preparat virusga qarshi, antibakterial va simptomatik preparatlar bilan birga qo‘llanilishi mumkin.


Maxsus ko‘rsatmalar

Preparat tarkibida laktoza monogidrat mavjudligi tufayli tug‘ma galaktozemiya, glyukoza malьabsorbtsiyasi sindromi yoxud tug‘ma laktaza yetishmovchiligi bo‘lgan patsiyentlarga ushbu preparatni buyurish tavsiya etilmaydi.



Homiladorlik va laktatsiya davrida qo‘llanilishi
Anaferon preparatining homilador ayollarda va laktatsiya davrida qo‘llanilish xavfsizligi o‘rganilmagan. Preparatni qabul qilish zarur hollarda, xavf/foyda nisbati hisobga olinishi kerak.
Transport vositalarini va mexanizmlarni boshqarish qobiliyatiga ta'siri
Anaferon preparatining transport vositalarini va boshqa potentsial xavfli mexanizmlarni boshqarish qobiliyatiga salbiy ta'siri aniqlanmagan.

Dozaning oshirib yuborilishi
Doza oshirib yuborilgan holatda preparat tarkibiga kiradigan yordamchi moddalar bilan bog‘liq dispepsik holatlar bo‘lishi mumkin.

Ishlab chiqarilish shakli
Shimilish uchun gomeopatik tabletkalar.
Polivinilxlorid plyonka va alyuminiy folьgadan tayyorlangan konturli yacheykali o‘ramda 20 tadan tabletka. Kartonli qutida davlat va rus tillarida tibbiyotda qo‘llanilishiga doir yo‘riqnoma bilan birga 1 tadan kontur yacheykali o‘ramda joylashtirilgan.


Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin.


Yaroqlilik muddati

4 yil.

Yaroqlilik muddati
tugaganidan so‘ng qo‘llanilmasin.


Dorixonalardan berish tartibi

Retseptsiz.

Qayd etish guvohnomasi berilgan yuridik shaxs
«NPF «MATERIA MEDIKA XOLDING» MChJ;
Rossiya, 127473, Moskva sh., “3-Samotechniy” ko‘chasi, 9-uy.
Tel./faks +7 (495) 684-43-33.
«Bevosita liniya» telefon raqamlari +7 (495) 681-09-30, +7 (495) 681-93-00.
E-mail hotline@materiamedica.ru

Dori preparati ishlab chiqariladigan joy manzili
Rossiya, 454139, Chelyabinsk sh., “Buguruslanskaya” ko‘chasi, 54-uy.