Preparatning savdo nomi
In-gripp.
Ta'sir etuvchi moddalar (HPN) Paratsetamol, xlorfeniramin maleati, suvsiz kofein, fenilefrin gidroxloridi.

Dori shakli
Tabletkalar.

Tarkibi

faol moddalar Paratsetamol - 500 mg, xlorfeniramin maleati – 2,1 mg, suvsiz kofein- 15 mg, fenilefrin gidroxloridi- 5 mg.
yordamchi moddalar kraxmal, laktoza, jelatin, PVPK-30, natriy metilparaben, natriy propilparaben, magniy stearati, talk, natriy kraxmal glikolati, suv.
Ta'rifi Cho‘zilgan ikki yoqlama qavariq, bir tomonida bo‘luvchi chizig‘i va boshqa tomoni silliq bo‘lgan oq rangli tabletkalar.

Farmakoterapevtik guruhi
O‘RK simptomlarini bartaraf qilish uchun vosita.


Farmakologik xususiyatlari

Majmuaviy preparat. Preparatning ta'siri uni tashkil qiluvchi komponentlarining hususiyatiga bog‘liq.
Paratsetamol og‘riq qoldiruvchi va isitmani tushiruvchi ta'sir ko‘rsatadi. Ta'sir mexanizmi prostaglandinlarning (PG) sintezini, siklooksigenaza fermentining ikkala shaklini (TSOG-1 va SOG-2) bloklash yo‘li bilan ingibirlanishi bilan bog‘liq. Asosan markaziy nerv tizimida ta'sir qilib, og‘riq va termoregulyatsiya markazlariga ta'sir ko‘rsatadi. Periferik to‘qimalarda hujayra peroksidazalari paratsetamolning SOG ga bo‘lgan ta'sirini neytrallashtiradi, bu yallig‘lanishga qarshi samarasini deyarli to‘liq yo‘qligini tushuntiradi. Unda me'da-ichak yo‘llarining shilliq qavatiga va suv-tuz almashinuviga (Na+ ionlarini va suvni tutilishi) salbiy ta'sirini yo‘qligi, bunday to‘qimalarda PG sinteziga bo‘lgan bloklovchi ta'sirning yo‘qligi bilan bog‘liq.
Kofein markaziy nerv tizimiga to‘g‘ridan-to‘g‘ri qo‘zg‘atuvchi ta'sir ko‘rsatadi bosh miya po‘stlog‘ida, nafas va qon tomirlarini harakatlantiruvchi markazlarda qo‘zg‘alish jarayonlarini boshqaradi va kuchaytiradi, musbat shartli reflekslarni va harakat faolligini faollashtiradi. Ruhiy faoliyatni rag‘batlantiradi, aqliy va jismoniy mehnat qobiliyatini oshiradi, reaktsiya vaqtini qisqartiradi. Qabul qilingandan keyin tetiklik paydo bo‘ladi, toliqish va uyquchanlik vaqtinchalik bartaraf bo‘ladi yoki kamayadi. Nafasni, ayniqsa nafas markazini susayishi fonida tezlashishini va chuqurlashishini chaqiradi. Yurak-qon tomir tizimiga ta'sir qiladi yurak qisqarishlari kuchi va sonini (ayniqsa katta dozalarda) oshiradi, arterial bosimni, ayniqsa gipotenziyada oshiradi. Bronxlar, o‘t yo‘llari, skelet mushaklari, yurak va buyrak qon tomirlarini kengaytiradi, qorin bo‘shlig‘i a'zolarining qon tomirlarini (ayniqsa ular kengayganida) toraytiradi. Trombotsitlar agregatsiyasini pasaytiradi. Asosan buyrak naychalarida elektrolitlarni qayta so‘rilishini kamayishi tufayli, o‘rtacha diuretik samaraga ega. Me'da bezlari sekretsiyasini rag‘batlantiradi. Asosiy modda almashinuvini oshiradi, glikogenolizni kuchaytirib, giperglikemiyani chaqiradi.
Xlofeniramin maleati N1- gistamin retseptorlariga antagonistik ta'sir ko‘rsatadi, shu yo‘l bilan quyidagi simptomlarni rinit, burun bitishi, ko‘zni qizarishi va o‘ta yuqori sezuvchanligini yengillashtiradi.
Fenilefrin gidroxloridi–adrenomimetik, alfa-adrenoretseptorlarga rag‘batlantiruvchi ta'sir ko‘rsatib, burun shilliq qavati arteriomalarini toraytirishini chaqiradi, va shu yo‘l bilan shishni va shilliqni bartaraf etishiga, rinoreya va burun bitishini kamayishiga yordam beradi. Preparat umuman olganda, analgetik, isitmani tushiruvchi, yallig‘lanishga qarshi, umumiy tonusni oshiruvchi, antigistamin ta'sirlarga ega.


Farmakokinetikasi

Paratsetamol ichga qabul qilinganidan keyin paratsetamol me'da-ichak yo‘llarining yuqori bo‘limlarida tez va to‘liq so‘riladi. Qon plazmasidagi maksimal kontsentratsiyasiga (Smax) 10-60 minut davomida erishiladi. Qon plazmasi oqsillari bilan bog‘lanishi 10% dan kamni tashkil qiladi. Organizmning ko‘pchilik to‘qimalarida tez va bir tekis taqsimlanadi. Yarim chiqarilish davri (T1/2) 1-4 soatni tashkil qiladi. Asosan jigarda glyukuronid bilan kon'yugatsiyalanish, sulfatlar bilan kon'yugatsiyalanish va jigarning aralash oksidazalari va sitoxrom R450 ishtirokida oksidlanish yo‘li orqali metabolizmga uchraydi.
Jigarda va buyraklarda aralash oksidazalar ta'sirida juda oz miqdorda hosil bo‘ladigan va odatda glyutation bilan bog‘lanishi yo‘li bilan zararsizlantiriladigan, salbiy ta'sirga ega bo‘lgan gidroksillangan metaboliti – N-atsetil-r-benzoxinonimin – paratsetamolning dozasi oshirib yuborilganda to‘planishi va to‘qimalarni shikastlanishini chaqirishi mumkin. Asosan buyrak orqali chiqariladi.
Kofein ichakda yaxshi so‘riladi, plazmadagi T1/2 5-10 soatni tashkil qiladi, buyraklar orqali metabolitlar ko‘rinishida chiqariladi.
Xlorfeniramin maleati ichga qabul qilingandan keyin me'da-ichak yo‘llaridan sekin va to‘liq so‘riladi, Smax erishish vaqti 2,5 dan 6 soatgacha. Biokiraolishlik indeksi taxminan 25% dan 50% gacha. Preparatni katta qismi (70%) plazma oqsillari bilan bog‘lanadi. Asosan yumshoq to‘qimalarda, shu jumladan markaziy nerv tizimida ham taqsimlanadi. Uning T1/22 dan 43 soatgacha o‘zgaradi va ta'sir davomiyligi 4 soatdan 6 soatgacha. Moddaning katta qismi metabolizmga uchraydi. O‘zgarmagan qismi va uning metabolitlari siydik bilan, uncha katta bo‘lmagan miqdori ahlat bilan chiqariladi.
Fenilerin gidroxloridi peroral qabul qilingandan keyin uning so‘rilishi o‘zgaruvchan. Ekstensiv tizim oldi metabolizmiga uchraydi. Natijada tizimli biokiraolishligi bor yo‘g‘i 40% ni tashkil qiladi, plazmadagi cho‘qqi kontsentratsiyasiga 1-2 soat davomida erishiladi. Plazmadan o‘rtacha yarim chiqarilish davri 2-3 soatni tashkil qiladi.


Qo‘llanilishi

Yuqori xarorat, isitma, bosh va mushak og‘rig‘i, tumov, burun bitishi bilan kechuvchi infektsion yallig‘lanish kasalliklarini (O‘RVI, gripp) simptomatik davolash.


Qo‘llash usuli va dozalari

Kattalarga va 15 yoshdan katta o‘smirlarga 1 tabletkadan sutkada 3 marta yoki shifokor ko‘rsatmasi bo‘yicha qo‘llanadi. Maksimal sutkalik doza -4 tabletka.
Shamollash kasalliklarini davolash uchun preparatni iloji boricha erta birinchi simptomlar paydo bo‘lishi bilanoq darxol qabul qilishni boshlagan afzal. Preparatni ichga ovqatdan keyin qabul qilgan ma'qul. Dozalar orasidagi interval kamida 4 soatni tashkil qilishi lozim. Buyrak yetishmovchiligi bo‘lgan patsiyentlarda preparatni 8- soatli interval bilan boshlash kerak. Davolash davomiyligi shaxsiy ravishda belgilanadi, o‘rtacha 3-5 kunni tashkil qiladi. Ushbu preparatni shifokor maslahatisiz 5 kundan ko‘p qo‘llamaslik tavsiya qilinadi. Agar yaxshilanish bo‘lmasa yoki yangi simptomlar paydo bo‘lsa, shifokorga murojaat qilishi kerak.
Nojo‘ya ta'sirlari
Tez-tez
- uyquchanlik;
Kam
- bosh og‘rig‘i, bosh aylanishi, uyqusizlik, asabiylashish, yuqori qo‘zg‘aluvchanlik;
- trombotsitopeniya, leykopeniya, agranulotsitoz, pantsitopeniya;
- yurak urishini tezlashishi, arterial bosimni oshishi;
- allergik reaktsiyalar (teri toshmasi, eshakemi, angionevrotik shish);
- og‘izni qurishi;
Yana quyidagilar bo‘lishi mumkin
- ko‘ngil aynishi, qusish, epigastral og‘riq, diareya;
- midriaz, ko‘z ichki bosimini oshishi;
- uzoq vaqt dozani oshirilganida gepatoksik va nefrotoksik ta'sir kuzatilishi mumkin.


Qo‘llash mumkin bo‘lmagan holatlar

- preparatning komponentlariga yuqori sezuvchanlik;
- monoaminooksidaza (MAO) ingibitorlarini bir vaqtda qabul qilish;
- homiladorlik va laktatsiya;
- glaukoma (ko‘z ichki bosimini oshishi);
- prostata bezini xavfsiz gipertrofiyasida siyishni buzilishlari;
- yurak ritmini buzilishi, arterial gipertenziya;
- jigar faoliyatini yaqqol buzilishlari;
- 15 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Barbituratlarni, tirishishga qarshi vositalarni va alkogolni preparat bilan bir vaqtda qo‘llanilishi gepatotoksik ta'sir xavfini oshiradi. In-gripp qabul qilinganda Zidovuddinning faolligi pasayishi mumkin. Kofein In-grippning og‘riq qoldiruvchi ta'sirini kuchaytiradi. Preparatni alkogol va boshqa MNT faoliyatini susaytiruvchi vositalar (uxlatuvchi, sedativ preparatlar trankvilizatorlar va narkotik analgetiklar) bilan bir vaqtda qo‘llanganda MNT ga bo‘lgan susaytiruvchi ta'siri kuchayishi mumkin. Antixolinergik preparatlar va tritsiklik antidepressantlar bilan bir vaqtda qabul qilinganda ularning samaralari kuchayishi mumkin.
Preparatning gangliobloklovchi, adrenobloklovchi vositalarni, rauvolfiya alkaloidlari va metildopa bilan bir vaqtda qabul qilinganda arterial gipertenziya qayd etiladi. Preparatni probenetsid bilan bir vaqtda qo‘llanganda, probenetsid paratsetamolning plazmadagi kontsentratsiyasini va uni chiqarilishini o‘zgartirishi mumkin. Xolestiramin, simetidin, disulfiram, peroral steroid kontratseptivlarni qabul qilinganda In-grippni so‘rilishi susayadi.
Preparatni chiqarilishi chekuvchilarda yuqori.


Maxsus ko‘rsatmalar

Preparatni keksa yoshdagi va holsizlangan bemorlarga, jigar va buyrak faoliyatini buzilishi bo‘lgan patsiyentlarga ehtiyotkorlik bilan buyuriladi. Shifokor buyurgan dozadan oshirmaslik kerak. Jiddiy nojo‘ya samaralar paydo bo‘lganda preparatni bekor qilish lozim.
Davolanish vaqtida paratsetamol saqlovchi boshqa preparatlarni alkogolli ichimliklarni va sedativ vositalarni bir vaqtda qo‘llash mumkin emas.
Ushbu preparat uyquchanlik va diqqatni pasayishini chiqarishi mumkin, shuning uchun davolanish davrida patsiyentlar transport vositalarini yoki mashina mexanizmlarni boshqarmasliklari kerak.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Simptomlari teri qoplamalarini oqarishi, anoreksiya ko‘ngil aynishi, qusish gepatonekroz (nekrozni yaqqolligi to‘g‘ridan –to‘g‘ri dozani oshirib yuborilish darajasiga bog‘liq). Kattalarda preparatning toksik ta'siri paratsetamolni 10-15 g dan yuqori qabul qilgandan keyin yuz berishi mumkin “jigar” transaminazalari faolligini oshishi, protrombin vaqtini oshishi (qabul qilgandan 12-48 soatdan keyin), jigarni shikastlanishini yaqqol klinik manzarasi 1-6 kundan keyin namoyon bo‘ladi. Kam hollarda jigar faoliyatini buzilishi yashindek tez rivojlanadi va buyrak yetishmovchiligi (interetitsial nefrit) bilan asoratlanishi mumkin.
Davolash SN-guruhi donatorlarini va glutation – metioninning o‘tmishdoshlarini va 12 soatdan keyin N-atsetiltsisteinni yuborish kerak. Qo‘shimcha terapevtik tadbirlarni o‘tkazishga zarurat, paratsetamolni qondagi kontsentratsiyasiga, shuningdek uni qabul qilgandan keyingi o‘tgan vaqtga ko‘ra aniqlanadi.


Chiqarilish shakli

Tabletkalar. Birlamchi o‘ram 10 tabletkadan blisterda.
Ikkilamchi o‘ram 1 blister qo‘llash bo‘yicha yo‘riqnomasi bilan birga karton qutida.


Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.


Ishlab chiqarilgan

“Inter Rharma”
902, Vikram Tower, 16 Rajendra Place, New Delhi - 110008, India.

Qadoqlangan
“Nova Pharm»MChJ QK,
Surxondaryo viloyati, So‘fi Olloyor ko‘ch, 10 burilish, 2 manzilgoh .