Preparatning savdo nomi
TeraFlyu®

Dori shakli
ichga qabul qilish uchun eritma tayyorlash uchun kukun (limonli).

Tarkibi

Bir paketcha quyidagilarni saqlaydi
Faol komponentlar paratsetamol 325 mg, feniramin maleati 20 mg, fenilefrin gidroxloridi 10 mg, askorbin kislotasi 50 mg.
Yordamchi moddalar olma kislotasi, natriy sitrat digidrati, sariq bo‘yovchi Ye 110, sariq bo‘yovchi Ye 104, titan dioksidi (E 171) ,saxaroza, limon aromatizatori, uch asosli kaltsiy fosfati, suvsiz limon kislotasi.
Ta'rifi qumoqlarsiz va yot zarrachalarsiz sariq dog‘li sochiluvchan oq rangli granulalangan kukun.

Farmakoterapevtik guruhi
analgetiklar va antipiretiklar, paratsetamol boshqa preparatlar bilan majmuada (psixoleptiklardan tashqari).
ATX kodi N02BE51


Farmakologik xususiyatlari

Majmuaviy preparat bo‘lib, isitmani tushiruvchi, yallig‘lanishga qarshi, shishga qarshi, og‘riq qoldiruvchi, allergiyaga qarshi ta'sirlarga ega.


Qo‘llanilishi

Tana haroratini oshishi, kuchli qaltirash, tanada og‘riq, bosh va mushak og‘rig‘i, tumov, burun bitishi, aksirish bilan keuvchi infektsion-yallig‘lanish kasalliklari (O‘RVI, gripp) ni qisqa muddatli simptomatik davolashda qo‘llanadi.


Qo‘llash usuli va dozalari

Ichga buyuriladi. 1 paketcha ichidagisi 1 stakan qaynagan suvda eritiladi. Issiq holda qabul qilinadi. Ta'mga ko‘ra qand qo‘shish mumkin. Takroriy dozani har 4 soatda (lekin 24 soatda 3 dozadan oshmasligi kerak) qabul qilish mumkin. TeraFlyu® ni sutkalik istalgan vaqtida qabul qilish mumkin, lekin preparatni uyqudan oldin qabul qilinsa yaxshi samara kuzatiladi. Agar preparatni qabul qilish boshlanidan keyin 3 kun davomida simptomlarni yengillashishi kuzatilmasa, shifokorga murojaat etish kerak.


Qo‘llash mumkin bo‘lmagan holatlar

Preparatning alohida komponentlariga yuqori sezuvchanlik, jigar va buyrak funktsiyasini og‘ir buzilishlari, og‘ir yurak-qon tomir kasalliklari, arterial gipertenziyaning og‘ir shakli, feoxromotsitoma, tireotoksikoz, qoldiq siydikni to‘planishi bilan kechuvchi prostata bezi adenomasi, gemolitik anemiya, yopiq burchakli glaukoma, monoaminooksidaza (MAO) ingibitorlarini bir vaqtda qabul qilish, alkogolizm, tutqanoq, qandli diabet, bronxial astma, glyukozo-6-fosfatdegidrogenaza fermenti tanqisligi, homiladorlik, emizish davri, 12 yoshgacha bo‘lgan bolalarda qo‘llash mumkin emas.

Ehtiyotkorlik choralari
Nisbiy qarshi ko‘rsatmalar buyrak va/yoki jigar yetishmovchiligi, jigar uchun potentsial toksik yoki jigar fermentlarini induktsiya qiluvchi preparatlarni bir vaqtda qo‘llash.
Jigarni toksik shikastlanishidan saqlanish uchun preparatni alkogolli ichimliklar bilan birga qabul qilish mumkin emas.
Fenilefrinning tomirlarni toraytiruvchi ta'siri ko‘rinishlari kuzatilishi mumkinligi tufayli, keksa yoshdagi va yurak-qon tomir kasalliklari bo‘lgan patsiyentlarda, shuningdek preparatni prostata bezi giperplaziyasi va qalqonsimon bezi kasalliklari bo‘lgan patsiyentlarda preparatni qo‘llaganda ehtiyotkorlikka rioya qilish kerak.
Qandli diabeti bo‘lgan patsiyentlar preparat 20 g saxaroza saqlashini e'tiborga olishlari kerak, bu 340 kDj (=82 kkal) ga mos keladi.
Kam uchraydigan nasliy fruktozani o‘zlashtiraolmaslik, glyukoza/galaktoza malabsorbtsiyasi yoki saxaraza-izomaltaza yetishmovchiligi bo‘lgan patsiyentlarda preparatning tarkibida saxaroza mavjudli tufayli qo‘llash tavsiya etilmaydi.
Bir paketcha 28 mg natriy saqlaydi.
Tavsiya etilgan dozalar oshirilmasin. Shikastlangan paketchalardagi preparat ishlatilmasin.

Avtomobilni haydash va mexanizmlarni boshqarish qobiliyatiga ta'siri
Davolash vaqtida avtomobilni yoki diqqatni yuqori jamlash va psixomotor reaktsiyalarning yuqori tezligig talab qiluvchi boshqa mexanizmlarni boshqarganda ehtiyotkorlikka rioya qilish kerak.

Nojo‘ya samaralari
Allergik reaktsiyalar (hansirash, bronxospazm, terlash, ko‘ngil aynishi, Kvinke shishi, anafilaktik shok), yuqori qo‘zg‘aluvchanlik, psixomotor reaktsiyalar tezligini pasayishi, toliqish hissi, og‘izni qurishi, siydikni tutilishi, qusish, qorinda og‘riq, qabziyat, ich ketishi, meteorizm, yurak urib ketishi, arterial bosimni oshishi, bosh aylanishi, uyquni buzilishi, midriaz, akkomodatsiya falaji, ko‘z ichki bosimini oshishi, bosh og‘rig‘i, bradikardiya. Ayrim hollarda bolalarda qusish va uyqusizlik kuzatilgan. Paratsetamolni mavjudligi tufayli kam hollarda – qon tizimi tomonidan buzilishlar (anemiya, trombotsitopeniya, leykopeniya, agranulotsitoz); uzoq vaqt yuqori dozalarda qo‘llaganda gepatotoksik va nefrotoksik ta'sir, gemolitik anemiya, metgemoglobinemiya, pantsitopeniya kuzatilishi mumkin.
Nojo‘ya reaktsiyalar paydo bo‘lgan hollarda, hatto ular yuqorida ta'riflanmagan bo‘lsa ham, shifokorga murojaat etish kerak.


Dozani oshirib yuborilishi

Odatda paratsetamol bilan bog‘liq bo‘lgan dozani oshirib yuborilganida ko‘ngil aynishi, qusish, epigastral sohada og‘riq; gepatotoksik va nefrotoksik ta'sir, og‘ir hollarda – jigar yetishmovchiligi, gepatonekroz, “jigar” fermentlari faolligini oshishi, protrombin vaqtini uzayishi, entsefalopatiya va koma kuzatilishi mumkin. Feniramin va fenilefrin bilan bog‘liq simptomlar uyquchanlik, so‘ngra qo‘zg‘alish, ayniqsa bolalarda, ko‘rishni buzilishi, ko‘ngil aynishi, qusish, bosh og‘rig‘i, qon aylanishini buzilishi, koma, tirishishlar, arterial gipertenziya va bradikardiya.
Zaharlanishga gumon qilganda davolashni darhol boshlash kerak birinchi soatlar davomida me'dani yuvish va faollashtirilgan ko‘mir qabul qilish. Doza oshirib yuborilgandan keyin birinchi sutka davomida metionin va N-atsitiltsisteinni yuborish samarali. Tirishishlarda diazepamni qo‘llash mumkin. Tibbiy yordamga murojaat qilish kerak.

Boshqa dori vositalari bilan o‘zaro ta'siri
Barbituratlar, difenin, karbamazepin va jigar fermentlarining boshqa induktorlari bilan bir vaqtda qabul qilganda paratsetamolning gepatotoksik ta'siri xavfi oshadi. Antidepressantlar, parkinsonga qarshi va antipsixotik vositalar, fenotiazin hosilalari siydikni tutilishi, og‘izni qurishi, qabziyat rivojlanishi xavfini oshirishi mumkin. Glyukokortikosteroidlar ko‘z ichki bosimini oshirishi mumkin. Me'dani bo‘shalishini sekinlashtiruvchi vositalar (masalan propantelin) so‘rilishni tormozlaydi. Me'dani bo‘shalishini tezlashtiruvchi vositalar (masalan metoklopramid) so‘rilishni tezlashtiradi. Paratsetamol xloramfenikolning yarim chiqarilish davrini 5 marta uzaytiradi.
Salitsilamid paratsetamolning yarim chiqarilish davrini va jigar uchun toksik metabolitlar hosil bo‘lishini oshiradi. Paratsetamol va xlorzoksazonni bir vaqtda qo‘llash ikkala preparatning gepatotoksikligini oshiradi. Zidovudin va paratsetamolni bir vaqtda qo‘llash neytropeniyani kuchayishiga olib keladi. Kumarin hosilalarining ta'siri kuchayishi mumkin.

O‘rami
22,1 g dan kukun majmuaviy materialli paketchada. 10 paketcha qo‘llash bo‘yicha yo‘riqnomasi bilan karton qutida.


Saqlash sharoiti

25°S dan yuqori bo‘lmagan haroratda. Bolalar ololmaydigan joyda saqlansin.


Yaroqlilik muddati

2 yil.
Yaroqlilik muddati
o‘tgach preparatni ishlatish mumkin emas.


Dorixonalardan berish tartibi

Retseptsiz.


Ishlab chiqaruvchi

Novartis Konsyumer Xels SA, Shveytsariya.

Ishlab chiqarilgan
Famar Orlean, Fransiya.
Manzili 5, Avenyu de Konsir, 45071, Orlean, Fransiya.