Preparatning savdo nomi
Artoksan
Ta'sir etuvchi modda (XPN) tenoksikam

Dori shakli
gel

Tarkibi

1 g gel quyidagilarni saqlaydi
faol modda 10 mg tenoksikam;
yordamchi moddalar karbomer, 96% li etanol, trietanolamin, tozalangan suv.
Ta'rifi kuchsiz spirt hidli, bir xil, tiniq, biroz sarg‘ish tusli gel.

Farmakoterapevtik guruhi
sirtga qo‘llash uchun nosteroid yalllig‘lanishga qarshi vositalar.
ATX kodi M01AS02

Farmakologik hususiyatlari

Farmakodinamika
si
Artoksan – sirtga qo‘llash uchun mo‘ljallangan nosteroid yallig‘lanishga qarshi vositadir. Yaqqol va uzoq vaqt davomida og‘riq qoldiruvchi va yallig‘lanishga qarshi ta'sir ko‘rsatadi. Ta'sir mexanizmi yallig‘lanish o‘chog‘ida SOG-1 va SOG-2 larni noselektiv susayishi, araxidon kislotasining metabolizmini buzilishi va prostaglandinlar biosintezini susayishi bilan bog‘liq.
Yallig‘lanishga qarshi samarasi kapillyar qon tomirlarning o‘tkazuvchanligini kamayishi (ekssudatsiyani cheklaydi), lizosomalarning membranalarini barqarorlashuvi (lizosomalar tomonidan to‘qimalarni shikastlanishini keltirib chaqiradigan fermentlarni ajralib chiqishiga to‘sqinlik qiladi), yallig‘lanish mediatorlari (prostaglandinlar, gistamin, bradikinin, limfokinlar, komplement omillari) ni sintezini susayishi yoki faolsizlanishi bilan ifodalanadi. Tenoksikam yallig‘lanish o‘chog‘ida erkin radikallarning miqdorini kamaytiradi, xemotaksis va fagotsitozni susaytiradi. Yallig‘lanishning proliferativ fazasini tormozlaydi, to‘qimalarda yallig‘lanishdan keyin skleroz rivojlanishini kamaytiradi; xondroprotektor ta'sir ko‘rsatadi.
Har qanday etiologiyali og‘riq sindromining jadalligini kamaytiradi yoki bartaraf qiladi, ertalabki tanglikni kamaytiradi, shikastlangan bo‘g‘imlarning harakatchanligini oshiradi. Uzoq muddat qo‘llanganida desensibilizatsiyalovchi ta'sir ko‘rsatadi.
Uzoq vaqt davomida ta'sir qilish tenoksikamning o‘ziga xos hususiyati hisoblanadi.

Farmakokinetikasi

Yarim chiqarilish davri uzoq davom etadi – 60-75 soatni tashkil etadi. Gistogematik to‘siqlardan oson o‘tadi, sinovial suyuqlikka yaxshi o‘tadi. Teri orqali so‘riladigan tenoksikamning miqdori u surtiladigan terining maydoniga proportsionaldir, shuningdek preparatning umumiy dozasiga va terining gidratatsiya darajasiga bog‘liq. Metabolizmi asosan gidroksillanish yo‘li bilan amalga oshadi. Metabolitlarining asosiy qismi siydik bilan nofaol metabolitlar holida, qolgan qismi – safro bilan chiqariladi.


Qo‘llanilishi

Artoksan geli mushaklar va bo‘g‘imlarning, quyidagilar kabi, kasalliklari bilan bog‘liq bo‘lgan og‘riq sindromini davolash uchun mo‘ljallangan
• revmatoid artrit, osteoartroz, radikulitlar, lyumbago, ishias;
• yumshoq to‘qimalarning revmatik kasalliklari (tendovaginit, bursit, periartikulyar to‘qimalarni shikastlanishi va boshqalar);
• yumshoq to‘qimalar va bo‘g‘imlarni jarohatdan keyingi yallig‘lanishi (cho‘zilishlari, haddan ziyod zo‘riqishlari va lat yeyishlari oqibatida) ni davolash uchun qo‘llanadi.


Qo‘llash usuli va dozalari

Artoksan geli sutkada 1-2 marta sirtga surtiladi. Uzunligi taxminan 2-5 sm (1-2 g gel) bo‘lgan gelning tasmasi teriga qo‘yiladi va yengil surtiladi.
Preparat surtilganidan so‘ng qo‘llarni yuvish kerak.
Davolashning davomiyligi qo‘llash uchun ko‘rsatmalarga va davolash samaradorligiga bog‘liq. Preperat qo‘llangandan so‘ng 2 haftadan keyin davolashni davom ettirish maqsadga muvofiqligini shifokor bilan maslahatlashish kerak. Yumshoq to‘qimalarni shikastlanishida yoki yumshoq to‘qimalarni revmatik kasalliklarida preparatni to‘xtamasdan 14 kundan ortiq va artrit bilan bog‘liq bo‘lgan og‘riqda – 21 kundan ortiq (agar shifokor boshqa davolash sxemasini buyurmagan bo‘lsa) qo‘llash mumkin emas. Agar 7 kun davomida klinik dinamikani ijobiy tomonga o‘zgarishi kuzatilmasa yoki patsiyentning ahvoli og‘irlashsa, shifokorga murojaat qilish kerak.

Nojo‘ya ta'sirlari
Artoksan gel shaklida nojo‘ya reaktsiyalarni kam chaqiradi.
Nojo‘ya reaktsiyalarni uchrash tezligi quyidagi tarzda aniqlanadi juda tez-tez (≥ 1/10), tez-tez (≥ 1/100, ammo < 1/10), tez-tez emas (≥ 1/1000, ammo < 1/100), kam hollarda (≥ 1/10000, ammo < 1/1000), juda kam hollarda (< 1/10000), uchrash tezligi noma'lum (mavjud bo‘lgan ma'lumotlar asosida uchrash tezligini baholash imkoni yo‘q).
Immun tizimi tomonidan uchrash tezligi noma'lum – bronxial astma, anafilaktik reaktsiyalar, angionevrotik shish kabi, o‘ta yuqori sezuvchanlik reaktsiyalari.
Teri va teri osti to‘qimalari tomonidan buzilishlar tez-tez emas – qichishish, eritema, ekzantema, toshma, eshakemi; kam hollarda – vezikulo-bullyoz reaktsiyalar; juda kam hollarda – terida og‘ir darajadagi noxush reaktsiyalar Stivens-Djonson sindromi, toksik epidermal nekroliz; uchrash tezligi noma'lum – yorug‘likka sezuvchanlik reaktsiyasi bo‘lishi mumkin.


Qo‘llash mumkin bo‘lmagan holatlar

• preparatning komponentlariga, atsetilsalitsil kislotasiga yoki boshqa NYaQV ga yuqori sezuvchanlikda;
• teri qoplamlarining butunligi buzilganida;
• homiladorlikni III uch oyligida;
• 12 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
O‘zaro ta'sirlarni rivojlanishi ehtimoli kam, chunki tenoksikam sirtga qo‘llanganida uni tizimli so‘rilishi yuqori emas. Preparatni boshqa NYaQV bilan birga ehtiyotkorlik bilan qo‘llash kerak. Artoksan gelini mahallik kosmetik vositalar bilan birga qo‘llash mumkin emas.


Maxsus ko‘rsatmalar

Artoksan gelini faqat shikastlanmagan teriga surtish, ochiq jarohatlarga surtishdan saqlanish kerak. Gel surtilganidan so‘ng okklyuzion bog‘lov qo‘yish mumkin emas. Preparatni ko‘zlarga va shilliq qavatlarga tushishiga yo‘l qo‘ymaslik kerak.
Juda kam hollarda NYaQV qabul qilinganida terida jiddiy reaktsiyalar, ba'zida hayot uchun havf tug‘diruvchi reaktsiyalar, jumladan eksfoliativ dermatit, Stivens-Djonson sindromi va toksik epidermal nekroliz kuzatilishi mumkin. Ushbu noxush reaktsiyalarning belgilari va simptomlari xaqida patsiyentlarni ogohlantirish kerak, teri qoplamlari tomonidan noxush reaktsiyalarni aniqlash maqsadida patsiyentlarni kuzatish kerak. bunday reaktsiyalarni rivojlanish havfi davolashning boshlanishida eng yuqori bo‘ladi ko‘pchilik hollarda reaktsiyalar davolanishning birinchi oyida rivojlanadi. Teri toshmalari, shilliq qavatlarni shikastlanishining birinchi belgilari yoki o‘ta yuqori sezuvchanlikning boshqa belgilari paydo bo‘lganida Artoksan preparatini qo‘llashni to‘xtatish kerak.
Buyrak porfiriyasi (zo‘rayish bosqichi), me'da-ichak yo‘llarini eroziv-yarali shikastlanishlari, pankreatit, jigar va buyrak faoliyatini og‘ir darajadagi buzilishlari, surunkali yurak yetishmovchiligi, bronxial astmada, biriktiruvchi to‘qima kasalliklarida Artoksan preparati ehtiyotkorlik bilan buyuriladi. Keksa yoshdagi patsiyentlarda noxush reaktsiyalarni rivojlanish havfi oshadi.
Homiladorlik va laktatsiya davrida qo‘llanishi
Homilador va emizikli ayollarda Artoksan gelini qo‘llash bo‘yicha ma'lumotlar yetarli bo‘lmaganligi sababli, ushbu toifadagi patsiyentlarga qo‘llash tavsiya etilmaydi.
Pediatriyada qo‘llanishi
Preparat 12 yoshgacha bo‘lgan bolalarga qo‘llanmaydi.
Avtotransportni haydash va mexanizmlarni boshqarish qobiliyatiga ta'siri
Artoksan avtomobilni boshqarish va psixomotor reaktsiyalar tezligini talab etuvchi ishlarni bajarish qobiliyatiga ta'sir qilmaydi.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Dozani oshirib yuborilish ehtimoli kam. Preparat bexosdan ichga qabul qilinganida tenoksikamning peroral shakli uchun xos bo‘lgan nojo‘ya samaralarni chaqirishi mumkin. Tizimli nojo‘ya samaralar rivojlanganida me'dani yuvish va adsorbent qabul qilish tavsiya etilgan. Davolash simptomatik.


Chiqarilish shakli

Gel 45 g dan alyumin tubada.
1 alyumin tuba qo‘llash bo‘yicha yo‘riqnomasi bilan birga karton qutida.


Saqlash sharoiti

25oS dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.


Ishlab chiqaruvchi

Savdo belgisi va qayd etish sertifikatining egasi
«Rotafarm Ilachlarы Limited Shirketi», Turkiya
("Rotapharm Ilaçlari Limited Şirketi", Turkey).


Ishlab chiqarilgan

«Uorld Meditsin Ilach San. ve Tidj. A.Sh.», Turkiya
(Bagdjыlar Ilchesi, Gyuneshli, Evren Maxallesi,
Djami Yolu Djad. №50 K. 1V Zemin 4-5-6, Istambul)
"World Medicine İlaҫ San. ve Tic. A.Ş.", Turkey
(Bağcılar İlçesi, Güneşli, Evren Mahallesi,
Cami Yolu Cad. No50 K. 1B Zemin 4-5-6, İstanbul).

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
«Tar Pharm Alliance» MChJ,
O‘zbekiston Respublikasi, Toshkent sh., Mirobod tumani, Sayxun ko‘ch, 166 uy
Telefon 277-76-78, 277-76-48