Preparatning savdo nomi
Artoksan
Ta'sir etuvchi modda (XPN) tenoksikam

Dori shakli
qattiq jelatin kapsulalar

Tarkibi

Bir kapsula quyidagilarni saqlaydi
faol modda tenoksikam – 20 mg;
yordamchi moddalar laktoza, magniy stearati.
kapsula qobig‘ining tarkibi jelatin, indigotin, xinolin sarig‘i, titan dioksidi.
Ta'rifi kulrang korpusli va yashil qalpoqchali, sariq rangli kukundan tarkib topgan, №3 o‘lchamli qattiq jelatin kapsulalar.

Farmakoterapevtik guruhi
nosteroid yallig‘lanishga qarshi preparatlar.
ATX kodi M01AS02


Farmakologik xususiyatlari

Artoksan – kuchli yallig‘lanishga qarshi, og‘riqni qoldiruvchi va o‘rtacha ifodalangan isitmani tushiruvchi ta'sirga ega bo‘lgan samarali nosteroid yallig‘lanishga qarshi preparatdir (NYaQP). Preparatning hususiyatlari siklooksigenaza fermentining har ikkala izoformalarini ingibitsiya qilishi bilan bog‘liq, bu araxidon kislotasi metabolizmini buzilishiga va prostaglandinlar sintezini blokadasiga olib keladi.
Yallig‘lanishga qarshi samarasi kapillyarlarning o‘tkazuvchanligini kamayishi (ekssudatsiyani cheklaydi), lizosomal membranalarni barqarorlashuvi (to‘qimalarni shikastlanishini chaqiruvchi lizosamal fermentlarni ajralib chiqishiga to‘sqinlik qiladi), yallig‘lanish mediatorlari (prostaglandinlar, gistamin, bradikinin, limfokinlar, komplement omillari) sintezini susayishi yoki faolsizlantirilishi bilan ifodalanadi. Yallig‘lanish o‘chog‘ida erkin radikallarning miqdorini kamaytiradi, xemotaksis va fagotsitozni susaytiradi. Yallig‘lanish jarayonining proliferativ fazasini tormozlaydi, to‘qimalarning yallig‘lanishdan keyingi sklerozlanishini kamaytiradi; xondroprotektor ta'sir ko‘rsatadi.
Preparat yallig‘lanish o‘chog‘ida og‘riq sezuvchanligini kamaytiradi va og‘riqning talamik markazlariga ta'sir qiladi, desensibilizatsiyalovchi ta'sirga ega (uzoq muddat qo‘llanganida). Revmatik kasalliklarda tinch xolatda va xarkatda bo‘g‘imlardagi og‘riqni susaytiradi, bo‘g‘imlarning ertalabki tangligini va shishini kamaytiradi, bo‘g‘imlarning faoliyatini yaxshilaydi va xarakatlar xajmini oshiradi.


Farmakokinetikasi

Tenoksikam me'da-ichak yo‘llaridan tez va to‘liq so‘riladi, ovqat va antatsidlarni qabul qilish preparatning umumiy so‘rilish darajasiga ta'sir qilmasdan, so‘rilish tezligini sekinlashtiradi. Smax soatdan keyin erishiladi. Biokiraolishligi 100% ni tashkil etadi. 20-40 mg dozada og‘iz orqali bir marta qabul qilinganida plazmada 2-4 mg/l maksimal kontsentratsiyasiga erishiladi. Plazmada barqaror holatda taxminan 11 mg/l ga teng bo‘lgan kontsentratsiyasiga tenoksikam 20 mg (kuniga bir marta) dan har kuni qabul qilinganidan so‘ng 10-12 kundan keyin erishiladi.
Tenoksikam osteoartrit yoki revmatoid artrit bilan xastalangan patsiyentlarning sinovial suyuqligiga oson o‘tadi. Jigarda transformatsiyaga uchrab, nofaol metabolitlarni hosil qiladi. Ulardan biri (5-gidroksipiridil) siydik bilan chiqariladi, qolganlari esa glyukuron kon'yugatlari holida safro bilan chiqariladi. O‘rtacha yarim chiqarilish davri 60-75 soat, plazma klirensi soatiga 0,1-0,25 l. Qabul qilingan dozaning 2/3 qismi siydik bilan, 1/3 qismi axlat bilan chiqariladi.


Qo‘llanilishi

Tayanch-harakat apparatini, og‘riq sindromi bilan kechuvchi, yallig‘lanish-degenerativ kasalliklari
• podagradagi bo‘g‘im sindromi, revmatoid artrit, osteoartroz, ankilozlanuvchi spondilit, osteoxondroz, bo‘g‘im revmatizmi (tendinitlar, bursitlar, miozitlar);
• umurtqa pog‘onasidagi og‘riq, nevralgiya, mialgiya, ishialgiya;
• algodismenoreyada qo‘llanadi.


Qo‘llash usuli va dozalari

Preparat ichga, odatda 20 mg dan sutkada 1 marta ayni bir vaqtda qabul qilinadi.
O‘tkir podagrali artritda 40 mg dan sutkada 1 marta 2 kun davomida, so‘ngra 20 mg dan sutkada 1 marta 5 kun davomida qo‘llanadi.

Nojo‘ya ta'sirlari
Ovqat xazm qilish tizimi tomonidan dispepsiya (ko‘ngil aynishi, qusish, jig‘ildon qaynashi, diareya, meteorizm), qorinda og‘riqlar va noxush xislar, stomatit, anoreksiya; yuqori dozalarda uzoq muddat qo‘llanganida – me'da-ichak yo‘llarini eroziv-yarali shikastlanishlari.
Nerv tizimi va sezgi a'zolari tomonidan bosh og‘rig‘i, bosh aylanishi, depressiya, yuqori qo‘zg‘aluvchanlik.
Allergik reaktsiyalar eshakemi, qichishish, eritema, Stivens-Djonson va Layell sindromlari.
Boshqalar buyrak faoliyatini buzilishi, plazmada kreatinin, mochevina azoti, bilirubinning kontsentratsiyalarini va “jigar” transaminazalari faolligini oshishi, qon ketishi vaqtini uzayishi bo‘lishi mumkin.


Qo‘llash mumkin bo‘lmagan holatlar

• tenoksikamga yoki boshqa NYaQP yuqori sezuvchanlik;
• me'da-ichak yo‘llarini eroziv-yarali shikastlanishlari;
• me'da-ichakdan qon ketishlari;
• og‘ir kechuvchi gastrit;
• jigar va buyraklar faoliyatini yaqqol buzilishlari;
• qandli diabet;
• arterial gipertenziya, yurak yetishmovchiligi, shishlar;
• homiladorlik, laktatsiya davrida qo‘llash mumkin emas.

Dorilarning o‘zaro ta'siri
Artoksan litiy preparatlarining samarasini (shu jumladan, zaharliligini), bilvosita antikoagulyantlar, peroral gipoglikemik vositalarning (sulfonilmochevina hosilalari) samarasini kuchaytiradi. Antatsidlar tenoksikamning so‘rilishini pasaytiradi. Boshqa NYaQV, ayniqsa me'da-ichak yo‘llari tomonidan nojo‘ya ko‘rinishlarning rivojlanish xavfini oshiradi.
Miyelotoksik dori vositalari gematotoksiklikni namoyon bo‘lishini kuchaytiradi.


Maxsus ko‘rsatmalar

Keksalarni davolash uchun, diuretiklar, nefrotoksik preparatlar fonida, bevosita jarrohlik aralashuvlaridan keyin ehtiyotkorlik bilan ishlatiladi. Jarroxlik aralashuvidan bir necha kun oldin Artoksanni bekor qilish kerak.
Uzoq muddatli davolash jarayonida jigar va buyraklar faoliyatini, protrombin indeksini, qondagi glyukoza miqdorini nazorat qilish kerak. Davolanish fonida eroziv-yarali shikastlanish yoki me'da-ichak yo‘llaridan qon ketishini rivojlanishi, preparatni bekor qilishni va tegishli davolashni buyurishni talab qiladi.
Bolalarda qo‘llash xavfsizligi aniqlanmagan.
Homiladorlik va laktatsiya davrida qo‘llanishi
Homiladorlikda preparatni qo‘llash mumkin emas. Laktatsiya davrida preparatni buyurish zarurati tug‘ilganida emizishni to‘xtatish to‘g‘risidagi masalani xal qilish kerak.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Dozani oshirib yuborilish xollari kuzatilmagan.


Chiqarilish shakli

Qattiq jelatin kapsulalar. 10 kapsula blisterda. 1 blister qo‘llash bo‘yicha yo‘riqnomasi bilan birga karton qutida.


Saqlash sharoiti

25° S dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

Savdo belgisi va qayd etish sertifikatining egasi
“Rotafarm Limited”, Buyuk Britaniya
(“Rotapharm Limited”, Great Britain).


Ishlab chiqarilgan

“Global Napi Farmasyutikalz”
2-nchi Sanoat Zonasi, №40, №18 ko‘chasi, Siks ov Oktober Siti, Giza, Misr
(“Global Napi Pharmaceuticals”
2nd Industrial Zone, No. 40, Street No. 18, 6th of October City, Giza, Egypt).