Preparatning savdo nomi
Artrokol
Ta'sir etuvchi modda (XPN) ketoprofen

Dori shakli
sirtga qo‘llash uchun gel.

Tarkibi

1 g gel quyidagilarni saqlaydi
faol modda ketoprofen – 25 mg.
yordamchi moddalar karbomer 980, trolamin, 96% li etanol, metilparagidroksibenzoati, tozalangan suv.
Ta'rifi kuchsiz spirt hidli tiniq rangsiz bir jinsli gel.

Farmakoterapevtik guruhi
Bo‘g‘imlar va mushaklar og‘rig‘ida mahalliy qo‘llanadigan vositalar. Mahalliy qo‘llash uchun mo‘ljallangan nosteroid yallig‘lanishga qarshi vositalar.
ATX kodi M02AA10

Farmakologik hususiyatlari

Farmakodinamika

Ketoprofen – nosteroid yallig‘lanishga qarshi vosita bo‘lib, propion kislotasi guruhi hosilasidir. Ta'sir mexanizmi prostaglandinlar sintezini ingibitsiya bo‘lishi bilan bog‘liq. Og‘riq qoldiruvchi va yallig‘lanishga qarshi ta'sir ko‘rsatadi.

Farmakokinetikasi

Qon plazmasi va to‘qimalardagi ketoprofenning darajasi tizza bo‘g‘imida jarrohlik aralashuviga o‘tkazilgan 24 nafar patsiyentda aniqlangan. Ketoprofen gel ko‘rinishida teri yuzasiga ko‘p marotaba qo‘llanganidan so‘ng qon plazmasida moddaning darajasi, ketoprofenning bir martalik peroral dozasi qabul qilingandan keyingi darajasiga (490-3300 ng/g) nisbatan taxminan 60 barobar past bo‘lgan. Preparat surtilgan sohada uning to‘qimalardagi darajasi gel va peroral shakllari uchun kontsentratsiya diapazoni bir xil bo‘lgan; bunda gel individlararo o‘zgaruvchanlik darajasi ahamiyatlicha yuqori bo‘lganligini namoyish etgan.
Ketoprofen sirtga qo‘llanganidan so‘ng uning biokiraolishligi peroral dozasi qabul qilingandan keyingi darajasining taxminan 5% baholangan (siydik bilan chiqarilishi bo‘yicha ma'lumotlarga asoslangan holda).
Plazma oqsillari bilan bog‘lanish darajasi taxminan 99% ni tashkil etadi. Ketoprofen buyraklar orqali asosan glyukuronid kon'yugati ko‘rinishida chiqariladi.


Qo‘llanilishi

• skelet-mushak tizimining, jarohatlar, masalan, sportdagi jarohatlar, suyaklarni chiqishi, paylarni cho‘zilishi va lat yeyishlar oqibatida chaqirilgan, o‘tkir og‘riq bilan kechuvchi holatlarni yengillashtirish uchun;
• og‘ir bo‘lmagan artritdagi og‘riqni bartaraf qilish uchun qo‘llanadi.


Qo‘llash usuli va dozalari

Preparat sirtga qo‘llash uchun mo‘ljallangan.
Kattalar preparat terining og‘riqli yoki yallig‘langan sohasiga sutkada 2-4 marta 
7 kungacha bo‘lgan muddat davomida surtiladi. Gel teri orqali o‘tishi uchun ehtiyotkorlik bilan surtiladi va yaxshilab ishqalanadi. Gelning tavsiya etilgan odatdagi sutkalik dozasi 15 g ni tashkil etadi (7,5 g taxminan 14 sm gelga to‘g‘ri keladi).
Keksa yoshdagi patsiyentlar keksa yoshdagi patsiyentlar uchun dozalash bo‘yicha maxsus tavsiyalar belgilanmagan.
Bolalar bolalarda qo‘llash tavsiya etilmaydi, chunki ushbu yosh guruhida preparatni qo‘llash havfsizligi va samaradorligi aniqlanmagan.

Nojo‘ya ta'sirlari
Noxush reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Immun tizimi tomonidan uchrash tezligi noma'lum – anafilaktik shok, angionevrotik shish, o‘ta yuqori sezuvchanlik reaktsiyalari.
Teri va teri osti to‘qimalari tomonidan tez-tez emas – terini qizarishi, ekzema, qichishishi va achishishi kabi mahalliy reaktsiyalari; kam hollarda – fotosensibilizatsiya va eshakemi. Kam hollarda tarqalishi va tarqoq ko‘rinishga ega bo‘lishi mumkin bo‘lgan bullyoz yoki fliktenulyoz ekzema kabi yanada og‘irroq reaktsiyalar rivojlangan. Uchrash tezligi noma'lum – Stivens-Djonson sindromi.
Buyraklar va siydik chiqarish yo‘llari tomonidan juda kam hollarda – mavjud bo‘lgan buyrak yetishmovchiligini zo‘rayish holatlari bo‘lishi mumkin.
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar haqida xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ravishda xabar berishingizni so‘raymiz.


Qo‘llash mumkin bo‘lmagan holatlar

• anamnezida yorug‘likka sezuvchanlik reaktsiyalari;
• ketoprofen, fenofibrat, tiaprofen kislotasi, atsetilsalitsil kislotasi yoki boshqa nosteroid yallig‘lanishga qarshi preparatlar (NYaQP)ga, yoki yordamchi moddalaridan birortasiga nisbatan, astma, allergik rinitning simptomlari kabi ma'lum o‘ta yuqori sezuvchanlik reaktsiyalari;
• anamnezida ketoprofen, tiaprofen kislotasi, fenofibrat, UF-blokatorlari yoki aromatizator moddalarga nisbatan terida kuzatilgan allergik reaktsiyalar;
• davolanish vaqtida va davolash tugaganidan so‘ng 2 hafta davomida quyosh nurining ta'siriga, hatto quyosh issig‘i, shuningdek solyariyda UB-nurlari ta'siriga uchragan patsiyentlar;
• homiladorlikning uchinchi uch oyligi;
• terini, ekzema yoki akne kabi patologik o‘zgarishlari bo‘lgan patsiyentlarda preparatni qo‘llash mumkin emas.
Preparatni terining infektsiyalangan sohalariga yoki ochiq jarohatlarga, shilliq qavatlarga, orqa teshik sohasi va genitaliyga, ko‘zlarga surtish yoki okklyuzion bog‘lovlar ostiga qo‘llash mumkin emas.

Dorilarning o‘zaro ta'siri
O‘zaro ta'sir qilish ehtimoli kam, chunki preparat sirtga qo‘llanganidan so‘ng uning qon zardobidagi kontsentratsiyasi past bo‘ladi.
NYaQP, jumladan ketoprofen metotreksatning yuqori dozalari bilan tizimli qo‘llanganida jiddiy o‘zaro ta'sirlar qayd etilgan.


Maxsus ko‘rsatmalar

Gel har safar surtilganidan keyin qo‘llarni yaxshilab yuvish kerak.
Oktokrilen saqlovchi preparatlar bir vaqtda qo‘llanganidan keyin teri reaktsiyalari, jumladan terida reaktsiyalar yuzaga kelganida zudlik bilan davolashni to‘xtatish kerak.
Gel bilan butun davolash davri davomida va davolash tugaganidan so‘ng 2 hafta davomida fotosensibilizatsiyani rivojlanish havfidan saqlanish maqsadida terining ishlov berilgan sohalarini kiyim bilan himoya qilish tavsiya etiladi.
Gelni shilliq qavatlarga va ko‘zlarga tegishidan saqlanish lozim.
Tavsiya etilgan davolash davomiyligidan oshirish mumkin emas, chunki vaqt o‘tishi bilan kontakt dermatit va fotosesibilizatsiya reaktsiyalarini rivojlanish havfi oshib boradi.
NYaQP, jumladan ketoprofen saqlovchi gel qo‘llanganida Stivens-Djonson sindromi (SDS) kabi og‘ir darajadagi teri reaktsiyalarni rivojlanganligi xaqida xabar berilgan. Og‘ir darajadagi teri reaktsiyalarining belgilari va simptomlari xaqida patsiyentlarni xabardor qilish kerak. Teri toshmalari va shilliq qavatlarni shikastlanishini birinchi belgilari yoki o‘ta yuqori sezuvchanlikning har qanday boshqa belgilari paydo bo‘lganida davolashni to‘xtatish kerak.
Surunkali rinit, surunkali sinusit va/yoki burunda poliplar bilan kechuvchi astma bilan xastalangan patsiyentlarda boshqa patsiyentlarga nisbatan aspiringa va/yoki NYaQPga allergiyani rivojlanish havfi yanada yuqori bo‘ladi.
Bolalarda ketoprofenni gel shaklida qo‘llash samaradorligi va havfsizligi o‘rganilmagan.
Tizimli samaralari minimal ekanligiga qaramay, yurak, jigar yoki buyrak funktsiyasi past bo‘lgan patsiyentlarda gelni ehtiyotkorlik bilan qo‘llash kerak buyraklarni shikastlanganligidan dalolat beruvchi tizimli noxush reaktsiyalarni ayrim holatlari xaqida xabarlar berilgan.
Gel surtilganidan so‘ng teri toshmalari rivojlanganida davolashni to‘xtatish kerak.
Gelni okklyuzion bog‘lovlar ostiga surtish mumkin emas.
Fototoksiklik va fotoallergiya reaktsiyalarini rivojlanishidan saqlanish maqsadida davolanish vaqtida va preparatni qo‘llash tugaganidan so‘ng ikki hafta davomida preparat bilan ishlov beriladigan terining sohalarini bevosita quyosh nurlarini ta'siridan yoki UB-nurlarini ta'siridan himoyalash lozim.
Preparat tarkibida, allergiya reaktsiyalarni (ehtimol, sekin kechuvchi) chaqirishi mumkin bo‘lgan metilparagidroksibenzoat saqlaydi.
Preparat tarkibida etanol saqlaydi, biroq etanolni dozasi va uni qo‘llash usullari bilan bog‘liq bo‘lgan biror-bir ehtiyotkorlik choralari talab etilmaydi.
Preparatni ochiq olov manbalaridan uzoqda saqlash kerak. Yoqilmasin.
Ishlatilganidan so‘ng tubani yopish kerak.
Gelni suyultirish mumkin emas.
Homiladorlikda laktatsiya davrida qo‘llanishi
Homiladorlik
Hayvonlarda embriopatik samaralarini aniqlanmagan. Odamda homiladorlikda ketoprofenni qo‘llash havfsizligi epidemiologik jihatdan tasdiqlangan. Shunday bo‘lsa-da homiladorlikning birinchi va ikkinchi uch oyliklarida ketoprofenni qo‘llashdan saqlanish tavsiya etiladi.
Homiladorlikning uchinchi uch oyligida prosaglandinsintetazaning barcha ingibitorlari, jumladan ketoprofen homilada yurak-o‘pka va buyrak toksikligini qo‘zg‘atishi mumkin. Homiladorlikni yakunida onada va bolada qon ketishi vaqti uzayishi mumkin. NYaQP to‘lg‘oqni sekinlashtirishi mumkin. Shu boisdan homiladorlikning uchinchi uch oyligida ketoprofenni qo‘llash mumkin emas.
Laktatsiya
Ketoprofenning juda kam miqdorlari ko‘krak sutiga ajralib chiqadi, shuning uchun emizish vaqtida Artrokol gel preparatini qo‘llash mumkin emas.
Avtotransportni haydash va mexanizmlarni boshqarish qobiliyatiga ta'siri
Avtotransportni haydash va mexanizmlarni boshqarish qobiliyatiga preparatni ta'siri yuzasidan ma'lumotlar yo‘q.


Dozani oshirib yuborilishi

Sirtga qo‘llanganida dozani oshirib yuborilish ehtimoli kam.
Bexosdan yutib yuborilganida gel qabul qilingan miqdoriga qarab tizimli noxush samaralarni chaqirishi mumkin. Ular rivojlanganida qo‘llab-quvvatlovchi va simptomatik davolash o‘tkazish kerak.


Chiqarilish shakli

Sirtga qo‘llash uchun gel 30 g yoki 45 g dan alyumin tubalarda. 1 alyumin tuba tibbiyotda qo‘llanilishiga doir yo‘riqnomasi bilan birga karton qutiga joylangan.


Saqlash sharoiti

25 °C yuqori bo‘lmagan xaroratda saqlansin.
Bolalar ololmaydigan joyda saqlansin!


Yaroqlilik muddati


Ishlab chiqarilgan
sanadan boshlab 3 yil.

Yaroqlilik muddati
tugaganidan so‘ng qo‘llanilmasin.


Dorixonalardan berish tartibi

Retsept bo‘yicha.