Preparatning savdo nomi
Dekstanol®
Ta'sir etuvchi modda (XPN) deksketoprofen

Dori shakli
sirtga qo‘llash uchun gel

Tarkibi

faol modda 1 g gel - 18,5 mg deksketoprofen trometamol (12,5 mg dekstoprofenga ekvivalent) saqlaydi;
yordamchi moddalar karbomer gomopolimer (karbopol 974R), dietilenglikolli monoetil efiri (transkutol R), makrogol (polietilenglikol 8000 R), lavanda essentsiyasi, etanol (96%), distillangan suv.
Ta'rifi lavanda hidli tiniq gel.

Farmakoterapevtik guruhi
Sirtga qo‘llash uchun nosteroid yallig‘lanishga qarshi vositalar.
ATX kodi M01AE17


Farmakologik xususiyatlari

Deksketoprofen trometamol propion kislotasining trometamin tuzi S-(+)-2-(3-benzoilfenil) va nosteroid yallig‘lanishga qarshi preparatlarning faol enantiomeridir.
Ta'sir mexanizmi siklooksigenazalar SOG1 va SOG2 fermentlarini tanlamasdan ingibitsiya qilishi va prostaglandinlar sintezini bloklashi bilan bog‘liq.
Deksketoprofen 3-benzoil-alfa-metilbenzolsirka kislotasining S(+)-enantiomeri bo‘lib, o‘tmishdoshi bo‘lgan ketoprofendan farqli ravishda, S(+) va R(-) izomerlarning ratsemik aralashmasidir.


Farmakokinetikasi

Preparat gel ko‘rinishida mahalliy qo‘llanganida sekin so‘riladi va organizmda deyarli akkumulyatsiya qilinmaydi (to‘planmaydi). Biokiraolinishi 5% ni tashkil etadi va bu uning mahalliy ta'sir etishini va tizimli samarasi yo‘qligini ko‘rsatadi.
Gel mahalliy qo‘llanganida qon plazmasida maksimal kontsentratsiyasiga 4 soatdan keyin erishiladi. Preparat organizmdan 24 soatdan keyin to‘liq chiqariladi.
Sinovial suyuqlikda 2,5% deksketoprofen geliga to‘g‘ri keluvchi davolovchi darajasi kuzatiladi.


Qo‘llanilishi

Quyidagi kasalliklar va holatlardagi yengil va o‘rta jadallikdagi og‘riq sindromida
- tayanch-xarakat apparatining o‘tkir va surunkali yallig‘lanish, yallig‘lanish-degenerativ va metabolik kasalliklarda (shu jumladan revmatoid artrit, spondiloartrit, artroz, osteoxondroz);
- yumshoq to‘qimalarning revmatik kasalliklarida (tendovaginit, bursit va boshqalar)
- yumshoq to‘qimalar va bo‘g‘imlarning jaroxatdan keyingi yallig‘lanishi (cho‘zilishi, zo‘r berishi, urib olish, chiqishi va boshqalar natijasida).



Qo‘llash usuli va dozalari

Sirtga qo‘llaniladi.
Gelning 4-5 sm li uzunlikdagi miqdori yengil silovchi xarakatlar bilan tananing yallig‘langan yoki og‘riqli sohalariga sutkada 2-3 marta surtiladi. Shifokor maslahatisiz qo‘llash davomiyligi 7 kundan oshmasligi kerak.

Nojo‘ya ta'sirlari
-qichishish, preparat surtilgan joyda achishish hissi, shish;
-allergik reaktsiyalar (teri giperemiyasi, fotosensibilizatsiya, teri ekzantemasi, purpura);
-fotosensibilizatsiya (yorug‘likga sezuvchanlik), terida suv bilan to‘lgan pufakchalar paydo bo‘lishi, qizarishi;
-o‘tkir allergik rinit;
-burunda poliplar;
-yuzni allergik shishi va tomoqda allergik xarakterli shishlar bo‘lishi mumkin.


Qo‘llash mumkin bo‘lmagan holatlar

-deksketoprofenga yoki preparatning boshqa komponentlariga yuqori sezuvchanlik;
-atsetilsalitsil kislotasi yoki boshqa NPVS larga yuqori sezuvchanlik;
-suvli dermatozlar;
-ekzema;
-infektsiyalangan shilingan yaralar;
-homiladorlik va emizikli davri;
-12 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Dorilarning o‘zaro ta'siri to‘g‘risida ma'lumotlar yo‘q.


Maxsus ko‘rsatmalar

Preparatning ko‘zga va shilliq qavatlarga tushishiga yo‘l qo‘yilmasin.
Qichishish paydo bo‘lganda preparat bilan davolanishni zudlik bilan to‘xtatish kerak.
Gel surtilgandan keyin tor kiyimda yurmaslik kerak yoki okklyuzion (havo o‘tkazmaydigan) bog‘lovlarni qo‘llamaslik kerak.
Avtotransportni xaydash va mexanizmlarni boshqarish qobiliyatiga ta'siri
Avtotransportni boshqarish va boshqa mexanizmlar bilan ishlashda reaktsiya tezligiga ta'siri to‘g‘risida ma'lumotlar yo‘q.
Preparatni bolalar ola olmaydigan joyda saqlash va yaroqlilik muddati o‘tgach ishlatmaslik lozim.


Dozani oshirib yuborilishi

Dozani oshirib yuborish extimoli kam, chunki sirtga qo‘llanilganda deksketoprofenni tizimli so‘rilishi juda past.
Davolash asosan simptomatik davolash o‘tkaziladi. Deksketoprofen organizmdan dializ yo‘li bilan chiqarilishi mumkin.


Chiqarilish shakli

«Dekstanol®» gel 12,5 mg/1 g dan 60 g li tubalarda.


Saqlash sharoiti

Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.



Yaroqlilik muddati

2 yil.


Dorixonalardan berish tartibi

Retseptsiz.


Ishlab chiqaruvchi

"Nobel İlaç Sanayii ve Ticaret A.Ş.", Turkiya

Qadoqlangan
MChJ "NOBEL PHARMSANOAT" ChEK
Dori vositasining sifati bo‘yicha iste'molchilarning fikr-mulohazalari, e'tirozlari va dori preparatining nojo‘ya ta'sirlari yoki samarasini yo‘qligi haqidagi xabarlarni quyidagi manzilga yuborish mumkin
O‘zbekiston Respublikasi, Toshkent sh., Mirzo Ulug‘bek tumani, Qorasuvbo‘yi ko‘ch., 5 "A"
Tel (99871) 265 90 99; Faks (99871) 265 91 99; E-mail pv@nobel.uz, www.nobel.uz