Dikloberl N75 amp 3 ml №5

Ushbu dori vositasini ishlatishni boshlashdan oldin, ilova-varaqani diqqat bilan to‘liq o‘qib chiqing, chunki unda Siz uchun muhim ma'lumot saqlanadi.
- Ushbu ilova-varaqani saqlab qo‘ying. Ehtimol Siz keyinroq, uni yana bir marta o‘qib chiqishni hoxlab qolarsiz.
- Agar Sizda keyinchalik savollar tug‘ilsa, ular bilan shifokoringizga yoki dorixona xodimiga murojaat qiling.
- Bu dori vositasi shaxsan Siz uchun buyurilgan. Uni uchinchi shaxsga bermang. U boshqa odamlarga zarar keltirishi mumkin, hatto agar ulardagi kasallik manzarasi Sizdagiga o‘xshash bo‘lsa ham.
- Agar Siz biron-bir nojo‘ya ta'sirlar paydo bo‘lganini sezsangiz, bu haqida davolovchi shifokor yoki dorixona xodimiga xabar bering. Bu ushbu ilova-varaqada keltirilmagan har qanday nojo‘ya ta'sirlarga taalluqli. 4 bo‘limga qarang.
Ushbu ilova-varaqada quyidagi ma'lumot saqlanadi
1.Dikloberl® N75 o‘zi nima va u nima uchun qo‘llanadi
2.Dikloberl® N75 preparatini qo‘llashdan oldin nimalarga e'tibor berish kerak
3.Dikloberl® N75ni qanday qo‘llash kerak?
4.Bo‘lishi mumkin bo‘lgan nojo‘ya ta'sirlari
5.Dikloberl® N75 preparatini qanday saqlash kerak?
6.O‘ram ichidagisi va boshqa ma'lumotlar
1.Dikloberl® N75 o‘zi nima va u nima uchun qo‘llanadi
Moddalar guruhi, qo‘llash sohasi yoki ta'sir mexanizmi
Dikloberl® N75 og‘riq qoldiruvchi va yallig‘lanishga qarshi dori vositasidir (nosteroid yallig‘lanishga qarshi preparat/analgetik).
Qo‘llash sohasi
Quyidagilar bilan kechuvchi yaqqol o‘tkir og‘riqni simptomatik davolash
- bo‘g‘imlarning o‘tkir yallig‘lanishi (o‘tkir artritlar), shu jumladan podagra xurujlari;
- bo‘g‘imlarning surunkali yallig‘lanishi (surunkali artritlar), xususan, revmatoid artrit (surunkali poliartrit);
- Bexterev kasalligi (ankilozlovchi spondilit) va umurtqa pog‘onasining revmatik tabiatli boshqa kasalliklari;
- bo‘g‘imlar va umurtqa pog‘onasining degenerativ jarayonlaridagi (artrozlar va spondiloartrozlar) to‘qimalarning ta'sirlanishlari;
- yumshoq to‘qimalarning shikastlanishi bilan kechuvchi revmatik tabiatli yallig‘lanish kasalliklari;
- og‘riqli shishlar, jarohatlardan keyingi yallig‘lanish.
Ko‘rsatma in'ektsiya uchun eritma faqat, agar ayniqsa ta'sirini tez bo‘lishi talab qilingan holda yoki peroral dori shaklini qabul qilish yoki shamcha shaklida yuborish mumkin bo‘lmagan holda qo‘llash uchun ko‘rsatilgan. Bunda, odatda davolashni faqat bir martalik in'ektsiya ko‘rinishida, davolashni boshlash uchun o‘tkazish tavsiya qilinadi.
Agar Siz o‘zingizni yaxshiroq his qilmasangiz yoki yomonlashishni his qilsangiz, bu haqida davolovchi shifokorga xabar bering.
2.Dikloberl® N75 preparatini qo‘llashdan oldin nimalarga e'tibor berish kerak
Dikloberl® N75 ni quyidagi hollarda qabul qilish mumkin emas
- diklofenakka yoki ushbu preparatning boshqa komponentlariga (6 bo‘limda keltirilgan) allergiya bo‘lganida;
- agar atsetilsalitsil kislotasini yoki boshqa nosteroid yallig‘lanishga qarshi vositalarni qo‘llashdan keyin ilgari Sizda nafas olishni qiyinlashishi (bronxospazm), astma xurujlari, burun shilliq qavatining shishi yoki teri reaktsiyalari bo‘lgan bo‘lsa;
- aniqlanmagan qon yaratilishining buzilishlarida;
- hozirgi vaqtda yoki ilgari me'da/o‘n ikki barmoq ichak yaralarining qaytalanishlari (peptik yaralar) yoki qon ketishlari bo‘lgan bo‘lsa (me'da-ichak yarasi yoki qon ketishini kamida ikkita bir-biri bilan bog‘liq bo‘lmagan qayd etilgan holatlarida);
- ilgari me'da-ichak qon ketishlari yoki nosteroid yallig‘lanishga qarshi vositalar (NYaQV) bilan bog‘liq perforatsiyalarda;
- hozirgi vaqtda me'da yoki ichak yarasidan qon ketishi yoki perforatsiyasi mavjudligida (bu qusgan massalarda qonni mavjudligi, defekatsiyada qon ketishi, axlatda yangi qon mavjudligi yoki qora, qatronsimon axlat);
- bosh miya qon quyilishlarida (tserebrovaskulyar qon ketishlar) yoki boshqa yangi qon ketishlarda;
- jigar yoki buyrak faoliyatini og‘ir buzilishlarida;
- aniqlangan yurak kasalligi va/yoki bosh miya qon-tomirlari kasalliklari bo‘lganida, masalan, agar Siz yurak yoki bosh miya qon-tomirlarini o‘tkazuvchanligi buzilganida yoki shu buzilishni bartaraf etish yoki berkilgan qon-tomirni shuntlash operatsiyasida miokard infarkti, insult, mini-insult (TIA) o‘tkazgan bo‘lsangiz;
- hozirda yoki avval qon aylanishini buzilishlari (periferik arteriyalar kasalliklari) bo‘lganida;
- homiladorlikning oxirgi uch oyligi davomida.
Dikloberl® N75 bolalar va 18 yoshgacha bo‘lgan patsiyentlarda qo‘llash uchun to‘g‘ri kelmaydi.
Quyida Dikloberl® N75 preparatini faqat ma'lum sharoitlarda (ya'ni qabullar orasidagi davomiyroq intervallarda, pasaytirilgan dozalarda va shifokorning kuzatuvi ostida) va alohida ehtiyotkorlik bilan qo‘llash mumkinligi haqida ma'lumot keltirilgan. Bu masala bo‘yicha iltimos, shifokoringizga murojaat qiling. Bu Siz ilgari shunday ma'lumotni olgan hollarga ham taalluqli.
Ogohlantirishlar va ehtiyotkorlik choralari
Dikloberl® N75 preparatini qabul qilishni boshlashdan oldin shifokor yoki dorixona hodimi bilan maslahatlashing.
Umumiy ma'lumot
Samarasini yaxshilanishining biron-bir isboti yo‘qligi va ko‘p sonli yoki yaqqolroq namoyon bo‘lgan nojo‘ya ta'sirlarni paydo bo‘lishi ehtimoli tufayli, Dikloberl® N75 va SOG-2 ingibitorlari (tsiklooksigenaza-2 selektiv ingibitorlari) deb nomlanadigan boshqa nosteroid yallig‘lanishga qarshi vositalarni bir vaqtda qo‘llashdan saqlanish kerak.
Preparatning nojo‘ya ta'sirini simptomlarni yo‘qotish uchun kerak bo‘lgan minimal samarali dozalarini iloji boricha qisqa muddat davomida yuborish yo‘li orqali kamaytirish mumkin (3 bo‘lim “Dikloberl® N75 qanday qabul qilinadi” ga qarang).
Keksa patsiyentlar
Xavfsizlik choralari sifatida keksa yoshdagi patsiyentlarni davolashda ehtiyotkorlikka rioya qilish kerak. Xususan, xolsizlangan keksa patsiyentlarda va tana vazni past bo‘lgan keksa patsiyentlarda samarali eng past doza qo‘llanishi tavsiya etiladi. Keksa yoshdagi patsiyentlarda nosteroid yallig‘lanishga qarshi vositalarning (NYaQV) me'da-ichak yo‘llaridan qon ketishi, yarani paydo bo‘lishi va perforatsiya kabi nojo‘ya ta'sirlarini paydo bo‘lish tez-tezligi oshadi. Ushbu me'da-ichak yo‘llari tomonidan kuzatiladigan reaktsiyalar keksa patsiyentlarda jiddiy oqibatlarga ega bo‘lishi va o‘limga olib kelishi mumkin. Shuning uchun keksa patsiyentlarga alohida sinchkov shifokor kuzatuvi talab qilinadi.
Me'da-ichak yo‘llarida qon ketishlar, yaralar va teshilishlar (perforatsiyalar)
Barcha NYaQV larni qabul qilishda me'da-ichak qon ketishlari, yaralar va perforatsiyalar, shu jumladan o‘lim bilan yakunlangan holatlar haqida xabar qilingan. Ular davolashning har qanday bosqichida darakchi simptomlar yoki ularsiz paydo bo‘lgan, ilgari jiddiy me'da-ichak buzilishlari bo‘lgan yoki bo‘lmaganligiga bog‘liq bo‘lmagan.
Ilgari me'da-ichak yo‘llarining yarasi, ayniqsa qon ketishi yoki perforatsiyasi (2-bo‘lim «Dikloberl® N75 ni qo‘llash mumkin emas» ga qarang) kabi asoratlari bo‘lgan patsiyentlarda, shuningdek patsiyentlarda NYaQV ni dozasini oshirish bilan me'da-ichak yo‘llaridan qon ketishi, yara yoki teshilishni paydo bo‘lish xavfi oshadi. Bunday patsiyentlarni davolashni mumkin bo‘lgan minimal dozadan boshlash tavsiya qilinadi.
Bu patsiyentlar uchun, shuningdek atsetilsalitsil kislotasini kichik dozalarda yoki boshqa me'da-ichak asoratlarini paydo bo‘lish xavfini oshirish qobiliyatiga ega preparatlar bilan yondosh davolashga muhtoj patsiyentlar uchun, me'da-ichak yo‘llarining shilliq qavatini himoyalovchi vositalarni (masalan, mizoprostol yoki protonon nasosi ingibitorlari) o‘z ichiga oladigan majmuaviy davolashni buyurish imkoniyatini ko‘rib chiqish kerak.
Agar Sizda ilgari me'da-ichak yo‘llari tomonidan nojo‘ya ko‘rinishlar bo‘lgan bo‘lsa, ayniqsa Siz keksa yoshda bo‘lsangiz, Sizga me'da-ichak yo‘llari tomonidan bo‘lgan (birinchi navbatda me'da-ichak yo‘llaridan qon ketishlar) barcha odatdagi bo‘lmagan, ayniqsa davolashning boshlang‘ich bosqichida paydo bo‘ladigan belgilar to‘g‘risida xabar berishingiz kerak.
Agar Siz me'da-ichak yo‘llarida yara va qon ketishining xavfini oshiruvchi masalan, tizimli kortikosteroidlar, varfarin kabi qon ivishini kamaytiruvchi preparatlar, boshqa dorilar bilan bir qatorda depressiv holatlarda ishlatiladigan serotoninni qayta qamrab olinishini selektiv ingibitorlari yoki ASS kabi trombotsitlar agregatsiyasining ingibitorlari bilan bir vaqtda qabul qilayotgan bo‘lsangiz (2-bo‘lim «Boshqa dori vositalarini qo‘llash/qabul qilish» ga qarang) ehtiyotkorlikka rioya qilishingiz lozim.
Agar sizda Dikloberl® N75 bilan davolashda me'da-ichak qon ketishlari yoki yaralar paydo bo‘lsa, preparat bilan davolashni to‘xtatish kerak.
Me'da-ichak yo‘llari tomonidan buzilishlarini ko‘rsatuvchi simptomlar, anamnezida me'da va 12-barmoq ichak yara kasalligi, qon ketishi yoki perforatsiyasi bo‘lgan patsiyentlarda yoki ilgari me'da-ichak yo‘llarining kasalliklari (nospetsifik yarali kolit, Kron kasalligi) bo‘lgan patsiyentlarda NYaQV larni sinchkov shifokor kuzatuvi fonida ehtiyotkorlik bilan qo‘llash kerak, chunki bu patsiyentlarning holati yomonlashishi mumkin (4 bo‘lim “Bo‘lishi mumkin bo‘lgan nojo‘ya ta'sirlar” ga qarang).
Yurak-tomir tizimiga ta'siri
Dikloberl® N75 kabi dori vositalarini qo‘llash va yurak xurujlari (miokard infarkti) yoki insultning rivojlanishi xavfini oshishi orasida aloqa bo‘lishi mumkin.
Siz Dikloberl® N75 ni qabul qilayotganligingiz haqida shifokorning xabari borligiga ishonch hosil qiling
-Agar Siz cheksangiz
-Agar Sizda qandli diabet bo‘lsa
-Agar Sizda stenokardiya, tromboz, yuqori arterial bosimi, xolesterin yoki triglitseridlarning darajasi yuqori bo‘lsa.
Agar preparatni samarali eng past dozada simptomlarni bartaraf etish uchun zarur minimal vaqt davomida qo‘llansa, nojo‘ya ta'sirlarni minimumga yetkazish mumkin.
Agar Sizda yurak muammolari bo‘lsa yoki Siz ilgari insult o‘tkazgan bo‘lsangiz, Sizning davolanishingiz masalalarini shifokoringiz yoki dorixona xodimi bilan muhokama qilishingiz kerak.
Teri reaktsiyalari
Juda kam hollarda NYaQV ni qo‘llash bilan davolashda qizarish va pufaklarni hosil bo‘lishi bilan kechuvchi og‘ir teri reaktsiyalarini, ba'zilari o‘lim bilan yakunlangan (eksfoliativ dermatit, Stivens-Djonson sindromi va toksik epidermal nekroliz/Layell sindromi) rivojlanishi to‘g‘risida xabarlar mavjud (4-bo‘lim “Bo‘lishi mumkin bo‘lgan nojo‘ya ta'sirlar” ga qarang). Ehtimol, bunday reaktsiyalarning rivojlanishini eng katta xavfi davolashning boshida bo‘ladi, chunki ko‘pchilik hollarda bunday reaktsiyalar preparat bilan davolashning birinchi oyida paydo bo‘ladi. Teri toshmalarini, shilliq qavatlarning shikastlanishini (masalan, og‘iz bo‘shlig‘i yoki burun) birinchi belgilari yoki yuqori sezuvchanlikning boshqa belgilari paydo bo‘lganida, Dikloberl® N75 ni bekor qilish va darhol shifokorga murojaat qilish kerak.
Jigarga ta'siri
Jigar faoliyatini buzilishi bo‘lgan patsiyentlar preparatni qabul qilishda ehtiyotkorlikka rioya qilishlari (shifokor yoki dorixona xodimi bilan maslahatlashish) kerak, chunki diklofenak bilan davolanganda ularning holati yomonlashishi mumkin. Boshqa NYaQV larni qabul qilgandagi kabi diklofenakni qabul qilganda jigarning bir yoki bir necha fermentlarini ko‘rsatkichlari oshishi mumkin. Diklofenak bilan uzoq muddatli davolanganda yoki takroran yuborilganida ehtiyotkorlik chorasi sifatida jigar faoliyatini muntazam nazorat qilish kerak. Jigar faoliyatini buzilishining klinik simptomlari paydo bo‘lganida Dikloberl® N75 preparati bilan davolashni darhol to‘xtatish kerak.
Diklofenakni qabul qilganda darakchi-simptomlarsiz gepatit rivojlanishi mumkin.
Jigar porfiriyasi (qon yaratilishini buzilishi bilan kechadigan kasallik) bo‘lgan patsiyentlar Dikloberl® N75 preparatini qabul qilganda ehtiyotkorlikka rioya qilishlari kerak, chunki kasallikni zo‘rayishini qo‘zg‘atishi mumkin.
Buyrakka ta'siri
NYaQV, shu jumladan diklofenakni qabul qilganda suyuqlikni tutilishi va shishlarni yuzaga kelishi haqida xabarlar borligi tufayli, uni buyrak faoliyatini buzilishi, anamnezida arterial gipertoniyasi bo‘lgan patsiyentlar, keksa odamlar, diuretiklar yoki buyrak faoliyatini sezilarli darajada kamaytiruvchi dori preparatlarini majmuada qabul qilayotgan patsiyentlar, shuningdek turli sabablarga ko‘ra xujayradan tashqarida suyuqlik hajmini yaqqol kamayishi bo‘lgan patsiyentlar – masalan, katta jarrohlik operatsiyasidan oldin yoki ulardan keyin – alohida ehtiyotkorlikka rioya qilishlari kerak. Bunday hollarda diklofenakni qabul qilganda ehtiyotkorlik choralari sifatida buyrak faoliyatini nazorat qilish tavsiya etiladi. Davolashni to‘xtatish odatda davolashgacha bo‘lgan holatga olib keladi.
Boshqa ko‘rsatmalar
Dikloberl® N75 ni faqat foyda/xavf nisbati sinchiklab tahlil qilinganidan keyin buyurish kerak
- qon yaratilishning ayrim tug‘ma buzilishlarida (masalan, o‘tkir o‘zgarib turuvchi porfiriya);
- ayrim autoimmun kasalliklarda (tizimli qizil yugirik va aralash kollagenozlar).
Preparatni qo‘llashda alohida sinchikov shifokor kuzatuvi talab qilinadi
-allergiyalarda (masalan, boshqa dori moddalariga teri reaktsiyalari, astma, pichan tumovi), burun shilliq qavatining surunkali shishlari yoki nafas yo‘llarini torayishi bilan kechuvchi surunkali kasalliklari yoki surunkali respirator infektsiyalarda, chunki allergik reaktsiyalarni rivojlanish xavfi oshadi.
Bronxial astmasi bo‘lgan patsiyentlarga diklofenakni parenteral yuborilgan hollarda alohida ehtiyotkorlikka rioya qilish kerak, chunki holatni yomonlashishi ehtimoli inkor etilmaydi.
Dikloberl® N75 ni yallig‘lanish yoki infektsiya o‘chog‘iga yuborish mumkin emas.
Juda kam hollarda yuqori sezuvchanlikning og‘ir o‘tkir reaktsiyalari (masalan, anafilaktik shok) kuzatiladi. Dikloberl® N75 ni yuborishdan keyin paydo bo‘lgan yuqori sezuvchanlik reaktsiyalarining birinchi belgilarida preparat bilan davolashni to‘xtatish kerak. Zarur bo‘lgan tibbiy choralar, kuzatilayotgan belgilariga muvofiq ravishda, maxsus tibbiy xodimlar tomonidan o‘tkazilishi kerak.
Diklofenak vaqtincha qon plastinkalarining agregatsiyasini bostirishi mumkin. Shuning uchun qon ivishining buzilishi bo‘lgan bemorlarni sinchiklab kuzatish lozim.
Boshqa NYaQV lar kabi diklofenak infektsiya simptomlarini niqoblashi mumkin. Infektsiyaning birinchi belgilari (masalan, qizarish, shish, issiqlik, og‘riq, isitma) paydo bo‘lganida yoki Dikloberl® N75 bilan davolash vaqtida ular kuchaysa, darhol shifokorga murojaat etish kerak.
Dikloberl® N75 uzoqroq muddat qo‘llanganida buyraklar faoliyatini, shuningdek qon manzarasini muntazam nazoratini o‘tkazish lozim.
Dikloberl® N75 jarrohlik aralashuvlari oldidan qo‘llanganida, buni shifokor yoki stomatologga xabar qilish kerak.
Og‘riq qoldiruvchi vositalar uzoqroq muddat qo‘llanganida bosh og‘rig‘i paydo bo‘lishi mumkin, uni dori vositasining dozalarini oshirib davolash mumkin emas. Agar Dikloberl® N75 qo‘llanishiga qaramasdan, Sizda tez-tez bosh og‘rig‘i kuzatilsa, shifokoringiz bilan maslahatlashing.
Umuman, odat bo‘lib qolgan og‘riq qoldiruvchi vositalarni qo‘llash, ayniqsa bir necha og‘riq qoldiruvchi preparatlarni birga qabul qilish buyrak yetishmovchiligining rivojlanishi xavfi («analgetik nefropatiya» deb nomlanuvchi) bilan kechuvchi buyraklarning turg‘un shikastlanishiga olib kelishi mumkin.
Bolalar va o‘smirlar
Dikloberl® N75 bolalarda va 18 yoshgacha bo‘lgan patsiyentlarda qo‘llash uchun to‘g‘ri kelmaydi (2-bo‘limga «Dikloberl® N75 ni qo‘llash mumkin emas» qarang).
Dikloberl® N75 preparatini boshqa dori vositalari bilan qabul qilish
Agar Siz har qanday boshqa dori vositalarini qabul qilayotgan bo‘lsangiz, yaqinda qabul qilgan bo‘lsangiz yoki qabul qilishingiz mumkin bo‘lsa, bu haqida shifokor yoki dorixona xodimiga xabar bering.
Digoksin, fenitoin, litiy
Dikloberl® N75 va digoksin (yurakning quvvatini kuchaytirish uchun vosita), fenitoin (tirishishga qarshi preparat) yoki litiy (ruxiy kasalliklarni davolash uchun vosita) kabi preparatlar bilan bir vaqtda qo‘llash, bu dori vositalarning qondagi kontsentratsiyasini oshirishi mumkin. Litiyning zardobdagi darajasini nazorat qilish kerak, shuningdek digoksin va fenitoinning zardobdagi darajasini nazorat qilish tavsiya qilinadi.
Diuretiklar, beta-blokatorlar, AAF ingibitorlari va angiotenzin II antagonistlari
Dikloberl® N75 siydik haydovchi vositalar va arterial bosimni pasaytirish uchun preparatlarning (diuretiklar va gipotenziv preparatlar, masalan, beta-blokatorlar, AAF ingibitorlari va angiotenzin II antagonistlari) ta'sirini susaytirishi mumkin. Shuning uchun arterial bosimni muntazam nazorat qilish tavsiya etiladi.
Dikloberl® N75 AAF ingibitorlari vaangiotenzin II antagonistlari (yurak yetishmovchiligi va yuqori arterial bosimni davolash uchun vositalar) ta'sirini susaytirishi mumkin. Buyrak kasalliklarida bu preparatlar birga qo‘llanganida holatning yomonlashish xavfi oshishi mumkin. Siz yetarli miqdorda suyuqlik iste'mol qilayotganligingizga ishonch hosil qilish, shuningdek buyrak faoliyatini nazorat qilish kerak.
Dikloberl® N75 va kaliy tejovchi siydik haydovchi preparatlarni (diuretiklarning ma'lum turlari) birga qo‘llash qonda kaliy darajasini oshishiga olib kelishi mumkin. Shuning uchun kaliyning kontsentratsiyasini tez-tez nazorat qilish tavsiya etiladi.
Boshqa NYaQV (shu jumladan, aspirin) va glyukokortikoidlar
Dikloberl® N75 va boshqa yallig‘lanishga qarshi va nosteroid yallig‘lanishga qarshi vositalar sinfiga mansub og‘riq qoldiruvchi vositalarni yoki glyukokortikoidlarni (gormonal o‘rinbosar davolash sifatida qo‘llanadigan yallig‘lanishga qarshi preparatlar) birga qabul qilish, me'da-ichak yo‘llarida yara paydo bo‘lishi yoki qon ketishi xavfini oshiradi. Diklofenakni boshqa NYaQV lar bilan birga qabul qilish tavsiya etilmaydi.
Serotoninni qayta qamrab olishini selektiv ingibitorlari (SQQOSI)
Ba'zi antidepressantlar (serotoninni qayta qamrab olinishini selektiv ingibitorlari (SQQOSI) me'da-ichak yo‘llaridan qon ketishi xavfini oshirishi mumkin.
Metotreksat
Dikloberl® N75 ni metotreksatni (ba'zi yallig‘lanish kasalliklari va rakning ba'zi turlarini davolashda qo‘llanadigan) qabul qilishdan 24 soat oldin yoki keyin ishlatish, metotreksatning qondagi kontsentratsiyasini oshishiga va uning nojo‘ya ta'sirini kuchayishiga olib kelishi mumkin.
Siklosporin
Nosteroid yallig‘lanishga qarshi vositalar (diklofenak kabi) siklosporinning (transplantatni – ko‘chishini oldini olish uchun, shuningdek revmatizmni davolash uchun qo‘llanadigan vosita) buyraklarga shikastlovchi ta'sirini kuchaytirishi mumkin. Siz diklofenakning past dozasini qabul qilishingiz kerak.
Antikoagulyantlar va antiagregantlar
Nosteroid yallig‘lanishga qarshi vositalar varfarin kabi qon ivishi tizimini susaytiruvchi preparatlar (trombozlarni oldini olish uchun qo‘llanadi) ta'sirini kuchaytirishi mumkin. Siz shifokorga tez-tez murojaat etishingiz kerak.
Probenetsid
Probenetsid (podagrani davolash uchun vosita) saqlovchi dori vositalari diklofenakning organizmdan chiqarilishini sekinlashtirishi mumkin. Bu diklofenakning nojo‘ya ta'sirlarini kuchayishiga olib kelishi mumkin.
Diabetga qarshi vositalar
Qonda qand miqdorini pasaytiruvchi (diabetga qarshi) vositalar qabul qilinganida, alohida hollarda diklofenak yuborilganidan keyin qondagi glyukozaning miqdorini o‘zgarishi to‘g‘risida xabarlar berilgan, shu munosabat bilan qandni pasaytiruvchi (diabetga qarshi) vositaning dozasiga tuzatish kiritish zarurati tug‘ilgan. Shuning uchun ehtiyotkorlik maqsadida bu vositalar bir vaqtda buyurilganida glyukozaning qondagi darajasini nazorat qilish tavsiya etiladi.
Xinolon qatori antibakterial vositalar
Xinolonlar (antibiotiklarning ma'lum turi) NYaQV lar bilan bir vaqtda qo‘llanilganida tirishishlarni paydo bo‘lishini chaqirishi mumkin.
Kolestipol va xolestiramin
Ushbu vositalar (qonda lipidlar kontsentratsiyasini pasaytiruvchi preparatlar) diklofenakni so‘rilishini sekinlashtirishi yoki kamaytirishi mumkin. Shu sababli, Dikloberl® N75 ni kolestipol yoki xolestiraminni qabul qilishdan bir soat oldin yoki 4-6 soatdan keyin qabul qilish kerak.
Kuchli ta'sir qiluvchi CYP2S9 ingibitorlari
Vorikonazol (og‘ir zamburug‘li infektsiyalarni davolash uchun preparat) va sulfinpirazon (podagrani davolash uchun preparat) diklofenak bilan bir vaqtda qabul qilinganida qonda diklofenakning darajasini oshirishi mumkin. Bu organizmda diklofenakni to‘planishi va uning nojo‘ya ta'sirlarini kuchayishining sababi bo‘lishi mumkin.
Dikloberl® N75 ni alkogol bilan birga qabul qilish
Dikloberl® N75 ni ishlatish vaqtida, Sizga iloji boricha alkogolni iste'mol qilishdan saqlanish kerak.
Homiladorlik, emizish va bola tug‘ish faoliyati
Homiladorlik yoki emizish davrida, shuningdek homiladorlik gumon qilinganda yoki rejalashtirilgan hollarda, ushbu preparatni qabul qilishdan oldin shifokor yoki dorixona xodimi bilan maslahatlashing.
Homiladorlik
Agar Dikloberl® N75 bilan davolanish vaqtida homiladorlik aniqlansa, bu to‘g‘rida shifokorga xabar berish kerak. Dikloberl® N75 ni homiladorlikning birinchi va ikkinchi uch oyligida faqat shifokor bilan maslahatlashgandan keyin qo‘llash mumkin. Homiladorlikning oxirgi uch oyligida Dikloberl® N75 ni qo‘llash mumkin emas - ona va bola uchun asoratlar xavfini yuqoriligi sababli (2 bo‘lim “Dikloberl® N75 ni qabul qilmang”ga qarang).
Emizish davri
Boshqa NYaQV lar kabi diklofenak oz miqdorda ko‘krak sutiga o‘tadi. Bolaga noxush ta'sirlarni oldini olish uchun diklofenakni emizish davrida qo‘llash mumkin emas
Bola tug‘ish faoliyati
Prostaglandinlar sintezini ingibirlovchi boshqa barcha dorilar kabi, Dikloberl® N75 homilador bo‘lishni qiyinlashtirishi mumkin.Agar Siz homiladorlikni rejalashtirgan bo‘lsangiz yoki Sizga homilador bo‘lish qiyin bo‘lsa, shifokoringizga murojaat qiling.
Transport vositalarini boshqarish va mashinalarga xizmat ko‘rsatish qobiliyatiga ta'siri
Dikloberl® N75 yuqoriroq dozalarda qo‘llanganida markaziy nerv tizimi tomonidan nojo‘ya samaralari bo‘lishi mumkinligi tufayli, masalan charchoqlik va bosh aylanishi, yakka hollarda reaktsiyani o‘zgarishi va ko‘cha harakatida faol ishtirok etish yoki mashinalarga xizmat ko‘rsatish qobiliyatini pasayishi mumkin. Bu, ayniqsa alkogol ta'siri bilan bir vaqtdagiga tegishlidir. Bunday holda Siz kutilmagan va tez paydo bo‘ladigan vaziyatlarga tez va yetarlicha aniq reaktsiya qilaolmaysiz. Bunday hollarda avtomobil yoki boshqa transport vositasining ruliga o‘tirmang! Mexanizmlar va mashinalarga xizmat qilmang! Himoyasiz ishlamang.
Dikloberl® N75 benzil spirti saqlaydi
Chaqaloqlar va 3 yoshgacha bo‘lgan bolalarda toksik va allergik reaktsiyalar bo‘lishi mumkin.
3.Dikloberl® N75 qanday qabul qilinadi?
Dozalash
Kattalar
Dikloberl® N75 bilan davolashni bir martalik in'ektsiya ko‘rinishida o‘tkazish tavsiya qilinadi. Agar keyinchalik davolash talab qilinsa, unda uni peroral yuborish uchun yoki shamchalar shakllarini ishlatish bilan davom ettiriladi. Hattoki, preparat in'ektsiya qilingan kuni ham, 150 mg diklofenak natriyni tashkil qiluvchi yig‘indi dozani oshirish mumkin emas.
Qo‘llash usuli
Dikloberl® N75 mushak ichiga (dumba mushagiga chuqur) yuboriladi. Anafilaktik reaktsiyalarni paydo bo‘lishi mumkinligi tufayli, Dikloberl® N75 in'ektsiyasidan keyin kamida bir soat kuzatuv ostida bo‘lish kerak.
Preparatni qo‘llashning davomiyligi davolovchi shifokor tomonidan belgilanadi.
Agar Siz Dikloberl® N75 ning ta'siri haddan tashqari kuchli yoki haddan tashqari kuchsiz deb hisoblasangiz, shifokorga murojaat eting.
Agar keragidan ortiq miqdorda Dikloberl® N75 yuborilgan bo‘lsa
Diklofenakning dozasini oshirib yuborilishi uchun xos bo‘lgan klinik manzara yo‘q.

Dozani oshirib yuborilishi

ning simptomlari sifatida markaziy nerv tizimi tomonidan bosh og‘rig‘i, bosh aylanishi, ongni xiralashuvi va xushni yo‘qolishi kabi buzilishlar (bolalarda esa – shuningdek mioklonik tirishishlar), shuningdek qorin og‘riqlari, ko‘ngil aynishi va qusish bo‘lishi mumkin. Bundan tashqari, me'da-ichak qon ketishlari, hamda jigar va buyraklarning faoliyatini buzilishlari bo‘lishi mumkin. Yana qon bosimini tushishi, nafasni susayishi va teri va shilliq qavatlarning rangini ko‘karishi (tsianoz) kuzatilishi mumkin.
Maxsus ziddi zahari (antidoti) mavjud emas.
Dikloberl® N75 dozasini oshirib yuborilishiga shubha bo‘lganida, iltimos, shifokoringizga murojaat qiling. Kerak bo‘lgan holda va zaharlanishning og‘irligiga qarab, u zarur choralarni o‘tkazish to‘g‘risida qaror qabul qiladi.
Agar ushbu dori preparatini qo‘llash bo‘yicha Sizda qo‘shimcha savollar paydo bo‘lsa, shifokor yoki dorixona xodimiga murojaat eting
4.Bo‘lishi mumkin bo‘lgan nojo‘ya ta'sirlar
Barcha dori vositalari kabi Dikloberl® N75 ham nojo‘ya ta'sirlarga ega bo‘lishi mumkin, biroq ular hamma patsiyentlarda ham bo‘lmaydi. Agar Siz o‘zingizda quyida keltirilgan nojo‘ya ta'sirlar mavjudligini sezsangiz, bu haqida shifokoringizga xabar bering. U keyingi kerakli choralarni belgilaydi.
Nojo‘ya ta'sirlarni baholashda tez-tezligi bo‘yicha quyidagi ma'lumotlar asos qilib olinadi
Juda tez-tez10 patsiyentdan 1 tadan ko‘prog‘ida paydo bo‘lishi mumkin
Tez-tez10 patsiyentdan 1 tasida paydo bo‘lishi mumkin
Ba'zida100 patsiyentdan 1 tasida paydo bo‘lishi mumkin
Kam hollarda1000 patsiyentdan 1 tasida paydo bo‘lishi mumkin
Juda kam hollarda10000 patsiyentdan 1 tasida paydo bo‘lishi mumkin
Tez-tezligi aniqlanmaganMavjud ma'lumotlar asosida tez-tezligini aniqlab bo‘lmaydi
Bo‘lishi mumkin bo‘lgan nojo‘ya ta'sirlari
Dori vositasining quyida sanab o‘tilgan noxush samaralariga kelganda, ularni asosan dozaga bog‘liqligini va shaxsiy farqlanishlarga ega ekanligini hisobga olish kerak.
Eng ko‘p uchraydigan nojo‘ya ta'sirlari ovqat hazm qilish yo‘llariga tegishlidir. Bo‘lishi mumkin - ayniqsa, keksa patsiyentlarda - me'da/o‘n ikki barmoq ichakning yarasi (peptik yara), perforatsiya (teshilish) yoki qon ketishlar - ba'zida o‘lim bilan yakunlanadigan (2-bo‘lim «Ogohlantirishlar va ehtiyotkorlik choralari» ga qarang). Preparat qo‘llanganidan keyin ko‘ngil aynishi, qusish, ich ketishi, qorinni dam bo‘lishi, qabziyat, ovqat hazm bo‘lishini buzilishi, qorin og‘rig‘i, qatronsimon ahlat, qonli qusishga shikoyatlar, og‘iz bo‘shlig‘ining shilliq qavatini yarali yallig‘lanishi (yarali stomatit), nospetsifik yarali kolit va Kron kasalligini zo‘rayishi to‘g‘risida xabarlar bor (2-bo‘lim «Ogohlantirishlar va ehtiyotkorlik choralari» ga qarang). Me'da-ichak yo‘llaridan qon ketishlarining xavfi, ayniqsa qo‘llanayotgan dozaga va preparatni qo‘llashning davomiyligiga bog‘liq.
NYaQV larni qabul qilish bilan bog‘liq organizmda suyuqlikni to‘planishi (shishlar), arterial bosimni oshishi va yurak yetishmovchiligi haqida xabar berilgan.
Dikloberl® N75 kabi dori vositalarini qo‘llash va arterial tromboz, masalan, yurak xurujlari (miokard infarkti) yoki insult xavfini biroz oshishi orasida aloqa bo‘lishi mumkin (2 bo‘lim “Dikloberl® N75 ni qabul qilmang” va “Ogohlantirishlar va ehtiyotkorlik choralari” ga qarang).
Infektsiyalar va parazitar kasalliklar
Juda kam - ayrim yallig‘lanishga qarshi dori vositalarini (nosteroid yallig‘lanishga qarshi vositalar, ularningqatoriga Dikloberl® N75 ham kiradi) qo‘llanilganida infektsion tabiatli yallig‘lanish jarayonlarining chuqurlashuvi (masalan, nekrozlovchi fastsitni rivojlanishi) haqida xabar berilgan.
Agar Dikloberl® N75 ni qo‘llash vaqtida infektsiyaning ko‘rinishlari (masalan, qizarish, shish, haroratni mahalliy oshishi, og‘riq, isitma) yana paydo bo‘lsa yoki chuqurlashsa, unda darhol shifokorga murojaat qilish kerak. Shifokor infektsiyaga qarshi yoki antibiotiklar bilan davolash zarurati bor yoki yo‘qligini aniqlaydi.
Juda kam diklofenak qo‘llanganida miya pardalarining yallig‘lanishini (aseptik meningit) belgilari kuchli bosh og‘rig‘i, ko‘ngil aynashi, qusish, isitma, ensa mushaklarining rigidligi yoki ongni xiralashuvini kuzatilgan. Ehtimol, ayrim autoimmun kasalliklari bo‘lgan patsiyentlar (tizimli qizil yugirik, aralash kollagenozlar) yuqori xavfga ega bo‘ladilar.
Juda kam in'ektsiya joyida abstsess.
Qon tizimi va limfa tizimi tomonidan buzilishlar
Juda kam qon yaratilishni buzilishlari (anemiya, leykopeniya, trombotsitopeniya, pantsitopeniya, agranulotsitoz), gemolitik va aplastik anemiya (qizil qon tanachalarini tez parchalanishi natijasidagi kamqonlik).
Buzilishlarning birinchi belgilari isitma, tomoq og‘rig‘i, og‘iz bo‘shlig‘idagi eroziyalar, grippsimon simptomlar, kuchli toliqish, burundan qon ketishi, teriga qon quyilishi bo‘lishi mumkin.
Bunday hollarda darhol preparat yuborishni to‘xtatish va shifokorga murojaat qilish kerak. Og‘riqni qoldiruvchi va isitmani tushiruvchi preparatlar bilan hech qanday o‘z-o‘zini davolashni o‘tkazmaslik kerak. Uzoq muddatli davolashda qon manzarasini muntazam nazorat qilish tavsiya etiladi.
Immun tizimi tomonidan buzilishlar
Tez-tez teri toshmasi va terini qichishishi kabi o‘ta yuqori sezuvchanlik reaktsiyalari.
Ba'zan eshakemi.
Bunday hollarda dori preparatini yuborishni darhol to‘xtatish va shifokorga murojaat etish kerak.
Kam yuqori sezuvchanlik reaktsiyalari, anafilaktik va anafilaktoid reaktsiyalar (ular nafas yo‘llarini torayishi, hansirash (respirator distress) ko‘rinishida, taxikardiya, arterial bosimni pasayishi (gipotoniya) va shok ko‘rinishida namoyon bo‘lishi mumkin).
Juda kam angionevrotik shish (yuzni, tilni yoki tovush apparatini shishi).
Bu simptomlardan birontasi paydo bo‘lganida, ular hatto preparatni birinchi qo‘llashda paydo bo‘lganida ham, diklofenakni qabul qilishni to‘xtatish va darhol shoshilinch shifokor yordamiga murojaat etish kerak.
Juda kam allergik xarakterga ega bo‘lgan qon tomirlarining (vaskulit) va o‘pkalarning (pulmonit) yallig‘lanishi kuzatilgan.
Ruxiy buzilishlar
Juda kam psixotik reaktsiyalar, depressiya, qo‘rquv hissi, uyqusizlik, dahshatli tushlar ko‘rish.
Nerv tizimi tomonidan buzilishlar
Tez-tez bosh og‘rig‘i, bosh aylanishi, bezovtalik (qo‘zg‘alish), ta'sirchanlik yoki charchoqlik bilan namoyon bo‘lgan markaziy nerv tizimi tomonidan buzilishlar.
Juda kam sensor buzilishlar, ta'mni buzilishi, xotirani buzilishi, oriyentatsiyani yo‘qotilishi, tirishishlar, qaltirash, insult (bosh miyada qon aylanishini buzilishi).
Ko‘rish a'zolari tomonidan buzilishlar
Juda kam ko‘rishni buzilishi (ko‘rishning noaniqligi va ikkita bo‘lib ko‘rinish).
Eshitish a'zolari va labirint tizimi tomonidan buzilishlar
Tez-tez bosh aylanishi
Juda kam hollarda quloqlarda shovqin, eshitishni buzilishi.
Yurak tomonidan buzilishlar
Juda kam yurak urishini his qilish, ko‘krakda og‘riq, yurak mushagini kuchsizligi (yurak yetishmovchiligi), yurak xuruji (miokard infarkti).
Tomirli buzilishlar
Juda kam qon bosimini oshishi (gipertenziya).
Nafas a'zolari, ko‘krak qafasi va ko‘ks oralig‘i tomonidan buzilishlar
Juda kam nafas olishni qiyinlashishi bilan astma (hansirash).
Me'da-ichak yo‘llari tomonidan buzilishlari
Juda tez-tez me'da-ichak yo‘llari tomonidan ko‘ngil aynishi, qusish va ich ketishi, shuningdek me'da-ichakdan biroz qon ketishi kabi shikoyatlar, ular alohida hollarda qizil qon tanachalari sonini kamayishi (anemiya) sababchisi bo‘lishi mumkin.
Tez-tez ovqat hazm qilishni buzilishi (dispepsiya), qorinni dam bo‘lishi (meteorizm), qorinda spazmlar (qorinda og‘riq), ishtahani yo‘qolishi, shuningdek me'da-ichak yo‘llarining yaralari (ayrim vaziyatlarda qon ketishi va perforatsiya bilan birga kechadigan).
Ba'zan qonli qusish (gematomezis), ahlatda qon bo‘lishi yoki qonli ich ketishi.
Kam me'daning shilliq qavatini yallig‘lanishi (gastrit), me'da-ichak yo‘llaridan qon ketishi.
Juda kam og‘iz shilliq qavatining yallig‘lanishi (stomatit), shu jumladan yara paydo bo‘lishi (yarali stomatit), tilning yallig‘lanishi, qizilo‘ngachni shikastlanishi, qabziyat, shuningdek qorinning quyi sohasida masalan, yo‘g‘on ichakning yallig‘lanishi yoki Kron kasalligi/nospetsifik yarali kolitni zo‘rayishi (yo‘g‘on ichakning yara hosil bo‘lishi bilan kechadigan yallig‘lanishini ayrim turlari) va me'da osti bezini (pankreatit) yallig‘lanishi, ichakni torayishi.
Qorinning yuqori sohasida kuchli og‘riqlar paydo bo‘lganida, qon aralash qusganda yoki ahlatni qora rangga bo‘yalishida, Dikloberl® N75 ni qabul qilishni darhol to‘xtatish va shifokorga murojaat qilish lozim.
Jigar va o‘t chiqarish yo‘llari tomonidan buzilishlar
Tez-tez qonda jigar fermentlarining darajasini oshishi.
Ba'zan jigarni shikastlanishi (ayniqsa uzoq muddat davolaganda), jigarni yallig‘lanishi (gepatit) sariqlik bilan yoki usiz, yakka hollarda juda og‘ir kechishi bilan [yashin tezligida] va hatto oldingi belgilari bo‘lmaganida ham).
Kam jigar tomonidan buzilishlar
Juda kam jigar nekrozi, jigar yetishmovchiligi.
Shuning uchun uzoq muddat davolaganda jigarning ko‘rsatkichlarini muntazam nazorat qilish tavsiya etiladi.
Teri va teri osti-yog‘ kletchatkasi tomonidan buzilishlar
Ba'zan soch to‘kilishi.
Juda kam hollarda qizarish (ekzantema, ekzema, eritema, ko‘p shaklli eritema) va pufaklarni paydo bo‘lishi bilan bo‘lgan toshmalar kabi og‘ir teri reaktsiyalari (masalan, Stivens-Djonson sindromi va toksik epidermal nekroliz/Layell sindromi) yoki kepaklanishi (eksfoliativ dermatit); terining quyosh yorug‘ligiga yuqori sezuvchanligi (fotosezuvchanlik reaktsiyalari), teriga mayda dog‘li qon quyilishlar (purpura), bu shuningdek allergik reaktsiyaning ko‘rinishi bo‘lishi mumkin.
Buyrak va siydik chiqarish yo‘llari tomonidan buzilishlar
Ba'zan Shishlarni paydo bo‘lishi (organizmda suyuqlikni to‘planishi), ayniqsa yuqori qon bosimi yoki buyrak yetishmovchiligi bo‘lgan patsiyentlarda.
Juda kam Buyraklar faoliyatining o‘tkir buzilishi (buyrak yetishmovchiligi), siydikda oqsilni paydo bo‘lishi (proteinuriya) va/yoki siydikda qonni paydo bo‘lishi (gematuriya), nefrotik sindromi [organizmda suyuqlikni to‘planishi (shishlar) va siydik bilan oqsilni ahamiyatli chiqarilishi] rivojlanishi bilan birga kechishi mumkin bo‘lgan buyrak to‘qimasining shikastlanishi (interstitsial nefrit, papillyar nekroz).
Buyrak faoliyatini muntazam nazorat qilish kerak.
Siydik chiqarilishini kamayishi, organizmda suyuqlikni to‘planishi (shishlar), hamda umumiy holsizlik hissi, hatto buyrak yetishmovchiligigacha bo‘lgan buyrak kasalligining belgilari bo‘lishi mumkin.
Yuqorida keltirilgan simptomlar paydo bo‘lganida yoki ular yomonlashganida, diklofenakni qabul qilishni to‘xtatish va shifokorga murojaat qilish kerak.
Umumiy buzilishlar va preparatni yuborish joyidagi reaktsiyalar
Tez-tez yuborish joyida reaktsiya, yuborish joyida og‘riq, yuborish joyida zichlashish
Kam yuborish joyida nekroz.
Boshqa bo‘lishi mumkin bo‘lgan nojo‘ya ta'sirlari
Ba'zida benzil spirtiga yuqori sezuvchanlik reaktsiyalari bo‘lishi mumkin.
Ayrim nojo‘ya samaralari paydo bo‘lganida yuqorida keltirilgan ko‘rsatmalarga rioya qiling!
Nojo‘ya ta'sirlar haqida xabar berish
Agar Sizda biron-bir nojo‘ya ta'sir paydo bo‘lsa, bu haqida shifokoringiz yoki dorixona xodimiga xabar bering. Bu ushbu ilova-varaqada ko‘rsatilmagan nojo‘ya ta'sirlarga ham taalluqli. Siz shuningdek V ilovada keltirilgan xabar berishning milliy tizimi orqali to‘g‘ridan-to‘g‘ri xabar berishingiz mumkin. Nojo‘ya ta'sirlar haqida xabar berib, Siz ushbu dori preparatining xavfsizligi haqida ko‘proq ma'lumot olishga yordam bergan bo‘lasiz.
5.Dikloberl® N75 preparatini qanday saqlash kerak
Ushbu dori vositasini bolalar olaolmaydigan joyda saqlash kerak.
Yig‘ma karton qutida va ampulada ko‘rsatilgan yaroqlilik muddati o‘tganidan keyin, ushbu dori vositasini ishlatish mumkin emas.

Yaroqlilik muddati

ning o‘tish sanasi oyning oxirgi kuni hisoblanadi.

Yaroqlilik muddati

3 yil.

Saqlash sharoiti

30oS dan yuqori bo‘lmagan haroratda saqlansin.
Yorug‘lik ta'siridan himoyalash uchun preparat original o‘ramida saqlansin.
Har qanday dori vositasini kanalizatsiya yoki maishiy chiqindilar bilan tashlash mumkin emas. Kerak bo‘lmagan dori preparatlarini qanday utilizatsiya qilish haqida dorixona xodimi bilan maslahatlashing. Ushbu choralar atrof muhitni himoya qilishga yordam beradi.
6.O‘ram ichidagisi va boshqa ma'lumotlar
Dikloberl® N75 preparatida nima saqlanadi?
Ta'sir etuvchi modda diklofenak natriy.
Bir ampulada (in'ektsiya uchun 3 ml eritma) 75 mg diklofenak natriy saqlanadi.
Bir ml in'ektsiya uchun eritmada 25 mg diklofenak natriy saqlanadi.
Boshqa komponentlari
propilenglikol (600 mg/3 ml), benzil spirti (105 mg/3 ml), atsetiltsistein, mannit, natriy gidroksid eritmasi (1 n.), in'ektsiya uchun suv.
Dikloberl® N75 preparati va o‘ram ichidagisining ko‘rinishi qanday
Tiniq, rangsiz eritma 3 ml sig‘imli rangsiz I turdagi shishadan tayyorlangan tiniq shisha ampulada.
Original o‘rami 3 ml in'ektsiya uchun eritmali 1 ampula.
Original o‘rami 3 ml in'ektsiya uchun eritmali 3 ampula.
Original o‘rami 3 ml in'ektsiya uchun eritmali 5 ampula.
* Sotuvda barcha o‘lchamdagi o‘ramlar bo‘lmasligi mumkin.
Dorixonadan berish tartibi
Shifokor retsepti bo‘yicha!
Qayd etish guvohnomasining egasi va ishlab chiqaruvchi
Qayd etish guvohnomasining egasi
Berlin-Xemi AG (Menarini Grupp)
Gliniker Ber 125
12489 Berlin
Germaniya

Ishlab chiqaruvchi

A.Menarini Menyufekchering Lodjistiks end Servisiz Srl (AMMLS)
Via Sette Santi, 3
50131 Florentsiya
Italiya