Ta'siri uzaytirilgan kapsulalar, 100 mg
Ta'sir etuvchi modda diklofenak natriy

Ushbu dori vositasini ishlatishni boshlashdan oldin, ilova-varaqani diqqat bilan to‘liq o‘qib chiqing, chunki unda Siz uchun muhim ma'lumot saqlanadi.
-Ushbu ilova-varaqani saqlab qo‘ying. Ehtimol Siz keyinroq, uni yana bir marta o‘qib chiqishni hoxlab qolarsiz.
-Agar Sizda keyinchalik savollar tug‘ilsa, ular bilan shifokoringizga yoki dorixona xodimiga murojaat qiling.
-Bu dori vositasi shaxsan Siz uchun buyurilgan. Uni uchinchi shaxsga bermang. U boshqa odamlarga zarar keltirishi mumkin, hatto agar ulardagi kasallik manzarasi Sizdagiga o‘xshash bo‘lsa ham.
-Agar Siz biron-bir nojo‘ya ta'sirlar paydo bo‘lganini sezsangiz, bu haqida davolovchi shifokor yoki dorixona xodimiga xabar bering. Bu ushbu ilova-varaqada keltirilmagan har qanday nojo‘ya ta'sirlarga taalluqli. 4-bo‘limga qarang.

Ilova-varaqaning mazmuni
1.Dikloberl® retard o‘zi nima va u nima uchun qo‘llanadi
2.Dikloberl® retard preparatini qo‘llashdan oldin nimalarga e'tibor berish kerak
3.Dikloberl® retardni qanday qo‘llash kerak?
4.Bo‘lishi mumkin bo‘lgan nojo‘ya ta'sirlari
5.Dikloberl® retard preparatini qanday saqlash kerak?
6.O‘ram ichidagisi va boshqa ma'lumotlar

1.Dikloberl® retard o‘zi nima va u nima uchun qo‘llanadi
Moddalar guruhi, qo‘llash sohasi yoki ta'sir mexanizmi
Dikloberl® retard og‘riq qoldiruvchi va yallig‘lanishga qarshi dori vositasidir (nosteroid yallig‘lanishga qarshi/revmatizmga qarshi preparat, NYaQP).

Qo‘llash sohasi
Quyidagilar bilan kechuvchi yaqqol o‘tkir og‘riqni simptomatik davolash
-bo‘g‘imlarning o‘tkir yallig‘lanishi (o‘tkir artritlar), shu jumladan podagra xurujlari;
-bo‘g‘imlarning surunkali yallig‘lanishi (surunkali artritlar), xususan, revmatoid artrit (surunkali poliartrit);
-Bexterev kasalligi (ankilozlovchi spondilit) va umurtqa pog‘onasining revmatik tabiatli boshqa kasalliklari;
-bo‘g‘imlar va umurtqa pog‘onasining degenerativ jarayonlaridagi (artrozlar va spondiloartrozlar) to‘qimalarning ta'sirlanishlari;
-yumshoq to‘qimalarning shikastlanishi bilan kechuvchi revmatik tabiatli yallig‘lanish kasalliklari;
-og‘riq sindromi bilan kechuvchi shishlar yoki jarohatlardan keyingi yallig‘lanish.


Ta'sir etuvchi modda diklofenakni Dikloberl® retard kapsulasidan sekin ajralib chiqishi tufayli, preparatning ta'siri kechroq boshlanadi. Shuning uchun Dikloberl® retard ta'sirni tez boshlanishi – masalan davolashni boshida buzilishlarni bartaraf etish uchun to‘g‘ri kelmaydi.
Agar Siz o‘zingizni yaxshiroq his qilmasangiz yoki yomonlashishni his qilsangiz, bu haqida davolovchi shifokorga xabar bering.

2.Dikloberl® retard preparatini qo‘llashdan oldin nimalarga e'tibor berish kerak
Dikloberl® retardni quyidagi hollarda qabul qilish mumkin emas
-diklofenakka yoki ushbu preparatning boshqa komponentlariga (6-bo‘limda keltirilgan) allergiya bo‘lganida;
-agar atsetilsalitsil kislotasini yoki boshqa nosteroid yallig‘lanishga qarshi vositalarni qo‘llashdan keyin ilgari Sizda nafas olishni qiyinlashishi (bronxospazm), astma xurujlari, burun shilliq qavatining shishi yoki teri reaktsiyalari bo‘lgan bo‘lsa;
-aniqlanmagan qon yaratilishini buzilishlarida;
-hozirgi vaqtda yoki ilgari me'da/o‘n ikki barmoq ichak yaralarining qaytalanishlari (peptik yaralar) yoki qon ketishlari bo‘lgan bo‘lsa (me'da-ichak yarasi yoki qon ketishini kamida ikkita bir-biri bilan bog‘liq bo‘lmagan qayd etilgan holatlarida);
-ilgari me'da-ichak qon ketishlari yoki nosteroid yallig‘lanishga qarshi vositalar (NYaQV) bilan bog‘liq perforatsiyalarda;
-hozirgi vaqtda me'da yoki ichak yarasidan qon ketishi yoki perforatsiyasi mavjudligida (bu qusgan massalarda qonni mavjudligi, defekatsiyada qon ketishi, axlatda yangi qon mavjudligi yoki qora, qatronsimon axlat);
-bosh miya qon quyilishlarida (tserebrovaskulyar qon ketishlar) yoki boshqa yangi qon ketishlarda;
-jigar yoki buyrak faoliyatini og‘ir buzilishlarida;
-aniqlangan yurak kasalligi va/yoki bosh miya qon-tomirlari kasalliklari bo‘lganida, masalan, agar Siz yurak yoki bosh miya qon-tomirlarini o‘tkazuvchanligi buzilganida yoki shu buzilishni bartaraf etish yoki berkilgan qon-tomirni shuntlash operatsiyasida miokard infarkti, insult, mini-insult (TIA) o‘tkazgan bo‘lsangiz;
-hozirda yoki avval qon aylanishini buzilishlari (periferik arteriyalar kasalliklari) bo‘lganida;
-homiladorlikning oxirgi uch oyligi davomida.
Preparatda ta'sir etuvchi moddaning ko‘pligi tufayli, Dikloberl® retard bolalar va 18 yoshgacha bo‘lgan o‘smirlarni davolash uchun to‘g‘ri kelmaydi.

Ogohlantirishlar va ehtiyotkorlik choralari
Dikloberl® retard preparatini qabul qilishni boshlashdan oldin shifokor yoki dorixona hodimi bilan maslahatlashing.
Umumiy ma'lumot
Samarasini yaxshilanishining biron-bir isboti yo‘qligi va ko‘p sonli yoki yaqqolroq namoyon bo‘lgan nojo‘ya ta'sirlarni paydo bo‘lishi ehtimoli tufayli, Dikloberl® retard va SOG-2 ingibitorlari (tsiklooksigenaza-2 selektiv ingibitorlari) deb nomlanadigan boshqa nosteroid yallig‘lanishga qarshi vositalarni bir vaqtda qo‘llashdan saqlanish kerak.
Preparatning nojo‘ya ta'sirini simptomlarni yo‘qotish uchun kerak bo‘lgan minimal samarali dozalarini iloji boricha qisqa muddat davomida yuborish yo‘li orqali kamaytirish mumkin (3-bo‘lim “Dikloberl® retard qanday qabul qilinadi” ga qarang).
Keksa patsiyentlar
Xavfsizlik choralari sifatida keksa yoshdagi patsiyentlarni davolashda ehtiyotkorlikka rioya qilish kerak. Xususan, xolsizlangan keksa patsiyentlarda va tana vazni past bo‘lgan keksa patsiyentlarda samarali eng past doza qo‘llanishi tavsiya etiladi. Keksa yoshdagi patsiyentlarda nosteroid yallig‘lanishga qarshi vositalarning (NYaQV) me'da-ichak yo‘llaridan qon ketishi, yarani paydo bo‘lishi va perforatsiya kabi nojo‘ya ta'sirlarini paydo bo‘lish tez-tezligi oshadi. Ushbu me'da-ichak yo‘llari tomonidan kuzatiladigan reaktsiyalar keksa patsiyentlarda jiddiy oqibatlarga ega bo‘lishi va o‘limga olib kelishi mumkin. Shuning uchun keksa patsiyentlarga alohida sinchkov shifokor kuzatuvi talab qilinadi.
Me'da-ichak yo‘llarida qon ketishlar, yaralar va teshilishlar (perforatsiyalar)
Barcha NYaQV larni qabul qilishda me'da-ichak qon ketishlari, yaralar va perforatsiyalar, shu jumladan o‘lim bilan yakunlangan holatlar haqida xabar qilingan. Ular davolashning har qanday bosqichida darakchi simptomlar yoki ularsiz paydo bo‘lgan, ilgari jiddiy me'da-ichak buzilishlari bo‘lgan yoki bo‘lmaganligiga bog‘liq bo‘lmagan.
Ilgari me'da-ichak yo‘llarining yarasi, ayniqsa qon ketishi yoki perforatsiyasi (2-bo‘lim «Dikloberl® retardni qo‘llash mumkin emas» ga qarang) kabi asoratlari bo‘lgan patsiyentlarda, shuningdek patsiyentlarda NYaQV ni dozasini oshirish bilan me'da-ichak yo‘llaridan qon ketishi, yara yoki teshilishni paydo bo‘lish xavfi oshadi. Bunday patsiyentlarni davolashni mumkin bo‘lgan minimal dozadan boshlash tavsiya qilinadi.
Bu patsiyentlar uchun, shuningdek atsetilsalitsil kislotasini (ASS) kichik dozalarda yoki boshqa me'da-ichak asoratlarini paydo bo‘lish xavfini oshirish qobiliyatiga ega preparatlar bilan yondosh davolashga muhtoj patsiyentlar uchun, me'da-ichak yo‘llarining shilliq qavatini himoyalovchi vositalarni (masalan, mizoprostol yoki protonon nasosi ingibitorlari) o‘z ichiga oladigan majmuaviy davolashni buyurish imkoniyatini ko‘rib chiqish kerak.
Agar Sizda ilgari me'da-ichak yo‘llari tomonidan nojo‘ya ko‘rinishlar bo‘lgan bo‘lsa, ayniqsa Siz keksa yoshda bo‘lsangiz, Sizga me'da-ichak yo‘llari tomonidan bo‘lgan (birinchi navbatda me'da-ichak yo‘llaridan qon ketishlar) barcha odatdagi bo‘lmagan, ayniqsa davolashning boshlang‘ich bosqichida paydo bo‘ladigan belgilar to‘g‘risida xabar berishingiz kerak.
Agar Siz me'da-ichak yo‘llarida yara va qon ketishining xavfini oshiruvchi masalan, tizimli kortikosteroidlar, varfarin kabi qon ivishini kamaytiruvchi preparatlar, boshqa dorilar bilan bir qatorda depressiv holatlarda ishlatiladigan serotoninni qayta qamrab olinishini selektiv ingibitorlari yoki ASS kabi trombotsitlar agregatsiyasining ingibitorlari bilan bir vaqtda qabul qilayotgan bo‘lsangiz (2-bo‘lim «Dikloberl® retardni boshqa dori vositalari bilan birga qabul qilish» ga qarang) ehtiyotkorlikka rioya qilishingiz lozim.
Agar Sizda Dikloberl® retard bilan davolashda me'da-ichak qon ketishlari yoki yaralar paydo bo‘lsa, preparat bilan davolashni to‘xtatish kerak.
Me'da-ichak yo‘llari tomonidan buzilishlarini ko‘rsatuvchi simptomlar, anamnezida me'da va 12-barmoq ichak yara kasalligi, qon ketishi yoki perforatsiyasi bo‘lgan patsiyentlarda yoki ilgari me'da-ichak yo‘llarining kasalliklari (nospetsifik yarali kolit, Kron kasalligi) bo‘lgan patsiyentlarda NYaQV larni sinchkov shifokor kuzatuvi fonida ehtiyotkorlik bilan qo‘llash kerak, chunki bu patsiyentlarning holati yomonlashishi mumkin (4-bo‘lim “Bo‘lishi mumkin bo‘lgan nojo‘ya ta'sirlar” ga qarang).
Yurak-qon tomir tizimiga ta'siri
Dikloberl® retard kabi dori vositalarini qo‘llash va yurak xurujlari (miokard infarkti) yoki insultni rivojlanish xavfini oshishi orasida aloqa bo‘lishi mumkin.
Siz Dikloberl® retardni qabul qilayotganligingiz haqida shifokorning xabari borligiga ishonch hosil qiling
-Agar Siz cheksangiz
-Agar Sizda qandli diabet bo‘lsa
-Agar Sizda stenokardiya, tromboz, yuqori arterial bosimi, xolesterin yoki triglitseridlarning darajasi yuqori bo‘lsa.
Agar preparatni samarali eng past dozada simptomlarni bartaraf etish uchun zarur minimal vaqt davomida qo‘llansa, nojo‘ya ta'sirlarni minimumga yetkazish mumkin.
Agar Sizda yurak muammolari bo‘lsa yoki Siz ilgari insult o‘tkazgan bo‘lsangiz, Sizning davolanishingiz masalalarini shifokoringiz yoki dorixona xodimi bilan muhokama qilishingiz kerak.
Teri reaktsiyalari
Juda kam hollarda NYaQV ni qo‘llash bilan davolashda qizarish va pufaklarni hosil bo‘lishi bilan kechuvchi og‘ir teri reaktsiyalarini, ba'zilari o‘lim bilan yakunlangan (eksfoliativ dermatit, Stivens-Djonson sindromi va toksik epidermal nekroliz/Layell sindromi) rivojlanishi to‘g‘risida xabarlar mavjud (4-bo‘lim “Bo‘lishi mumkin bo‘lgan nojo‘ya ta'sirlar” ga qarang). Ehtimol, bunday reaktsiyalarning rivojlanishini eng katta xavfi davolashning boshida bo‘ladi, chunki ko‘pchilik hollarda bunday reaktsiyalar preparat bilan davolashning birinchi oyida paydo bo‘ladi. Teri toshmalarini, shilliq qavatlarni shikastlanishining (masalan, og‘iz bo‘shlig‘i yoki burun) birinchi belgilari yoki yuqori sezuvchanlikning boshqa belgilari paydo bo‘lganida, Dikloberl® retardni bekor qilish va darhol shifokorga murojaat qilish kerak.
Jigarga ta'siri
Jigar faoliyatini buzilishi bo‘lgan patsiyentlar preparatni qabul qilishda ehtiyotkorlikka rioya qilishlari (shifokor yoki dorixona xodimi bilan maslahatlashish) kerak, chunki diklofenak bilan davolanganda ularning holati yomonlashishi mumkin. Boshqa NYaQV larni qabul qilgandagi kabi diklofenakni qabul qilganda jigarning bir yoki bir necha fermentlarini ko‘rsatkichlari oshishi mumkin. Diklofenak bilan uzoq muddatli davolanganda yoki takroran yuborilganida ehtiyotkorlik chorasi sifatida jigar faoliyatini muntazam nazorat qilish kerak. Jigar faoliyatini buzilishining klinik simptomlari paydo bo‘lganida Dikloberl® retard preparati bilan davolashni darhol to‘xtatish kerak.
Diklofenakni qabul qilganda darakchi-simptomlarsiz gepatit rivojlanishi mumkin.
Jigar porfiriyasi (qon yaratilishini buzilishi bilan kechadigan kasallik) bo‘lgan patsiyentlar Dikloberl® retard preparatini qabul qilganda ehtiyotkorlikka rioya qilishlari kerak, chunki kasallikni zo‘rayishini qo‘zg‘atishi mumkin.
Buyrakka ta'siri
NYaQV, shu jumladan diklofenakni qabul qilganda suyuqlikni tutilishi va shishlarni yuzaga kelishi haqida xabarlar borligi tufayli, uni buyrak faoliyatini buzilishi, anamnezida arterial gipertoniyasi bo‘lgan patsiyentlar, keksa odamlar, diuretiklar yoki buyrak faoliyatini sezilarli darajada kamaytiruvchi dori preparatlarini majmuada qabul qilayotgan patsiyentlar, shuningdek turli sabablarga ko‘ra xujayradan tashqarida suyuqlik hajmini yaqqol kamayishi bo‘lgan patsiyentlar – masalan, katta jarrohlik operatsiyasidan oldin yoki ulardan keyin – alohida ehtiyotkorlikka rioya qilishlari kerak. Bunday hollarda diklofenakni qabul qilganda ehtiyotkorlik choralari sifatida buyrak faoliyatini nazorat qilish tavsiya etiladi. Davolashni to‘xtatish odatda davolashgacha bo‘lgan holatga olib keladi.
Boshqa ko‘rsatmalar
Dikloberl® retardni faqat foyda/xavf nisbati sinchiklab tahlil qilinganidan keyin buyurish kerak
-qon yaratilishni ayrim tug‘ma buzilishlarida (masalan, o‘tkir o‘zgarib turuvchi porfiriya);
-ayrim autoimmun kasalliklarda (tizimli qizil yugirik va aralash kollagenozlar).
Preparatni qo‘llashda alohida sinchiklab shifokor kuzatuvi talab qilinadi
-allergiyalarda (masalan, boshqa dori moddalariga teri reaktsiyalari, astma, pichan tumovi), burun shilliq qavatining surunkali shishlari yoki nafas yo‘llarini torayishi bilan kechuvchi surunkali kasalliklari yoki surunkali respirator infektsiyalarda, chunki allergik reaktsiyalarni rivojlanish xavfi oshadi.
Juda kam hollarda yuqori sezuvchanlikning og‘ir o‘tkir reaktsiyalari (masalan, anafilaktik shok) kuzatiladi. Dikloberl® retardni qabul qilgandan keyin paydo bo‘lgan yuqori sezuvchanlik reaktsiyalarining birinchi belgilarida preparat bilan davolashni to‘xtatish kerak. Zarur bo‘lgan tibbiy choralar, kuzatilayotgan belgilariga muvofiq ravishda, maxsus tibbiy xodimlar tomonidan o‘tkazilishi kerak.
Diklofenak vaqtincha qon plastinkalarining agregatsiyasini bostirishi mumkin. Shuning uchun qon ivishini buzilishi bo‘lgan bemorlarni sinchiklab kuzatish lozim.
Boshqa NYaQV lar kabi diklofenak infektsiya simptomlarini niqoblashi mumkin. Infektsiyaning birinchi belgilari (masalan, qizarish, shish, issiqlik, og‘riq, isitma) paydo bo‘lganida yoki Dikloberl® retard bilan davolash vaqtida ular kuchaysa, darhol shifokorga murojaat etish kerak.
Dikloberl® retard uzoqroq muddat qo‘llanganida buyrak faoliyatini, shuningdek qon manzarasini muntazam nazoratini o‘tkazish lozim.
Dikloberl® retard jarrohlik aralashuvlari oldidan qo‘llanganida, buni shifokor yoki stomatologga xabar qilish kerak.
Og‘riq qoldiruvchi vositalar uzoqroq muddat qo‘llanganida bosh og‘rig‘i paydo bo‘lishi mumkin, uni dori vositasining dozalarini oshirib davolash mumkin emas. Agar Dikloberl® retard qo‘llanishiga qaramasdan, Sizda tez-tez bosh og‘rig‘i kuzatilsa, shifokoringiz bilan maslahatlashing!
Umuman, odat bo‘lib qolgan og‘riq qoldiruvchi vositalarni qo‘llash, ayniqsa bir necha og‘riq qoldiruvchi preparatlarni birga qabul qilish buyrak yetishmovchiligining rivojlanishi xavfi («analgetik nefropatiya» deb nomlanuvchi) bilan kechuvchi buyraklarni turg‘un shikastlanishiga olib kelishi mumkin.
Bolalar va o‘smirlar
Dikloberl® retard bolalarda va 18 yoshgacha bo‘lgan patsiyentlarda qo‘llash uchun to‘g‘ri kelmaydi (2-bo‘limga «Dikloberl® retardni qo‘llash mumkin emas» qarang).

Dikloberl® retard preparatini boshqa dori vositalari bilan qabul qilish
Agar Siz har qanday boshqa dori vositalarini qabul qilayotgan bo‘lsangiz, yaqinda qabul qilgan bo‘lsangiz yoki qabul qilishingiz mumkin bo‘lsa, bu haqida shifokor yoki dorixona xodimiga xabar bering.
Digoksin, fenitoin, litiy
Dikloberl® retard va digoksin (yurakning quvvatini kuchaytirish uchun vosita), fenitoin (tirishishga qarshi preparat) yoki litiy (ruxiy kasalliklarni davolash uchun vosita) kabi preparatlar bilan bir vaqtda qo‘llash, bu dori vositalarning qondagi kontsentratsiyasini oshirishi mumkin. Litiyning zardobdagi darajasini nazorat qilish kerak, shuningdek digoksin va fenitoinning zardobdagi darajasini nazorat qilish tavsiya qilinadi.
Diuretiklar, beta-blokatorlar, AAF ingibitorlari va angiotenzin II antagonistlari
Dikloberl® retard siydik haydovchi vositalar va arterial bosimni pasaytirish uchun preparatlarning (diuretiklar va gipotenziv preparatlar, masalan, beta-blokatorlar, AAF ingibitorlari va angiotenzin II antagonistlari) ta'sirini susaytirishi mumkin. Shuning uchun arterial bosimni muntazam nazorat qilish tavsiya etiladi.
Dikloberl® retard AAF ingibitorlari va angiotenzin II antagonistlari (yurak yetishmovchiligi va yuqori arterial bosimni davolash uchun vositalar) ta'sirini susaytirishi mumkin. Buyrak kasalliklarida bu preparatlar birga qo‘llanganida holatni yomonlashish xavfi oshishi mumkin. Siz yetarli miqdorda suyuqlik iste'mol qilayotganligingizga ishonch hosil qilish, shuningdek buyrak faoliyatini nazorat qilish kerak.
Dikloberl® retard va kaliy tejovchi siydik haydovchi preparatlarni (diuretiklarning ma'lum turlari) birga qo‘llash qonda kaliy darajasini oshishiga olib kelishi mumkin. Shuning uchun kaliyning kontsentratsiyasini tez-tez nazorat qilish tavsiya etiladi.


Boshqa NYaQV (shu jumladan, aspirin) va glyukokortikoidlar
Dikloberl® retard va boshqa yallig‘lanishga qarshi va nosteroid yallig‘lanishga qarshi vositalar sinfiga mansub og‘riq qoldiruvchi vositalarni yoki glyukokortikoidlarni (gormonal o‘rinbosar davolash sifatida qo‘llanadigan yallig‘lanishga qarshi preparatlar) birga qabul qilish, me'da-ichak yo‘llarida yara paydo bo‘lishi yoki qon ketishi xavfini oshiradi. Diklofenakni boshqa NYaQV lar bilan birga qabul qilish tavsiya etilmaydi.
Serotoninni qayta qamrab olishini selektiv ingibitorlari (SQQOSI)
Ba'zi antidepressantlar (serotoninni qayta qamrab olinishini selektiv ingibitorlari (SQQOSI) me'da-ichak yo‘llaridan qon ketishi xavfini oshirishi mumkin.
Metotreksat
Dikloberl® retardni metotreksatni (ba'zi yallig‘lanish kasalliklari va rakning ba'zi turlarini davolashda qo‘llanadigan) qabul qilishdan 24 soat oldin yoki keyin ishlatish, metotreksatning qondagi kontsentratsiyasini oshishiga va uning nojo‘ya ta'sirini kuchayishiga olib kelishi mumkin.
Siklosporin
Nosteroid yallig‘lanishga qarshi vositalar (diklofenak kabi) siklosporinning (transplantatni – ko‘chishini oldini olish uchun, shuningdek revmatizmni davolash uchun qo‘llanadigan vosita) buyraklarga shikastlovchi ta'sirini kuchaytirishi mumkin. Siz diklofenakning past dozasini qabul qilishingiz kerak.
Antikoagulyantlar va antiagregantlar
Nosteroid yallig‘lanishga qarshi vositalar varfarin kabi qon ivishi tizimini susaytiruvchi preparatlar (trombozlarni oldini olish uchun qo‘llanadi) ta'sirini kuchaytirishi mumkin. Siz shifokorga tez-tez murojaat etishingiz kerak.
Probenetsid
Probenetsid (podagrani davolash uchun vosita) saqlovchi dori vositalari diklofenakning organizmdan chiqarilishini sekinlashtirishi mumkin. Bu diklofenakning nojo‘ya ta'sirlarini kuchayishiga olib kelishi mumkin.
Diabetga qarshi vositalar
Qonda qand miqdorini pasaytiruvchi (diabetga qarshi) vositalar qabul qilinganida, alohida hollarda diklofenak yuborilganidan keyin qondagi glyukozaning miqdorini o‘zgarishi to‘g‘risida xabarlar berilgan, shu munosabat bilan qandni pasaytiruvchi (diabetga qarshi) vositaning dozasiga tuzatish kiritish zarurati tug‘ilgan. Shuning uchun ehtiyotkorlik maqsadida bu vositalar bir vaqtda buyurilganida glyukozaning qondagi darajasini nazorat qilish tavsiya etiladi.
Xinolon qatori antibakterial vositalar
Xinolonlar (antibiotiklarning ma'lum turi) NYaQV lar bilan bir vaqtda qo‘llanganida tirishishlarni paydo bo‘lishini chaqirishi mumkin.
Kolestipol va xolestiramin
Ushbu vositalar (qonda lipidlar kontsentratsiyasini pasaytiruvchi preparatlar) diklofenakni so‘rilishini sekinlashtirishi yoki kamaytirishi mumkin. Shu sababli, Dikloberl® retardni kolestipol yoki xolestiraminni qabul qilishdan bir soat oldin yoki 4-6 soatdan keyin qabul qilish kerak.
Kuchli ta'sir qiluvchi CYP2S9 ingibitorlari
Vorikonazol (og‘ir zamburug‘li infektsiyalarni davolash uchun preparat) va sulfinpirazon (podagrani davolash uchun preparat) diklofenak bilan bir vaqtda qabul qilinganida qonda diklofenakning darajasini oshirishi mumkin. Bu organizmda diklofenakni to‘planishi va uning nojo‘ya ta'sirlarini kuchayishining sababi bo‘lishi mumkin.

Dikloberl® retardni alkogol bilan birga qabul qilish
Dikloberl® retardni ishlatish vaqtida, Sizga iloji boricha alkogolni iste'mol qilishdan saqlanish kerak.

Homiladorlik, emizish va bola tug‘ish faoliyati
Homiladorlik yoki emizish davrida, shuningdek homiladorlik gumon qilinganda yoki rejalashtirilgan hollarda, ushbu preparatni qabul qilishdan oldin shifokor yoki dorixona xodimi bilan maslahatlashing.
Homiladorlik
Agar Dikloberl® retard bilan davolanish vaqtida homiladorlik aniqlansa, bu to‘g‘rida shifokorga xabar berish kerak. Dikloberl® retardni homiladorlikning birinchi va ikkinchi uch oyligida faqat shifokor bilan maslahatlashgandan keyin qo‘llash mumkin. Homiladorlikning oxirgi uch oyligida Dikloberl® retardni qo‘llash mumkin emas - ona va bola uchun asoratlar xavfini yuqoriligi sababli (2-bo‘lim “Dikloberl® retardni qabul qilmang”ga qarang).
Emizish davri
Boshqa NYaQV lar kabi diklofenak oz miqdorda ko‘krak sutiga o‘tadi. Bolaga noxush ta'sirlarni oldini olish uchun diklofenakni emizish davrida qo‘llash mumkin emas
Bola tug‘ish faoliyati
Prostaglandinlar sintezini susaytiruvchi boshqa barcha dorilar kabi, Dikloberl® retard homilador bo‘lishni qiyinlashtirishi mumkin. Agar Siz homiladorlikni rejalashtirgan bo‘lsangiz yoki Sizga homilador bo‘lish qiyin bo‘lsa, shifokoringizga murojaat qiling.
Transport vositalarini boshqarish va mashinalarga xizmat ko‘rsatish qobiliyatiga ta'siri
Dikloberl® retardni yuqoriroq dozalarda qo‘llanganida markaziy nerv tizimi tomonidan nojo‘ya samaralari bo‘lishi mumkinligi tufayli, masalan charchoqlik va bosh aylanishi, yakka hollarda reaktsiyani o‘zgarishi va ko‘cha harakatida faol ishtirok etish yoki mashinalarga xizmat ko‘rsatish qobiliyatini pasayishi mumkin. Bu, ayniqsa alkogol ta'siri bilan bir vaqtdagiga tegishlidir. Bunday holda Siz kutilmagan va tez paydo bo‘ladigan vaziyatlarga tez va yetarlicha aniq reaktsiya qilaolmaysiz. Bunday hollarda avtomobil yoki boshqa transport vositasining ruliga o‘tirmang! Mexanizmlar va mashinalarga xizmat ko‘rsatmang! Ehtiyot choralarini ko‘rmasdan ishlamang.

Dikloberl® retard preparati saxaroza saqlaydi
Agar Sizda qandlarning ma'lum turlarini o‘zlashtiraolmaslik tashhisi aniqlanganligi Sizga ma'lum bo‘lsa, ushbu dori preparatini qabul qilishni boshlashdan oldin shifokoringiz bilan maslahatlashing.

3.Dikloberl® retard qanday qabul qilinadi
Ushbu dori preparatini doimo shifokoringizning qat'iy ko‘rsatmalariga binoan qabul qiling. Agar Sizda ishonch bo‘lmasa, shifokoringiz yoki dorixona xodimiga murojaat eting.
Dozalash
Shifokorning boshqa ko‘rsatmalari bo‘lmaganida Dikloberl® retard quyidagi dozalarda qabul qilinadi
Diklofenakning dozasi kasallikning og‘irlik darajasiga bog‘liq. Kattalar uchun tavsiya etiladigan dozalar intervali sutkada 50 dan 150 mg diklofenak natriyni tashkil etadi.
Kattalarda odatdagi doza sutkada Dikloberl® retardning ta'siri uzaytirilgan 1 kapsulasini (bu 100 mg diklofenak natriyga mos keladi) tashkil etadi.

Qo‘llash usuli
Dikloberl® retard kapsulasini chaynamasdan va ko‘p miqdordagi suv bilan qabul qilinadi. Agar Sizning me'dangiz sezuvchan bo‘lsa, Sizga Dikloberl® retardni ovqatlanish vaqtida qabul qilish tavsiya etiladi.


Qo‘llash davomiyligi
Dikloberl® retard preparati bilan davolash davomiyligini o‘zingizning davolovchi shifokoringiz belgilaydi.
Revmatik tabiatli kasalliklarni davolashda preparatni uzoq vaqt davomida qabul qilish zarurati paydo bo‘lishi mumkin.
Simptomlarni bartaraf etish uchun zarur eng past samarali dozada iloji boricha qisqa muddatda qo‘llash bilan nojo‘ya ta'sirlarni minimal past darajada tutib turish mumkin (“Ogohlantirishlar va ehtiyotkorlik choralari” ga qarang).
Agar Siz Dikloberl® retardning ta'siri haddan tashqari kuchli yoki haddan tashqari kuchsiz deb hisoblasangiz, iltimos, shifokorga murojaat eting.

Agar Siz keragidan ortiq miqdorda Dikloberl® retardni qabul qilgan bo‘lsangiz
Dikloberl® retard preparatini har doim shifokorning ko‘rsatmasi yoki ilova-varaqada keltirilgan preparatni dozalash bo‘yicha yo‘riqnomaga asosan qabul qiling. Agar Siz og‘riqni yetarli darajada yengillashishini sezmasangiz, preparatning dozasini mustaqil ravishda oshirmang, shifokorga murojaat eting.
Diklofenakning dozasini oshirib yuborilishi uchun xos bo‘lgan klinik manzara yo‘q. Dikloberl® retard dozasini oshirib yuborilishining simptomlari sifatida markaziy nerv tizimi tomonidan bosh og‘rig‘i, bosh aylanishi, ongni xiralashishi va xushni yo‘qolishi kabi buzilishlar (bolalarda esa – shuningdek mioklonik tirishishlar), shuningdek qorin og‘riqlari, ko‘ngil aynishi va qusish bo‘lishi mumkin. Bundan tashqari, me'da-ichak qon ketishlari, shuningdek jigar va buyraklar faoliyatini buzilishlari bo‘lishi mumkin. Yana qon bosimini tushishi, nafasni susayishi va teri va shilliq qavatlarning rangini ko‘karishi (tsianoz) kuzatilishi mumkin.
Maxsus antidoti mavjud emas.
Dikloberl® retard dozasini oshirib yuborilishiga shubha bo‘lganida, iltimos, shifokoringizga murojaat qiling. Kerak bo‘lgan holda va zaharlanishning og‘irligiga qarab, u zarur choralarni o‘tkazish to‘g‘risida qaror qabul qiladi.

Agar Siz Dikloberl® retardni qabul qilishni unutgan bo‘lsangiz
Agar Siz preparatni qabul qilishni unutgan bo‘lsangiz, keyingi marta uni odatdagidan ko‘proq miqdorda qabul qilish mumkin emas.
Ushbu preparatni keyinchalik qabul qilish bo‘yicha shifokoringiz yoki dorixona xodimiga murojaat eting.

4.Bo‘lishi mumkin bo‘lgan nojo‘ya ta'sirlar
Barcha dori vositalari kabi ushbu dori vositasi ham nojo‘ya ta'sirlarga ega bo‘lishi mumkin, biroq ular hamma patsiyentlarda ham bo‘lmaydi. Agar Siz o‘zingizda quyida keltirilgan nojo‘ya ta'sirlar mavjudligini sezsangiz, bu haqida shifokoringizga xabar bering. U keyingi kerakli choralarni belgilaydi.
Nojo‘ya ta'sirlarni baholashda tez-tezligi bo‘yicha quyidagi ma'lumotlar asos qilib olinadi
Juda tez-tez10 patsiyentdan 1 tadan ko‘prog‘ida paydo bo‘lishi mumkin
Tez-tez10 patsiyentdan 1 tasida paydo bo‘lishi mumkin
Ba'zida100 patsiyentdan 1 tasida paydo bo‘lishi mumkin
Kam hollarda1000 patsiyentdan 1 tasida paydo bo‘lishi mumkin
Juda kam hollarda10000 patsiyentdan 1 tasida paydo bo‘lishi mumkin
Tez-tezligi aniqlanmaganMavjud ma'lumotlar asosida tez-tezligini aniqlab bo‘lmaydi
Bo‘lishi mumkin bo‘lgan nojo‘ya ta'sirlari
Dori vositasining quyida sanab o‘tilgan noxush samaralariga kelganda, ularni asosan dozaga bog‘liqligini va shaxsiy farqlanishlarga ega ekanligini hisobga olish kerak.
Eng ko‘p uchraydigan nojo‘ya ta'sirlari ovqat hazm qilish yo‘llariga tegishlidir. Bo‘lishi mumkin - ayniqsa, keksa patsiyentlarda - me'da/o‘n ikki barmoq ichakning yarasi (peptik yara), perforatsiya (teshilish) yoki qon ketishlar - ba'zida o‘lim bilan yakunlanadigan
(2-bo‘lim «Ogohlantirishlar va ehtiyotkorlik choralari» ga qarang). Preparat qo‘llanganidan keyin ko‘ngil aynishi, qusish, ich ketishi, qorinni dam bo‘lishi, qabziyat, ovqat hazm bo‘lishini buzilishi, qorin og‘rig‘i, qatronsimon ahlat, qonli qusishga shikoyatlar, og‘iz bo‘shlig‘ining shilliq qavatini yarali yallig‘lanishi (yarali stomatit), nospetsifik yarali kolit va Kron kasalligini zo‘rayishi to‘g‘risida xabarlar bor (2-bo‘lim «Ogohlantirishlar va ehtiyotkorlik choralari» ga qarang). Me'da-ichak yo‘llaridan qon ketishlarining xavfi, ayniqsa qo‘llanayotgan dozaga va preparatni qo‘llashning davomiyligiga bog‘liq.
NYaQV larni qabul qilish bilan bog‘liq organizmda suyuqlikni to‘planishi (shishlar), arterial bosimni oshishi va yurak yetishmovchiligi haqida xabar berilgan.
Dikloberl® N75 kabi dori vositalarini qo‘llash va arterial tromboz, masalan, yurak xurujlari (miokard infarkti) yoki insult xavfini biroz oshishi orasida aloqa bo‘lishi mumkin (2-bo‘lim “Dikloberl® retardni qabul qilmang” va “Ogohlantirishlar va ehtiyotkorlik choralari” ga qarang).
Infektsiyalar va parazitar kasalliklar
Juda kam hollarda - ayrim yallig‘lanishga qarshi dori vositalari (nosteroid yallig‘lanishga qarshi vositalar, ularning qatoriga Dikloberl® retard ham kiradi) qo‘llanganida infektsion tabiatli yallig‘lanish jarayonlarini chuqurlashishi (masalan, nekrozlovchi fastsitni rivojlanishi) haqida xabar berilgan.
Agar Dikloberl® retardni qo‘llash vaqtida infektsiyani ko‘rinishlari (masalan, qizarish, shish, haroratni mahalliy oshishi, og‘riq, isitma) yana paydo bo‘lsa yoki chuqurlashsa, unda darhol shifokorga murojaat qilish kerak. Shifokor infektsiyaga qarshi yoki antibiotiklar bilan davolash zarurati bor yoki yo‘qligini aniqlaydi.
Juda kam hollarda diklofenak qo‘llanganida miya pardalarining yallig‘lanishini (aseptik meningit) belgilari kuchli bosh og‘rig‘i, ko‘ngil aynashi, qusish, isitma, ensa mushaklarining rigidligi yoki ongni xiralashishini kuzatilgan. Ehtimol, ayrim autoimmun kasalliklari bo‘lgan patsiyentlar (tizimli qizil yugurik, aralash kollagenozlar) yuqori xavfga ega bo‘ladilar.
Qon tizimi va limfa tizimi tomonidan buzilishlar
Juda kam hollarda qon yaratilishni buzilishlari (anemiya, leykopeniya, trombotsitopeniya, pantsitopeniya, agranulotsitoz), gemolitik va aplastik anemiya (qizil qon tanachalarini tez parchalanishi natijasidagi kamqonlik).
Buzilishlarning birinchi belgilari isitma, tomoq og‘rig‘i, og‘iz bo‘shlig‘idagi eroziyalar, grippsimon simptomlar, kuchli toliqish, burundan qon ketishi, teriga qon quyilishi bo‘lishi mumkin.
Bunday hollarda darhol preparat yuborishni to‘xtatish va shifokorga murojaat qilish kerak. Og‘riqni qoldiruvchi va isitmani tushiruvchi preparatlar bilan hech qanday o‘z-o‘zini davolashni o‘tkazmaslik kerak. Uzoq muddatli davolashda qon manzarasini muntazam nazorat qilish tavsiya etiladi.
Immun tizimi tomonidan buzilishlar
Tez-tez teri toshmasi va terini qichishishi kabi o‘ta yuqori sezuvchanlik reaktsiyalari.
Ba'zan eshakemi.
Bunday hollarda dori preparatini yuborishni darhol to‘xtatish va shifokorga murojaat etish kerak.
Kam hollarda yuqori sezuvchanlik reaktsiyalari, anafilaktik va anafilaktoid reaktsiyalar (ular nafas yo‘llarini torayishi, hansirash (respirator distress) ko‘rinishida, taxikardiya, arterial bosimni pasayishi (gipotoniya) va shok ko‘rinishida namoyon bo‘lishi mumkin).
Juda kam hollarda angionevrotik shish (yuzni, tilni yoki tovush apparatini shishi).
Bu simptomlardan birontasi paydo bo‘lganida, ular hatto preparatni birinchi qo‘llashda paydo bo‘lganida ham, diklofenakni qabul qilishni to‘xtatish va darhol shoshilinch shifokor yordamiga murojaat etish kerak.
Juda kam allergik xarakterga ega bo‘lgan qon tomirlarining (vaskulit) va o‘pkalarning (pulmonit) yallig‘lanishi kuzatilgan.
Ruxiy buzilishlar
Juda kam hollarda psixotik reaktsiyalar, depressiya, qo‘rquv hissi, uyqusizlik, dahshatli tushlar ko‘rish.
Nerv tizimi tomonidan buzilishlar
Tez-tez bosh og‘rig‘i, bosh aylanishi, bezovtalik (qo‘zg‘alish), ta'sirchanlik yoki charchoqlik bilan namoyon bo‘lgan markaziy nerv tizimi tomonidan buzilishlar.
Juda kam hollarda sensor buzilishlar, ta'mni buzilishi, xotirani buzilishi, oriyentatsiyani yo‘qotilishi, tirishishlar, qaltirash, insult (bosh miyada qon aylanishini buzilishi).
Ko‘rish a'zolari tomonidan buzilishlar
Juda kam hollarda ko‘rishni buzilishi (ko‘rishning noaniqligi va ikkita bo‘lib ko‘rinish).
Eshitish a'zolari va labirint tizimi tomonidan buzilishlar
Tez-tez bosh aylanishi
Juda kam hollarda quloqlarda shovqin, eshitishni buzilishi.
Yurak tomonidan buzilishlar
Juda kam hollarda yurak urishini his qilish, ko‘krakda og‘riq, yurak mushagini kuchsizligi (yurak yetishmovchiligi), yurak xuruji (miokard infarkti).
Tomirli buzilishlar
Juda kam hollarda qon bosimini oshishi (gipertenziya).
Nafas a'zolari, ko‘krak qafasi va ko‘ks oralig‘i tomonidan buzilishlar
Juda kam hollarda nafas olishni qiyinlashishi bilan astma (hansirash).
Me'da-ichak yo‘llari tomonidan buzilishlari
Juda tez-tez me'da-ichak yo‘llari tomonidan ko‘ngil aynishi, qusish va ich ketishi, shuningdek me'da-ichakdan biroz qon ketishi kabi shikoyatlar, ular alohida hollarda qizil qon tanachalari sonini kamayishi (anemiya) sababchisi bo‘lishi mumkin.
Tez-tez ovqat hazm qilishni buzilishi (dispepsiya), qorinni dam bo‘lishi (meteorizm), qorinda spazmlar (qorinda og‘riq), ishtahani yo‘qolishi, shuningdek me'da-ichak yo‘llarining yaralari (ayrim vaziyatlarda qon ketishi va perforatsiya bilan birga kechadigan).
Ba'zan qonli qusish (gematomezis), ahlatda qon bo‘lishi yoki qonli ich ketishi.
Kam hollarda me'daning shilliq qavatini yallig‘lanishi (gastrit), me'da-ichak yo‘llaridan qon ketishi.
Juda kam hollarda og‘iz shilliq qavatini yallig‘lanishi (stomatit), shu jumladan yara paydo bo‘lishi (yarali stomatit), tilni yallig‘lanishi, qizilo‘ngachni shikastlanishi, qabziyat, shuningdek qorinning quyi sohasida masalan, yo‘g‘on ichakni yallig‘lanishi yoki Kron kasalligi/nospetsifik yarali kolitni zo‘rayishi (yo‘g‘on ichakning yara hosil bo‘lishi bilan kechuvchi yallig‘lanishining ayrim turlari) va me'da osti bezini (pankreatit) yallig‘lanishi, ichakni torayishi.
Qorinning yuqori sohasida kuchli og‘riqlar paydo bo‘lganida, qon aralash qusganda yoki ahlatni qora rangga bo‘yalishida, Dikloberl® retardni qabul qilishni darhol to‘xtatish va shifokorga murojaat qilish lozim.
Jigar va o‘t chiqarish yo‘llari tomonidan buzilishlar
Tez-tez qonda jigar fermentlarining darajasini oshishi.
Ba'zan jigarni shikastlanishi (ayniqsa uzoq muddat davolaganda), jigarni yallig‘lanishi (gepatit) sariqlik bilan yoki usiz, yakka hollarda juda og‘ir kechishi bilan [yashin tezligida] va hatto oldingi belgilari bo‘lmaganida ham).
Kam hollarda jigar tomonidan buzilishlar
Juda kam hollarda jigar nekrozi, jigar yetishmovchiligi.
Shuning uchun uzoq muddat davolaganda jigarning ko‘rsatkichlarini muntazam nazorat qilish tavsiya etiladi.
Teri va teri osti-yog‘ kletchatkasi tomonidan buzilishlar
Ba'zan soch to‘kilishi.
Juda kam hollarda qizarish (ekzantema, ekzema, eritema, ko‘p shaklli eritema) va pufaklarni paydo bo‘lishi bilan bo‘lgan toshmalar kabi og‘ir teri reaktsiyalari (masalan, Stivens-Djonson sindromi va toksik epidermal nekroliz/Layell sindromi) yoki kepaklanishi (eksfoliativ dermatit); terining quyosh yorug‘ligiga yuqori sezuvchanligi (fotosezuvchanlik reaktsiyalari), teriga mayda dog‘li qon quyilishlar (purpura), bu shuningdek allergik reaktsiyani ko‘rinishi bo‘lishi mumkin.
Buyrak va siydik chiqarish yo‘llari tomonidan buzilishlar
Ba'zan Shishlarni paydo bo‘lishi (organizmda suyuqlikni to‘planishi), ayniqsa yuqori qon bosimi yoki buyrak yetishmovchiligi bo‘lgan patsiyentlarda.
Juda kam hollarda Buyrak faoliyatini o‘tkir buzilishi (buyrak yetishmovchiligi), siydikda oqsilni paydo bo‘lishi (proteinuriya) va/yoki siydikda qonni paydo bo‘lishi (gematuriya), nefrotik sindromi [organizmda suyuqlikni to‘planishi (shishlar) va siydik bilan oqsilni ahamiyatli chiqarilishi] rivojlanishi bilan birga kechishi mumkin bo‘lgan buyrak to‘qimasini shikastlanishi (interstitsial nefrit, papillyar nekroz).
Buyrak faoliyatini muntazam nazorat qilish kerak.
Siydik chiqarilishini kamayishi, organizmda suyuqlikni to‘planishi (shishlar), shuningdek umumiy holsizlik hissi, hatto buyrak yetishmovchiligigacha bo‘lgan buyrak kasalligining belgilari bo‘lishi mumkin.
Yuqorida keltirilgan simptomlar paydo bo‘lganida yoki ular yomonlashganida, diklofenakni qabul qilishni to‘xtatish va darhol shifokorga murojaat qilish kerak.
Nojo‘ya ta'sirlar haqida xabar berish
Agar Sizda biron-bir nojo‘ya ta'sir paydo bo‘lsa, bu haqida shifokoringiz yoki dorixona xodimiga xabar bering. Bu ushbu ilova-varaqada ko‘rsatilmagan nojo‘ya ta'sirlarga ham taalluqli. Siz shuningdek V-ilovada keltirilgan xabar berishning milliy tizimi orqali to‘g‘ridan-to‘g‘ri xabar berishingiz mumkin. Nojo‘ya ta'sirlar haqida xabar berib, Siz ushbu dori preparatining xavfsizligi haqida ko‘proq ma'lumot olishga yordam bergan bo‘lasiz.

5.Dikloberl® retard preparatini qanday saqlash kerak
Ushbu dori vositasini bolalar olaolmaydigan joyda saqlash kerak.
Yig‘ma karton qutida va ampulada ko‘rsatilgan yaroqlilik muddati o‘tganidan keyin, ushbu dori vositasini ishlatish mumkin emas.
Yaroqlilik muddati
ning o‘tish sanasi oyning oxirgi kuni hisoblanadi.


Saqlash sharoiti

25oS dan yuqori bo‘lmagan haroratda saqlansin.
Namlikdan himoyalash uchun original o‘ramida saqlansin.
Har qanday dori vositasini kanalizatsiya yoki maishiy chiqindilar bilan tashlash mumkin emas. Kerak bo‘lmagan dori preparatlarini qanday utilizatsiya qilish haqida dorixona xodimi bilan maslahatlashing. Ushbu choralar atrof-muhitni himoya qilishga yordam beradi.

6.O‘ram ichidagisi va boshqa ma'lumotlar
Dikloberl® retard preparatida nima saqlanadi?
Ta'sir etuvchi moddasi diklofenak natriy hisoblanadi.
Ta'siri uzaytirilgan bir kapsula 100 mg diklofenak natriy saqlaydi.
Boshqa komponentlar saxaroza, makkajo‘xori kraxmali, shellak, talk, Eudragit RL PO (A tip ammoniy metakrilat sopolimeri), jelatin, titan dioksidi (E171)

Dikloberl® retard preparatini ko‘rinishi va o‘ram ichidagisi
Oqdan och-sariq rangligacha bo‘lgan qattiq jelatin kapsulalar, PP-TSOS-PP li tiniq bo‘lmagan oq plyonkadan tayyorlangan, yumshoq alyumin folga yopishtirilgan blisterlarga joylangan.
Original o‘rami 10, 20, 50 yoki 100 ta ta'siri uzaytirilgan kapsula saqlaydi.
Sotuvda barcha o‘lchamdagi o‘ramlar bo‘lmasligi mumkin.

Dorixonadan berish tartibi
Shifokor retsepti bo‘yicha beriladi.


Yaroqlilik muddati
3 yil.

Qayd etish guvohnomasining egasi va ishlab chiqaruvchi
Berlin-Xemi AG (Menarini Grupp)
Gliniker Ber 125
12489 Berlin


Ishlab chiqaruvchi

Berlin-Xemi AG
Gliniker Ber 125
12489 Berlin
Germaniya

Menarini-Fon Xeyden GmbX
Leyptsiger Shtrasse 7-13
01097 Drezden
Germaniya