Preparatning savdo nomi
Dimaks
Ta'sir etuvchi moddalar (XPN) diklofenak, paratsetamol

Dori shakli
tabletka
Ta'rifi
1 tabletka quyidagilarni saqlaydi
faol moddalar paratsetamol BP - 500 mg, diklofenak natriy BP - 50 mg;
yordamchi moddalar makkajo‘xori kraxmali, mikrokristall sellyuloza, krospovidon, povidonPVPK-30, tozalangan suv, kolloid kremniy dioksidi, magniy stearati.
Ta'rifi kapsula shaklidagi, ikki tomonlama qavariq, bir tomonida bo‘lish uchun o‘yiqcha va boshqa tomoni silliq, oqdan xira-oq ranggacha bo‘lgan qobiq bilan qoplanmagan tabletkalar.

Farmakoterapevtik guruhi
nosteroid yallig‘lanishga qarshi va og‘riq qoldiruvchi vosita.
ATX kodi M01VX


Farmakologik xususiyatlari

Dimaks tabletkalari paratsetamol va diklofenak natriy saqlaydi. Paratsetamol (atsetaminofen, N-atsetil-r-aminofenol) og‘riqni qoldiruvchi va isitmani tushiruvchi xususiyatlarga ega fenatsetinning faol metaboliti hisoblanadi. Diklofenak natriy fenilalkan kislotasi va aminobenzoat kislotasi hosilalari birikmalariga struktur jihatdash o‘xshash bo‘lgan fenilsirka kislotasining hosilasidir. U og‘riqni qoldiruvchi va yallig‘lanishga qarshi ta'sirlarga ega.

Farmakodinamika
si
Paratsetamol aspiringa o‘xshash og‘riqni qoldiruvchi va isitmani tushiruvchi samaralarga ega. Shunga qaramasdan, u faqat kuchsiz yallig‘lanishga qarshi samaraga ega. Ta'sir mexanizmi prostaglandinlar sintezini ingibitsiya qilishga bog‘liq. Prostaglandinlar sintezini ingibitsiya qilinishi, isitmani tushiruvchi samaradorligini tushuntirib, bosh miyada noproportsional yaqqollikda bo‘lishi mumkin degan taxmin bildirilgan. U yengildan o‘rtacha og‘riq va isitmani yengillashtirishni ta'minlaydi.
Diklofenak natrik nosteroid birikma bo‘lib, yaqqol revmatizmga qarshi, yallig‘lanishga qarshi va og‘riq qoldiruvchi xususiyatlarga ega. Boshqa NYaQV lar bilan bo‘lgani kabi uning prostaglandinlar sintezini ingibitsiya qilish xususiyati yallig‘lanishga qarshi samaraga jalb etilishi mumkin. Revmatik kasalliklarda diklofenakning yallig‘lanishga qarshi va og‘riqni qoldiruvchi xususiyatlari tinch holatdagi og‘riq, harakatdagi og‘riq, ertalabki tanglik va bo‘g‘imlarni shishi kabi belgilar va simptomlarni yengillashishi, shuningdek funktsiyani yaxshilanishi bilan xarakterlanuvchi klinik javob chaqiradi.

Farmakokinetikasi

Paratsetamol me'da-ichak yo‘llaridan to‘liq va tez so‘riladi. U asosan organizm suyuqliklarida bir tekis taqsimlanadi. U glyukorokon'yugatsiya yoki sulfatatsiya yo‘li bilan jigarda keng metabolizmga uchraydi. Paratsetamol jigarda siydik bilan ajraladigan toksik bo‘lmagan birikma hosil bo‘lishi bilan glutation bilan tez birikadi. Plazmadagi yarim parchalanish davri 2 soatdan 3 soatgachani tashkil qiladi.
Diklofenak ichga qabul qilingandan keyin to‘liq so‘riladi. Parhezga rioya qilayotganlarda qon plazmasidagi o‘rtacha cho‘qqi kontsentratsiyasiga tabletka qabul qilgandan keyin 2 soat o‘tgach erishiladi. Peroral yuborilgandan keyin faol moddaning taxminan yarmi jigar orqali birinchi marta o‘tishi davomida metabolizmga uchraydi. Diklofenak plazma oqsillari bilan 99,7% bog‘lanadi. Qon plazmasidagi yarim parchalanishning terminal davri 1 soatdan 2 soatgachani tashkil qiladi. Diklofenak sinovial suyuqlikka o‘tadi, u yerdagi maksimal kontsentratsiyasiga peroral yuborilgandan keyin 2 soatdan 4 soatgacha vaqtdan so‘ng erishiladi. Sinovial suyuqlikdan chiqarilish uchun yarim parchalanishning taxminiy davri 3 soatdan 6 soatgachani tashkil qiladi. Bu klinik samaraning davomiyligi plazmadan yarim chiqarilishning qisqa davri hisobiga chiqarilishidan uzoqroq bo‘lishini tushuntirishi mumkin. Diklofenakning biotransformatsiyasi keyinchalik glyukuronizatsiya bilan gidroksilizatsiyani o‘z ichiga oladi. Yuborilgan dozaning taxminan 60% metabolitlari ko‘rinishida siydik bilan chiqariladi. 1% dan kamrog‘i o‘zgarmagan modda ko‘rinishida chiqariladi. Dozaning qolgan qismi metabolitlari ko‘rinishida safro orqali axlat bilan chiqariladi.


Qo‘llanilishi

Dimaks tabletkalari quyidagi holatlarda qo‘llanadi
• o‘tkir suyak-mushak og‘riqlari va og‘ir og‘riqli holatlar
• tayanch-harakat apparati va bo‘g‘imlar bilan bog‘liq og‘riq va yallig‘lanish
• isitma bilan bog‘liq o‘rtachadan kuchligacha og‘riq.


Qo‘llash usuli va dozalari

Kattalar va 12 yoshdan oshgan bolalar bir tabletkadan kuniga 2 martadan 3 martagacha ovqatdan keyin yoki shifokor ko‘rsatmasi bo‘yicha qabul qilinadi.

Nojo‘ya ta'sirlari
Me'da-ichak yo‘llari tomonidan buzilishlar, nefrotik sindrom, epigastral sohada og‘riq, ko‘ngil aynishi, qusish, diareya, gepatit, toshma, qichishish, hansirash, bronxospazm, davomli qon ketish.
Potentsial o‘limga olib keluvchi me'da-ichak yo‘llaridan qon ketishi yoki perforatsiya, kam hollarda qon diskraziyasi yoki anafilaksiya, o‘tkir buyrak yetishmovchiligi.


Qo‘llash mumkin bo‘lmagan holatlar

Dimaks preparatini anamnezi aspirin va boshqa NYaQV bo‘lgan patsiyentlar, me'da yoki o‘n ikki barmoq ichakning o‘tkir porfiriyasi, me'da-ichakdan qon ketishi yoki perforatsiya, homiladorlikning oxirgi uch oyligi, og‘ir jigar, buyrak yoki yurak yetishmovchiligi, dilofenak, aspirin yoki boshqa NYaQV astma, eshakemi yoki allergik tipdagi boshqa reaktsiyalar chaqirgan patsiyentlarda qo‘llash mumkin emas.
12 yoshgacha bo’lgan bolalarda ыщllash mumkin emas.

Dorilarning o‘zaro ta'siri
Diklofenak kaliy tejovchi diuretiklarning ta'sirini kuchaytirishi mumkin. Bu shuningdek qon plazmasida salitsilatlarning kontsentratsiyasini kamayishi va litiy, digoksin va metotreksatning darajasini oshishiga olib kelishi mumkin.


Maxsus ko‘rsatmalar

Buyrak yoki jigar yetishmovchiligi, arterial gipertenziya, yurak yetishmovchiligi, bronxospazmi bo‘lgan bemorlarda, diuretiklar qabul qilayotgan patsiyentlarda va keksa odamlarda Dimaks tabletkalarini ehtiyotkorlik bilan qo‘llash kerak. Keksa patsiyentlar NYaQP-assotsiatsiyalangan jiddiy yurak-qon tomir, me'da-ichak yo‘llari va/yoki buyrak tomonidan nojo‘ya reaktsiyalar rivojlanishiga xavfiga ko‘proq duchordirlar. Noxush samaralarni oldini olish uchun patsiyentlarni nazorat qilish kerak. Diklofenak ma'lumki, buyrak ekskrementlarida ahamiyatli darajada mavjud bo‘ladi va shu tufayli bu preparatga nojo‘ya reaktsiya xavfi buyrak funktsiyasini yetishmovchiligi bo‘lgan patsiyentlarda yuqori bo‘ladi. Keksa patsiyentlar buyrak funktsiyasini yetishmovchiligiga ko‘proq moyildirlar. Shuning uchun ularda buyrak funktsiyasini monitoringi foydali bo‘lishi mumkin.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Chiqarilish shakli

10 tabletkadan alyumin folga va PVX blisterlarda.
Har biri 10 tabletkadan 10 blisterdan qo‘llash bo‘yicha yo‘riqnomasi bilan karton qutida.


Saqlash sharoiti

Quruq joyda, 25°S dan yuqori bo‘lmagan haroratda saqlansin.


Yaroqlilik muddati

4 yil.


Dorixonalardan berish tartibi

Retsept bo‘yicha.


Ishlab chiqaruvchi

Shreya Layf Sayensiz Pvt. Ltd., Hindiston.
Shreya Xaus, 301/A, Pereira Xil Roud,
Anderi (Ist.) Mumbay, 400099