Preparatning savdo nomi
Febrofid®
Taʼsir etuvchi modda (XPN) ketoprofen

Dori shakli
sirtga qoʼllash uchun gel

Tarkibi

100 g gel quyidagilarni saqlaydi
faol modda ketoprofenning lizinli tuzi 2,5 g;
yordamchi moddalar polietilenglikol 200, metilparagidroksibenzoat, propilparagidroksibenzoat, karbomer, trietanolamin, tozalangan suv.
Taʼrifi rangsizdan to och-sargʼish ranggacha boʼlgan, tiniq yoki biroz tovlanuvchi gel.

Farmakoterapevtik guruhi
sirtga qoʼllash uchun nosteroid yalligʼlanishga qarshi vositalar.
ATX kodi M02AA10


Farmakologik xususiyatlari

Ketoprofen nosteroid yalligʼlanishga qarshi preparatlar (NYaQP) guruhiga mansub boʼlib, gel koʼrinishida teri qoplamalari orqali yaxshi oʼtadi va yalligʼlanishga qarshi, antiekssudativ va ogʼriqni qoldiruvchi taʼsir koʼrsatadi. Febrofid gel boʼgʼimlar, paylar, boylamlar, mushaklar, teri, venalar, limfatik tomirlar va limfatik tugunlarning shikastlanishlarini mahalliy davolashni taʼminlaydi. Boʼgʼim sindromida tinch holatda va harakatdagi boʼgʼimlardagi ogʼriqni, boʼgʼimlarning shishi va ertalabki tangligini kamaytiradi.

Farmakokinetikasi

Ketoprofenning soʼrilishi va taqsimlanishi teri qalinligi, teri osti qatlami va uning qon bilan taʼminlanganligiga hamda shikastlangan soha yuzasiga bogʼliq. Sirtga qoʼllangandan soʼng, ketoprofenning qoʼllangan joydagi kontsentratsiyasi uni ichga qabul qilgandagi miqdori bilan oʼxshash, plazmadagi kontsentratsiyasi 60 karra kam boʼladi. Ketoprofen organizmda toʼplanish jadalligini namoyon qilmaydi. Preparat jigarda biotransformatsiyaga uchraydi, siydik bilan nofaol metabolitlar koʼrinishida chiqariladi.

Qoʼllanilishi
Preparat quyidagi holatlarni simpomatik davolashda ogʼriq qoldiruvchi va yalligʼlanishga qarshi vosita sifatida mahalliy qoʼllanadi
- umurtqa pogʼonasidagi ogʼriqlar, nevralgiyalar, mialgiyalar;
- tayanch-harakat apparatining yalligʼlanish–degenerativ kasalliklari (shu jumladan artrit, bursit, sinovit, tendenit, lyumbago);
- asoratlanmagan jarohatlar, shu jumladan sportdagi jarohatlar, suyak chiqishlari, paylar va boylamlarni choʼzilishi va uzilishi, lat yeyishlar, postravmatik ogʼriqlar;
- venalar (flebit, periflebit), limfatik tomirlar, limfatik tugunlarning yalligʼlanish kasalliklarini (limfangiit, yuza limfadenit) majmuaviy davolash tarkibida.

Qoʼllash usuli va dozalari
Sirtga, teriga qoʼllash uchun.
Kattalar
Gelning ozgina miqdori (3-5 sm) terining ogʼriyotgan joyga kuniga 2-3 marta qoʼyiladi va ohista ishqalab singdiriladi. Gelni qoʼllagandan soʼng, aynan qoʼllar davolashni talab etayotgan soha boʼlgan holatdan boshqa vaziyatlarda, qoʼllarni yuvish zarur.
Davolash 1 haftadan uzoq davom etmasligi kerak.
Bolalar
Bolalarda qoʼllash xavfsizligi va samaradorligiga oid maʼlumotlar yoʼq. 15 yoshdan kichik bolalarda qoʼllash tavsiya etilmaydi.

Nojoʼya taʼsirlari
Nojoʼya taʼsirlar eng koʼp qayd qilinadiganidan boshlab, paydo boʼlishi tez-tezligi boʼyicha guruhlarga ajratilgan juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam hollarda (≥1/10000 dan <1/1000 gacha); juda kam hollarda (<1/10000); nomaʼlum (maʼlum maʼlumotlar asosida tez-tezligini aniqlab boʼlmaydi).
Immunologik tizimi tomonidan buzilishlar
Nomaʼlum anafilaktik shok, Kvinke shishi, gipersezuvchanlik reaksiyalari.
Teri va teri osti toʼqimalari tomonidan buzilishlar
-tez-tez emas mahalliy teri reaksiyalari eritema, ekzema, qichishish va achishish hissi;
-kam hollarda (dermatologik buzilishlar) fotosensibilizatsiya va eshakemi. Tarqalishga moyil bullyoz yoki fliktenulyoz ekzema kabi ogʼir darajali reaksiyalar va umumiy xarakterdagi reaksiyalar.
Siydik va siydik chiqarish yoʼllari tomonidan buzilishlar
- juda kam hollarda mavjud boʼlgan buyrak yetishmovchiligining kuchayishi.
Boshqa taʼsirlari (oshqozon-ichak trakti, buyrakga taʼsiri) faol moddaning teri orqali kirishining natijasidir, shuning uchun ishlatilgan gel miqdoriga bogʼliq, davolangan teri yuzasiga, teri orqali surilish darajasiga, davolash davriga va bandaj ishlatilishi yoki bor yuqligi. Atsetilsalitsil kislotasi va boshqa NYaQP larga yuqori sezuvchanligi boʼlgan bemorlarda bronxial astma xuruji boʼlishi mumkin.
Barcha nojoʼya taʼsirlar, shu jumladan yoʼriqnomada koʼrsatilmaganlari haqida oʼz shifokorga yoki farmatsevtga xabar berishingiz kerak.

Qoʼllash mumkin boʼlmagan holatlar
- Ketoprofen, fenofibrat, tiaprofen kislotasi, atsetilsalitsil kislotasi va boshqa NYaQP qoʼllanganidan keyin paydo boʼladigan astma, allergik rinit simptomlari kabi oʼta yuqori sezuvchanlikning maʼlum reaksiyalari.
- Preparatning faol moddasiga yoki yordamchi moddalarning birontasiga gipersezuvchanlik reaksiyalari.
- Anamnezida fotosensibilizatsiya reaksiyalari.
- Anamnezidagi ketoprofen, tiaprofen kislotasi, fenofibrat, UB-filtrlar yoki atirlar qoʼllanganidan keyingi teri reaksiyalari.
- Davolash davrida va davolash toʼxtatilgandan 2 hafta davomida quyosh nuriga, hatto bulutli osmonda, shuningdek solyariyda UF nurlariga ekspozitsiya.
- Ekzema yoki akne kabi teri oʼzgarishlari, shuningdek dermatit va ochiq jarohatlar.
- Homiladorlikning uchinchi uch oyligi.
- 15 yoshgacha boʼlgan bolalarda qoʼllash mumkin emas.

Dorilarning oʼzaro taʼsiri
Mahalliy qoʼllanadigan ketoprofen kam soʼriladi, shu sababli dorilarning oʼzaro taʼsiri ehtimoli kam.

Maxsus koʼrsatmalar
-Buyrak funksiyasining buzilishini keskinlashtiruvchi umumtizimli nojoʼya taʼsirlarning individual hollarini taʼrifi mavjudligi sababli, qon aylanishi yetishmovchiligi, buyrak yoki jigar funksiyasini buzilishi boʼlgan patsientlarda gelni ehtiyotkorlik bilan qoʼllash kerak.
-Gelni okklyuzion bogʼlamlar ostida qoʼllash mumkin emas.
-Koʼz va shilliq qavatlarni gel bilan kontaktdan saqlash kerak.
-Biron-bir teri reaksiyalari, shu jumladan oktokrilen saqlovchi vositalarni parallel qoʼllashdan keyin teri reaksiyalarini rivojlanishi hollarida davolashni darhol toʼxtatish kerak.
-Davolash jarayonida va uni toʼxtatgandan keyin 2 hafta davomida quyosh nuriga oʼta yuqori sezuvchanlik xavfidan saqlanish maqsadida davolanayotgan teri sohalarini kiyim bilan himoya qilish tavsiya qilinadi. Davolash paytida va u tugaganidan keyin 2 hafta davomida ultrabinafsha nurlar (shu jumladan solyariy) taʼsiridan qochish kerak.
-Gelni qoʼllashdan keyin har safar, aynan qoʼllar davolashni talab etayotgan soha boʼlgan holatlardan boshqa vaziyatlarda, qoʼllarni yuvish kerak. Teriga uzoq muddatli applikatsiya zarurati boʼlganida, himoya qoʼlqopini qoʼllash tavsiya qilinadi.
-Davolash davomiyligini uzayishi bilan kontakt dermatit va oʼta yuqori sezuvchanlik reaksiyalarini rivojlanish xavfi tufayli, tavsiya qilingan davolash kursini uzaytirish mumkin emas.
-Astma va yondosh rinit, sinusit va/yoki burun polipozi boʼlgan patsientlarda ehtiyotkorlik bilan qoʼllash kerak. Bunday patsientlarda atsetilsalitsil kislotasi va/yoki NYaQP ga allergik reaksiya paydo boʼlishi xavfi boshqa populyatsiyaga nisbatan yuqori.
-Preparatni bolalarda qoʼllash xavfsizligi va samaradorligi aniqlanmagan.
-Gelni katta teri sohalariga surtish mumkin emas.
-Preparat, ehtimol, sekinlashtirilgan toifali allergik reaksiyalar chaqirishi mumkin boʼlgan metilparagidroksibenzoat va propilparagidroksibenzoat saqlaydi.

Homiladorlik va laktatsiya davri
Homiladorlik
Homiladorlik vaqtida tashqi qo’llanish uchun gel shaklidagi Febrofid preparati qo’llanishining klinik ma’lumotlari yo’q. Tashqi qo’llanish shakllarida preparatning tizimli ta’siri peroral shakllariga nisbatan kamroq bo’lgan holatda ham tashqi qo’llanishdan so’ng Febrofid preparati tizimli ta’sirining embrion / homilaga zarar yetkazishi mumkinligi yoki zarar yetkazmasligi ma’lum emas.
Homiladorlikning birinchi va ikkinchi uch oyligida Febrofid preparatidan qat’iy zaruriyatsiz foydalanish kerak emas. Qo’llanilgan holatda, minimal imkoniyatli vaqt davrida minimal samarali doza qo’llanishi kerak.
Homiladorlikning uchinchi uch oyligida prostaglandinlar sintezi ingibitorlari, shu jumladan Febrofid preparatining tizimli qo’llanishi homilada yurak-o’pka va buyrak toksikligini chaqirishi mumkin. Homiladorlikning oxirida ona va yangi tug’ilgan chaqaloqda qon ketish vaqtini oshirishi, bu tug’ish kechikishi yoki uzoqroq vaqtga cho’zilishiga olib kelishi mumkin.
Homiladorlikning oxirgi uch oyligida Febrofid preparatining qo’llanishi mumkin emas (“Qo’llanish mumkin bo’lmagan holatlar” bo’limiga qarang).
Emizish davri
Ketoprofenni ona sutiga kirishi haqida maʼlumotlar yoʼq. Emizayotgan ayollarda Febrofid preparatini qoʼllash tavsiya etilmaydi.
Avtotransportni haydash va harakatdagi mexanizmlarni boshqarish qobiliyatiga taʼsiri
Sirtga qoʼllanganda ketoprofenning avtotransportni haydash va mexanizmlarni boshqarish qobiliyatiga taʼsiri haqidagi maʼlumotlar mavjud emas.


Dozani oshirib yuborilishi

Sirtga qoʼllash uchun gel shaklidagi ketoprofen dozasini oshirib yuborish ehtimoli kam hisoblanadi.
Gel bexosdan ichga qabul qilingan holatda, qabul qilingan modda miqdoridan kelib chiqqan holda, tizimli nojoʼya taʼsirlar yuzaga kelishi mumkin (uyquchanlik, koʼngil aynishi va qusish). Yuqori dozalarni qabul qilish nafas olishning sekinlashishi, koma, qaltirash, meʼda-ichak yoʼllaridan qon ketishi, arterial bosimning koʼtarilishi yoki pasayishi, oʼtkir buyrak yetishmovchiligiga sabab boʼlishi mumkin. Hayotiy funksiyalarni taʼminlovchi choralarni koʼrish va, odatda, NYaQP bilan zaharlanish holatida qoʼllanadigan simptomatik davolashni boshlash zarur. Agar dozani oshirib yuborish vaqtidan bir soatdan kam vaqt oʼtgan boʼlsa, oshqozonni yuvish va simptomatik davolashni buyurish lozim.


Chiqarilish shakli

30 g alyumin tubada.
1 tuba tibbiyotda qoʼllanilishiga doir yoʼriqnomasi bilan birga karton qutida.

Saqlash sharoitlari
Yorugʼlikdan himoyalangan joyda, 25oC dan yuqori boʼlmagan haroratda saqlansin.
Bolalar ololmaydigan joyda saqlansin.


Yaroqlilik muddati

3 yil.

Yaroqlilik muddati
tugagach qoʼllanilmasin.


Dorixonalardan berish tartibi

Retseptsiz.

Roʼyhatdan oʼtkazilganlik guvohnomasining egasi
«Ximfarm» AJ
Qozogʼiston Respublikasi, Shimkent sh. 160019, Rashidov koʼchasi, 81


Ishlab chiqaruvchi

Pharmaceutical Works POLPHARMA S.A. Medana Branch in Sieradz
Wladislawa Loketka koʼch, 10, 98-200 Sieradz, Polsha

Oʼzbekiston Respublikasi hududida dori vositasining sifati boʼyicha eʼtirozlar (takliflar) ni qabul qiluvchi tashkilot nomi va manzili
Chimpharm vakolatxonasi, Oʼzbekiston Respublikasi
Toshkent sh., Qozitarnov koʼch., 50 uy, 100084
Tel. +99897 107 55 53
Avtojavob beruvchi raqamlari +99871 205 10 58
Elektron pochta manzili info.uzbekistan@santo.uz