Preparatning savdo nomi
Indometatsin Sofarma
Ta'sir etuvchi modda (XPN) indometatsin

Dori shakli
ichakda eruvchan qobiq bilan qoplangan tabletkalar.

Tarkibi

Bir tabletka quyidagilarni saqlaydi
faol modda 25 mg indometatsin (indometacin);
yordamchi moddalar
tabletka yadrosining tarkibi laktoza monogidrati, bug‘doy kraxmali, mikrokristall sellyuloza (101 tip), povidon K25, magniy stearati, suvsiz kolloid kremniy dioksidi, talk;
ichakda eruvchan qobiq tarkibi metakril kislotasi sopolimeri – etakrilatning 30% li dispersiyasi (11); metilmetakrilat sopolimeri metil metakrilat metakril kislotasining 30% li dispersiyasi; natriy gidroksidi; polisorbat 80; pigmentli suspenziya – jigarrang (talk, trietiltsitrat, titan dioksidi temir (II) oksidi (E 172), temir (III) oksidi (E 172), propan-1,2 diol-alginat, kaliy sorbati); trietil sitrati.
Ta'rifi dumaloq shaklli, ikki tomonlama qavariq, diametri 7 mm, to‘q-sariq-jigarrang rangli, hidsiz, ichakda eruvchan qobiq bilan qoplangan tabletkalar.

Farmakoterapevtik guruhi
nosteroid yallig‘lanishga qarshi vosita.
ATX kodi M02AA23


Farmakologik xususiyatlari


Farmakodinamika

Indometatsin – indolsirka kislotasining hosilasidir va nosteroid yallig‘lanishga qarshi dori vositalari (NYaQV) guruhiga mansub. Yaqqol yallig‘lanishga qarshi ta'sirga ega. Og‘riq qoldiruvchi va isitmani tushiruvchi ta'sir ko‘rsatadi. Indometatsin siklooksigenazani susaytirish yo‘li orqali prostaglandinlar sinteziga kuchli susaytiruvchi ta'sir ko‘rsatadi. Bundan tashqari, yallig‘langan sohada trombotsitlar agregatsiyasi va lipooksigenaz faollikni, muvofiq ravishda leykotriyenlarni kamaytiradi; shuningdek endogen pirogenlarni ajralib chiqishini kamaytiradi, lizosomal fermentlarni faolsizlantiradi, neytral proteazalar faolligini susaytiradi.

Farmakokinetikasi

So‘rilishi
Peroral qo‘llanilganda dozaning 80-90% ingichka ichakning shilliq qavati va kamroq darajada – me'daning shilliq qavati orqali so‘riladi. Plazmadagi maksimal kontsentratsiyasiga 1-2 soat davomida erishadi.
Taqsimlanishi
Barcha to‘qimalar va a'zolarda taqsimlanadi. Yo‘ldosh va gematoentsefalik to‘siq orqali o‘tadi. Sinovial membrana orqali bo‘g‘imlarga kiradi, bunda uning sinovial suyuqlikdagi kontsentratsiyasi plazmadagidan yuqori bo‘ladi. Plazmada oqsillar bilan 90-98% bog‘lanadi va boshqa dori vositalarini siqib chiqarishi va bir vaqtda qo‘llanganida ularning terapevtik samarasini kuchaytirishi mumkin.
Metabolizmi
Oksidlanish va kon'yugatsiya yo‘li orqali jigarda metabolizmga uchraydi.
Chiqarilishi
Indometatsinning yarim chiqarilish davri 2,6 soatdan 11,2 soatgacha o‘zgaradi yoki o‘rtacha – 5,8 soatni tashkil qiladi. 60-75% gacha buyraklar orqali chiqariladi, uning 10-20% o‘zgarmagan ko‘rinishda, qolgan miqdori safro va axlat bilan chiqariladi. Ko‘krak suti bilan ajraladi.


Qo‘llanilishi

Indometatsin revmatoid artrit; o‘tkir va zo‘raygan surunkali yuvenil artrit; o‘tkir va zo‘raygan ankilozlovchi spondiloartrit (Bexterev kasalligi); podagra xuruji va podagrik artrit; psoriatik artrit; Reyter kasalligi kabi bo‘g‘imlarning yallig‘lanish va degenerativ kasalliklarida; bo‘g‘im oldi kasalliklari tendinitlar, bursitlar, tendobursitlar, tendovaginitlar; sportchilardagi jarohatlar; disk churrasi; periferik nerv kasalliklari; og‘riqli hayzda o‘tkir va surunkali og‘riqni qisqa muddatli va simptomatik davolash uchun qo‘llanadi.


Qo‘llash usuli va dozalari

Qo‘llash usuli
Ovqat qabul qilgandan keyin peroral qabul qilinadi. Tabletkalar butunligicha, yetarli miqdordagi suv bilan qabul qilinadi.
Minimal samarali dozani eng qisqa davr davomida qo‘llash nojo‘ya ta'sirlarni kamaytirish mumkin.
Doza va davolash davomiyligi davolovchi shifokor tomonidan belgilanadi.
Dozalash
Kattalar va 14 yoshdan oshgan bolalar
Boshlang‘ich dozasi 25-50 mg (1-2 tabletka) sutkada 2-4 martani tashkil qiladi.
Terapevtik samara yetarli bo‘lmaganida dozani uchta qabul qilishga bo‘lingan sutkada
150 mg gacha oshiriladi. Maksimal sutkalik dozasi 200 mg ni tashkil qiladi. Uzoq muddatli davolaganda sutkalik doza 75 mg dan oshmasligi kerak.
Podagra
O‘tkir podagrik xurujni bartaraf etish uchun 100 mg ni tashkil etuvchi boshlang‘ich doza buyuriladi, undan keyin 50 mg dan sutkada 3 marta dozada og‘riq kamayguncha davolash davom ettiriladi.
Keksa yoshdagi (65 yoshdan oshgan) patsiyentlar
Nojo‘ya ta'sirlarning yuqori xavfi mavjud. Eng past samarali doza, imkon boricha qisqa muddat davomida tavsiya etiladi. Me'da-ichak yo‘llaridan qon ketishi mumkinligi yuzasidan patsiyentlarni kuzatish kerak.
14 yoshdan kichik patsiyentlar
14 yoshgacha bo‘lgan bolalarda qo‘llash tavsiya etilmaydi, chunki ularda dori preparatining xavfsizligi va samaradorligi yuzasidan yetarli ma'lumotlar yo‘q.
Agar Siz dori preparatini qabul qilishni o‘tkazib yuborgan bo‘lsangiz
Agar Siz bitta dozani o‘tkazib yuborgan bo‘lsangiz, uni iloji boricha tezroq qabul qiling. Agar keyingi dozani qabul qilish vaqti kelgan bo‘lsa, uni odatdagidek qabul qiling. O‘tkazib yuborilgan dozani o‘rnini to‘ldirish uchun preparatning ikki marta miqdorini qabul qilmang.
Yo‘riqnomaga va shifokorning ko‘rsatmalariga muvofiq tabletkalarni qabul qilishni davom ettiring.
Agar Sizda ushbu dori preparatini qo‘llash bilan bog‘liq har qanday qo‘shimcha savollar bo‘lsa, iltimos shifokoringiz yoki farmatsevtga murojaat eting.

Nojo‘ya ta'sirlari
Barcha boshqa dori vositalari kabi Indometatsin Sofarma garchi har bir patsiyentda namoyon bo‘lmasada nojo‘ya ta'sirlar chaqirishi mumkin.
Eng ko‘p uchraydigan nojo‘ya ta'sirlar me'da-ichak yo‘llari tomonidan namoyon bo‘ladi. Yara, perforatsiya, qon quyilishlar asosan keksa yoshdagi patsiyentlarda kuzatiladi.
Nojo‘ya ta'sirlarning tez-tezligi quiydagicha aniqlanadi
Juda tez-tez (10 patsiyentdan 1 nafaridan ko‘proq), tez-tez (100 patsiyentdan 1 nafardan 10 nafargacha), tez-tez emas (1000 patsiyentdan 1 nafardan 10 nafargacha), kam hollarda (10000 patsiyentdan 1 nafardan 10 nafargacha), juda kam hollarda (10000 patsiyentdan 1 nafardan kamroq, shu jumladan alohida xabarlar), tez-tezligi noma'lum (mavjud ma'lumotlar asosida baholash mumkin emas).
Qon va limfatik tizimi tomonidan buzilishlar
Tez-tez emas leykopeniya (oq qon xujayralarining sonini kamayishi, bu infektsiya paydo bo‘lishi ehtimolini oshiradi), trombotsitopeniya (qon ketishi xavfi yoki qon talashlarni hosil bo‘lishi bilan kechuvchi trombotsitlar sonini kamayishi), agranulotsitoz (oq qon xujayralarining sonini kamayishi, bu infektsiya paydo bo‘lishi ehtimolini oshiradi), gemolitik anemiya, aplastik anemiya (qizil qon xujayralari sonini kamayishi, holsizlik).
Immun tizimi tomonidan buzilishlari
Juda kam hollarda bronxospazm (nafas olishni qiyinlashishi), astmatik xuruj, allergik (anafilaktik yoki anafilaktoid) reaktsiyalar.
Moddalar almashinuvi va oziqlanish tomonidan buzilishlar
Tez-tez emas suyuqlikni tutilishi, giperglikemiya (qonda qand darajasini oshishi), glyukozuriya (siydikda qand), giperkaliyemiya (qonda kaliy darajasini oshishi).
Nerv tizimi tomonidan buzilishlar
Tez-tez bosh aylanishi, bosh og‘rig‘i, uyquchanlik, depressiya, toliqish.
Tez-tez emas xavotirlik, xolsizlik, diqqatni jamlashni buzilishi, sezuvchanlikni buzilishi, shu jumladan paresteziya (uvishish, chumoli o‘rmalashi hissi), dezoriyentatsiya, uyqusizlik, ta'sirchanlik, periferik nevropatiya (periferik nerv faoliyatini buzilishi), xotirani buzilishi, psixotik reaktsiyalar.
Ko‘rish a'zosi tomonidan buzilishlar
Tez-tez emas ko‘rishni ikkilanishi yoki noaniqligi.
Eshitish a'zosi tomonidan buzilishlar va labirint buzilishlari
Juda kam hollarda eshitishni buzilishi, quloqlarda shovqin.
Yurak tomonidan buzilishlar
Tez-tez emas taxikardiya (pulsni tezlashishi), stenokardiya (ko‘krakda og‘riq), palpitatsiya (yurak urishini his qilish), aritmiya (noto‘g‘ri yurak ritmi), shishlar.
Juda kam hollarda NYaQV larni qo‘llash bilan bog‘liq yurak yetishmovchiligini og‘irlashishi.
Indometatsin Sofarma kabi dori preparatlarini qo‘llash miokard infarkti yoki insult (bosh miyaga qon quyilishi) xavfini biroz oshishi bilan bog‘liq.
Qon tomirlar tomonidan buzilishlar
Tez-tez emas qon bosimini oshishi yoki pasayishi.
Me'da-ichak yo‘llari tomonidan buzilishlar
Tez-tez ko‘ngil aynishi, qusish, ich ketishi, dispepsiya (ovqat hazm qilishni buzilishi, jig‘ildon qaynashi), qabziyat, qorinda og‘riq.
Tez-tez emas meteorizm (qorinni dam bo‘lishi), melena (axlatda qon), gematemez (qon aralash qusish), yarali stomatit, yarali kolitni zo‘rayishi (yo‘g‘on ichak kasalligi), Kron kasalligi, mavjud yaralarni zo‘rayishi.
Jigar va o‘t chiqarish yo‘llari tomonidan buzilishlar
Kam hollarda sariqlik bilan yoki usiz kechuvchi toksik gepatit (sariqlik bilan yoki usiz kechuvchi jigarni yallig‘lanishi).
Juda kam hollarda fulьminant gepatit (tez kechuvchi jigarni yallig‘lanishi).
Teri va teri osti to‘qimalari tomonidan buzilishlar
Tez-tez emas toshma, qichishish, eshakemi, petexiyalar (nuqtali qon quyilishlar), ekximozlar (yirikroq qon quyilishlar).
Juda kam hollarda og‘irroq namoyon bo‘lgan teri reaktsiyalari (eksfoliativ dermatit, purpura, tugunli eritema, ko‘p shaklli eritema, Stivens-Djonson sindromi, toksik epidermal nekroliz).
Buyrak va siydik chiqarish yo‘llari tomonidan buzilishlar
Tez-tez emas siydikda oqsil yoki qon bo‘lishi, nefrotik sindrom, interstitsial nefrit (buyrakni yallig‘lanishi), o‘tkir buyrak yetishmovchiligi, buyrak tomonidan buzilishlar (papillyar nekroz).
Laborator va instrumental tekshiruvlar natijalariga ta'siri
Jigar fermentlari darajasini oshishi, bilirubin miqdorini o‘tuvchan oshishi.
Agar nojo‘ya ta'sirlardan birontasi jiddiylashsa yoki ushbu ilova-varaqala ta'riflanmagan boshqa nojo‘ya ta'sirlarni sezsangiz, iltimos bu haqida shifokoringiz yoki farmatsevtga xabar bering.

Dozani oshirib yuborilishi

Agar Siz buyurilgan dozadan yuqoriroq doza qabul qilgan bo‘lsangiz, maslahat uchun davolovchi shifokoringizga murojaat eting.
Yuqoriroq dozalarda quyidagi simptomlar kuzatilishi mumkin qorinda og‘riq, ko‘ngil aynishi, qusish, kuchli bosh og‘rig‘i, bosh aylanishi, xotirani buzilishi va dezoriyentatsiya. Og‘irroq holatlarda paresteziya va tirishishlar kuzatilishi mumkin.
Davolash qusishni chaqirish, me'dani yuvish, simptomatik.


Chiqarilish shakli

30 tabletkadan qattiq, rangsiz, tiniq PVX plyonka va alyumin folьgali blisterda.
1 blisterdan qo‘llash bo‘yicha yo‘riqnomasi bilan bir tomoni pigment bilan qoplangan yakka karton qutida.


Saqlash sharoiti

Original o‘ramida, 25°C dan yuqori bo‘lmagan haroratda saqlansin.


Yaroqlilik muddati

5 yil.


Dorixonalardan berish tartibi

Retsept bo‘yicha.


Ishlab chiqaruvchi

SOFARMA AJ – Bolgariya
1220 Sofiya, Iliyenskoye shosse ko‘ch., 16.