Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Klodifen in'ektsiya uchun eritma 75 mg/3 ml №5
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
Toshkent
2 soat bepul
O'zbekiston
2 kun bepul
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
Toshkent
20 000 UZS
O'zbekiston
yo'q
Ekspress yetkazib berish
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
Toshkent
40 daqiqagacha
O'zbekiston
1 kun
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 2 kun bepul |
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
|
Ekspress yetkazib berish | 40 daqiqagacha | 1 kun |
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
|
Xususiyatlari
Faol modda
Диклофенак
Страна производитель
Египет
Дозировка
75 мг/3 мл
Производитель
World Medicine Limited, Великобритания произведено: E.I.P.I.Co.
Рецептурный препарат
Да
Форма выпуска
Раствор для инъекций
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakodinamika
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqarilgan
- Dorixonalardan berish tartibi
Preparatning savdo nomi
Klodifen
Ta'sir etuvchi modda (XPN) Diklofenak
Dori shakli
In'ektsiya uchun eritma.
Tarkibi
Preparatning har bir ampulasi quyidagilarni saqlaydi
faol modda diklofenak natriy – 75 mg;
yordamchi moddalar propilenglikol, natriy metabisulfiti, benzil spirti, mannit, natriy gidroksidi, xlorid kislotasi, in'ektsiya uchun suv.
Ta'rifi tiniq och sariq rangli tiniq eritma.
Farmakoterapevtik guruhi
Nosteroid yallig‘lanishga qarshi va revmatizmga qarshi vositalar. Sirka kislotasining hosilalari va unga yaqin birikmalar.
ATX kodi M01AB05
Farmakologik hususiyatlari
Farmakodinamika
Diklofenak yaqqol ifodalangan og‘riq qoldiruvchi/yallig‘lanishga qarshi hususiyatlarga ega bo‘lgan nosteroid dori vositasi hisoblanadi; u prostaglandinlar sintezida ishtirok etadigan siklooksigenaza (TSOG) ni ingibitsiya qiladi. Diklofenak natriy in vitro sharoitida odamning qon plazmasidagi kontsentratsiyalarga teng kontsentratsiyalarda tog‘ay to‘qimasidagi proteoglikanlar biosintezini ingibitsiya qilmaydi. Diklofenak opioid analgetiklar bilan birga operatsiyadan keyingi og‘riq sindromini davolash uchun qo‘llanganida opioidlarga bo‘lgan ehtiyoj ko‘pincha kamayadi.
Farmakokinetikasi
So‘rilishi
Mushak ichiga (m/i) in'ektsiya qilish
Diklofenak 75 mg dozada m/i yuborilganidan so‘ng tizimli qon oqimiga tezda o‘tadi, bunda dori vositasining qon plazmasida, taxminan 20 minutdan keyin erishiladigan, maksimal kontsentratsiyasi o‘rtacha 2,558 ± 0,968 mkg/ml (2,5 mkg/ml ≡ 8 mkmol/l) ni tashkil etadi. Dori vositasining, tizimli qon oqimiga o‘tadigan miqdori yuborilgan dozasiga to‘g‘ri proportsional bog‘liqlikda bo‘ladi.
Vena ichiga (v/i) infuziya qilish
75 mg diklofenak v/i 2 soat davomida infuziya qilinganida maksimal kontsentratsiyasi Cmax o‘rtacha 1,875 ± 0,436 mkg/ml (1,9 mkg/ml ≡ 5,9 mkmol/l) ni tashkil etadi. Infuziya davomiyligi qisqa bo‘lganida qon plazmasida Cmax ning yanada yuqoriroq qiymatlari kuzatiladi, ayni vaqtda infuziya davomiyligi uzaytirilganida 3-4 soatdan keyin infuziya tezligiga to‘g‘ri proportsional qiymatga ega bo‘lgan muvozanat kontsentratsiyasi aniqlanadi. Bunday ko‘rinish Cmax kontsentratsiyasiga erishilganidan so‘ng dori vositasining qon plazmasidagi kontsentratsiyasini tezda pasayishi kuzatiladigan diklofenakning peroral qabul qilinadigan, rektal qo‘llanadigan va m/i yuboriladigan shakllari uchun xos emas.
Biokiraolishligi. Diklofenak m/i yoki v/i yuborilganidan so‘ng uning “kontsentratsiya-vaqt” egri chizig‘i ostidagi maydoni (AUC) qiymati dori vositasi peroral qabul qilinganidan yoki rektal qo‘llanilganidan keyingi qiymatidan taxminan ikki barobar yuqori bo‘ladi, chunki parenteral yuborish tizimoldi eliminatsiyasidan saqlanish imkonini beradi.
Taqsimlanishi. Diklofenak plazma oqsillari bilan 99,7% ga bog‘lanadi, asosan albumin bilan (99,4%) bog‘lanadi.
Diklofenak sinovial suyuqlikka o‘tadi, u yerda maksimal kontsentratsiyalari Cmax erishilganidan so‘ng 2-4 soatdan keyin kuzatiladi. Dori vositasini sinovial suyuqlikdan taxminiy yarim chiqarilish davri 3-6 soatni tashkil etadi. Cmax erishilganidan so‘ng ikki soatdan keyin diklofenakning sinovial suyuqlikdagi kontsentratsiyasi plazmadagi kontsentratsiyasidan oshadi; bu 12 soatgacha vaqt davomida kuzatilishi mumkin.
Diklofenak kichik kontsentratsiyalarda (100 ng/ml) laktatsiya davrida ayollarning ko‘krak sutida bir marta aniqlangan. Emadigan bola ko‘krak suti bilan qabul qilgan dori vositasining hisoblangan miqdori sutkada 0,03 mg/kg dozaga ekvivalent bo‘lgan.
Metabolizmi. Biotransformatsiya jarayonida diklofenak glyukuron kislotasi bilan qisman bog‘lanadi, biroq dori vositasi asosan bir marotaba va ko‘p marotaba gidroksillanish va metoksillanish jarayoniga uchraydi, natijada bir qancha fenol metabolitlarini hosil qiladi, natijada ularning katta qismi organizmdan glyukuron kislotasi bilan kon'yugatsiyalangan shaklda chiqariladi. Ikkita fenol metaboliti biologik faol birikmalar hisoblanadilar, ammo diklofenakka nisbatan ancha kam darajada faol bo‘ladi.
Chiqarilishi. Diklofenakning plazmadagi umumiy tizimli klirensi minutiga 263 ± 56 ml ni tashkil etadi. Qon plazmasidan yakuniy yarim chiqarilish davri 1-2 soatni tashkil etadi. To‘rtta metaboliti, jumladan ikkita faol metaboliti qon plazmasidan 1-3 soatlarga teng bo‘lgan qisqa yarim chiqarilish davrlariga ega.
Dori vositasining yuborilgan dozasini taxminan 60% siydik bilan glyukuron kislotasi bilan kon'yugatsiyalangan diklofenak va uning metabolitlari shaklida chiqariladi, ularning ko‘pchiligi shuningdek glyukuron kislotasi bilan kon'yugatlari hisoblanadi, 1% dan kamroq qismi – o‘zgarmagan ko‘rinishda chiqariladi. Dori vositasining qolgan miqdori me'da-ichak yo‘llari (MIY) orqali safro bilan metabolitlar shaklida chiqariladi.
Patsiyentlarning maxsus guruhlari
Keksa yoshdagi patsiyentlar. Dori vositasini yosh bilan bog‘liq so‘rilishi, metabolizmi yoki chiqarilishidagi farqlar kuzatilmagan, keksa yoshdagi patsiyentlarda dori vositasini vena ichiga 15-minutlik infuziyasidan so‘ng qon plazmasidagi diklofenakning kontsentratsiyasi sog‘lom yosh ko‘ngillilarda kutiladigan kontsentratsiyalardan 50% ga yuqori bo‘lgan bir qancha holatlar bundan mustasno.
Buyrak funktsiyasini buzilishlari bo‘lgani patsiyentlar. Dori vositasi odatdagi dozalarda bir marta qo‘llanganida uning kinetikasi yuzasidan ma'lumotlarni inobatga olgan holda, buyrak funktsiyasini buzilishlari bo‘lgan patsiyentlarda diklofenakni organizmda to‘planishi kutilmaydi. Kreatinin klirensi minutiga 10 ml dan kam bo‘lgan patsiyentlarda, muvozanat holatida gidroksillangan metabolitlarining qon plazmasidagi hisoblangan kontsentratsiyalari sog‘lom sub'ektlardagi kontsentratsiyalardan taxminan 4 barobar yuqori bo‘ladi, biroq ushbu metabolitlar nihoyat safro bilan chiqariladi.
Jigar kasalliklari bo‘lgan patsiyentlar. Surunkali gepatit yoki kompensatsiyalangan jigar sirrozi bo‘lgan patsiyentlarda diklofenakning farmakokinetik ko‘rsatkichlari va metabolizmi jigar kasalliklariga ega bo‘lmagan patsiyentlardagi ko‘rsatkichlar bilan o‘xshash bo‘ladi.
Qo‘llanilishi
Mushak ichiga yuborish
Klodifen buyrak sanchig‘ida, osteo- va revmatoid artritni zo‘rayishida, beldagi og‘riqlarda, podagrani zo‘rayishida, jarohatlarda va suyaklarni sinishlarida o‘tkir og‘riq sindromini, shuningdek operatsiyadan keyingi og‘riq sindromini davolash uchun ko‘rsatilgan.
Vena ichiga infuziya ko‘rinishida yuborish
Klodifen shifoxona sharoitlarida operatsiyadan keyingi og‘riq sindromini davolash yoki oldini olish uchun ko‘rsatilgan.
Qo‘llash usuli va dozalari
Nojo‘ya reaktsiyalarni rivojlanish havfini Klodifen, simptomlarni nazorat qilish uchun kerak bo‘ladigan minimal samarali dozada maksimal qisqa vaqt davomida qo‘llanganida, minimal darajaga yetishi mumkin.
Kattalar
Klodifen bilan davolash (mushak ichiga yoki vena ichiga yuborish) davomiyligi ikki kundan ortiq bo‘lmagan muddatni tashkil etishi kerak; zarurat bo‘lganida davolash diklofenakning tabletka shaklini yoki suppozitoriylarni qo‘llash bilan davom ettirilishi mumkin.
Mushak ichiga in'ektsiya qilish
Mushak ichiga in'ektsiya qilinganida yuborilgan joydagi nervlarni yoki boshqa to‘qimalarni shikastlashdan saqlanish maqsadida quyidagi ko‘rsatmalarga rioya qilish lozim.
Bir ampulani ichidagisini sutkada bir marta (og‘ir holatlarda sutkada ikki marta) dumbaning yuqorigi tashqi kvadrantiga mushak ichiga chuqur yuborish kerak. Preparatni sutkada ikki marta yuborish zarurati bo‘lganida ikkinchi in'ektsiyani boshqa dumbaga yuborish tavsiya etiladi. Muqobil variant bo‘lib Klodifenni (bir ampula, 75 mg diklofenak) diklofenakning boshqa dori shakllari (tabletkalar yoki suppozitoriylar) bilan majmuaviy qo‘llash xizmat qilishi mumkin; bunda diklofenakning maksimal sutkalik dozasi 150 mg dan oshmasligi kerak.
Buyrak sanchig‘i mushak ichiga bitta ampula (75 mg diklofenak) yuboriladi, zarurat bo‘lganida 30 minutdan keyin yana bitta ampulani qo‘shimcha yuborish mumkin; diklofenakning tavsiya etilgan maksimal sutkalik dozasi 150 mg ni tashkil etadi.
Vena ichiga infuziya qilish
Klodifenni vena ichiga bevosita infuziya qilishni boshlashdan avval 100-500 ml natriy xloridining (0,9% li) eritmasida yoki glyukoza (5% li) eritmasida suyultirish kerak; bufer sifatida har ikkala eritma natriy bikarbonati eritmasini (0,5 ml 8,4% li eritma yoki 1 ml 4,2% li eritma) saqlashi kerak.
Vena ichiga infuziyasi o‘tkazilganida tayyor eritmani suyultirilgandan so‘ng darhol yuborish kerak, uni saqlab qo‘yish mumkin emas.
Faqat tiniq tayyorlangan eritmani yuborish lozim. Kristallar yoki cho‘kma saqlangan infuziya uchun eritmani qo‘llash mumkin emas. Klodifen vena ichiga bolyus holida yuborish uchun mo‘ljallanmagan.
Ikkita muqobil davolash tartibi tavsiya etiladi
O‘rtacha yoki yaqqol ifodalangan operatsiyadan keyingi og‘riq sindromini davolashda vena ichiga (75 mg diklofenakni) infuziya qilish davomiyligi 30 minutdan 2 soatgacha bo‘lgan muddatni tashkil etishi kerak; vena ichiga takroran infuziya o‘tkazish zarurati bo‘lganida uni 4-6 soatdan keyin bajarish mumkin, bunda diklofenakning dozasi istalgan 24-soatlik vaqt oralig‘ida 150 mg dan oshmasligi lozim.
Operatsiyadan keyingi og‘riq sindromini oldini olishda jarrohlik aralashuvidan keyin vena ichiga infuziya qilish davomiyligi (25-50 mg diklofenakning yuklama dozasi) 15 minutdan 1 soatgacha bo‘lgan muddatni tashkil etishi kerak; natijada vena ichiga infuziya qilish tezligi diklofenakning maksimal 150 mg sutkalik dozasiga erishilgunicha soatiga taxminan 5 mg ni tashkil etishi kerak.
Patsiyentlarning maxsus guruhlari
Keksa yoshdagi patsiyentlar
Keksa yoshdagi patsiyentlarda diklofenakning farmakokinetikasi klinik jihatdan ahamiyatli o‘zgarmasligiga qaramay, bunday patsiyentlarda nosteroid yallig‘lanishga qarshi vositalar (NYaQV) ni juda ehtiyotkorlik bilan qo‘llash kerak, chunki ularda nojo‘ya reaktsiyalar yanada ko‘proq rivojlanadi. Xususan, zaiflashgan keksa yoshdagi patsiyentlarda yoki tana vazni past bo‘lgan keksa yoshdagi patsiyentlarda NYaQV ni minimal samarali dozalarda qo‘llash tavsiya etiladi, shuningdek me'da-ichak yo‘llaridan qon ketishlarini aniqlash maqsadida bunday patsiyentlarni monitoringini o‘tkazish kerak.
Yurak-qon tomir kasalliklari bo‘lgan va yurak-qon tomir asoratlari rivojlanishini ahamiyatli havf omillari bo‘lgan patsiyentlar
Tashxis qo‘yilgan dimlangan yurak yetishmovchiligi (Nyu-York kardiologlar assotsiatsiyasi (NYHA) tasnifi bo‘yicha II-IV sinflar), yurak ishemik kasalligi, periferik arteriyalarning kasalliklari va/yoki serebrovaskulyar kasalliklari bo‘lgan patsiyentlarda Klodifen preparatini qo‘llash mumkin emas.
Dimlangan yurak yetishmovchiligi (NYHA bo‘yicha I sinf) yoki yurak-qon tomir asoratlari rivojlanishini ahamiyatli havf omillari bo‘lgan patsiyentlarda Klodifen preparatini foyda/havf nisbati yaxshilab baholangandan keyingina qo‘llash lozim. Yurak-qon tomir asoratlarini rivojlanish havfi diklofenakning dozasini oshishi va davolash davomiyligi uzayishi bilan oshishi mumkinligi tufayli, preparatni minimal samarali dozada maksimal qisqa vaqt davomida qo‘llash kerak.
Buyrak funktsiyasini buzilishlari bo‘lgan patsiyentlar
Buyrak yetishmovchiligi bo‘lgan patsiyentlarda Klodifen preparatini qo‘llash mumkin emas.
Buyrak funktsiyasini buzilishlari bo‘lgan patsiyentlarda diklofenakni qo‘llash bo‘yicha tadqiqotlar o‘tkazilmagan, shuning uchun ushbu toifadagi patsiyentlarda preparatni dozalash bo‘yicha aniq tavsiyalar yo‘q. Klodifen buyrak funktsiyasini ahamiyatsiz yoki o‘rtacha ifodalangan buzilishlari bo‘lgan patsiyentlarda qo‘llanganida ehtiyotkorlikka rioya qilish tavsiya etiladi.
Jigar funktsiyasini buzilishlari bo‘lgan patsiyentlar
Jigar yetishmovchiligi bo‘lgan patsiyentlarda Klodifenni qo‘llash mumkin emas.
Jigar funktsiyasini buzilishlari bo‘lgan patsiyentlarda diklofenakni qo‘llash bo‘yicha tadqiqotlar o‘tkazilmagan, shuning uchun ushbu toifadagi patsiyentlarda preparatni dozalash bo‘yicha aniq tavsiyalar yo‘q. Klodifen jigar funktsiyasini ahamiyatsiz yoki o‘rtacha ifodalangan buzilishlari bo‘lgan patsiyentlarda qo‘llanganida ehtiyotkorlikka rioya qilish tavsiya etiladi.
Bolalar
Bolalarda Klodifen preparatini qo‘llash tavsiya etilmaydi.
Diklofenakning tavsiya etilgan maksimal dozasi 150 mg ni tashkil etadi.
Nojo‘ya ta'sirlari
Diklofenak qisqa muddat yoki uzoq muddat davomida qo‘llanganida kuzatilgan nojo‘ya reaktsiyalar quyida MedDRA bo‘yicha a'zolar tizimi - a'zolarga muvofiq ravishda sanab o‘tilgan. Nojo‘ya reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlarga asoslanib baholash mumkin emas).
Infektsion va parazitar kasalliklar uchrash tezligi noma'lum – in'ektsiya joyida nekroz.
Qon va limfa tizimlari tomonidan juda kam hollarda – trombotsitopeniya, leykopeniya, anemiya (shu jumladan gemolitik va aplastik anemiya), agranulotsitoz.
Immun tizimi tomonidan kam hollarda – o‘ta yuqori sezuvchanlik reaktsiyalari, anafilaktik va anafilaktoid reaktsiyalar (shu jumladan arterial gipotenziya va shok); juda kam hollarda – angionevrotik shish (shu jumladan yuzni shishi).
Ruhiyatni buzilishlari juda kam hollarda – dezoriyentatsiya, depressiya, uyqusizlik, tungi qo‘rquvlar, ta'sirchanlik, psixotik buzilishlar.
Nerv tizimi tomonidan tez-tez – bosh og‘rig‘i, bosh aylanishi; kam hollarda – uyquchanlik, toliqish; juda kam hollarda – paresteziya, xotirani buzilishi, tirishishlar, havotirlik, tremor, aseptik meningit, ta'mni buzilishi, bosh miyada qon aylanishini buzilishi; uchrash tezligi – ongni chalkashishi, gallyutsinatsiyalar, sezuvchanlikni buzilishi, lohaslik.
Ko‘rish a'zolari tomonidan juda kam hollarda – ko‘rishni buzilishi, ko‘rish o‘tkirligini buzilishi, diplopiya; uchrash tezligi noma'lum – ko‘ruv nervi nevriti.
Eshitish a'zolari tomonidan va labirint buzilishlari tez-tez – vertigo; juda kam hollarda – quloqlarda shovqin, eshitishni buzilishi.
Yurak tomonidan tez-tez emas (diklofenak yuqori dozalarda (sutkada 150 mg) uzoq muddat qo‘llanganida olingan ma'lumotlarga muvofiq) – miokard infarkti, yurak yetishmovchiligi, palpitatsiya, ko‘krakda og‘riq; uchrash tezligi – Kounis sindromi.
Qon-tomirlar tomonidan juda kam hollarda – arterial gipertenziya, arterial gipotenziya, vaskulit.
Nafas tizimi, ko‘krak qafasi va ko‘ks oralig‘i a'zolari tomonidan kam hollarda – bronxial astma (shu jumladan hansirash); juda kam hollarda – pnevmonit.
Me'da-ichak yo‘llari tomonidan tez-tez – ko‘ngil aynishi, qusish, diareya, dispepsiya, qorinda og‘riq, meteorizm, anoreksiya; kam hollarda – gastrit, me'da-ichak yo‘llari qon ketishi, qon aralash qusish, qon aralash diareya, melena, qon ketishi yoki perforatsiya bilan yoki usiz kechuvchi me'da yoki ichak yaralari (ba'zida o‘lim bilan yakunlangan, ayniqsa keksa yoshdagi patsiyentlarda); juda kam hollarda – kolit (shu jumladan gemorragik kolit va yarali kolitni zo‘rayishi yoki Kron kasalligi), qabziyat, stomatit (shu jumladan yarali stomatit), glossit, qizilo‘ngachni buzilishi, ichakni diafragma strikturasiga o‘xshash strikturalari, pankreatit; uchrash tezligi noma'lum – ishemik kolit.
Jigar va o‘t chiqarish yo‘llari tomonidan tez-tez – qon plazmasida transaminazalarning darajalarini oshishi; kam hollarda – gepatit, sariqlik, jigar funktsiyasini buzilishi; juda kam hollarda – fulminant gepatit, jigar sirrozi, jigar yetishmovchiligi.
Teri va teri osti to‘qimalari tomonidan tez-tez – toshmalar; kam hollarda – eshakemi; juda kam hollarda – bullyoz dermatit, ekzema, eritema, ko‘p shaklli eritema, Stivens-Djonson sindromi, toksik epidermal nekroliz (Layell sindromi), eksfoliativ dermatit, sochlarni to‘kilishi, yorug‘likka sezuvchanlik reaktsiyalari, purpura, allergik purpura, qichishish.
Buyraklar va siydik chiqarish yo‘llari tomonidan juda kam hollarda – o‘tkir buyrak yetishmovchiligi, gematuriya, proteinuriya, nefrotik sindrom, interstitsial nefrit, buyrak papillyar nekrozi.
Jinsiy a'zolar va sut bezlari tomonidan juda kam hollarda – impotentsiya.
Umumiy buzilishlar va yuborilgan joydagi buzilishlar tez-tez – in'ektsiya joyida reaktsiya, in'ektsiya joyida og‘riq, in'ektsiya joyini qattiqlashishi; kam hollarda – shish.
Ham klinik, ham epidemiologik tadqiqotlarning natijalari, diklofenak bilan davolanganda, dori vositasi ayniqsa yuqori dozalarda (sutkada 150 mg) va uzoq vaqt davomida ishlatilganida arterial trombozlarni (masalan, miokard infarkti yoki insult) rivojlanish havfini oshishidan dalolat beradi.
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar haqida xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ravishda xabar berishingizni so‘raymiz.
Qo‘llash mumkin bo‘lmagan holatlar
• Preparatning faol moddasiga, natriy metabisulfitga yoki yordamchi moddalaridan birortasiga o‘ta yuqori sezuvchanlik;
• o‘tkir me'da yoki ichak yarasi, me'da-ichak yo‘llaridan qon ketishi yoki perforatsiyasi;
• anamnezida ilgari NYaQV bilan davolash bilan bog‘liq bo‘lgan me'da-ichakdan qon ketishi yoki perforatsiyasi;
• o‘tkir peptik yara yoki me'da-ichakdan qon ketishi, anamnezida qaytalanuvchi yara yoki me'da-ichakdan qon ketishi (yara hosil bo‘lishi yoki qon ketishini ikki yoki undan ortiq isbotlangan epizodlari);
• homiladorlikning uchinchi uch oyligi;
• jigar yetishmovchiligi;
• buyrak yetishmovchiligi;
• tashxis qo‘yilgan dislangan yurak yetishmovchiligi (NYHA bo‘yicha II-IV sinflar), yurak ishemik kasalligi, periferik arteriyalarning kasalliklariva/yoki serebrovaskulyar kasalliklar;
• ibuprofenga, atsetilsalitsil kislotasiga (ASK) va boshqa NYaQV ga nisbatan bronxial astma, angionevrotik shish, eshakemi yoki o‘tkir rinit kabi o‘ta yuqori sezuvchanlik reaktsiyalarida preparatni qo‘llash mumkin emas.
Faqat vena ichiga yuborilganida
• NYaQV yoki antikoagulyantlar (shu jumladan geparinning kichik dozalarini) bir vaqtda qo‘llash;
• anamnezida gemorragik diatez yoki serebrovaskulyar qon ketishi (faol yoki ehtimol);
• qon ketishi havfini yuqori bo‘lishi bilan bog‘liq bo‘lgan jarrohlik aralashuvlari;
• anamnezida bronxial astma;
• buyrak funktsiyasini o‘rtacha yoki ahamiyatli darajada ifodalangan buzilishlari (qon zardobidagi kreatininning kontsentratsiyasi 160 mkmol/l dan ortiq);
• gipovolemiya yoki suvsizlanishda (rivojlanish sababidan qat'iy nazar) preparatni qo‘llash mumkin emas.
Dorilarning o‘zaro ta'siri
Quyidagi o‘zaro ta'sirlar, diklofenak ichakda eruvchan qobiq bilan qoplangan tabletkalar shaklida, va/yoki boshqa dori shakllarida qo‘llanilgandagi holatlarni o‘z ichiga oladi.
Litiy saqlovchi preparatlar
Diklofenak litiy saqlovchi preparatlar bilan birga qo‘llanganida qon plazmasida oxirgisining kontsentratsiyasi oshishi mumkin, shuning uchun shunday majmualar qo‘llanganida qon zardobidagi litiyning darajasini nazorat qilish tavsiya etiladi.
Digoksin
Diklofenak digoksin bilan birga qo‘llanganida qon plazmasida oxirgisining kontsentratsiyasi oshishi mumkin, shuning uchun shunday majmuada qo‘llanganida qon zardobidagi digoksinning darajasini nazorat qilish tavsiya etiladi.
Diuretiklar va antigipertenziv vositalar
Boshqa NYaQV kabi, diklofenak diuretiklar yoki antigipertenziv vositalar (masalan, β-adrenoblokatorlar va angiotenzinga aylantiruvchi ferment (AAF) ning ingibitorlari) bilan birga qo‘llanganida ularning gipotenziv ta'siri kamayishi mumkin, chunki u qon tomirlarni kengaytiruvchi hususiyatlarga ega bo‘lgan prostaglandinlar sintezini ingibitsiya qiladi.
Bunday majmualarni ehtiyotkorlik bilan qo‘llash kerak, bunda patsiyentlarda, ayniqsa keksa yoshdagi patsiyentlarda arterial qon bosimini vaqti-vaqti bilan nazorat qilish kerak. Majmuaviy davolash vaqtida patsiyentlar yetarli miqdorda suyuqlik qabul qilishlari kerak, bundan tashqari, davolash boshlanganidan so‘ng va davolash davomida vaqti-vaqti bilan patsiyentlarda, ayniqsa diuretiklar va AAF ingibitorlari ishlatilganida, buyraklar funktsiyasini monitoringini o‘tkazish tavsiya etiladi, bu holat nefrotoksik ta'sir qilish havfini oshishi bilan bog‘liq.
Qo‘llanganida giperkaliyemiya rivojlanadigan preparatlar
Kaliyni tejovchi diuretiklar, siklosporin, takrolimus yoki trimetoprim diklofenak bilan birga ishlatilganida qon zardobidagi kaliyning kontsentratsiyasi oshishi mumkin, shuning uchun shunday majmualar qo‘llanganida qon zardobidagi kaliyning darajasini muntazam ravishda nazorat qilish kerak.
Antikoagulyantlar va antiagregantlar
Diklofenak antikoagulyantlar yoki antiagregantlar bilan bir vaqtda qo‘llanganida ehtiyotkorlikka rioya qilish tavsiya etiladi, chunki shunday majmualar qo‘llanganida qon ketishini rivojlanish havfi oshishi mumkin. Klinik tadqiqotlarda, antikoagulyant vositalarning ta'siriga diklofenakni ta'siridan dalolat beruvchi ma'lumotlar yo‘qligiga qaramay, diklofenak antikoagulyantlar bilan bilan majmuada qabul qilayotgan patsiyentlarda qon ketishini rivojlanish havfini oshishi xaqida xabarlar mavjud. Shuning uchun antikoagulyantlarning dozasiga tuzatish kiritish zarurati masalasini hal qilish maqsadida bunday patsiyentlarni sinchkov kuzatuvini ta'minlash kerak. Boshqa NYaQV kabi, diklofenak yuqori dozalarda qo‘llanganida trombotsitlar agregatsiyasini qaytar ingibitsiya qilishi mumkin.
Boshqa NYaQV, jumladan SOG-2 ning selektiv ingibitorlari, va GKS
Diklofenak boshqa tizimli NYaQV yoki GKS bilan majmuada qo‘llanganida me'da-ichak yo‘llaridan qon ketishi havfi va me'da-ichak yaralarini rivojlanish havfi oshishi mumkin. Ikki va undan ortiq NYaQV ni bir vaqtda qo‘llash mumkin emas.
Serotoninni qayta qamrab olinishini selektiv ingibitorlari (SQOSI)
Diklofenak SQOSI bilan majmuada qo‘llanganida me'da-ichak yo‘llaridan qon ketishini rivojlanish havfi oshishi mumkin.
Gipoglikemik vositalar
Klinik tadqiqotlarning ma'lumotlar, diklofenak peroral gipoglikemik vositalar bilan birga qo‘llanganida ularning klinik samaradorligiga ta'sir qilmasligidan dalolat beradi. Biroq diklofenak va gipoglikemik vositalar majmuada qo‘llanganida, gipoglikemik vositalarning dozalariga tuzatish kiritish zarurati tug‘ilganida ham gipoglikemiya, ham giperglikemiyani rivojlanganligi xaqida yagona xabarlar mavjud. Shu sababli shunday majmualar ishlatilganida ehtiyotkorlik chorasi sifatida patsiyentlarda qon plazmasidagi glyukozaning kontsentratsiyasini nazorat qilish tavsiya etiladi.
Metotreksat
Diklofenak birga qo‘llanganida, metotreksatning buyrak klirensini pasaytirishi mumkin, bunda metotreksatning qon plazmasidagi kontsentratsiyasi oshadi. NYaQV, shu jumladan dilofenak metotreksatni qo‘llashdan 24 soatdan kamroq muddat avval qo‘llanganida ehtiyotkorlikka rioya qilish tavsiya etiladi, chunki bunda metotreksatning qon plazmasidagi kontsentratsiyasi oshishi mumkin, natijada uning toksik ta'siri kuchayadi. Metotreksat va NYaQV, shu jumladan diklofenak bir vaqtda ishlatilganida (dori vositalarni qabul qilishlar o‘rtasidagi oraliq 24 soatdan kamroq muddatni tashkil etgan), patsiyentlarda og‘ir darajadagi nojo‘ya reaktsiyalarni rivojlanish holatlari xaqida xabarlar mavjud, bu NYaQV bilan davolanish fonida metotreksatni buyraklar orqali chiqarilishini buzilishi oqibatida uni organizmda to‘planishi bilan bog‘liq bo‘lgan.
Siklosporin
Diklofenak, boshqa NYaQV kabi, siklosporin bilan birga qo‘llanganida buyraklarda prostaglandinlar sinteziga ta'sir qilishi oqibatida siklosporinning nefrotoksik ta'siri kuchayishi mumkin. Shuning uchun siklosporin va diklofenak bilan bir vaqtda davolanayotgan patsiyentlarda, diklofenakni, siklosporin bilan davolanmayotgan patsiyentlarga nisbatan kichikroq dozalarda qo‘llash kerak.
Takrolimus
NYaQV takrolimus bilan majmuada qo‘llanganida potentsial nefrotoksik ta'sir qilish havfi oshadi, bu holat ehtimol buyraklarda prostaglandinlar sinteziga ham NYaQV, ham kaltsinevrinning ingibitorini salbiy ta'siri bilan ifodalangan bo‘lishi mumkin.
Xinolon qatori antibakterial vositalar
NYaQV xinolon qatori antibakterial vositalar bilan birga qo‘llanganida anamnezida tutqanoq kasalligi yoki tirishish sindromi bo‘lgan yoki bo‘lmagan patsiyentlarda tirishishlar rivojlanishi mumkin. Shuning uchun NYaQV bilan davolanayotgan patsiyentlarda xinolon qatori antibakterial vositalarni ehtiyotkorlik bilan qo‘llash lozim.
Fenitoin
Diklofenak fenitoin bilan birga qo‘llanganida qon plazmasida fenitoinning kontsentratsiyasi oshishi mumkin, shuning uchun bunday majmuada qo‘llanganida qon plazmasidagi fenitoinning darajasini nazorat qilish tavsiya etiladi.
Kolestipol va kolestiramin
Kolestipol va kolestiramin diklofenakni so‘rilish tezligi yoki darajasini pasaytirishi mumkin, shuning uchun diklofenakni, kolestipol/kolestiraminni qo‘llashdan kamida 1 soat avval yoki 4-6 soatdan keyin qo‘llash tavsiya etiladi.
Yurak glikozidlari
NYaQV va yurak glikozidlarini bir vaqtda qabul qilayotgan patsiyentlarda, yurak yetishmovchiligi kuchayishi mumkin, kalavalar filtratsiyasi tezligi pasayishi va yurak glikozidlarining qon plazmasidagi kontsentratsiyasi oshishi mumkin.
Mifepriston
NYaQV ni mifepriston qabul qilinganidan so‘ng 8-12 kun davomida qo‘llash mumkin emas, chunki ular mifepristonning samaradorligini pasaytirishi mumkin.
CYP2C9 ning kuchli ingibitorlari
CYP2C9 ning kuchli ingibitorlari (vorikonazol kabi) bilan birga qo‘llanganida diklofenakning metabolizm tezligi pasayishi oqibatida uning qon plazmasidagi kontsentratsiyasi ahamiyatli darajada oshishi mumkin, shuning uchun bunday majmualar qo‘llanganida ehtiyotkorlikka rioya qilish tavsiya etiladi.
Maxsus ko‘rsatmalar
Umumiy ko‘rsatmalar
Klodifen preparati, simptomlarni nazorat qilish uchun kerak bo‘ladigan minimal samarali dozada maksimal qisqa vaqt davomida, qo‘llanganida nojo‘ya reaktsiyalarni rivojlanish havfini minimal darajaga yetkazish mumkin.
Sinergik terapevtik ta'siri yuzasidan dalillar yo‘qligi va additiv nojo‘ya reaktsiyalarni rivojlanish havfi tufayli, Klodifen preparatini tizimli NYaQV, shu jumladan SOG-2 ning selektiv ingibitorlari bilan bir vaqtda qo‘llash mumkin emas.
Klodifen preparati keksa yoshdagi patsiyentlarda qo‘llanganida, umumiy tibbiy sabablarga asoslanib, ehtiyotkorlikka rioya qilish kerak. Xususan, zaiflashgan keksa yoshdagi patsiyentlarda yoki tana vazni kichik bo‘lgan keksa yoshdagi patsiyentlarda preparatni minimal samarali dozada qo‘llash tavsiya etiladi.
Boshqa NYaQV qo‘llanganida bo‘lgani kabi, diklofenak ham qo‘llanganida allergik reaktsiyalar, shu jumladan anafilaktik/anafilaktoid reaktsiyalar rivojlanishi mumkin. Ular dori vositasi hatto birinchi marta qo‘llanganida yuzaga kelishi mumkin. O‘ta yuqori sezuvchanlik reaktsiyalari zo‘rayganida miokard infarktiga olib kelishi mumkin bo‘lgan og‘ir allergik reaktsiya, Kounis sindromi rivojlanishi mumkin. Bunday reaktsiyalarni simptomlariga, rivojlanishi diklofenakka nisbatan allergik reaktsiya bilan bog‘liq bo‘lgan ko‘krak qafasida og‘riq, kirishi mumkin.
Boshqa NYaQV kabi, diklofenak infektsion kasalliklarning belgilari va simptomlarini yashirishi mumkin, bu uning farmakodinamik hususiyatlari bilan ifodalanadi.
Preparat yuborilgan joyda mushakni zaifligi, mushaklarni falaji, gipesteziya va to‘qimalar nekrozidan iborat bo‘lishi mumkin bo‘lgan nojo‘ya reaktsiyalarni yuzaga kelishidan saqlanish maqsadida preparatni m/i in'ektsiya qilish bo‘yicha muvofiq ko‘rsatmalarga qat'iy amal qilish kerak.
MIY tomonidan reaktsiyalar
Me'da-ichak yo‘llaridan qon ketishi (qon aralash qusish, melena), yaralarni hosil bo‘lishi va perforatsiyani rivojlanish holatlari, ba'zida o‘lim bilan yakunlanishi, oldindan darak beruvchi simptomlarni borligidan yoki anamnezida MIY tomonidan og‘ir kasalliklarni bo‘lishidan qat'iy nazar NYaQV guruhi dori vositalari, shu jumladan diklofenak bilan davolashning turli bosqichlarida kuzatilgan. Bunda, odatda yanada og‘ir asoratlar keksa yoshdagi patsiyentlar uchun xos. Agar Klodifen qo‘llanganida patsiyentda me'da-ichak yo‘llaridan qon ketishi yoki me'da-ichak yarasi rivojlansa, preparatni qo‘llashni bekor qilish kerak.
NYaQV, shu jumladan diklofenak qo‘llanganida, MIY tomonidan buzilishlari borligidan dalolat beruvchi simptomlari, yoki anamnezida me'da yoki ichak yarasi, me'da-ichak yo‘llaridan qon ketishi yoki perforatsiyasi bo‘lgan patsiyentlarda alohida ehtiyotkorlikka rioya qilish kerak, shuningdek bunday patsiyentlarni sinchkov tibbiy kuzatuvini ta'minlash kerak. NYaQV, shu jumladan diklofenak qo‘llanganida, me'da-ichak yo‘llaridan qon ketishi, me'da-ichak yaralari yoki perforatsiyani rivojlanish havfi ularning dozasi oshishi bilan ko‘payadi. U shuningdek anamnezida me'da-ichak yarasi bo‘lgan, ayniqsa qon ketishi yoki perforatsiya bilan asoratlangan patsiyentlarda oshgan bo‘ladi.
Keksa yoshdagi patsiyentlarda NYaQV qo‘llash bilan bog‘liq bo‘lgan nojo‘ya reaktsiyalarni uchrash tezligi, ayniqsa o‘lim bilan yakunlanishi mumkin bo‘lgan me'da-ichakdan qon ketishi va perforatsiyani uchrash tezligi oshadi.
Anamnezida me'da-ichak yarasi bo‘lgan, ayniqsa qon ketishi yoki perforatsiya bilan asoratlangan patsiyentlarda, shuningdek keksa yoshdagi patsiyentlarda MIY tomonidan kuzatiladigan nojo‘ya reaktsiyalarni rivojlanish tezligini kamaytirish maqsadida boshlang‘ich va samarani bir maromda ushlab turuvchi davolashni Klodifenning minimal samarali dozasini qo‘llash bilan o‘tkazish kerak.
Bunday patsiyentlarda, shuningdek ASK kichik dozalarda yoki MIY tomonidan nojo‘ya reaktsiyalarni rivojlanish havfini oshiradigan boshqa dori vositalarni qabul qilayotgan patsiyentlarda gastroprotektor davolash (masalan, mizoprostol yoki proton pompasi ingibitorlari (PPI)) masalasini ko‘rib chiqish kerak.
Klodifen qo‘llanganida patsiyentlar, ayniqsa anamnezida MIY tomonidan nojo‘ya reaktsiyalari mavjud bo‘lgan keksa yoshdagi patsiyentlar, shifokorga har qanday g‘ayrioddiy abdominal simptomlar (xususan, me'da-ichak yo‘llaridan qon ketishlari) xaqida shifokorga xabar berishlari kerak.
Klodifen preparati, me'da-ichak yaralarini hosil bo‘lishi yoki qon ketishlarini rivojlanish havfini oshirishi mumkin bo‘lgan, tizimli glyukokortikosteroidlar (GKS), antikoagulyantlar, masalan, varfarin, serotoninni qayta qamrab olinishini selektiv ingibitorlari (SQOSI) yoki antiagregantlar, masalan ASK kabi dori vositalarni bir vaqtda qabul qilayotgan patsiyentlarda qo‘llanganida ehtiyotkorlikka rioya qilish kerak.
Yarali kolit yoki Kron kasalligi bilan xastalangan patsiyentlarda Klodifen preparatini ehtiyotkorlik bilan qo‘llash kerak, shuningdek bunday patsiyentlarni sinchkov tibbiy kuzatuvini ta'minlash kerak, chunki dori preparati yuqorida ko‘rsatilgan kasalliklarni zo‘rayishini chaqirishi mumkin.
NYaQV, jumladan diklofenakni qo‘llash me'da-ichak anastomozi holatini buzilish havfini oshishi bilan bog‘liq bo‘lishi mumkin. Patsiyentlarda MIY a'zolarida jarrohlik aralashuvlari o‘tkazilganidan so‘ng Klodifen preparatini ehtiyotkorlik bilan qo‘llash kerak, bunda ularni sinchkovlik bilan kuzatish lozim.
Jigar tomonidan reaktsiyalar
Klodifen qo‘llanganida jigar funktsiyasini buzilishlari bo‘lgan patsiyentlarni sinchkov tibbiy kuzatuvini ta'minlash lozim, chunki ularning ahvoli yomonlashishi mumkin.
Boshqa NYaQV qo‘llanganida bo‘lgani kabi, diklofenak ishlatilganida ham qon plazmasida bir yoki bir qancha jigar fermentlarining darajasi oshishi mumkin. Diklofenak bilan uzoq muddat davolanganda ehtiyotkorlik chorasi sifatida jigar funktsiyasini muntazam monitoringini o‘tkazish kerak.
Agar Klodifen bilan davolanganda jigarning funktsional ko‘rsatkichlari tomonidan buzilishlar doimiy xarakterga ega bo‘lsa yoki yomonlashsa, jigar funktsiyasini buzilishlaridan dalolat beruvchi klinik simptomlar yoki belgilar rivojlansa, yoki boshqa ko‘rinishlar (eozinofiliya, toshma) yuzaga kelsa, preparatni qo‘llashni to‘xtatish lozim.
Diklofenak qo‘llanganida gepatit, shu jumladan prodromal simptomlarsiz kechuvchi gepatit rivojlanishi mumkin.
Jigar porfiriyasi bo‘lgan patsiyentlarda diklofenakni ehtiyotkorlik bilan qo‘llash lozim, chunki u yuqorida ko‘rsatilgan kasalliklarni zo‘raytirishi mumkin.
Buyraklar tomonidan reaktsiyalar
NYaQV, shu jumladan diklofenak bilan davolanganda, organizmda suyuqlikni ushlanib qolishi va shishlarni rivojlanishi xaqida xabarlar mavjud. Shuning uchun Klodifen yurak yoki buyrak funktsiyasini buzilishlari, anamnezida arterial gipertenziyasi bo‘lgan patsiyentlarda, keksa yoshdagi patsiyentlarda, diuretiklar yoki buyrak funktsiyasiga ahamiyatli darajada ta'sir qilishi mumkin bo‘lgan boshqa dori vositalari bilan davolanayotgan patsiyentlarda, shuningdek sababidan qat'iy nazar hujayradan tashqari suyuqlik hajmi past bo‘lgan patsiyentlarda, masalan, jarrohlik aralashuvidan oldin va keyin qo‘llanganida alohida ehtiyotkorlikka rioya qilish kerak. Klodifen bilan davolanganda bunday patsiyentlarda ehtiyotkorlik chorasi sifatida buyrak funktsiyasini nazorat qilish tavsiya etiladi; odatda yuqorida ko‘rsatilgan o‘zgarishlar qaytuvchan xarakterga ega va davolash to‘xtatilganidan so‘ng kuzatilmaydi.
Teridagi reaktsiyalar
Juda kam holatlarda, NYaQV, shu jumladan diklofenak qo‘llanganida, patsiyentlarda eksfoliativ dermatit, Stivens-Djonson sindromi va toksik epidermal nekroliz kabi terida kuzatiladigan og‘ir reaktsiyalar, shu jumladan o‘lim bilan yakunlangan holatlar kuzatilgan. Bunday reaktsiyalarni eng yuqori rivojlanish havfi davolashning boshlang‘ich bosqichi uchun xarakterli – ular asosan NYaQV bilan davolashning dastlabki oyida qayd etilgan. Teri toshmalari, shilliq qavatlarni shikastlanish belgilari yoki o‘ta yuqori sezuvchanlik reaktsiyalari bilan bog‘liq bo‘lgan boshqa simptomlar birinchi marta paydo bo‘lganida Klodifen bilan davolashni to‘xtatish kerak.
Tizimli qizil yugurik va biriktiruvchi to‘qimalarni aralash kasalliklari
Tizimli qizil yugurik yoki biriktiruvchi to‘qimalarni aralash kasalliklari bo‘lgan patsiyentlarda diklofenak ishlatilganida aseptik meningitni rivojlanish havfi oshishi mumkin.
Yurak-qon tomir va serebrovaskulyar samaralari
Dimlangan yurak yetishmovchiligi (NYHA bo‘yicha I sinf) yoki yurak-qon tomir asoratlarini ahamiyatli darajadagi rivojlanish havf omillari (masalan, arterial gipertenziya, giperlipidemiya, qandli diabet, chekish) bo‘lgan patsiyentlar Klodifen preparatini foyda/ havf nisbati yaxshilab baholangandan keyingina qo‘llash lozim.
Diklofenakning dozasi oshishi va davolash davomiyligi uzayishi bilan yurak-qon tomir asoratlarini rivojlanish havfi oshishi mumkinligi tufayli, preparatni minimal samarali dozada maksimal qisqa vaqt davomida qo‘llash kerak. Diklofenak bilan simptomatik davolash zaruriyatini va davolashga nisbatan patsiyentning javob reaktsiyasini vaqti-vaqti bilan baholash tavsiya etiladi.
NYaQV, shu jumladan diklofenakni qo‘llash organizmda suyuqlikni ushlanib qolishi va shishlarni rivojlanishi bilan bog‘liq bo‘lganligi tufayli, Klodifen qo‘llanganida dimlangan yurak yetishmovchiligi (NYHA bo‘yicha I sinf) bo‘lgan patsiyentlarda, shuningdek anamnezida arterial gipertenziyasi bo‘lgan patsiyentlarda muvofiq monitoringni o‘tkazish va kerakli tavsiyalarni berish kerak.
Ham klinik, ham epidemiologik tadqiqotlarning natijalari, diklofenak bilan davolanganda, ayniqsa dori vositasi yuqori dozalarda (sutkada 150 mg) va uzoq vaqt davomida qo‘llanganida arterial trombozlarni (masalan, miokard infarkti yoki insult) rvojlanish havfini oshishidan dalolat beradi.
Patsiyentlar, to‘satdan rivojlanishi mumkin bo‘lgan og‘ir darajadagi arterial trombozlarning belgilari va simptomlari (masalan, ko‘krakda og‘riq, hansirash, holsizlik, nutqni buzilishi) ni rivojlanishiga nisbatan e'tiborli bo‘lishlari lozim. Shunday simptomlar rivojlanganida zudlik bilan shifokorga murojaat qilish kerak.
Gematologik samaralari
Diklofenak bilan uzoq muddat davolanganda, boshqa NYaQV bilan bo‘lgani kabi, patsiyentlarda qon tahlilini nazorat qilish tavsiya etiladi.
Diklofenak trombotsitlar agregatsiyasini qaytar ingibitsiya qilishi mumkin. Klodifen bilan davolanganda gemostaz tizimida buzilishlari, gemorragik diatezi va boshqa gematologik buzilishlari bo‘lgan patsiyentlarni sinchkov monitoringini o‘tkazish kerak.
Erta tashxis qo‘yilgan bronxial astma
Bronxial astma, mavsumiy allergik rinit, burunning shilliq qavati shishi (ya'ni burun poliplari), o‘pkalarning surunkali obstruktiv kasalliklari va nafas yo‘llarining surunkali infektsiyalari (ayniqsa allergik rinitning simptomlari bilan o‘xshash simptomlarni rivojlanishi bilan kechganida) bo‘lgan patsiyentlarda NYaQV ga nisbatan bronxial astmani zo‘rayishi (analgetiklarni o‘zlashtirolmaslik/ analgetiklarni qabul qilish oqibatida chaqirilgan bronxial astma deb nomlangan), Kvinke shishi yoki eshakemi kabi o‘ta yuqori sezuvchanlik reaktsiyalari boshqa patsiyentlarga nisbatan ko‘proq rivojlanadi. Shu sababli Klodifen bunday patsiyentlarda qo‘llanganida maxsus ehtiyotkorlik choralari (shoshilinch tibbiy yordam ko‘rsatishni talab etuvchi vaziyatlar yuzaga kelishiga tayyor bo‘lish) rioya qilish tavsiya etiladi, bu holat shuningdek boshqa moddalarga nisbatan o‘ta yuqori sezuvchanlik reaktsiyalari (masalan, teridagi reaktsiyalar, qichishish yoki eshakemi) bo‘lgan patsiyentlarga ham taalluqli bo‘ladi.
Prostaglandinsintetazaning faolligini ingibitsiya qiladigan boshqa preparatlar qo‘llanganida bo‘lgani kabi, bronxial astma bilan, shu jumladan anamnezida bronxial astma bilan xastalangan patsiyentlarda diklofenak va boshqa NYaQV qo‘llanganida bronxospazm rivojlanishi mumkin.
Ayollardagi fertillik
Diklofenak fertillikka salbiy ta'sir ko‘rsatishi mumkin, shuning uchun homiladorlikni rejalashtirayotgan ayollarga Klodifen preparatini qo‘llash tavsiya etilmaydi. Homilador bo‘la olmayotgan yoki bepushtlik yuzasidan tekshirilayotgan ayollarda preparatni qo‘llashni to‘xtatish masalasini ko‘rib chiqish kerak.
Nomutanosiblik
Preparat m/i yuborilganida yoki v/i infuziya qilinganida uni in'ektsiya uchun boshqa eritmalar bilan aralashtirish mumkin emas.
Yordamchi moddalar
Klodifen bir ampulada (3 ml) 120 mg benzil spirti saqlaydi, bu 40 mg/ml ga to‘g‘ri keladi, va u allergik reaktsiyalarni chaqirishi mumkin; ayollarda homiladorlik yoki emizish davrida va jigar hamda buyrak kasalliklari bo‘lgan patsiyentlarda ham uni kumulyatsiya bo‘lish havfi va nojo‘ya reaktsiyalarni (metabolik atsidoz) rivojlanish havfi mavjud.
Klodifen kam hollarda og‘ir darajadagi o‘ta yuqori sezuvchanlik reaktsiyalari va bronxospazmni chaqirishi mumkin bo‘lgan natriy metabisulfit saqlaydi.
Klodifen bir ampulada (3 ml) 600 mg propilenglikol saqlaydi, bu 200 mg/ml ga to‘g‘ri keladi.
Klodifen bir ampulada (3 ml) 1 mmol (23 mg) dan kamroq natriy saqlaydi, ya'ni deyarli “natriy saqlamaydi”.
Fertillik, homiladorlikda va laktatsiya davrida qo‘llanishi
Homiladorlik
Prostaglandinlar sintezini ingibitsiyasi homiladorlikka va/yoki embrion/homilani rivojlanishiga salbiy ta'sir qilishi mumkin. Epidemiologik tadqiqotlarning ma'lumotlari, prostaglandinlar sintezi ingibitorlarini homiladorlikning erta muddatlarida qo‘llanishi homila tashlash havfini, yurak nuqsonlari va gastroshizisni rivojlanish havfini oshishi bilan bog‘liq bo‘lishidan dalolat beradi. Yurak-qon tomir tizimining tug‘ma nuqsonlarini mutloq rivojlanish havfi kamida 1% dan taxminan 1,5% gacha oshgan; rivojlanish havfi preparatning dozasini oshishi va davolash davomiyligini uzayishi bilan oshadi deb taxmin qilinadi.
Hayvonlarda o‘tkazilgan tadqiqotlarda, prostaglandinlar sintezi ingibitorlari qo‘llanganida pre- hamda postimplantatsion davrlarda embriofetal o‘limni oshishi aniqlangan. Bundan tashqari, prostaglandinlar sintezi ingibitorlari hayvonlarga gestatsiya davrida (homilani organogenez davrida) yuborilganida turli xil rivojlanish nuqsonlarini, shu jumladan yurak-qon tomir tizimi nuqsonlarini rivojlanish tezligini oshishi kuzatilgan.
Homiladorlikni rejalashtirayotgan ayollarda, shuningdek homiladorlikning birinchi va ikkinchi uch oyliklarida preparatni minimal dozalarda maksimal qisqa vaqt davomida qo‘llash lozim.
Prostaglandinlar sintezini barcha ingibitorlari homiladorlikning uchinchi uch oyligida qo‘llanganida quyidagilarni salbiy ta'sir qilishi mumki
• homilaga – yurak-o‘pka toksikligi (arterial qon oqimini muddatidan oldin yopilishi va o‘pka gipertenziyasini rivojlanishi); buyrak funktsiyasini buzilishlari, ba'zida buyrak yetishmovchiligi va oligogidroamnionni rivojlanishi bilan kechadi;
• onaga va homilaga (homiladorlikni yakunida) – qon ketishi vaqti uzayishi mumkin (antiagregant samarasi hatto juda kichik dozalarda qo‘llanganida ham namoyon bo‘lishi mumkin); bachadonni qisqarishini susayishi, bu holat tug‘ruq davomiyligini kechikishi va uzayishiga olib kelishi mumkin.
Homiladorlikning uchinchi uch oyligida Klodifenni qo‘llash mumkin emas.
Laktatsiya davri
Boshqa NYaQV kabi, diklofenak ko‘krak sutiga ahamiyatsiz miqdorlarda o‘tadi, shuning uchun Klodifen preparatini, bolada nojo‘ya reaktsiyalar rivojlanishidan saqlanish maqsadida, ayollarda emizish davrida qo‘llash mumkin emas.
Fertillik
Diklofenak, boshqa NYaQV kabi, fertillikka salbiy ta'sir ko‘rsatishi mumkin, shuning uchun homiladorlikni rejalashtirayotgan ayollarda Klodifenni qo‘llash tavsiya etilmaydi. Homilador bo‘la olmayotgan yoki bepushtlik yuzasidan tekshiruvdan o‘tayotgan ayollarda, preparatni qo‘llashni to‘xtatish masalasini ko‘rib chiqish kerak.
Avtotransportni haydash va mexanizmlarni boshqarish qobiliyatiga ta'siri
NYaQV qo‘llanganida ko‘rishni buzilishi, bosh aylanishi, vertigo, uyquchanlik, mudroq tutish, toliqish kabi nojo‘ya reaktsiyalar va markaziy nerv tizimi tomonidan boshqa buzilishlar rivojlangan patsiyentlar avtotransportni haydash va mexanizmlarni boshqarishdan saqlanishlari kerak.
Dozani oshirib yuborilishi
Simptomlari. Diklofenakning dozasini oshirib yuborilishi o‘ziga xos klinik manzaraga ega emas. Dozasi oshirib yuborilganida bosh og‘rig‘i, ko‘ngil aynishi, qusish, epigastriyda og‘riq, me'da-ichakdan qon ketishi, diareya, bosh aylanishi, dezoriyentatsiya, qo‘zg‘aluvchanlik, koma, uyquchanlik, quloqlarda shovqin, xushdan ketish yoki tirishishlar kabi simptomlar rivojlanishi mumkin. Og‘ir holatlarda o‘tkir buyrak yetishmovchiligi va jigarni shikastlanishi rivojlanishi mumkin.
Davolash. Zarurat bo‘lganida simptomatik davolash o‘tkazish kerak. Dori vositasi potentsial toksik miqdorlarda peroral qabul qilinganidan so‘ng bir soat davomida faollashtirilgan ko‘mirni qo‘llash mumkin, kattalarda muqobil chora sifatida me'dani yuvishni ko‘rib chiqish mumkin. Tez-tez yoki uzoq muddat davom etuvchi tirishishlarda diazepamni (vena ichiga yuborish) qo‘llash kerak. Patsiyentning ahvoliga qarab boshqa davolash turlaridan foydalanish zarurati tug‘ilishi mumkin.
Chiqarilish shakli
In'ektsiya uchun eritma 3 ml dan sariq rangli shisha ampulalarda. 5 ampula kontur uyali o‘ramlarda. 1 kontur uyali o‘ram tibbiyotda qo‘llanilishiga doir yo‘riqnomasi bilan birga karton qutiga joylangan.
Saqlash sharoiti
25°C dan yuqori bo‘lmagan xaroratda saqlansin.
Bolalar ololmaydigan joyda saqlansin!
Yaroqlilik muddati
Ishlab chiqarilgan
sanadan boshlab 3 yil.
Yaroqlilik muddati
tugaganidan so‘ng qo‘llanilmasin.
Dorixonalardan berish tartibi
Retsept bo‘yicha.
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.