Preparatning savdo nomi
Loksidol
Ta'sir etuvchi modda (XPN) Meloksikam

Dori shakli
Tabletkalar

Tarkibi

Har bir tabletka quyidagilarni saqlaydi
faol modda 7,5 mg yoki 15 mg meloksikam;
yordamchi moddalar mikrokristall sellyuloza, natriy sitrati, laktoza monogidrati, krospovidon, povidon K30, suvsiz kolloid kremniy dioksidi, magniy stearati.
Ta'rifi
Loksidol 7,5 mg dumaloq, ikki tomonlama qavariq och sariq rangli tabletkalar.
Loksidol 15 mg dumaloq, yassi, bir tomonida “LOX 15” gravirovkasi bo‘lgan och sariq rangli tabletkalar.

Farmakoterapevtik guruhi
Nosteroid yallig‘lanishga qarshi va revmatizmga qarshi vositalar. Oksikamlar.
ATX kodi M01AC06


Farmakologik xususiyatlari

Meloksikam enolon kislotasining hosilasidir va nosteroid yallig‘lanishga qarshi vositalar (NYaQV) guruhiga kiradi, yaqqol yallig‘lanishga qarshi, og‘riq qoldiruvchi va isitma tushiruvchi ta'sir ko‘rsatadi. Yallig‘lanishga qarshi yuqori faollikni yallig‘lanishning barcha standart modellarida namoyon qiladi. Ta'sir mexanizmi SOG-2 ni selektiv ingibitsiya qilishi hisobiga prostaglandinlar (yallig‘lanish mediatorlari) biosintezini ingibitsiya qilishi hususiyati bilan ifodalanadi, bu yanada havfsiz ta'sir mexanizmini ta'minlaydi. NYaQVning terapevtik samarasi SOG-2 sintezini ingibitsiya bo‘lishi bilan bog‘liq, ayni vaqtda SOG-1 ni ingibitsiya bo‘lishi me'da va buyrak tomonidan nojo‘ya samaralarni rivojlanishiga olib keladi.
Meloksikam tomonidan SOG-2 ni ingibitsiya selektivligi ham in vitro, ham in vivo sharoitlarida tasdiqlangan. Meloksikam ex vivo sharoitlarda tavsiya etilgan dozalarda qo‘llanganida trombotsitlar agregatsiyasini ahamiyatli darajada ingibitsiya qiladigan va qon ketish vaqtida uzaytiradigan indometatsin, diklofenak, ibuprofen va naproksendan farqli ravishda, trombotsitlar agregatsiyasiga va qon ketishi vaqtiga ta'sir qilmaydi.

Farmakokinetikasi

Meloksikam me'da-ichak yo‘llaridan (MIY) yaxshi so‘riladi, bu uning mutloq biokiraolishligi yuqori (89%) ekanligidan dalolat beradi.
Preparat tatletka holida bir marta qabul qilinganida plazmada o‘rtacha maksimal kontsentratsiyasiga 5-6 soat davomida erishiladi.
Meloksikam plazma oqsillari bilan, ayniqsa albumin bilan (99%) juda yaxshi bog‘lanadi.
Sinovial suyuqlikka o‘tadi, sinovial suyuqlikdagi kontsentratsiyasi plazmadagi kontsentratsiyasining taxminan 50% ni tashkil etadi. Taqsimlanish hajmi past, o‘rtacha 11 litr.
Meloksikam jigarda deyarli butunlay metabolizmga uchrab, farmakologik jihatdan to‘rtta nofaol hosilalarni hosil qiladi. Asosiy metaboliti, 5’-karboksimeloksikam (qabul qilingan dozaning 60%) oraliq metabolitini oksidlanishi orqali hosil bo‘ladi, 5’-gidroksimetilmeloksikam ham ekskretsiya bo‘ladi, ammo kamroq darajada (qabul qilingan dozaning 9%) ekskretsiya bo‘ladi.
Meloksikam axlat hamda siydik bilan teng darajada, asosan metabolitlar ko‘rinishida chiqariladi. Sutkalik dozaning 5% dan kamroq qismi axlat bilan o‘zgarmagan holda chiqariladi, preparat siydikda o‘zgarmagan holda faqat juda kam miqdorlarda aniqlanadi.
Meloksikamning o‘rtacha yarim chiqarilish davri 20 soatni tashkil etadi. Plazma klirensi minutiga o‘rtacha 8 ml ni tashkil etadi.
Keksa yoshdagi patsiyentlarda plazma klirensi biroz pastroq bo‘ladi.


Qo‘llanilishi

• osteoartrozning simptomlarini yengillashtirish uchun;
• revmatoid artrit va ankilozlovchi spondiloartritning simptomlarini yengillashtirish uchun qo‘llanadi.


Qo‘llash usuli va dozalari

Preparatning umumiy sutkalik dozasi ovqatlanish vaqtida suv yoki boshqa suyuqlik bilan bir marta qabul qilinadi. Preparat qo‘llanganida kuzatilishi mumkin bo‘lgan noxush samaralarni Loksidolning kichik dozalarini qo‘llash orqali kamaytirish mumkin.
Osteoartrozni zo‘rayishi kuniga 7,5 mg meloksikam buyuriladi. Zarurat bo‘lganida meloksikamning dozasini kuniga 15 mg gacha oshirish mumkin.
Revmatoid artrit va ankilozlovchi spondiloartrit kuniga 15 mg meloksikam buyuriladi. Klinik javob reaktsiyasiga qarab meloksikamning dozasini kuniga 7,5 mg gacha kamaytirish mumkin.
Keksa yoshdagi patsiyentlarni uzoq muddat davolashda kuniga 7,5 mg meloksikam buyurish kerak.
Nojo‘ya reaktsiyalarni rivojlanish havfi yuqori bo‘lgan patsiyentlarni davolashni kuniga 7,5 mg doza bilan boshlash kerak.
Buyrak yetishmovchiligi bo‘lgan, gemodializdagi patsiyentlar uchun preparatning kundalik dozasi 7,5 mg dan oshmasligi kerak.

Nojo‘ya ta'sirlari
Nojo‘ya samaralarni uchrash tezligini quyida keltirilgan ko‘rsatkichlari quyidagi tarzda aniqlangan tez-tez (≥1/100, <1/10); tez-tez emas (≥1/1000, <1/100); kam hollarda (≥1/10000, <1/1000); juda kam hollarda (<1/10000); uchrash tezligi noma'lum (ma'lumotlar kamligi sababli, uchrash tezligini aniqlash mumkin emas).
Qon yaratish tizimi tomonidan tez-tez emas – anemiya; kam hollarda – qon hujayralari sonini o‘zgarishi, shu jumladan leykotsitar formulani o‘zgarishi, leykopeniya, trombotsitopeniya.
Immun tizimi tomonidan uchrash tezligi noma'lum – anafilaktik shok, anafilaktoid / anafilaktik reaktsiyalar; tez-tez emas – to‘satdan rivojlanadigan boshqa o‘ta yuqori sezuvchanlik reaktsiyalari.
Nerv tizimi tomonidan tez-tez – bosh og‘rig‘i; tez-tez emas – bosh aylanishi, uyquchanlik.
Ruhiyat tomonidan tez-tez – kayfiyatni o‘zgarishi; uchrash tezligi noma'lum – ongni chalkashishi, dezoriyentatsiya.
Sezgi a'zolari tomonidan tez-tez emas – vertigo; kam hollarda - kon'yunktivit, ko‘rish o‘tkirligini buzilishi, shu jumladan ko‘rishni noaniqligi, quloqlarni shang‘illashi.
Ovqat-hazm qilish tizimi tomonidan tez-tez – qorinda og‘riq, dispepsiya, diareya, ko‘ngil aynishi, qusish; tez-tez emas – me'da-ichak yo‘llaridan yashirin yoki sezilarli qon ketishi, gastrit, stomatit, qabziyat, qorinni dam bo‘lishi, kekirish, jigar faoliyati ko‘rsatkichlarini tranzitor o‘zgarishi (masalan, transaminazalar yoki bilirubinning faolligini oshishi); kam hollarda – gastroduodenal yaralar, kolit, ezofagit; juda kam hollarda – MIY perforatsiyasi, gepatit.
Teri va teri osti to‘qimalari tomonidan tez-tez emas – angionevrotik shish, terinin qichishishi, teri toshmasi; kam hollarda – toksik epidermal nekroliz, Stivens-Djonson sindromi, eshakemi; juda kam hollarda – bullez dermatit, ko‘p shaklli eritema; uchrash tezligi noma'lum – fotosensibilizatsiya.
Nafas tizimi tomonidan kam hollarda – bronxil astma (atsetilsalitsil kislotasi yoki boshqa NYaQV ga allergiyasi bo‘lgan patsiyentlarda).
Yurak-qon tomir tizimi tomonidan tez-tez emas – arterial bosim (AB) ni oshishi, yuzni “qizib ketishi” hissi; kam hollarda – yurakni urib ketishi hissi.
Siydik chiqarish tizimi tomonidan tez-tez emas – buyrak faoliyati ko‘rsatkichlarini o‘zgarishi (qon zardobida kreatinin va/yoki mochevinaning darajasini oshishi), siyishni buzilishi, shu jumladan o‘tkir siydik tutilishi; juda kam hollarda – o‘tkir buyrak yetishmovchiligi.
Suyak ko‘migi faoliyatini susaytiruvchi dori vositalari (masalan, metotreksat) bilan birga qo‘llash sitopeniyani qo‘zg‘atishi mumkin.
Me'da-ichakdan qon ketishi, yarasi yoki perforatsiyasi o‘limga olib kelishi mumkin.
Boshqa NYaQV bilan bo‘lgani kabi, interstitsial nefrit, glomerulonefrit, buyrak medullyar nekrozi, nefrotik sindromni paydo bo‘lish ehtimolini istisno qilish mumkin emas.


Qo‘llash mumkin bo‘lmagan holatlar

• meloksikamga yoki preparatning har qanday komponentiga ma'lum yuqori sezuvchanlik. Atsetilsalitsil kislotasi va boshqa NYaQV ga kesishgan sezuvchanlik ehtimoli bor. Ilgari atsetilsalitsil kislotasi yoki boshqa NYaQV ni qabul qilgandan so‘ng bronxial astma simptomlari, burun polipozi, angionevrotik shish yoki eshakemi kuzatilgan patsiyentlarga preparatni buyurish mumkin emas;
• kasallik tarixida NYaQV qabul qilish bilan bog‘liq bo‘lgan, me'da-ichakdan qon ketishi yoki perforatsiyasini borligi;
• me'da va o‘n ikki barmoq ichak yara kasalligini zo‘rayish bosqichi;
• og‘ir darajadagi jigar yetishmovchiligi;
• og‘ir darajadagi buyrak yetishmovchiligi (agar gemodializ o‘tkazilayotgan bo‘lmasa);
• me'da-ichak yo‘llaridan yaqqol qon ketishi, yaqin vaqtda kuzatilgan serebrovaskulyar qon ketishi yoki boshqa qon ketishi;
• og‘ir darajadagi yurak yetishmovchiligi;
• homiladorlikning uchinchi uch oyligi va laktatsiya davri;
• 15 yoshgacha bo‘lgan bolalarga qo‘llash mumkin emas.

Dorilarning o‘zaro ta'siri
Boshqa NYAQV, shu jumladan salitsilatlar (atsetilsalitsil kislotasi) bittadan ortiq NYAQV ni bir vaqtda qo‘llash sinergik ta'sir qilish oqibatida MIY yaralarni hosil bo‘lishi va me'da-ichakdan qon ketishi xavfini oshiradi. Meloksikam va boshqa NYAQV ni birga qo‘llash tavsiya etilmaydi.
Antikoagulyantlar, antiagregantlar, tizimli qo‘llash uchun mo‘ljallangan geparin, trombolitik vositalar qon ketishi xavfini oshiradilar. Ushbu preparatlarni bir vaqtda qo‘llashdan saqlanish imkoni bo‘lmaganida, antikoagulyantlarning samarasini sinchiklab kuzatish kerak.
Litiy NYAQV litiyni buyrak orqali ekskretsiyasi pasayishi hisobiga plazmada litiyning kontsentratsiyasini oshiradilar. Litiy va NYAQV birga qo‘llash tavsiya etilmaydi. Bunday majmuada davolash zarurati bo‘lganida davolashni boshida, meloksikamning dozasini tanlashda va bekor qilinganida litiyning plazmadagi kontsentratsiyasini nazorat qilish kerak.
Metotreksat Loksidol preparatini metotreksat bilan birga qo‘llash metotreksatning eliminatsiyasini kamayishi oqibatida, uning toksik ta'sirini kuchaytirishi mumkin. Majmuaviy davolash zarurati bo‘lganida qon formulasi va buyrak faoliyatini nazorat qilish kerak. Agar har ikkala preparat birga buyurilsa, ehtiyotkorlik bilan qo‘llash kerak.
Siklosporin NYAQV buyrak prostaglandinlariga ta'sir qilib, siklosporinning nefrotoksikligini kuchaytirishlari mumkin. Majmuaviy davolash o‘tkazilganida buyrak faoliyatini nazorat qilish kerak.
Bachadon ichi kontratseptivlari NYAQV bachadon ichi kontratseptivlarning samaradorligini pasaytiradilar.
Diuretiklar NYAQV ni qo‘llanishi organizmi suvsizlangan patsiyentlarda o‘tkir buyrak yetishmovchiligini rivojlanish havfini oshiradi. Meloksikam va diuretiklarni bir vaqtda qabul qilayotgan patsiyentlar yetarli darajada suyuqlik qabul qilishlari kerak. Davolashni boshlashdan oldin buyrak faoliyatini tekshirish kerak.
Antigipertenziv vositalar (masalan, -adrenoblokatorlar, AAF ingibitorlari, vazodilatatorlar, diuretiklar) NYAQV qon tomirlarni kengaytiruvchi hususiyatlarga ega bo‘lgan prostaglandinlarni ingibitsiya bo‘lishi oqibatida antigipertenziv vositalarning samarasini pasaytiradilar.
Angiotenzin-II retseptorlarining antagonistlari NYAQV bilan birga buyurilganida kalavalar filtratsiyasi pasayishini kuchaytiradilar, bu ayniqsa buyrak faoliyatini buzilishi bo‘lgan patsiyentlarda o‘tkir buyrak yetishmovchiligini rivojlanishiga olib kelishi mumkin.
Xolestiramin MIY da uni bog‘lanishi oqibatida meloksikamni chiqarilishini oshiradi.


Maxsus ko‘rsatmalar

Me'da-ichak buzilishlari. Boshqa NYAQV qo‘llanganida bo‘lgani kabi, potentsial o‘limga olib keluvchi me'da-ichakdan qon ketishlar, yaralar yoki perforatsiya davolash jarayonining istalgan vaqtida, oldinda ishora qiluvchi belgilarsiz yoki anamnezida jiddiy me'da-ichak kasalliklari bo‘lmasa ham rivojlanishi mumkin.
Anamnezida me'da-ichak yarasi bo‘lgan patsiyentlarda, ayniqsa qon ketishi yoki perforatsiya bilan asoratlangan hamda keksa yoshdagi patsiyentlarda NYaQV ning dozasi oshirilganida, me'da-ichakdan qon ketishlar, yaralar yoki perforatsiya rivojlanish xavfi yuqori. Bunday patsiyentlarda davolashni eng kichik samarali doza bilan boshlash kerak. Bunday patsiyentlar uchun, shuningdek aspirinning kichik dozalari yoki me'da-ichak buzilishlari xavfini oshiradigan boshqa dori vositalarni birga qo‘llash zarurati bo‘lgan patsiyentlar uchun himoya dori vositalari (mizoprostol yoki proton pompa ingibitorlari kabi vositalar) bilan majmuaviy davolashni ko‘rib chiqish kerak.
Anamnezida me'da-ichak yo‘llari tomonidan zaharlanish bo‘lgan patsiyentlar, ayniqsa keksa yoshdagi patsiyentlar odatda kuzatilmaydigan barcha abdominal simptomlar (ayniqsa me'da-ichakdan qon ketishlari) haqida, eng avvalo davolashni boshlang‘ich bosqichlarida xabar berishlari kerak.
Radikal davolash sifatida me'da-ichak yarasi yoki qon ketish xavfini oshirishi mumkin bo‘lgan dori vositalar, xususan geparin yoki geriatriya amaliyotida varfarin kabi antikoagulyantlar, yoki boshqa NYAQV, shu jumladan atsetilsalitsil kislotasini yallig‘lanishga qarshi dozalarini (bir martalik doza ≥ 1 g yoki umumiy sutkalik dozasi
≥ 3 g) bir vaqtda qabul qilayotgan patsiyentlarga nisbatan ehtiyotkorlik namoyon qilish kerak.
Loksidol preparatini qabul qilayotgan patsiyentlarda me'da-ichakdan qon ketishlari yoki yaralar rivojlanganida, preparatni qo‘llashni bekor qilish kerak.
Anamnezida me'da-ichak yo‘llari kasalliklari (yarali kolit, Kron kasalligi) bo‘lgan patsiyentlarga NYaQV ni ehtiyotkorlik bilan qo‘llash kerak, chunki bu holatlar zo‘rayishi mumkin.
Jigar tomonidan buzilishlar. NYAQV (shu jumladan meloksikam) qo‘llanayotgan patsiyentlarda bir yoki undan ortiq jigar sinamalarining darajasi oshishi mumkin. Bunday laborator siljishlar davolash davom ettirilganida zo‘rayishi mumkin, o‘zgarmasdan qolishi mumkin yoki vaqtinchalik bo‘lishi mumkin. ALT yoki AST oshishi (normaga nisbatan taxminan 3 va undan ortiq marta) oshishi mumkin. Og‘ir darajadagi jigar reaktsiyalari, shu jumladan sariqlik va yashin tezligida kechuvchi o‘limga olib keluvchi gepatit, jigar nekrozi va jigar yetishmovchiligi haqida juda kam xabarlar berilgan, ularning ba'zilari o‘lim bilan tugagan.
Agar klinik belgilar yoki simptomlari jigar kasalliklarini rivojlanishi bilan assotsiatsiya bo‘lsa, yoki agar kasallikning tizimli ko‘rinishlari (masalan, eozonofiliya, toshma va boshqalar) kuzatilsa, u holda Loksidol preparatini qo‘llashni to‘xtatish kerak.
Yurak-qon tomir buzilishlari. Anamnezida arterial gipertenziyasi (AG) va/yoki yengil va o‘rtacha darajadagi dimlangan yurak yetishmovchiligi bo‘lgan patsiyentlarni sinchiklab kuzatish tavsiya etiladi, chunki NYAQV bilan davolanganda organizmda suyuqlikni tutilishi va shishni rivojlanishi kuzatilgan.
Davolash boshlanishida, ayniqsa Loksidol bilan davolash kursining boshida xavf omillari bo‘lgan patsiyentlarning AB klinik kuzatish tavsiya etiladi.
Nazorat qilish bo‘lmaydigan AG, dimlangan yurak yetishmovchiligi, yurak ishemik kasalligi (YuIK) aniqlangan, periferik arteriyalarning kasalliklari va/yoki serebrovaskulyar kasallik bo‘lgan patsiyentlarni sinchkov tahlillar o‘tkazilgandan so‘ng meloksikam bilan davolash kerak. Bunday tahlillarni yurak-qon tomir kasalliklarini rivojlanish havf omillari (AG, giperlipidemiya, qandli diabet, chekish kabilar) bo‘lgan patsiyentlarni uzoq muddat davolash boshlanishida o‘tkazish kerak.
NYaQV o‘limga olib kelishi mumkin bo‘lgan jiddiy yurak-qon tomir trombotik asoratlari, miokard infarkti va insultni rivojlanish havfini oshirishi mumkin. Rivojlanish havfini ortishi qo‘llash davomiyligiga bog‘liq. Yurak-qon tomir kasalliklari yoki yurak-qon tomir kasalliklarini rivojlanish xavf omillari bo‘lgan patsiyentlarda rivojlanish xavfi yuqori bo‘lishi mumkin.
Teri tomonidan buzilishlar. NYaQV qo‘llanganida juda kam hollarda jiddiy teri reaktsiyalari, jumladan eksfoliativ dermatit, Stivens-Djonson sindromi va toksik epidermal nekroliz kuzatilgan, ulardan ayrimlari, o‘limga olib kelgan. Bunday reaktsiyalar paydo bo‘lishini yuqori havfi davolashni boshida kuzatilgan. Teri toshmalari, shilliq qavatlarni shikastlanishi yoki o‘ta yuqori sezuvchanlikning boshqa belgilari birinchi marta paydo bo‘lganida Loksidol preparatini qo‘llashni to‘xtatish kerak.
Anafilaktik reaktsiyalar. Boshqa NYaQV qo‘llanganida bo‘lgani kabi, anafilaktik reaktsiyalar meloksikamga nisbatan reaktsiya ma'lum bo‘lmagan patsiyentlarda kuzatilishi mumkin. Aspirin triadasi bo‘lgan patsiyentlarga preparatni qo‘llash mumkin emas. Ushbu simptomatik kompleks nazal poliplar bilan yoki ularsiz kechuvchi rinit xaqida xabar berilgan yoki aspirin yoki boshqa NYAQV qo‘llanganidan so‘ng og‘ir darajadagi potentsial o‘limga olib keluvchi bronxospazm namoyon bo‘lgan, astma bilan xastalangan patsiyentlarda kuzatiladi. Anafilaktoid reaktsiya aniqlanganida shoshilinch yordam choralarini ko‘rish kerak.
Funktsional buyrak yetishmovchiligi. NYAQV buyrak prostaglandinlarining qon-tomirlarni kengaytiruvchi ta'sirini susaytirishi orqali kalavalar filtratsiyasi pasayishi oqibatida funktsional buyrak yetishmovchiligini induktsiyalashi mumkin. Ushbu nojo‘ya samara dozaga bog‘liq hisoblanadi. Davolash boshlanishida yoki dozasi oshirilganidan so‘ng, keksalik yoshi, angiotenziga aylantiruvchi ferment (AAF) ingibitorlari, angiotenzin II retseptorlarining antagonistlari, sartanlar, diuretiklar bilan bir vaqtda qo‘llash, gipovolemiya (har qanday genezli), dimlangan yurak yetishmovchiligi, buyrak yetishmovchiligi, nefrotik sindrom, lyupus-nefropatiya, jigar foliyatini og‘ir darajada buzilishi (plazma albumini 25 g/l yoki Chayld-Pyu tasnifi bo‘yicha ≥ 10) kabi havf omillari bo‘lgan patsiyentlarda diurez va buyrak faoliyatini sinchiklab kuzatish tavsiya etiladi.
Yakka hollarda NYaQV interstitsial nefrit, glomerulonefrit, buyrak medullyar nekrozi yoki nefrotik sindromga olib kelishi mumkin.
Terminal buyrak yetishmovchiligi bo‘lgan gemodializdagi patsiyentlar uchun meloksikamning dozasi 7,5 mg dan oshmasligi kerak. yengil va o‘rtacha og‘irlik darajasidagi buyrak yetishmovchiligi (kreatinin klirensining darajasi25 ml/min) bo‘lgan patsiyentlar uchun preparatning dozasini pasaytirish shart emas.
Natriy, kaliy va suvni organizmda ushlanib qolishi. NYaQV organizmda natriy, kaliy va suvni ushlanib qolishini kuchaytirishi va diuretiklarning natriyuretik samarasiga ta'sir qilishi mumkin. Bundan tashqari, gipotenziv dori vositalarning antigipertenziv samarasini pasayishi kuzatilishi mumkin. Shu sababli, sezuvchan patsiyentlarda shish, yurak yetishmovchiligi yoki AG ni zo‘rayishi yoki rivojlanishi tezlashishi mumkin. Shuning uchun bunday xavf omillari bo‘lgan patsiyentlarga klinik monitoring o‘tkazish tavsiya etiladi.
Giperkaliyemiya. Qandli diabet yoki kaliyemiyani oshiradigan dori vositalarni bir vaqtda qo‘llash giperkaliyemiyaga olib kelishi mumkin. Bunday holatlarda kaliyning darajasini muntazam ravishda nazorat qilish kerak.
Ogohlantirishlar va ehtiyotkorlik choralari. Nojo‘ya reaktsiyalar ko‘proq keksa yoshdagi patsiyentlarda, sinchkov kuzatuvga muhtoj bo‘lgan holsiz yoki kuchsizlangan patsiyentlarda yomon kechadi. Buyrak, jigar va yurak faoliyatini pasayishi ehtimoli yuqoriroq bo‘lgan keksa yoshdagi patsiyentlarga nisbatan ehtiyot bo‘lish kerak. Keksa yoshdagi patsiyentlarda NYaQVga nisbatan nojo‘ya reaktsiyalar, ayniqsa o‘limga olib kelishi mumkin bo‘lgan me'da-ichakdan qon ketishlari va perforatsiyani rivojlanish tezligi yanada yuqoriroq bo‘ladi.
Meloksikam, har qanday NYaQV kabi, infektsion kasalliklarning simptomlarini yashirishi mumkin.
Meloksikamni qo‘llanishi reproduktiv faoliyatga salbiy ta'sir qilish mumkin va homilador bo‘lishni rejalashtirayotgan ayollarga uni qo‘llash tavsiya etilmaydi. Shuning uchun homilador bo‘lishni rejalashtirayotgan yoki bepushtlik bo‘yicha tekshirish o‘tayotgan ayollarga meloksikam qabul qilishni to‘xtatish mumkinligini ko‘rib chiqish kerak.
Kortikosteroidlar bilan davolash. Meloksikam glyukokortikosteroid yetishmovchiligini davolashda kortikosteroidlarning o‘rnini bosuvchi sifatida qo‘llanishi mumkin emas.
Gematologik samaralar. NYaQV, shu jumladan meloksikam qabul qilayotgan patsiyentlarda anemiya kuzatilishi mumkin. Bu suyuqlikni tutilishi, me'da-ichak yo‘llaridan, kelib chiqishi noma'lum yoki makroskopik yoki eritropoezga ta'siri butunlay ta'riflanmagan qon ketishi bilan bog‘liq bo‘lishi mumkin. NYaQV, shu jumladan meloksikam bilan uzoq muddat davolanayotgan patsiyentlarda, agar anemiyaning simptomlari va belgilari bo‘lsa, gemoglobin va gematokritni nazorat qilish kerak.
NYaQV ayrim patsiyentlarda trombotsitlar agregatsiyasini tormozlaydi va qon ketishi vaqtini uzaytirishi mumkin. Atsetilsalitsil kislotasidan farqli ravishda, ularni trombotsitlarning faoliyatiga ta'siri miqdoriy jihatdan kam, qisqa muddatli va qaytuvchan bo‘ladi. Loksidol qabul qilayotgan va trombotsitlarning faoliyatini o‘zgarishi bo‘yicha nojo‘ya ta'sirlari, xususan qon ivishini buzilishi bo‘lgan patsiyentlar yoki antikoagulyantlar qabul qilayotgan patsiyentlarning holatini sinchiklab nazorat qilish kerak.
Astma bilan xastalangan patsiyentlarga qo‘llanishi. Astma bilan xastalangan patsiyentlarda aspiringa sezgir astma bo‘lishi mumkin. Aspiringa sezgir astmasi bo‘lgan patsiyentlarda aspirinni qo‘llash o‘limga olib kelishi mumkin bo‘lgan og‘ir brnxospazm bilan assotsiatsiya bo‘lishi mumkin. Atsetilsalitsil kislotasi va boshqa NYaQV o‘rtasida kesishgan reaktsiya, jumladan bronxospazmni inobatga olib, meloksikamni atsetilsalitsiya kislotasiga sezuvchanligi bo‘lgan patsiyentlarga qo‘llash mumkin emas, va astmasi bo‘lgan patsiyentlarga ehtiyotkorlik bilan buyurish kerak.

Homiladorlik va laktatsiya davrida qo‘llanishi
Homiladorlikning birinchi va ikkinchi uch oyliklarida Loksidol preparatini, davolashdan kutiladigan foyda potentsial havfdan ustun bo‘lgan holatdagina qo‘llash kerak.
Homiladorlikning uchinchi uch oyligi va laktatsiya davrida preparatni qo‘llash mumkin emas.
Pediatriyada qo‘llanishi
15 yoshgacha bo‘lgan bolalarga Loksidol preparatini qo‘llash mumkin emas.
Avtotransportni haydash va mexanizmlarni boshqarish qobiliyatiga ta'siri
Ko‘rish o‘tkirligini buzilishlari bo‘lgan patsiyentlar, uyquchanlik yoki markaziy nerv tizimi tomonidan boshqa nojo‘ya samaralar kuzatiladigan patsiyentlar avtomobilni yoki mexanizmlarni boshqarishdan saqlanishlari kerak.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Hozirgi vaqtgacha Loksidol preparatining dozasini oshirib yuborilishini o‘ziga xos simptomlari yuzasidan ma'lumotlar yo‘q. Dozasi oshirib yuborilganida umumiy simptomatik va tutib turuvchi davolash qo‘llanadi. Antidoti mavjud emas.


Chiqarilish shakli

Tabletkalar. 10 tabletka blisterda.
Loksidol 7,5 mg 1, 2, 3, 4 yoki 5 blister qo‘llash bo‘yicha yo‘riqnomasi bilan birga karton qutiga joylangan.
Loksidol 15 mg 1 yoki 2 blister qo‘llash bo‘yicha yo‘riqnomasi bilan birga karton qutiga joylangan.


Saqlash sharoiti

Namlikdan himoyalangan joyda, 25°C dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retsept bo‘yicha beriladi.