Preparatning savdo nomi
Melbek Forte
Ta'sir etuvchi modda (XPN) Meloksikam

Dori shakli
Tabletkalar.

Tarkibi

Faol modda Meloksikam 7,5 mg yoki 15 mg;
Yordamchi moddalar krospovidon, polivinil pirrolidon, avitsel, natriy sitrat, suvsiz laktoza, aerosil, magniy stearat.
Ta'rifi Sariq rangli, oval shaklli, xidsiz bir tomoni chiziqli tabletkalar.

Farmakoterapevtik guruhi
Nosteroid yallig‘lanishga qarshi vosita.


Farmakologik xususiyatlari

Preparat nosteroid yallig‘lanishga qarshi vositalarning oksikamlar sinfiga kiradi, enol kislotasi hosilalari sinfiga mansub siklooksigenaza-2 (TSOG-2) ning selektiv ingibitoridir. Yallig‘lanishga qarshi, og‘riqni qoldiruvchi va isitmani tushiruvchi ta'sir ko‘rsatadi. Ta'sir mexanizmi yallig‘lanish o‘chog‘ida SOG-2 ni fermentativ faolligini susaytirishi natijasida prostaglandinlarning (yallig‘lanishning ma'lum mediatorlari) sintezini ingibitsiya qilinishi bilan bog‘liq; SOG-1 ga biroz ta'sir qiladi, bu nojo‘ya ta'sirlarini rivojlanish xavfini kamaytiradi.


Farmakokinetikasi

Og‘iz orqali qabul qilinganda me'da-ichak yo‘llaridan yaxshi (qabul qilingan dozaning 89% gacha) so‘riladi. Ovqat bilan bir vaqtda qabul qilish so‘rilish darajasiga ta'sir ko‘rsatmaydi. Qondagi kontsentratsiya ko‘rsatkichi qabul qilingan preparat miqdori bilan to‘g‘ridan-to‘g‘ri bog‘liq. Qon plazmasidagi muvozanat kontsentratsiyasiga 3-5 kun qabul qilingandan so‘ng erishiladi va muntazam qabul qilinganida xatto bir yildan keyin ham taxminan shu miqdorda saqlanib qoladi.
Plazma oqsillari bilan bog‘lanishi 99% dan ortiqni tashkil qiladi. Sinovial suyuqlikka yaxshi o‘tadi, undagi preparatning kontsentratsiyasi plazmadagi kontsentratsiyasining yarmiga yetadi. Asosiy miqdori tiazolil xalqasidagi metil guruhini oksidlanishi orqali metabolizmga uchraydi. Metabolitlar teng miqdorda siydik va ahlat orqali chiqariladi. Kundalik dozaning 5% dan kamrog‘i o‘zgarmagan holda ahlat bilan va undan ham kamrog‘i siydik bilan ajralib chiqadi. Yarim chiqarilish davri taxminan 20 soatni tashkil qiladi.


Qo‘llanilishi

Revmatoid artritni simptomatik davolash, osteoartritlarda og‘riq sindromini kamaytirish, artrozlarda, bo‘g‘imlarning degenerativ kasalliklarida, ankilozlanuvchi spondiloartritda og‘riq sindromini kamaytirish maqsadida qo‘llanadi.


Qo‘llash usuli va dozalari

Ichga, ovqatlanish vaqtida, chaynamasdan, suv yoki boshqa suyuqlik bilan ichiladi. Sutkalik doza 7,5—15 mg. Maksimal sutkalik doza (qo‘llaniladigan dori shaklidan qat'iy nazar) — 15 mg ni tashkil qiladi.
Noxush reaktsiyalarning yuqori xavfi bo‘lgan patsiyentlarda holsizlangan va keksa bemorlarda davolash har doim sutkada 7,5 mg dozadan boshlanishi kerak. Og‘ir buyrak yetishmovchiligida sutkalik doza 7,5 mg dan oshmasligi kerak.

Nojo‘ya ta'sirlari
Preparat odatda yaxshi o‘zlashtiriladi. Ayrim xollarda
Me'da-ichak yo‘llari, jigar tomonidan dispepsiya, meteorizm, diareya, qabziyat, ko‘ngil aynishi, qusish, qorinda og‘riqlar, jigar faoliyatining buzilishi, ezofagit, yashirin yoki yaqqol me'da-ichakdan qon ketishlari, kolit.
Markaziy nerv tizimi tomonidan bosh og‘rig‘i, bosh aylanishi, uyquchanlik, quloqlarni shang‘illashi, ko‘rishni xiralashishi.
Nafas tizimi tomonidan o‘tkir asmatik reaktsiya, bronxospazm.
Tayanch-xarakat apparati tomonidan artralgiya, mialgiya, mushaklar zaifligi.
Qon yaratish tizimi tomonidan anemiya, leykopeniya, trombotsitopeniya, qon leykotsitlari formulasini o‘zgarishi.
Siydik-chiqarish tizimi tomonidan interstitsial nefrit, glomerulonefrit, buyrakning medullyar nekrozi yoki nefrotik sindromni rivojlanishi, siydikda kreatinin miqdorini oshishi.
Allergik reaktsiyalar qichishish, terini qipiqlanishi, teri toshmasi, eshakemi va/yoki qichishish, fotosensibilizatsiya.
Yurak-qon tomir tizimi tomonidan shishlar, gipertenziya, yurak urishini tezlashishi, yuzga birdan qon quyilishi.


Qo‘llash mumkin bo‘lmagan holatlar

-Meloksikamga va boshqa nosteroid yallig‘lanishga qarshi vositalar, shu jumladan atsetilsalitsil kislotasiga yuqori sezuvchanlik;
-bronxial astma, burun poliplari, anamnezdagi angionevrotik shish yoki eshakemining simptomlari (atsetilsalitsil kislotasi va boshqa nosteroid yallig‘lanishga qarshi vositalarni (NYaQV) qo‘llash bilan bog‘liq) mavjudligi, chunki qarama-qarshi yuqori sezuvchanlik reaktsiyalari bo‘lishi mumkin;
-me'da-ichak yo‘llarining yaralari/perforatsiyalari (faol shakli yoki ularni yaqinda paydo bo‘lgani);
-yo‘g‘on ichakning yallig‘lanish kasalliklarining faol shakli (Kron kasalligi yoki yarali kolit);
-og‘ir jigar yetishmovchiligi;
-gemodializ qilib bo‘lmaydigan buyrak yetishmovchiligi;
-qon ketishi bilan kechuvchi har qanday buzilishlar, me'da-ichakdan manifest qon ketishlari, yaqindagi serebroveskulyar qon ketishlari;
-nazorat qilib bo‘lmaydigan og‘ir yurak yetishmovchiligi;
-15 yoshgacha bo‘lgan bolalar;
-homiladorlik va emizish davri;
-aortokoronar shuntlash operatsiyasidan keyingi og‘riqni bartaraf qilish uchun davolash;
-preparatning faol bo‘lmagan komponentlari zararli bo‘lishi mumkin bo‘lgan tug‘ma buzilishlarda qo‘llash mumkin emas.

Dorilarning o‘zaro ta'siri
Boshqa nosteroid yallig‘lanishga qarshi vositalar va atsetilsalitsil kislotasi bilan bir vaqtda qo‘llanganda va me'da-ichak yo‘llarida yarali shikastlanishlarni rivojlanishi va me'da-ichakdan qon ketishlari havfi oshadi; antikoagulyantlar bilan (peroral antikoagulyantlar, tiklopidin, geparin, trombolitiklar) — qon ketish havfi oshadi; metotreksat bilan — uning miyelodepressiv ta'siri oshadi; diuretiklar bilan — buyrak yetishmovchiligini rivojlanish xavfi oshadi.
Siklosporin bilan — uning nefrotoksik ta'sirini kuchayadi.
Litiy preparatlari bilan — plazmada litiy miqdorini oshishi mumkin.
Gipotenziv vositalar bilan (beta—blokatorlar, AAF ingibitorlari, tomir kengaytiruvchi vositalar) qon tomirlarni kengaytiruvchi prostaglandinlar sintezini preparat tomonidan susaytirilishi sababli, bu vositalarni samarasi pasayishi mumkin.
Kontratseptivlar bilan — bachadon ichi xomilaga qarshi vositalarining ta'sirini kamaytiradi.
Xolestiramin bilan — ularni me'da-ichak yo‘llarida preparat molekulasi bilan bog‘lanishi sababli organizmdan chiqarilishi oshadi.
Antatsidlar, simetidin, digoksin va furosemid bilan o‘zaro farmakokinetik ta'siri yo‘q.


Maxsus ko‘rsatmalar

Me'da-ichak yo‘llari kasalliklarida hamda antikoagulyantlarni olgan patsiyentlarda ehtiyotkorlik bilan buyuriladi.
Peptik yaralar yoki me'da-ichakdan qon ketishlari paydo bo‘lganida, hamda teri va shilliq qavatlari tomonidan nojo‘ya reaktsiyalar rivojlanganida, preparatni bekor qilinadi.
Aylanib yuruvchi qon hajmi va buyrak perfuziyasi darajasi kamaygan bemorlarga preparatni buyurish klinik yaqqol buyrak yetishmovchiligiga olib kelishi mumkin bo‘lib, ular preparat bekor qilingandan so‘ng to‘liq o‘z holatiga qaytadi.
Ushbu asoratlarni xavf guruhiga degidratatsiya belgilari, yurak yetishmovchiligi, jigar sirrozi, nefrotik sindrom, buyrakning klinik kasalliklari bo‘lgan diuretiklar qabul qilayotgan bemorlar, jarrohlik operatsiyadan keyin suvsizlangan bemorlar kiradi. Bu bemorlarda davolanishning boshidanoq sutkalik diurez va buyrak faoliyatini chuqur kuzatish lozim.
Buyrak faoliyatini biroz yoki o‘rtacha kamayishida (kreatinin klirensi darajasi 25 ml/min dan ko‘proqda) — dozani to‘g‘rilash talab qilinmaydi.
Transaminazalar faolligi barqaror va sezilarli oshganida va jigar faoliyatining boshqa ko‘rsatkichlarini buzilganida preparatni bekor qilish lozim.
Jigar sirrozi bo‘lgan bemorlarda klinik barqaror holatida preparatning dozasini kamaytirish talab qilinmaydi. Holsizlangan bemorlarni preparat bilan davolashda shifokorning sinkov kuzatuvi talab qilinadi, chunki bunday bemorlar nojo‘ya ta'sirlarni yomon o‘zlashtiradilar.
Preparatni keksa yoshdagi patsiyentlarga buyurishda ehtiyotkorlikka rioya qilish lozim, chunki ularda buyrak, jigar va yurak faoliyatini yomonlashish ehtimoli yuqori bo‘ladi. Preparatni qabul qilish natijasida bosh aylanishi va uyquchanlik rivojlanganda avtomobilni haydashdan va diqqat yuqori jamlash, ruhiy va harakat reaktsiyalari tezligini talab qiluvchi boshqa faoliyat turlari bilan shug‘ullanishdan saqlanish tavsiya qilinadi.
Preparat bolalar olaolmaydigan joyda saqlansin va yaroqlilik muddati o‘tganidan keyin ishlatilmasin.


Dozani oshirib yuborilishi

Dozani oshirib yuborilishda spetsifik antidoti bo‘lmaganligi sababli, me'dani yuvish va simptomatik choralarni o‘tkazish kerak. Preparatni organizmdan chiqarilishini tezlashtirish uchun xolestiraminni qabul qilish foydali hisoblanadi.


Chiqarilish shakli

«Melbek», tabletkalar 7,5 mg dan, №10, №30.
«Melbek Forte», tabletkalar 15 mg dan, №10, №30.


Saqlash sharoiti

Quruq, yorug‘likdan himoyalangan joyda, 25°С dan yuqori bo‘lmagan haroratda saqlansin.


Yaroqlilik muddati

4 yil.


Dorixonalardan berish tartibi

Retsept bo‘yicha.


Ishlab chiqaruvchi

"NOBEL PHARMSANOAT" CHEK
Dori vositasining sifati bo‘yicha iste'molchilarning fikr-mulohazalari, e'tirozlari va dori preparatining nojo‘ya ta'sirlari yoki samarasini yo‘qligi haqidagi xabarlarni quyidagi manzilga yuborish mumkin
O‘zbekiston Respublikasi, Toshkent sh., Mirzo Ulug‘bek tumani, Qorasuvbo‘yi ko‘ch., 5 "A"
Tel (99871) 265 90 99; Faks (99871) 265 91 99; E-mail pv@nobel.uz, www.nobel.uz