Preparatning savdo nomi
Meloksikam-Remedy
Ta'sir etuvchi modda (XPN) meloksikam

Dori shakli
tabletkalar

Tarkibi

1 tabletka quyidagilarni saqlaydi
faol modda meloksikam 7,5 mg yoki 15 mg;
yordamchi moddalar natriy sitrati, laktoza, mikrokristall sellyuloza, polivinilpirolidon, aerosil, krospovidon, magniy stearati ili kaltsiy stearati.
Ta'rifi och-sariqdan sariq-limongacha rangacha bo‘lgan qulrang tusli, yassi silindrik shaklli bir tomonida faskali va riskali tabletkalar.

Farmakoterapevtik guruhi
Nosteroid yallig‘lanishga qarshi vositalar.
ATX kodi M01AC06


Farmakologik xususiyatlari

Preparat enoliy kislotasi hosilalari sinfiga mansub bo‘lib, yallig‘lanishga qarshi, og‘riq qoldiruvchi va isitma tushiruvchi ta'sirga ega. Ta'sir qilish mexanizmining asosida araxidon kislotasi siklooksigenazasini ingibitsiya qilib, prostaglandinlar sintezini susaytirishi yotadi. Siklooksigenaza — 2 tanlab ingibitsiya qilinganligi sababli, me'da shilliq qavati yoki buyraklardagiga qaraganda prostaglandinlar sintezi yallig‘lagan joylarda ko‘proq susayadi.


Farmakokinetikasi

Og‘iz orqali qabul qilinganda me'da-ichak yo‘llaridan yaxshi so‘riladi, (qabul qilingan dozaning 89% gachasi). Ovqat bilan birga qabul qilish so‘rilish miqdoriga ta'sir qilmaydi. Qondagi kontsentratsiya ko‘rsatkichi qabul qilingan preparat miqdori bilan to‘g‘ri bog‘liqdir. Qon plazmasidagi bir xil yuqori miqdorga 3-5 kun qabul qilingandan so‘ng erishiladi. Doim qabul qilinsa, bir yildan so‘ng ham taxminan shu miqdorda saqlanib qoladi.
Plazma oqsillari bilan 99% dan ko‘pi bog‘lanadi. Sinovial suyuqlikka yaxshi o‘tadi, undagi kontsentratsiyasi plazmadagi kontsentratsiyasining yarmiga yetadi. Asosiy miqdori tiazolil halqasidagi metil guruhini oksidlanishi bilan metabolizmga uchraydi. Metabolitlar teng miqdorida siydik va axlat orqali chiqariladi.
Kundalik dozaning 5% dan kamrog‘i o‘zgarmagan holda axlat bilan va undan kamrog‘i siydik bilan chiqariladi. Yarim chiqarilish davri (T1/2) 20 soatni tashkil qiladi.


Qo‘llanilishi

Revmatoid artritni simptomatik davolash, osteoartritlar, artrozlar, bo‘g‘imlarning degenerativ kasalliklari, ankilozlovchi spondiloartritlarda og‘riq sindromini kamaytirish uchun qo‘llanadi.


Qo‘llash usuli va dozalari

Ichga, ovqatlanish vaqtida, chaynamasdan, suv bilan yoki boshqa suyuqlik bilan qabul qilinadi. Sutkalik doza 7,5-15 mg ni tashkil qiladi. Maksimal sutkalik doza (dori shaklidan qat'iy nazar) - 15 mg ni tashkil qiladi.
Kamquvvat va qeksa yoshdagi bemorlarda, nojo‘ya reaktsiyalarning yuqori xavfi bo‘lgan patsiyentlarda davolash 7,5 mg dozadan boshlanadi.
Og‘ir buyrak yetishmovchiligida sutkalik doza 7,5 mg dan oshmasligi lozim.

Nojo‘ya ta'sirlari
Preparat asosan yaxshi o‘zlashtiriladi. Ayrim hollarda kuzatilishi mumkin
Me'da-ichak yo‘llari, jigar tomonidan dispepsiya, meteorizm, diareya, qabziyat, ko‘ngil aynishi, qusish, qorin og‘riqlari, jigar faoliyatining buzilishi, ezofagit, yashirin yoki yaqqol me'da - ichakdan qon ketishi, kolit;
Markaziy nerv tizimi tomonidan bosh og‘rig‘i, bosh aylanishi, uyquchanlik, quloqlarda shovqin, ko‘rishnihirilashuvi;
Nafas tizimi tomonidan o‘tkir astmatik reaktsiya, bronxospazm;
Tayanch-harakat apparati tomonidan artralgiya, mialgiya, mushaklarni zaifligi;
Qon yaratish tizimi tomonidan anemiya, leykopeniya, trombotsitopeniya, qon tarkibining, xususan leykotsitlar nisbatini o‘zgarishi;
Siydik-chiqarish tizimi tomonidan interstitsial nefrit, glomerulonefrit, buyrak medullyar nekrozi yoki nefrotik sindromning rivojlanishi, siydikda kreatinin miqdorining oshishi;
Teri reaktsiyalari qichima, terinig po‘st tashlab ko‘chishi, teri toshmalari, eshakemi va/yoki qichima, fotosensibilizatsiya;
Yurak-qon tomir tizimi tomonidan shishlar, gipertenziya, yurak urishining tezlashishi, birdaniga yuzga qon oqib kelishi.




Qo‘llash mumkin bo‘lmagan holatlar

Bronxial astma, atsetilsalitsil kislotasi yoki boshqa nosteroid yallig‘lanishga qarshi vositalariga (NYAQV) (angionevrotik shish yoki eshakemi, o‘tkir bronxospazm xuruji bilan namoyon bo‘ladigan), yuqori sezuvchanlik, zo‘rayish bosqichidagi me'da yara kasalligi, dializ qilinmaydigan bemorlardagi jigarning og‘ir yetishmovchiligi, 15 yoshgacha bo‘lgan bolalar, homiladorlik va laktatsiya davrida qo‘llash mumkin emas.

Dorilarning o‘zaro ta'siri
Boshqa NYAQV bilan bir vaqtda buyurilganida me'da - ichakdan yo‘llarida yaralar rivojlanishini va me'da - ichakdan qon ketishini xavfi oshadi.
Antikoagulyantlar bilan (peroral antikoagulyantlar, tiklopidin, geparin, trombolitiklar) - qon ketish havfi oshadi.
Metotreksat bilan - uning miyelodepressiv ta'siri kuchayadi.
Diuretiklar bilan - buyrak yetishmovchiligi xavfi oshadi.
Siklosporin bilan - uning nefrotoksik ta'siri kuchayadi.
Litiy preparatlari bilan - plazmada litiy miqdori oshishi mumkin.
Gipotenziv vositalar bilan (beta- blokatorlar, AAF ingibitorlari, qon tomirlarni kengaytiruvchi vositalar) qon tomirlarni kengaytiruvchi prostaglandinlar sintezi preparat tomonidansusaytirilishi sababli, ularning samarasi pasayishi mumkin.
Kontratseptivlar bilan — bachadon ichki homilaga qarshi vositalar ta'sirini kamaytiradi.
Xolestiramin bilan preparat molekulasi bilan me'da — ichak yo‘llarida bog‘lanishi tufayli organizmdan chiqarilishi oshadi.
Antatsidlar, simetidin, digoksin va furosemid bilan o‘zaro farmakokinetik ta'siri yo‘q.



Maxsus ko‘rsatmalar

Me'da-ichak yo‘llarining kasalliklarida, hamda antikoagulyantlar qabul qilgan patsiyentlarga ehtiyotkorlik bilan buyuriladi.
Peptik yaralar yoki me'da-ichak qon ketishi paydo bo‘lganida, hamda teri va shilliq qavatlar tomonidan nojo‘ya reaktsiyalar rivojlanganida, preparatni bekor qilish kerak.
Aylanayotgan qon xajmi kam bo‘lgan, buyrak perfuziyasining darajasi pasaygan bemorlarga preparatni buyurish, klinik yaqqol buyrak yetishmovchiligiga olib kelishi mumkin, bu preparat bekor qilingandan so‘ng butunlay o‘z holatiga qaytadi.
Degidratatsiya belgilari bo‘lgan, dimlangan yurak yetishmovchiligi, jigar sirrozi, nefrotik sindrom, diuretiklar qabul qilayotgan buyrakning klinik yaqqol kasalliklari bo‘lgan bemorlar, xirurgik jarroxlikdan so‘ng tanasi suvsizlangan bemorlar - ushbu asorat xavfi guruxiga kiradi. Bu bemorlarda davolashning boshida sutkalik diurez va buyraklar faoliyatini sinchiklab nazorat qilish tavsiya etiladi.
Buyraklar faoliyati juda kam yoki o‘rtacha pasayganida (kreatinin klirensi (KK) 25 ml/min dan ko‘proq) — dozaga tuzatish qiritish talab etilmaydi.
Transaminazalarning faolligi turg‘un va ahamiyatli oshganida va jigar faoliyatining boshqa ko‘rsatkichlari buzilganida, preparatni bekor qilish kerak.
Jigar sirrozi bo‘lgan bemorlarning klinik holati turg‘un bo‘lganida, preparatning dozasini kamaytirish talab qilinmaydi. Kamquvvat bemorlar preparat bilan davolanilayotganida, shifokor tomonidan sinchkovlik bilan kuzatilishi lozim, chunki bunday bemorlardanojo‘yata'sirlari yomon o‘tadi.
Keksa yoshdagi bemorlarga preparat alohida ehtiyotkorlik bilan buyuriladi, chunki ularda buyrak, jigar va yurak faoliyatlarining yomonlashuvi extimoli bor. Preparat qabul qilganda bosh aylanishi va uyquchanlik rivojlanishi sababli, avtomobil haydashdan va yuqori diqqatni, tezkor ruhiy va xarakat reaktsiyalarni talab qiluvchi faoliyat turlaridan saqlanish tavsiya qilinadi.
Preparat bolalar ololmaydigan joyda saqlansin va uni yaroqlilik muddati o‘tgach ishlatmaslik lozim.


Dozani oshirib yuborilishi

Doza oshirib yuborilgan holda, o‘ziga xos zaharga qarshi vosita bo‘lmaganligi sababli, me'dani yuvish va simptomatik choralar o‘tkazilishi kerak. Preparatni organizmdan chiqarilishini tezlashtirish uchun xolestiramin qabul qilish ham foydali hisoblanadi.


Chiqarilish shakli

Tabletkalar 7,5 mg; 15 mg dan, kontur-uyali o‘ramda.


Saqlash sharoiti

Quruq va yorug‘likdan himoyalangan joyda, 25ºS dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

"Remedy" MChJ O‘zbekiston-Buyuk Britaniya QK,
Toshkent sh., 100034, Olmazor tumani, Qora- Qamish ¼ mavzesi, 2 “B” uy.
tel./faks +(998 71) 248 86 77, 248-77-59