Preparatning savdo nomi
Naproff
Ta'sir etuvchi modda (XPN) naproksen

Dori shakli
gel
Sostav
1 g gel quyidagilarni saqlaydi
faol modda naproksen (naproksen natriy shaklida) – 100 mg;
yordamchi moddalar gidroksietiltsellyuloza, propilenglikol, 96% li etanol, metilparagidroksibenzoat, «Atirgul»aromatizatori, tozalangan suv.
Ta'rifi yengil spirt va atirgul hidli tiniq, rangsiz bir xil gel.

Farmakoterapevtik guruhi
Tayanch-harakat apparatiga ta'sir etuvchi vositalar. Sirtga qo‘llash uchun mo‘ljallangan nosteroid yallig‘lanishga qarshi preparatlar.
ATX kodi M02AA12

Farmakologik hususiyatlari

Farmakodinamika

Naproff gel – mahalliy yallig‘lanishga qarshi, shishga qarshi va og‘riq qoldiruvchi ta'sir ko‘rsatadi.
Naproksenning ta'sir mexanizmi siklooksigenaza fermentini susayishi bilan bog‘liq.
Siklooksigenaza araxidon kislotasini endoperoksidlarga oksidlanishini katalizlaydi. Ushbu reaktsiya yallig‘lanish jarayonining kechki fazalari – giperemiya va shishni yuzaga keltiruvchi prostaglandinlar sintezidagi dastlabki bosqich hisoblanadi. Bundan tashqari, naproksenning yallig‘lanishga qarshi hususiyatlari lizosomal faollikni susayishi, leykotsitlar migratsiyasini ingibitsiya bo‘lishi, erkin radikallarni neytrallanishi, shuningdek interleykin-2 ni susayishi bilan bog‘liq.
Shu bilan birga gel, tarkibida etanol borligi tufayli, yuzada sovituvchi va tinchlantiruvchi ta'sir ko‘rsatadi.

Farmakokinetikasi

So‘rilishi
Peroral qo‘llanganidan yoki rektal yuborilganidan so‘ng naproksen qon zardobida maksimal kontsentratsiyasiga 24 soat davomida erishadi. Naproksen saqlovchi preparatlar mahalliy qo‘llangandagi so‘rilishi ichga qabul qilingan yoki rektal yuborilgandagiga nisbatan sekinroq amalga oshadi. Qondagi maksimal kontsentratsiyasi teriga mahalliy qo‘llanganidan so‘ng 4 soatdan keyin namoyon bo‘ladi.
Mahalliy qo‘llanganida epidermis, derma va mushak to‘qimasida naproksenni ahamiyatli darajada to‘planishi kuzatiladi. Naproksen 10% li gel shaklida qo‘llanganidan keyin naproksenning plazmadagi kontsentratsiyasi ahamiyatsiz darajada, taxminan 1,1% bo‘lgan, siydikdagi kontsentratsiyasi 1% ni tashkil etgan. Dori vositasi mahalliy qo‘llanganidan so‘ng sinovial suyuqlikdagi kontsentratsiyasi katta emas (qon zardobidagi kontsentratsiyasining taxminan 50% ni tashkil etadi).
Metabolizmi
Naproksenning 99,9% plazma oqsillari, asosan albuminlar bilan bog‘lanadi.
Chiqarilishi
Naproksen qondan tezda chiqariladi; naproksenning taxminan 98% siydik bilan chiqariladi dozaning 10% o‘zgarmagan holda, 60% - bog‘langan naproksen ko‘rinishida (40% glyukuronidlar shaklida va 20% noma'lum bog‘langan birikma shaklida), 5% – 6-desmetil-naproksen shaklida, 12% – 6-desmetilnaproksen glyukuronat shaklida, 11% – 6-metil-naproksenning noma'lum bog‘langan birikmalari shaklida chiqariladi. Dozaning 0,5% dan 2,5% gacha qismi axlat bilan chiqariladi.
Naproksen yo‘ldosh to‘sig‘i orqali o‘tadi va ko‘krak sutiga ajralib chiqadi. Ko‘krak sutida naproksen, qon zardobidagi kontsentratsiyasini taxminan 1% kontsentratsiyada aniqlanadi.


Qo‘llanilishi

Naproff gel mahalliy holda quyidagi kasalliklarda
• mushaklarda va bo‘g‘imlarda jarohatdan keyingi og‘riqlar;
• bo‘g‘imlarning degenerativ kasalliklarida qo‘llanadi.


Qo‘llash usuli va dozalari

Quruq va toza teriga shikastlangan sohaning maydoniga qarab gelning tasmasi (odatda taxminan 4 sm) surtiladi, shikastlangan sohaga taqsimlanadi va butunlay so‘rilgunicha ehtiyotkorlik bilan ishqalanadi. Preparat odatda kuniga bir necha soatlik interval bilan kuniga 4-5 marta surtiladi.
Preparat surtilganidan so‘ng qo‘llarni yuvish kerak.
Davolashning davomiyligi kasallikni kechishiga va davolashning samaradorligiga bog‘liq. Preparatni 4 haftadan ortiq qo‘llash mumkin emas. Agar bir hafta davomida davolashdan keyin og‘riq va shish saqlanib qolsa yoki patsiyentning ahvoli yomonlashsa, shifokorga murojaat qilish lozim.
Teri qizarib va ta'sirlanib ketsa, davolashni to‘xtatish kerak. Agar simptomlar saqlanib tursa, tibbiy yordamga murojaat qilish kerak.
Naproff gelni naproksen saqlovchi boshqa preparatlar (tabletkalar, suppozitoriylar va boshqalar) bilan bir vaqtda qo‘llash mumkin.
Bolalar va o‘smirlar
Preparatni 15 yoshgacha bo‘lgan bolalar va o‘smirlarda qo‘llash mumkin emas.

Nojo‘ya ta'sirlari
Noxush reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Teri va teri osti to‘qimalari tomonidan kam hollarda – terini mahalliy ta'sirlanishi (eritema, achishish, qichishish). Fotosensibilizatsiya reaktsiyalari bo‘lishi mumkin.
Agar preparat terining katta sohalariga uzoq muddat davomida ishlatilsa, ko‘ngil aynishi, diareya, uyquchanlik, bosh og‘rig‘i kabi tizimli noxush reaktsiyalarni istisno qilish mumkin emas. Tizimli noxush reaktsiyalar paydo bo‘lganida shifokorga xabar berish kerak. Hansirash yoki dermatit paydo bo‘lganida davolashni zudlik bilan to‘xtatish kerak.
Shubha qilingan noxush reaktsiyalar bo‘yicha xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar bo‘yicha xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida, Milliy farmakologik nazorat tizimiga muvofiq xabar berishingizni so‘raymiz.


Qo‘llash mumkin bo‘lmagan holatlar

• preparatning faol moddasiga yoki yordamchi komponentlaridan birortasiga yuqori sezuvchanlik;
• salitsilatlarga (shu jumladan atsetilsalitsil kislotasiga) va boshqa nosteroid yallig‘lanishga qarshi preparatlarga (NYaQP) yuqori sezuvchanlik;
• anamnezida, salitsilatlar, naproksen yoki boshqa NYaQPni qabul qilgandan keyin yuzaga kelgan astma hurujlari;
• 15 yoshgacha bo‘lgan bolalar;
• homiladorlikning uchinchi uch oyligi va laktatsiya davri;
• teri qoplamlarining butunligini buzilishi, ochiq jarohatlar, terini ta'sirlanishi va yallig‘lanishida preparatni qo‘llash mumkin emas.

Dorilarning o‘zaro ta'siri
Naproksen tizimli qon oqimiga ahamiyatsiz darajada (taxminan 1%) so‘rilganligi tufayli, klinik ahamiyatli o‘zaro ta'sirlar ehtimoli kam.
Biroq preparat terining yirik sohalariga uzoq muddat qo‘llanganida boshqa dori vositalari bilan o‘zaro ta'sir qilishini butunlay istisno qilish mumkin emas.
Naproksen anioni, oqsillarga yaqinligi yuqori bo‘lganligi tufayli, albumin bilan bog‘langan boshqa dori vositalarni bog‘langan sohalaridan almashinishi, va shu orqali ularning ta'siriga ta'sir qilishi mumkin. Naproksen fenitoin, gidantoin, sulfonamidlar, peroral gipoglikemik vositalar va kumaringa o‘xshash antikoagulyant vositalarning ta'sirini kuchaytiradi. Ushbu preparatlar naproksenning ta'sirini kuchaytirishi mumkin.
Naproksenni kaliyni tejovchi diuretiklar bilan bir vaqtda qabul qilish giperkaliyemiyaga olib kelishi mumkin.
Quyidagi o‘zaro ta'sirlar naproksen peroral qabul qilinganidan so‘ng kuzatilgan
• metotreksat va litiyni naychalar sekretsiyasi kamayadi;
• glyukokortikoidlar, boshqa NYaQP yoki atsetilsalitsil kislotasini bir vaqtda qabul qilish me'da-ichak tizimi tomonidan asoratlarni rivojlanish havfini oshishiga olib kelishi mumkin;
• naproksen furosemidning natriyuretik samarasini ingibitsiya qiladi;
• probenetsid naproksenning plazmadagi darajasini oshiradi;
• alkogol naproksenning noxush reaktsiyalarini kuchaytiradi.
Atsetilsalitsil kislotasi
Klinik farmakodinamik ma'lumotlar, naproksenni bir kundan ortiq vaqt davomida ketma-ket bir vaqtda ishlatilishi atsetilsalitsil kislotasining kichik dozasini trombotsitlarning faolligiga ta'sirini ingibitsiya qilishi mumkinligidan, va bu ingibitsiya naproksen bilan davolash to‘xtatilganidan so‘ng bir necha kun davomida saqlanib turishi mumkinligidan dalolat beradi. Ushbu o‘zaro ta'sirning klinik ahamiyati noma'lum.
Laborator o‘zaro ta'sirlar
Naproksen trombotsitlar agregatsiyasini kamaytirishi va qon ketishi vaqtini uzaytirishi mumkin.


Maxsus ko‘rsatmalar

Quyidagi holatlarda preparatni ehtiyotkorlik bilan qo‘llash kerak
• anamnezida NYaQP guruhiga mansub preparatlari bilan davolanish vaqtida allergik reaktsiyalar (toshma, terini qichishishi, qizarishi) kuzatilganida (yuqorida sanab o‘tilgan simptomlar rivojlanganida davolashni to‘xtatish kerak);
• jigar yetishmovchiligi, buyrak yetishmovchiligi, qon aylanishini buzilishlari bo‘lgan patsiyentlarni davolashda;
• preparat terining yirik sohalariga uzoq muddat davomida qo‘llanganida.
Naproff gelni shilliq qavatlarga va ko‘zlarga surtish mumkin emas. Gel ko‘zlarga yoki shilliq qavatlarga tushganida, ularni ko‘p miqdordagi suv bilan yuvish kerak.
Preparatni bog‘lov (bandajlar, plastir) ostiga qo‘yish mumkin emas. Preparat ichga qabul qilish uchun mo‘ljallanmagan.
Preparat bilan davolanish vaqtida va davolash tugaganidan so‘ng navbatdagi ikki hafta davomida solyariyga borishdan yoki bevosita quyosh nurlari ta'siridan saqlanish kerak.
Bolalar preparatni qo‘llash havfsizligi yuzasidan maxsus tadqiqotlar o‘tkazilmaganligi tufayli, preparat 15 yoshdan boshlab o‘smirlar va kattalarda qo‘llash uchun mo‘ljallangan.
Yordamchi moddalar
Preparat tarkibida allergik reaktsiyalarni (ehtimol kechikkan) chaqirishi mumkin bo‘lgan metilparagidroksibenzoat saqlaydi.
Preparat terini ta'sirlantirishi mumkin bo‘lgan propilenglikol saqlaydi.
Homiladorlikda va laktatsiya davrida qo‘llanilishi
Homiladorlik
Homilador ayollarda naproksenni qo‘llash havfsizligi aniqlanmagan.
Preparatni homiladorlikning birinchi va ikkinchi uch oyligida qo‘llash mumkin emas, ona uchun davolashdan kutiladigan foyda homila uchun potentsial havfdan ustun bo‘lgan holatlar bundan mustasno.
Homiladorlikning uchinchi uch oyligida preparatni qo‘llash mumkin emas, chunki naproksen bachadon mushaklarini qisqarishini ingibitsiya qiladi; naproksenni homilaga ta'siri arterial qon oqimini muddatidan oldin yopilishiga, og‘ir va davomli tug‘ruqlarga olib kelishi mumkin.
Laktatsiya
Laktatsiya vaqtida preparatni qo‘llash mumkin emas, chunki naproksen ko‘krak suti bilan ajralib chiqadi.
Avtotransportni haydash va mexanizmlarni boshqarish qobiliyatiga ta'siri
Avtotransportni haydash va mexanizmlarni boshqarish qobiliyatiga preparatni salbiy ta'siri kuzatilmagan.


Dozani oshirib yuborilishi

Dozani oshirib yuborilish yoki intoksikatsiyani rivojlanish ehtimoli kam, chunki sirtga qo‘llanganida naproksenni tizimli so‘rilishi juda kam.
Biroq preparat noto‘g‘ri qo‘llanganida yoki bexosdan ichga yutib yuborilganida tizimli noxush reaktsiyalar paydo bo‘lishi mumkin. Bunday holatda NYaQP bilan zaharlanganda tavsiya etilgan choralarni o‘tkazish kerak.
Dozasi oshirib yuborilganidan so‘ng dastlabki bir soat davomida me'dani bo‘shatish va faollashtirilgan ko‘mir qabul qilish kerak.


Chiqarilish shakli

Gel 30 g yoki 45 g dan alyumin tubalarda.
1 alyumin tuba tibbiyotda qo‘llanilishiga doir yo‘riqnomasi bilan birga karton qutiga joylangan.


Saqlash sharoiti

Yorug‘likdan himoyalangan joyda, 25ºS dan yuqori bo‘lmagan haroratda saqlansin.
Bolalar ololmaydigan joyda saqlansin!


Yaroqlilik muddati


Ishlab chiqarilgan
sanadan boshlab 3 yil.

Yaroqlilik muddati
tugaganidan so‘ng qo‘llanilmasin.


Dorixonalardan berish tartibi

Retseptsiz.