Preparatning savdo nomi
Nimid
Ta'sir etuvchi modda (XPN) nimesulid

Dori shakli
sirtga qo‘llash uchun gel

Tarkibi

Har bir gramm gel saqlaydi
faol modda 10 mg nimesulid;
yordamchi moddalar benzil spirti, propilenglikol, karbomer 940, dinatriy edetati, natriy gidroksid granulalari, Cologne Comp 530 aromatizatori, tozalangan suv.
Ta'rifi och – sariq rangli, tiniq bo‘lmagan bir xil gel.

Farmakoterapevtik guruhi
yallig‘lanishga qarshi mahalliy qo‘llash uchun nosteroid yallig‘lanishga qarshi preparatlar.
ATX kodi M02AA26.


Farmakologik xususiyatlari


Farmakodinamika
si
Nimesulid — yallig‘lanishga qarshi, og‘riq qoldiruvchi va isitma tushiruvchi xususiyatlarga egafaol modda. Nimesulid SOG – 2 (tsiklooksigenaza – 2) ni tanlab ingibitsiya qiladi va yallig‘lanish o‘chog‘ida prostaglandinlar sintezini bostiradi.
Nimesulid miyeloperoksidaza fermentini ajralib chiqishni ingibitsiya qiladi, fagotsitoz va xemotaksis jarayonlariga ta'sir qilmay, kislorodning erkin radikallarini hosil bo‘lishini susaytiradi, shuningdek yallig‘lanishda o‘smalar nekrozining faktorini va boshqa yallig‘lanish mediatorlarini hosil bo‘lishni susaytiradi.
Nimesulid interleykin – 6 va urokinaza sintezini bostirish xususiyatga ega bo‘lib, shu tariqa tog‘ay to‘qimalarini parchalanishiga to‘sqinlik qiladi. Metalloproteazalar (elastazalar, kollagenozlar) sintezini ingibitsiya qiladi, proteoglikanlar va tog‘ay to‘qimalarini yemirilishini bartaraf etadi. Mahalliy qo‘llanganda, gel surtilgan joyda, preparat og‘riqni, shu jumladan tinch holatdagi va harakat jarayonidagi bo‘g‘im og‘rig‘ini susayishiga va yo‘qolishiga olib keladi, ertalabki tangligini va bo‘g‘imlar shishini kamaytiradi. Gel harakatlar diapazonini oshiradi.

Farmakokinetikasi

Gel teriga surilganidan keyin nimesulid sekin so‘riladi, teri osti yog‘ kletchatkasiga, mushak to‘qimasiga, bo‘g‘im kapsulasiga, sinovial suyuqlikga kiradi. Yallig‘lanish o‘chog‘ida uzoq vaqtgacha faol moddaning turg‘un yuqori kontsentratsiyasini hosil qiladi. O‘tkazilgan farmakokinetik tadqiqotlarda, nimesulid mahalliy qo‘llanganda qon plazmasiga tizimli so‘rilishi ahamiyatsiz darajada ekanligi va 5 soatdan keyin qon plazmasida gidroksinimesulid – 4ning juda past kontsentratsiyalarini (100 mkg/l) aniqlanishi qayd etilgan.


Qo‘llanilishi

• Tayanch–harakat apparatining og‘riq va shishlar bilan kechadigan, yallig‘lanish va degenerativ xarakterdagi kasalliklari
• revmatik va revmatoid artrit;
• podagrik va psoriatik artrit;
• ankilozlanuvchi spondilit (Bexterev kasalligi);
• Reyter sindromi;
• osteoartrit
• bursit, miozit, tendinit, tendosinovit;
• radikulyar (ildizcha) sindromi bilan kechuvchi osteoxondroz;
• mialgiya, nevralgiya, ishias, lyumbago.
• Yumshoq to‘qimalar va tayanch – harakat apparatini jarohatdan (shikastlanishlarva uzilishlar); dan keyingi yallig‘lanishda.
• Og‘ir jismoniy zo‘riqish oqibatida og‘riqda qo‘llaniladi.


Qo‘llash usuli va dozalari

Tubadan gel tizimchasini (uzunligi 3 sm) siqib chiqarib, so‘ngra terining eng og‘riqli sohasiga, yupqa qavat qilib bir tekisda surtish lozim. Ishqalanmasin!
Muolajani kuniga 3–4 marta bajarish kerak. Gelni terining toza va quruq yuzasiga surtish zarur.

Nojo‘ya ta'sirlari
Nimid odatda yaxshi o‘zlashtiriladi, lekin gel qo‘llangan joyda, asosan davolash boshlangandan keyin, birinchi haftasi davomida qichishish, po‘st tashlash, toshmalar paydo bo‘lishi mumkin.
Kam hollarda atsetilsalitsil kislotasigava boshqa nosteroid yallig‘lanishga qarshi preparatlarga individual yuqori sezuvchanlik bo‘lganida Kvinke shishi, vazomotor rinit, astma, bronxospazm ko‘rinishidagi anafilaktik reaktsiyalari to‘g‘risida xabar qilingan.


Qo‘llash mumkin bo‘lmagan holatlar

Dermatitlar, epidermisni shikastlanishlari va qo‘llash sohasida teri infektsiyalari; preparatga yuqori individual sezuvchanlik, aspirin astmasi, homiladorlik davri (uch oylik), 12 yoshgacha bo‘lgan bolalarda qo‘llanmaydi.

Dorilarning o‘zaro ta'siri
Bir nechta NYaQP ni bir vaqtda mahalliy qo‘llanganda–eshakemi, terini qizarishi, qipiqlanish ko‘rinishida mahalliy ta'sirlanishlar rivojlanishi mumkin.
Glyukokortikoidlar va revmatizmga qarshi vositalar (oltin preparatlari, aminoxinolonlar) Nimid gelining yallig‘lanishga qarshi ta'sirini kuchaytiradi.


Maxsus ko‘rsatmalar

Nimid gelini ochiq jarohatlarga surtishdan saqlangan holda, shikastlanmagan teriga surtish lozim. Preparatni ko‘zga va shilliq qavatiga tushishidan saqlanish lozim. Okklyuzion bog‘lovlarni qo‘yish mumkin emas. Nojo‘ya reaktsiyalar xavfi qisqa vaqt davri davomida minimal samarali dozani surtish yo‘li bilan pasaytirilishi mumkin. Agar yaxshilanish kuzatilmasa patsiyentni tekshirish va terapiyaga o‘zgartirishlar kiritish kerak.
Homiladorlik va laktatsiya davrida qo‘llanilishi
Preparatni, agar ona uchun foyda, homila uchun potentsial xavfdan ustunbo‘lsa, qo‘llash mumkin.
Transport vositasini va boshqa potentsial xavfli mexanizmlarni boshqarish qobiliyatiga ta'siri
Ta'sir qilmaydi.


Dozani oshirib yuborilishi

Maxalliy qo‘llanganda dozani oshirib yuborilishi ehtimoli kam.


Chiqarilish shakli

30 g yoki 100 g preparat, oq buraladigan qopqoqli, laminatsiya qilingan tubalarda.
Har bir tuba tibbiyotda qo‘llanilishiga doir yo‘riqnomasi bilan birga karton o‘ramda.


Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.
Muzlatilmasin!

Yaroqlik muddati
3 yil.
Preparat yaroqlilik muddati tugagandan so‘ng qo‘llanilmasin.

Dorixonadan berish tartibi
Retseptsiz beriladi.


Ishlab chiqaruvchi

Kusum Healthcare Pvt. Ltd.

Ishlab chiqarish manzili
SP-289(A), RIICO Industrial Area, Chopanki, Bhiwadi, Dist. Alwar (Rajasthan), Hindiston.