Preparatning savdo nomi
Revmoksikam
Ta'sir etuvchi modda Meloksikam

Dori shakli
In'ektsiya uchun eritma.

Tarkibi

1 ml preparat quyidagilarni saqlaydi
faol modda 10 mg meloksikam 100% moddaga qayta hisoblanganda;
yordamchi moddalar meglyumin (N-metilglyukamin), glitsin, poloksamer 188, glikofurol, natriy xloridi, 0,1 M natriy gidroksid eritmasi, in'ektsiya uchun suv.
Ta'rifi tiniq, sariq yoki yashil-sariq rangli eritma.

Farmakoterapevtik guruhi
Nosteroid yallig‘lanishga qarshi va revmatizmga qarshi vositalar.
ATX kodi M01AS06.


Farmakologik xususiyatlari


Farmakodinamika

Revmoksikam – bu yallig‘lanishga qarshi, og‘riq qoldiruvchi va isitmani tushiruvchi samaralarga ega enoliyen kislotasi sinfiga mansub nosteroid yallig‘lanishga qarshi preparatdir (NYaQP).
Meloksikam yallig‘lanishning barcha standart modellarida yuqori yallig‘lanishga qarshi faollikni namoyon qilgan. Boshqa NYaQP kabi uning aniq ta'sir mexanizmi noma'lumligicha qolmoqda. Lekin barcha NYaQP (jumladan meloksikam) uchun umumiy ta'sir mexanizmi mavjud yallig‘lanish mediatori bo‘lib hisoblangan prostaglandinlar sintezini susaytirish.

Farmakokinetikasi

So‘rilishi.
Meloksikam mushak ichiga in'ektsiyadan keyin to‘liq so‘riladi. Peroral qabul qilingandagiga nisbatan nisbiy biokiraolishligi deyarli 100% ni tashkil qiladi. Shuning uchun mushak ichiga yuborishdan peroral qabul qilishga o‘tishda dozani muvofiqlashtirish zarur emas. 15 mg meloksikam mushak ichiga in'ektsiyasidan keyin qon plazmasidagi maksimal kontsentratsiyasi taxminan 1,6-1,8 mkg/ml ni tashkil qiladi va 1-6 soatda erishiladi.
Taqsimlanishi.
Meloksikam plazma oqsillari, asosan albuminlar bilan kuchli (99%) bog‘lanadi. Meloksikam sinovial suyuqlikka kiradi, u yerda uning kontsentratsiyasi qon plazmasidagidan yarmiga kam. Taqsimlanish xajmi past, mushak ichiga yoki vena ichiga yuborilganda o‘rtacha 11 l ni tashkil qiladi va 7-20% chegaralarida individual og‘ishlarni namoyon qiladi. Meloksikamning peroral dozalari (7,5 dan 15 mg gacha) ko‘p marta qo‘llanilgandan keyin taqsimlanish xajmi 11% dan 32% gacha chegaralarida og‘ish koeffitsenti bilan 16 l ni tashkil qiladi.
Biotransformatsiyasi.
Meloksikam jigarda jadal biotransformatsiyaga uchraydi.
Siydikda meloksikamning 4 turli metabolitlari aniqlangan, ular farmakodinamik jihatdan faol hisoblanmaydi. Asosiy metabolit 5'-karboksimeloksikam (dozaning 60%) kamroq darajada (dozaning 9%) ajraladigan oraliq metabolit 
5'-gidroksimetilmeloksikamni oksidlanishi yo‘li bilan shakllanadi. In vitro sharoitdagi tadqiqotlar CYP 2C9 metabolizmda muhim rol o‘ynayishini namoyish qilgan, ayni vaqtda CYP 3A4 izoenzimi kamroq darajada rol o‘ynaydi. Patsiyentlarda peroksidazaning faolligi ehtimol buyurilgan dozaning muvofiq ravishda 16% va 4% ni tashkil qiluvchi ikkita boshqa metabolitga javobgar.
Chiqarilishi.
Meloksikamni chiqarilishi asosan metabolitlari ko‘rinishida siydik va axlatda teng nisbatlarda amalga oshadi. Sutkalik dozaning 5% dan kamrog‘i o‘zgarmagan ko‘rinishda axlat bilan, ahamiyatsiz miqdori siydik bilan chiqariladi. Yarim chiqarilish davri qo‘llash usuliga qarab (peroral, mushak ichiga yoki vena ichiga) 13 dan 25 soatgachani tashkil qiladi. Plazmadagi klirensi bir martalik peroral doza, vena ichiga yoki rektal qo‘llanilgandan keyin taxminan minutiga 7-12 ml ni tashkil qiladi.
Dozani proportsionalligi.
Meloksikam 7,5 mg dan 15 mg gacha terapevtik doza peroral va mushak ichiga qo‘llanilgandan keyin to‘g‘ri proportsionallikni namoyon qiladi.
Bemorlarning alohida guruhlari.
Jigar/buyrak yetishmovchiligi bo‘lgan patsiyentlar.
Yengil va o‘rtacha og‘irlik darajasidagi jigar va buyrak yetishmovchiligi meloksikamning farmakokinetikasiga sezilarli ta'sir ko‘rsatmaydi. O‘rtacha buyrak yetishmovchiligi bo‘lgan patsiyentlarda yuqoriroq umumiy klirens kuzatilgan. Terminal buyrak yetishmovchiligi bo‘lgan patsiyentlarda plazma oqsillari bilan bog‘lanish darajasini pasayishi kuzatilgan. Terminal buyrak yetishmovchiligida taqsimlanish xajmini oshishi erkin meloksikamning kontsentratsiyasini oshishiga olib kelishi mumkin. 7,5 mg sutkalik dozani oshirish mumkin emas.
Keksa yoshdagi patsiyentlar.
Erkak jinsiga mansub keksa yoshdagi patsiyentlarda o‘rtacha farmakokinetik ko‘rsatkichlar erkak jinsiga mansub yosh ko‘ngillilardagiga o‘xshash bo‘lgan. Ayol jinsiga mansub keksa yoshdagi patsiyentlarda ikkali jinsga mansub yosh ko‘ngillilardagi tegishli ko‘rsatkichlarga nisbatan AUC yuqori va yarim chiqarilish davri davomli. Keksa yoshdagi patsiyentlarda muvozanat holatidagi o‘rtacha plazma klirensi yosh ko‘ngillilarga nisbatan biroz pastroq bo‘lgan.


Qo‘llanilishi

Peroral va rektal qo‘llash usuli imkoni bo‘lmaganida revmatoid artrit va ankilozlovi spondilitning o‘tkir xurujini qisqa muddatli simptomatik davolashda qo‘llanadi.


Qo‘llash usuli va dozalari

Dozalash.
Bir in'ektsiya 15 mg sutkada 1 marta buyuriladi.
SUTKADA 15 MG DOZA OSHIRILMASIN.
Davolashni boshida davolash bitta in'ektsiya bilan chegaralanadi, davolash davomiyligi – asoslangan ayrim hollarda (masalan peroral va rektal yuborish usuli imkoni bo‘lmasa) 2-3 kungacha. Simptomlarni nazorat qilish uchun zarur eng past dozani eng qisqa muddat qo‘llash yo‘li orqali nojo‘ya reaktsiyalarni minimallashtirish mumkin (“
Maxsus ko‘rsatmalar
” bo‘limiga qarang).
Patsiyentlarning simptomatik yengillashishga ehtiyoji va ularning davolashga javobini vaqti-vaqti bilan baholash kerak.
Patsiyentlarning alohida toifalari.
Keksa yoshdagi patsiyentlar.
Keksa yoshdagi patsiyentlarda tavsiya etilgan doza sutkada 7,5 mg ni tashkil qiladi (1,5 ml ampulaning yarmi).
Nojo‘ya reaktsiyalarning rivojlanishining yuqori xavfi bo‘lgan patsiyentlar.
Nojo‘ya reaktsiyalarning rivojlanishining yuqori xavfi bo‘lgan, masalan anamnezida me'da-ichak kasalliklari yoki yurak-tomir kasalliklari rivojlanishining xavf omillari bo‘lgan patsiyentlarga davolanishni sutkada 7,5 mg (1,5 ml ampulaning yarmi) dan boshlash kerak.
Buyrak yetishmovchiligi
Ushbu dori preparatini gemodializda bo‘lmagan, og‘ir buyrak yetishmovchiligi bo‘lgan patsiyentlarga qo‘llash mumkin emas.
Dializda bo‘lgan, og‘ir buyrak yetishmovchiligi bo‘lgan patsiyentlar uchun doza sutkada 7,5 mg dan oshmasligi kerak (1,5 ml ampulaning yarmi).
O‘rtacha va kuchsiz buyrak yetishmovchiligi (aynan kreatinin klirensi minutiga 25 ml dan yuqori ) bo‘lgan patsiyentlarda dozani kamaytirish talab etilmaydi.
Jigar yetishmovchiligi.
Yengil va o‘rtacha jigar yetishmovchiligi bo‘lgan patsiyentlarda dozani kamaytirish talab etilmaydi. Og‘ir jigar yetishmovchiligi bo‘lgan patsiyentlar yuzasidan “
Qo‘llash mumkin bo‘lmagan holatlar
” bo‘limiga qarang.
Qo‘llash usuli.
Mushak ichiga qo‘llash uchun mo‘ljallangan.
Preparatni qat'iy aseptika qoidalariga rioya qilgan holda dumbaning yuqori tashqi kvadratiga chuqur mushak ichiga in'ektsiya yo‘li orqali sekin yuboriladi. Takroran yuborilgan holatlarda chap va o‘ng dumbani navbatma-navbat qo‘llanadi. In'ektsiyadan oldin igna qon tomir ichida emasligiga ishonch hosil qilish kerak.
In'ektsiya vaqtida kuchli og‘riq kuzatilganda in'ektsiyani darhol to‘xtatish kerak. Agar patsiyentda chanoq-son protezi bo‘lsa, in'ektsiyani boshqa dumbaga amalga oshirish kerak.
Davolanishni davom ettirish uchun preparatning peroral shaklini (tabletka) qabul qilish kerak.
Bolalar.
Bolalarda (18 yoshgacha) Revmoksikam® 15 mg/1,5 ml in'ektsiya uchun eritmani qo‘llash mumkin emas.

Nojo‘ya ta'sirlari
Tadqiqotlar va epidemiologik ma'lumotlar ayrim NYaQP ni (ayniqsa yuqori dozalarda va uzoq vaqt) qo‘llash qon tomir trombotik ko‘rinishlar (miokard infarkti yoki insult) xavfini biroz oshishi bilan bog‘lqiligini taxmin qilish imkonini beradi.
NYaQP bilan davolaganda shish, arterial gipertenziya va yurak yetishmovchiligi kuzatilgan.
Kuzatilgan nojo‘ya samaralar me'da-ichak yo‘llari bilan bog‘liq bo‘lgan. Ayniqsa keksa yoshdagi patsiyentlarda ba'zida ulimga olib keluvchi peptik yara, perforatsiya yoki me'da-ichakdan qon ketishi kuzatilishi mumkin. Qo‘llagandan keyin ko‘ngil aynishi, qusish, diareya, meteorizm, qabziyat, dispepsiya, abdominal og‘riq, melena, qon aralash qusish, yarali stomatit, kolit va Kron kasalligini zo‘rayishi kuzatilgan. Gastrit kamroq tez-tezlikda kuzatiladi.
Terining og‘ir shikastlanishlari Stivens-Djonson sindromi va toksik epidermal nekroliz haqida xabar berilgan.
Dori vositasining nojo‘ya reaktsiyalarini rivojlanishi tez-tezligini baholash mezonlari juda tez-tez (≥1/10); tez-tez (≥1/100, <1/10); tez-tez emas (≥1/1000, <1/100) kam hollarda (≥1/10000, <1/1000); juda kam hollarda (<1/10000); noma'lum (mavjud ma'lumotlar asosida aniqlashning imkoni yo‘q).
Qon va limfatik tizim tomonidan
tez-tez emas-anemiya;
kam hollarda - qon tahlilini normadan og‘ishi (shu jumladan leykotsitlar miqdorini o‘zgarishi), leykopeniya, trombotsitopeniya.
Juda kam hollarda agranulotsitoz holatlari haqida xabar berilgan (“Alohida jiddiy va/yoki tez-tez uchraydigan nojo‘ya reaktsiyalar” ga qarang).
Immun tizimi tomonidan
tez-tez emas - anafilaktik yoki anafilaktoid reaktsiyalardan farq qiluvchi allergik reaktsiyalar;
noma'lum - anafilaktik shok, anafilaktik reaktsiya, anafilaktoid reaktsiya, shu jumladan shok.
Ruhiyat buzilishlari
kam hollarda - kayfiyatni o‘zgarishi, tungi dahshatlar;
noma'lum - ongni chalkashishi, dezoriyentatsiya, uyqusizlik.
Nerv tizimi tomonidan
Tez-tez - bosh og‘rig‘i;
tez-tez emas - bosh aylanishi, uyquchanlik.
Ko‘rish a'zolari tomonidan
kam hollarda - ko‘rishni buzilishi, shu jumladan ko‘rishni noaniqligi, kon'yunktivit.
Eshitish va vestibulyar apparati tomonidan
tez-tez emas - bosh aylanishi;
kam hollarda - quloqlarda shang‘illash.
Kardial buzilishlar
kam hollarda - yurak urishini his qilish.
NYaQP ni qo‘llash bilan bog‘liq yurak yetishmovchiligi haqida xabar berilgan.
Tomirlartomonidan
tez-tez emas - arterial bosimni oshishi, qizib ketish.
Nafas tizimi, ko‘krak qafasi va ko‘ks oralig‘i a'zolari tomonidan
kam hollarda - atsetilsalitsil kislotasi va boshqa NYaQP ga allergiyasi bo‘lgan patsiyentlarda astma;
noma'lum - nafas yo‘llari infektsiyalari, yo‘tal.
Ovqat hazm qilish yo‘llari tomonidan
juda tez-tezovqat hazm qilish tizimini buzilishi dispepsiya, ko‘ngil aynishi, qusish, qorinda og‘riq, qabziyat, meteorizm, diareya;
tez-tez emasme'da-ichakdan yashirin yoki makroskopik qon ketishi, stomatit, gastrit, kekirish;
kam hollardakolit, gastroduodenal yara, ezofagit;
juda kam hollardame'da-ichakperforatsiyasi;
noma'lumpankreatit.
Me'da -ichakdan qon ketishi, yara yoki perforatsiya ayniqsa keksa yoshli patsiyentlarda og‘ir yoki potentsial ulimga olib keluvchi bo‘lishi mumkin.
Gepatobiliar tizim tomonidan
tez-tez emasjigar funktsiyasi ko‘rsatkichlarini buzilishi (masalan transaminazalar va bilirubinni oshishi);
juda kam hollarda – gepatit;
noma'lum - sariqlik, jigar yetishmovchiligi.
Teri va teri osti kletchatkasi tomonidan
tez-tez emasangionevrotik shish, qichishish, toshma;
kam hollardaStivens-Djonson sindromi, toksik epidermal nekroliz, eshakemi;
juda kam hollarda – bullyoz dermatit, ko‘p shaklli eritema;
noma'lum - fotosezuvchanlik reaktsiyasi, eksfoliativ dermatit.
Siydikchiqarish tizimi tomonidan
tez-tez emasnatriy va suvni tutilishi, giperkaliyemiya, buyrak funktsiyasi ko‘rsatkichlarini o‘zgarishi (qon zardobida kreatinin va/yoki mochevinani oshishi);
juda kam hollarda - o‘tkir buyrak yetishmovchiligi, xususan xavf omillari bo‘lgan patsiyentlarda;
noma'lum - siydik chiqarish yo‘llari infektsiyalari, siyish tez-tezligini buzilishi.
Reproduktiv tizimi va sut bezlari tomonidan
Noma'lum – ayollar bepushtligi, ovulyatsiyani tutilishi.
Umumiy buzilishlar va yuborish joyidagi reaktsiyalar
tez-tezin'ektsiya joyini qattiqlashishi, in'ektsiya joyida og‘riq;
tez-tez emasshish, shu jumladan oyoqlarni shishi;
noma'lum - grippsimon simptomlar.
Tayanch xarakat tizimi tomonidan
noma'lum - artralgiya, belda og‘riq, bo‘g‘imlar bilan bog‘liq simptomlar.
Alohida jiddiy va/yoki tez-tez uchraydigan nojo‘ya reaktsiyalar.
Meloksikam va boshqa potentsial miyelotoksik dori vositalarini qabul qilgan patsiyentlarda agranulotsitozning juda kam holatlari haqida xabar berilgan (“Dorilarning o‘zaro ta'siri” bo‘limiga qarang).
Preparatni qo‘llash bilan assotsiatsiyalanmagan, lekin shu sinfga mansub birikmalar uchun xarakterli bo‘lgan nojo‘ya reaktsiyalar.
Buyrakni organik shikastlanishi, u ehtimol, o‘tkir buyrak yetishmovchiligiga olib keladi interstitsial nefrit, o‘tkir tubulyar nekroz, nefrotik sindrom va papillyar nekroz holatlari haqida xabar berilgan.


Qo‘llash mumkin bo‘lmagan holatlar

• Meloksikam yoki dori vositasining boshqa komponentlariga yoki NYaQP, aspirin kabi shunga o‘xshash ta'sirga ega faol moddalarga o‘ta yuqori sezuvchanlik. Aspirin yoki boshqa NYaQP qabul qilgandan keyin astma simptomlari, burun poliplari, angionevrotik shish yoki eshakemi rivojlangan patsiyentlarga meloksikamni buyurish mumkin emas;
• anamnezida avvalgi NYaQP bilan davolash bilan bog‘liq me'da-ichakdan qon ketishi yoki perforatsiya;
• anamnezida faol yoki qaytalanuvchi peptik yara/qon ketishi (yara yoki qon ketishining ikkita yoki undan ko‘p tasdiqlangan holatlari);
• og‘ir jigar yetishmovchiligi;
• dializ qo‘llanilmaydigan og‘ir buyrak yetishmovchiligi;
• anamnezida me'da-ichakdan qon ketishi, serebrovaskulyar qon ketishi yoki qon ivishining boshqa buzilishlari;
• gemostazni buzilishlari yoki antikoagulyantlarni bir vaqtda qo‘llash (qo‘llash mumkin bo‘lmagan holat yuborish usuli bilan bog‘liq);
• og‘ir yurak yetishmovchiligi;
• koronar shuntlashda (KSh) perioperatsion og‘riqni davolash;
• homiladorlikning III uch oyligi (“Homiladorlik yoki emizish davrida qo‘llanishi” bo‘limiga qarang);
• 18 yoshgacha bo‘lgan patsiyentlarda qo‘llash mumkin emas.

Dorilarning o‘zaro ta'siri
O‘zaro ta'sir yuzasidan tadqiqotlar faqat kattalar ishtirokida o‘tkazilgan.
Giperkaliyemiya bilan bog‘liq xavflar.
Ayrim dori vositalari giperkaliyemiya chaqirishi mumkin kaliyli tuzlar, kaliy tejovchi diuretiklar, angiotenzinga aylantiruvchi ferment (AAF) ingibitorlari, angiotenzin 
II retseptorlari antagonistlari, nosteroid yallig‘lanishga qarshi preparatlari, (quyimolekulyar yoki fraktsiyalanmagan) geparinlar, siklosporin, takrolimus va trimetoprim.
Giperkaliyemiyani boshlanishi omillar bilan bog‘liqlik mavjudligiga bog‘liq. Agar yuqorida ko‘rsatilgan dori vositalari meloksikam bilan bir vaqtda qo‘llanilsa giperkaliyemiya yuzaga kelishi xavfi ortadi.
Farmakodinamik o‘zaro ta'sirlar.
Boshqa nosteroid yallig‘lanishga qarshi preparatlar (NYaQP) va ≥3 g/sutka dozada atsetilsalitsil kislotasi. Boshqa NYaQP, shu jumladan bir marta qabul qilish uchun ≥500 mg yoki ≥3 g umumiy sutkalik dozada atsetilsalitsil kislota bilan majmuasi tavsiya etilmaydi.
Kortikosteroidlar (masalan glyukokortikoidlar). Me'da-ichakdan qon ketishi yoki yara paydo bo‘lishining yuqori xavfi tufayli, kortikosteroidlar bilan bir vaqtda qo‘llash ehtiyotkorlikni talab etadi.
Antikoagulyantlar yoki geparin. Trombotsitlar funktsiyasini susayishi va gastroduodenal shilliq qavatni shikastlanishi oqibatida qon ketishlar xavfi ahamiyatli oshadi. NYaQP varfarin kabi antikoagulyantlarning samarasini kuchaytirishi mumkin. Geriatrik amaliyotda yoki terapevtik dozalarda NYaQP va antikoagulyantlarni yoki geparinni bir vaqtda qo‘llash tavsiya etilmaydi. Mushak ichiga yuborilganligi tufayli meloksikamning in'ektsiya uchun eritmasini antikoagulyantlar bilan davolanayotgan patsiyentlarda qo‘llash mumkin emas.
Geparinni qo‘llashning boshqa holatlarida (masalan profilaktik dozalarda) qon ketishi xavfi yuqori ekanligi tufayli, ehtiyotkorlikka rioya qilish kerak.
Trombolitik va antiagregatsion dori vositalari. Trombotsitlar funktsiyasini susayishi va gastroduodenal shilliq qavatni shikastlanishi tufayli, qon ketishi xavfi oshadi.
Serotoninni qayta qamrab olinishining selektiv ingibitorlari (SQQOSI). Me'da-ichakdan qon ketishi xavfi oshadi.
Diuretiklar, AAF ingibitorlari va angiotenzin II antagonistlari. NYaQP diuretiklar va boshqa antigipertenziv dori vositalarining samarasini pasaytirishi mumkin. Buyrak funktsiyasini buzilishi bo‘lgan ayrim patsiyentlarda (masalan degidratatsiya bo‘lgan patsiyentlarda yoki buyrak funktsiyasini buzilishi bo‘lgan keksa yoshdagi patsiyentlarda) AAF ingibitorlari yoki angiotenzin II antagonistlarini va siklooksigenazani susaytiruvchi dori vositalarini bir vaqtda qo‘llash buyrak funktsiyasini keyingi yomonlashishiga olib kelishi mumkin, shu jumladan odatda qaytuvchan bo‘lgan o‘tkir buyrak yetishmovchiligiga olib kelishi mumkin. Shuning uchun majmuani ehtiyotkorlik bilan qo‘llash kerak, ayniqsa keksa yoshdagi patsiyentlarda. Patsiyentlar adekvat miqdorda suyuqlik qabul qilishlari kerak, shuningdek ularda birga davolash boshida va keyinchalik vaqti-vaqti bilan funktsiyasini nazorat qilish kerak.
Boshqa antigipertenziv dori vositalari (masalan beta-adrenoblokatorlar). Yuqorida ko‘rsatilgan dori vositalarini qo‘llagandagi kabi beta-blokatorlarning antigipertenziv samarasini pasayishi rivojlanishi mumkin (qon tomirlarni toraytirish samarasiga ega prostaglandinlarni susaytirish oqibatida).
Kaltsinevrin ingibitorlari (masalan siklosporin, takrolimus). Buyrak prostaglandinlarining samarasini mediatsiyasi yo‘li orqali NYaQP tomonidan kaltsinevrin ingibitorlarining nefrotoksikligi kuchayishi mumkin. Davolash vaqtida buyrak funktsiyasini nazorat qilish kerak. Buyrak funktsiyasini sinchkovlik bilan nazorat qilish kerak, ayniqsa keksa yoshdagi patsiyentlarda.
Deferasiroks. Meloksikam va deferasiroksni birga qo‘llash me'da-ichak yo‘llari tomonidan nojo‘ya reaktsiyalar xavfini oshirishi mumkin. Ushbu dori vositalarini majmuaviy qo‘llaganda ehtiyotkorlikka rioya qilish kerak.

Farmakokinetik o‘zaro ta'sirlar meloksikamning boshqa dori vositalarining farmakokinetikasiga ta'siri.
Litiy. Toksik darajalarga yetishi mumkin bo‘lgan qon plazmasida litiyning kontsentratsiyasini oshiradigan (litiyning buyrak ekskretsiyasini pasayishi yo‘li orqali) NYaQP haqida ma'lumotlar mavjud. Litiy va NYaQP bir vaqtda qo‘llash tavsiya etilmaydi. Agar majmuaviy davolash zarur bo‘lsa, davolashni boshida, dozani tanlashda yoki meloksikam bilan davolashni to‘xtatishda qon plazmasida litiyning darajasini sinchkovlik bilan nazorat qilish kerak.
Metotreksat. NYaQP metotreksatning tubulyar sekretsiyasini kamaytirishi mumkin, shu orqali uning qon plazmasidagi kontsentratsiyasini oshirishi mumkin. Shu sababli metotreksatning yuqori dozalarini (xaftada 15 mg dan yuqori) qabul qilayotgan patsiyentlarda NYaQP bilan birga qo‘llash mumkin emas. Metotreksatning past dozalarini qabul qilayotgan patsiyentlarda, shu jumladan buyrak funktsiyasini buzilishi bo‘lgan patsiyentlarda NYaQP va metotreksatning o‘zaro ta'siri xavfini e'tiborga olish kerak. Agar majmuaviy davolash zarurati bo‘lgan holatlarda qon ko‘rsatkichlari va buyrak funktsiyasini nazorat qilish kerak. Agar NYaQP va metotreksatni qabul qilish ketma-ket 3 kun davom etgan holatlarda ehtiyotkorlikka rioya qilish kerak, chunki metotreksatning plazmadagi darajasi oshishi va toksikligi kuchayishi mumkin. Garchi metotreksatning (xaftada 15 mg) farmakokinetikasi meloksikam bilan birga davolaganda sezilarli o‘zgarmasada, NYaQP bilan davolaganda metotreksatning gematologik toksikligi oshishi mumkin (yuqoriga qarang, shuningdek “Nojo‘ya ta'sirlari” bo‘limiga qarang).
Pemetreksed. Yengil va o‘rtacha buyrak yetishmovchiligi (kreatinin klirensi minutiga 45 ml dan 79 ml gacha) bo‘lgan patsiyentlarda meloksikamni pemetreksed bilan birga qo‘llaganda, pemetreksedni yuborishgacha 5 kun, yuborish kuni va yuborgandan keyin 2 kunga meloksikamni qabul qilishni to‘xtatish kerak. Agar meloksikam va pemetreksad bilan majmuasi zarur bo‘lsa, patsiyentlarni sinchkovlik bilan nazorat qilish kerak, ayniqsa miyelosupressiya va me'da-ichak yo‘llari tomonidan nojo‘ya reaktsiyalar paydo bo‘lishi yuzasidan. Og‘ir buyrak yetishmovchiligi (kreatinin klirensi minutiga 45 ml dan kam) bo‘lgan patsiyentlarda meloksikamni pemetreksed bilan birga qo‘llash tavsiya etilmaydi.
Buyrak funktsiyasi normal (kreatinin klirensi ≥80 ml/min) bo‘lgan patsiyentlarda 15 mg meloksikam pemetreksedning chiqarilishini kamaytirishi mumkin, shunday qilib, pemetreksed bilan bog‘liq nojo‘ya reaktsiyalar yuzaga kelishi tez-tezligini oshirishi mumkin. Shunday qilib, buyrak funktsiyasini normal (kreatinin klirensi ≥80 ml/min) bo‘lgan patsiyentlarda 15 mg meloksikamni pemetreksed bilan bir vaqtda buyurganda ehtiyotkorlikka rioya qilish kerak.
Farmakokinetik o‘zaro ta'sirlar boshqa dori vositalarining meloksikamning farmakokinetikasiga ta'siri.
Xolesteramin jigar ichki sirkulyatsiyasini buzilishi yo‘li orqali meloksikamni chiqarilishini tezlashtirishi mumkin, shuning uchun meloksikamning klirensi 50% ga oshadi, yarim chiqarilish davri esa 13±3 soatgacha kamayadi. Bu o‘zaro ta'sir klinik ahamiyatli bo‘lib hisoblanadi.
Farmakokinetik o‘zaro ta'siri meloksikam va boshqa dori vositalarining majmuasini farmakokinetikaga ta'siri.
Peroral diabetga qarshi vositalar (sulfonilmochevina hosilasi, nateglinid)

Meloksikam jigarning metabolizmi hisobiga deyarli to‘liq chiqariladi, taxminan sitoxrom (CYP) R450 fermenti orqali uchtadan ikkitasi (asosiy yo‘l CYP 2C9 va yordamchi yo‘l CYP 3A4) va uchtadan bittasi boshqa yo‘llar, masalan peroksidazali oksidlanish orqali amalga oshiriladi. Meloksikam va boshqa CYP 2C9 va/yoki CYP 3A4 orqali yaqqol susayadigan yoki metaolizmga uchraydigan dori vositalarini bir vaqtda yuborilganda farmakokinetik o‘zaro ta'sirning ehtimolini e'tiborga olish lozim. CYP 2C9 ga asoslangan o‘zaro ta'sirlarni quyidagi dori vositalari bilan majmuada kutish mumkin
peroral diabetga qarshi vositalar (sulfonilmochevina hosilalari, nateglinid); ushbu o‘zaro ta'sir qon plazmasida ushbu vositalarning va meloksikamning darajasini oshishiga olib kelishi mumkin. Meloksikam vasulfonilmochevina preparatlari yoki nateglinidni qabul qilayotgan patsiyentlarning holatini gipoglikemiyaning rivojlanishi bo‘yicha sinchkov nazoratni amalga oshirish lozim.
Antatsidlar, simetidin va digoksin bilan bir vaqtda qabul qilganda klinik ahamiyatli farmakokinetik o‘zaro ta'sirlar aniqlanmagan.


Maxsus ko‘rsatmalar

Simptomlarni nazorat qilish uchun zarur eng qisqa vaqt davomida eng past samarali dozani qo‘llash yo‘li orqali nojo‘ya reaktsiyalar xavfini minimallashtirish mumkin.
Terapevtik samara yetishmagan holatlarda tavsiya etilgan maksimal sutkalik dozani oshirish, shuningdek NYaQP ning qo‘shimcha dozasini qabul qilish mumkin emas, chunki bu toksiklikni oshirishi mumkin, ayni vaqtda terapevtik afzalligi isbotlanmagan. Meloksikamni NYaQP, shu jumladan siklooksigenaza-2 ning selektiv ingibitorlari bilan bir vaqtda qo‘llashdan saqlanish kerak.
Meloksikamni o‘tkir og‘riqni yengillashtirish talab etilgan patsiyentlarni davolash uchun qo‘llash mumkin emas.
Bir necha kundan keyin yaxshilanish kuzatilmaganda davolashning klinik afzalliklarini takroran baholash kerak.
Meloksikam bilan davolashni boshlaguncha to‘liq davolashni ta'minlash maqsadida anamnezida ezofagit, gastrit va/yoki peptik yaraga e'tibor qaratish kerak. Meloksikam bilan davolangan va anamnezida bunday holatlar kuzatilgan patsiyentlarda qaytalanish namoyon bo‘lishi mumkinligi tufayli, muntazam ravishda e'tibor qaratish kerak.
Me'da-ichak yo‘llari tomonidan buzilishlar.
Boshqa NYaQP qo‘llagandagi kabi potentsial letal me'da-ichakdan qon ketishi, yara yoki perforatsiya dastlabki simptomlarni yoki anamnezida jiddiy me'da-ichak kasalliklarini mavjudligiga qaramasdan davolashning har qanday vaqtida yuzaga kelishi mumkin.
Anamnezida yara kasalligi, ayniqsa qon ketishi yoki perforatsiya bilan asoratlangan patsiyentlarda va keksa yoshdagi patsiyentlarda NYaQP dozasini oshirganda me'da-ichakdan qon ketishi, yara yoki perforatsiya xavfi yuqori bo‘ladi. Bunday patsiyentlarda davolashni eng past samarali dozadan boshlash kerak. Bunday patsiyentlar uchun himoyalovchi dori vositalari (misoprostol yoki proton pompasi ingibitorlari kabi) bilan majmuaviy davolash maqsadga muvofiq bo‘lishi mumkin. Bu shuningdek aspirinning past dozalarini yoki me'da-ichak tomonidan xavfni oshiruvchi dori vositalariga ham taalluqli.
Anamnezida me'da-ichak yo‘llari kasalliklari bo‘lgan patsiyentlar, ayniqsa keksa yoshdagi patsiyentlar asosan davolashning boshlang‘ich bosqichlarida har qanday odatdagi bo‘lmagan abdominal simptomlar (ayniqsa me'da-ichakdan qon ketishi) haqida xabar berishlari kerak.
Radikal davolash yoki geriatrik amaliyotda geparin kabi yara yoki qon ketishi xavfini oshiruvchi dori vositalarini, varfarin kabi antikoagulyantlar yoki nosteroid yallig‘lanishga qarshi dori vositalari, shu jumladan yallig‘lanishga qarshi dozalarda (bir marta qabul qilishda ≥500 yoki ≥3 g umumiy sutkalik dozada) atsetilsalitsil kislotasini bir vaqtda qabul qilayotgan patsiyentlarda meloksikamni qo‘llash tavsiya etilmaydi.
Meloksikam qabul qilayotgan patsiyentlarda me'da-ichakdan qon ketganida yoki yara paydo bo‘lganida davolashni bekor qilish kerak.
Anamnezida me'da-ichak kasalliklari (yarali kolit, Kron kasalligi) bo‘lgan patsiyentlarda NYaQP ehtiyotkorlik bilan qo‘llash kerak, chunki bunday holatlar zo‘rayishi mumkin (“Nojo‘ya reaktsiyalari” bo‘limiga qarang).
Jigar tomonidan buzilishlar
NYaQP (shu jumladan Revmoksikam) qabul qilayotgan patsiyentlarning 15% gachasida jigar testlarining bittasi yoki ko‘prog‘ining ko‘rsatkichlari oshishi mumkin. Davolash davom ettirilganda bunday laborator og‘ishlar avj olishi, o‘zgarishsiz qolishi yoki vaqtincha bo‘lishi mumkin. ALT yoki AST ni ahamiyatli oshishi (normadan 3 va undan ko‘proqqa oshishi) NYaQP bilan o‘tkazilgan klinik tadqiqotlar vaqtida 1% patsiyentlarda kuzatilgan. Bundan tashqari NYaQP bilan o‘tkazilgan klinik tadqiqotlar davomida og‘ir jigar reaktsiyalari, shu jumladan sariqlik va yashin tezligidagi gepatit, jigar nekrozi va jigar yetishmovchiligining kam holatlari qayd etilgan, ularning ayrimlari – o‘limga olib kelgan.
Jigar disfunktsiyasi simptomlari yoki jigar testlarida og‘ishlar bo‘lgan patsiyentlar Revmoksikam bilan davolash davomida og‘irroq jigar yetishmovchiligi simptomlari rivojlanishi yuzasidan baholanishi kerak. Agar klinik simptomlar jigar yetishmovchiligidan dalolat bersa yoki agar kasallikning tizimli ko‘rinishlari (masalan eozinofiliya, toshma) kuzatilsa, Revmoksikamni qo‘llashni to‘xtatish kerak.
Yurak-qon tomir tomonidan buzilishlar
Anamnezida arterial gipertenziya va/yoki yengildan o‘rtacha og‘irlik darajasigacha dimlangan yurak yetishmovchiligi bo‘lgan patsiyentda sinchkovlik bilan kuzatish tavsiya etiladi, chunki NYaQP bilan davolaganda suyuqlikni tutilishi va shishlar kuzatilgan.
Xavf omillari bo‘lgan patsiyentlarda davolashni boshida, ayniqsa meloksikam bilan davolashni boshida arterial bosimni klinik kuzatish tavsiya etiladi.
Tadqiqotlar va epidemiologik ma'lumotlar ayrim NYaQP ni (ayniqsa yuqori dozalarda va uzoq vaqt) qo‘llash qon tomir trombotik ko‘rinishlar (miokard infarkti yoki insult) xavfini biroz oshishi bilan bog‘lqiligini taxmin qilish imkonini beradi. Meloksikamni qo‘llaganda bunday xavfni inkor etish uchun ma'lumotlar yetarli emas.
Nazoratlanmagan arterial gipertenziya, dimlangan yurak yetishmovchiligi, aniqlangan yurak ishemik kasalligi, periferik arterial kasalliklar va/yoki serebrovaskulyar kasalliklari bo‘lgan patsiyentlarda meloksikam bilan davolashni sinchkovlik bilan tekshirgandan keyin amalga oshirish kerak. Yurak-qon tomir kasalliklari (masalan arterial gipertenziya, giperlipidemiya, qandli diabet, chekuvchi) bo‘lgan patsiyentlarni uzoq vaqt davolashdan oldin shunday tekshiruv o‘tkazish kerak.
NYaQP o‘limga olib kelishi mumkin bo‘lgan jiddiy yurak-qon tomir trombotik asoratlari, miokard infarkti va insult xavfini oshiradi. Xavfi oshishi davolash davomiyligiga bog‘liq. Yurak-qon tomir kasalliklari ki yurak-qon tomir kasalliklarining xavf omillari bo‘lgan patsiyentlarda trombotik asoratlarning xavfi oshadi.
Teri tomonidan buzilishlar.
Meloksikamni qo‘llaganda terining hayot uchun xavfli shikastlanishlari Stivens-Djonson sindromi va toksik epidermal nekroliz haqida xabar berilgan. Patsiyentlar og‘ir shikastlanishlar simptomlari haqida ogohlantirilgan bo‘lishlari va teri reaktsiyani diqqat bilan kuzatishlari kerak. Davolashning birinchi xaftasida Stivens-Djonson sindromi yoki toksik epidermal nekrolizning eng yuqori xavfi mavjud. Agar patsiyentda Stivens-Djonson sindromi yoki toksik epidermal nekrolizning simptomlari (masalan ko‘pincha pufaklar yoki shilliq qavatlarni shikastlanishi bilan kechuvchi avj oluvchi teri toshmasi) mavjud bo‘lsa, meloksikam bilan davolashni to‘xtatish kerak. Iloji boricha tezroq aniqlash va Stivens-Djonson sindromi yoki toksik epidermal nekrolizni chaqirishi mumkin bo‘lgan biron-bir preparatlarni qo‘llashni to‘xtatish kerak. Terining og‘ir shikastlanishlarida yaxshi prognoz shu bilan bog‘liq. Agar meloksikamni qo‘llaganda patsiyentda Stivens-Djonson sindromi yoki toksik epidermal nekroliz aniqlansa, keyinchalik preparatni qo‘llash mumkin emas.
Anafilaktik reaktsiyalar.
Boshqa NYaQP qo‘llagandagi kabi Revmoksikamga allergik reaktsiyasi noma'lum bo‘lgan patsiyentlarda anafilaktik reaktsiyalar kuzatilishi mumkin. Aspirin triadasi bo‘lgan patsiyentlarda Revmoksikamni qo‘llash mumkin emas. Ushbu simptomatik kompleks nazal poliplar yoki usiz kechuvchi rinit kuzatilgan astmasi bo‘lgan patsiyentlarda yoki aspirin yoki boshqa NYaQP qo‘llaganda potentsial o‘limga olib keluvchi bronxospazm kuzatilgan patsiyentlarda uchraydi. Anafilaktik reaktsiya aniqlanganda shoshilinch yordam choralarini ko‘rish kerak.
Jigar ko‘rsatkichlari va buyrak funktsiyasi.
Ko‘pgina NYaQP bilan davolagandagi kabi qon zardobida transaminazalar darajasini, qon zardobida bilirubin yoki jigar funktsiyasini boshqa ko‘rsatkichlarini oshishi, qon zardobida kreatinin darajasi va qonda azot mochevinasini oshishi, shuningdek laborator ko‘rsatkichlarni boshqa og‘ishlarining yakka holatlari ta'riflangan. Ko‘pgina holatlarda bu og‘ishlar ahamiyatsiz bo‘lgan va vaqtincha xarakterga ega bo‘lgan. Bunday og‘ishlar ahamiyatli yoki turg‘un bo‘lganida meloksikamni qo‘llashni to‘xtatish va nazorat testlarini o‘tkazish kerak.
Funktsional buyrak yetishmovchiligi.
NYaQP buyrak prostaglandinlarining qon tomirlarni kengaytiruvchi ta'sirini susaytirishi oqibatida kalavalar filtratsiyasini pasaytirish yo‘li orqali funktsional buyrak yetishmovchiligiga olib kelishi mumkin. Bu nojo‘ya samara dozaga bog‘liq bo‘lib hisoblanadi. Davolashni boshida yoki doza oshirilgandan keyin quyidagi xavf omillari bo‘lgan patsiyentlarda diurez va buyrak funktsiyasini sinchkovlik bilan kuzatish tavsiya etiladi
• keksa patsiyentlar;
• AAF ingibitorlari, angiotenzin II antagonistlari, sartanlar, diuretiklar bilan bir vaqtda qo‘llash;
• gipovolemiya (har qanday genezli);
• dimlangan yurak yetishmovchiligi;
• buyrak yetishmovchiligi;
• nefrotik sindrom;
• yuguriksimon nefropatiya;
• og‘ir darajadagi jigar disfunktsiyasi (Chayld-Pyu shkalasi bo‘yicha zardobdagi albumin <25 g/l yoki ≥10 g/l).
Yakka holatlarda NYaQP interstitsial nefrit, glomerulonefrit, renal medullyar nekroz yoki nefrotik sindromga olib kelishi mumkin.
Dializda bo‘lgan terminal buyrak yetishmovchiligi bo‘lgan patsiyentlarda meloksikamning dozasi 7,5 mg dan oshmasligi kerak. Yengil va o‘rtacha og‘irlik darajasidagi buyrak yetishmovchiligi (kreatinin klirensi minutiga 25 ml dan yuqori) bo‘lgan patsiyentlarda dozani kamaytirish talab etilmaydi.
Natriy, kaliy va suvni tutilishi.
NYaQP natriy, kaliy va suvni tutilishini kuchaytirishi va diuretiklarning natriyuretik samarasiga ta'sir ko‘rsatishi mumkin. Bundan tashqari, gipotenziv dori vositalarining antigipertenziv samarasini pasayishi kuzatiilishi mumkin. Natijada sezgir patsiyentlarda shish, yurak yetishmovchiligi yoki arterial gipertenziq rivojlanishi yoki kuchayishi mumkin. Shuning uchun natriy, kaliy va suvni tutilishi xavfi bo‘lgan patsiyentlarda klinik monitoring o‘tkazish tavsiya etiladi.
Giperkaliyemiya.
Qandli diabet ki kaliyemiyani oshiruvchi dori vositalarini bir vaqtda qo‘llash giperkaliyemiyaga olib kelishi mumkin. Bunday hollarda kaliy darajasini muntazam nazorat qilish kerak.
Pemetreksed bilan majmuasi.
Pemetreksed qabul qilayotgan yengil va o‘rtacha og‘irlik darajasijagi buyrak yetishmovchiligi bo‘lgan patsiyentlarda pemetreksedni yuborishdan kamida 5 kun oldin, yuborish kuni va yuborgandan keyin kamida 2 kun davomida meloksikam bilan davolashni to‘xtatish kerak.
Boshqa ogohlantirishlar va ehtiyotkorlik choralari.
Nojo‘ya reaktsiyalar keksa yoshdagi patsiyentlar, kuchsiz yoki holsizlangan patsiyentlar tomonidan yomonroq o‘zlashtiriladi, ular sinchkovlik bilan kuzatishga muhtojlar. Boshqa NYaQP bilan davolagandagi kabi buyrak, jigar va yurak funktsiyasini pasayishi ehtimoli yuqori bo‘lgan keksa yoshdagi bemorlar yuzasidan ehtiyotkor bo‘lish kerak. Keksa yoshdagi patsiyentlarda NYaQP ga nojo‘ya reaktsiyalar, ayniqsa me'da-ichakdan qon ketishi va perforatsiya yuzaga kelishining yuqori tez-tezligi kuzatiladi, ular o‘limga olib kelishi mumkin.
Meloksikam har qanday boshqa NYaQP kabi infektsion kasalliklarning simptomlarini niqoblashi mumkin.
Boshqa NYaQP ni mushak ichiga yuborgandagi kabi in'ektsiya joyida abstsess yoki nekroz yuzaga kelishi mumkin.
Meloksikamni qo‘llash reproduktiv funktsiyaga salbiy ta'sir ko‘rsatishi mumkin va homiladorlikni rejalashtirgan ayollarda qo‘llash tavsiya etilmaydi. Shuning uchun homiladorlikni rejalashtirgan ayollarda yoki bepushtlik yuzasidan tekshiruvdan o‘tayotgan ayollarda meloksikamni qo‘llashni to‘xtatish maqsadga muvofiq bo‘lishi mumkin (“Homiladorlik yoki emizish davrida qo‘llanishi” bo‘limiga qarang).
Yallig‘lanish va isitmani niqoblashi.
Revmoksikamning isitma va yallig‘lanishni kamaytirish bo‘yicha farmakologik ta'siri noinfektsion tabiatli og‘riq sindromiga gumon bo‘lganida diagnostikani qiyinlashtirishi mumkin.
Kortikosteroidlar bilan davolash.
Revmoksikam kortikosteroid yetishmovchilikni davolaganda kortikosteroidlarning ehtimoliy o‘rinbosari bo‘lishi mumkin.
Gematologik samaralar.
NYaQP, Revmoksikam qabul qilayotgan patsiyentlarda anemiya kuzatilishi mumkin. Bu suyuqlikni tutilishi, noma'lum sababli me'da-ichakdan qon ketishi, makroskopik qon ketishi yoki eritropoezga to‘liq ta'riflanmagan ta'sir bilan bog‘liq bo‘lishi mumkin. NYaQP, shu jumladan Revmoksikam bilan uzoq vaqt davolaganda, agar anemiya simptomlari kuzatilsa gemoglobin yoki gematokritni nazorat qilish kerak.
NYaQP trombotsitlar agregatsiyasini tormozlaydi va ayrim patsiyentlarda qon ketish vaqtini uzaytirishi mumkin. Aspirindan farq qilib, ularning trombotsitlar funktsiyasiga ta'siri kamroq, qisqa muddatli va qaytuvchan bo‘ladi. Revmoksikam buyurilgan va qon ivishini buzilishi kabi trombotsitlar funktsiyasiga nojo‘ya ta'sir kuzatilishi mumkin bo‘lgan patsiyentlarni, shuningdek antikoagulyantlarni qabul qilayotgan patsiyentlarni sinchkovlik bilan kuzatish kerak.
Astmasi bo‘lgan patsiyentlarda qo‘llanishi.
Astmasi bo‘lgan patsiyentlarda aspiringa sezgir astma kuzatilishi mumkin. Aspiringa sezgir astmasi bo‘lgan patsiyentlarda aspirinni qo‘llash o‘limga olib kelishi mumkin bo‘lgan og‘ir bronxospazm bilan assotsiatsiyalangan. Aspirin va boshqa NYaQP o‘rtasida kesishga reaktsiya, shu jumladan bronxospazm tufayli, aspiringa sezgirligi bo‘lgan patsiyentlarda Revmoksikamni qo‘llash mumkin emas va astmasi bo‘lgan patsiyentlarda ehtiyotkorlik bilan qo‘llash kerak.
Dori vositasi 1,5 ml bir ampulada 1 mmol natriy (23 mg) saqlaydi, ya'ni natriydan xoli.
Homiladorlik yoki emizish davrida qo‘llanishi.
Fertillik. Meloksikam siklooksigenaza/prostaglandin sintezini ingibitsiya qiluvchi boshqa dori vositalari kabi reproduktiv funktsiyaga salbiy ta'sir ko‘rsatishi mumkin va homiladorlikni rejalashtirgan ayollarga tavsiya etilmaydi. Shuning uchun homiladorlikni rejalashtirgan ayollarda yoki bepushtlik yuzasidan tekshiruvdan o‘tayotgan ayollarda meloksikamni qo‘llashni to‘xtatish maqsadga muvofiq bo‘lishi mumkin.
Homiladorlik. Prostaglandinlar sintezini susayishi homiladorlik va/yoki embrion/homilani rivojlanishiga salbiy ta'sir ko‘rsatishi mumkin. Epidemiologik tadqiqot ma'lumotlari homiladorlikning erta muddatlarida prostaglandinlar sintezi ingibitorlarini qo‘llagandan keyin homila tushishi, yurak nuqsonlarini va gastroshizislar rivojlanishi xavfini oshishini tahmin qilish imkonini beradi. Yurak nuqsonlarini rivojlanishining mutloq xavfi 1% dan kamroqdan taxminan 1,5% gacha oshgan. Bu xavf dozani oshishi va davolash davomiyligini uzayishi bilan ortadi deb hisoblanadi.
Homiladorlikning I va II uch oyliklarida juda zarur holatlardan tashqari meloksikamni qo‘llash mumkin emas. Homiladorlikni rejalashtirgan ayollarda yoki homiladorlikning I va II uch oyliklarida meloksikamning dozasi va davolash davomiyligi minimal bo‘lishi kerak.
Homiladorlikning III uch oyligida prostaglandinlar sintezining barcha ingibitorlari homila uchun xavf tug‘dirishi mumkin
• yurak-qon tomir toksikligi (arterial yo‘lni muddatidan oldin berkilishi va o‘pka gipertenziyasi);
• buyrak faoliyatini buzilishi, u oligogidramnion bilan kechuvchi buyrak yetishmovchiligigacha rivojlanishi mumkin.
Homiladorlikning yakuniy muddatlarida ona va yangi tug‘ilgan chaqaloq uchun xavflar
• hatto juda past dozalarda qon ketishi vaqtini uzayishi, antiagregatsion samara;
• bachadon qisqarishini susayishi, u tug‘ruqni kechikishi yoki uzayishiga olib kelishi mumkin.
Shuning uchun homiladorlikning III uch oyligida meloksikamni qo‘llash mumkin emas.
Emizish davri. Garchi Revmoksikam® yuzasidan aniq ma'lumotlar bo‘lmasada, NYaQP ko‘krak sutiga o‘tishi mumkinligi haqida ma'lum. Shuning uchun emizikli ayollarda qo‘llash tavsiya etilmaydi.
Avtotransportni yoki boshqa mexanizmlarni boshqarganda reaktsiya tezligiga ta'sir ko‘rsatish qobiliyati.
Preparatni avtomobilni boshqarish yoki boshqa mexanizmlar bilan ishlash qobiliyatiga ta'sirini o‘rganish yuzasidan maxsus tadqiqotlar o‘tkazilmagan. Lekin farmakodinamik profil va kuzatilgan nojo‘ya reaktsiyalar asosida meloksikam ko‘rsatilgan faoliyatlarga ta'sir qilmaydi yoki ahamiyatsiz darajada ta'sir qilishini tahmin qilish imkonini beradi. Lekin ko‘rishni buzilishi, shu jumladan ko‘rishni noaniqligi, bosh aylanishi, uyquchanlik, vertigo yoki markaziy nerv tizimining boshqa buzilishlari kuzatilgan patsiyentlarga avtomobilni boshqarish yoki boshqa mexanizmlar bilan ishlashdan saqlanish tavsiya etiladi.


Dozani oshirib yuborilishi

Simptomlari
NYaQP o‘tkir dozasini o‘tkir oshirib yuborilishi simptomlari letargiya, uyquchanlik, ko‘ngil aynishi, qusish va epigastral og‘riq bilan cheklanadi, ular samarani bir maromda ushlab turuvchi davolashda qaytuvchan bo‘lib hisoblanadi. Me'da-ichakdan qon ketishi kuzatilishi mumkin. Og‘ir zaharlanish arterial gipertenziya, o‘tkir buyrak yetishmovchiligi, jigar disfunktsiyasi, nafasni susayishi, koma, tirishishlar, yurak-qon tomir yetishmovchiligi va yurakni to‘xtashiga olib kelishi mumkin. NYaQP terapevtik qo‘llanilgan anafilaktoid reaktsiyalar haqida xabar berilgan, bu shuningdek dozani oshirib yuborilganda ham kuzatilishi mumkin.


Davolash
NYaQP dozasini oshirib yuborganda patsiyentlarga simptomatik va tutib turuvchi choralar tavsiya etiladi. Tadqiqotlar sutkada 3 marta xolestiraminning 4 peroral dozasi meloksikamni tez chiqarilishini namoyish qilgan.


Chiqarilish shakli

1,5 ml dan ampulada. 5 ampuladan blisterda. 1 blisterdan tibbiyotda qo‘llanilishiga doir yo‘riqnoma bilan birga qutida.


Saqlash sharoiti

Original o‘ramida, 8°C dan 25°C gacha haroratda saqlansin.
Bolalar ololmaydigan joyda saqlansin.

Yaroqlililik muddati
3 yil.
O‘ramida ko‘rsatilgan yaroqlilik muddati o‘tgach preparat ishlatilmasin.


Dorixonalardan berish tartibi

Retsept bo‘yicha.


Ishlab chiqaruvchi

«Farmak» AJ. Ukraina,