Preparatning savdo nomi
Revmoksikam
Ta'sir etuvchi modda (XPN) Meloksikam

Dori shakli
Rektal suppozitoriylar

Tarkibi

1 suppozitoriy quyidagilarni saqlaydi
faol modda meloksikam - 15 mg;
yordamchi moddalar qattiq yog‘.
Ta'rifi yashil tusli och sariq rangli, sigaretsimon shaklli suppozitoriylar. Suppozitoriyning yuzasida qatlamni bo‘lishiga yo‘l qo‘yiladi.

Farmakoterapevtik guruhi
nosteroid yallig‘lanishga qarshi va revmatizmga qarshi vositalar. Meloksikam.
ATX kodi M01A C06.


Farmakologik xususiyatlari


Farmakodinamika

Yallig‘lanishga qarshi, og‘riq qoldiruvchi, isitmani tushiruvchi vosita. Ta'sir mexanizmi asosan siklooksigenaza-2 ni ingibitsiya qilishi bilan bog‘liq bo‘lib, bu yallig‘lanish o‘chog‘ida yallig‘lanishga qarshi prostaglandinlarning biosintezini susayishiga olib keladi. Siklooksigenaza-1 bilan yaqinligi past bo‘lganiligi tufayli, preparat terapevtik dozalarda me'da-ichak yo‘llari va buyraklardagi sitoprotektiv prostaglandinlarning biosinteziga salbiy ta'sir ko‘rsatmaydi, shuningdek trombotsitlarning funktsional faolligini susaytirmaydi. Xondroneytral preparat hisoblanadi, bo‘g‘im tog‘ayidagi xondrotsitlar tomonidan proteoglikanni sinteziga ta'sir qilmaydi.

Farmakokinetikasi

Rektal qo‘llanganida meloksikam tizimli qon oqimiga yaxshi so‘riladi, biokiraolishligi 89% ni tashkil qiladi. Qondagi barqaror terapevtik kontsentratsiyasiga davolash boshlangandan so‘ng 3-5 kundan keyin erishiladi. Plazma oqsillari bilan bog‘lanishi 99% dan ko‘proqni tashkil qiladi. Jigarda asosan to‘otta nofaol metabolitlarni hosil bo‘lishi bilan oksidlanish yo‘li orqali biotransformatsiyaga uchraydi. Meloksikamning metabolizmida asosiy rolni CYP2CP va CYP3A4 fermentlari, shuningdek peroksidaza o‘ynaydi. Preparatning taqsimlanish hajmi past – o‘rtacha 11 l, plazma klirensi – 8 ml/minutni tashkil etadi. Yarim chiqarilish davri taxminan 20 soatni tashkil etadi, bu preparatni sutkada 1 marta qabul qilish imkonini beradi. Organizmdan chiqarilishi buyrak va ichak orqali teng proportsiyalarda yuz beradi; sutkalik dozaning 5% o‘zgarmagan holda ichak orqali chiqariladi. Preparat gistogematik to‘siqlar orqali o‘tadi, sinovial suyuqlikka yaxshi kiradi, u yerda uning kontsentratsiyasi qon plazmasidagi darajasining 50% ni tashkil etadi.
Keksa yoshli shaxslarda preparatning yarim chiqarilish davrini biroz oshishi, shuningdek plazma klirensini pasayishi (ayniqsa ayollarda) kuzatiladi xolos.
Preparat jigar yoki o‘rtacha darajadagi buyrak yetishmovchiligi (kreatinin klirensi minutiga 20-40 ml) bo‘lgan bemorlarga qo‘llanganda, meloksikam farmakokinetikasini jiddiy o‘zgarishi va nojo‘ya samaralarini rivojlanish xavfini oshishi aniqlanmagan.


Qo‘llanilishi

Revmatoidli artritni va ankilozlovchi spondilitni uzoq vaqt davomida simptomatik davolashda qo‘llaniladi. Meloksikamni sutkada 7,5 mg dozada qo‘llaganda klinik samara yetarli bo‘lmagan hollarda osteoartrozning zo‘rayishini qisqa muddatli simptomatik davolashda qo‘llaniladi.


Qo‘llash usuli va dozalari

Kattalar va 16 yoshdan katta bolalarga qo‘llaniladi.
Osteoartrozni zo‘rayishi meloksikamni sutkada 7,5 mg dozada qo‘llaganda klinik samara yetarli bo‘lmagan hollarda sutkada 15 mg (1 suppozitoriy) buyuriladi.
Revmatoidli artrit sutkada 15 mg (1 suppozitoriy) buyuriladi.
Ankilozlovchi spondilit sutkada 15 mg (1 suppozitoriy) buyuriladi.
Kattalar uchun meloksikamning maksimal tavsiya etilgan dozasi 15 mg ni tashkil etadi. Preparat dozasi oshirilishi va davolash davomiyligini uzaytirilishi bilan nojo‘ya reaktsiyalarni rivojlanish xavfi oshishi tufayli, eng qisqa davolash davri davomida eng kichik samarali dozani qo‘llash zarur.
Meloksikam preparatlarining turli dori shakllari majmuaviy buyurilganda (kapsulalar, tabletkalar, suppozitoriyalar, eritmalar) umumiy sutkalik doza 15 mg dan oshmasligi kerak.
Bolalar.
Preparatni 16 yoshdan boshlab bolalarni davolash uchun qo‘llanadi.

Nojo‘ya ta'sirlari
Meloksikam qo‘llanilganda kutilishi mumkin bo‘lgan ayrim nojo‘ya samaralar qayd etilgan.
Ushbu tekshirishlar va epidemiologik ma'lumotlar, ayrim NYaQP ni qo‘llash (ayniqsa yuqori dozalarda va uzoq muddatli davolashda) tomirli trombotik ko‘rinishlar hollarini ko‘p bo‘lmagan yuqori xavfi (masalan, miokard infarkti yoki insult) bilan bog‘liq ekanligini taxmin qilish imkoniyatini beradi.
NYaQP bilan davolashda shish, arterial gipertenziya va yurak yetishmovchiligi kuzatilgan.
Kuzatiladigan ko‘pchilik nojo‘ya samaralari me'da-ichak orqali kelib chiqishga ega. Peptik yara, perforatsiya yoki me'da-ichakdan qon ketishi, ba'zida o‘lim bilan yakunlanuvchi, ayniqsa keksa yoshli patsiyentlarda kuzatiladi (“
Maxsus ko‘rsatmalar
” bo‘limiga qarang). Qo‘llagandan keyin ko‘ngil aynishi, qusish, diareya, meteorizm, qabziyat, dispepsiya, abdominal og‘riq, melena, qonli qusish, yarali stomatit, kolit va Kron kasalligini zo‘rayishi, kamroq uchrash tezligi bilan gastrit kuzatilgan.
Qon va limfa tizimlari tomonidan qon tahlili ko‘rsatkichlari (differentsial leykotsitar formula) ni normadan siljishi, leykopeniya, trombotsitopeniya, anemiya. Juda kam agranulotsitoz holatlari haqida xabarlar bo‘lgan.
Potentsial jihatdan miyelotoksik preparat, ayniqsa metotreksatni bir vaqtda qabul qilish sitopeniyani rivojlanishiga olib kelishi mumkin.
Immun tizimi tomonidan anafilaktik reaktsiya, anafilaktoid reaktsiya va tez avj oluvchi boshqa allergik reaktsiyalar, jumladan shok.
Ruhiy buzilishlar tomonidan ongni chalkashishi, dezoriyentatsiya, kayfiyatni o‘zgarishi, tungi dahshatlar, uyqusizlik.
Nevr tizimi tomonidan bosh aylanishi, uyquchanlik, bosh og‘rig‘i.
Ko‘rish a'zolari tomonidan ko‘rish noaniqligini o‘z ichiga olgan ko‘rish funktsiyasini buzilishi, kon'yunktivit.
Eshitish a'zolari va vestibulyar apparati tomonidan vertigo, quloqlarda shovqin.
Yurak tomonidan yurak urishini his etish.
NYaQP bilan davolash bilan bog‘liq yurak yetishmovchiligi haqida xabarlar bo‘lgan.
Qon-tomir tomonidan arterial bosimni oshishi, giperemiya, qizib ketish hissi.
Nafas tizimi, ko‘krak qafasi va ko‘ks oralig‘i a'zolari tomonidan atsetilsalitsil kislotasi va boshqa NYaQV ga allergiyasi bo‘lgan patsiyentlarda bronxial astma, yuqori nafas yo‘llari infektsiyasi, yo‘tal.
Ovqat hazm qilish yo‘llari tomonidan me'da-ichak perforatsiyasi, me'da-ichak yo‘llaridan yashirin yoki makroskopik qon ketishlari, gastroduodenal yaralar, kolit, gastrit, ezofagit, stomatit, qorinda og‘riq, dispepsiya, diareya, ko‘ngil aynishi, qusish, qabziyat, meteorizm, kekirish.
Me'da-ichak yo‘llaridan qon ketishlari, yaralarni paydo bo‘lishi yoki perforatsiyasi potentsial o‘limga olib kelishi mumkin.
Gepatobiliar tizimi tomonidan gepatit, jigar funktsiyasining biokimyoviy ko‘rsatkichlarini buzilishi (masalan, transaminazalar yoki bilirubin darajasini oshishi), sariqlik, jigar yetishmovchiligi.
Teri va teri osti yog‘ to‘qimasi tomonidan toksik epidermal nekroliz, Stivens-Djonson sindromi, angionevrotik shish, bullyoz dermatit, ko‘p shaklli eritema, toshma, eshakemi, fotosensibilizatsiya, qichishish, eksfoliativ dermatit.
Siydik chiqarish tizimi tomonidan nartiy va suv tutilishi, giperkaliyemiya, o‘tkir buyrak yetishmovchiligi, jigar funktsiyasi ko‘rsatkichlarini o‘zgarishi (qon zardobida kreatinin va/yoki mochevinani oshishi) siydik chiqarish so‘llarining infektsiyasi, siyish tez-tezligining buzilishi.
Nosteroid yallig‘lanishga qarshi vositalarni qo‘llash siyishni buzilishi, jumladan siydikni o‘tkir tutilishi bilan kechishi mumkin.
Umumiy buzilishlar va yuborilgan joydagi buzilishlar shish, shu jumladan oyoqlarda shishi, anorektal sohadagi qichishish, achishish.
Preparatni qo‘llash vaqtida kuzatilmagan, biroq boshqa sinf birikmalari uchun umumqabul qilingan xarakterlinojo‘ya reaktsiyalar.
Ehtimol buyrak yetishmovchiligiga olib kelishi mumkin bo‘lgan organik buyrak shikastlanishi juda kam hollarda interstitsial nefrit, o‘tkir tubulyar nekroz, nefrotik sindrom va papillyar nekroz holatlari qayd etilgan.


Qo‘llash mumkin bo‘lmagan holatlar

Meloksikamga yoki dori vositasining boshqa komponentlariga, yoki nosteroid yallig‘lanishga qarshi dori vositalari (NYaQV), aspirin kabi o‘xshash ta'sirga ega bo‘lgan faol moddalarga yuqori sezuvchanlik.
Meloksikamni aspirin yoki boshqa NYaQV qщllash bilan bog‘liq astma simptomlari, nazal poliplari, eshakemi yoki angionevrotik shishi bo‘lgan patsiyentlarga buyurish mumkin emas, chunki kesishgan yuqori sezuvchanlik reaktsiyalari rivojlanishi mumkin.
Anamnezda NYaQV bilan davolanish bilan bog‘liq me'da-ichakdan qon ketishi yoki perforatsiya;
Anamnezda faol yoki qaytalanuvchi peptik yara/qon ketishi (qon ketishning ikki yoki undan ortiq alohida tasdiqlangan holatlari);
anamnezida proktit va rektal qon ketishlari;
Og‘ir darajadagi jigar yetishmovchiligi;
Dializ qo‘llanmagan holatda og‘ir darajadagi buyrak yetishmovchiligi;
Anamnezda me'da-ichakdan qon ketishi, serebrovaskulyar qon ketishi yoki boshqa koagulopatiyalar;
Gemostazaning boshqa buzilishlari yoki antikoagulyantlar bilan yondosh davolash;
Og‘ir darajadagi yurak yetishmovchiligi;
Homiladorlikning III uch oyligi;
16 yoshgacha bo‘lgan bolalar va o‘smirlarda qo‘llash mumkin emas;

Dorilarning o‘zaro ta'siri
Boshqa nosteroid yallig‘lanishga qarshi preparatlar (NYaQP) va atsetilsalitsil kislotasi sutkada > 3 g.
Prostaglandinsintetazaning ingibitorlarini birgalikda yuborish sinergik ta'siri tufayli ovqat hazm qilish yo‘llarida qon ketishi va yaralarni paydo bo‘lish xavfini oshishiga olib keladi, shuning uchun bunday majmuaviy davolash tavsiya etilmaydi. Boshqa NYaQP, jumladan atsetilsalitsil kislotasini bilan buyurilgan yallig‘lanishga qarshi (bir martalik qabul uchun ≥ 1 mg yoki sutkalik miqdori uchun ≥ 3 g) dozalar majmuasi tavsiya etilmaydi.
Kortikosteroidlar (masalan, glyukokortikoidlar).
Kortikosteroidlar bilan bir vaqtda qo‘llash, qon ketishining yoki me'da-ichak yo‘llarida yaralar va qon ketishlar rivojlanishining yuqori xavfi tufayli ehtiyotkorlikni talab etadi.
Peroral antikoagulyantlar, antitrombotsitar vositalar, tizimli qo‘llash uchun geparin, trombolitik vositalar, shuningdek serotoninni qayta qamrab olinishining selektiv ingibitorlari trombotsitlarning faoliyatini tormozlanishi tufayli, qon ketish xavfi oshadi. Bunday birgalikdagi davolash zarurati bo‘lganida sinchkov kuzatuvni amalga oshirish tavsiya etiladi.
Trombotsitlar faoliyatini susayishi va gastroduodunal shilliq qavatining shikastlanishi oqibatida qon ketishlar xavfi ahamiyatli oshadi. NYaQP varfarin kabi antikoagulyantlarning samarasini kuchaytirishi mumkin.
Geriatriya amaliyotida yoki terapevtik dozalarda NYaQP va antikoagulyantlarni yoki geparinni bir vaqtda qo‘llash tavsiya etilmaydi. Boshqa hollarda qon ketishining yuqori xavfi tufayli, geparinni qo‘llashda ehtiyotkorlikka rioya qilish kerak. Agar ushbu majmuadan saqlanishning imkonsizligi isbotlangan bo‘lsa, XNN (xalqaro normallashtirilgan nisbatni) sinchiklab nazorat qilish kerak.

Diuretiklar, AAF ingibitorlari va angiotenzin II antagonistlari.
NYaQP diuretiklar va boshqa antigipertenziv preparatlarining samarasini pasaytirishi mumkin. Angiotenzin-II retseptorlarining antagonistlari, AAF ingibitorlari siklooksigenaza ingibitorlari bilan kalavalar filtratsiyasini kamayishiga nisbatan sinergik ta'sir ko‘rsatadi. Buyrak funktsiyasining buzilishi bo‘lgan patsiyentlarda (masalan, degidratatsiyali patsiyentlarda yoki buyrak funktsiyasining buzilishlari bo‘lgan keksa yoshli patsiyentlarda), bu o‘tkir buyrak yetishmovchiligiga olib kelishi mumkin, u odatda qaytar hisoblanadi. Shuning uchun bunday majmuani, ayniqsa keksa yoshli patsiyentlarda, ehtiyotkorlik bilan qo‘llash kerak. Patsiyentlar yetarli miqdorda suyuqlik qabul qilishlari kerak, shuningdek birgalikda davolash boshlanganidan keyin va keyinchalik vaqti-vaqti bilan buyrak funktsiyasini nazorat qilish kerak.
Boshqa antigipertenziv dori vositalari (masalan, beta-blokatorlar).
NYaQP antigipertenziv samarasi pasaytiradi, bu vazodilatator prostaglandinlarga ingibitsiya qiluvchi ta'siri bilan bog‘liq.
Kaltsinevrin ingibitorlari (masalan, siklosporin, takrolimus).
Kaltsinevrin ingibitorlarining nefrotoksikligi, buyrak prostaglandinlarining samaralarini mediatsiyasi oqibatida, NYaQP tomonidan kuchaytirilishi mumkin. Majmuaviy davolash vaqtida buyrak funktsiyasini baholash kerak. Buyrak funktsiyasini, ayniqsa keksa yoshli shaxslarda sinchiklab nazorat qilish tavsiya etiladi.
Kontratseptsiya.
NYaQV bachadon ichi vositalarning samaradorligini pasaytirish haqida xabarlar bo‘lgan, lekin ma'lumotlar keyingi tasdiqlanishni talab etadi.
Litiy.
Qon plazmasida litiy kontsentratsiyasining darajasini oshiradigan NYaQP haqida ma'lumotlar mavjud. Litiy va NYaQP ni bir vaqtda qo‘llash tavsiya etilmaydi. Davolashni boshida, meloksikam dozasini tanlashda va davolash to‘xtatilganida, qon plazmasida litiyning miqdorini nazorat qilish kerak.
Metotreksat.
NYaQP metotreksatning tubulyar (buyrak naychalari orqali) sekretsiyasini kamaytirib, shu bilan qon plazmada uning kontsentratsiyasini oshirishi mumkin. Shu uchun, metotreksatning yuqori dozalari bilan (haftasiga 15 mg dan ortiq) davolanayotgan patsiyentlarga NYaQP yondosh qo‘llash tavsiya etilmaydi. NYaQP va metotreksatni o‘zaro ta'sir qilish xavfini, shuningdek metotreksatning kichik dozalari bilan davolanayotgan patsiyentlar, xususan buyrak funktsiyasi buzilishi bo‘lgan patsiyentlar ham inobatga olishlari kerak. Majmuaviy davolash talab etilgan hollarda qon tahlili va buyrak funktsiyasi ko‘rsatkichlarini nazorat qilish kerak. NYaQP va metotreksatni qo‘llash 3 kun ketma-ket davom etgan hollarda ehtiyotkorlikka rioya qilish kerak, chunki metotreksatning plazmadagi darajasi oshishi va toksikligi kuchayishi mumkin. Shunga qaramasdan, metotreksatning farmakokinetikasi (haftasiga 15 mg) meloksikam bilan yondosh davolashga ta'sir qilmagan bo‘lsa-da, NYaQP bilan davolashda metotreksatning gematologik toksikligi kuchayishi mumkinligini hisobga olish kerak.
Xolestiramin ovqat hazm qilish yo‘llarida meloksikamni bog‘laydi, bu uni organizmdan tez chiqarilishiga olib keladi.
Meloksikam jigarda metabolizmga uchrab, deyarli to‘liq parchalanadi, taxminan uchdan ikki qismi sitoxrom (CYP) R450 ishtirokida va uchdan bir qismi peroksidazali oksidlanish orqali yuz beradi.
Metabolizm bosqichida meloksikam va boshqa preparatlarni CYP2S9 va/yoki CYP3A4 ga ta'sir qilishi hisobiga ular farmakokinetik o‘zaro ta'sir qilishi mumkin.
Meloksikamni antatsidlar, simetidin, digoksin va furosemid bilan bir vaqtda qabul qilganda o‘zaro ta'siri aniqlanmagan.
Preparatni peroral antidiabetik vositalar bilan o‘zaro ta'sirini istisno qilish mumkin emas.


Maxsus ko‘rsatmalar

Nojo‘ya reaktsiyalarini eng kam samarali dozalarni simptomlarni nazorat qilish uchun zarur bo‘lgan davolashning eng qisqa vaqti davomida qo‘llash yo‘li bilan minimallashtirish mumkin.
Terapevtik samarasi yetarli bo‘lmagan holatda tavsiya etilgan maksimal sutkalik dozani oshirish mumkin emas, shuningdek qo‘shimcha NYaQP qo‘llash mumkin emas, chunki bu toksiklikni oshirishi mumkin, terapevtik afzalligi esa isbotlanmagan. MeloksikamniNYaQP ni, shu jumladan siklooksigenaza-2 ning selektiv ingibitorlari bilan bir vaqtda qo‘llashdan saqlanish kerak.
Meloksikam o‘tkir og‘riqni yengillashtirishga muxtoj bo‘lgan patsiyentlarni davolash uchun to‘g‘ri kelmaydi.
Bir necha kundan keyin sog‘ayish kuzatilmagan holatda, davolashning klinik afzalligini qaytadan baholash kerak.
Anamnezda ezofagit, gastrit va/yoki peptik yaraga bo‘lganda, meloksikam bilan davolashni boshlashdan oldin ularni to‘liq tuzalishini ta'minlash maqsadida, e'tibor qaratish lozim. Meloksikam bilan davolangan patsiyentlarda, va anamnezida bunday hollar bo‘lgan patsiyentlarda qaytalanish ko‘rinishlari ehtimolini hisobga olish kerak.
Jeludochno kishechnыye narusheniya perevesti na uzb.
Boshqa NYaQP qo‘llanganida kabi, preparatni qo‘llanganda me'da-ichak kasalliklari bo‘lgan va antikoagulyantlarni qabul qilayotgan patsiyentlarning holatini diqqat bilan kuzatish kerak. Peptik yaralar yoki me'da-ichakdan qon ketishlari bo‘lganda, meloksikamni buyurish ta'qiqlanadi.
Boshqa NYaQP qo‘llanganida kabi, potentsial o‘lim bilan yakunlanuvchi me'da-ichakdan qon ketishi, yara yoki perforatsiya, oldindan kuzatilgan simptomlari yoki anamnezda jiddiy me'da-ichak kasalliklari bilan yoki ularsiz davolash jarayonining istalgan vaqtida rivojlanishi mumkin. Juda ham jiddiy oqibatlar keksa yoshdagi odamlarda kuzatilgan.
Me'dadan qon ketishlar, yaralar yoki perforatsiyani rivojlanish xavfi, anamnezida og‘irlashgan yarasi bo‘lgan, ayniqsa agar qon ketishi yoki perforatsiya asoratlari bo‘lgan patsiyentlarda va keksa yoshli patsiyentlarda NYaQP dozasi oshirilganda yuqori bo‘ladi. Bu patsiyentlar davolashni eng kichik samarali dozadan boshlashlari kerak. Bunday patsiyentlar uchun, shuningdek atsetilsalitsil kislotani past dozalarda yoki me'da-ichak yo‘llari tomonidan asoratlarni rivojlanish xavfini oshiruvchi boshqa dori vositalari bilan bir vaqtda qo‘llashga muhtoj bo‘lgan patsiyentlar uchun ham, himoyalovchi dori vositalari (mizoprostol yoki proton pompasining ingibitorlari) bilan majmuaviy davolashni ko‘rib chiqish kerak. Anamnezida me'da-ichak toksikligi bo‘lgan, ayniqsa keksa yoshli patsiyentlarga, barcha odatdagidek bo‘lmagan abdominal simptomlari (ayniqsa me'da-ichakdan qon ketishi) xaqida xabar berish kerak, asosan davolashning boshlang‘ich bosqichlarida.
Yara yoki qon ketishi xavfini oshirishi mumkin bo‘lgan dori vositalarini, xususan radikal davolash sifatida geparin yoki geriatriya amaliyotida varfarin kabi antikoagulyantlarni yoki nosteroid yallig‘lanishga qarshi vositalarni, jumladan yallig‘lanishga qarshi dozalarda atsetilsalitsil kislotasini (bir martalik dozada - ≥ 1 g yoki umumiy sutkalik dozada - ≥ 3 g) bir vaqtda qo‘llaganda ehtiyotkorlikka rioya etish kerak (“Dorilarning o‘zaro ta'siri” bo‘limiga qarang).
Meloksikam qabul qilayotgan patsiyentlarda me'da-ichakdan qon ketish yoki yaralar paydo bo‘lsa, davolashni bekor qilish kerak.
Anamnezida me'da-ichak kasalliklari (yarali kolit, Kron kasalligi) bo‘lgan patsiyentlarda NYaQP ni ehtiyotkorlik bilan qo‘llash kerak, chunki bu holatlar zo‘rayishi mumkin (“Nojo‘ya ta'sirlari” bo‘limiga qarang).
Yurak-qon tomir buzilishlari
Anamnezida arterial gipertenziyasi va/yoki yengildan to o‘rtacha darajali dimlangan yurak yetishmovchiligi bo‘lgan patsiyentlarni sinchiklab kuzatish tavsiya etiladi, chunki NYaQP bilan davolashda suyuqlikning tutilishi va shish kuzatilgan.
Xavf omillari bo‘lgan patsiyentlar uchun meloksikam bilan davolashni boshida, ayniqsa davolash kursining boshida arterial bosimni klinik kuzatish tavsiya etiladi.
Nazorat qilinmaydigan arterial gipertenziyasi, dimlangan yurak yetishmovchiligi, aniqlangan yurak ishemik kasalligi, periferik arterial kasalligi va/yoki serebrovaskulyar kasalligi bo‘lgan patsiyentlarda, meloksikam bilan davolashni faqat sinchkov tahlildan keyin o‘tkazish kerak. Bunday taxlil arterial gipertenziya, giperlipidemiya, qandli diabet, chekish kabi yurak-tomir kasalliklarining xavfli omillari bo‘lgan patsiyentlarni uzoq muddatli davolashni boshlash uchun kerak.
NYaQP jiddiy yurak-tomir trombotik asoratlar, miokard infarkti va insult xavfini oshirishi mumkin, ular o‘lim bilan yakunlanishi mumkin. Ushbu xavf davolash davomiyligi uzayganda oshishi mumkin. Bunday xavf yurak-tomir kasalliklari yoki ushbu kasalliklarining rivojlanish xavf omillari bo‘lgan patsiyentlar oshishi mumkin.
Teri tomonidan buzilishlar
NYaQP qo‘llanganida yakka hollarda jiddiy teri reaktsiyalari kuzatilgan, ularning ba'zilari o‘lim bilan tugagan, shu jumladan eksfoliativ dermatit, Stivens-Djonson sindromi va toksik epidermal nekroliz kuzatilgan. Bunday reaktsiyalarning eng yuqori rivojlanish xavfi davolanishning boshida kuzatilgan, bunda ko‘pchilik hollarda bunday reaktsiyalar davolanishning birinchi oyi davomida paydo bo‘lgan. Teri toshmalari, shilliq qavatlarni shikastlanishi yoki yuqori sezuvchanlikning boshqa belgilari ilk bor paydo bo‘lganida meloksikamni qo‘llashni to‘xtatish kerak.
Teri va shilliq qavatlar tomonidan nojo‘ya samaralarni rivojlanish ehtimoli tufayli bunday simptomlar paydo bo‘lganida alohida e'tibor qaratish kerak. Nojo‘ya samaralar paydo bo‘lganida meloksikam bilan davolashni to‘xtatish kerak.
Anafilaktik reaktsiyalar.
Boshqa NYaQP ni qo‘llagandagi kabi, anafilaktik reaktsiyalar meloksikamga ma'lum reaktsiyasi bo‘lmagan patsiyentlarda kuzatilishi mumkin. Meloksikamni aspirin uchligi bo‘lgan patsiyentlarda qo‘llash mumkin emas. Bu simptomatik kompleks astmasi bo‘lgan patsiyentlarda uchraydi, ularda nazal poliplar bilan yoki ularsiz rinitlar xaqida xabar bo‘lgan, yoki atsetilsalitsil kislotasi yoki boshqa NYaQP qo‘llanganidan keyin ularda og‘ir, potentsial o‘lim bilan yakunlangan bronxospazm paydo bo‘lgan. Anafilaktoid reaktsiyalar aniqlanganda shoshilinch yordam choralarini ko‘rish lozim.
Buyraklar funktsiyasi
NYaQV buyraklarda qon oqimini tutib turishda muhim rol o‘ynaydigan buyrak prostaglandinlarini sintezini ingibitsiya qiladi. Bu nojo‘ya samarasi (buyrak prostaglandinlarining tomirlarni kengaytiruvchi ta'sirini susaytirishi) dozaga bog‘liq hisoblanadi. Qonning hajmi pasaygan va buyraklarda qon oqimi pasaygan patsiyentlarda NYaQP ni qo‘llaganda, NYaQP bilan davolash tugaganidan so‘ng qaytuvchan xarakterga ega bo‘lgan buyrak yetishmovchiligini chaqirishi mumkin.
Bunday reaktsiyalarning eng yuqori rivojlanish xavfi keksa yoshdagi patsiyentlarda, degidratatsiya, dimlangan yurak yetishmovchiligi bo‘lgan patsiyentlarda, jigar sirrozi, nefrotik sindrom va surunkali renal (buyrak) buzilishlari bo‘lgan bemorlarda, shuningdek diuretiklar, AAF ingibitorlari yoki angiotenzin II retseptorlarining blokatorlari bilan yondosh davolanayotgan patsiyentlarda yoki gipovolemiyaga olib kelgan yirik jarrohlik aralashuvlaridan keyingi holatda bo‘lgan patsiyentlarda, lyupus-nefropatiyasi, jigar disfunktsiyasining og‘ir darajasi (zardobli albumin <25 g/l yoki Chayld–Pyu tasnifi bo‘yicha ≥ 10) bo‘lgan patsiyentlarda qayd etilgan. Bunday patsiyentlarda davolashni boshlanishida diurez va buyrak funktsiyasini nazorat qilish kerak.
NYaQV kam hollarda interstitsial nefrit, glomerulonefrit, renal modullyar nekrozlarga yoki nefrotik sindromlarni rivojlanishiga olib kelishi mumkin.
Dializ muolajasini olayotgan, buyrak yetishmovchiligining terminal bosqichi bo‘lgan patsiyentlar uchun meloksikamning dozasi 7,5 mg dan (tabletkalar ko‘rinishida) oshmasligi kerak. Yengil yoki o‘rtacha darajadagi renal buzilishlari (kreatinin klirensining darajasi minutiga ˃ 25 ml) bo‘lgan bemorlar uchun dozani pasaytirmaslik mumkin.
Jigar tomonidan buzilishlar
Ko‘pchilik NYaQV bilan davolangandagi kabi, yakka hollarda jigar transaminazalarining darajasi yoki jigar funktsiyasining boshqa ko‘rsatkichlarini oshishi ta'riflangan. Ko‘pchilik hollarda bu siljishlar ahamiyatsiz darajada va vaqtinchalik xarakterga ega bo‘lgan. Jigar funktsiyasining ko‘rsatkichlari normadan turg‘un va sezilarli darajada siljiganida, meloksikam bilan davolashni to‘xtatish va nazorat sinamalarini o‘tkazish kerak. Klinik jihatdan barqaror kechayotgan jigar sirrozi bo‘lgan bemorlar uchun meloksikamning dozasini pasaytirish kerak emas. Holsizlangan bemorlar yanada sinkov kuzatuvga muhtojdirlar.
Boshqa NYaQV bilan davolangandagi kabi, buyrak, jigar va yurak funktsiyalarini pasayishi ehtimoli ko‘proq bo‘lgan keksa yoshdagi bemorlarga nisbatan ehtiyot bo‘lish kerak.

Natriy, kaliy va suvning tutilishi.
NYaQP natriy, kaliy va suvni tutilishini kuchaytirishi va diuretiklarning natriyuretik samarasiga ta'sir qilishi mumkin, bu yurak funktsiyasi buzilishlari yoki arterial gipertenziyaga olib kelishi mumkin. Bunday patsiyentlarda klinik monitoring o‘tkazish tavsiya etiladi.
Bundan tashqari, antigipertenziv preparatlarning samarasini pasayishi kuzatilishi mumkin. Natijada moyil bemorlarda shish, yurak yetishmovchiligi yoki arterial gipertenziya rivojlanishi mumkin. Shunday qilib, xavfli guruhga kiruvchi patsiyentlarda klinik monitoring o‘tkazish zarur.
Boshqa ogohlantirishlar va xavfsizlik choralari.
Nojo‘ya reaktsiyalarni keksa yoshli patsiyentlar, sinchkov kuzatuvga muhtoj bo‘lgan kuchsiz yoki kuchsizlangan bemorlar yomon o‘tkazadilar.
Meloksikam, xar qanday boshqa NYaQP kabi, infektsion kasalliklarni niqoblashi mumkin.
Yallig‘lanish va isitmani niqoblanishi.
Isitma va yallig‘lanishni kamaytirish bo‘yicha meloksikamning farmakologik ta'siri gumon qilinayotgan infektsion og‘riqli holatning tashhisini qiyinlashtirishi mumkin.
Siklooksigenaza/prostaglandinlarning sintezini ingibitsiya qiluvchi boshqa vositalar kabi meloksikamni qo‘llash reproduktiv faoliyatga salbiy ta'sir etishi mumkin, shuning uchun homilador bo‘lishga harakat qilayotgan ayollarga tavsiya etilmaydi. Homilador bo‘lishni rejalashtirayotgan yoki bepushtlik yuzasidan tekshiruvlardan o‘tayotgan ayollar uchun meloksikam qabul qilishni to‘xtatish ehtimolini ko‘rib chiqish kerak.

Homiladorlik va emizish davrida qo‘llanishi.
Homiladorlikning III uch oyligida vaqtida Revmoksikam® qo‘llash mumkin emas.
Prostaglandinlar sintezini ingibitsiya qilinishi homiladorlikka va/yoki embrion hamda homilani rivojlanishiga salbiy ta'sir ko‘rsatishi mumkin. Epidemiologik tekshirishlarning ma'lumotlari homiladorlikning erta davrida prostaglandinlar sintezini ingibitorlari qo‘llanganidan keyin bola tashlash, yurak nuqsonlari va gastroshizislar xavfini oshishini taxmin qilish imkoniyatini beradi. Bu xavf doza va davolash davomiyligini oshishi bilan ortadi deb hisoblanadi.
Homiladorlikning I va II uch oyliklari vaqtida meloksikamni, o‘ta zarur holatlarda buyuriladi. Agar meloksikamni homiladorlikni rejalashtirayotgan ayol yoki homiladorlikning I va II uch oyligi bo‘lgan homilador ayol qabul qilsa, eng kichik dozalar, davolashning davomiyligi qisqa bo‘lishi kerak.
Homiladorlikning III uch oyligida prostaglandinlar sintezining barcha ingibitorlari homila uchun xavf tug‘dirishi mumkin
yurak-o‘pka toksikligi (arterial yo‘lini muddatidan oldin bekilishi va o‘pka gipertenziyasi bilan kechadi);
buyrak faoliyatini buzilishi, oligogidroamnion bilan kechuvchi buyrak yetishmovchiligi rivojlanishi mumkin.
Homiladorlikning oxirgi muddatlarida ona va yangi tug‘ilgan chaqaloq uchun bo‘lishi mumkin xavflar
hatto juda kichik dozalarda ham qon ketish vaqtini uzayishi, antiagregatsion samara rivojlanishi mumkin;
bachadon qisqarishlarini susayishi, bu tug‘ruqni kechikishi va uzayishiga olib keladi.
Garchi meloksikamga nisbatan aniq bir ma'lumotlar bo‘lmasa-da, NYaQV ni ko‘krak sutiga o‘tishi mumkinligi ma'lumdir, shuning uchun meloksikam preparatini emizikli ayollarda qo‘llash mumkin emas.

Avtotransportni boshqarishda yoki boshqa mexanizmlar bilan ishlashda reaktsiya tezligiga ta'sir qilish xususiyati.
Avtomobilni boshqarish yoki mexanizmlar bilan ishlash qobiliyatiga preparatning ta'siri yuzasidan ma'lumotlar yo‘q. Biroq ko‘rish faoliyatini buzilishi, bosh aylanishi, uyquchanlik yoki markaziy nerv tizimini boshqa buzilishlari kabi nojo‘ya reaktsiyalar rivojlanganida avtomobilni boshqarish yoki mexanizmlar bilan ishlashdan saqlanish tavsiya etilgan.


Dozani oshirib yuborilishi

Dozani o‘tkir oshirib yuborilishi simptomlari letargiya, uyquchanlik, ko‘ngil aynishi, qusish, epigastral sohada og‘riq, me'da-ichakdan qon ketishlari bo‘lishi mumkin. Og‘ir zaharlanish arterial gipertenziya, o‘tkir buyrak yetishmovchiligi, jigar funktsiyasini buzilishi, koma, yurak urishini to‘xtashiga olib kelishi mumkin. “Nojo‘ya ta'sirlari” bo‘limida keltirilgan ko‘rinishlar bo‘lishi mumkin.
Davolash preparatni bekor qilish, to‘g‘ri ichakni yuvish, simptomatik davolash o‘tkaziladi. Spetsifik antidoti yo‘q. Klinik tekshirishlar o‘tkazilganda xolestiraminni peroral 4 g dan sutkada 3 marta qabul qilish fonida meloksikamning chiqarilishini tezlashtirilishini namoyon etgan


Chiqarilish shakli

5 suppozitoriydan blisterda. 1 blister tibbiyotda qo‘llanilishiga doir yo‘riqnomasi bilan birga qutida.


Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin.


Yaroqlilik muddati

2 yil.
O‘ramida ko‘rsatilgan yaroqlilik muddati tugaganidan keyin preparat qo‘llanmasin.


Dorixonalardan berish tartibi

Retsept bo‘yicha.


Ishlab chiqaruvchi

“Farmak” AJ. Ukraina