Preparatning savdo nomi
Keto plyus
Ta'sir etuvchi modda (XPN) yo‘q

Dori shakli
Shampun

Tarkibi

1 ml preparat quyidalarni saqlaydi
faol moddalar 20 mg ketokonazol, 48% dispersli rux piritioni 10 mg rux piritionga ekvivalent;
yordamchi moddalar alyuminiy va magniy silikati, kremniy kolloid dioksidi, kontsentratsiyalangan xlorid kislotasi, gipromelloza 50 CPS, imidomochevina, Karmoizin Supra IH bo‘yovchisi, shvetsariya guldasta aromatizatori R3043, propilenglikol, shampun asosi toza jemchujn, tozalangan suv.
Ta'rifi yopishqoq, xushbo‘y hidli, qizil rangli suyuqlik.

Farmakoterapevtik guruhi
teri kasalliklarini davolash uchun boshqa preparatlar. Davolovchi ta'sir ega bo‘lgan shampunlar. Davolovchi ta'sir ega bo‘lgan boshqa shampunlar.
ATX kodi D11AC30


Farmakologik xususiyatlari


Farmakodinamika

Ketokonazol, imidazol-dioksalanning sintetik hosilasi bo‘lib, Trichophyton spr., Epidermophyton spr., Microsporum spr., kabi dermatofitlar va Candida spr. vaMalassezia furfur (Pityrosporum ovale) lap kabi achitqisimon zamburug‘larga nisbatan zamburug‘larga qarshi ta'sir ko‘rsatadi.
Rux piritioni - epitelial hujayralarga antiproliferativ ta'sirga ega va terining ortiqcha kepaklanishini chaqiradigan Pityrosporum ovale va Pityrosporum orbiculate ga nisbatan zamburug‘larga qarshi faollik namoyon qiladi. Keto plyus shampuni bosh terisining kepaklanishini va qichishishini kamaytiradi, odatda ular qazg‘oqli va seboreyali dermatit bilan assotsiyalanadi.

Farmakokinetikasi

Mahalliy qo‘llanganida ketokonazol va rux piritionining teri orqali so‘rilishi sezilarsiz. Shampun uzoq muddat qo‘llanganida faol moddalarning qonda saqlanishi aniqlanmaydi, shuning uchun preparat tizimli ta'sirga ega emas.


Qo‘llanilishi

- boshning sochli qismini zamburug‘li shikastlanishi seboreyali dermatit, kepaklanuvchi temiratkida qo‘llanadi.


Qo‘llash usuli va dozalari

Sirtga qo‘llash uchun buyuriladi.
Qo‘llash usuli
1.Suv bilan soch va bosh terisining sochli qismini yuvish.
2.Soch va bosh terisining sochli qismini yuvish va ko‘pik hosil bo‘lishi uchun yetarli miqdorda shampun surtiladi.
3.Bir minut davomida soch va bosh terisining sochli qismiga uqalash harakatlari bilan shampunni yoyish.
4.Surtilgan shampunni issiqroq suv bilan yuvish. Jarayonni yana qaytarish va soch va bosh terisining sochli qismiga shampunni surtib 3-5 minut davomida qoldirish.
5.Sochlarni issiqroq suv bilan yuvish, sochiq yoki fen bilan quritish.
Davolash kursi kepaklanuvchi temiratkida har kuni 5-7 kun davomida, seboreyli dermatitda – 1 oy davomida haftada 2 marta.
Kepaklanuvchi temiratkini profilaktikasi - har kuni 3-5 kun davomida.
Boshning sochli qismini seboreyali dermatiti - haftada 1 marta 1 oy davomida.

Nojo‘ya ta'sirlari
Kam hollarda
- mahalliy ta'sirlanish, qichishish yoki kontakt dermatit (ta'sirlanish yoki allergik reaktsiyalar oqibatida);
- sochlarning yog‘liligi va quruqligini oshishi;
- soch to‘kilishini kuchayishi.
Juda kam hollarda
- o‘ta yuqori sezuvchanlik reaktsiyalari, eshakemi;
- terining quruqligi;
- alohida hollarda, asosan kimyoviy shikastlanishi yoki oqargan sochlari bo‘lgan patsiyentlarda sochlar rangini o‘zgarishi aniqlangan.


Qo‘llash mumkin bo‘lmagan holatlar
.
- ketokonazol, boshqa azol hosilalari, rux piritioni va preparatni yordamchi komponentlariga o‘ta yuqori sezuvchanlikda qo‘llash mumkin emas.

Dorilarning o‘zaro ta'sirlari
O‘rganilmagan.


Maxsus ko‘rsatmalar

• Ko‘zga tushishidan saqlaning. Shampun ko‘zga tushganida uni suv bilan yuvish kerak.
• Muntazam ravishda shampun qo‘llanilgandan keyin holat yomonlashganida yoki yaxshilanish kuzatilmaganida shifokor bilan maslahatlashish zarur.
• Shampun qo‘llanilganda kimyoviy jingalak qilingan sochlar to‘kilishi mumkin.
• Nojo‘ya reaktsiyalar yoki ta'sirlanish paydo bo‘lganda shampun qo‘llashni to‘xtatish kerak.
• Anamnezida piritionga allergik reaktsiyalar yoki konservantlar, bo‘yovchilarga allegiyasi bo‘lganda shifokorga xabar bering.
Mahalliy qo‘llash uchun glyukokortikosteroidlarni (GKS) qabul qiluvchi patsiyentlarda Glyukokortikoidlar bilan mahalliy uzoq vaqt davolashda bekor qilish sindromini bartaraf etish uchun, glyukokortikosteroidlarni mahalliy qo‘llashni Keto plyus shampuni bilan birga davom ettirishni, keyinchalik glyukorkortikosteroidlarni 2-3 hafta davomida sekin-asta bekor qilish tavsiya qilinadi.
Seboreyali dermatit va kepaklanish tez-tez kuchli soch to‘kilish bilan kechishi mumkin. Kam hollarda sochning to‘kilishini Keto plyus shampunini qo‘llaganda kuchayishi aniqlangan.
Homiladorlik va laktatsiya davri
Ketokonazol va rux piritioni mahalliy qo‘llanganidan so‘ng teri orqali sezilarsiz darajada so‘riladi, shuning uchun Keto plyus shampunini homiladorlik va laktatsiya davrida ishlatish mumkin. Ammo shampunni faqat qat'iy ko‘rsatmalar asosida, agar ona uchun kutilayotgan foyda homila yoki bola uchun potentsial xavfdan ortiq bo‘lganda qo‘llash kerak.
Dori vositasini transport vositalari va potentsial xavfli mexanizmlarni boshqarish qobiliyatiga ta'sir etish xususiyati
Keto plyus shampuni avtomobilni boshqarish va texnikalar bilan ishlash qobiliyatiga o‘zaro ta'sir etmaydi.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Keto plyus shampuni qo‘llanganida dozani oshirib yuborilishi rivojlanmaydi, chunki preparat faqat sirtga qo‘llash uchun mo‘ljalangan. Ichga qabul qilib yuborilgan holatlarda maxsus choralar talab etilmaydi. Aspiratsiyani oldini olish uchun qusishni chaqirish yoki me'dani yuvish mumkin emas.


Chiqarilish shakli

60 ml va 150 ml dan shampun plastik flakonlarda. 1 flakondan davlat va rus tillaridagi qo‘llash bo‘yicha yo‘riqnomasi bilan birga karton qutiga joylanadi.


Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Petseptciz.


Ishlab chiqaruvchi

Glenmark Farmasyutikal LTD,
Hindiston, 422007, Maxarashtra, MIDS area, Satnur, Nasik, PLOT №E 37,39,.