Savdo nomi Relif Ul'tra


Xalqaro patentlanmagan nomi
Yo‘q


Dori shakli
Rektal suppozitoriylar


Tarkibi

1 suppozitoriy quyidagilarni saqlaydi
faol moddalar gidrokortizon asetati 10 mg, rux sul'fati monogidrati 11 mg;
yordamchi moddalar kakao moyi, suvsiz kal'siy gidrofosfati, magniy stearati (E572), metilparagidroksibenzoati (E218), propilparagidroksibenzoati (E216).

Ta'rifi oq yoki och-sariq rangli, torpeda shaklli, tiniq bo‘lmagan suppozitoriylar.


Farmakoterapevtik guruhi
gemorroy va anal yoriqlarni davolash uchun sirtga qo‘llash uchun vositalar.
ATX kodi C05AA


Farmakologik xususiyatlari


Farmakodinamika

Gidrokortizon asetati – yallig‘lanishga qarshi, allergiyaga qarshi, shishga qarshi ta'sirga ega, qichishish jadalligini kamaytiradi.
Rux sul'fati monogidrati – yara va eroziyalarni bitishiga yordam beradi.

Farmakokinetikasi

Gidrokortizon asetatning to'g'ri ichakdan baxolangan tizimli so'rilishi 30% dan kam so’rilish darajasini tashkil qiladi. Shilliq qavat shikastlangan yoki yallig’langan holda, so’rilish darajasi boshqacha bo’lishi mumkin. Keyin u va ko’pchilik organizmning to’qimalarida metabolizmga uchraydi. Siydik bilan chiqariladi. Yarim chiqarilish davri 100 minutni tashkil qiladi. 90% gidrokortizonplazma oqsillari bilan bog’lanadi.


Qo‘llanilishi

Asoratlanmagan gemorroy, anal yoriqlar va eroziyalar, proktitni kompleks davolash tarkibida simptomatik vosita sifatida qo‘llanadi.


Qo‘llash usuli va dozalari

Preparatni gigienik muolajalardan keyin qo‘llash kerak.
Dastlab orqa chiqaruv teshigi atrofidagi teri iliq suv bilan yuviladi, shikastlangan soha namlangan yumshoq salfetka bilan tozalanadi, uni tualet qog‘ozi yoki yumshoq mato bilan ehtiyotkorlik bilan quritiladi. Suppozitoriyni yuborishdan oldin undan himoya plastik qobig‘ini yechish kerak. To‘g‘ri ichakka bitta suppozitoriydan kuniga 4 martagacha (ertalab, tunda va ichak har bir bo‘shaganidan keyin) yuboriladi.
Davolash davomiyligi – 7 kungacha.



Nojo‘ya ta'sirlari
Allergik reaksiyalar (giperemiya, shish, qichishish), shilliq qavatlarni qurishi kuzatilishi mumkin.

Qo‘llash mumkin bo‘lmagan xolatlar
Preparatning ingredientlariga individual yuqori sezuvchanlik, preparatni yuborish sohasida bakterial, zamburug‘li, virusli infeksiyalar, anorektal soha o‘smalari, tuberkulyoz, Isenko-Kushing sindromi, qandli diabetning og‘ir shakllari, gipernatriemiya, tromboemboliya (shu jumladan avval o‘tkazilgan), homiladorlik va laktasiya davrida qo‘llash mumkin emas.

Dorilarning o‘zaro ta'siri
Qonda qand daradasini pasaytiruvchi preparatlar, antikoagulyantlar, barbituratlar, siydik xaydovchi va yurak glikozidlari bilan bir vaqtda qabul qilganda ehtiyotkorlikka rioya qilish kerak.
Boshqa dori vositalari bilan birga qabul qilgan xolatlarda shifokor bilan maslahatlashish kerak.

Maxsus ko’satmalar
Maxsus ogohlantirishlar va ehtiyotkorlik choralari
Gipertonik kasallikning og‘ir shakllarida, yurak ritmini buzilishlarida, immuntanqis holatlarda, osteoporozda, qandli diabetda va boshqa endokrin patologiyalarda preparatni qat'iy tibbiy ko‘rsatmalar bo‘yicha, agar kutilgan terapevtik samara nojo‘ya ta'sirning yoki asosiy kasallikning potensial xavfidan yuqori bo‘lsagina qo‘llashga yo‘l qo‘yiladi.
Himoya plastik qobig‘i shikastlanganda yoki bo‘lmaganida suppozitoriy qo’llanilmasin.
Preparatni qo‘llaganda orqa chiqaruv teshikdan ko‘p miqdorda qonli ajralmalar kelganida yoki terapevtik samara kuzatilmaganida, shifokorga murojaat etish kerak.
Metilparagidroksibenzoati va propilparagidroksibenzoati saqlaganligi tufayli, allergik reaksiyalar, shu jumladan sekinlashgan turdagi reaksiyalar chaqirishi mumkin.
Homiladorlik va laktasiya davri
Homiladorlik va emizish davridagi ayollarda dori vositasini qo‘llash mumkin emas.
Dori vositasini transport vositalarini yoki potentsial xavfli mexanizmlarni boshqarish qobiliyatiga ta'siri
Ta’sir qilmaydi.


Dozani oshirib yuborilishi

Preparatni yuqori dozalarda uzoq vaqt qo‘llaganda hayz siklini buzilishi, arterial qon bosimni oshishi, mushak kuchsizligi, uyqusizlik, qonda qand darajasini oshishi, gipernatriemiya, Isenko-Kushing sindromi, immun tizimini susayishi, me'da-ichak yo‘llari eroziyalari va yaralari, osteoporoz kabi gidrokortizonning tizimli samaralari rivojlanishi xavfini inkor etib bo‘lmaydi.

Dozani oshirib yuborilishi
simptomlari paydo bo‘lganida dori vositasini qo‘llashni to‘xtatish va shifokorga murojaat etish kerak. Davolash simptomatik.


Chiqarilish shakli

6 suppozitoriydan stripga joylanadi. 2 stripdan tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoitlari
25ºC dan yuqori bo‘lmagan haroratda saqlansin.
Bolalar ololmaydigan joyda saqlansin.


Yaroqlilik muddati

2 yil.

O’rami
da ko’rsatilgan yaroqlilik muddati o’tgach ishlatilmasin.

Dorixonalardan berish tartibi

Retseptsiz.