Preparatning savdo nomi
Noofen®

Dori shakli
kapsulalar

Tarkibi

1 kapsula quyidagilarni saqlaydi
faol modda 250 mg fenibut (-amino-β-fenilmoy kislotasining gidroxloridi);
yordamchi moddalar laktoza monogidrati, kartoshka kraxmali, kaltsiy stearati.
kapsulaning korpusi va qopqog‘ining tarkibi titan dioksidi (E 171), jelatin. Ta'rifi oqdan biroz sarg‘ish tusli oq rangligacha bo‘lgan kukun saqlovchi № 0 o‘lchamli qattiq jelatin kapsulalar.

Farmakoterapevtik guruhi
Boshqa psixostimulyatorlar va nootroplar.
ATX kodi N06BX22


Farmakologik xususiyatlari

Noofen bosh miyaning nerv hujayralarida metabolik jarayonlarga ijobiy ta'sir qiladi. Noofen preparatining ta'sir etuvchi moddasini (γ-amino-β-fenilmoy kislotasining gidroxloridini) γ-aminomoy kislotasi (GAMK) ning hosilasi yoki β-feniletilamin xosilasi sifatida qarash mumkin. Noofen nootrop faollikka ega, GAMK ning hosilasi sifatida esa anksiolitik (trankvilizator) ta'sirga ega. Xolin- va adrenoretseptorlarga ta'sir qilmaydi.
Preparat zo‘riqish, bezovtalik, qo‘rquvni kamaytiradi va uyquni yaxshilaydi, shuning uchun u nevrozlarni davolash uchun va operatsiyalardan oldin ishlatiladi. Noofen uxlatuvchi, narkotik, neyroleptik va parkinsonizmga qarshi vositalarning ta'sirini uzaytiradi va kuchaytiradi. Noofen tirishishga qarshi faollikka ega emas. Noofen nistagmning yashirin davrini uzaytiradi va uning davomiyligi va yaqqolligini qisqartiradi. Preparat asteniya va vazovegetativ simptomlarni kechishini, shu jumladan bosh og‘rig‘i, boshda og‘irlik hissi, uyquni buzilishi, jizzakilik, emotsional labillikni kamaytiradi va aqliy ish qobiliyatini oshiradi. Psixologik ko‘rsatkichlar (diqqat, xotira, sensor-motor reaktsiyalarning tezligi va aniqligi), trankvilizatorlardan farqli ravishda, noofenning ta'siri ostida yaxshilanadi. Asteniyasi bo‘lgan va emotsional labil patsiyentlarda davolashning birinchi kunidanoq sub'ektiv o‘zini xis qilish yaxshilanadi, qiziqish va tashabbuskorlik oshadi, keraksiz sedatsiya yoki qo‘zg‘aluvchanliksiz faoliyat motivatsiyasi oshadi.

Farmakokinetikasi

Ichga qabul qilinganidan so‘ng me'da-ichak yo‘llaridan preparat yaxshi so‘riladi va organizmning barcha to‘qimalariga o‘tadi, gematoentsefalik to‘siqdan oson o‘tadi. Bosh miya to‘qimasiga preparatning yuborilgan dozasini taxminan 0,1% o‘tadi, ayni paytda yosh va keksa yoshli shaxslarda ancha ko‘proq darajada o‘tadi. Jigarda - 80%-95% metabolizmga uchraydi, farmakololgik jixatdan faol bo‘lmagan metabolitlari hosil bo‘ladi. Taxminan 5% buyrak orqali o‘zgarmagan holda chiqariladi. Takror qabul qilinganida kumulyatsiya kuzatilmaydi.

Qo‘llanilishi

Astenik va xavotirli–nevrotik holatlar bezovtalik, qo‘rquv, xavotirlik; keksa yoshdagi patsiyentlarda – uyquni buzilishi, bezovta tungi uyqu.
Jarrohlik aralashuvlari va og‘riqli diagnostik tekshirishlari oldidan yuz beruvchi xavotirli holatlarni oldini olish
Mener kasalligi; vestibulyar analizatorining turli genezli disfunktsiyalari bilan bog‘liq bo‘lgan bosh aylanishi.
Kinetozlarda chayqalishini (xarakatlanayotgan ob'ektda bo‘lgandakelib chiqadigan va bosh aylanishi, ko‘ngil aynishi, qusish, vestibulyar buzilishlar bilan xarakterlanuvchi holat) oldini olish
Alkogolli abstinentsiya sindromini kompleks davolashda yordamchi dori vositasi sifatida qo‘llaniladi.
Bolalarda – duduqlanish, enurez va tiklarni davolashda qo‘llaniladi.


Qo‘llash usuli va dozalari

Kapsulalarni ichga, ovqatdan keyin suv bilan birga qabul qilinadi.
Astenik va xavotirli–nevrotik holatlar
Kattalarga 250-500 mg dan kuniga 3 marta buyuriladi.
Kattalar uchun eng yuqori bir martalik dozalari – 750 mg, 60 yoshdan oshgan shaxslar uchun – 500 mg buyuriladi.
Davolash kursi – 2-3 hafta. Zarurati bo‘lganida davolash kursini 4-6 haftagacha uzaytirish mumkin.
Mener kasalligi; vestibulyar analizatorining turli genezli disfunktsiyalari bilan bog‘liq bo‘lgan bosh aylanishi
-vestibulyar analizatorning funktsiyasini infektsion genezli buzilishida va Mener kasalligini zo‘rayish davrida 750 mg dan sutkada 3 marta 5-7 kun davomida buyuriladi, vestibulyar buzilishlarning yaqqolligi pasayganida – 250-500 mg dan sutkada 3 marta 5-7 kun davomida, so‘ngra – 250 mg dan sutkada bir marta yana 5 kun davomida buyuriladi.
Kasallikni nisbatan yengil kechishida 250 mg dan sutkada 2 marta 5-7 kun davomida, so‘ngra 250 mg dan sutkada bir marta 7-10 kun davomida qabul qilish kerak.
-vestibulyar analizatorning funktsiyasini qon tomir patologiyasi oqibatidagi yoki travmatik genezli buzilishlari 250 mg dan sutkada 3 marta 12 kun davomida buyuriladi.
Kinetozlarda chayqalishini oldini olish uchun
250-500 mg dan bir marta rejalashtirilayotgan sayoxatdan 1 soat oldin yoki chayqalishining birinchi simptomlari paydo bo‘lganida qabul qilinadi. Chayqalishining og‘ir ko‘rinishlarida (“to‘xtatib bo‘lmaydigan” qusish va boshqalar) preparatning samarasi kam.
Alkogolli abstinentsiya sindromini kompleks davolashda yordamchi dori vositasi sifatida
Davolashning birinchi kunlarida 250-500 mg dan kun davomida 3 marta va kechasi 750 mg qabul qilinadi, keyin odatdagi sutkalik dozagacha asta-sekin pasaytiriladi.
Bolalarda duduqlanish, enurez va tiklarni davolash uchun
8 yoshdan 14 yoshgacha bo‘lgan bolalarga – 250 mg dan kuniga 3 marta buyuriladi. 14 yoshdan oshgan bolalarga – kattalar uchun tavsiya etilgan dozalar (250-500 mg dan kuniga 3 marta) buyuriladi.
8 yoshgacha bo‘lgan bolalarga preparatning boshqa dori shakllarini qo‘llash tavsiya etiladi.
Patsiyentlarning maxsus guruhi
Jigar faoliyatini buzilishlari bo‘lgan patsiyentlarga Noofen preparatining yuqori dozalari gepatotoksiklikni keltirib chiqarishi mumkin. Ushbu guruh patsiyentlariga kichik samarali dozalar buyuriladi.
Terapevtik dozalar qabul qilinganda buyrak faoliyatini buzilishlari bo‘lgan patsiyentlarga Noofen preparatining noxush ta'siri to‘g‘risida ma'lumotlar yo‘q.
Dori vositasiga ko‘nikib qolish va qaramlik kuzatilmaydi, “bekor qilish” sindromi xam yo‘q.
Agar preparatni qabul qilishni o‘tkazib yuborgan bo‘lsangiz, uni eslashingiz bilanoq qabul qiling, lekin agar keyingi dozani qabul qilish vaqti kelib qolgan bo‘lsa, unda o‘tkazib yuboring. Xech qachon ikki barobar dozalarni qabul qillmang.

Nojo‘ya ta'sirlari
Boshqa dori vositalari kabi Noofen ham, garchi ular barcha patsiyentlarda namoyon bo‘lmasa-da, nojo‘ya ta'sirlarni chaqirishi mumkin.
Nojo‘ya ta'sirlarning MedDRA (Reglamentar faoliyat terminologiyasining tibbiy lug‘ati) tasnifi bo‘yicha tez-tezligi
Juda tez-tez (≥1/10);
tez-tez (≥ 1/100 dan <1/10 gacha);
tez-tez emas (≥1/1000 dan <1/100 gacha);
kam hollarda (≥1/10 000 dan <1/1000 gacha);
juda kam hollarda (<1/10 000);
noma'lum (mavjud ma'lumotlar bo‘yicha aniqlashning iloji yo‘q).
Nerv tizimi tomonidan buzilishlar
noma'lum – uyquchanlik (davolashning boshida), bosh og‘rig‘i va bosh aylanishi (kuniga 2 g dan yuqori bo‘lgan dozalar qabul qilinganda kuzatiladi; doza pasaytirilganda, nojo‘ya ta'sirlarning yaqqolligi kamayadi).
Me'da-ichak yo‘llari tomonidan buzilishlar
noma'lum – ko‘ngil aynishi (davolashni boshida).
Jigar va o‘t chiqarish yo‘llari tomonidan buziliishlar
noma'lum – gepatotoksiklik (uzoq muddat davomida yuqori dozalarda qo‘llanganida).
Teri va teri osti yog‘ to‘qimalari tomonidan buzilishlar
kam xollarda redko – allergik reaktsiyalar (teri toshmasi, qichishish) bo‘lishi mumkin..
Bolalarda dori vositasini noto‘g‘ri qo‘llanganda emotsional beqarorlik va uyquni buzilishi kuzatilishi mumiknligi to‘g‘risida ma'lumotlar mavjud.
Agar Sizda ushbu yo‘riqnomada ko‘rsatilmagan qandaydir nojo‘ya ta'sirlar kuzatilsa, yoki eslatib o‘tilgan nojo‘ya ta'sirlaridan biri ayniqsa kuchli namoyon bo‘lsa, shifokorga murojaat qilishingizni so‘raymiz.

Qo‘llash mumkin bo‘lmagan xolatlar
Preparatning ta'sir etuvchi moddasi yoki yordamchi moddalariga yuqori sezuvchanlik.
Homiladorlik va emizish davrida qo‘llash mumkin emas.

Dorilarning o‘zaro ta'siri
Dorilarning ta'sirini o‘zaro potentsiya qilish maqsadida, Noofen preparati va u bilan birga qo‘llanadigan dori vositalarning dozalarini kamaytirib, Noofenni boshqa psixotrop preparatlar bilan majmuada qo‘llash mumkin.
Uxlatuvchi, neyroleptik, tirishishga qarshi va parkinsonizmga qarshi dori vositalarning ta'sirini uzaytiradi va kuchaytiradi.


Maxsus ko‘rsatmalar

Me'da-ichak yo‘llarining eroziv-yarali kasalliklari bo‘lgan patsiyentlarda, preparatning ta'sirlovchi ta'sri borligi tufayli ehtiyotkorlikka rioya qilish kerak. Bu patsiyentlarga preparatning kichik dozalari buyuriladi.
Uzoq vaqt qo‘llanganida periferik qon ko‘rsatkichlari va jigar faoliyatini nazorat qilish lozim.
Preparat laktoza monogidrati saqlaydi. Galaktozani kam uchraydigan nasliy o‘zlashtira olmasligi, Lapp laktaza tanqisligi yoki glyukoza/galaktozani malabsorbtsiyasi bo‘lgan patsiyentlarda preparatni qo‘llash mumkin emas.
Dori vositasini homiladorlik vaqtida va emizish davrida qo‘llanishi
Homiladorlik va emizish vaqtida qo‘llash tavsiya qilinmaydi, chunki yetarli miqdorda klinik kuzatuvlar mavjud emas.
Hayvonlarda o‘tkazilgan eksperimental tadqiqotlarda preparatning mutagen, teratogen va embriatoksik ta'siri aniqlanmagan.
Transport vositalarini boshqarish va mexanizmlarga xizmat ko‘rsatish qobiliyatiga ta'siri
Markaziy nerv tizimi tomonidan uyquchanlik, bosh aylanishi yoki boshqa buzilishlar kuzatiladigan patsiyentlar, davolash vaqtida transport vositalarini boshqarish yoki mexanizmlarga xizmat ko‘rsatishda ehtiyotkorlikka rioya qilishlari kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.




Dozani oshirib yuborilishi

Dori vositasi kam zaxarli. Dozani oshirib yuborish xollari haqida ma'lumotlar kelib tushmagan.
Simptomlari uyquchanlik, ko‘ngil aynishi, qusish, bosh aylanishi bo‘lishi mumkin. Yuqori dozalarda (7 g dan ortiq qabul qilish) uzoq muddat qo‘llanganida eozinofiliya, arterial gipotenziya, buyrak faoliyatini buzilishi, jigarning yog‘li distrofiyasi rivojlanishi mumkin.
Davolash me'dani yuvish, faollashtirilgan ko‘mir qabul qilish, tutib turuvchi va simptomatik davolash. Spetsifik antidoti yo‘q.


Chiqarilish shakli

10 kapsuladan polivinilxlorid plyonka va laklangan alyumin folga kontur uyali o‘ramda.
2 blister (20 kapsula) dan qo‘llash bo‘yicha yo‘riqnomasi bilan birga karton qutiga joylanadi.


Saqlash sharoiti

Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Retsept bo‘yicha.


Ishlab chiqaruvchi

“OLAYNFARM” AJ.
Manzili Rupnitsu ko‘ch. 5, Olayne, LV-2114, Latviya.