Preparatning savdo nomi
Ardeysedon® Naxt

Xalqaro patentlanmagan nomi
yo‘q.

Dori shakli
qobiq bilan qoplangan tabletkalar

Tarkibi

Har bir tabletka quyidagilarni saqlaydi
faol moddalar 200 mg valeriana ildizining quruq ekstrakti (4­71 nisbatda), 68 mg qulmoq g‘uddasining quruq ekstrakti (4­81 nisbatda),
yordamchi moddalar laktoza monogidrati, glyukoza siropi, kolloid kremniy dioksidi, mikrokristall sellyuloza, sellyuloza kukuni, natriy karboksimetil kraxmali (A turi), stearin kislotasi,magniy stearati,
qobig‘ining tarkibi eudragit Ye100, saxaroza, talk, kaltsiy karbonat, gummiarabik, tragakant, titan dioksidi (E171), poli (O­atsetil) kraxmali, montanglikol mumi.
Ta'rifi qandli qobiq bilan qoplangan, jigarrang-och sariq yadroli va o‘ziga xos valeriana hidli, oq, dumaloq, yaltiroq tabletkalar.

Farmakoterapevtik guruhi
uxlatuvchi vosita.
ATX kodi N05SM


Farmakologik xususiyatlari


Farmakodinamika
si
Ardeysedon® Naxt preparatining farmakologik xususiyatlari uning tarkibiga kiruvchi faol moddalarga asoslanadi.
Valeriana (ildizi) efir moyi (bornilizovalerianat, borneol, kamfen, pinen), alkaloidlar (valerin, xatinin), oshlovchi moddalar, saponinlar, qand, valepotriatlar (valtrat, atsetoksivaltrat), organik kislotalar (olma, sirka, chumoli), yelimli va oshlovchi moddalar, selen, temir saqlaydi. Valeriana markaziy nerv tizimining qo‘zg‘aluvchanligini kamaytiradi, koronar qon aylanishini yaxshilaydi, safro chiqarilishini va me'da­ichak yo‘llarida temir sekretsiyasini kuchaytiradi, spazmolitik, gipotenziv ta'sir ko‘rsatadi.
Qulmoq (g‘uddalar) efir moyi, achchiq lyupulin moddasi, askorbin, qulmoqoshlovchi moddalari, gumulen va valeriana kislotalari, trimetilamin, yelim, kamed, bo‘yovchi va teri oshlovchi moddalar, xolin, achchiq moddalar, gipoksantin, mum, fitontsidlarni saqlaydi. Xmel nevr qo‘zg‘aluvchanligida, uyqusizlikda va yengil depressiyada tinchlantiruvchi ta'sir ko‘rsatadi.

Farmakokinetikasi

Ardeysedon® Naxtning ta'siri dorivor o‘simliklarning - valeriana va qulmoq komponentlarining birgalikdagi ta'siri hisoblanadi, shuning uchun farmakokinetik tadqiqotlarni o‘tkazishning iloji yo‘q.


Qo‘llanilishi

-uyquni buzilishida
-yuqori asabiy qo‘zg‘aluvchanlikda
-xavotirlikda qo‘llaniladi.


Qo‘llash usuli va dozalari

Preparat ichga qabul qilinadi.
Kattalar va 12 yoshdan oshgan bolalarga
-yuqori asabiy qo‘zg‘aluvchanlik va xavotirlik holatini davolashda ­ 1 tabletkadan kuniga 3 martagacha qabul qilinadi;
-uyqusizlikda ­ 1 tabletkadan uyqudan ½ ­1 soat oldin; zarur bo‘lganida qo‘shimcha yana 1 tabletkani oldinroq kechki paytda qabul qilish mumkin.
Tabletkalarni chaynamasdan va yetarli miqdordagi suyuqlik (1 stakan ichimlik suvi bo‘lsa maqsadga muvofiq) bilan qabul qilinsin.
Maksimal sutkalik doza 3 tabletkani tashkil qiladi.
Davolash kursi ­ 2­4 hafta. Zarur bo‘lganida takroriy davolash kursini o‘tkazish mumkin.

Nojo‘ya ta'sirlari
Juda kam hollarda
-terining allergik reaktsiyalari
-uyquchanlik
-umumiy holsizlik.
Nojo‘ya ta'siri yo‘q bo‘lishi uchun preparatni qabul qilishni to‘xtatishni o‘zi kifoya. Ushbu yo‘riqnomada keltirilmagan nojo‘ya samaralar paydo bo‘lsa, shifokorga murojaat qiling.


Qo‘llash mumkin bo‘lmagan holatlar

-preparatning komponentlariga yuqori sezuvchanlik;
-bolalar va 12 yoshgacha o‘smirlar;
-homiladorlik va laktatsiya davri.

Dorilarning o‘zaro ta'siri
Markaziy nerv tizimi (MNT) ni susaytiruvchi dori vositalari (shuningdek ­ sedativ va uxlatuvchi) bilan birga qo‘llaganda oxirgilarning ta'sirini kuchayishiga olib keladi.
Alkogol bilan bir vaqtda qabul qilish tavsiya qilinmaydi, chunki alkogol preparatning ta'sirini kuchaytiradi.


Maxsus ko‘rsatmalar

Ardeysedon® Naxt da laktoza va saxaroza saqlanadi, shuning uchun agar Sizda qandni o‘zlashtiraolmaslik va qandli diabet bo‘lsa birinchi qabuldan avval shifokor bilan maslahatlashish kerak.
Agar Siz yanglishib tavsiya qilinganidan yoki shifokor buyurganidan ikki yoki uch barobar ko‘p (ushbu preparatning 2­3 tabletkasiga mos ravishdagi) dozani qabul qilgan bo‘lsangiz, bu odatda sog‘ligingizga katta zarar ko‘rsatmaydi. Bunday hollarda preparatni tavsiya qilingan yoki shifokor buyurgan dozada qabul qilishni davom ettiring.
Transport vositasini yoki potentsial havfli mexanizmlarni boshqarish qobiliyatiga ta'sirining o‘ziga xosligi
Preparat qabul qilinganidan keyin 2 soat davomida transport vositasini haydash va mexanizmlarni boshqarish yoki texnika havfsizligiga rioya qilmagan holda ishlash tavsiya qilinmaydi, chunki Ardeysedon® Naxt preparati psixomotor reaktsiyalarni pasaytirishi mumkin.
Preparat bolalar ololmaydigan joyda saqlansin va yaroqlilik muddati tugaganidan keyin qo‘llanilmasin.


Dozani oshirib yuborilishi

Dozani oshirib yuborish hollari qayd qilinmagan.


Chiqarilish shakli

10 tabletkadan polivinilxlorid va alyumin folgali kontur uyali o‘ramda.
2 yoki 5 kontur uyali o‘ram davlat va rus tilidagi qo‘llash bo‘yicha yo‘riqnomasi bilan birga karton qutiga joylangan.


Saqlash sharoiti

Quruq joyda, 25°S dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.


Ishlab chiqaruvchi

“Ardeyfarm GmbX”, Germaniya 58313 Xerdeke, tel (+0 23 30) 977 677, faks 977 697

Qayd etish guvohnomasi egasi
“Ardeyfarm GmbX”, Germaniya