Preparatning savdo nomi
Folispey
Ta'sir etuvchi modda (XPN) folat kislotasi

Dori shakli
ichga qabul qilish uchun tabletkalar

Tarkibi

Har bir tabletka quyidagilarni saqlaydi
faol modda 5 mg folat kislotasi;
yordamchi moddalar mikrokristall sellyuloza, povidon, natriy kroskarmelloza, suvsiz kolloid kremniy dioksidi, magniy stearati, natriy laurilsulfati.
Ta'rifi sariq-to‘q sariq rangli, ikki tomonlama qavariq, dumaloq tabletkalar

Farmakoterapevtik guruhi
vitaminlar
ATX kodi V03VV01.

Farmakologik ta'siri

Farmakodinamika
si
Folat kislotasi V guruhi vitaminlariga mansub (Vs vitamini, V9 vitamini). Odam organizmida sintezlanmaydi; ovqat bilan tushadi va normal ichak florasi tomonidan ishlab chiqariladi. Nukleotidlar va aminokislotalar almashinuvining bir qator reaktsiyalarida bir uglerodli fragmentlarni (metil, metilen, formula yoki metenil guruhlari ko‘rinishida) tashilishini amalga oshiruvchi ferment tizimlarining kofaktori sifatida ishtirok etuvchi tetragidrofolat kislotasining o‘tmishdoshi bo‘lib hisoblanadi. proliferatsiya, differentsiatsiya va xujayralarni yetishlishi, shu jumladan eritropoez va embriogenez jarayonlarini boshqarishda muhim rol o‘ynaydi.

Farmakokinetikasi

Ichga qabul qilinganda me'da-ichak yo‘llaridan, ayniqsa 12-barmoq ichakning yuqori sohalarida hatto tropik spru fonida malabsorbtsiya sindromi mavduligida ham yaxshi va to‘liq so‘riladi. Ayni vaqtda malabsorbtsiya sindromida ovqatdagi folatlar yomon so‘riladi. Qondagi maksimal kontsentratsiyasiga 30-60 minutdan keyin erishiladi. Plazma oqsillari bilan jadal bog‘lanadi. Gematoentsefalik to‘siq, yo‘ldosh orqali o‘tadi va ko‘krak suti bilan ajraladi. Jigarda to‘planadi va tetragidrofolat kislotasini (digidrofolatreduktaza ta'siri ostida askorbin kislotasi mavjudligida) hosil qilib metabolizmga uchraydi.
Asosan metabolitlari ko‘rinishida siydik bilan chiqariladi. Agar qabul qilingan doza folat kislotasiga bo‘lgan sutkalik ehtiyojdan ahamiyatli darajada yuqori bo‘lsa, o‘zgarmagan ko‘rinishda chiqariladi.


Qo‘llanilishi

Folat kislotasi tanqisligi bilan bog‘liq yoki u bilan kechuvchi holatlarni oldini olish va davolash
• folat kislotasini tanqisligi fonida rivojlanuvchi anemiyalarni davolash megaloblast anemiya;
• dori vositalari va ionlashtiruvchi radiatsiya chaqirgan anemiya va leykopeniya;
• ichgichka ichak kasalliklari, spru va mal'absorbtsiya sindromi bilan bog‘liq anemiya;
• homiladorlik davrida, homilada nerv naychasini rivojlanish nuqsonlarini oldini olish uchun;
• folat kislotasi antagonistlari (metotreksat, sulfametoksazol-trimetoprim majmuasi), tirishishga qarshi preparatlar (fenitoin, primidon, fenobarbital) bilan uzoq vaqt davolash;
• surunkali alkogolizmdagi anemiyada qo‘llanadi.


Qo‘llash usuli va dozalari

Ichga qabul qilinadi.
Folat kislotasini tanqisligi bilan bog‘liq megaloblast anemiyani davolash uchun sutkada 5 mg (1 tabletka) dan 4 oy davomida.
Ichgichka ichak kasalliklari, spru va mal'absorbtsiya sindromi bilan bog‘liq anemiyada sutkada 15 mg gacha.
Homilada nerv naychasini rivojlanish nuqsonlarini oldini olish uchun, xavf guruhi kiruvchi ayollarda preparat rejalashtirilgan homiladorlikdan 1 oy oldin va so‘ngra I uch oylik davomida kuniga 5 mg dan buyuriladi.
Muvofiqlashtirilmagan yoki qoniqarsiz ovqatlanish bilan bog‘liq bo‘lgan folat kislotasi tanqisligini oldini olish uchun preparat har kuni 2,5-5 mg dan buyuriladi.
Davolash maqsadida kattalarga sutkada 5 mg dan buyuriladi.
Davolash kursi davomiyligi – 20-30 kun.
Bolalarga – yoshga qarab past dozalarda buyuriladi.
Folat kislotasini tanqisligi bilan bog‘liq megaloblast anemiyani davolash uchun
1-18 yoshdagi bolalar kuniga 5 mg 4 oy davomida; samarani bir maromda ushlab turuvchi doza har 1-7 kunda 5 mg.
Gemolitik anemiya, moddalar almashinuvini buzilishi 1-12 yoshdagi bolalar 2,5 mg – 5 mg dan kuniga bir marta, 12-18 yoshdagi bolalar 5-10 mg kuniga bir marta.
Gemodializda folat kislotasi yetishmovchiligini oldini olish uchun 1-12 yoshdagi bolalar 250 mkg/kg (maksimal 10 mg) kuniga bir marta. 12-18 yoshdagi bolalar 5-10 mg kuniga bir marta.



Nojo‘ya ta'sirlari
Allergik reaktsiyalar teri toshmasi, teri qichishishi, bronxospazm, eritema, gipertermiya.
Me'da-ichak yo‘llari tomonidan anoreksiya, ko‘ngil aynishi, qorinni dam bo‘lishi, og‘izda achchiq ta'm.


Qo‘llash mumkin bo‘lmagan holatlar

-preparatning komponentlariga yuqori sezuvchanlik;
-xavfli o‘smalar;
-V12-tanqis anemiya;
-gemoxromatoz;
-gemosiderozda qo‘llash mumkin emas.

Dorilarning o‘zaro ta'siri
Floramfenikol, neomitsin, polimiksinlar, tetratsiklinlar bilan bir vaqtda qo‘llanilganda folat kislotasini so‘rilishi kamayadi.
Analgetiklar (uzoq vaqt davolash), tirishishga qarshi preparatlar (shu jumladan fenitoin va karbamazepin), estrogenlar, peroral kontratseptivlar folat kislotasiga bo‘lgan ehtiyojni oshiradi.
Folat kislotasini qo‘llash fenobarbital, fenitoin yoki primidonning plazmadagi darajasini pasaytirishi va tutqanoq xurujini chaqirishi mumkin.
Antatsidlar, kolestiramin, sulfonamidlar (shu jumladan sulfasalazin) folat kislotasini so‘rilishini kamaytiradi.
Kolestiramin va folat kislotasi bir vaqtda qo‘llanilganda so‘rilishi pasayishi yoki o‘zgarishi mumkin, shuning uchun kolesteramindan 1 soat oldin yoki 4-6 soatdan keyin qabul qilish kerak.
Metotreksat, pirimetamin, triamteren, trimetoprim digidrofolatreduktazani ingibitsiya qiladi va folat kislotasining samarasini pasaytiradi (uni qabul qilayotgan patsiyentlarga uning o‘rniga kaltsiy folinatini buyurish kerak).


Maxsus ko‘rsatmalar

Pernitsioz anemiyada preparat mustaqil qabul qilinmaydi, balki sianokobalamin (V12 vitamini) bilan birga qabul qilinadi. Folat kislotasini yuqori dozalari qo‘llanilganda, shuningdek uzoq vaqt davolaganda V12 vitamining kontsentratsiyasi pasayishi mumkin.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Folat kislotasining dozasini oshirib yuborilishining isbotlangan xabarlari ta'riflanmagan. Folat kislotasi nisbatan toksik birikma bo‘lib hisoblanmaydi. Fiziologik doza oshirilganda folat kislotasi me'da-ichak yo‘llari tomonidan buzilishlar qusish, qorinni dam bo‘lishi, meteorizm, shuningdek tungi uyquni buzilishi ko‘rinishida nospetsifik reaktsiya chaqirishi mumkin.
Doza oshirib yuborilganda davolash simptomatik va tutib turuvchi hisoblanadi va klinik ko‘rinishlarga qarab belgilanadi. 1-2 soatdan keyin aniqlanadigan preparatni haddan tashqari ko‘p miqdorda qabul qilgan hollarda me'dani yuvish yoki qusishni chaqiruvchi preparatlar buyuriladi. Folat kislotasini jigar ichki sirkulyatsiyasini kamaytirish maqsadida ko‘p marta faollashtirilgan ko‘mir qabul qilish kerak.


Chiqarilish shakli

5 mg dan ichga qabul qilish uchun 10 tabletka blisterda. 2 blister qo‘llash bo‘yicha yo‘riqnomasi bilan karton qutida.


Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.

Savdo nomi va ro‘yxatdan o‘tkazilganlik guvohnomasining egasi
Spey Medical Ltd.,
London, Buyuk Britaniya


Ishlab chiqarilgan

REPLEK FARM Ltd. Skopye
Skopye, Makedoniya Respublikasi

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
«Ameliya Pharm service» MChJ
O‘zbekiston Respublikasi, Toshkent sh., S-6, Yunusobod tumani, 92/2.
Tel. (+998) 71 2356501