Vitrum Kalsiy D3 vitamini bilan №30 Yunifarm

Tarkibi

Ta’sir etuvchi moddalar 1 tabletka kalsiy saqlaydi (kalsiy karbonat ko‘rinishida ustritsa chig‘anoqlaridan) 500 mg vitamin D 3 (xolekalsiferol) 5 mkg (200 XB).
Yordamchi moddalar mikrokristall sellyuloza, natriy kroskarmelloza, magniy stearat, kolloid kremniy dioksidi, gipromelloza, titan dioksidi (Ye 171), triatsetin, riboflavin bo‘yog‘i (Ye 101), brilliant ko‘ki bo‘yog‘i (Ye 133).

Dori shakli

Qobiq bilan qoplangan tabletkalar.
Och yashil rangdan yashil ranggacha bo‘lgan qobiq bilan qoplangan, chetlari qiya kesilgan oval tabletkalar.

Ishlab chiqaruvchi

Unifarm, Inc., 75 Progress Lane, Waterbury, Connecticut, 06705, USA.
Farmakologik guruh
Vitaminlar minerallar bilan birgalikda.
Kalsiy va fosfor almashinuvini boshqaruvchi kombinatsiyalangan preparat. Organizmda yetishmayotgan kalsiy va vitamin D 3 o‘rnini to‘ldiradi, tishlarning minerallashuvi uchun zarur. Kalsiy suyak to‘qimasining shakllanishida, tishlarning minerallashishida, qonning ivishida, nerv o‘tkazuvchanligi va muskullar qisqarishi jarayonlarining boshqarilishida, nerv faoliyatining bir me’yorda bo‘lishida ishtirok etadi. Kalsiy va D vitaminini qo‘llash suyak rezorbsiyasini (kalsiyning suyaklardan yuvilishini) kuchaytiruvchi paratgormon (PTG) ishlab chiqarilishini ko‘payishiga to‘sqinlik qiladi.
Ko‘rsatmalar
Kattalarda kalsiy va/yoki vitamin D 3 yetishmovchiligining oldini olish va davolash, osteoporozning oldini olish va kompleks davolash uchun qo‘llaniladi.
Qarshi ko‘rsatmalar
Giperkalsiyemiya va/yoki giperkalsiuriya;
• nefrolitiaz;
• D3 gipervitaminozi;
• soya yoki yeryong‘oqqa yuqori sezuvchanlik;
• preparat komponentlariga yuqori sezuvchanlik.
Maxsus ogohlantirishlar
Uzoq muddatli davolanish paytida qon zardobidagi kalsiy va kreatinin darajasini nazorat qilish kerak, ayniqsa keksa yoshdagi bemorlarda yurak glikozidlari yoki tiazid diuretiklari bilan birgalikda davolashda, tish toshlari hosil bo‘lishiga moyilligi yuqori bo‘lgan bemorlarda. Giperkalsiyemiya belgilari paydo bo‘lganda yoki buyrak faoliyati buzilganda preparat dozasini kamaytirish yoki to‘xtatish kerak.
D vitaminini buyrak faoliyati buzilgan bemorlarga ehtiyotkorlik bilan qo‘llash, kalsiy va fosfatlar miqdorini nazorat qilish kerak. Yumshoq to‘qimalarning kalsifikatsiyasi xavfini hisobga olish kerak. Og‘ir darajadagi buyrak yetishmovchiligi bo‘lgan bemorlarda kolekalsiferol shaklidagi vitamin normal metabolizmga uchray olmaydi, shuning uchun D vitaminining boshqa shakllarini qo‘llash kerak.
Sarkoidoz bilan og‘rigan bemorlarda ehtiyotkorlik bilan qo‘llaniladi, chunki D vitaminining faol shakliga metabolizmi kuchayishi xavfi mavjud. Qon zardobi va siydikdagi kalsiy miqdorini nazorat qilish kerak.
Giperkalsiyemiya rivojlanish xavfi tufayli immobilizatsiya qilingan bemorlarga ehtiyotkorlik bilan qo‘llaniladi. Dozani oshirib yubormaslik uchun kalsiy va D3 vitaminining tavsiya etilgan kunlik iste’mol me’yorlari doirasida boshqa manbalardan kalsiy va D3 vitaminining kirishini hisobga olish kerak.
Tetratsiklin qatori preparatlari yoki xinolon antibiotiklarini bir vaqtda qo‘llash tavsiya etilmaydi yoki ehtiyotkorlik bilan qo‘llaniladi.
Homiladorlik yoki emizish davrida qo‘llash
Preparatni homiladorlik davrida kalsiy va/yoki D3 vitamini yetishmovchiligida qo‘llash tavsiya etiladi. Dozani oshirib yuborishning oldini olish uchun sutkalik doza 1500 mg kalsiy va 600 XB vitamin D3 dan oshmasligi kerak.
D3 vitamini va uning metabolitlari ona sutiga o‘tadi, shuning uchun ona va bolaning kalsiy va D3 vitaminini boshqa manbalardan kirishini hisobga olish kerak.
Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati
Ta’sir qilmaydi.
bolalar
8-12 yoshli bolalarga preparatni faqat foyda/xavf nisbatini baholaydigan shifokor ko‘rsatmasi bo‘yicha qo‘llash mumkin.

Qo‘llash usuli va dozalari

Ovqatlanishdan oldin yoki ovqat paytida ichish uchun.
Profilaktik vosita sifatida kattalarga va 12 yoshdan oshgan bolalarga sutkasiga 1-2 tabletkadan buyuriladi. Ayollarga homiladorlik va emizikli davrda - kuniga 2 tabletkadan. Kursning davomiyligini shifokor belgilaydi.
Osteoporozni davolash uchun kurs va dozani shifokor individual ravishda belgilaydi, bunda kunlik doza 4 tabletkadan oshmasligi kerak.
Osteoporozning oldini olish uchun - kuniga 2 tabletkadan (1 tabletka ertalab va bittasi kechqurun). Kursning o‘rtacha davomiyligi 4-6 hafta. Yil davomida takroriy kurslar soni individual ravishda belgilanadi.
8 yoshdan 12 yoshgacha bo‘lgan bolalarga preparatni faqat shifokor ko‘rsatmasi bo‘yicha kuniga 1 tabletkadan ko‘p bo‘lmagan dozada qo‘llash mumkin.
Dozani oshirib yuborish
Preparatning ortiqcha dozasi gipervitaminoz va giperkalsiyemiyaga olib kelishi mumkin.
Giperkalsiyemiya belgilari anoreksiya, chanqash, ko‘ngil aynishi, qusish, qabziyat, qorin og‘rig‘i, mushaklar zaifligi, charchoqning kuchayishi, ruhiy buzilishlar, polidipsiya, poliuriya, suyak og‘rig‘i, nefrokalsinoz, og‘ir holatlarda yurak ritmining buzilishi. Giperkalsiyemiyaning og‘ir shakli koma rivojlanishi va o‘limga olib kelishi mumkin.
Organizmda kalsiyning barqaror yuqori darajasi buyraklarning qaytarilmas shikastlanishiga va yumshoq to‘qimalarning kalsifikatsiyasiga olib kelishi mumkin.
So‘rilgan kalsiy va ishqorlarni ko‘p miqdorda qabul qiladigan bemorlarda sut-ishqor sindromi paydo bo‘lishi mumkin.