Preparatning savdo nomi
Tugeviya

Dori shakli
Sirop

Tarkibi

150 ml sirop quyidagilarni saqlaydi
faol moddalar
yuraksimon jo‘ka gullarini quruq kontsentrati 2,550 g;
dorivor limono‘t o‘tini quruq kontsentrati 2,475 g;
dorivor moychechak gullarini quruq kontsentrati 2,475 g;
oddiy fenxel urug‘ini quruq ekstrakti 0,0195 g;
dorivor limono‘t barglarini quruq ekstrakti 1,950 g;
yordamchi moddalar glitserin, maltitol, kaliy sorbati, shirin “Gilos” aromatizatori, “Greypfrut” aromatizatori, sukraloza, tozalangan suv.
Ta'rifi to‘q sariq-jigarrang rangli gilos hidli sirop.

Farmakoterapevtik guruhi
Me'da-ichak yo‘llari kasalliklari va moddalar almashinuvi buzilishlarini davolash uchun qo‘llanadigan boshqa preparatlar.
ATX kodi A16AX

Farmakologik hususiyatlari

Farmakodinamika

Tugeviya – o‘simliklardan olinadigan majmuaviy preparat bo‘lib, yel haydovchi va spazmolitik ta'sir ko‘rsatadi. Ta'sir mexanizmi tarkibiga kiruvchi komponentlari bilan ifodalanadi.
Yuraksimon jo‘ka gullari tinchlantiruvchi, spazmolitik, siydik haydovchi ta'sir ko‘rsatadi.
Tarkibi
da bioflavonoidlar borligi hisobiga yallig‘lanishga qarshi va isitmani tushiruvchi ta'sir ko‘rsatadi. Harakat bezovtaligini kamaytiradi, diqqatni jamlash qobiliyatini oshiradi. Jo‘kani keng ta'sir doirasi gullarining kimyoviy tarkibi bilan ifodalanadi, ularga glikozidlar, oshlovchi moddalar, karotin va askorbin kislotasi (A va S vitaminlari), saponinlar, flavonoidlar, kumarin, shuningdek efir moylari va mikroelementlar kiradi.
Dorivor limono‘t o‘ti va barglari miyaning faoliyatini yaxshilaydi, bosh og‘rig‘ini bartaraf qiladi, yaxshi terlatuvchi va yallig‘lanishga qarshi vosita bo‘lib xizmat qiladi. Bundan tashqari, limono‘t nerv tizimini tinchlantiradi va tabiiy antidepressant hisoblanadi. Ovqat hazm bo‘lishini yaxshilaydi.
Dorivor moychechak gullari yallig‘lanishga qarshi, qon to‘xtatuvchi, antiseptik, dezinfektsiya qiluvchi, bujmaytiruvchi, og‘riq qoldiruvchi, sedativ, tirishishga qarshi, terlatuvchi, safro haydovchi hususiyatlarga ega. Moychechakning tarkibiga oqsillar, kamed, shilliq, achchiq moddalar, efir moyi va boshqa moddalar kiradi. Efir moyining tarkibiga kiruvchi azulen (xamazulen) yallig‘lanishga qarshi hususiyatlarga ega, moychechakdan ajratib olingan apigenin va apinin – spazmolitik hususiyatga ega.
Oddiy fenxel urug‘lari me'da shirasi sekretsiyasini oshirib va peristaltikani kuchaytirib, ovqat hazm bo‘lishini rag‘batlantiradi, shuning uchun ovqat tezroq parchalanadi va so‘riladi. Faol moddalar gazlarni to‘planishini oldini oladi va ularni chiqarilishiga yordam beradi, ichak “spazmlarini yumshatadi”.

Farmakokinetikasi

Tugeviya preparatining ta'siri uning tarkibidagi komponentlarining hususiyatlarini yig‘indisi bilan ifodalanadi, shuning uchun kinetik kuzatishlarni o‘tkazish imkoni yo‘q.


Qo‘llanilishi

• ko‘krak yoshidagi bolalarda (shu jumladan sun'iy ovqatlantirishga o‘tish bilan bog‘liq), kichik yoshdagi va maktab yoshidagi bolalarda meteorizm va me'da-ichak yo‘llari spazmlari;
• asabni buzilishi oqibatidagi uyqusizlikda qo‘llanadi.


Qo‘llash usuli va dozalari

Tugeviya siropi ichga 5 ml dan kuniga 2-3 marta ovqatdan bir soat oldin qabul qilinadi. Qabul qilishdan oldin siropni chayqatish kerak. Zarurat bo‘lganida siropni suvda, mevali sharbatda, bolalar ozuqasida suyultirish mumkin.
Siropni dozalash uchun 2,5 ml, 3 ml, 5 ml, 7,5 ml, 10 ml, 15 ml sig‘imlarga bo‘lingan o‘lchov stakani ishlatiladi.
Davolash kursi va davomiyligi shifokor tomonidan belgilanadi.


Qo‘llash mumkin bo‘lmagan holatlar

Preparatning komponentlaridan birortasiga yuqori sezuvchanlikda qo‘llash mumkin emas.

Nojo‘ya ta'sirlari
Preparat patsiyentlar tomonidan yaxshi o‘zlashtiriladi. Tavsiya etilgan dozalardan ortiq dozalarda ishlatilganida ko‘ngil aynishi, allergik reaktsiyalar bo‘lishi mumkin.

Dorilarning o‘zaro ta'siri
Boshqa preparatlar bilan o‘zaro ta'siri ta'riflanmagan.


Maxsus ko‘rsatmalar

Preparatning tarkibida tabiiy komponentlar borligi tufayli cho‘kma hosil bo‘lishi mumkin.
Homiladorlik va laktatsiya davrida qo‘llanishi
Homiladorlikda va laktatsiya davrida preparatni qo‘llash bo‘yicha tadqiqotlar o‘tkazilmagan. Homiladorlik va laktatsiya davrida, ona uchun preparatni qo‘llashdan kutiladigan foyda homila yoki go‘dak uchun bo‘lishi mumkin bo‘lgan havfdan ustun bo‘lgan hollardagina preparatni qo‘llash mumkin.
Pediatriyada qo‘llanishi
Preparat pediatriya amaliyotida qo‘llash uchun mo‘ljallangan.
Avtotransportni haydash va mexanizmlarni boshqarish qobiliyatiga ta'siri
Preparat bolalarda qo‘llash uchun mo‘ljallangan. Avtotransportni haydash va mexanizmlarni boshqarish qobiliyatiga ta'siri o‘rganilmagan.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Tugeviya preparatining dozasi oshirib yuborilish holatlari xaqida xabar berilmagan. Dozasi oshirib yuborilganida me'dani yuvish va simptomatik davolash buyurish kerak.


Chiqarilish shakli

Ichga qabul qilish uchun sirop 150 ml dan sariq rangli flakonda buraladigan himoya qopqog‘i yopilgan. 1 flakon qo‘llash bo‘yicha yo‘riqnomasi va o‘lchov stakani bilan birga karton qutiga joylangan.


Saqlash sharoiti

25°C dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.