Preparatning savdo nomi
Antioksikaps s sinkom

Dori shakli
kapsulalar

Tarkibi

Bir kapsula quyidagilarni saqlaydi
Faol moddalar beta-karotinning moydagi 30% suspenziyasi ko‘rinishida – 6 mg, -tokoferilatsetati – 30 mg, askorbin kislotasi – 100 mg, rux oksidi ko‘rinishida rux –
8 mg.
Yordamchi moddalar kungaboqar moyi, asalari mumi, tozalangan letsitin.
Kapsula qobig‘ining tarkibi jelatin, glitserin, tozalangan suv, metilparagidroksibenzoat, propilparagidroksibenzoat, titan dioksidi,
bo‘yovchi qizil bo‘yovchi Ye129.
Ta'rifi uzunchoq shaklli, chokli, qayishqoq, qizil rangli yumshoq jelatin kapsulalar.
Kapsula ichidagisi - qizil rangli, achimagan hidli moyli suspenziya. Saqlanganida aralashmani qatlamlanishi mumkin.

Farmakoterapevtik guruhi
vitaminlar minerallar bilan.
ATX kodi A11JB.


Farmakologik xususiyatlari

“Antioksikaps s sinkom” ning farmakologik faolligi unda saqlanuvchi quyidagi vitaminlarning majmuaviy ta'siri belgilaydi askorbin kislotasi, alfa-tokoferilatsetati, beta-karotin va rux.
Askorbin kislotasi organizmdagi oksidlanish-qaytarilish jarayonlarini boshqarishda qatnashadi, qon ivishini oshiradi, to‘qimalar regeneratsiyasini, steroid gormonlar, kollagen va prokollagen sintezini kuchaytiradi, temirning so‘rilishini yaxshilanishiga yordam beradi. U organizmning moslashish imkoniyatlarini oshiradi va uning infektsiyalarga bo‘lgan qarshiligini kuchaytiradi.
Tokoferilatsetati organizmda yog‘larni oksidlanishini va ulardan zaharli perekislar hosil bo‘lishini ingibirlaydi, to‘yinmagan yog‘ kislotalaridagi bog‘larning mustahkamligini turg‘unlashtiradi. U eritrotsitlar, endoteliotsitlar, enterotsitlar va boshqalar membranalarining tuzilmasi va faoliyatini normallashtiradi. Tokoferol kollagen, gem va oqsillar biosintezida ishtirok etadi, to‘qimalar nafas olishini tartibga solishda va hujayra metabolizmining boshqa muhim jarayonlarida qatnashadi. U gonadotropinlar hosil bo‘lishini, spermatogenezni, urug‘lantirilgan tuxum, yo‘ldosh rivojlanishini rag‘batlantiradi.
Beta-karotin antioksidant, immunomodullovchi va yallig‘lanishga qarshi ta'sirga ega, uni faol kislorodni bog‘lash qobiliyati hisobiga va, shunday qilib, tashqi muhitni noxush omillarini ta'siri yoki organizmda patologik jarayonlar rivojlarishida katta miqdorda hosil bo‘ladigan erkin radikallar tomonidan xujayra strukturasini buzilishini himoya qiladi.
Rux V guruhi vitaminlarini yaxshiroq o‘zlashtirilishi va ta'siriga yordam beradi, pankreatik shiraning tarkibiy qismi bo‘lib hisoblanadi, endokrin boshqarish, ruxiy reaktsiyalarni shakllanishida, qator gormonlarni, shu jumladan jinsiy a'zolarning ham gormonlarini hosil bo‘lishida qatnashadi. U shuningdek organizmning biokimyoviy reaktsiyalarida, qon hosil bo‘lish jarayonida ishtirok etadi. Rux xujayralar membranasini himoyalovchi va turg‘unlashtiruvchi fermentlar tarkibiga kiradi, nuklein kislotalari, oqsillar, yog‘lar, uglevodlarni metabolizmida, shuningdek immunokompetent xujayralarning o‘zaro ta'siri jarayonlarida qatnashadi.


Qo‘llanilishi

“Antioksikaps s sinkom” preparati polivitamin antioksidant sifatida quyidagilarni majmuaviy davolashda ko‘rsatilgan
-vitamin (S, Ye va A) yetishmovchiligini va rux ionlarining yetishmovchiligini oldini olish va davolash uchun;
-organizmning shamollash kasalliklariga qarshiligini oshirish uchun;
-yuqori jismoniy va ruxiy buzilishlarda;
-davomli va/yoki og‘ir kechuvchi, shu jumladan infektsion, kasalliklardan keyingi tiklanish davrida;
-turli etiologiyali astenik holatlarda;
-alkogolli abstinent sindromini va nikotinga qaramlikni majmuaviy davolashda;
-muvozanatlanmagan va sifatsiz ovqatlanishda.


Qo‘llash usuli va dozalari

“Antioksikaps s sinkom” ovqatdan keyin suv bilan birga qabul qilinadi.
Oldini olish maqsadida preparatni bolalarga 14 yoshdan boshlab va kattalarga 1 kapsuladan sutkada 1 marta 1-3 oy davomida buyurish tavsiya qilinadi.
Oldini olish kursini yilda bir necha marta takrorlash tavsiya qilinadi.
Davolash maqsadida “Antioksikaps s sinkom”ning dozasini shifokor patologiyaning xarakteri va yaqqollik darajasini, shuningdek organizmning A, S va Ye vitaminlariga va ruxga bo‘lgan talabini hisobga olib belgilaydi.

Nojo‘ya ta'sirlari
Preparat tavsiya etilgan dozalarda qo‘llanganida nojo‘ya ta'sirlar kuzatilmaydi.
Uzoq muddat yuqori dozalarda qo‘llanganida allergik reaktsiyalar, mis tanqisligi, anemiya rivojlanishi mumkin.


Qo‘llash mumkin bo‘lmagan holatlar

Preparatning komponentlariga yuqori sezuvchanlik bo‘lganida qo‘llash mumkin emas.

Dorilarning o‘zaro ta'siri
Kortikosteroid preparatlari, tetratsiklinlar guruhi antibiotiklari, shuningdek etanol va etanol saqlovchi preparatlar birga qo‘llanganida A provitaminning terapevtik samarasini pasaytiradi.
Tokoferol tutqanog‘i bo‘lgan bemorlarda tirishishga qarshi vositalar samarasini oshirishi mumkin, ularning qonida lipidlarning perekisli oksidlanishi mahsulotlarining miqdorini oshishi aniqlangan.

Dozani oshirib yuborilishi
dan saqlanish uchun boshqa polivitamin preparatlari bilan bir vaqtda qabul qilinmasin.


Maxsus ko‘rsatmalar

Sutli mahsulotlarni iste'mol qilishdan saqlanish kerak, chunki bunda ruxning ovqat hazm qilish yo‘llaridan so‘rilishi tormozlanadi.
Spirtli ichimliklarni iste'mol qilishdan saqlanish lozim.
Avtomobilni haydash, texnika bilan ishlash qobiliyatiga ta'siri
Ta'sir qilmaydi.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Dozalash bo‘yicha ko‘rsatmalarga rioya qilinganida hatto preparat uzoq vaqt qabul qilinganida ham dozani oshirib yuborish ko‘rinishlari kuzatilmaydi.
Sutkalik norma oshirilganida “Antioksikaps s sinkom” qabul qilinganidan keyin ko‘ngil aynashi, diareya, terini qizarishi va boshqa simptomlar ko‘rinishidagi nospetsifik nojo‘ya samaralari bo‘lishi mumkin, ular preparat bekor qilinganida o‘tib ketadi.


Chiqarilish shakli

Yumshoq jelatin kapsulalar, 10 kapsuladan kontur uyali o‘ramda, 2, 3 yoki 4 kontur uyali o‘ramdan qutida.


Saqlash sharoiti

Namliklan va yorug‘likdan himoyalangan joyda, 15oS dan 25oS gacha haroratda saqlansin.


Yaroqlilik muddati

2 yil.


Dorixonalardan berish tartibi

Shifokor retsepti bo‘yicha beriladi.


Ishlab chiqaruvchi
ning nomi va manzili
«Minskinterkaps» UK, Belarus Respublikasi,
220075, Minsk sh., a/q 112, Injenernaya ko‘ch., 26 uy