Preparatning savdo nomi
Glitsin
Ta'sir etuvchi modda (XPN) glitsin (aminosirka kislotasi).

Dori shakli
tabletkalar

Tarkibi

1 tabletka quyidagilarni saqlaydi
faol modda glitsin (aminosirka kislotasi);
yordamchi moddalar natriy-karboksimetiltsellyuloza (natriy karmelozasi) yoki suvda eruvchan metiltsellyuloza, magniy stearati yoki kaltsiy stearati.
Ta'rifi oq yoki sarg‘ish tusli oq rangli tabletkalar. Mamarlikka yo‘l qo‘yiladi.

Farmakoterapevtik guruhi
Metabolik jarayonlarini muvofiqlashgiruvchi vosita.
ATX kodi V05SX03


Farmakologik xususiyatlari

Glitsin modda almashinuvini boshqaruvchi vositadir, markaziy nerv tizimida himoyaviy tormozlanish jarayonlarini normallashtiradi va faollashtiradi, psixoemotsional zo‘riqishni kamaytiradi, aqliy mehnat qobiliyatini oshiradi.
Glitsin glitsin- va GAMK-ergik, alfa-1-adenobloklovchi, antioksidant, antitoksik ta'sirlarga ega; glutamat (NMDA) retseptorlari faoliyatini boshqaradi; ana shuni hisobiga preparat
- psixoemotsional zuriqish, tajavuzkorlik, janjalkashlikni kamaytiradi, ijtimoiy - moslashuvchanlikni oshiradi;
- kayfiyatni yaxshilaydi;
- uyquga ketishni yengillashtiradi va uyquni me'yorlashtiradi;
- aqliy mehnat qobiliyatini oshiradi;
- vegeto-tomir buzilishlarini (shu jumladan klimakterik davrida) kamaytiradi;
- ishemik insult va bosh miya jarohatlarida bosh miya buzilishlarining yaqqolligini kamaytiradi;
- alkogolni va markaziy nerv tizimi faoliyatini susaytiruvchi boshqa dori vositalarining zaharli ta'sirini kamaytiradi.


Farmakokinetikasi

Organizmning ko‘pchilik biologik suyuqliklari va to‘qimalariga, shu jumladan bosh miyaga oson kiradi; suv va karbonat angidridgacha parchalanadi, uning to‘qimalarda to‘planishi yuz bermaydi.

Qullanilishi
- aqliy mehnat qobiliyatining pasayishi;
- stress holatlari - psixoemotsional zo‘riqishlar (imtihon davri, janjalli va shunga o‘hshashholatlar);
- bolalar va o‘smirlar ahloqining deviant shakllari;
- yuqori qo‘zg‘aluvchanlik, emotsional beqarorlik, aqliy mehnat qobiliyatining pasayishi va uyquni buzilishi nevrozlar, nevrozsimon holatlar va vegeto-tomir distoniyasi, neyroinfektsiyalar va bosh miya jarohatlarning oqibatlari, entsefalopatiyalarning perinatal va boshqa shakllari (shu jumladan, alkogol genezli), bilan birga kechadigan nerv tizimining turli funktsional va organik kasalliklari.
- ishemik insultda qo‘llanadi.


Qo‘llash usuli va dozalari

Glitsin sublingval yoki transbukkal 0,1 g dan (tabletkada yoki tabletka maydalaganidan keyingi kukun ko‘rinishida) qo‘llanadi. Sog‘lom bolalar, o‘smirlar va kattalarda psixoemotsional zo‘riqishda, xotirani, diqqatni, aqliy mehnat qobiliyatini pasayishida, aqliy rivojlanishini kechikishida, ahloqni me'yordan chetga chiqqan shaklida glitsin 1 tabletkadan kuniga 2-3 marta 14-30 kun davomida buyuriladi.
Markaziy nerv tizimining yuqori qo‘zg‘aluvchanlik, emotsional labillik va uyquning buzilishi bilan kechadigan funktsional va organik shikastlanishlarida, 3 yoshgacha bo‘lgan bolalarga 0,5 tabletkadan (0,05 g) kuniga 2-3 marta, 7-14 kun davomida, keyinchalik 0,05 g dan kuniga 1 marta 7-10 kun buyuriladi. Sutkalik doza - 0,1-0,15 g, kurslik - 2,0-2,6 g. 3 yoshdan katta bolalarga va kattalarga 1 tabletkadan kuniga 2-3 marta, davolash kursi 7-14 kun. Davolash kursini 30 - kungacha uzaytirish mumkin, zarurati bo‘lganida kurs 30 kundan keyin qaytariladi.
Uyquning buzilishlarida glitsin uyqudan 20 minut oldin yoki bevosita uyqudan oldin 0,5-1,0 tabletkadan (yoshga bog‘liq holda) buyuriladi.
Ishemik miya insultida insult rivojlanishining birinchi 3-6 soati davomida 1 g dan, transbukal yoki sublingval bitta choy qoshiq suv bilan, keyinchalik 1 g dan 1-5 sutka davomida, keyingi 30 sutka davomida 1-2 tabletkadan sutkada 3 marta buyuriladi.
Narkologiyada markaziy va periferik nerv tizimining organik shikastlanishlarda, entsefalopatiya holatlarining remissiyasi davrida aqliy mehnat qobiliyatini oshiruvchi va zo‘riqishni kamaytiruvchi vositasi sifatida glitsin 1 tabletkadan kuniga 2-3 marta, 14-30 kun davomida qo‘llanadi. Zarurati bo‘lganida davolash kurslari yiliga 4-6 marta qaytariladi.

Nojo‘ya ta'sirlari
Allergik reaktsiyalar bo‘lishi mumkin.

Qo‘llash mumkin bulmagan holatlar
Preparat komponentlarga shaxsiy yuqori sezuvchanlikda qo‘llash mumkin emas.

Dorilarning o‘zaro ta'siri
Antipsixotik vositalar (neyroleptiklar), anksiolitiklar, antidepressantlar, uxlatuvchi va talvasaga qarshi vositalarning nojo‘ya samaralari yaqqolligini susaytiradi.


Maxsus ko‘rsatmalar

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Chiqarilish shakli

100 mg dan tabletkalar.


Saqlash sharoiti

Yorug‘likdan himoyalangan joyda, 250S dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.


Ishlab chiqaruvchi

“RADIKS” XIIChK ,
O‘zbekiston Respublikasi, Toshkent sh., 100054, Lutfiy ko‘ch, 50.
tel 273-92-31, faks 273-80-58