Preparatning savdo nomi
Magne VB6 forte.

Dori shakli
plyonka qobiq bilan qoplangan tabletkalar.

Tarkibi

1 tabletkada quyidagilar saqlanadi
Tabletka yadrosi
faol moddalar magniy sitrati – 100 mg magniy (Mg++) ga to‘g‘ri keluvchi 618,43 mg, piridoksin gidroxloridi – 10,00 mg;
yordamchi moddalar laktoza – 50,57 mg, makrogol-6000 – 120,00 mg, magniy stearati – 1,00 mg; tabletkaning qobig‘i gipromelloza 6mPa.s – 14,08 mg, makrogol-6000 – 1,17 mg, dioksid titani (E 171) – 4,75 mg, talk - qoldiqlar.
Ta'rifi oq rangli plyonka qobiq bilan qoplangan oval ikkiyoqlama qavariq tabletkalar.
Tabletka bo‘linganda ikki qavat ko‘rinadi oq rangli qobiq va oq rangli tabletka massasi.

Farmakoterapevtik guruhi
mineral preparat (magniy preparati)
Kod ATX A11JB.

Farmakologikxususiyatlari

Farmakodinamika

Magniy u hujayralarning normal faoliyat ko‘rsatkichi uchun zarur bo‘lgan hayotiy muhim elementdir, ko‘pgina moddalar almashinuvi rektsiyalarida ishtirok etadi.
Xususan, u nerv impulslarining o‘tkazilishini boshqarilishida va mushaklarning qisqarishida ishtirok etadi.
Organizmdagi magniyning 1/3 qismi suyak to‘qimalarida to‘planadi.
Organizmga magniy ovqat bilan birga tushadi. Magniy yetishmovchiligi ovqatlanish tartibi buzilganda (parhez) yoki magniyga talab oshganda kuzatiladi.
Piridoksin (vitamin V6) ko‘pgina metabolik jarayonlarda ishtirok etadi, u magniyning me'da-ichak yo‘llaridan so‘rilishini va hujayralarga kirishini yaxshilaydi.
Qon zardobidagi magniy miqdorlari
12 va 17 mg/l orasida (1-1,4 mEkv/l yoki 0,5–0,7 mmol/l) magniyning o‘rtacha darajadagi yetishmovchiligini ko‘rsatadi;
12 mg/l dan past (1 mEkv/l yoki 0,5 mmol/l) magniyning og‘ir tanqisligini ko‘rsatadi.

Farmakokinetikasi

Magniy tuzlarining me'da-ichak yo‘llaridan so‘rilishi tuzning eruvchanligi alohida rol o‘ynaydigan, qisman passiv mexanizm yo‘li orqali amalga oshiriladi.
Bunday so‘rilish darajasi 50% dan oshmaydi. Chiqarilishi asosan buyrak orqali sodirbo‘ladi.


Qo‘llanilishi

Yuqori ta'sirchanlik, uyquni biroz buzilishi, me'da-ichak spazmlari, yurakni tez urishi, kuchli toliqish, mushaklarda og‘riq va spazmlar, mushaklarda sanchilish hissi kabi simptomlar bilan kechuvchi izolyatsiya qilingan yoki boshqa tanqislik holatlari bilan bog‘liq bo‘lgan, aniqlangan magniy tanqisligida qo‘llanadi.
Agar bir oy davolanishdan keyin ushbu belgilarni kamayishi kuzatilmasa, davolashni davom ettirish maqsadga muvofiq emas.


Qo‘llash usuli va dozalari

Tabletkalarni butunligicha, 1 stakan suv bilan ichish lozim.
Kattalar uchun 2-3 qabulga bo‘lingan sutkada 3-4 tabletka, ovqatlanish vaqtida.
6 yoshdan katta bolalar uchun (taxminan 20 kg vaznli)
sutkada 10-30 mg/kg, ya'ni 6 yoshdan katta bolalar uchun (taxminan vazni 20 kg) 2-3 qabulga bo‘lingan holda sutkada 2-4 tabletka, ovqatlanish vaqtida.
Odatda davolanish davomiyligi bir oyni tashkil qiladi.

Nojo‘ya ta'sirlari
Immun tizimi tomonidan buzilishlar
Juda kam hollarda (<0,01%) allergik reaktsiyalar, jumladan teri reaktsiyalari;
Me'da-ichak tizimi tomonidan buzilishlar
Tez-tezligi noma'lum (mavjud bo‘lgan ma'lumotlar bo‘yicha paydo bo‘lish tez-tezligini baholash mumkin emas) diareya, qorinda og‘riq, ko‘ngil aynishi, qusish, meteorizm.


Qo‘llash mumkin bo‘lmagan holatlar

- Preparatning har qanday komponentiga yuqori sezuvchanlik.
- Og‘ir buyrak yetishmovchioligi (kreatinin klirensi minutiga 30 ml dan kam).
- Fenilkentonuriya.
- 6 yoshgacha bo‘lgan bolalar (samaradorligiva xavfsizligi aniqlanmagan).
- Nasliy galaktozemiya, glyukoza va galaktozaning malabsorbtsiya sindromi yoki laktaza yetishmovchiligi (preparat tarkibida laktoza mavjudligi sababli).
- Levodopa bilan bir vaqtda qabul qilish (“Dorilarning o‘zaro ta'siri” ga qarang).
Ehtiyotkorlik bilan
O‘rtacha darajadagi buyrak yetishmovchiligi (gipermagniyemiya rivojlanish xavfi).

Dorilarning o‘zaro ta'siri
Mumkin bo‘lmagan kombinatsiyalar
Levodopa bilan levodopani faolligi piridoksin yordamida ingibitsiya qilinadi (agar bu preparatni aromatik L-aminokislotalarning periferik dekarboksilazasi ingibitorlari bilan birga qabul qilish to‘g‘ri kelmasa). Agar levodopa L-aminokislotalarning periferik dekarboksilazasi ingibitorlari bilan birga qabul qilinmasa, piridoksinni har qanday miqdorini qabul qilishdan saqlanish kerak.
Tavsiya etilmaydigan majmualar
Fosfat yoki kaltsiy tuzlarini saqlovchi preparatlarni bir vaqtda qo‘llanganda ichakda magniyni so‘rilishi yomonlashishi mumkin.
E'tiborga olish kerak bo‘lgan majmualar
Tetratsiklinlarni ichga qabul qilish buyurilganda tetratsiklin va Magne V6® forte preparatlarini qabul qilish orasidagi 3 soatlik intervalni saqlash lozim, chunki magniy preparatlari tetratsiklinlar so‘rilishini kamaytiradi.


Maxsus ko‘rsatmalar

Tabletkalar faqat kattalar va 6 yoshdan katta bolalar uchun mo‘ljallangan.
O‘rtacha darajadagi buyrak yetishmovchiligida preparatni gipermagniyemiyani rivojlanish xavfi tufayli ehtiyotkorlik bilan qabul qilish kerak.
Kaltsiy va magniyning bir vaqtdagi tanqisligi holatida, magniy tanqisligini kaltsiy preparati va kaltsiy saqlovchi ozuqaviy qo‘shimchalar qabul qilishdan avval to‘ldirish tavsiya etiladi.
Uzoq vaqt davomida (bir necha oy yoki ayrim holatlarda – yillar) piridoksinni yuqori dozalarda (kuniga 200 mg dan ko‘p) qabul qilish tufayli uvishish va propriotseptiv sezuvchanlikning buzilishi, oyoq-qo‘llarning distal qismlarida tremori va sekin-asta rivojlanuvchi sensor ataksiya (harakat koordinatsiyasining buzilishi) kabi simptomlar bilan kechuvchi sensor aksonal neyropatiya rivojlanishi mumkin. Bu o‘zgarishlar asosan o‘tkinchi bo‘lib, vitamin V6 vitaminini qabul qilish bekor qilish bilan o‘tib ketadi.
Homiladorlik va emizish davri
Homiladorlik
Yetarlicha homilador ayollarda o‘tkazilgan klinik tadqiqotlar preparatning homila rivojlanishidagi nuqsonlar kelib chiqishiga nojo‘ya ta'siri yoki fetotoksik ta'sirinianiqlanmadi.
Magne B6 forte preparati homiladorlik vaqtida faqat shifokorning tavsiyasi bo‘yicha zarur bo‘lganda qo‘llanilishi mumkin.
Emizish davri
Magniyning ona sutiga o‘tishini e'tiborga olib, preparatni qabul qilish zarurati vaqtida emizishni to‘xtatish tavsiya etiladi.
Transport vositalarini va boshqa potentsial xavfli faoliyat turlarini boshqarish qobiliyatiga ta'siri
Ta'sir qilmaydi. Alohida ko‘rsatmalar yo‘q.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Simptomlari
Buyrakning normal funktsiyasida magniyning ichga qabul qilish vaqtida dozaning oshirib yuborilishi toksik reaktsiyalarning paydo bo‘lishiga olib kelmaydi. Ammo buraklarning yetishmovchiligi holatida magniy bilan zaharlanish rivojlanishi mumkin. Qonda magniy kontsentratsiyasiga bog‘liq dozaning oshirib yuborilish simptomlarini yaqqolligi arterial bosimning pasayishi; ko‘ngil aynishi, qusish; markaziy nerv tizimining susayishi, reflekslarning pasayishi; elektrokardiogrammada o‘zgarishlar kuzatilishi; nafasning susayishi, koma, yurakning to‘xtab qolishi va nafasning falaji; anurik sindrom.
Davolash
Regidratatsiya, kuchaytirilgan diurez. Buyrak yetishmovchiligida gemodializ yoki peritoneal dializ muhim.


Chiqarilish shakli

15 tabletkadan PVX-PE-PVDX/alyumin folgali blisterlarda.
2 yoki 4 blisterdan qo‘llash bo‘yicha yo‘riqnomasi bilan karton qutida.


Saqlash sharoiti

30°C dan yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Retseptsiz beriladi.

Qayd etish guvohnomasining egasi
Sanofi-Aventis Frans, Frantsiya.
Raspay prospekti, 82, Jentilli 94250, Frantsiya
Sanofi -Aventis France, France.
82 avenue Raspail, 94250 Gentilly, France.