Preparatning savdo nomi
Benevron BF

Dori shakli
Ichakda eruvchan qobiq bilan qoplangan tabletkalar.

Tarkibi

Ichakda eruvchan qobiq bilan qoplangan har bir tabletka quyidagilarni saqlaydi
faol moddalar
Tiamin mononitrati (V1 vitamini) 250 mg
Piridoksin gidroxloridi (V6 vitamini) 200 mg
Riboflavin fosfat natriy riboflavinga qayta hisoblanganda (V2 vitamini) 15 mg
Folat kislotasi (V9 vitamini) 0,50 mg
Sianokobalamin (V12 vitamini) 0,25 mg;
yordamchi moddalar povidon (K30), mikrokristall sellyuloza, kaltsiy gidrofosfati digidrati, suvsiz kolloid kremniy dioksidi, natriy metabisulfiti, dinatriy edetati, limon kislota monogidrati, natriy sitrati, natriy metilgidroksibenzoati, natriy propilgidroksibenzoati, natriy kroskarmelloza, magniy stearati;
qobig‘ining tarkibi gipromelloza, talk, Akril-IZ® 930250004 qizil (metakril kislotasi sopolimeri, talk, ponso 4R laki, sariq sanset FCF alyumin laki, trietiltsitrati, kremniy dioksidi, natriy gidrokarbonati, natriy laurilsulfati).
Ta'rifi dumaloq, ikki tomonlama qavariq, to‘q-qizil rangli ichakda eruvchan qobiq bilan qoplangan tabletkalar.
Farmakoterayevtik guruhi V guruhi vitaminlari kompleksi.
ATX kodi A11EA


Farmakologik xususiyatlari

Benevron BF majmuaviy preparat bo‘lib, ta'siri uning tarkibiga kiruvchi komponentlarning xususiyatlari bilan ifodalanadi.
V1 vitamini (tiamin mononitrati) organizmni o‘sishi va rivojlanishiga yordam beradigan hujayra energiyasi hisoblanadi, aqliy va jismoniy ish qobiliyatini oshiradi, detoksikatsion ta'sir ko‘rsatadi, shuningdek nerv to‘qimasi metabolizmini yaxshilaydi. Tiamin jigarda fosforlanish jarayonlari natijasida ko‘pchilik fermentativ reaktsiyalarning kofermenti hisoblangan kokarboksilazaga aylanadi. V1 vitamini uglevodlar, oqsillar va yog‘ almashinuvini boshqarishda, shuningdek sinapslarda nerv qo‘zg‘aluvchanligini o‘tkazish jarayonlarida muhim rolь o‘ynaydi, anemik miokardiodistrofiyada miokardiotsitlarning metabolizmida va ularni qisqarish faoliyatini yaxshilanishiga yordam beradi.
V6 vitamini (piridoksin gidroxloridi) organizm tomonidan to‘yinmagan yog‘ kislotalarini ishlatilishini yaxshilaydi, nerv tizimi, jigar, qon yaratish tizimining faoliyatiga ijobiy ta'sir qiladi. Piridoksin nerv-mushak o‘tkazuvchanligini, mushaklar qisqaruvchanligini normallashtiradigan, tirishishlarni rivojlanishiga qarshi ta'sir qiladigan, tarkibida oltingugurt saqlovchi aminokislota – taurinni sinteziga yordam beradi. Triptofan, metionin, sistein, glutamin va boshqa aminokislotalarni almashinuvida ishtirok etadi, gistamin almashinuvida muhim rolь o‘ynaydi. Lipidlar almashinuvini normallashishiga yordam beradi. Piridoksin yetishmovchiligi anemiya, dermatit va tirishishlarni keltirib chiqaradi.
V2 vitamini (riboflavin) hujayra nafasi va ko‘rish jarayonlarining muhim katalizatori hisoblanadi. Riboflavin, oksidlanish-qaytarilish jarayonlarini boshqaradi, vodorod ionlarini tashilishida, to‘qima nafasida, uglevodlar, oqsillar, yog‘lar almashinuvida, ko‘rish a'zolarini normal faoliyat ko‘rsatishida, gemoglobin va eritropoetin sintezida ishtirok etadi.
V9 vitamini (folat kislotasi) ichak mikroflorasi tomonidan sintezlanishi mumkin. Organizmda folat kislotasi tetragidrofolat kislotasigacha qaytariladi, u koenzim bo‘lib, turli metabolik jarayonlarda ishtirok etadi. Folat kislotasi megaloblastlarni normal yetilishi va normoblastlarni hosil bo‘lishi uchun muhim, eritropoezni rag‘batlantiradi, aminokislotalar (shu jumladan, glitsin, metionin), nuklein kislotalari, purinlar, pirimidinlar sintezida, xolin, gistidin almashinuvida ishtirok etadi.
V12 vitamini (tsianokobalamin) organizmning hayot faoliyatini ta'minlaydigan qator biokimyoviy reaktsiyalar (metil guruhlarini tashilishi, nuklein kislotalar, oqsil sintezi, aminokislotalar, uglevodlar, lipidlar almashinuvi) da qatnashadi. Sianokobalamin normal qon yaratilishi va eritrotsitlarni yetilishi uchun muhim. U eritrotsitlarda sulfgidril guruhlarini saqlovchi birikmalarni to‘planishiga yordam beradi, bu ularni gemolizga nisbatan chidamliligini oshiradi. Sianokobalaminning koferment shakllari – metilkobalamin va adenozilkobalamin – hujayralarni replikatsiyasi va o‘sishi uchun muhim. Sianokobalamin nerv tizimidagi jarayonlarga (RNK, DNK, miyelin, serebrozidlar va fosfolipidlarning lipid tarkibini sinteziga) ta'sir ko‘rsatadi. Uning periferik qismini shikastlanishi bilan bog‘liq bo‘lgan og‘riq hislarini kamaytiradi. V12 vitamini qonda xolesterinning kontsentratsiyasini pasaytiradi, jigar faoliyatiga ijobiy ta'sir ko‘rsatadi, to‘qimalarni regeneratsiya hususiyatini oshiradi.

Farmakokinetikasi

V1 vitamini (tiamin mononitrati) ichakning yuqori qismida so‘riladi va organizmga bir xil taqsimlanadi, so‘rilish darajasi dozasiga bog‘liq. Tiamin asosan jigar, yurak, buyraklar, taloqda to‘planadi. Umumiy miqdorining yarmi ko‘ndalang targ‘il mushaklarda va miokardda va taxminan 40% - ichki a'zolarda saqlanadi. V1 vitamini yo‘ldosh to‘sig‘i orqali o‘tadi va ko‘krak sutida aniqlanadi. Jigarda tiamin fosforlanadi, bunda koenzim faollikka ega bo‘lgan tiaminfosfat eng faol fosfor efiri hisoblanadi. Ichak va buyraklar orqali chiqariladi, yarim chiqarilish davri taxminan 4 soatni tashkil etadi.
V6 vitamini (piridoksin gidroxloridi) ingichka ichakda tez so‘riladi. Piridoksin jigarda metabolizmga uchrab, farmakologik jihatdan faol metabolitlar (piridoksalьfosfat va piridoksaminofosfat) ni hosil qiladi. Barcha to‘qimalarga yaxshi o‘tadi; asosan jigarda, kamroq darajada – mushaklarda va markaziy nerv tizimida to‘planadi. Yo‘ldosh orqali o‘tadi, ko‘krak suti bilan ajralib chiqadi. Yarim chiqarilish davri 15-20 kunni tashkil etadi. Buyraklar orqali, shuningdek gemodializ jarayonida chiqariladi.
V2 vitamini (riboflavin) oson so‘riladi va barcha a'zolar va to‘qimalarga taqsimlanadi, jigarda, buyraklarda va miokardda to‘planadi. Yo‘ldosh orqali o‘tadi va ko‘krak sutiga o‘tadi. Riboflavin buyraklar orqali asosan o‘zgarmagan holda chiqariladi. Organizmda vitaminlarning miqdori normal bo‘lganida sutka davomida siydik bilan yuborilgan dozaning taxminan 9% chiqariladi, qolgan qismi esa buyrak naychalarida qayta so‘riladi; ortiqcha yuborilganida ekskretsiyasi oshadi va siydik sariq rangga bo‘yaladi.
V9 vitamini (folat kislotasi) me'da-ichak yo‘llarida, asosan o‘n ikki barmoq ichakning yuqori bo‘limlarida yaxshi so‘riladi. Qon plazmasida maksimal kontsentratsiyasiga 30-60 minut davomida erishadi. Folat kislotasi plazma oqsillari bilan jadal ravishda bog‘lanadi, gematoentsefalik to‘siq, yo‘ldosh to‘sig‘i orqali va ko‘krak sutiga o‘tadi. V9 vitamini jigarda to‘planadi va jigarda metabolizmga uchrab tetragidrofolat kislotasini hosil qiladi. Asosan buyraklar orqali metabolitlar ko‘rinishida chiqariladi; agar qabul qilingan doza folat kislotasiga bo‘lgan sutkalik talabdan ahamiyatli darajada ustun bo‘lsa, u holda o‘zgarmagan holda chiqariladi. Gemodializ yordamida organizmdan chiqariladi.
V12 vitamini (tsianokobalamin) ni so‘rilishi ko‘proq me'da va ichakning yuqori bo‘limlaridagi ichki omilni borligi bilan belgilanadi, keyinchalik to‘qimalarga tashilishi transport oqsil – transkobalamin yordamida amalga oshiriladi. Yo‘ldosh to‘sig‘i orqali va ko‘krak sutiga o‘tadi. Asosan jigarda to‘planadi. Jigardan safro bilan ichakka chiqariladi va yana qonga so‘riladi. Buyrak faoliyati normal bo‘lganida – 7-10% buyraklar orqali, taxminan 50% - axlat massalari bilan chiqariladi; buyrak faoliyati past bo‘lganida – 0-7% buyraklar orqali, 70-100% - axlat massalari bilan chiqariladi.


Qo‘llanilishi

• V1, V2, V6, V12, va folat kislotasini gipo- va avitaminozlarida;
• periferik nevritlar va polinevritlar, nevralgiyalar, periferik parezlar va falajlar, o‘rab oluvchi gerpes, lyumbago, pleksitlar, qovurg‘alararo nevralgiya, yuz nervi parezi, uch shoxli va yuz nervlari nevralgiyasi, yon amiotrofik skleroz, bolalar serebral falaji, periferik nerv tizimini jarohatlari kabi kasalliklarni simptomatik davolashda;
• entsefalopatiya (diabetik, alkogolli, jarohatdan keyingi entsefalopatiya) da;
• turli genezli anemiyada;
• me'da-ichak yo‘llari kasalliklari surunkali gastrit, enterokolitda;
• jigar kasalliklari gepatit, sirrozda;
• yurak-qon tomir kasalliklaridan keyingi tiklanish davri, surunkali qon aylanishi yetishmovchiligi, miokardit, miokardiodistrofiyalarda;
• teri kasalliklari nevrogen ekzema va dermatozlar, dermatitlar va neyrodermitlar, psoriazda;
• oftalmologik kasalliklar gemeralopiya, kon'yunktivit, keratit, irit, katarakta, shox parda yarasida;
• izoniazid qatori tuberkulyozga qarshi vositalar, antibiotiklarning nojo‘ya samaralarini oldini olish va bartaraf qilishda;
• astenik holatlar kuchli va surunkali toliqish, depressiya, ta'sirchanlik, asabiylik, uyquni va ishtahani buzilishi, diqqatni jamlashni pasayishi va xotirani yomonlashishida;
• yuqori jismoniy harakatlarda qo‘llanadi.


Qo‘llash usuli va dozalari

Benevron BF preparatini ichga ovqat vaqtida yoki ovqatdan keyin 1 tabletkadan sutkada 1-3 marta qabul qilish kerak.
Dozalash tartibi
va davolash davomiyligi shifokor tomonidan individual ravishda aniqlanadi.

Nojo‘ya ta'sirlari
Preparat qabul qilinganida nojo‘ya samaralarni rivojlanish ehtimoli kam. Ayrim hollarda quyidagi nojo‘ya reaktsiyalar bo‘lishi mumkin
Nerv tizimi tomonidan V6 vitaminini har kuni 50 mg dan yuqori dozalarda uzoq muddat (6-12 oydan ko‘p) qo‘llanishi periferik sensor neyropatiya, nerv qo‘zg‘aluvchanligi, lohaslik, bosh aylanishi, bosh og‘rig‘iga olib kelishi mumkin;
Ovqat hazm qilish tizimi tomonidan me'da-ichak buzilishlari, shu jumladan ko‘ngil aynishi, qusish, diareya, qorinda og‘riq, me'da shirasining kislotaligini oshishi;
Immun tizimi tomonidan o‘ta yuqori sezuvchanlik reaktsiyalari, kuchli terlash, taxikardiya, hansirash, anafilaktik shok, anafilaksiya, teri reaktsiyalari, shu jumladan qichishish, toshma, eshakemi bo‘lishi mumkin.


Qo‘llash mumkin bo‘lmagan holatlar

• preparatning biron-bir komponentiga yuqori sezuvchanlik;
• allergik reaktsiyalar;
• me'da va o‘n ikki barmoq ichak yara kasalligini zo‘rayish bosqichi;
• nefrolitiaz;
• eritremiya, eritrotsitoz, tromboemboliya;
• 10 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Sikloserin, gidralazin va penitsillamin tiaminning antagonistlari hisoblanadi. Tirishishga qarshi preparatlar (fenobarbital, fenitoin, karbamazepin) bilan uzoq muddat davolash, shu bilan birga Benevron BF preparatini digoksin, indometatsin, antatsid preparatlar bilan birga qo‘llash tiaminni tanqisligiga olib kelishi mumkin. Tiosemikarbazon va 5-ftoruratsil tiaminning faolligini ingibitsiya qiladi. Tiamin qutbsizlantiruvchi mushak relaksantlar (ditilin va boshqalar) ning kuraresimon ta'sirini susaytiradi. Kofein, tarkibida oltingugurt saqlovchi preparatlar va estrogenlarni qo‘llanishi tiaminga bo‘lgan talabni oshiradi. Alkogolь va qora choy iste'mol qilish tiaminning so‘rilishini pasaytiradi.
Piridoksin diuretiklarning ta'sirini kuchaytiradi, levodopaning faolligini susaytiradi. Izonikotin gidrazidi, penitsillamin, sikloserin va estrogen saqlovchi peroral kontratseptivlar piridoksinning samarasini susaytiradi. Yurak glyukozidlari (piridoksin miokardda qisqartiruvchi oqsillar sintezini oshishiga olib keladi), glutamin kislotasi va asparkam (gipoksiyaga bo‘lgan chidamlilik oshadi) bilan birga qo‘llash mumkin. Piridoksin steroid gormonlarning samaralarini pasaytirishi mumkin. Izoniazid piridoksinni siydik bilan chiqarilishini oshiradi.
Riboflavin doksitsiklik, tetratsiklin, oksitetratsiklin, eritromitsin va linkomitsinning faolligini kamaytiradi. Streptomitsin bilan mutanosib emas. Xlorpromazin, imipramin, amitriptilin flavinokinazani blokadasi hisobiga riboflavinni flavinadeninmononukleotidga va flavinadenindinukleotidga kirishishini izdan chiqaradilar va uni siydik bilan chiqarilishini oshiradilar. Tireoid gormonlar V2 vitaminining metabolizmini tezlashtiradilar. Riboflavin xloramfenikolning nojo‘ya samaralarini (gemopoezni buzilishi, ko‘ruv nervi nevritini) kamaytiradilar va oldini oladilar.
Tirishishga qarshi preparatlar (jumladan fenitoin va karbamazepin), estrogenlar, peroral kontratseptivlar folat kislotasiga bo‘lgan talabni oshiradilar. Antatsidlar (shu jumladan, kalьtsiy, alyuminiy va magniy preparatlari), kolestiramin, sulьfonamidlar (shu jumladan sulьfasalazin) folat kislotasini so‘rilishini pasaytiradilar. Metotreksat, pirimetamin, triamteren, trimetoprim digidrofolatreduktazani ingibitsiya qiladilar va folat kislotasining samarasini pasaytiradilar (ushbu preparatlarni qabul qilayotgan patsiyentlarga uni o‘rniga kalьtsiy folinatini buyurish kerak).
Sianokobalamin farmatsevtik jihatdan askorbin kislotasi, og‘ir metallarning tuzlari bilan nomutanosibdir (tsianokobalamin faolsizlanadi). Aminoglikozidlar, salitsilatlar, tutqanoqqa qarshi dori vositalari, kolxitsin, kaliy preparatlari V12 vitaminini so‘rilishini pasaytiradilar. Sianokobalamin tiamin tomonidan chaqirilgan allergik reaktsiyalarni rivojlanishini kuchaytiradi. Xloramfenikol gemopoetik javob reaktsiyasini pasaytiradi. Qon ivishini oshiradigan preparatlar bilan birga qo‘llash mumkin emas.


Maxsus ko‘rsatmalar

Benevron BF qabul qilinganida siydik sariq rangga bo‘yalishi mumkinligini hisobga olish kerak, bu preparatning tarkibida riboflavin borligi bilan bog‘liq.
Preparat qo‘llanganida gipervitaminozni oldini olish maqsadida V guruhi vitaminlarini boshqa manbalardan iste'mol qilinishini inobatga olish kerak, garchi bunday holatlar kam kuzatiladi, chunki V guruhi vitaminlari suvda eriydi va ortiqcha miqdori siydik bilan chiqariladi.
Homiladorlik va emizish davrida qo‘llanishi
Homiladorlikda va emizish davrida preparatni ona uchun davolashdan kutiladigan foyda homila yoki emizikli bola uchun potentsial havfdan ustun bo‘lgan holatdagina qo‘llash mumkin.
Pediatriyada qo‘llanishi
10 yoshgacha bo‘lgan bolalarda preparatni qo‘llash samaradorligi va havfsizligi yuzasidan ma'lumotlar yo‘q.
Avtotransportni haydash va mexanizmlarni boshqarish qobiliyatiga ta'siri
Benevron BF avtotransportni haydash va mexanizmlarni boshqarish qobiliyatiga ta'sir qilmaydi.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

V guruhi vitaminlari suvda eruvchan bo‘lganligi va ortiqcha miqdori siydik bilan chiqarilganligi tufayli, dozani oshirib yuborilish hollari juda kam.
Simptomlari dozani oshirib yuborilishi gipervitaminozning simptomlari – nerv qo‘zg‘aluvchanlik, juda kam hollarda – taxikardiya, diareya yoki yanada yaqqolroq ifodalangan nojo‘ya samaralari bilan namoyon bo‘lishi mumkin.
Davolash simptomatik davolash o‘tkaziladi.


Chiqarilish shakli

Ichakda eruvchan qobiq bilan qoplangan tabletkalar. 10 tabletka blisterda. 2 blister qo‘llash bo‘yicha yo‘riqnomasi bilan birga karton qutiga joylangan.


Saqlash sharoiti

Namlikdan himoyalangan joyda, 25 °C dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz beriladi.