Preparatning savdo nomi
B kompleks
Ta'sir etuvchi moddalar (XPN) Tiamin, Riboflavin, Piridoksin, Nikotinamid, Kaltsiy pantotenati.

Chiqarilish shakli
In'ektsiya uchun eritma 2 ml dan ampulalarda. 10 ampuladan qo‘llash bo‘yicha yuriqnomasi bilan birga o‘ramda.

Tarkibi
1 ml eritma saqlaydi
Faol moddalar
Tiamin gidroxloridi (B1 vitamini)- 10 mg
Riboflavin natriy fosfati (B2 vitamini) - 1 mg
Piridoksin gidroxloridi (B6 vitamini)- 1 mg
Nikotinamid (RR vitamini) - 15 mg
Kaltsiy pantotenati - 0,5 mg
Yordamchi moddalar dinatriy edetati, in'ektsiya uchun suv.

Farmakoterapevtik guruhi
Vitaminlar.


Farmakologik xususiyatlari

Vitaminlar tiamin gidroxloridi (B1), riboflavin natriy fosfati (B2), piridoksin gidroxloridi (V6), nikotinamid (RR) va kaltsiy pantotenatidan tashkil topgan majmuaviy preparat.
Tiamin gidroxloridi (B1) - organizmga tushganida ATF bilan o‘zaro ta'sirlashib, karbonsuvlar almashinuvida, nerv tizimini faoliyatida, hujayra membranalarini lipidlarning perekisli oksidlanish (LPO) maxsulotlaridan himoya kilishda ishtirok etuvchi koferment (kokarboksilaza) hisoblangan, tiamin pirofosfatni hosil kiladi. Atsetilxolinni sintezi uchun zarurdir, qon aylanishini yaxshilaydi va qon yaratilishda ishtirok etadi.
Riboflavin (B2) - karbonsuv, oksil va yog‘ almashinuvi jarayonlarida, shuningdek o‘sish jarayonlarida ishtirok etadi, ko‘zni ko‘rish faoliyatini me'yorda tutib turishi va gemoglobin sintezida muxim rol o‘ynaydi.
Piridoksin (B6) - aminokislotalar, yog‘lar, gistamin, vitamin B12 va folat kislotasini almashinuvida katta rol o‘ynaydi. U markaziy va periferik nerv tizimini normal faoliyat ko‘rsatishi zarurdir.
Nikotinamid (RR) - fermentlarni prostetik guruhi tarkibiga kiradi. Allergiyaga qarshi xususiyatlarga ega, qo‘l-oyoqlar, bosh miya tomirlarining spazmlarida, aterosklerozda ijobiy ta'sir ko‘rsatadi. Aminokislotalar almashinuvi uchun zarurdir.
Kaltsiy pantotenati - organizmda atsetil koenzim (atsetil Ko-A) tarkibiga kiradi, u atsetillanish va oksidlanish jarayonlarida muxim rol o‘ynaydi. Karbonsuv va yog‘ almashinuvida va atsetilxolinni sintezida ishtirok etadi.
B guruhi vitaminlarini majmuaviy qo‘llash ularning ta'sirini sinergizmiga olib keladi va ularning terapevtik samaradorligini oshiradi.
Organizmga B1, B2, B6 vitaminlarini terapevtik maqsadlarda yuborish vitaminlarni ovqat bilan yetarli miqdorda tushmaganida, ularni o‘rnini to‘ldiradi, buni organizmda yetarli miqdorda mavjud bo‘lgan koenzimlar ta'minlaydi.

Farmakokinetikasi

Tiamin gidroxloridi (B1). Yuqori darajada metobolizmga uchraydi va uning asosiy metobolitlari bo‘lib tiaminkarbon kislotasi va piramindir. Siydik, o‘t-safro bilan chikariladi va kukrak suti bilan ajralib chikadi.
Riboflavin (B2). Organizmga tushgan riboflavin turli to‘qimalarda bir tekis taqsimlanadi. O‘zgarmagan xolda siydik bilan va riboflavin-5-fosfat ko‘rinishida chiqariladi.
Piridoksin (B6). Piridoksinning qabul qilingan dozasini 70-80% gacha qismi mushaklarda, 10% gachasi jigarda, qolgan qismi boshqa to‘qima va a'zolarda taqsimlanadi. Piridoksin piridoksalkinaza fermenti ishtirokida fosforlanadi va keyin flavinga qaram ferment yordamida piridoksal 5-fosfatga aylanadi. Siydik bilan metabolitlar ko‘rinishda chiqariladi.
Nikotinamid (RR). N-metilnikotinamidgacha metabolizmga uchraydi, undan keyin oksidlanadi. Asosan safro bilan va buyraklar orqali metobolitlar yoki o‘zgarmagan xolda chiqariladi.
Kaltsiy pantotenati. Ichakda oson so‘riladi va pantoten kislotasidan ajralib parchalanadi. Pantoten kislotasi karbonsuv va yog‘ almashinuvida ishtirok etadi, kortikosteroidlarni hosil bo‘lishini rag‘batlantiradi, regeneratsiya jarayonlarini tezlashtiradi. Taxminan 60% siydik bilan, qisman ahlat bilan chiqariladi.


Qo‘llanilishi

B guruhi vitaminlariga yuqori ehtiyoj (isitmali holatlar, gipertirioz, homiladorlik, laktatsiya), B guruhi vitaminlarining birlamchi tanqisligi (Beri-beri, pellagra, glossit, go‘shtsiz va bug‘doysiz uzoq muddatli parhez), B guruhi vitaminlarining ikkilamchi tanqisligi (so‘rilishini buzilishi uzoq muddatli diareya, qusish, me'da-ichak yo‘llarining surunkali kasalliklari, antibiotiklarni peroral qabul qilish), turli etiologiyali polinevritlar, nevralgiya, surunkali alkogolizm oqibatidagi entsefalopatiya, rentgen nurlanishidan keyingi holatlarda qo‘llanadi.


Qo‘llash usuli va dozalari

Preparat odatda mushak ichiga (m/i) va kamdan-kam hollarda vena ichiga (v/i) kuniga 1-2 ml dozada 5-10 kun davomida qo‘llanadi.

Nojo‘ya ta'sirlari
Kam hollarda o‘ta yuqori sezuvchanlik reaktsiyalari - allergik reaktsiyalar (eshakemi, terini qichishishi, angionevrotik shish, kam hollarda - anafilaktik shok), kuchli terlash, taxikardiya kuzatilishi mumkin.
Nikotinamid (B kompleks tarkibidagi) yuz terisini qizarishini va qonni oqib kelishlarini chaqirishi mumkin.


Qo‘llash mumkin bo‘lmagan holatlar

- II-III darajali arterial gipertoniya;
- preparatning komponentlariga yuqori sezuvchanlik;
- 6 yoshgacha bo‘lgan bolalar;
- homiladorlik va laktatsiya davrida qo‘llash mumkin emas.

Dorilarning o‘zaro ta'siri
Xlorpromazin B2 vitaminini siydik bilan chiqarilishini kuchaytiradi. Probenitsid B2 vitaminining naychalar orqali ekskretsiyasini bostiradi, natijada siydik orqali chiqarilishi sekinlashadi va terapevtik va nojo‘ya ta'sirlari kuchayishi mumkin. B1 vitaminining mavjudligi yuqori qon bosimini davolash uchun qo‘llanadigan (antigipertenziv vositalar) bir qancha dori vositalarining samarasini kamayishiga, shuningdek barbituratlar va glutetimidning uxlatuvchi ta'sirini yo‘qolishiga olib kelishi mumkin. B1 vitamini, ayniqsa katta yoshli bemorlarda depressiya holatini davolash uchun qo‘llanadigan dori vositalari (nortriptilin, imipramin, dezipramin) ning ta'sirini kuchaytirishi mumkin. B6 vitamini levodopa (Parkinson kasalligini davolovchi preparatlar) ning terapevtik samarasini susaytiradi. Nikotinamid va tutqanoqqa qarshi vositalarni (karbamazepin, diazepam va natriy valproati) bir vaqtda qo‘llash, ularning tutqanoqqa qarshi ta'sirini kuchaytirishi mumkin.


Maxsus ko‘rsatmalar

Preparatni kuyidagi hollarda ehtiyotkorlik bilan qo‘llash lozim
- me'da yarasi, gastrit, qon quyilishi, podagra, jigar va o‘t-safro yo‘llarini shikastlanishi;
- preparatni uzoq vaqt davomida (1 oydan 3 yilgacha) yuqori dozalarini qabul qilish harakat koordinatsiyasini buzilishi va tovonlarda qattiq og‘riq bilan kechuvchi periferik nevropatiyani rivojlanishini chaqirishi mumkin;
- preparat Erlix reaktivi yordamida siydikdagi urobilinogen miqdorini aniqlashda soxtamusbat natijalarni berishi mumkin;
- preparat siydikni sariq-zarg‘aldoq rangga bo‘yashi mumkin;
- preparatni homiladorlik davrida terapevtik dozalarda qo‘llash mumkin.
Preparatni laktatsiya davrida qabul qilish tavsiya qilinmaydi. Agarda qabul qilish zarurati tug‘ilsa, emizishni to‘xtatish kerak.
Gemodializ o‘tkazilayotgan bemorlar odatda tavsiya qilingan dozadan 2-4 marta yuqori dozada qabul qilishlari kerak.
Preparat bolalar olaolmaydigan joyda saqlansin va yaroqlilik muddati o‘tganidan keyin ishlatilmasin.


Dozani oshirib yuborilishi

Preparatning dozasini oshirib yuborilish ehtimoli kam. Ammo nojo‘ya ta'sirining belgilari kuchayishi mumkin.
Bunday xollarda simptomatik davolash o‘tkaziladi.


Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda.


Yaroqlilik muddati

2 yil.


Dorixonalardan berish tartibi

Retsept bo‘yicha


Ishlab chiqarilgan

Hebei Tiancheng Pharmaceutical Co , Ltd
Djinguang ko‘ch.18, Zona Iqtisodiy va Texnologik rivojlanish hududi, Changjou, Xebey. XXR tel 86-317-7883097; faks86-317-7883066

Qadoqlangan
«MERRYMED FARM» MChJ QK
Manzili O‘zbekiston Respublikasi, Namangan viloyati, Namangan tumani,
Bog‘ishamol KFY, Sherbuloq MFY tel (83369) 224-67-22