Preparatning savdo nomi
Befron®
Ta'sir etuvchi modda (XPN) ibuprofen

Dori shakli
suspenziya

Tarkibi

faol modda ibuprofen – 100 mg;
yordamchi moddalar limon kislotasi monogidrati, natriy sitrat digidrati, natriy benzoati, kaliy atsesulfami, sorbitol, ksantan kamedi, polisorbat, aerosil, rafinirlangan qand (saxaroza), uzum aromatizatori, tozalangan suv.
Ta'rifi oq rangdan och-kulrang ranggacha bo‘lgan o‘ziga xos hidli gomogen suspenziya.

Farmakoterapevtik guruhi
Nosteroid yallig‘lanishga qarshi preparatlar (propion kislotasi hosilalari).
ATX kodi M01AE01


Farmakologik xususiyatlari

Befron isitmani tushiruvchi, og‘riqni qoldiruvchi, yallig‘lanishga qarshi ta'sir ko‘rsatadi. Isitmani tushiruvchi ta'sir markaziy nerv tizimidagi araxidon kislotasi kaskadiga kiruvchi siklooksigenaza 1 va 2 ni bloklash bilan bog‘liq, bu esa prostaglandinlarni sintezini kamayishiga va orqa miya suyuqligida ularning kontsentratsiyasini kamayishiga, termoregulyatsiya markazini qo‘zg‘alishini pasayishiga olib keladi, natijada tana harorati normallashadi.
Isitmalashda haroratni pasaytirish samarasi qabul qilgandan 30 minutdan keyin boshlanib, uning maksimal ta'siri 3 soatdan keyin namoyon bo‘ladi.
Asosiy og‘riqni qoldiruvchi mexanizmi Ye, F va I sinfiga kiruvchi prostaglandinlar (PG), biogen aminlar ishlab chiqarilishini kamaytirish, notsitseptorlar darajasida sezgirlikni o‘zgartirish bo‘lib, bu esa giperalgaziya rivojlanishining oldini oladi. Analgetik ta'sir yallig‘lanish bilan bog‘liq bo‘lgan og‘riqlarda yaqqol rivojlangan.
Yallig‘lanishga qarshi samara siklooksigenaza (TSOG) faolligini susaytirish bilan bog‘liq. Natijada yallig‘lanish o‘choqlarida prostaglandinlar sintezi kamayadi. Bu esa mediatorlar sekretsiyasining kamayishi va yallig‘lanish jarayonining ekssudativ va proliferativ fazalari faolligining pasayishiga olib keladi. Boshqa nosteroid yallig‘lanishga qarshi preparatlar kabi, ibuprofen antiagregant faollikni namoyon qiladi.
Isitmani tushiruvchi va og‘riqni qoldiruvchi ta'siri davolashning 5-7 kunlarida yuzaga keluvchi yallig‘lanishga qarshi ta'sirdan avvalroq va kam dozalarda namoyon bo‘ladi.


Farmakokinetikasi

Peroral qabul qilingandan keyin ibuprofenning 80% ovqat hazm qilish yo‘lidan so‘riladi, qon plazmasida maksimal kontsentratsiyasi 1 soatdan keyin yuzaga keladi.
Preparatning 90% qon plazmasi oqsillari (asosan albuminlar) bilan bog‘lanadi. Befron bo‘g‘imlar bo‘shliqlariga sekin kiradi.
Och qoringa qabul qilinganda qon plazmasida maksimal kontsentratsiya amalga oshishi (TSmax) 45 minut, ovqat qabul qilgandan keyin 1,5-2,5 soat; sinovial suyuqlikda - 2-3 soat va u yerda qon plazmasiga nisbatan yuqori kontsentratsiya yuzaga keladi. Preparat organizmda to‘planmaydi.
Befron eliminatsiyaning ikki fazali, kinetikasiga ega bo‘lib yarim chiqarilish davri (T1/2) 2-2,5 soatga teng.
Ibuprofen asosan jigarda metabolizmga uchraydi. Tizim oldi va tizimdan keyingi metabolizmga uchraydi. So‘rilgandan keyin ibuprofenning farmakologik faol bo‘lmagan taxminan 60% R-shakli sekinlik bilan faol S-shaklga tranformatsiya qilinadi.
Preparatning 60-90% buyraklar orqali metabolitlar va ularning glyukuron kislotasi bilan birikmasi shaklida chiqarib yuboriladi; kam darajada o‘zgarmagan ko‘rinishda 1% dan ortiq bo‘lmagani safro bilan chiqariladi. Bir martalik doza qabul qilingandan keyin preparat 24 soat ichida to‘liq chiqariladi.


Qo‘llanilishi

Befron suspenziya 3 oylikdan 12 yoshgacha bo‘lgan bolalarda qo‘llaniladi. Isitmani pasaytirish va og‘riqni yengillashtirish uchun buyuriladi.
Isitmani pasaytiruvchi vosita sifatida
• Shamollash kasalliklarida;
• O‘tkir respirator virusli infektsiyalar, grippda;
• Angina (faringit) da;
• Tana haroratini oshishi bilan kechuvchi bolalar infektsiyalarida;
• Vaktsinatsiyadan keyingi reaktsiyalarda qo‘llaniladi;
Og‘riqni qoldiruvchi sifatida
• Tish og‘riqlarida, tishni og‘riq bilan chiqayotgan hollarda;
• Bosh og‘rishi, migren, nevralgiya, mushaklarda, bo‘g‘imlarda og‘riq, jaroxatlarda va kuyishlarda qo‘llanadi.


Qo‘llash usuli va dozalari

Preparat ichga qabul qilinadi.
Qabul qilishdan oldin flakon ichidagisi yaxshilab chayqatiladi. Preparat ovqatdan keyin, ko‘p miqdordagi suyuqlik bilan qabul qilinadi. O‘ramdagi mavjud bo‘lgan o‘lchov qoshiqchasi (sig‘imi 2,5 va 5 ml) preparatni to‘g‘ri va ratsional dozalashga yordam beradi. Doza bola yoshi va tana vazniga bog‘liq holda belgilanadi.
Tana harorati ko‘tarilishi va og‘riq bilan kechuvchi kasalliklar.
Dozalash bola yoshi va tana vazniga bog‘liq. Bir martalik doza bola vazniga qarab 5-10 mg/kg dan sutkada 3-4 martani tashkil etadi. Maksimal sutkalik doza bola vaznining 25-30 mg/kg ga teng.
Bolalar yoshiga qarab
3-6 oylik 24 soat davomida 2,5 ml dan 3 marta, sutkada 150 mg dan oshmagan holda.
6-12 oy 24 soat davomida 2,5 ml dan 3-4 marta, sutkada 200 mg dan oshmasligi kerak.
1-3 yosh 24 soat davomida 5 ml dan 3 marta, sutkada 300 mg dan oshmasligi kerak.
4-6 yosh 24 soat davomida 7,5 ml dan 3 marta, sutkada 450 mg dan oshmasligi kerak.
7-9 yosh 24 soat davomida 10 ml dan 3 marta, sutkada 600 mg dan oshmasligi kerak.
10-12 yosh 24 soat davomida, 15 ml dan 3 marta, sutkada 900 mg dan oshmasligi kerak.
Ko‘rsatilgan dozani oshirmang!
Emlashlardan keyin tana haroratining oshishi
1 yoshgacha bo‘lgan bolalarga 2,5 ml o‘lchov qoshig‘ida, 1 yoshdan kattalarga zarurati paydo bo‘lib qolsa, 6 soatdan keyin, yana bir 2,5 ml o‘lchov qoshig‘ida.
24 soat ichida 5 ml dan ortiq ishlatmang!
Befronning isitmani tushiruvchi samarasi qabul qilgandan 30 minutdan keyin rivojlanadi va 6-8 soat davom etadi.
Isitmani tushiruvchi ta'siri 2 kun davomida va og‘riqni qoldiruvchi samarasi 3 kun ichida kuzatilmasa shifokorga murojaat qilish kerak. 6 oylik 1 yoshgacha bo‘lgan bolalarga preparat shifokor tavsiyasi bo‘yicha buyuriladi.

Nojo‘ya ta'sirlari
Preparat odatda yaxshi o‘zlashtiriladi.
Ovqat hazm qilish tizimi tomonidan – ko‘ngil aynishi, qusish, ishtahani pasayishi, jig‘ildon qaynashi, qorin sohasida og‘riq, ich ketishi, qabziyat, meteorizm, jigar faoliyatining buzilishi, peptik yaralar, me'da-ichak yo‘llaridan qon ketish.
Allergik reaktsiyalar – qichishish, toshmalar, bronxospastik sindrom, allergik rinit, Kvinke shishi, Stivens-Djonson sindromi, Layell sindromi.
Markaziy nerv tizimi tomonidan – bosh og‘rishi, bosh aylanishi, uyquning buzilishi, xavotirlik, uyquchanlik, depressiya, qo‘zg‘alish, ko‘rishni buzilishi (qaytuvchan toksik ambliopiya, ko‘rishni noaniqligi, yoki ikkilanish).
Siydik ajralish tizimi tomonidan – o‘tkir buyrak yetishmovchiligi, allergik nefrit, nefrotik sindrom (shishlar), poliuriya. Sistit.
Qon yaratish a'zolar tomonidan – anemiya, trombotsitopeniya, agranulotsitoz, leykopeniya.
Yurak-qon tomir tizimi tomonidan – yurak yetishmovchiligi, taxikardiya, qon bosimining ko‘tarilishi.
Befron qand saqlagani uchun, qandli diabetli patsiyentlarda extiyotkorlik bilan qo‘llash kerak.
Yuqorida sanab ko‘rsatilgan nojo‘ya samaralardan birontasi paydo bo‘lsa, preparat qabul qilishni to‘xtatish va shifokor bilan maslaxatlashish kerak.

Qo‘llash mumkin bo‘lmagan xolatlar
- ibuprofen yoki boshqa nosteroid yallig‘lanishga qarshi preparatlar (shu jumladan atsetilsalitsil kislotasiga), preparatning yordamchi komponentlariga shaxsiy yuqori sezuvchanlik;
- atsetilsalitsil kislotasi yoki boshqa nosteroid yallig‘lanishga qarshi vositalar qo‘llangandan keyingi bronxospastik reaktsiyalar (“aspirin astmasi”);
- me'da yoki o‘n ikki barmoq ichak yara kasalligi;
- jigar, buyrak, yurak-qon tomirlar faoliyatining yaqqol yetishmovchiligi, arterial gipertenziya;
- qon kasalliklari gipokoagulyatsiya, leykopeniya, gemofiliya, gemorragik vaskulit, glyukozo-6-fosfatdegidrogenaza tanqisligi;
- Kvinke shishi, burun poliplari; eshitishning pasayishi;
- 6 oylikgacha bo‘lgan bolalar (tana vazni 7 kg dan kam);
- homiladorlik va emizish davrida qo‘llash mumkin emas.

Dorilarning o‘zaro ta'siri
Befronni antigoagulyantlar bilan bir vaqtda qo‘llash ular ta'sirining kuchayishiga olib kelishi mumkin.
Befronni digoksin, fenitoin, metotreksat, litiy preparatlari bilan bir vaqtda qo‘llash ularning kontsentratsiyasining oshiradi. Befronni diuretiklar va antigipertenziv vositalar bilan birga qo‘llash ular samarasini pasaytiradi.
Mineralokortikosteroidlar va glyukokortikosteroidlarning nojo‘ya samaralarini kuchaytiradi.
Befronni boshqa nosteroid yallig‘lanishga qarshi vositalar bilan birga qo‘llash mumkin emas (masalan, atsetilsalitsil kislotasi ibuprofenning yallig‘lanishga qarshi ta'sirini pasaytiradi va nojo‘ya ta'sirini kuchaytiradi). Ibuprofen va diuretiklarni bir vaqtda qo‘llamaslikka xarakat qilish kerak, chunki bir tomonidan diuretik samara kuchsizlanadi, boshqa tomonidan esa buyrak yetishmovchiligi rivojlanishi xavfi mavjud.
Ibuprofen gipotenziv vositalar (angiotenzinga aylantiruvchi ferment ingibitorlari, 3-adrenergik vositalar, tiazidlar) ta'sirini kuchsizlantiradi. AAF ingibitorlarining gipotenziv samarasini tormozlaydi va bir vaqtda ularning buyraklardan ajralib chiqishini kamaytiradi.
Ibuprofen peroral gipoglikemik vositalar (ayniqsa sulfonil mochevina hosilalari) va insulin samarasini kuchaytiradi.
Mikrosomal oksidlanish induktorlari fenitoin, etanol, barbituratlar, ziksorin, rifampitsin, fenilbutazon, tritsiklik antidepressantlar gidroksillangan faol metabolitlarishlab chiqarishini ko‘paytiradi va og‘ir gepatotoksik reaktsiyalarning rivojlanishini xavfini oshiradi. Mikrosomal oksidlanish ingibitorlari gepatotoksik ta'sir xavfini kamaytiradi. Bilvosita ta'sir etuvchi antikoagulyantlar, antiagregantlar, fibrinolitiklar ta'sirini kuchaytiradi (gemorragik asoratlar kelib chiqish xavfining oshishi). Qonda digoksin kontsentratsiyasini oshiradi.
Metotreksat va litiy preparatlarining toksik ta'sirini kuchaytiradi. Kofein og‘riqni qoldiruvchi samarani kuchaytiradi.


Maxsus ko‘rsatmalar

Uzoq vaqt qo‘llash jarayonida nosteroid yallig‘lanishga qarshi vositalar me'da shilliq qavatining shikastlanishini, peptik yaralar va ovqat hazm qilish yo‘llarida qon ketishlari keltirib chiqarishi mumkin.
Portal gipertenziya bilan kechuvchi jigar sirrozi, jigar va/yoki buyrak yetishmovchiligida, yurak yetishmovchiligida, nefrotik sindrom, giperbilirubinemiya, me'da va o‘n ikki barmoq ichak yarasi kasalligida (anamnezida), gastrit, enterit, kolit, etiologiyasi noma'lum qon kasalliklari (leykopeniya, anemiya), homiladorlik (II-III uch oyligi), emizikli davrida ehtiyotkorlik bilan qabul qilish kerak. Bronxial astma yoki bronxospazm bilan kechuvchi boshqa bemorlarda ibuprofen bronxospazm kelib chiqishi xavfini oshirish mumkin. Preparatni bunday patsiyentlarda qo‘llash juda ehtiyotkorlikka amal qilgandagina mumkin va agar nafas olish qiyinlasha boshlasa, zudlik bilan shifokorga murojaat qilish kerak.
Nosteroid yallig‘lanishga qarshi preparatlar bilan uzoq vaqt davolanganda periferik qon manzarasi va jigar va buyrakning funktsional holatini nazorat qilish kerak. Gastropatiya simptomlari paydo bo‘lganda, ezofagogastroduodenoskopiya, Nb, gematokritni aniqlash uchun qon tashxisi, ahlatni yashirin qonga tekshirish kabi sinchiklab nazorat qilish usullari ko‘rsatilgan.
Preparatni bolalar ololmaydigan joyda saqlansin va yaroqlilik muddati tugaganidan keyin ishlatilmasin.


Dozani oshirib yuborilishi

Bolalardagi simptomlari abdominal og‘riqlar, ko‘ngil aynishi, qusish, tormozlanish, bosh og‘rishi, quloq shang‘illashi, depressiya, uyquchanlik, metabolik atsidoz, koma, gemorragik diatez, arterial bosimning pasayishi, tirishishlar, apnoe, o‘tkir buyrak yetishmovchiligi, jigar faoliyatining buzilishi, taxikardiya, bradikardiya, bo‘lmachalar fibrillyatsiyasi. 5 yoshgacha bo‘lgan bolalar apnoe, koma va tirishishlarga moyil.
Preparatning toksik ta'siri bilan bog‘liq bo‘lgan jiddiy oqibatlar odatda tana vazniga 400 mg/kg doza (yoki 80 ta tavsiya qilingan bir martalik doza) qabul qilgandan keyin paydo bo‘ladi.

Dozani oshirib yuborilishi
ga shubha paydo bo‘lsa, zudlik bilan shifokorga murojaat qilinishi kerak.
Davolash me'dani yuvish, faollashtirilgan ko‘mir, ishqoriy ichimliklar ichish, simptomatik davolash (kislota-ishqor muvozanati va arterial bosimni muvofiqlashtirish).


Chiqarilish shakli

“Befron®” 100 mg/5 ml, sirop 100 ml li flakonlarda, 5 ml li plastmassali o‘lchov qoshiqchasi va plastik mikropipetka bilan to‘planadi yoki alohida.


Saqlash sharoiti

Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.


Ishlab chiqaruvchi

“Nobel Olmata Farmatsevtika Fabrikasi”, AJ, Qozog‘iston

Qadoqlangan
MChJ "NOBEL PHARMSANOAT" ChEK
Dori vositasining sifati bo‘yicha iste'molchilarning fikr-mulohazalari, e'tirozlari va dori preparatining nojo‘ya ta'sirlari yoki samarasini yo‘qligi haqidagi xabarlarni quyidagi manzilga yuborish mumkin
O‘zbekiston Respublikasi, Toshkent shahri, Mirzo Ulug‘bek tumani, Qorasuvbo‘yi ko‘ch., 5 "A"
Tel (99871) 265 90 99; Faks (99871) 265 91 99; E-mail pv@nobel.uz, www.nobel.uz