Patentlangan savdo nomi PANADOL® DETSKIY

Xalqaro patentlanmagan nomi
paratsetamol

Dori shakli
ichga qabul qilish uchun suspenziya

Tarkibi

Suspenziyaning har 5 ml quyidagilarni saqlaydi
faol ingrediyent - 120 mg paratsetamol;
nofaol ingrediyentlar olma kislotasi, ksantan kamedi, glyukozaning gidrogenat siropi (maltitol), sorbitol (E420), limon kislotasi, natriy nipasepti (natriy etilparagidroksibenzoati (E215), natriy propilparagidroksibenzoati (E217), natriy metilparagidroksibenzoati (E219)), qulupnay xushbo‘yi (L10055), azorubin (E122), suv.
Panadol® Detskiy qand, spirt va atsetilsalitsil kislotasini saqlamaydi.
Ta'rifi pushti rangli, qulupnay hidli, kristallar mavjud bo‘lgan qovushqoq suyuqlik.

Farmakoterapevtik guruhi
Boshqa analgetiklar va antipiretiklar. Anilidlar. Paratsetamol.
ATX kodi N02BE01.


Farmakologik xususiyatlari


Farmakodinamika
si
Preparat og‘riq qoldiruvchi va isitmani tushuruvchi xususiyatlarga ega. Markaziy nerv tizimida og‘riq va termoregulyatsiya markazlariga ta'sir etadi, siklooksigenazani bloklaydi. Yallig‘lanishga qarshi ta'siri deyarli yo‘q.

Farmakokinetikasi

So‘rilishi yuqori darajada – paratsetamol me'da–ichak yo‘llaridan tez va deyarli to‘liq so‘riladi. Plazma oqsillari bilan bog‘lanish taxminan 15% ni tashkil qiladi. Plazmadagi cho‘qqi kontsentratsiyasiga 30-60 minutdan keyin erishiladi.
Paratsetamol organizm suyuqliklarida nisbatan bir tekis taqsimlanadi.
Asosan jigarda bir necha metabolitlar hosil qilib, metabolizmga uchraydi. Yangi tug‘ilgan chaqaloqlar hayotining birinchi ikki kunida va 3-10 yoshli bolalarda paratsetamolning asosiy metaboliti paratsetamol sulfati hisoblanadi, 12 yosh va undan katta bolalarda – kon'yugatsiyalangan glyukuronid hisoblanadi. Preparatning bir qismi (taxminan 17%) faol metabolitlar hosil qilib gidroksillanadi, ular glutation bilan kon'yugatsiya qilinadi. Glutation yetishmovchiligida ushbu paratsetamolning metabolitlari gepatotsitlarning ferment tizimlarini bloklashi va ularning nekrozini chaqirishi mumkin.
Terapevtik dozalarda qabul qilinganida preparatning yarim chiqarilish davri 2-3 soatni tashkil etadi.
Terapevtik dozalarda qabul qilingan dozaning 90-100% bir kun ichida siydik bilan chiqariladi. Preparatning asosiy qismi jigarda kon'yugatsiyaga uchraganidan so‘ng chiqariladi. Paratsetamolning qabul qilingan dozasini 3% dan kamrog‘i o‘zgarmagan holda chiqariladi.


Qo‘llanilishi

Preparat 3 oylikdan 12 yoshgacha bo‘lgan bolalarda quyidagi maqsadlarda qo‘llaniladi
-isitmani tushiruvchi vosita sifatida – “shamollash“ kasalliklarida, grippda va bolalar yuqumli kasalliklarida (suvchechak, qizamiq, tepki, qizilcha, skarlatina va boshqalarda) kuzatiladigan yuqori tana haroratini pasaytirish uchun.
-og‘riqsizlantiruvchi vosita sifatida – tish og‘rig‘i, jumladan, tishlarni yorib chiqishi paytidagi og‘riqlarni, bosh og‘rig‘ini, otitlardagi quloq og‘riqlarini va tomoq og‘riqlarini susaytirish uchun qo‘llanadi.
2-3 oylik chaqaloqlarda emlashdan keyin isitmani tushirish uchun preparatni bir marta berish mumkin. Agar harorat pasaymasa, shifokor bilan maslahatlashish kerak.


Qo‘llash mumkin bo‘lmagan holatlar

-paratsetamolga va preparatning har qanday boshqa ingrediyentiga yuqori sezuvchanlik;
-jigar va buyrak faoliyatini og‘ir buzilishlari;
-fruktozani nasliy o‘zalshtirolmaslik;
-2 oylikkacha bo‘lgan bolalarda qo‘llash mumkin emas.

Ehtiyotkorlik choralari
Jigar faoliyatini buzilishida (shu jumladan, Jilber sindromida), buyrak faoliyatini buzilishida, glyukoza-6–fosfat degidrogenaza fermentini irsiy yo‘qligi, og‘ir darajadagi qon kasalliklarida (og‘ir darajali anemiya, leykopeniya, trombotsitopeniya) preparatni ehtiyotkorlik bilan qo‘llash kerak. Bunday hollarda preparatni qabul qilishdan oldin shifokor bilan maslahatlashish kerak.
Preparatni paratsetamol saqlovchi boshqa preparatlar bilan bir vaqtda qo‘llash mumkin emas.


Qo‘llash usuli va dozalari

Preparat ichga qabul qilinadi.
Qabul qilishdan oldin flakonni yaxshilab chayqatish kerak. O‘ram ichiga solingan o‘lchov shpritsi preparatni to‘g‘ri va ratsional dozalash imkonini beradi.
Preparatning dozasi bolaning yoshi va tana vazniga bog‘liq.
3 oylikdan oshgan bolalar uchun bir martalik doza – tana vazniga 10-15 mg/kg sutkada 3-4 marta, maksimal sutkalik dozasi tana vazniga 60 mg/kg dan oshmasligi kerak. Zarurati bo‘lganida bolaga tavsiya qilingan dozani har 4-6 soatda berish mumkin, ammo 24 soat ichida 4 dozadan oshirmaslik kerak.
Boshqa barcha hollarda Panadol® Detskiy preparatini qabul qilishdan oldin shifokor bilan maslahatlashish lozim.
Tana vazni (kg)YoshiDoza
Bir martalik dozaMaksimal sutkalik dozasi
mlmgmlmg
4,5-6hayotining
2-3 oyligiEmlashga nisbatan reaktsiya kuzatilganida simptomatik davolash uchun faqat bir martalik doza – 2,5 ml suspenziya (tana vazniga 10-15 mg/kg) qo‘llanadi. Agar tana harorati pasaymasa, shifokor bilan maslahatlashish kerak.
6-83-6 oylik4,09616384
8-106-12 oylik5,012020480
10-131-2 yosh7,016828672
13-152-3 yosh9,021636864
15-213-6 yosh10,024040960
21-296-9 yosh14,0336561344
29-429-12 yosh20,0480801920

Shifokor maslahatisiz preparatni qabul qilish davomiyligi
3 kungacha.
Tavsiya etilgan dozani oshirmang! Terapevtik samara bo‘lmaganida albatta shifokor bilan maslahatlashish shart.



Nojo‘ya ta'sirlari
Tavsiya etilgan dozalarda paratsetamol kam hollarda nojo‘ya ta'sir ko‘rsatadi. Ba'zida ko‘ngil aynishi, qusish, me'da sohasida og‘riqlar, jigar faoliyatini buzilishi va allergik reaktsiyalar (terida toshmalar, qichishish, eshakemi, Kvinke shishi, Stivens-Djonson sindromi), atsetilsalitsil kislotasiga va boshqa NYaQV ga sezuvchan bo‘lgan patsiyentlarda bronxospazm bo‘lishi mumkin. Kam hollarda – anemiya, trombotsitopeniya, leykopeniya bo‘lishi mumkin. Natriy metilparagidroksibenzoati, etilparagidroksibenzoati va propilparagidroksibenzoati allergik reaktsiyalarni chaqirishi mumkin.
Nojo‘ya reaktsiyalar paydo bo‘lganida preparatni qabul qilishni darhol to‘xtating va shifokorga murojat qiling.


Dozani oshirib yuborilishi

Paratsetamol bilan o‘tkir zaharlanish belgilari bo‘lib ko‘ngil aynishi, qusish, me'dada og‘riq, terlash, teri qoplamalarini oqarishi hisoblanadi. 1-2 sutkadan keyin jigarning shikastlanish belgilari (jigar soxasida og‘riq, jigar fermentlari faolligini oshishi) aniqlanadi. Og‘ir hollarda jigar yetishmovchiligi, entsefalopatiya va koma holati rivojlanadi.
Uzoq vaqt davomida tavsiya etilgan dozadan yuqori dozada qabul qilinsa, gepatotoksik va nefrotoksik ta'sirlar (buyrak sanchig‘i, nospetsifik bakteriuriya, interstitsial nefrit, papillyar nekroz) kuzatilishi mumkin.
Katta yoshli odam paratsetamolni 10 g va undan ortiq dozada qabul qilishi jigarning shikastlanishini chaqirishi mumkin. Agar patsiyentda quyidagi havf omillari bo‘lsa, 5 g va undan ortiq paratsetamolni ichga qabul qilganida, jigarni shikastlanishi rivojlanishi mumkin
-patsiyent uzoq vaqt davomida karbamazepin, fenobarbital, fenitoin, primidon, rifampitsin, dalachoy yoki jigar fermentlarini induktsiyalaydigan boshqa preparatlar qabul qilayotgan bo‘lsa;
-patsiyent muntazam ravishda alkogol iste'mol qilsa;
-patsiyentda glutationni tanqisligi havfi (ovqatlanishni buzilishi, mukovistsidoz, OITV-infektsiyasi, och qolish, ozib ketish) bo‘lsa,
Paratsetamol qabul qilinganidan so‘ng birinchi 24 soat davomida dozani oshirib yuborilishi simptomlari terini oqarishi, ko‘ngil aynishi, qusish, anoreksiya va qorinda og‘riq yuz berishi mumkin. Jigarni shikastlanishi paratsetamol qabul qilinganidan so‘ng 12 dan 48 soatgacha vaqt davomida namoyon bo‘lishi mumkin. Glyukozaning metabolizmini buzilishi va metabolitik atsidoz rivojlanishi mumkin. Og‘ir darajadagi zaharlanishlarda jigar yetishmovchiligini avj olib borishi entsefalopatiya, qon ketishi, gipoglikemiya, miya shishini rivojlanishiga va o‘limga olib kelishi mumkin. O‘tkir tubulyar nekroz oqibatida rivojlangan o‘tkir buyrak yetishmovchiligi belda og‘riq, gematuriya, proteinuriya bilan namoyon bo‘ladi va hatto jigarni jiddiy shikastlanishi bo‘lmaganida ham rivojlanishi mumkin. Shuningdek yurak ritmini buzilishi va pankreatit bo‘lishi mumkin. Aniq erta simptomlari bo‘lmasligiga qaramay, patsiyentlar shoshilinch tibbiy yordam ko‘rsatilishi uchun zudlik bilan shifoxonaga olib borilishi kerak. Dozani oshirib yuborilish simptomlari ko‘ngil aynishi va qusish bilan cheklanishi mumkin, va ehtimol, uning og‘irlik darajasini yoki a'zolarni shikastlanish xavfini aks ettirmasligi mumkin. Dozasi bexosdan oshirib yuborilganida, hatto agar bola o‘zini yaxshi xis qilsa ham, zudlik bilan tibbiy yordam ko‘rsatish mumkin.
Davolash Preparat qabul qilishni to‘xtatish va zudlik bilan shifokorga murojaat qilish kerak.
Me'dani yuvish tavsiya etiladi. Agar paratsetamol qabul qilingan vaqtdan boshlab 1 soatdan kam vaqt o‘tgan bo‘lsa, faollashtirilgan ko‘mir buyurilishi kerak.
Paratsetamolning plazmadagi kontsentratsiyasini preparat qabul qilinganidan so‘ng 4 soat va undan kechroq baholash kerak (kontsentratsiyasini ertaroq aniqlash ishonarli emas). Paratsetamolni qabul qilgandan so‘ng 24 soatgacha vaqt mobaynida N-atsetiltsistein buyurilishi mumkin, biroq maksimal davolovchi samaraga paratsetamolni qabul qilgandan so‘ng 8 soatgacha vaqt mobaynida N-atsetiltsistein buyurilganida erishiladi. Zarurat bo‘lganida patsiyentga N-atsetiltsisteinni belgilangan dozalash sxemasiga muvofiq ravishda vena ichiga yuborish kerak. Agar patsiyentda qusishni chaqirish mumkin bo‘lsa, metioninni qabul qilish markazdan uzoqda joylashgan tumanlar uchun muvofiq muqobil davolash usuli bo‘lishi mumkin. Jigar faoliyatini jiddiy buzilishlari bo‘lgan patsiyentlarni davolash ixtisoslashtirilgan tibbiy bo‘limlarda o‘tkazilishi kerak.

Boshqa dori vositalari bilan o‘zaro ta'siri
Panadol Detskiy barbituratlar, difenin, tirishishga qarshi vositalar, rifampitsin, butadion bilan bir vaqtda qo‘llanganida, gepatotoksik ta'sirini rivojlanish xavfi oshadi.
Levomitsetin (xloramfenikol) bilan bir vaqtda qabul qilinganida levomitsetinning toksikligi oshishi mumkin.
Varfarin va boshqa kumarin hosilalarining antikoagulyant samarasi paratsetamol uzoq vaqt muntazam ravishda qabul qilinganida kuchayishi mumkin, bu qon ketish xavfini oshiradi.
Metoklopramid va domperidon paratsetamolning so‘rilish tezligini oshiradilar, kolestiramin esa pasaytiradi.


Maxsus ko‘rsatmalar

2 oylikdan 3 oylikkacha bo‘lgan va chala tug‘ilgan chaqaloqlarga Panadol Detskiy faqat shifokor ko‘rsatmasi bilangina berilishi mumkin.
Qonda siydik kislotasi va qand miqdorini aniqlash uchun tekshirishlar o‘tkazilganda shifokorga Panadol Detskiy qabul qilinayotganligi haqida xabar bering.
Preparatni 7 kundan ortiq (shifokorning tavsiyasiga ko‘ra) vaqt davomida qabul qilganda periferik qon ko‘rsatkichlarini va jigarning funktsional holatini nazorat qilish tavsiya etiladi.
Har 5 ml suspenziya 666,5 mg sorbitol saqlaydi.

Homiladorlik va laktatsiya vaqtida qo‘llanishi
Preparat bolalar uchun mo‘ljallangan.


Chiqarilish shakli

120 mg/5 ml suspenziya 100 ml dan to‘q rangli shisha flakonlarda. 100 li flakonlar o‘lchov shpritsi va qo‘llash bo‘yicha yo‘riqnomasi bilan birga karton qutiga joylashtirilgan.


Saqlash sharoiti

25oS dan yuqori bo‘lmagan haroratda. Yorug‘likdan himoyalansin. Muzlatilmasin.
Bolalar ololmaydigan joyda saqlansin.


Yaroqlilik muddati

3 yil. O‘ramida ko‘rsatilgan yaroqlilik muddati tugaganidan so‘ng ishlatilmasin.






Dorixonalardan berish tartibi

Retseptsiz.


Ishlab chiqaruvchi

“Farmakler”, 440 Avenyu Jeneral de Goll, 14200 Eruvill Sen Kler, Fransiya
“GlaksoSmitKlyayn Konsyumer Xelsker”, Buyuk Britaniya uchun ishlab chiqarilgan