Dimedrol in'ektsiya uchun eritma 1% 1ml №5 Radiks

Preparatning savdo nomi

Dimedrol
Ta'sir etuvchi modda (XPN) difengidramin

Dori shakli

in'ektsiya uchun eritma

Tarkibi

faol modda difengidramin gidroxloridi - 10 g;
yordamchi modda in'ektsiya uchun suv 1 l gacha.
Ta'rifi tiniq, rangsiz eritma.

Farmakoterapevtik guruhi

allergiyaga qarshi vosita
ATX kodi R06AA02

Farmakologik xususiyatlari

N1-gistamin retseptorlarining I avlod blokatori, etanolamin hosilasi; gistaminning shu turdagi retseptorlari orqali samarasini bartaraf etadi. Markaziy nerv tizimiga ta'siri bosh miyaning N1-gistamin retseptorlarini bloklash va markaziy m-xolinobloklovchi ta'sirini (markaziy nerv tizimini susayishini ham, qo‘zg‘alishini ham chaqirishi mumkin) susaytirishi bilan bog‘liq. Yaqqol N1-bloklovchi faollikka ega, gistamin chaqiradigan silliq mushaklarning spazmi, kapillyarlarning o‘tkazuvchanligini oshishi, to‘qimalar shishi, qichishish va giperemiyani kamaytiradi yoki oldini oladi. Mahalliy anesteziyani (ichga qabul qilinganda og‘iz bo‘shlig‘ining shilliq qavatlarini qisqa vaqtli uvishishi yuzaga keladi) – faqat katta dozalarda, markaziy nerv tizimida m-xolinoretseptorlarni bloklaydi, sedativ, uxlatuvchi, parkinsonizmga qarshi va qusishga qarshi samara ko‘rsatadi. Tizimli, ya'ni arterial qon bosimini pasayishiga qaraganda gistaminga nisbatan antagonizmi ko‘proq darajada yallig‘lanish va allergiyadagi mahalliy tomir reaktsiyalariga nisbatan namoyon bo‘ladi. Bosh miyaning lokal shikastlanishlari va tutqanog‘i bo‘lgan shaxslarda elektroentsefalogrammadagi tutqanoqli razryadni (hatto kichik dozalarda) faollashtirishi va tutqanoq hurujini qo‘zg‘atishi mumkin. Gistamin liberatorlar (morfin) chaqirgan bronxospazmda yuqori darajada, allergik tabiatli bronxospazmda – kam darajada samarali. Sedativ va uxlatuvchi samarasi takroriy yuborishlarda yaqqol ifodalangan.

Farmakokinetikasi

Vena ichiga, mushak ichiga yuborilganidan keyin organizmda keng tarqaladi, gematoentsefalik to‘sig‘i va yo‘ldosh orqali o‘tadi. Maksimal samarasi qo‘llanilgandan 60 minutdan keyin rivojlanadi, ta'sirining davomiyligi – 4 dan 6 soatgacha. Plazmadagi oqsillar bilan 98-99% bog‘lanadi. Jigarda metabolizmga uchraydi. Yarim chiqarilish davri 1-4 soatni tashkil etadi. Ona suti orqali chiqariladi va emizikli bolalarda sedativ samara chaqirishi mumkin. Asosan glyukouron kislotasi bilan kon'yugatsiyalangan benzgidrol ko‘rinishida organizmdan 1 sutka davomida to‘liq va faqatmiqdorda – siydik bilan o‘zgarmagan holda chiqariladi.

Qo‘llanilishi

Preparat in'ektsiya shaklida chala tug‘ilgan bolalar va yangi tug‘ilgan chaqaloqlardan tashqari, kattalar va bolalarda quyidagi holatlarda, dimedrolni peroral shaklda yuborish maqsadga muvofiq bo‘lmaganda samarali.
Antigistamin vosita sifatida qon va plazma preparatlariga allergik reaktsiyalarning jadalligini kamaytirish maqsadida, anafilaksiyada o‘tkir simptomlarni nazoratidan keyin adrenalin va boshqa standart choralarga qo‘shimcha sifatida, peroral davolash imkoni bo‘lmaganda yoki qo‘llash mumkin bo‘lmaganda asoratlanmagan tezkor turdagi allergik reaktsiyalarda qo‘llanadi.
Dengiz kasalligi harakat kasalligini faol davolash uchun.
Parkinsonizmga qarshi vosita sifatida parkinsonizmda peroral davolash imkoni bo‘lmaganida yoki qo‘llash mumkin bo‘lmaganida, ayniqsa kuchliroq dori vositalarini o‘zlashtira olmaydigan keksalardagi parkinsonizm; boshqa yoshdagi guruhlarda parkinsonizmning yengil holatlarida, markaziy ta'sirga ega antixolinergik vositalar bilan majmuada parkinsonizmning boshqa holatlarida qo‘llash uchun buyuriladi.

Qo‘llash usuli va dozalari

Mushak ichiga 0,01-0,05 g dan 1% eritma ko‘rinishida, vena ichiga 0,02-0,05 g difengidramin gidroxloridi natriy xloridning 75-100 ml izotonik eritmasida tomchilab yuboriladi.
Kattalar uchun mushak ichiga yuqori dozalari bir martalik 0,05 g (5ml 1%eritma), sutkalik 0,15 g (15 ml 1% eritma).
Bolalar uchun mushak ichiga yuboriladigan bir martalik dozalari 1 yoshgacha bo‘lgan bolalarga 0,002-0,005 g; 2 yoshdan 5 yoshgacha 0,005-0,015 g; 5 yoshdan 12 yoshgacha 0,015-0,03 g.
Teri ostiga ta'sirlovchi ta'siri tufayli yuborib bo‘lmaydi.
Nojo‘ya ta'sirlari
Yurak qon-tomir tizimi tomonidan arterial qon bosimni pasayishi, yurak urishini his qilish, taxikardiya, ekstrasistoliya.
Nafas tizimi tomonidan burun va tomoq shilliq qavatining qurishi, balg‘amning qovushqoqligini oshishi, ko‘krak yoki tomoqda bosilish hissi, aksirish, burun bitishi.
Nerv tizimi tomonidan bosh og‘rig‘i, sedativ samara, uyquchanlik, bosh aylanishi, koordinatsiyani buzilishi, holsizlik, ongni hiralashishi, xavotirlik, qo‘zg‘aluvchanlik, asabiylik, tremor, ta'sirchanlik, uyqusizlik, eyforiya, paresteziyalar, nevrit, tirishishlar.
Sezgi a'zolari tomonidan ko‘rishni buzilishi, diplopiya, vertigo, quloqlarda shovqin, o‘tkir labirintit.
Ovqat hazm qilish tizimi tomonidan og‘iz bo‘shlig‘i shilliq qavatini qurishi, epigastriyda og‘riq, anoreksiya, ko‘ngil aynishi, qusish, diareya, qabziyat.
Siydik tanosil tizimi tomonidan siyishni tezlashishi yoki qiyinlashishi, siydikni tutilishi, erta hayz ko‘rish.
Qon yaratish tizimi tomonidan gemolitik anemiya, trombotsitopeniya, agranulotsitoz.
Allergik reaktsiyalar eshakemi, dori toshmasi, anafilaktik shok, fotosensibilizatsiya.

Qo‘llash mumkin bo‘lmagan holatlar

O‘ta yuqori sezuvchanlik, yopiq burchakli glaukoma, prostata bezining giperplaziyasi, me'da va 12-barmoq ichakning stenozlanuvchi yarasi, qovuq bo‘yinchasining stenozi, tutqanoq, chaqaloqlar (7 oygacha).
Laktatsiya davrida qo‘llash emizikli onalarda qo‘llash mumkin emas.
Mahalliy anestiziya sifatida qo‘llash mahalliy nekroz yuzaga kelishi xavfi sababli, bu preparatni mahalliy anestetik sifatida qo‘llash mumkin emas.
Piloroduodenal obstruktsiya, gipertireoz, ko‘z ichki bosimini oshishi, yurak-qon tomir tizimi kasalliklari, porfiriya, bronxial astma, bolalar, keksa yoshdagilarda qo‘llash ehtiyotkorlik bilan qo‘llash kerak.
Dorilarning o‘zaro ta'siri
Etanol va markaziy nerv tizimini susaytiruvchi dori vositalarining ta'sirini kuchaytiradi. MAO ingibitorlari difengidraminning antixolinergik faolligini kuchaytiradi. Psixostimulyatorlar bilan birgalikda buyurilganida antagonistik o‘zaro ta'siri aniqlanadi. Zaharlanishni davolashda qustiruvchi dori vositasi sifatida qo‘llanuvchi apomorfinning samarasini pasaytiradi. M-xolinbloklovchi faollikka ega dori vositalarining antixolinergik samaralarini kuchaytiradi. Ototoksik dori vositalari bilan majmuada qo‘llashda ototoksiklik simptomlari (bosh aylanishi, quloqda shovqin) niqoblanishi kuzatiladi.

Maxsus ko‘rsatmalar

Preparatni davomli nazoratsiz qo‘llashda doriga qaramlik rivojlanishi mumkin.
Difengidramin bilan davolash vaqtida UF-nurlanish va etanolni iste'mol qilishdan saqlanish kerak.
Bu dori vositasini qo‘llash haqida shifokorga axborot berish kerak qusishga qarshi samarasi appeditsitni tashhislash va boshqa dori vositalari dozasini oshirib yuborilishi simptomlarini aniqlashni qiyinlashtirishi mumkin.
Homiladorlik va laktatsiya davrida qo‘llanishi
Homiladorlik V toifa (FDA tasnifi bo‘yicha). Odam uchun dozadan 5 marta yuqori dozalarda kalamush va quyonlarda o‘tkazilgan takroriy tadqiqotlar difengidramin gidroxloridini qo‘llash bilan bog‘liq fertillikni buzilishi belgilari yoki homila uchun zararni aniqlamadi. Ammo homilador ayollarda o‘tkazilgan adekvat va yaxshi nazoratlangan hech qanday tadqiqotlar mavjud emas. Hayvonlarning reproduktiv faoliyati tadqiqotlari odam organizmi javobini oldindan aytib berolmasligi tufayli, ushbu preparat homiladorlik davomida haqiqatda zarur bo‘lsa qo‘llash kerak.
Ehtiyotkorlik choralari
Preparat eritmasini teri ostiga yoki vena ichiga yuborishda mahalliy nekroz holatlari ta'riflangan.
Bolalarda antigistamin preparatlar, ayniqsa doza oshirib yuborilishida gallyutsinatsiyalar, konvul’siyalar va o‘limni chaqirishi mumkin.
Antigistamin preparatlar kattalardagi kabi bolalarda ruhiy faollikni susaytirishi mumkin. Kichkina bolalarda preparat qo‘zg‘alishga olib kelishi mumkin.
Keksa yoshda (taxminan 60 yosh va undan kattalarda) qo‘llanishi antigistamin preparatlar keksa patsiyentlarda ko‘pincha bosh aylanishi, sedativ samara va gipotoniyani chaqirishi mumkin.
Difengidramin gidroxloridi atropinsimon ta'sirga ega, shuning uchun anamnezida bronxial astma, ko‘z ichki bosimini oshishi, gipertireoz, yurak-qon tomir kasalliklari va gipertoniyasi bo‘lgan patsiyentlarda ehtiyotkorlik bilan qo‘llash kerak. Quyi nafas yo‘llari kasalliklari, jumladan astmasi bo‘lgan patsiyentlarda ehtiyotkorlik bilan ishlatilsin.
Patsiyentlar uchun ma'lumot.
Preparat uyquchanlikni chaqirishi mumkin va alkogol bilan additiv samaraga ega.
Kantserogenez, mutagenez, fertillikka ta'siri mutagen va kantserogen potentsialni aniqlash uchun hayvonlarda uzoq muddatli tadqiqotlar o‘tkazilmagan.
Avtomobil va potentsial xavfli mexanizmlarni boshqarish qobiliyatiga ta'siri bemorlar yuqori diqqat, tezkor ruhiy va harakat reaktsiyalarini talab qiluvchi barcha turdagi faoliyatlardan saqlanishlari kerak.

Dozani oshirib yuborilishi

Simptomlari og‘izni qurishi, me'da-ichak yo‘llari a'zolari parezi, nafas olishni qiyinlashishi, turg‘un midriaz, taxikardiya, taxiaritmiya, yuzni qizarishi, markaziy nerv tizimini susayishi yoki qo‘zg‘alishi (ko‘pincha bolalarda), ongni hiralashishi; bolalarda – tirishishlarni rivojlanishi va o‘lim.
Davolash spetsifik antidoti yo‘q, me'dani yuvish, nafas va arterial qon bosim darajasini sinchkovlik bilan nazorat qilish fonida simptomatik va tutib turuvchi davolash.
Epinefrin va analeptiklarni ishlatish mumkin emas.

Chiqarilish shakli

In'ektsiya uchun 1% eritma 1 ml dan ampulalarda tibbiyotda qo‘llanilishiga doir yo‘riqnomasi bilan birga.

Saqlash sharoiti

Yorug‘likdan himoyalangan joyda, 25°S dan yuqori bo‘lmagan haroratda saqlansin.
Bolalar ololmaydigan joyda saqlansin.

Yaroqlilik muddati

3 yil.

Yaroqlilik muddati

o‘tganidan so‘ng qo‘llanilmasin.

Dorixonalardan berish tartibi

Retsept bo‘yicha.

Ishlab chiqaruvchi

“RADIKS” MChJ,
O‘zbekiston Respublikasi, 100054, Toshkent sh., Lutfiy ko‘ch, 50.
Tel (+99871) 273-92-31, faks (+99871) 273-80-58.
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
"RADIKS" MChJ,
O‘zbekiston Respublikasi, 100054, Toshkent sh. Lutfiy ko‘ch., 50.
Tel (+99871) 273-43-98, faks (+99871) 273-80-58.