Preparatning savdo nomi
Fenkarol®
Ta'sir etuvchi modda (XPN) xifenadin (quifenadinum)

Dori shakli
ichga qabul qilish uchun tabletkalar

Tarkibi

1 tabletka quyidagilarni saqlaydi
faol modda 10 mg xifenadin gidroxloridi;
yordamchi moddalar qand, kartoshka kraxmali, kaltsiy stearati.
Ta'rifi oq yoki deyarli oq rangli, yassi silindrik, riskali va bir tomonida faskali tabletkalar.

Farmakoterapevtik guruhi
tizimli qo‘llash uchun antigistamin vositalar, tizimli qo‘llash uchun boshqa antigistamin vositalar.
ATX kodi R06AX31


Farmakologik xususiyatlari


Farmakodinamika
si
Fenkarol® - antigistamin vosita, a'zolar va ularning tizimlariga gistaminning ta'sirini kamaytiradi. Bu guruhdagi klassik dori vositalaridan farq qilib, Fenkarol® alohida ta'sir mexanizmiga ega. Dori vositasi periferik to‘qimalarda gistamin N1-retseptorlarni bloklaydi, shuningdek diaminoksidaza (gistaminaza) fermentini faollashtiradi, shu orqali to‘qimalarda gistamin darajasini kamaytiradi. Shu bilan boshqa gistaminga qarshi vositalar bilan davolash samarasiz bo‘lgan bemorlar uchun Fenkarol® ning samaradorligi tushuntiriladi. Fenkarol® past lipofillikka ega, shuning uchun gematoentsefalik to‘siq orqali yomon o‘tadi, bosh miya to‘qimalarida serotoninni dezaminizatsiya jarayonlariga va monoaminoksidaza fermentlarining faolligiga kuchsiz ta'sir qiladi. Fenkarol® gistaminning toksik ta'sirini kamaytiradi, bronxokonstriktor ta'sir va ichak silliq mushaklariga spazmogen ta'sirni bartaraf etadi yoki susaytiradi, gistaminning gipotenziv ta'siri va uning kapillyarlarning o‘tkazuvchanligiga ta'sirini susaytiradi. Fenkarol® o‘rtacha serotoninga qarshi va kuchsiz xolinolitik faollikka ega, adrenolitik faollikka ega emas. Fenkarol® yaqqol namoyon bo‘lgan qichishishga qarshi va desensibilizatsiya qiluvchi ta'sirga ega.




Farmakokinetikasi

So‘rilishi
Dori vositasining 45% me'da-ichak yo‘llaridan tez so‘riladi va 30 minutdan keyin organizm to‘qimalarida aniqlanadi. Qon plazmasida faol moddaning maksimal kontsentratsiyasiga bir soatdan keyin erishiladi.
Taqsimlanishi
Faol moddaning eng yuqori kontsentratsiyasi jigarda, o‘pkada va buyraklarda aniqlanadi, eng past kontsentratsiyasi – bosh miya to‘qimasida aniqlanadi. Dori vositasi past lipofillikka ega va bosh miyadagi uning darajasi past (0,05% dan kam), bu markaziy nerv tizimiga (MNT) susaytiruvchi ta'sirini yo‘qligini tushuntiradi, lekin shaxsiy yuqori sezuvchanlikda kuchsiz sedativ samara kuzatilishi mumkin.
Metabolizmi
Fenkarol® jigarda metabolizmga uchraydi.
Chiqarilishi
Metabolitlar va dori vositasining o‘zgarmagan qismi asosan siydik, safro va o‘pka orqali chiqariladi. Ichak orqali dori vositasining so‘rilmagan qismi chiqariladi. Dori vositasining asosiy qismi va uning metabolitlari (taxminan 44%) siydik bilan 48 soat davomida va yana 1% keyingi 48 soat davomida chiqariladi.


Qo‘llanilishi

Pollinoz, o‘tkir va surunkali eshakemi, allergik rinit, allergik kon'yunktivit, angionevrotik shish, dermatozlar (ekzema, neyrodermit, teri qichishishi va boshqalar), dori vositalarini yoki ozuqa moddalarini qabul qilish bilan bog‘liq allergik reaktsiyalarda qo‘llanadi.


Qo‘llash usuli va dozalari

Fenkarol® ovqatdan keyin darhol ichga qabul qilinadi.
3 yoshgacha bo‘lgan bolalarda doza 5 mg (yarim tabletka) kuniga 2-3 martani tashkil qiladi.
3 yoshdan 7 yoshgacha – 10 mg kuniga 2 marta.
7 yoshdan 12 yoshgacha – 10-15 mg kuniga 2-3 marta.
Davolash kursi davomiyligi 10-15 kunni tashkil qiladi. Zarurati bo‘lganida davolash kursini takrorlash mumkin.
12 yoshdan oshgan bolalarga Fenkarol 25 mg tabletkasi preparatini qo‘llash tavsiya etiladi.
Agar preparatni qabul qilishni o‘tkazib yuborgan bo‘lsangiz bu yodingizga tushgan zahoti qabul qiling, lekin keyingi qabul qilish vaqti yaqinlashgan bo‘lsa qabul qilishni o‘tkazib yuboring. Dozani ikki marta oshirib qabul qilmang.

Nojo‘ya ta'sirlari
Boshqa dori vositalari kabi Fenkarol® barcha patsiyentlarda namoyon bo‘lmasa ham, nojo‘ya ta'sirlar chaqirishi mumkin.
Noxush nojo‘ya reaktsiyalarning rivojlanish tez-tezligi bo‘yicha tasnifi juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam hollarda (≥1/10000 dan <1/1000 gacha); juda kam hollarda (<1/10000); tez-tezligi noma'lum (mavjud ma'lumotlar asosida baholab bo‘lmaydi).
Nerv tizimi tomonidan buzilishlar
Tez-tez emas bosh og‘rig‘i, uyquchanlik.
Me'da-ichak yo‘llari tomonidan buzilishlar
Tez-tez og‘izni qurishi.
Tez-tez emas dispeptik ko‘rinishlar (ko‘ngil aynishi, qusish), ular odatda dori vositasining dozasi kamaytirilganda yoki bekor qilinganda o‘tib ketadi.
Agar Sizda ushbu yo‘riqnomada ko‘rsatilmagan biron-bir nojo‘ya ta'sirlar paydo bo‘lsa yoki ko‘rsatilgan nojo‘ya ta'sirlardan birontasi aniqsa kuchli namoyon bo‘lsa, iltimos shifokorga murojaat eting.


Qo‘llash mumkin bo‘lmagan holatlar

Dori vositasining ta'sir etuvchi moddasiga yoki yordamchi moddalariga yuqori sezuvchanlikda qo‘llash mumkin emas.

Dorilarning o‘zaro ta'siri
Fenkarol® alkogol va uxlatuvchi vositalarning MNT ga susaytiruvchi ta'sirini kuchaytirmaydi. Fenkarol® kuchsiz M-xolinobloklovchi xususiyatlarga ega, lekin me'da-ichak yo‘llarining motorikasi susayganda sekin so‘riladigan dori vositalarning (masalan bilvosita ta'sir etuvchi antikoagulyantlar - kumarinlar) so‘rilishi kuchayishi mumkin.


Maxsus ko‘rsatmalar

Fenkarol® MNT ga yaqqol susaytiruvchi ta'sir ko‘rsatmaydi, lekin ayrim hollarda kuchsiz sedativ samara kuzatiladi.
Mashg‘ulotlari tezkor jismoniy yoki ruhiy reaktsiyalarni talab etuvchi bolalarda dastlab dori vositasi sedativ ta'sir ko‘rsatmayotganligini aniqlash kerak (qisqa vaqt buyurish orqali). Dori vositasining sedativ ta'siri namoyon bo‘lgan bolalarda davolash vaqtida potentsial xavfli faoliyat turlari tavsiya etilmaydi.

Ehtiyotkorlik choralari
Yurak-qon tomir tizimi, me'da-ichak yo‘llari, jigar va/yoki buyrakning og‘ir kasalliklarida ehtiyotkorlik bilan qo‘llash kerak.
Dori vositasi qand saqlaydi
Qandni biron-bir turini o‘zlashtiraolmaslikda ushbu dori vositasini qo‘llashdan oldin shifokor bilan maslahatlashing.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Dozani oshirib yuborishga shubha bo‘lganda darhol shifokorni chaqiring.

Dozani oshirib yuborilishi
haqida ma'lumotlar berilmagan.
Simptomlari dori vositasining yuqori dozalari shilliq qavatlarni qurishi, bosh og‘rig‘i, qusish, ovqat hazm bo‘lishini buzilishini chaqirishi mumkin.
Davolash simptomatik va organizmning hayotiy muhim faoliyatlarini tutib turuvchi davolashni ta'minlash kerak.


Chiqarilish shakli

10 tabletkadan polivinilxlorid plyonka va alyumin folgali kontur uyali o‘ramda.
2 kontur uyali o‘ramdan qo‘llash bo‘yicha yo‘riqnomasi bilan karton qutiga joylanadi.


Saqlash sharoiti

Namlik va yorug‘likdan himoyalangan joyda, 25°S dan yuqori bo‘lmagan haroratda saqlansin.


Yaroqlilik muddati

5 yil.


Dorixonalardan berish tartibi

Shifokor retseptisiz beriladi.


Ishlab chiqaruvchi
va qayd etish guvohnomasining egasi
“Olaynfarm” AJ.
Manzili Rupnitsu ko‘ch., 5, Olayne, LV-2114, Latviya.