Rolinoz ichga qabul qilish uchun tomchilar 10mg/ml 20ml dan №1

Preparatning savdo nomi

Rolinoz, Rolinoz
Ta'sir etuvchi modda (XPN) Setirizin, Cetirizine

Dori shakli

ichga qabul qilish uchun tomchilar.

Tarkibi

1 ml preparat quyidagilarni saqlaydi
faol modda 10 mg setirizin digidroxloridi;
yordamchi moddalar glitserin, propilenglikol, natriy saxarini, metilparagidroksibenzoati, propilparagidroksibenzoati, natriy atsetat trigidrati, 
99, 8% li sirka kislotasi, tozalangan suv.
Ta'rifi tiniq, rangsiz suyuqlik.

Farmakoterapevtik guruhi

Tizimli qo‘llash uchun antigistamin vositalar. Piperazin hosilalari.
ATX kodi R06AE07
Farmakologik hususiyatlari

Farmakodinamika

Ta'sir mexanizmi
Setirizin gidroksizinni metaboliti; u periferik H1-gistamin retseptorlarining kuchli ta'sir qiladigan selektiv antagonisti. In vitro sharoitida o‘tkazilgan tadqiqotlarda dori vositasini turli turdagi retseptorlar bilan bog‘lanishini o‘rganishda, setirizin faqat H1-gistamin retseptorlari bilan yaqinlikka (miqdoriy o‘lchangan) ega ekanligi aniqlangan.
Farmakodinamik samaralari
Setirizin gistaminga qarshi ta'sirdan tashqari, shuningdek allergiyaga qarshi ta'sirga ega allergenlar ta'siriga uchragan, atopiyasi bo‘lgan patsiyentlarda sutkasiga bir yoki ikki marta 10 mg dozada, u teri va kon'yunktivada eozinofillar migratsiyasining kechki fazasini ingibitsiya qiladi.

Farmakokinetikasi

So‘rilishi
Setirizinni qon plazmasidagi maksimal kontsentratsiyasiga (Cmax) 1,0 ± 0,5 soatdan keyin erishiladi va muvozanatli holatda taxminan 300 ng/ml ni tashkil etadi.
Cmax va “kontsentratsiya-vaqt” (AUS) egriligi ostidagi maydon kabi farmakokinetik ko‘rsatkichlar baholanganida qon plazmasida setirizin kontsentratsiyasi birkamerali farmakokinetik modelni miqdoriy qonunlariga muvofiq o‘zgarishi aniqlangan. 5 mg dan 60 mg gacha bo‘lgan dozalar diapazonida setirizin uchun proportsional kinetika xos. Ovqat qabul qilinishi setirizinni tizimli so‘rilish darajasiga ta'sir etmaydi, biroq bunda uning so‘rilish tezligi pasayadi. Setirizin tomchilar shaklida ham, kapsulalar yoki tabletkalar shaklida ham peroral qabul qilinganida, biokiraolishlik ko‘rsatkichlari o‘xshash qiymatlarga ega.
Taqsimlanishi
Setirizinni taxminiy taqsimlanish hajmi 0,50 l/kg ni tashkil etadi; qon plazmasi oqsillari bilan bog‘lanish darajasi 93 ± 0,3% ni tashkil etadi. Setirizin varfarinni qon plazmasi oqsillari bilan bog‘lanish darajasiga ta'sir etmaydi.
Metabolizmi
Setirizin tizimoldi eliminatsiyaga ahamiyatli darajada uchramaydi.
Chiqarilishi
Dori vositasining yakuniy yarim chiqarilish davri taxminan 10 soatni tashkil etadi, yuborilgan dozaning taxminan 2/3 qismi o‘zgarmagan ko‘rinishda siydik bilan chiqariladi. Setirizin sutkasiga 10 mg dozada 10 kun davomida qo‘llanganida, uning organizmda to‘planmasligi aniqlangan.
Patsiyentlarning maxsus guruhlari
Buyrak yetishmovchiligi bo‘lgan patsiyentlar
Buyraklar funktsiyasini buzilishlari bo‘lgan patsiyentlarda setirizinni farmakokinetik ko‘rsatkichlari (kreatinin klirensi (Clcr) 40 ml/minutdan ko‘p) sog‘lom ko‘ngillilar bilan o‘xshash bo‘lgan. O‘rta og‘irlik darajasidagi buyrak yetishmovchiligi bo‘lgan patsiyentlarda dori vositasining yarim chiqarilish davri 3 martaga ko‘paygan, klirens esa, sog‘lom ko‘ngillilardagi o‘xshash ko‘rsatkichlar bilan taqqoslanganda, 70% ga pasaygan. Farmakokinetik ko‘rsatkichlarning bu kabi o‘zgarishlari, shuningdek, setirizinni 10 mg dozada bir marta qabul qilgan gemodializdagi patsiyentlarda (Clcr 7 ml/minutdan kam) qayd etilgan.
Dori vositasi atigi ahamiyatsiz darajadagina organizmdan gemodializ orqali chiqariladi. Og‘ir darajadagi buyrak yetishmovchiligi bo‘lgan yoki o‘rta darajadagi buyrak yetishmovchiligi bo‘lgan patsiyentlarda Rolinoz dozasiga tuzatish kiritish talab etiladi.
Jigar yetishmovchiligi bo‘lgan patsiyentlar
Setirizinni bir marta 10 mg yoki 20 mg dozalarda qabul qilgan jigarning surunkali kasalliklari (gepatotsellyulyar, xolestatik va biliar sirroz) bo‘lgan patsiyentlarda, dori vositasini o‘xshash ko‘rsatkichlari bo‘lgan sog‘lom sub'ektlar bilan taqqoslanganda, yarim chiqarilish davrining 50% ga oshishi va klirensni 40% ga pasayishi qayd qilingan.
Faqat bir vaqtda jigar yetishmovchiligi bilan buyrak yetishmovchiligi bo‘lgan patsiyentlarda Rolinoz dozasiga tuzatish kiritish zarur.
Keksa yoshdagi patsiyentlar
O‘xshash farmakokinetik ko‘rsatkichli yoshroq patsiyentlar bilan taqqoslanganida, keksa yoshdagi patsiyentlar setirizinni 10 mg dozada bir marta ichga qabul qilganidan keyin dori vositasining yarim chiqarilish davri 50% ga oshgan, klirens esa 40% ga pasaygan.Keksa yoshdagi patsiyentlarda setirizin klirensini pasayishi taxminan buyraklar funktsiyasining buzilishi bilan bog‘liq.
Bolalar
6-12 yoshdagi patsiyentlarda setirizinni yarim chiqarilish davri 6 soatni, 2-6 yoshda esa - 
5 soatni tashkil etgan; 2 yoshgacha bo‘lgan patsiyentlarda u 3,1 soatgacha pasaygan.

Qo‘llanilishi

Kattalarda va 6 oylidan boshlab bolalarda Rolinoz quyidagi kasalliklarni simptomatik davolash uchun qo‘llanadi
- mavsumiy allergik rinit va yil davomida kechadigan allergik rinit (nazal va oftalmologik simptomlar);
- surunkali idiopatik eshakemida qo‘llaniladi.

Qo‘llash usuli va dozalari

Dozalash
Tavsiya etilgan dozasi sutkada bir marta 10 mg ni (eritmaning 20 tomchisi) tashkil etadi.
Patsiyentlarning maxsus guruhlari
Keksa yoshdagi patsiyentlar
Mavjud bo‘lgan ma'lumotlarga muvofiq, buyraklar funktsiyasi normal bo‘lgan sharoitlarda keksa yoshdagi patsiyentlarda dozani kamaytirish zarurati yo‘q.
Buyrak yetishmovchiligi bo‘lgan patsiyentlar
Buyrak yetishmovchiligi bo‘lgan patsiyentlarda qo‘llanganda setirizinni samaradorlik/xavfsizlik nisbati haqidagi ma'lumotlar mavjud emas.
Dori vositasi asosan buyraklar orqali chiqariladi, shuning uchun davolashning muqobil usullari to‘g‘ri kelmaganida, Rolinozni dozalash tartibini buyrak funktsiyasining holatiga bog‘liq ravishda, individual tanlash lozim (jadvalga qarang). Preparat dozasini tanlash uchun Clcr (ml/minut)ni baholsh zarur, uni kreatininni zardobdagi kontsentratsiyasidan (Ccr, mg/dl) foydalanib, formulu bo‘yicha hisoblash mumkin
[140 – yosh (yil)] × tana vazni (kg)
Clcr =--------------------------------------------------(× 0,85 ayollar uchun)
72 × Ccr (mg/dl)
Jadval. Buyrak yetishmovchiligi bo‘lgan patsiyentlarda Rolinozni dozalash tartibi
Buyraklar funktsiyasini holati
Clcr (ml/minut)
Dozasi va qabul qilishlar soni
Buyraklarning normal funktsiyasi
≥80
10 mg sutkada 1 marta
Ahamiyatsiz darajada ifodalangan buyraklar funktsiyasini buzilishlari
50-79
10 mg sutkada 1 marta
Buyraklar funktsiyasini o‘rta darajada ifodalangan buzilishlari
30-49
5 mg sutkada 1 marta
Ahamiyatli darajada ifodalangan buyraklar funktsiyasini buzilishlari
<30
5 mg kunora
Buyrak yetishmovchiligining terminal bosqichi (dializdagi patsiyentlar)
<10
Qo‘llash mumkin emas
Jigar yetishmovchiligi bo‘lgan patsiyentlar
Yakka jigar yetishmovchiligi bo‘lgan patsiyentlarda preparat dozasiga tuzatish kiritish talab etilmaydi; buyrak va jigar yetishmovchiligi bo‘lgan patsiyentlarda buyrak funktsiyasini hisobga olgan holda dozalash tartibiga tuzatish kiritish lozim (jadvalga qarang).
Bolalar va o‘smirlar
Tavsiya etilgan doza qo‘yidagini tashkil etadi
- 6 oylikdan 12 oylikgacha bo‘lgan bolalar - 2,5 mg (eritmaning 5 tomchisi) dan sutkada bir marta;
- 1 yoshdan 6 yoshgacha bo‘lgan bolalar - 2,5 mg (eritmaning 5 tomchisi) dan sutkada ikki marta;
- 6 yoshdan 12 yoshgacha bo‘lgan bolalar- 5 mg (eritmaning 10 tomchisi)dan sutkada ikki marta;
- 12 yoshdan katta bo‘lgan o‘smirlar - 10 mg (eritmaning 20 tomchisi)dan sutkada bir marta.
Buyrak yetishmovchiligi bo‘lgan bolalarda dozalash tartibini buyraklar funktsiyasini, yoshini va tana vaznini hisobga olgan holda individual ravishda tanlash lozim.
Qo‘llash usuli
Tomchilar ichga qabul qilinadi. Preparatni suyultirmasdan (qoshiqda) yoki oldindan suv bilan suyultirib qabul qilish mumkin. Preparatni suyultirishda, ayniqsa bolalarda qo‘llanganda, tomchilar qo‘shiladigan suvning hajmi patsiyent bir vaqtning o‘zida ichishi mumkin bo‘lgan hajmga muvofiq kelishini hisobga olish lozim. Suyultirilgan eritma tayyorlanganidan keyin darhol qo‘llanishi kerak.
Nojo‘ya ta'sirlari
Klinik tadqiqotlardan olingan ma'lumotlar
Xavfsizlik profilini qisqa ta'rifi
Klinik tadqiqotlarda setirizin davolash uchun tavsiya etilgan dozalarda qo‘llanganida markaziy nerv tizimi (MNT) tomonidan ahamiyatsiz darajada ifodalangan noxush reaktsiyalar, shu jumladan uyquchanlik, toliqish, bosh aylanishi va bosh og‘rig‘i qayd etilgan, ba'zi holatlarda MNTga paradoksal rag‘batlantiruvchi ta'sir etishi qayd etilgan.
Setirizin periferik H1-gistamin retseptorlarining selektiv antagonisti bo‘lishiga va deyarli antixolinergik faollikka ega emasligiga qaramay, dori vositasi qo‘llanganida siyishning qiyinlashishi, akkomodatsiyaning buzilishi va og‘iz qo‘rishi haqida ma'lumotlar mavjud.
Jigar funktsiyasining buzilishi, shu jumladan qon plazmasida jigar fermentlari va billirubin darajasini oshishi haqida xabar berilgan; yuqorida keltirilgan o‘zgarishlarning ko‘pchiligi o‘tkinchi xarakterga ega bo‘lgan va setirizin bilan davolash to‘xtatilganidan keyin yo‘q bo‘lgan.
Noxush reaktsiyalar ro‘yxati
Platsebo yoki boshqa antigistamin vositalar bilan taqqoslanganda setirizinni tavsiya etilgan sutkalik 10 mg dozada qo‘llash xavfsizligini baholash bo‘yicha o‘tkazilgan ikki tomonlama yopiq nazoratlangan tadqiqotlarda (3200 patsiyentdan ko‘p) 1% dan ko‘proq patsiyentlarda (platsebo-nazoratlangan tadqiqotlarda) qo‘yidagi noxush reaktsiyalar qayd etilgan
- ruhiyatning buzilishi uyquchanlik (9,63%);
- nerv tizimi tomonidan bosh aylanishi (1,10%), bosh og‘rig‘i (7,42%);
- me'da-ichak yo‘llari tomonidan qorinda og‘riq (0,98%), og‘iz qurishi (2,09%), ko‘ngil aynashi (1,07%);

- nafas tizimi, ko‘krak qafasi va ko‘ks oralig‘i a'zolari tomonidan

faringit (1,29%);
- umumiy buzilishlar va yuborish joyidagi buzilishlar toliqish (1,63%).
Setirizin qabul qilinganida, platsebo guruhiga nisbatan, uyquchanlik statistik jihatdan ko‘proq qayd etilgan bo‘lsa-da, ko‘pchilik holatlarda u ahamiyatsiz darajada yoki o‘rta darajada ifodalangan. Yosh sog‘lom ko‘ngillilarda o‘tkazilgan ob'ektiv tadqiqotlarda tavsiya etilgan dozalarda setirizinni kundalik faoliyatga ta'sir ko‘rsatmasligi aniqlangan.
Platsebo-nazoratlangan klinik sinovlarda 6 oydan 12 yoshgacha bo‘lgan patsiyentlarning 1 % dan ko‘prog‘ida qo‘yidagi noxush reaktsiyalar qayd etilgan
- ruhiyatning buzilishi uyquchanlik (1,8%);
- me'da-ichak yo‘llari tomonidan diareya (1,0%);

- nafas tizimi, ko‘krak qafasi va ko‘ks oralig‘i a'zolari tomonidan

rinit (1,4%);
Postmarketing taqiqotlaridan olingan ma'lumotlar
Klinik tadqiqotlar vaqtida aniqlangan, yuqorida ko‘rsatilgan noxush reaktsiyalarga qo‘shimcha tarzda, postmarketing davrda MedDRA bo‘yicha a'zolar – tizimi sinfiga muvofiq sanab o‘tilgan qo‘yidagi noxush reaktsiyalar xaqida xabar berilgan. Noxush reaktsiyalarning uchrash tezligini ko‘rsatkichlari quyidagicha aniqlanadi juda tez-tez (≥ 1/10);tez-tez (≥ 1/100 lekin < 1/10 gacha); tez-tez emas (≥ 1/1000 lekin < 1/100); kam hollarda (≥ 1/10000 lekin < 1/1000); juda kam hollarda (<1/10000); uchrash tezligi noma'lum (mavjud bo‘lgan ma'lumotlar asosida baholash mumkin emas).
Qon va limfa tizimi tomonidan juda kam hollarda – trombotsitopeniya.
Immun tizimi tomonidan kam hollarda – o‘ta yuqori sezuvchanlik reaktsiyalari; juda kam hollarda – anafilaktik shok.
Moddalar almashinuvi va oziqlanish tomonidan uchrash tezligi noma'lum – ishtahani oshishi.
Ruhiyatni buzilishlari tez-tez emas – qattiq hayajon; kam hollarda – tajavvuzkorlik, ongni chalkashishi, depressiya, gallyutsinatsiyalar, uyqusizlik; juda kam hollarda – tik; uchrash tezligi noma'lum- suiqasdlik g‘oyalari, bosinqirash.
Nerv tizimi tomonidan tez-tez emas – paresteziya; kam hollarda – tirishishlar; juda kam hollarda – ta'm bilishni buzilishi, xushdan ketish, tremor, distoniya, diskineziya; uchrash tezligi noma'lum– amneziya, xotirani buzilishi.
Ko‘rish a'zolari tomonidan juda kam hollarda – akkomodatsiyani buzilishi, ko‘rishni noaniqligi, okulogir kriz (ko‘z soqqasini ixtiyorsiz harakatlari).
Eshitish a'zolari va labirint tomonidan buzilishlar uchrash tezligi noma'lum – vertigo.
Yurak tomonidan kam hollarda – taxikardiya.
Me'da-ichak yo‘llari tomonidan tez-tez emas – diareya
Jigar va o‘t chiqarish yo‘llari tomonidan kam hollarda – jigar funktsiyasini buzilishi (qon plazmasida transaminazalar, ishqoriy fosfataza, γ-glutamiltranspeptidaza va bilirubinning oshishi); uchrash tezligi noma'lum – gepatit.
Teri va teri osti qavati to‘qimalari tomonidan tez-tez emas – qichishish, toshma; kam hollarda – eshakemi; juda kam hollarda – angionevrotik shish, barqaror dori eritemasi; uchrash tezligi noma'lum – o‘tkir tarqalgan ekzantematoz pustulez.
Skelet – mushak va biriktiruv to‘qimasi tomonidan uchrash tezligi noma'lum- artralgiya.
Buyrak va siydik chiqarish yo‘llari tomonidan juda kam hollarda – dizuriya, enurez; uchrash tezligi noma'lum – siydikni tutilishi.
Umumiy buzilishlar va yuborish joyida buzilishlar tez-tez emas- asteniya, sirqovlanish; kam hollarda – shishlar.
Laboratoriya va uskunali tekshiruvlar natijasiga ta'siri kam hollarda tana vaznini oshishi.
Alohida noxush reaktsiyalarning ta'rifi
Setirizin bilan davolash to‘xtatilganidan keyin qichish holatlari (shu jumladan ahamiyatli darajada ifodalangan) va/yoki eshakemi sodir bo‘lgani haqida xabar berilgan.
Gumon qilinayotgan noxush reaktsiyalar haqida xabarlar
Dori vositasi ro‘yxatdan o‘tkazilganidan keyin gumon qilinayotgan nojo‘ya reaktsiyalari haqida xabar berish muhim hisoblanadi. Patsiyentda dori vositasiga jiddiy noxush reaktsiyalar aniqlanganida yoki mazkur bo‘limda ta'riflanmagan yangi noxush reaktsiya paydo bo‘lganida, Milliy farmakonazorat tizimiga muvofiq xabar berishingizni so‘raymiz.

Qo‘llash mumkin bo‘lmagan holatlar

- faol moddaga, gidroksizinga va boshqa piperazin hosilalariga yoki yordamchi moddalarning har biriga bo‘lgan o‘ta yuqori sezuvchanlik;
- og‘ir darajadagi buyrak yetishmovchiligida (Clcr 10 ml/minutdan kam) qo‘llash mumkin emas.
Dorilarning o‘zaro ta'siri
Farmakokinetik va farmakodinamik profili, shuningdek setirizinni xavfsizlik profili haqidagi ma'lumotlarga asosan, setirizinni boshqa dori vositalari bilan qandaydir bo‘lsa-da o‘zaro ta'sir qilishi kutilmaydi. Dorilarning o‘zaro ta'siri bo‘yicha o‘tkazilgan tadqiqotlarda xususan, psevdoefedrin yoki teofillin (sutkada 400 mg) bilan setirizinni ahamiyatga ega bo‘lgan farmakodinamik va farmakokinetik o‘zaro ta'siri aniqlanmagan.
Ovqat bilan bir vaqtda qabul qilinganida, dori vositasining so‘rilish darajasi pasaymaydi, biroq so‘rilish tezligi kamayadi.
Setirizin alkagol ta'sirini kuchaytirmasligiga (qon plazmasida etil spirtiningkontsentratsiyasi 0,5 g/l bo‘lganida) qaramay, setirizin bilan davolanganda alkagolni iste'mol qilish yoki MNTga susaytiruvchi ta'sir ko‘rsatadigan preparatlardan foydalanish yuqori sezuvchanligi bo‘lgan patsiyentlarda diqqatni va ishga bo‘lgan layoqatni qo‘shimcha pasayishiga olib kelishi mumkin.

Maxsus ko‘rsatmalar

Terapevtik dozalarda qo‘llanganida alkogol (qon plazmasida alkogolning kontsentratsiyasi 0,5 g/l bo‘lganida) bilan klinik jihatdan ahamiyatli o‘zaro ta'siri aniqlanmagan, shunday bo‘lsa-da, Rolinoz bilan davolanish vaqtida alkogolni iste'mol qilishda ehtiyotkorlikka rioya qilish lozim.
Preparat siydik tutilishiga moyilligi bo‘lgan patsiyentlarda qo‘llanganida ehtiyotkorlikka rioya qilish kerak (masalan orqa miyaning shikastlanishi, prostata bezining giperplaziyasi), chunki setirizin qo‘llanganida siydik tutilish xavfini oshishi mumkin.
Tutqanog‘i, shuningdek tirishishlar rivojlanishining xavf omillariga ega bo‘lgan patsiyentlarda Rolinoz qo‘llanganida ehtiyotkorlikka rioya qilish lozim. Terini allergologik testlarini o‘tkazishda antigistamin vositalar teri reaktsiyalarini susaytiradi, shuning uchun Rolinoz qo‘llanilishini test o‘tkazishdan uch kun oldin to‘xtatish lozim.
Setirizin bilan davolash to‘xtatilganidan keyinqichish va/yoki eshakemi kabi simptomlar, hatto ular davolashni boshlashdan oldin bo‘lmaganligida ham, rivojlanishi mumkin. Ba'zi holatlarda bu simptomlar ahamiyatli darajada ifodalangan bo‘lishi mumkin, bu davolashni qaytadan boshlashni talab etishi mumkin; qoida bo‘yicha ular preparat qaytadan qo‘llanganidan keyin o‘tib ketadi.
Yordamchi moddalar
Rolinoz allergik reaktsiyalarni (shu jumladan kechiktirilgan) chaqirishi mumkin bo‘lgan metilparagidroksibenzoat va propilparagidroksibenzoatni saqlaydi.
Rolinoz 1 ml eritmada 1 mmoldan kamroq natriyni (23 mg) saqlaydi, ya'ni deyarli “natriyni saqlamaydi”.
Rolinoz 1 ml eritmada 350 mg propilenglikolni saqlaydi.
Fertillik, homiladorlik va laktatsiyada qo‘llanishi
Homiladorlik
Homiladorlik vaqtida ayollarda setirizin qo‘llanishi xaqidagi prospektiv tadqiqotlardan olingan ma'lumotlarga muvofiq, dori vositasi ona organizmiga yoki embrion/homilaga potentsial toksik ta'sir ko‘rsatmaydi. Hayvonlarda o‘tkazilgan tadqiqotlarda setirizin homiladorlikka, embrion/homila rivojlanishiga, tug‘ish yoki postnatal rivojlanishga qanday bo‘lsa-da bevosita yoki bilvosita salbiy ta'sir ko‘rsatmaganligi aniqlangan. Rolinozni homiladorlik davridagi ayollarda ehtiyotkorlik bilan qo‘llash lozim.
Laktatsiya
Setirizin ko‘krak suti bilan ajralib chiqadi; uning ko‘krak sutidagi kontsentratsiyalari, dori vositasi qo‘llanganidan keyin sinama olingan vaqtga bog‘liq ravishda, qon plazmasdagi kontsentratsiyasining 25-90 % chegaralarida bo‘ladi. Bola uchun noxush reaktsiyalar xavfini inkor etib bo‘lmaydi, shuning uchun Rolinozni emizish davridagi ayollarda ehtiyotkorlik bilan qo‘llash lozim.
Fertillik
Setirizinni odam fertilligiga ta'sir qilishi haqidagi ma'lumotlar cheklangan, biroq dori vositasi qo‘llanganida potentsial xavflar topilmagan.
Hayvonlarda o‘tkazilgan tadqiqotlardan olingan ma'lumotlar asosida preparatning odam reproduktiv funktsiyasiga salbiy ta'sir qilishi kutilmaydi.
Avtotransportni haydash va mexanizmlarni boshqarish qobiliyatiga ta'siri
Tavsiya etilgan 10 mg dozada setirizinni avtotransportni haydash qobiliyatiga, konveyerdagi mehnat unumdorligigava uyquning davomiyligiga klinik jihatdan ahamiyatga ega bo‘lgan ta'sir etishi ob'ektiv baholashda aniqlanmagan. Shunday bo‘lsa-da, Rolinoz qo‘llanganda uyquchanlik sodir bo‘ladigan patsiyentlarga avtotransportni haydash yoki mexanizmlarni boshqarish va hayot uchun potentsial xavfli bo‘lgan faoliyat turlari bilan shug‘ullanish kerak emas; ularga setirizinni tavsiya etilganidan yuqori bo‘lgan dozalarda qabul qilmaslik, shuningdek organizmning dori preparatiga bo‘lgan reaktsiyasini hisobga olish tavsiya etiladi.

Dozani oshirib yuborilishi

Simptomlari. Setirizinning dozasini oshirib yuborilishida rivojlanadigan simptomlar dori vositasining asosan MNT ga ta'siri yoki uning antixolinergik ta'sirini ko‘rsatishi mumkin bo‘lgan ta'sirlarga bog‘liq.
Setirizin tavsiya etilgan sutkalik dozadan kamida 5 marta yuqori dozalarda qo‘llanilganidan so‘ng qayd qilingan noxush reaktsiyalar ongni chalkashishi, diareya, bosh aylanishi, toliqish, bosh og‘rig‘i, lohaslik, midriaz, qichishish, bezovtalik, sedatsiya, uyquchanlik, stupor, taxikardiya, tremor va siydikni tutilishini o‘z ichiga olgan.
Davolash. Spetsifik antidoti yo‘q. Setirizin dozasini oshirib yuborish holatlarida simptomatik yoki quvvatlab turuvchi davolashni o‘tkazish tavsiya etiladi. Agar preparat peroral qabul qilingan paytdan boshlab faqat 2 soatdan ko‘p bo‘lmagan vaqt o‘tgan bo‘lsagina, me'dani yuvish savolini ko‘rib chiqish lozim.
Setirizin organizmdan gemodializ orqali deyarli chiqarilmaydi.

Chiqarilish shakli

Ichga qabul qilish uchun tomchilar 20 ml dan sariq rangli shisha flakonda. Flakon tomchilagich-tiqin va bolalardan himoyalovchi tizimli qopqoq bilan ta'minlangan. 1 flakon tibbiyotda qo‘llanilishiga doir yo‘riqnomasi bilan birga karton qutida.

Saqlash sharoiti

25°S dan yuqori bo‘lmagan haroratda saqlansin. Bolalar ololmaydigan joyda saqlansin!

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

o‘tgach qo‘llanilmasin.

Dorixonalardan berish tartibi

Retseptsiz.