Avamis sprey. 27,5 mkg/miqdori 120 ta dan

Preparatning savdo nomi

Avamis™
Ta'sir etuvchi modda (XNP) flutikazon furoat

Dori shakli

nazal sprey

Tarkibi

Nazal spreyning 1 dozasi quyidagilarni saqlaydi
faol modda 0,0275 mg mikronlangan flutikazon furoati;
yordamchi moddalar 2,750 mg suvsiz glyukoza, 0,825 mg dispersiyali sellyuloza, 0,01375 mg polisorbat 80, 0,0165 mg benzalkoniy xloridi eritmasi, 0,00825 mg dinatriy edetati, tozalangan suv 50 mkl gacha.
Ta'rifi bir xil oq suspenziya.

Farmakoterapevtik guruhi

Antiallergik vosita. Mavsumiy allergik rinit va yil bo‘yi kuzatiladigan allergik rinitni davolash uchun qo‘llanadigan kortikosteroid.

Farmakologik xususiyatlari

Ta'sir mexanizmi
Flutikazon furoati – glyukokortikoid retseptorlarga juda yuqori affinlikka ega bo‘lgan sintetik triftorlangan glyukokortikosteroid bo‘lib, yaqqol yallig‘lanishga qarshi ta'sirga ega.

Farmakokinetikasi

So‘rilishi
Flutikazon furoati to‘liq so‘rilmay, jigarda birlamchi metabolizmga uchraydi, bu sezilarsiz darajada tizimli ta'sir qilishga olib keladi. 110 mkg dozada sutkada 1 marta intranazal yuborish odatda plazmada aniqlanadigan kontsentratsiyaga (<10 pg/ml) erishishga olib kelmaydi. 880 mkg dozada sutkada 3 marta (sutkalik dozasi 2640 mkg) intranazal yuborilganida flutikazon furoatining mutloq biokiraolishligi 0,50% ni tashkil etadi.
Taqsimlanishi
Flutikazon furoati plazma oqsillari bilan 99% dan ortiq bog‘lanadi. Muvozanatli kontsentratsiyasiga erishilganida flutikazon furoati keng taqsimlanish hajmiga ega bo‘lib, o‘rtacha 608 l ni tashkil etadi.
Metabolizmi
Flutikazon furoati, asosan jigarda sitoxrom R450 tizimining CYP3A4 izofermenti ta'sirida nofaol 17 β-karboksil metaboliti (GW694301X) gacha metabolizmga uchrashi natijasida plazmadan tez chiqariladi (plazmadagi umumiy klirensi soatiga 58,7 l). Asosiy metabolizm yo‘li S-fluorometil karbotioatni 17 β-karboksil kislotasi metabolitigacha gidrolizlanishi hisoblanadi. In vitro sharoitlarda o‘tkazilgan tadqiqotlar furoat molekulasini flutikazongacha parchalanishi kuzatilmasligini ko‘rsatdi.
Chiqarilishi
Peroral yuborilganida va vena ichiga yuborilganida flutikazon furoati va uning metabolitlarini chiqarilishi asosan ichak orqali amalga oshadi, bu ularni safro bilan chiqarilishini ko‘rsatadi. Vena ichiga yuborilganida yarim chiqarilish davri o‘rtacha 15,1 soatni tashkil etadi. Ichga qabul qilinganida va vena ichiga yuborilganida buyrak orqali muvofiq ravishda 1% va 2% chiqariladi.
Maxsus patsiyentlar guruhi
Keksa yoshdagi patsiyentlar
Farmakokinetik ma'lumotlar ko‘p bo‘lmagan keksa yoshdagi patsiyentlar (n=23/872; 2,6%) uchun keltirilgan. Keksa yoshdagi patsiyentlarda flutikazon furoatning kontsentratsiyasini aniqlab bo‘ladigan miqdori yosh patsiyentlarga nisbatan yuqoriligini tasdiqlovchi ma'lumotlar yo‘q.
Bolalar
Flutikazon furoati bolalarga 110 mkg dozada sutkada 1 marta intranazal qo‘llanganida miqdoriy jihatdan aniqlash mumkin bo‘lgan kontsentratsiyalarda (<10 pg/ml) odatda aniqlanmaydi. Miqdoriy jihatdan aniqlanadigan kontsentratsiyalari 16% dan kamroq bolalarga 110 mkg dozada sutkada 1 marta intranazal qo‘llanganida va 7% dan kamroq bolalarga 55 mkg dozada sutkada 1 marta intranazal qo‘llanganida qayd etilgan. 6 yoshdan kichik bo‘lgan bolalarda flutikazon furoatining kontsentratsiyasini oshishi ko‘proq kuzatilishidan dalolat beruvchi ma'lumotlar yo‘q.
Buyrak faoliyatini buzilishi
Flutikazon furoati intranazal qo‘llanganidan so‘ng sog‘lom ko‘ngillilarning siydigida aniqlanmagan. 1% dan kamroq metabolitlari buyrak orqali chiqariladi, shunday qilib, buyrak faoliyatini buzilishi flutikazon furoatining kontsentratsiyasiga nazariy jihatdan ta'sir ko‘rsatmaydi.
Jigar faoliyatini buzilishi
Jigar faoliyatini buzilishi bo‘lgan patsiyentlarda flutikazon furoatini intranazal qo‘llash bo‘yicha ma'lumotlar yo‘q. Flutikazon furoatini (flutikazon furoati yoki flutikazon furoati/vilanterol majmuasi ko‘rinishida) jigar faoliyatini buzilishi bo‘lgan patsiyentlarda ingalyatsion qo‘llanishi bo‘yicha mavjud ma'lumotlar intranazal chiqarilish shakli uchun xam to‘g‘ri kelishi mumkin. Jigar faoliyatini o‘rtacha darajada buzilishi (Chayld-Pyu tasnifi bo‘yicha V bosqichi) bo‘lgan patsiyentlarda o‘tkazilgan tadqiqotlar, flutikazon furoati 400 mkg dozada sutkada 1 marta ingalyatsion qo‘llanganida sog‘lom ko‘ngillilarga nisbatan Smax 42% ga oshishi va AUC (0-∞) 172% ga oshishini ko‘rsatdi. Ingalyatsion flutikazon furoati/vilanterolni 7 kun davomida uzluksiz qabul qilingandan so‘ng jigar faoliyatini o‘rtacha va og‘ir darajada buzilishi (Chayld-Pyu tasnifi bo‘yicha V yoki S bosqichi) bo‘lgan patsiyentlarda flutikazon furoatining tizimli ekspozitsiyasini (AUC(0-24) bo‘yicha o‘rtacha ikki martagacha aniqlangan) sog‘lom ko‘ngillilarga nisbatan oshishi kuzatilgan. Flutikazon furoatining tizimli ekspozitsiyasini (flutikazon furoati/vilanterol majmuasini 200/25 mikrogramm dozada buyurilganda) jigar faoliyatini o‘rtacha og‘irlik darajasida buzilishi bo‘lgan patsiyentlarda oshishi, sog‘lom ko‘ngillilarga nisbatan zardobdagi kortizolning kontsentratsiyasini o‘rtacha 34% ga pasayishi bilan assotsiatsiyalangan. Jigar faoliyatini og‘ir darajadagi buzilishi bo‘lgan patsiyentlarda flutikazon furoati/vilanterolni pasaytirilgan dozada 100/12,5 mkg buyurilganda zardobdagi kortizolning kontsentratsiyasini pasayishi kuzatilmagan.
Ushbu kuzatuvlar asosida, bu patsiyentlar guruhida flutikazon furoatining 110 mkg dozada intranazal qo‘llanganidagi o‘rtacha, taxmin qilingan ta'siri, kortizolni supressiyasiga olib kelmaydi.
Boshqa patsiyentlar guruhi
Flutikazon furoati 110 mkg dozada sutkada 1 marta intranazal yuborilganida uning kontsentratsiyasi odatda aniqlanmaydi (<10 pg/ml). Preparatning aniqlanishi mumkin bo‘lgan kontsentratsiyalari 12 yoshdan va undan oshgan patsiyentlarning faqat 31% kamroq qismida va pediatrik patsiyentlarning 16% dan kamroq qismida 110 mkg dozada sutkada 1 marta intranazal buyurilganida kuzatilgan. Kontsentratsiyani aniqlashni bo‘sag‘asi ham yuqori, ham past bo‘lishini patsiyentlarning jinsi, yoshi (shu jumladan bolalar) irqiga bog‘liqligi aniqlanmagan.

Qo‘llanilishi

Kattalar va o‘smirlar (12 yosh va undan katta)
Mavsumiy allergik rinitning nazal va ko‘z simptomlarini davolash.
Yil bo‘yi kuzatiladigan allergik rinitning nazal simptomlarni davolashda qo‘llanadi.
Bolalar (2 yoshdan 11 yoshgacha)
Mavsumiy va yil bo‘yi kuzatiladigan allergik rinitning nazal simptomlarini davolashda qo‘llanadi.

Qo‘llash usuli va dozalari

Avamis™ nazal sprey faqat intranazal yuborish uchun mo‘ljallangan. Maksimal terapevtik samaraga erishish uchun muntazam qo‘llash sxemasiga rioya qilish kerak. Preparatning ta'sirini boshlanishi birinchi marta yuborilganidan so‘ng 8 soat davomida kuzatilishi mumkin. Maksimal samaraga erishish uchun bir necha kun talab qilinishi mumkin. Preparatning samarasini zudlik bilan kuzatilmayotganlik sababini patsiyentga tushuntirish kerak.
Mavsumiy va yil bo‘yi kuzatiladigan allergik rinitni simptomatik davolash uchun
Kattalar va o‘smirlar (12 yosh va undan katta)
Tavsiya etilgan boshlang‘ich dozasi – har bir burun yo‘liga 2 purkashdan (1 purkashda
27,5 mkg flutikazon furoati chiqadi) sutkada 1 marta (sutkada 110 mkg) qo‘llanadi.
Kasallikning simptomlarni adekvat nazorat qilishga erishilganida dozasini har bir burun yo‘liga 1 purkashdan sutkada 1 martagacha (sutkada 55 mkg) kamaytirish samarani bir maromda saqlab turuvchi davolash uchun samarali bo‘lishi mumkin.
Bolalar (2 yoshdan 11 yoshgacha)
Tavsiya etilgan boshlang‘ich dozasi – har bir burun yo‘liga 1 purkashdan (1 purkashda
27,5 mkg flutikazon furoati chiqadi) sutkada 1 marta (sutkada 55 mkg) qo‘llanadi.
Har bir burun yo‘liga sutkada 1 marta bitta purkashda kutilgan samara kuzatilmaganda har bir burun yo‘liga sutkada 1 marta ikkita purkashgacha (sutkada 110 mkg) oshirish mumkin. Kasallikning simptomlarini adekvat nazorat qilishga erishilganida dozasini har bir burun yo‘liga sutkada 1 marta bitta purkashgacha (sutkada 55 mkg) kamaytirish tavsiya etiladi.
Bolalar (2 yoshgacha)
2 yoshgacha bo‘lgan bolalarda mavsumiy va yil bo‘yi kuzatiladigan allergik rinitlarni davolash sifatida Avamis™ nazal sprey preparatini qo‘llashga tavsiya etish uchun ma'lumotlar yetarli emas.
Keksa yoshdagi patsiyentlar
Dozaga tuzatish kiritish talab etilmaydi (

Farmakokinetikasi

ga qarang).
Buyrak yetishmovchiligida qo‘llanishi
Dozaga tuzatish kiritish talab etilmaydi (

Farmakokinetikasi

ga qarang).
Jigar yetishmovchiligida qo‘llanishi
Jigar yetishmovchiligi bo‘lgan patsiyentlarda dozaga tuzatish kiritish talab etilmaydi (

Maxsus ko‘rsatmalar

va

Farmakokinetikasi

ga qarang).
Preparatdan foydalanish qoidalari va muomala qilish usullari
Sprey birinchi marta ishlatilganida, shuningdek agar flakon ochiq qolgan bo‘lsa, qo‘llashga tayyorgarlik o‘tkazish kerakligi xaqida patsiyentlarga tushuntirish kerak. Spreyni qo‘llashga to‘g‘ri tayyorlash preparatning kerakli dozasini purkashni ta'minlaydi. Preparatni ishlatganda patsiyentlar bosqichma-bosqich qo‘llash yo‘riqnomasiga rioya qilishlari kerak.
Nazal sprey preparatning 120 dozasini saqlovchi plastik futlyarga joylangan qahrabo rangli shisha flakonda chiqariladi. Plastik futlyardagi indikator darcha flakondagi preparatning miqdorini nazorat qilish imkonini beradi. Preparatning boshlang‘ich darajasi ko‘ruv darchasining yuqori chegarasidan yuqorida bo‘ladi
(a rasmga qarang). Flakondagi preparatning miqdorini tekshirish uchun unga yorug‘da qarash kerak. Preparatning darajasi ko‘ruv darchasida ko‘rinadi.
1. Flakonning qalpoqchasini yechmasdan, flakon 10 sekund davoamida yaxshilab chayqatilsin. Preparat yetarli darajada quyuq suspenziyadir va chayqatilganida suyuqroq bo‘ladi. Flakonni chayqatilganidan keyingina purkash mumkin.
2. Qalpoqchasi bosh va ko‘rsatkich barmoqlar yordamida asta-sekin yechiladi.
3. Flakon vertikal holda ushlanadi va uchligi o‘zingizdan uzoqlashtiriladi.
4. Uchligini atrofida uncha katta bo‘lmagan tumanlik paydo bo‘lmagunicha, uchligining tugmachasi bir necha marta (minimum 6 marta) kuch bilan bosiladi.
Agar tugmani faqat bosh barmoq bilan bosish imkoni bo‘lmasa, u holda uni har ikkala qo‘lning bosh barmoqlari bilan bosiladi.
5. Nazal sprey bo‘lgan flakon ishlatilayotgan vaqtda, flakonni doimo yopiq holda saqlash kerak. Qalpoqchasi purkagichni changdan va tiqilib qolishdan himoya qiladi va flakonni germetik holda saqlaydi. Bundan tashqari, qalpoqcha tugmani bexosdan bosilib ketishini oldini oladi.
6. Uchlikning tirqishini to‘nog‘ich yoki boshqa o‘tkir jismlar bilan tozalashga harakat qilish kerak emas. Ular flakonni shikastlashi mumkin.
Sprey birinchi marta ishlatilganida, shuningdek flakon ochiq holda qolganda, qo‘llashga tayyorlash kerak. Qo‘llashga to‘g‘ri tayyorgarlik ko‘rish preparatning kerakli dozasini purkash imkonini beradi.
1. Flakonning qalpoqchasini yechmasdan, flakon 10 sekund davomida yaxshilab chayqatiladi.
2. Qalpoqchasi bosh va ko‘rsatkich barmoqlar yordamida asta-sekin yechiladi.
3. Flakon vertikal holda ushlanadi va uchligi o‘zingizdan uzoqlashtiriladi.
4. Uchligini atrofida uncha katta bo‘lmagan tumanlik paydo bo‘lmagunicha, uchligining tugmachasi bir necha marta (minimum 6 marta) kuch bilan bosiladi.
5. Sprey qo‘llashga tayyor.
Nazal spreyni qo‘llash
1. Flakon yaxshilab chayqatiladi.
2. Qalpoqcha yechiladi.
3. Burun tozalanadi va boshni biroz oldinga egiladi.
4. Flakonni vertikal holda ushlab, uchligi bitta burun yo‘liga kiritiladi.
5. Purkagichning uchligi burun to‘sig‘iga emas, balki burunning tashqi devoriga yo‘naltiriladi. Bu preparatni to‘g‘ri purkash imkonini beradi.
6. Burun orqali nafas olish boshlanadi va preparatni purkash uchun barmoqlar yordamida bir marta bosiladi.
7. Spreyni ko‘zlarga tushishidan saqlanish kerak. Preparat ko‘zlarga tushganida, ular suv bilan yaxshilab yuviladi.
8. Purkagich burun yo‘lidan chiqariladi va og‘iz orqali nafas chiqariladi.
9. Agar har bir burun yo‘liga ikkita purkash (shifokorning tavsiyasi bo‘yicha) kerak bo‘lsa, 4-6 punktlarni takrorlash kerak.
10. Muolaja boshqa burun yo‘li uchun ham shunday takrorlanadi.
11. Flakon qalpoqcha bilan yopiladi.
Purkagichni parvarish qilish
Har safar qo‘llanganidan keyin
1. Flakonning uchligi va qalpoqchasining ichki yuzasi quruq salfetka yordamida artiladi. Suv tushishidan saqlanish kerak.
2. Uchligining tirqishini to‘nog‘ich va boshqa o‘tkir jismlar bilan tozalashga harakat qilinmasin.
3. Flakonni doimo yopish va yopiq holda saqlash kerak. Qalpoqchasi purkagichni changdan va tiqilib qolishdan himoya qiladi, flakonni germetik holda saqlaydi, tugmani bexosdan bosilib ketishini oldini oladi.
Agar purkagich ishlamay qolsa
1. Flakonda qolgan preparatning miqdori ko‘ruv darchasi orqali tekshiriladi. Agar juda kam miqdorda suyuqlik qolgan bo‘lsa, u purkagich ishlashi uchun yetarli bo‘lmasligi mumkin.
2. Flakonda shikastlanishlar borligi tekshiriladi.
3. Uchligining tirqishi tiqilib qolmaganligi tekshiriladi. Uchligining tirqishini to‘nog‘ich yoki boshqa o‘tkir jismlar bilan tozalashga harakat qilinmasin.
4. Nazal spreyni qo‘llashga tayyorlash muolajasini takrorlab, moslamani ishlatishga harakat qilinadi.
5. Agar u shunda ham ishlamasa, yoki agar purkalganida tuman hosil bo‘lmasa (masalan, suyuqlik oqimi holida), yoki sprey qabul qilinganda qandaydir noqulaylik his etsangiz, farmatsevtga qaytarib bering.
Nojo‘ya ta'sirlari
Nojo‘ya reaktsiyalarning uchrash chastotasini aniqlash uchun yirik klinik tadqiqotlarning ma'lumotlaridan foydalanilgan.
Uchrash chastotasi quyidagi tarzda aniqlanadi juda tez-tez (≥1/10), tez-tez (≥1/100 va <1/10), ba'zida (≥1/1000 va <1/100), kam hollarda (≥1/10000 va <1/1000), juda kam hollarda (<1/10000).
Klinik tadqiqotlarning ma'lumotlari
Nafas tizimi, ko‘krak qafasi va ko‘ks oralig‘i a'zolari tomonidan
Juda tez-tez burundan qon ketishi
Kattalar va o‘smirlarda burundan qon ketish holatlari preparatni uzoq muddat (6 haftadan ortiq) qo‘llanganida, qisqa muddat (6 haftagacha) qo‘llangandagiga nisbatan ko‘proq kuzatilgan. Bolalarda o‘tkazilgan tadqiqotlarda 12 haftagacha qadar davom etgan davolashda burundan qon ketish hollarining soni flutikazon furoati va platsebo qabul qilgan guruhlarda bir xil bo‘lgan.
Tez-tez burun bo‘shlig‘ining shilliq qavatida yaralarni hosil bo‘lishi.
Bolalar
Skelet-mushak tizimi va biriktiruvchi to‘qimalar tomonidan
Noma'lum o‘sishni kechikishi
Bir yillik klinik tadqiqotlarda 110 mkg dan flutikazon furoatini sutkada 1 marta qabul qilgan prepubertat yoshidagi bolalarning bo‘yi baholangan, bo‘yini o‘sishidagi farq 1 yilda platseboga nisbatan - 0,27 sm ni tashkil qilgan (Klinik tadqiqotlarga qarang).
Postmarketing ma'lumotlar
Immun tizimi tomonidan buzilishlar
Kam o‘ta yuqori sezuvchanlik reaktsiyalari, jumladan anafilaksiya, Kvinke shishi, toshma, eshakemi.
Nerv tizimi tomonidan
Tez-tez bosh og‘rig‘i
Nafas tizimi, ko‘krak qafasi va ko‘ks oralig‘i a'zolari tomonidan
Ba'zida burun bo‘shlig‘ida og‘riq, burun bo‘shlig‘ida diskomfort hissi (shu jumladan, burun bo‘shlig‘ini achishishi, ta'sirlanishi va og‘riq), burun bo‘shlig‘ini qurishi .

Qo‘llash mumkin bo‘lmagan holatlar

AvamisTM nazal spreyni preparatning komponentlaridan birontasiga o‘ta yuqori sezuvchanligi bo‘lgan patsiyentlarda qo‘llash mumkin emas.
Dorilarning o‘zaro ta'siri
Flutikazon furoatining farmakokinetikasiga boshqa dori vositalarning ta'sir etish xususiyati.
Flutikazon furoati sitoxrom tizimining R450 3A4 izofermenti ta'sirida birlamchi metabolizmga uchraydi. Flutikazon furoati va CYP3A4 ingibitori ketokonazolni o‘zaro ta'siri bo‘yicha o‘tkazilgan tadqiqotlarda plazmada flutikazon furoatining kontsentratsiyasini aniqlanish hollari ketokonazol guruhida (20 patsiyentdan 6 tasida) platseboga nisbatan (20 patsiyentdan 1 tasida) ko‘proq kuzatilgan. Bunday biroz oshish har ikkala guruh o‘rtasida 24 soat davomida plazmada kortizolning miqdorini statistik ahamiyatli farqlanishiga olib kelmagan.
Nazariy ma'lumotlar asosida flutikazon furoati sitoxrom R450 izofermentlar tizimi ishtirokida metabolizmga uchraydigan boshqa dori vositalari bilan intranazal qo‘llanganida dorilarni biron bir o‘zaro ta'siri kuzatilmaydi. Shuning uchun flutikazon furoati va boshqa dori vositalarni o‘zaro ta'sirini o‘rganish bo‘yicha klinik tadqiqotlar o‘tkazilmagan (

Maxsus ko‘rsatmalar

va

Farmakokinetikasi

bo‘limlariga qarang).
Nomutanosibligi
Nomutanosibligi aniqlanmagan.

Maxsus ko‘rsatmalar

CYP3A4 izoferment ishtirokida metabolizmga uchraydigan boshqa glyukokortikosteroidlardan olingan ma'lumotlar asosida, flutikazon furoatning tizimli o‘zaro ta'sirini potentsial oshishi xavfi borligi sababli preparatni ritonavir bilan birga yuborish tavsiya etilmaydi (Dorilarning o‘zaro ta'siri va

Farmakokinetikasi

bo‘limlariga qarang).
Nazal glyukokortikosteroidlar, ayniqsa yuqori dozalarda uzoq vaqt davomida qo‘llanganida, tizimli samaralar xaqida xabarlar berilgan. Bu samaralarni rivojlanish ehtimoli glyukokortikosteroidlar peroral qo‘llangandagiga nisbatan kam va patsiyentga va qo‘llanayotgan glyukokortikosteroidga qarab, individual ravishda o‘zgarishi mumkin. Flutikazon furoatini 110 mkg dan sutkada 1 marta bir yil davomida qabul qilgan bolalarda, o‘sish tezligini pasayishi kuzatilgan (Nojo‘ya ta'sirlari bo‘limiga qarang). Shuning uchun bolalarga kasallikning simptomlarini nazorat qilishni ta'minlaydigan eng kichik dozalarda qo‘llash kerak (Qo‘llash usullari va dozalari bo‘limiga qarang). Boshqa intranazal glyukokortikosteroidlar qo‘llanganda bo‘lgani kabi, shifokorlar steroidlarni qo‘llash bilan bog‘liq bo‘lgan potentsial tizimli samaralar, jumladan oftalmologik o‘zgarishlarga nisbatan xushyor bo‘lishlari kerak.
Homiladorlik va laktatsiya davrida qo‘llanishi
Homiladorlik va laktatsiya
Homiladorlik va laktatsiya davrida Avamis™ nazal sprey preparatini qo‘llash bo‘yicha ma'lumotlar yetarli emas. Avamis™ nazal sprey preparati homiladorlarda faqat, agar ona uchun kutilgan foyda homila uchun potentsial havfdan ustun bo‘lgan holdagina qo‘llanishi mumkin.
Fertillik
Odamlardan olingan ma'lumotlar yo‘q.
Homiladorlik
Avamis™ nazal sprey odamlar uchun maksimal tavsiya etilgan dozalarda (sutkada 110 mkg) intranazal qo‘llanganidan so‘ng qon plazmasida flutikazon furoatining kontsentratsiyasi aniqlab bo‘lmaydigan darajada bo‘lgan va shuning uchun reproduktiv toksiklikni potentsial rivojlanish xavfi juda kam hisoblanadi.
Laktatsiya
Flutikazon furoatini ko‘krak sutiga ajralib chiqishi o‘rganilmagan.
Mexanizmlarni boshqarish qobiliyatiga yoki kognitiv malakasiga ta'siri
Flutikazon furoati va intranazal qo‘llanadiigan boshqa GKS ning farmakologik hususiyatlarini e'tiborga olib, avtotransport yoki boshqa mexanizmlarni boshqarish qobiliyatiga ta'siri taxmin qilinmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari va belgilari
Preparatni biokiraolishligi bo‘yicha o‘tkazilgan tadqiqotlarda preparat kattalar uchun tavsiya etilgan dozalardan 24 marta ortiq dozalarda intranazal qo‘llangan, bunda noxush tizimli reaktsiyalar kuzatilmagan (

Farmakokinetikasi

bo‘limiga qarang).
Davolash
Preparatning dozasini o‘tkir oshirib yuborilishi tibbiy kuzatuvdan tashqari boshqa davolashni talab etish ehtimoli kam.

Chiqarilish shakli

Dozalangan nazal sprey 27,5 mkg/doza, 120 doza.
Suspenziya ko‘rinishidagi nazal sprey dozalovchi moslamasi bo‘lgan qahrabo rangli shisha flakonda. Flakon och-zangori rangli dastagi va qopqoqchasi bo‘lgan, cheklovchi moslamadan iborat yon tomonlarini siquvchi oqish rangli plastik futlyarga joylangan.
Preparatning o‘rami ichidagisining massasi kamida 120 dozani yetkazish uchun yetarlidir.
Bir flakon qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

+30oS dan past haroratda saqlansin.
Sovutilmasin va muzlatilmasin.

Yaroqlilik muddati

24 oy.
Ochilganidan keyin ishlatish muddati – 2 oy.

Dorixonalardan berish tartibi

Retsept bo‘yicha

Ishlab chiqaruvchi

Glaxo Operations UK Limited
Priory Street, Ware,
Hertfordshire SG12 0DJ,
UKGlakso Opereyshns YuK Limited
Priori ko‘ch., Ver,
Xartfordshir, SG12 0DJ,
Buyuk Britaniya
AVAMYS “GlaxoSmithKline Export Ltd”, kompaniyalar guruhining savdo belgisi hisoblanadi.
Qo‘shimcha ma'lumot olish uchun quyidagi manzilga murojaat qiling
O‘zR dagi “GlaxoSmithKline Export Ltd” vakolatxonasi
100031, Toshkent sh., Afrosiyob ko‘ch.,4a.
Tel. (371) 252 5461 faks (371) 252 5422