Preparatning savdo nomi
Klaranta
Ta'sir etuvchi modda (XPN) klaritromitsin

Dori shakli
qobiq bilan qoplangan tabletkalar.

Tarkibi

Har bir tabletka 250 mg dan yoki 500 mg dan quyidagilarni saqlaydi
Faol modda
Klaritromitsin AQShF..............500 mg
yoki
Klaritromitsin AQShF..............250 mg
Yordamchi moddalar mikrokristall sellyuloza, natriy lauril sulfati, magniy stearati, gipromelloza, kolloidli kremniy dioksidi, instakoat Akua-III (IA-III-40474), tozalangan suv.
Ta'rifi
Klaranta 250 tabletkalari sariq rangli, dumaloq, ikki tomonlama qabariq, plyonka bilan qoplangan tabletkalar.
Klaranta 500 tabletkalari sariq rangli, kapsula shaklli, plyonka bilan qoplangan, bir tomonida bo‘luvchi chizig‘i bo‘lgan tabletkalar.

Farmakoterapevtik guruhi
antibiotiklar (makrolidlar guruhi).
ATX kodi J01FA09.


Farmakologik xususiyatlari

Klaranta unga sezgir bakteriya hujayralarida 50S ribosomal subbirliklar bilan bog‘lanib, shu orqali oqsil sintezini bostirib mikroblarga qarshi faollik namoyon qiladi. Klaritromitsinni mikroblarga qarshi asosan bakteriostatik ta'sir ko‘rsatadi. Klaranta quyidagi mikroorganizmlar doirasiga nisbatan antibakterial faollik namoyon qiladi
grammusbat bakteriyalar Streptococcus agalactiae, Streptococcus pyogenes, Streptococcus viridans, Streptococcus pneumoniae, Listeria monocytogenes, Staphylococcus aureus;
grammanfiy bakteriyalar Haemophilus influenzae, Haemophilus parainfluenzae, Neisseria gonorrheae, Legionella pneuophila, Pasteurella multocids, Helicobacter pylori, Campylobacter jejuni, Moraxella (Branthamela) catarrhalis, Bordetella pertussis;
boshqa mikroorganizmlar Chlamydia pneumoniae (TWAR), Chlamydia trachomatis, Borrelia burgoferi, Mycobacterium avium, Mycobacterium intracellular, Mycobacterium leprae, Mycobacterium chelonae, Mycobacterium fortuitum, Mycobacterium kansasii lardan tashkil topgan Mycobacterium avium (MAC) majmuasi, Ureaplasma urealyticum, Toxoplasma gondii; anaerob mikroorganizmlar Clostridium perfringes, Peptococcus niger, Propionbacterium acnes, Bacteroides melaninogenicus;
mikoplazmalar Mycoplasma pneumoniae.

Farmakokinetikasi

Klaranta ichga qabul qilinganida tez va faol so‘riladi, uning biologik kiraolishligi taxminan 50% ni tashkil qiladi. Preparatni bevosita buyurishdan oldin ovqat qabul qilish klaritromitsinning so‘rilishini boshlanishini biroz sekinlashtiradi, ammo uning biologik kiraolishligiga ta'sir qilmaydi.
Preparat 250 mg dan sutkada 2 marta buyurilganida klaritromitsinning plazmadagi maksimal muvozanatli kontsentratsiyasiga (Smax) 2-3 kundan keyin erishiladi.
Preparat asosan jigarda faol 14-gidroklaritromitsin metabolitini hosil qilib metabolizmga uchraydi. Klaritromitsin va faol metaboliti 14-gidroksiklaritromitsin organizmning barcha to‘qima va suyuqliklariga tez taqsimlanadi. Ichga qabul qilinganidan keyin klaritromitsinning to‘qimalardagi kontsentratsiyasi (ayniqsa o‘pkada) qon plazmasidagiga qaraganda bir necha marta yuqori. Yarim chiqarilish davri dozaga bog‘liq bo‘lib 3 soatdan 9 soatgachani tashkil qiladi.
Preparat organizmdan asosan siydik va ahlat bilan chiqariladi.


Qo‘llanilishi

Klaranta unga sezgir mikroorganizmlar chaqirgan quyidagi infektsion kasalliklarni davolash uchun qo‘llanadi
• yuqori nafas yo‘llarining infektsiyalari, masalan, faringit, sinusit;
• quyi nafas yo‘llarining infektsiyalari, masalan, bronxitlar, pnevmoniya;
• teri va yumshoq to‘qimalarning infektsiyalari, masalan, follikulitlar, flegmonalar, saramasli yallig‘lanish;
• tarqalgan va tarqalmagan mikobakteriyalar, legionellalar va xlamidiyalar chaqirgan infektsiyalar;
• H.Pylori chaqirgan gastrit, me'da va o‘n ikki barmoq ichak yarasi.


Qo‘llash usuli va dozalari

Nafas yo‘llari, teri va yumshoq to‘qimalarining infektsion kasalliklarida kattalarga Klarantaning tavsiya qilinadigan odatdagi dozalari - 250 mg dan sutkada 2 marta buyuriladi. Og‘irroq hollarda dozani 500 mg gacha sutkada 2 marta oshirish mumkin. Davolash davomiyligi ko‘pchilik hollarda 6 kundan 14 kungachani tashkil qiladi.
Mikobakteriyalar chaqirgan infektsion kasalliklarda kattalarga boshlang‘ich tavsiya qilinadigan doza 500 mg dan sutkada 2 marta buyuriladi. 3-4 hafta davomida klinik va bakterial javob bo‘lmaganida dozani 1000 mg gacha sutkada 2 marta oshirish mumkin.
Mycobacterium avium (MAC) majmuasi chaqirgan infektsiyalarni oldini olish uchun kattalarga tavsiya qilinadigan doza – 500 mg dan sutkada 2 marta buyuriladi.
Buyrak yetishmovchiligida kreatinin klirensi minutiga 30 ml dan kam bo‘lgan bemorlarda Klarantaning odatdagi dozasining yarmini, ya'ni 250 mg dan sutkada 1 marta yoki og‘ir infektsiyalarda 250 mg dan sutkada 2 marta buyuriladi. Bunday bemorlarni davolash 14 kundan oshmasligi kerak.
H.Pylori chaqirgan gastrit, me'da va o‘n ikki barmoq ichak yarasida 500 mg dan sutkada 2 marta 7-14 kun davomida buyuriladi.

Nojo‘ya ta'sirlari
Me'da-ichak yo‘llari va jigar tomonidan tez-tez - ko‘ngil aynishi, qusish, qorin og‘riqlari, diareya, soxta membranoz kolit, glossit, stomatit, og‘iz bo‘shlig‘i shilliq qavatining kandidozi va tilning rangini o‘zgarishi, ta'mni o‘zgarishi; kam hollarda – qon zardobida jigar fermentlari faolligini oshishi, xolestaz va sariqlikni rivojlanishi bilan bo‘lgan holatlar.
Nerv tizimi tomonidan bosh og‘rig‘i, kam hollarda uyqusizlik.
Yurak – qon tomir tizimi tomonidan QT intervalini uzayishi, yurak qorinchalar aritmiyasi, shu jumladan yurak qorinchalarni paroksizmal taxikardiyasi va yurak qorinchalarni titrashi-lipillashi.
Allergik reaktsiyalar ularning jadalligi, eshakemi va teri toshmasidan to anafilaksiya va Stivens-Djonson sindromigacha o‘zgaradi.
Boshqalar eshitishni pasayishi, hansirash, kam hollarda - gipoglikemiya.



Qo‘llash mumkin bo‘lmagan holatlar

Makrolidlar guruhi antibiotiklariga yuqori sezuvchanlik.
Klaritromitsin bilan davolashda sizaprid, pimozid, astemizol va terfenadinni qabul qilish taqiqlanadi.

Dorilarning o‘zaro ta'siri
Klarantani sizaprid, pimozid, terfenadin va astemizol bilan bir vaqtda qo‘llash ularni qondagi kontsentratsiyasini oshishiga QT intervalini uzayishi va yurak aritmiyalarini, shu jumladan yurak qorinchalarning paroksizmal taxikardiyasi, yurak qorinchalar fibrillyatsiyasi va yurak qorinchalarni titrashi–lipillashni rivojlanishiga olib keladi.
Klaritromitsinni sitoxrom R450 tizimi ishtirokida metabolizmga uchraydigan dori vositalari (karbamazepin, takrolimus, geksobarbital, alfentanil, bromkriptin, valproat, lovastatin, disopiramid, fenitoin, siklosporin) bilan bir vaqtda qo‘llash bu preparatlarning zardobidagi kontsentratsiyasini oshishi va ularning samarasini kuchayishi bilan birga kechadi. Klaritromitsin bilan bir vaqtda qo‘llanganida bu dorilarning zardobdagi kontsentratsiyasini nazorat qilish zarurati tug‘ilishi mumkin.
Klaritromitsinni va gidroksimetilglutaril-SoA-reduktaza ingibitorlari-lovastatin va simvastatin bir vaqtda buyurilganida kamdan-kam hollarda skelet mushaklarining o‘tkir nekrozi rivojlanishi mumkin.
Digoksin va klaritromitsin tabletkalarini bir vaqtda qabul qilayotgan bemorlarda qon plazmasida digoksin kontsentratsiyasini oshishi aniqlanadi. Shuning uchun bunday bemorlarda digitalis intoksikatsiyasidan saqlanish uchun, muntazam digoksinning qon zardobidagi miqdorini nazorat qilish kerak.
Klaritromitsin triazolam klirensini kamaytirishi va shunday qilib uning uyquchanlik va ongni chalkashishini rivojlanishi bilan farmakologik samaralarini oshishi mumkin.
Klaritromitsin va ergotamin yoki digidroergotaminni bir vaqtda qo‘llansa, o‘tkir ergotamin intoksikatsiyasi bo‘lgan ayrim bemorlarda periferik qon tomirlarning spazmi va sezuvchanlikni o‘zgarishi bilan bog‘liq.


Maxsus ko‘rsatmalar

Klaritromitsin va boshqa makrolidlar guruhi antibiotiklari, shuningdek linkomitsin va klindamitsin orasida qarama-qarshi chidamlilik bo‘lishi mumkinligiga e'tibor berish kerak.
Preparatni jigar yetishmovchiligi bo‘lgan bemorlarga buyurishda ehtiyotkorlikka rioya qilish kerak. Ammo buyrak faoliyati me'yorda saqlangan o‘rtacha yoki og‘ir jigar yetishmovchiligi bo‘lgan bemorlarda klaritromitsinning dozasini tuzatish kiritish talab qilinmaydi.
Tuberkulyozdan tashqari, mikobakteriyalar chaqirgan infektsion kasalliklarda, davolashning davomiyligini shifokor belgilaydi.
Keksa yoshdagi shaxslarda qo‘llanilganida dozani pasaytirish talab qilinmaydi.
Homiladorlik va emizish davrida qo‘llash
Homiladorlik va emizish vaqtida KLARANTAning xavfsizligi aniqlanmagan. Shuning uchun homiladorlik davrida KLARANTAni faqat muqobil davolash bo‘lmaganida, agarda kutiladigan foyda homilaga bo‘lishi mumkin bo‘lgan xavfdan ustun bo‘lgan hollarda buyurish mumkin. KLARANTA ko‘krak sutiga o‘tadi, shuning uchun uni emizikli onalarda qo‘llash ehtiyotkorlik bilan o‘tkazilishi kerak.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.



Dozani oshirib yuborilishi

Simptomlari ko‘ngil aynishi, qusish, diareya.
Davolash darhol me'dani yuvish va simptomatik davolash. Gemodializ va peritoneal dializ klaritromitsinni qon zardobidagi darajasini ahamiyatli o‘zgarishga olib kelmaydi.


Chiqarilish shakli

Qobiq bilan qoplangan tabletkalar 250 mg va 500 mg dan.


Saqlash sharoiti

Quruq, yorug‘likdan himoyalangan joyda, 15oS – 30oS dan yuqori bo‘lmagan haroratda saqlansin.

Yaroqlilikmuddati
3 yil.

Dorixonalardanberish tartibi
Retsept bo‘yicha.


Ishlab chiqaruvchi

“Adjanta Farma Limited”
Adjanta Xaus,Charkop,
Kandivili (V), Mumbay 400067, Hindiston.