Preparatning savdo nomi
Klavomed
Ta'sir etuvchi moddalar (XPN) amoksitsillin va klavulan kislotasi

Dori shakli
ichga qabul qilish uchun suspenziya tayyorlash uchun kukun.

Tarkibi

Klavomed 156,25 mg/5 ml suspenziyaning 5 ml quyidagilarni saqlaydi
faol moddalar
143,50 mg amoksitsillin trigidrati – 125,0 mg amoksitsillinga ekvivalent;
37,18 mg kaliy klavulanati – 31,25 mg klavulan kislotasiga ekvivalent;
Klavomed 312,5 mg/5 ml suspenziyaning 5 ml quyidagilarni saqlaydi
faol moddalar
287,01 mg amoksitsillin trigidrati – 250,0 mg amoksitsillinga ekvivalent;
74,37 mg kaliy klavulanati – 62,50 mg klavulan kislotasiga ekvivalent;
yordamchi moddalar natriy saxarinati, natriy benzoati, suvsiz limon kislotasi, suvsiz natriy sitrati, ksantan kamedi, kremniy dioksidi, kolloid kremniy angidridi, mikrokristall sellyuloza, “Olcha” aromatizatori, mannitol.
Ta'rifi shirin ta'mli va meva hidli oq rangli kukun yoki granulalangan kukun.

Farmakoterapevtik guruhi
beta-laktamazalar ingibitori klavulan kislotasini saqlovchi yarimsintetik penitsillinlar guruhi mansub bo‘lgan keng ta'sir doirali antibiotik.
ATX kodi J01CR02


Farmakologik xususiyatlari


Farmakodinamika
si
Klavomed suspenziyasi keng antibakterial faollikka ega bo‘lgan yarimsintetik penitsillin – amoksitsillin, beta-laktamazalarning qaytmas ingibitori – klavulan kislotasining majmuasidir. Klavulan kislotasi ko‘rsatilgan fermentlar bilan barqaror faolsizlantirilgan kompleks hosil qiladi va amoksitsillinning antibakterial faolligini, xam asosiy qo‘zg‘atuvchilar va kopatogenlar, xam shartli patogen mikroorganizmlar tomonidan -laktamazalarni ishlab chiqarilishi oqibatida yo‘qolishidan himoya qiladi.
Klavulan kislotasining o‘zi kuchsiz antibakterial faollikka ega.
Amoksitsillin keng antibakterial ta'sir doirasiga ega. Amoksitsillinga chidamli shtammlarga nisbatan ham, -laktamaza ishlab chiqaradigan shtammlarga nisbatan ham faol
Grammusbat aeroblar S. pneumonia, S. pyogenes, S. viridans, S. bovis, S. aureus i S. yepidermidis, Enterococcus spp., Listeria spp;
Grammanfiy aeroblar Haemophilus influenzae, Moraxella catarrhalis, E. coli, Proteus spp.,Klebsiella spp., N. gonorrhoeae, N. meningitidis, Pasteurella multocida;
Anaeroblar Bacteroides spp., Clostridium spp., Peptococcus spp., Peptostreptococcus spp., Actinomyces israelli.

Farmakokinetikasi

Amoksitsillin va klavulan kislotasining asosiy farmakokinetik ko‘rsatkichlari o‘xshash. Har ikkala komponent xam ichga qabul qilinganidan so‘ng yaxshi so‘riladi; ovqat qabul qilish so‘rilish darajasiga ta'sir qilmaydi. Plazmada cho‘qqi kontsentratsiyasiga qabul qilingandan so‘ng taxminan 1 soatdan keyin erishiladi.
Har ikkala komponenti organizmning suyuqliklari va to‘qimalariga (o‘pka, o‘rta quloq, plevral va peritoneal suyuqlik, bachadon, tuxumdonlar va boshq.) yaxshi taqsimlanish hajmi bilan xarakterlanadi. Amoksitsillin shuningdek sinovial suyuqlik, jigar, prostata bezi, tanglay murtaklari, mushak to‘qimasi, o‘t pufagi, burunning yondosh bo‘shliqlari sekreti, so‘lak va bronxial sekretga ham o‘tadi.
Amoksitsillin va klavulan kislotasi bosh miya pardalari yallig‘lanmaganida gematoentsefalik to‘siq orqali o‘tmaydi.
Amoksitsillin va klavulan kislotasi yo‘ldosh to‘sig‘i orqali o‘tadi va ko‘krak sutiga juda kam miqdorda o‘tadi.
Amoksitsillin va klavulan kislotasi plazma oqsillari bilan bog‘lanishi juda kuchsizligi bilan xarakterlanadi.
Amoksitsillin qisman metabolizmga uchraydi, klavulan kislotasi jadal metabolizmga uchraydi.
Amoksitsillin deyarli o‘zgarmagan holatda naychalar sekretsiyasi va kalavalar filtratsiyasi yo‘li bilan buyraklar orqali chiqariladi. Klavulan kislotasi qisman metabolitlar ko‘rinishida kalavalar filtratsiyasi yo‘li bilan chiqariladi. Katta bo‘lmagan miqdori ichak va o‘pkalar orqali chiqarilishi mumkin. Amoksitsillin va klavulan kislotasining yarim chiqarilish davri 1-1,5 soatni tashkil etadi. Og‘ir darajadagi buyrak yetishmovchiligi bo‘lgan patsiyentlarda yarim chiqarilish davri amoksitsillin uchun 7,5 soatgacha va klavulan kislotasi uchun 4,5 soatgacha uzayadi.
Har ikkala komponenti gemodializ va minimal darajada peritoneal dializ yordamida organizmdan chiqariladi.


Qo‘llanilishi

Klavomed suspenziyasi amoksitsillin / klavulan kislotasining majmuasiga sezgir shtammlar chaqirgan quyidagi infektsiyalarni davolash uchun mo‘ljallangan
-yuqori nafas yo‘llarining infektsiyalari (o‘tkir va surunkali sinusit, o‘tkir va surunkali o‘rta quloq otiti, tonzillofaringit);
-quyi nafas yo‘llarining infektsiyalari (o‘tkir va surunkali bronxitlar va pnevmoniya, plevra empiyemasi);
-siydik chiqarish yo‘llarining infektsiyalari (shu jumladan sistitlar, uretritlar, piyelonefritlar);
-ginekologiyadagi infektsiyalar (shu jumladan salpingit, salpingooforit, endometrit, septik abort, pelvioperitonit);
-suyak va biriktiruvchi to‘qimalarning infektsiyalari (shu jumladan surunkali osteomiyelit);
-teri va yumshoq to‘qimalarning infektsiyalari (shu jumladan flegmona, jarohat infektsiyasi);
-o‘t yo‘llarining infektsiyalari (xoletsistit, xolangit);
-jinsiy yo‘llar bilan yuqadigan kasalliklar (gonoreya, shankroid);
-odontogen infektsiyalar;
-jarrohlik aralashuvlaridan keyingi infektsiyalarni oldini olish uchun qo‘llanadi.


Qo‘llash usuli va dozalari

Ichga qabul qilinadi.
Yangi tug‘ilgan chaqaloqlar va 3 oylikkacha bo‘lgan bolalar uchun standart doza sutkada tana vazniga 30 mg (amoksitsillin)/kg ni tashkil etadi, 2 ga bo‘lib qabul qilinadi.
3 oylikdan va undan oshgan (tana vazni 40 kg dan kam bo‘lgan) bolalar


O‘rtacha darajadagi infektsiyaOg‘ir darajadagi infektsiya
Sutkalik doza 20 mg/kg 40 mg/kg
Dozalash o‘rtasidagi oraliq 8 soat 8 soat

Tana vazniga qarab standart dozalash
Patsiyentning yoshi va tana vazni Dozalari
156,25 mg/5 ml312,5 mg/5 ml
Tana vazni 29-31 kg bo‘lgan 10-12 yoshdagi bolalar 15 ml dan sutkada 3 marta 7,5 ml dan sutkada 3 marta
Tana vazni 19-28 kg bo‘lgan 6-9 yoshdagi bolalar10 ml dan sutkada 3 marta 5 ml dan sutkada 3 marta
Tana vazni 10-18 kg bo‘lgan 1 yoshdan 5 yoshgacha bo‘lgan bolalar5 ml dan sutkada 3 marta 2,5 ml dan sutkada 3 marta
3 oylikdan 1 yoshgacha bo‘lgan bolalar
tana vazni 5-9 kg
tana vazni 2-4 kg

2,5 ml dan sutkada 3 marta
2,5 ml dan sutkada 1-2 marta

To‘g‘ri dozalashni osonlashtirish uchun har bir o‘ramiga o‘lchov (dozalash) qalpoqchasi joylangan.
Amoksitsilinning maksimal sutkalik dozasi kattalar uchun 6 g va bolalar uchun tana vazniga 45 mg/kg ni tashkil etadi.
Klavulan kislotasining maksimal sutkalik dozasi (kaliyli tuzi shaklida) kattalar uchun 600 mg va bolalar uchun tana vazniga 10 mg/kg ni tashkil etadi.
Og‘ir darajadagi buyrak yetishmovchiligi (kreatinin klirensi minutiga 10-30 ml) bo‘lgan patsiyentlar uchun preparatning dozasini adekvat ravishda pasaytirish yoki dozalash o‘rtasidagi oraliqni uzaytirish kerak
Kreatinin klirensi > 3030-10< 10
Dozalash o‘rtasidagi oraliq 8 soat12 soat24 soat

Klavomed suspenziyasi bilan davolash 14 kungacha davom etishi mumkin, bundan keyin bemorni shifokorga ko‘rsatish kerak.
Suspenziyani tayyorlash
Kukunga 80 ml qaynatib sovutilgan suv ikkiga bo‘lib (flakondagi riskagacha) qo‘shiladi va suv har safar qo‘shilganidan so‘ng yaxshilab chayqatiladi.
80 ml hajmdagi suspenziya quyidagi dozalarda hosil bo‘ladi
156,25 mg/5 ml suspenziya 5 ml suspenziyada 125 mg amoksitsillin va 31,25 mg klavulan kislotasi bo‘ladi;
312,5 mg/5 ml suspenziya 5 ml suspenziyada 250 mg amoksitsillin va 62,50 mg klavulan kislotasi bo‘ladi;
Har safar suspenziyani iste'mol qilishdan oldin chayqating!

Nojo‘ya ta'sirlari
Ko‘pchilik hollarda nojo‘ya ta'sirlar kuchsiz ifodalanadi va o‘tkinchi bo‘ladi. Qayd etilgan nojo‘ya samaralar ichida boshqalarga nisbatan me'da-ichak yo‘llari tomonidan buzilishlar (ishtahani yo‘qolishi, ko‘ngil aynishi, qusish, diareya) kuzatilgan. Bunday noxush samaralardan Klavomed suspenziyasini ovqat vaqtida qabul qilish bilan saqlanish mumkin.
Allergik reaktsiyalar (qichishish, teri toshmalari) yuz berishi mumkin, sezuvchan patsiyentlarda zudlik bilan kechuvchi o‘ta yuqori sezuvchanlik reaktsiyalari rivojlanishi mumkin. Juda kam hollarda transaminazalarning darajasini tranzitor oshishi kuzatilishi mumkin.
Xolestatik sariqlik, gepatit, jigar faoliyatini buzilishini rivojlanganligi yuzasidan yagona xabarlar bor.


Qo‘llash mumkin bo‘lmagan holatlar

-penitsillin antibiotiklariga yuqori sezuvchanlik;
-xolestatik sariqlik yoki gepatit;
-jigar yetishmovchiligi;
-infektsion mononukleoz, limfoleykozda qo‘llash mumkin emas.

Dorilarning o‘zaro ta'siri
Klavomed suspenziyasi va metotreksatni bir vaqtda qo‘llash metotreksatning toksikligini oshiradi. Allopurinol bilan birga buyurilishi ekzantemalarni paydo bo‘lishi tezligini oshiradi.
Ayrim hollarda Klavomed suspenziyasi protrombin vaqtini uzaytirishi mumkin, shu sababli antikoagulyantlar va Klavomed bir vaqtda buyurilganida ehtiyotkorlikka rioya qilish kerak.
Disulfiram bilan bir vaqtda qo‘llashdan saqlanish lozim.
Klavomed suspenziyasining samaradorligi pasayishi mumkinligi sababli, Klavomed suspenziyani bakteriostatik antibiotiklar (makrolidlar, tetratsiklinlar) bilan majmuada qo‘llash mumkin emas.
Rifampitsin bilan majmuada antagonistik ta'sir ko‘rsatadi.
Antibiotiklar peroral kontratseptivlarning samaradorligini pasaytirishi ko‘rsatilgan.
Probenetsid amoksitsillinning zardobdagi kontsentratsiyasini oshirib, chiqarilishini pasaytiradi.
Laborator tahlillar
Klavomed suspenziyani og‘iz orqali qabul qilish siydikda amoksitsillinni paydo bo‘lishiga olib keladi. Amoksitsillinning yuqori kontsentratsiyalari Benedik reaktivi yoki Felling eritmasi yordamida siydikda glyukozani aniqlash reaktsiyasiga soxta musbat natija beradi. Glyukozooksidaza yordamida o‘tkaziladigan fermentativ reaktsiyalardan foydalanish tavsiya etiladi.


Maxsus ko‘rsatmalar

Kesishgan sezuvchanlik rivojlanishi mumkinligi tufayli, sefalosporinlarga allergik reaktsiyalari bo‘lgan patsiyentlarga ehtiyotkorlik bilan buyuriladi.
Jigar faoliyatini og‘ir darajadagi buzilishlari bo‘lgan patsiyentlarga Klavomedni ehtiyotkorlik bilan buyurish kerak.
Buyrak faoliyatini og‘ir darajadagi buzilishlari bo‘lgan patsiyentlarda preparatning dozasiga adekvat tuzatish kiritish yoki dozalash o‘rtasidagi oraliqlarni uzaytirish talab etiladi.
Infektsion mononukleoz va limfoleykoz bilan xastalangan, ampitsillin olgan patsiyentlarning katta miqdorida eritematoz toshmalarni paydo bo‘lishi kuzatilganligi sababli, bunday patsiyentlar uchun ampitsillin guruhi antibiotiklarini qo‘llash tavsiya etilmaydi.
Homiladorlikda va emizish davrida qo‘llanishi
Amoksitsillin xam, klavulan kislotasi ham oz miqdorda ko‘krak sutiga o‘tadi, shuning uchun Klavomed suspenziyasi bilan davolanish davrida emizishni to‘xtatish kerak.
Klamoved suspenziyasini homiladorlik vaqtida, agar ona uchun davolashdan kutilayotgan foyda homila uchun kuzatilishi mumkin bo‘lgan xavfdan ustun bo‘lgan hollardagina qo‘llash mumkin.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Klavomed suspenziyasining dozasi oshirib yuborilishi oqibatida o‘lim holatlari yoki hayot uchun havf tug‘diruvchi nojo‘ya samaralar rivojlanganligi yuzasidan xabarlar yo‘q.
Dozasi oshirib yuborilganida patsiyent nazorat ostida bo‘lishi kerak, davolash simptomatik.
Ko‘pchilik hollarda dozani oshirib yuborilish simptomlari MIY tomonidan buzilishlar (qorinda og‘riq, diareya, qusish) ni o‘z ichiga oladi.
Preparat yaqin vaqtda (4 soatdan kam) qabul qilingan bo‘lsa, uning so‘rilishini kamaytirish uchun Klavomed suspenziyasini MIY dan me'dani yuvish bilan chiqarish, keyinchalik faollashtirilgan ko‘mir qabul qilish mumkin. Amoksitsillin / klavunat kaliy gemodializ yordamida chiqariladi.


Chiqarilish shakli

Ichga qabul qilish uchun supenziya tayyorlash uchun kukun 156,25 mg/5 ml va 312,5 mg/5 ml.
80 ml dan dozalash uchun plastik qalpoqchasi bo‘lgan to‘q rangli shisha flakonda. 1 flakon qo‘llash bo‘yicha yo‘riqnomasi bilan birga karton qutiga joylangan.


Saqlash sharoiti

Quruq joyda, 25oS dan yuqori bo‘lmagan haroratda saqlansin.
Tayyor suspenziyani 10oS dan yuqori bo‘lmagan haroratda saqlash va 7 kun davomida ishlatish kerak.


Yaroqlilik muddati

3 yil.


Dorixonalardan berish tartibi

Shifokor retsepti bo‘yicha.


Ishlab chiqaruvchi

“Sedico Pharmaceutical Co.”,
6th of October City, First Industrial Zone, Egypt.
«Sediko Farmasyutikal Ko.»,
Siks ov Oktober Siti, Birinchi ishlab chiqarish zonasi, Misr.

«Uorld Meditsin», Angliya
(“World Medicine”, England)
uchun ishlab chiqarilgan.