Preparatning savdo nomi
Klindabioks
Ta'sir qiluvchi modda (XPN) klindamitsin (clindamycin)

Dori shakli
vaginal suppozitoriylar

Tarkibi

1 vaginal suppozitoriy quyidagilarni saqlaydi
Faol modda 100 mg klindamitsin (klindamitsin fosfati ko‘rinishida);
Yordamchi moddalar qattiq yog‘.
Ta'rifi oq yoki sarg‘ish tusli oq rangli, silindrokonik shaklli suppozitoriylar. Kesimida havoli va g‘ovak o‘qi va voronkasimon chuqurchasi bo‘lishiga yo‘l qo‘yiladi.

Farmakoterapevtik guruhi
Ginekologik kasalliklarni davolash uchun antiseptiklar va mikroblarga qarshi preparatlar (kortikosteroidlar bilan majmuasi mustasno). Antibiotiklar.
ATX kodi G01AA10.


Farmakologik xususiyatlari

Klindamitsin linkozamidlar guruhi antibiotiklariga kiradi. Ribosomal membrananing 50S subbirligi bilan bog‘lanishi hisobiga mikrob xujayrasida oqsillar sintezini ingibirlaydi. Klindamitsin keng ta'sir doirasiga ega, terapevtik dozalarda bakteriostatik ta'sir ko‘rsatadi, yuqori dozalarda mikroorganizmlarning sezgir shtammlariga bakteritsid ta'sir ko‘rsatadi. Klindamitsin ko‘pchilik grammusbat aeroblar, shuningdek grammusbat va grammanfiy anaeroblarga nisbatan faol. In vitro sharoitida bakterial vaginozga olib keluvchi mikroorganizmlarga nisbatan, shu jumladan Gardnerella vaginalis, Mobiluncus spp. (Mobiluncus mulieris, Mobiluncus curtisii), Mycoplasma hominis va Peptostreptococcus spp., Bacteroides spp. ga nisbatan faol.
Klindamitsin va linkomitsin o‘rtasida kesishgan rezistentlik mavjud.


Farmakokinetikasi

Klindamitsinni 100 mg dozada (1 suppozitoriy) ketma-ket 3 kun davomida sutkada bir marta intravaginal qo‘llanganda, tizimli qon oqimiga taxminan 30% (6-70%) modda so‘riladi.
Vaginal suppozitoriylarni yuborilganidan keyin klindamitsinning tizimli ta'siri, klindamitsinni ichga terapevtik dozasi yuborilganiga qaraganda kuchsizroq.
Yo‘ldosh va gistologik to‘siqlardan yaxshi o‘tadi, gematoentsefalik to‘siq (GET) orqali yomon o‘tadi. So‘rilgan klindamitsinning taxminan 90% plazma oqsillari bilan bog‘lanadi. Jigarda metabolizmga uchraydi, va faol va nofaol metabolitlar hosil bo‘ladi. Yarim chiqarilish davri 11 soat (4-35 soat) ni tashkil qiladi. Dozaning taxminan 10% siydik bilan va taxminan 4% ahlat bilan chiqariladi.


Qo‘llanilishi

Preparatga sezgir mikroorganizmlar chaqirgan bakterial vaginozda qo‘llanadi.



Qo‘llash usuli va dozalari

Intravaginal, yotgan holatda iloji boricha chuqurroq yuboriladi.
Bir suppozitoriydan sutkada 1 marta, bevosita uyqudan oldin, ketma-ket 3 kun davomida yuboriladi.

Nojo‘ya ta'sirlari
Infektsiyalar tez-tez - vaginal kandidoz; tez-tez emas – zamburug‘li infektsiyalar, piyelonefrit, vaginitlar/ vaginal infektsiyalar, kandidoz.
Nerv tizimi tomonidan tez-tez emas – bosh og‘rig‘i.
Me'da-ichak yo‘llari a'zolari tomonidan tez-tez emas – qorinda spazmlar, diareya, ko‘ngil aynishi, qorinda og‘riq, qusish.
Teri qoplamalari tomonidan tez-tez emas – terini qichishishi, toshma.
Buyrak va siydik chiqarish yo‘llari tomonidan tez-tez emas - dizuriya.
Jinsiy tizim tomonidan tez-tez – qinda og‘riq, vulva va qin shilliq qavatini ta'sirlanishi; tez-tez emas – hayz ko‘rish siklini buzilishlari, qindan ajralmalar.
Umumiy va yuborish joyida buzilishlar tez-tez emas – qo‘llangan joyda og‘riq, isitma, yoyilgan og‘riq, mahalliy shish.


Qo‘llash mumkin bo‘lmagan holatlar

- Klindamitsinga, linkomitsinga yoki preparatning boshqa komponentlariga o‘ta yuqori sezuvchanlik;
- anamnezda antibiotikni qabul qilish bilan bog‘liq kolit;
- homiladorlikning I uch oyligi.

Dorilarning o‘zaro ta'siri
Boshqa dori vositalari bilan o‘zaro ta'siri to‘g‘risida ma'lumotlar yo‘q.
In vitro sharoitida klindamitsin va eritromitsin orasida antagonistik o‘zaro ta'sir namoyish etilgan.
Klindamitsin periferik ta'sirga ega miorelaksantlarning ta'sirini kuchaytirishi mumkin.
Tizimli qo‘llanganda klindamitsin fosfati nerv mushak blokatorining xususiyatlarga ega, bu boshqa nerv mushak blokatorlarining ta'sirini kuchaytirishi mumkin.


Maxsus ko‘rsatmalar

Homiladorlik va laktatsiya davrida qo‘llanishi
Preparatni homiladorlikning I uch oyligida qo‘llash tavsiya qilinmaydi, chunki preparatni homiladorlikning I uch oyligida qo‘llash bo‘yicha adekvat va nazoratli tadqiqotlar o‘tkazilmagan.
Preparatni homiladorlikning II va III uch oyliklarida, qat'iy zarurat tug‘ilgan hollarda, faqat ona uchun kutilayotgan foyda homila uchun potentsial xavfdan ustun bo‘lgandagina qo‘llash mumkin.
Klindamitsin fosfatini intravaginal qo‘llangandan keyin klindamitsin ko‘krak sutiga chiqarilishi noma'lum (peroral va parenteral qo‘llanganda klindamitsin ko‘krak sutiga chiqariladi), shuning uchun emizish davrida preparatni faqat ona uchun kutilayotgan foyda chaqaloq potentsial xavfdan ustun bo‘lgandagina buyurish mumkin.
Avtomobil yoki mexanizmlarni boshqarish qobiliyatiga ta'siri
Preparat avtotransportni haydash va potentsial xavfli mexanizmlarni boshqarish qobiliyatiga ta'sir ko‘rsatmaydi.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.



Dozani oshirib yuborilishi

Preparatni qo‘llash yuzasidan tavsiyalarga amal qilinganda dozani oshirib yuborilishi hollari ma'lum emas. Preparatni behosdan ichga qabul qilib yuborilganda, klindamitsinning qondagi terapevtik kontsentratsiyalari bilan bog‘liq samaralar yuz berishi mumkin.
Davolash simptomatik davolash o‘tkaziladi.


Chiqarilish shakli

Vaginal suppozitoriylar 100 mg. 3 suppozitoriydan PVX/PE plyonka kontur uyali o‘ramda. 1 kontur uyali o‘ramdan № 3 qo‘llash bo‘yicha yo‘riqnomasi bilan birga karton o‘ramda.


Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin. Muzlatilmasin.


Yaroqlilik muddati

3 yil.


Dorixonalardan berish tartibi

Shifokor retsepti bo‘yicha.


Ishlab chiqaruvchi
ning nomi va manzili
«FARMAPRIM» MChJ
Porumben qish., Kriulen rayoni, Krinilor ko‘ch., 5
Moldova Respublikasi, MD-4829,
www.farmaprim.md