Sefazolin - AKOS natriya in'ektsiya uchun eritma tayyorlash uchun kukun1,0g№1, flakon (Sintez)

Preparatning savdo nomi

Sefazolin
Ta'sir etuvchi modda (XPN) cefazolin

Dori shakli

in'ektsiya uchun eritma tayyorlash uchun kukun.

Tarkibi

1 flakon sefazolinga qayta hisoblanganda 1,0 g sefazolinning steril natriyli tuzini saqlaydi.
Ta'rifi oq yoki deyarli oq rangli, juda gigroskopik kukun

Farmakoterapevtik guruhi

. Tizimli qo‘llash uchun mikroblarga qarshi vositalar. Beta-laktam antibiotiklari. Birinchi avlod sefalosporinlari.
ATX kodi J01DB04.

Farmakologik xususiyatlari

Farmakodinamika

Sefazolin parenteral qo‘llaniluvchi yarimsintetik antibiotiklarning birinchi avlod sefalosporinlar guruxiga kiradi. Bakteriya xujayralar devorida mukopeptid biosintezini blokadalash, transpeptidaza fermentini taxqirlash orqali antimikrob mexanizmiga ega. Preparat keng bakteriotsid ta'sirga ega bo‘lib, ko‘pgina grammusbat va grammanfiy mikrooganizmlarga nisbatan samarali bo‘lib, penitsillinaza ishlab chiqaruvchi va ishlab chiqarmaydiganlari xam shular jumlasidan. Ko‘pgina grammusbat mikroorganizmlarga Escherichia coli, Proteus mirabilis, Salmonella spp., Shigella spp., Klebsiella spp. (v tom chisle Klebsiella pneumoniae), Enterobacter spp., Haemophilus influenzae, Neisseria gonorrhoeae, Neisseria meningitidis, Treponema spp., Leptospira spp nisbatan yuqorifaol. Grammusbat mikroorganizmlarga, xususan Staphylococcus spp., Streptococcus spp. (shu jumladan Streptococcus pneumoniae), Corynebacterium diphtheriae, Bacillus anthracis nisbatan faol. Ko‘pgina indolmusbat shtammlar Proteus (Proteus vulgaris), shu jumladan Enterobacter cloacae, Morganella morganii, Providencia rettgeri, Serratia spp., Pseudomonas spp., Acinetobacter spp., shu jumladan anaerob kokkilar Peptococcus spp., Peptostreptococcus spp., shu jumladan V. fragilis., sefazolinga nisbatan rezistent. Soddalar, zamburug‘lar, viruslar va rikketsilarga ta'sir qilmaydi.

Farmakokinetikasi

Sefazolin tez so‘riladi. Mushak ichiga 0,5 g dozada yuborilganida 60 daqiqadan keyin qon plazmasida37 mkg/ml 8 soatdan keyin 3 mgk/ml, 1,0 g dozada esa 60 daqiqada 64 mkg/ml va 8 soatdan so‘ng 7 mkg/ml tashkil qiladi.
1,0 g dozada vena orqali yuborilganda maksimal kontsentratsiyasi darxol aniqlanib, yuborilgandan so‘ng 185 mkg/ml ni 8 soatdan keyin 4 mkg/ml ni tashkil qiladi. Bakteritsid kontsentratsiyasi 8-12 soat davomida qonda saqlanib turadi. To‘qimalar va organizm suyuqliklariga yaxshi kirib boradi va terapevtik kontsentratsiyada shilliq pardalar, balg‘am, suyak to‘qimalari, orqa miya suyuqligida, yoldosh tusig‘i orqali xam o‘tib, juda kam miqdorda ko‘krak sutidaaniqlanadi.Preparat qon plazmasidagi 90% oqsillar bilan bog‘lanadi. Organizmdan o‘zgarmagan xolatda ( 90% atrofida) peshob bilan chiqariladi. Boshlang‘ich 6 soatda taxminan 60% preparat peshob bilan chiqarilib, 24 soatdan so‘ng chiqarilish foyizi 70-80% ni tashkil qiladi. 0,5 g va 1,0 g dozalarda qo‘llanilganida peshobdagi yuqori kontsentratsiyasi taxminan 2,4 mkg/ml va 4,0 mkg/ml muvofiq ravishda tashkil etadi. Preparat sezilarsiz miqdorda jigarda metabolizmga uchrab, safro orqali chiqariladi.
Mushak orqali yubrilganda yarim chiqarilish davri 2 soat atrofini, vena orqali yuborilganda 1,8 soatni takil qiladi. Buyrak faoliyati buzilganda yarim chiqarilish davri 3-42 soatni tashkil qiladi.

Qo‘llanilishi

Preparatga sezgir mikroorganizmlar tomonidan chaqirilgan quyidagi infektsiyalarda
- nafas yo‘llarining infektsiyalari;
- siydik chiqarish tizimining infektsiyalari;
- teri va yumshoq to‘qimalarning infektsiyalari;
- safro chiqarish yo‘llarining infektsiyalari;
- suyaklar va bo‘g‘imlarning infektsiyalari;
- tanosil tizim infektsiyalari ( prostatit, epididimit va xokozolar)
- septitsemiya,
- endokardit;
- jarrohlikda infektsiyalari, oldi-, o‘rta- va jarroxlik amaliyotidan so‘ng qo‘llaniladi.

Qo‘llash usuli va dozalari

Sefazolin qo‘llash bilan davolashni boshlashdan oldin teri sinamasini o‘tkazib, patsiyentda antibiotikka yuqori sezuvchanlik borligini istisno qilish kerak.
Sefazolin mushak ichiga yoki vena ichiga (oqim bilan yoki tomchilab) yuboriladi.
Sefazolinni intratekal yuborish mumkin emas.
In'ektsiya va infuziya uchun eritmalarni tayyorlash
Mushak ichiga yuborish uchun flakon tarkibini 4-5 ml in'ektsiya uchun suv yoki 0,9% natriy xlorid bilan butkul eriganiga qadar chayqatiladi. Yuqori kvadratdagi katta dumba mushaklariga chuqur kiritiladi. Vena ichiga oqimli yuborish uchun preparatning bir marotabalik dozasi 10 ml 0,9% natriy xlorid yoki steril in'ektsiya uchun suvda eritib, 3-5 daqiqa davomida sekin yuboriladi. Vena ichiga tomchilab yuborish uchun 0,5-1 g preparatni 50-100 ml in'ektsiya uchun suv yoki 0,9% natriy xlorid eritmasida, yoki quyidagi 5% glyukoza eritmasi, 10 % glyukoza eritmasi, infuziya uchun laktat natriy eritmasidagi 5% glyukoza eritmasi, 5% glyukozaning infuzion eritmasidagi 0,45 % natriy xlorid eritmasi, 5% laktan natriy yoki 10% in'ektsiya uchun suvda invertirlangan shakar, laktatli yoki laktatsiz in'ektsiya uchun Ringer eritmasi qo‘llaniladi.Infuziyani 20-30 daqiqa davomida (yuborish tezligi 60-80 tomchi/min.) yuboriladi. Suyultirilayotgan vaqitda to‘liq eriganiga qadar flakon kuchli chayqatiladi. Vena orqali yuborilganda kunlik doza mushak orqali yuborilgandagi kabidir.
Dozalash
Kattalar uchun odatdagi dozalari
Sefazolinning o‘rtacha sutkalik dozasi 1-4 g, maksimal sutkali doza-6 g.
Sefazolinni kattalarda jarroxlik muolajalaridan keyingi infektsiyalarni oldini olish uchun vena orqali yoki mushak orqali yuborish
- jarroxlik muolajasidan oldin 0,5-1 soat oldin 1 g doza
- davomiy jarroxlik muolajasida ( 2 soat va undan ortiq) qo‘shimcha 0,5-1 g jarroxlik davomida
- jarroxlik muolajasidan so‘ng dastlabki 24 soat davomida xar 6-8 soatda 0,5-1 g dozadan
Ba'zi xollarda ( masalan; yurakda ochiq jarroxlik, bo‘g‘inlarda protezlash) so‘ng sefazolinni profilaktika vositasida qo‘llash jarroxlik amaliyotidan so‘ng 3-5 kun davom ettirilishi mumkin.
1 oylikdan katta bolalarga. Sutkasiga 20-50 mg/kg dozada buyurilib, 3-4 marotabaga teng qisimdan bo‘lib yuboriladi, og‘ir infektsiyalarda sutkasiga 90-100 mg/kg (maksimal doza). Preparat bilan o‘rtacha davolash 7-10 kunni tashkil qiladi.
Nojo‘ya ta'sirlari
Immun tizimi tomonidan teri toshmasi, qichishish, teri qizarishi, dermatit, eshakemi, dori-darmon bezgagi, angionevrotik shishish, anafilaktik shok, ekssudativ mulьtiform eritema, Stivens-Djonson sindromi, toksik epidermal nekroliz(Layell sindromi), eozinofiliya, artralgiya, zardob kasalligi, bronxospazm.
Limfatik va qon yaratish tizimi tomonidan leykopeniya xolatlari xaqida xabarlar berilgan, agranulotsitoz, neytropeniya, limfopeniya, gemolitik anemiya, aplastik anemiya, trombotsitopeniya/trombotsitoz, gipoprotrombinemiya, gematokritning susayishi, tromb xosil bo‘lish vaqtini uzayishi, pantsitopeniya.
ovqat hazm qilish tizimi tomonidananoreksiya, ko‘ngil aynishi, qusish, qorinda og‘riq, diareya, metiorizm, davolash davrida yoki davolashdan so‘ng psevdomembranoz kolit alomatlari, uzoq muddat qo‘llanilganda disbakterioz yuzaga kelishi mumkin, ovqat xazim qilish tizimi kandidamikozi(stomatit kandidozi shu jumladan)
Gepatobiliar tizimi tomonidankam xollarda ishqoriy fosfataza va ALT, AST tranzitor oshishi kuzatiladi, tranzitor gepatit va xolestatik sariqlik, giperbilirubinemiya.
Siydik chiqarish tizimi tomonidan buyrak yetishmovchiligini klinik belgilarsiz (qonda tranzitor mochevina azotini oshishi, giperkreatininemiya) buyrak faoliyatini buzilishi. Kamdan kam interstitsial nefrit va boshqa buyrak faoliyatini buzilishi (nefropati , buyrak kanallar nekrozi, buyrak yetishmovchiligi) xaqida ma'lumotlar berilgan.
Nevrologik buzilishlar bosh og‘rig‘i, bosh aylanishi, paresteziya, xavotirlik xolati, xis-xayajon kuchayishi, o‘ta faollik, tirishish.
mahalliy reaktsiyalar og‘riq, yuborilgan joyda qattiqlashishi, shishishi, vena ichiga yuborilganda flebit xolatlari belgilangan.
Boshqa nojo‘ya ta'sirlar umumiy xolsizlik, terini oqarishi, taxikardiya, gemorragiyalar. Kam xollarda antogenital qichish, genital kandidoz va vaginit xosil bo‘lish extimoli bor. Kumbs qoniqarli testi. Uzoq vaqt qo‘llanilganida preparatga chidamli qo‘zg‘atuvchi tomonidan superinfektsiya rivojlonishi mumkin.

Qo‘llash mumkin bo‘lmagan holatlar

- Antibiotiklar va boshqa sefalosporinlar qatoriga mansub va/yoki β-loktal antibiotiklarga yuqori sezuvchanlik;

Dozani oshirib yuborilishi

Alomatlari bosh aylanishini, bosh og‘rig‘i va paresteziyalar, surunkali buyrak yetishmovchiligi bo‘lgan bemorlarda allergik reaktsiyalar, neyrotoksik ko‘rinishlar paydo bo‘lishi mumkin, bunda tirishishga yuqori tayyorlik, yoyilgan kloniko-tonik tirishishlar, qusish va taxikardiya kuzatiladi. Quyidagi laboratoriya ko‘rsatkichlarida kreatin miqdori oshishi, qondagi mochevina azoti, jigar fermentlari va billirubin, musbat Kumbs testi, trombotsitoz/trombotsitopeniya, eozinofiliya, leykopeniya, protrombin vaqtini uzayishi kabi o‘zgarishlar kuzatilishi mumkin.
Davolash preparatni qo‘llash to‘xtatiladi, zarur xollarda tirishishga qarshi, desensibillovchi terapiya o‘tkaziladi. Dozani oshirib yuborish tufayli xosil bo‘luvchi og‘ir xollarda qo‘llovchi terapiya, gematologik monitoring, buyrak, jigar funktsiyalari, qon ivish tizimlari bemor xolati yaxshilanganiga qadar nazorat qilish tavsiya etiladi. Preparat organizmdan gemodializ orqali chiqariladi; peritoneal dializ kam samarali.

Chiqarilish shakli

1,0 g dan flakonlarda; 10 flakon qutida.

Saqlash sharoiti

Original o‘ramda, 25°C dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

«Aktsionernoye Kurganskoye obshestvo meditsinskix preparatov i izdeliy «Sintez» Ochiq aktsionerlik jamiyati («Sintez» OAJ)
640008, Rossiya, Kurgan sh., Konstitutsiya prospekti, 7.
Tel/faks (3522) 48-16-89 .